((تويوتا كورولا 2014)) ولا ((اوبل استرا سيدان 2013)) !!!!

[redshot]

السلام عليكم

انا مقدم علي شراء سيارة باذن الله و محتار جدا بين التويوتا كورولا 2014 فئه اولي اوتوماتك ب 175 الف و الاوبل استرا سيدان 2013 انجوي 172 الف ارجو المساعده من اهل الخبره لاني ناوي اشتري خلال الاسبوع القادم باذن الله ...

[M I D O]

بميل دائما للالماني

[shaddadfalcon1]

انا شايف ان الأسترا افخم واحلي

انا شفت الكورولا في الواقع مش قوي يعني تحس انها بقت اصغر وبقت شبابيه قوي

[Maghraby1987]

بفضل الاسترا بردو (مجرد راي)

[mohamed haggag]

الكورولا طبعا -- صيانة اسهل - اعادة بيع اعلي - قوة تحمل للبهدلة - قطع غيار ارخص -

لو كنا في بلد تانية غير مصر كنت قولتلك الاسترا ,, لكن مصر ليها معايير اخري

[janagabr]

معايا الكوزمو ومريحاني الحمد لله بس الكورولا برده كويسه وربنا يوفقك للخير

[Ahmed TRAVCO]

انا شايف ان (شكل) الكورولا الجديدة احلى من الاسترا... واعتقد ان الكورولا برضع هتكون اوسع من الاسترا اللي انا شايف انها ضيقة... في المقابل تابلوه الاسترا فااااجر بصراحة وانا شايفه الافضل في الفئة دي...

عموما احنا لسة منعرفش اداء الكورولا على الطريق هيبقى عامل ازاي... ولو قسنا على اخر شكلين منها يبقى الاسترا هتكتسحها في الثبات على الطريق طبعا...

المحير هنا اننا لسة منعرفش ايه ظروف الكورولا ومحدش جربها لسة على الطريق لمسافات طويلة وعلى سرعات عالية... بس اللي اكيد ان الكورولا مع الوقت هتكون اسهل في الصيانة واقل شوية في اسعار قطع الغيار وافضل شويتين في اعادة البيع...

[islambana]

لو بدور علي شكل وبرستيج وفخامه وثبات =استرا
اعتماديه واعاده بيع وراحه بال وعمليه = كورولا
وبصراحه اكيد اي حد بيشتري عربيه في المبلغ ده بيدور علي البرستيج والفخامه عشان كده هختار الاسترا

[shaddadfalcon1]

مشكلتنا كمصرين اننا بنفكر في بيع العربيه قبل مانشتريها وبنفكر في حوادثها قبل مانركبها عشان كده عمرنا مبانعرف نستمتع بحاجه

[emadzoro20111]

.................................................

[Ahmed TRAVCO]

مشكلتنا كمصرين اننا بنفكر في بيع العربيه قبل مانشتريها وبنفكر في حوادثها قبل مانركبها عشان كده عمرنا مبانعرف نستمتع بحاجه

والله انت جبت التوصيف الصح!!!

[redshot]

انا بشكر كل الاعضاء الي ردت ... انا روحت النهارده توكيل تويوتا الي علي صلاح سالم و شوفت الكورولا الجديده .. شكلها الخارجي حلو جدا تحس انها شبابيه اوي و سبورت بس لما ركبتها من جوه حسيت ان التابلوه بتاعها مش قد كده .. هوا حلو اكيد بالمقارنه بالكورورلا 2013 عملو تغيير كبير بس برضو موصلتش لدرجه فخامه تابلوه الاسترا .. و كمان حسيت ان الخامات في العربيه من جوه مش اوي حتي زراير الازاز الكهرباء شكلها وحش جدا مفهاش شكل البومبيه شكلها عامل زي بتاعت الاسبرانزا كده !!! .. و ده شئ غريب جدا انا اخويا معاه هيونداي أي 30 و شكل الزراير حلو جدا بالنسبه للكورولا .. حاجه كمان كل الناس بتتكلم علي ارتفاع الكورولا و بيقولو انه 125 سم ... و معني كده اني هلبس كل المطبات مرتاح !!!! ياريت حد يفيدني في النقطه دي لان حتي لما سألنا علي صفحه تويوتا مصر علي الفيس ردو علينا و قالو انها فعلا واطيه و ده عشان ثبات العربيه !!!! .. في المقابل انا روحت و شوفت الاسترا جميله جدا بس كل الناس بتزم في توكيل منصور و بيقولو انو حرامي و المعامله مش تمام و مش عارف قطع غيارها هلاقيها بره التوكيل ولا لأ !! ... بالنسبه للالوان الاسترا لاقيت لون عجبني جدا لون بني غامق شكلو شيك اوي ... الكورولا شوفت الوانها تقليديه جدا بس لاقيت لون شكله حلو اوي هوا بين السيلفر و الجراي بس مشكلته انه مش بينزل غير فرش بيج و التابلوه فيه جزء بيج فا العربيه من جوه شكلها زباله !! ... كده ما مفيش قدامي غير الجراي او الاسود .. و الجراي ماكنش معروض كانو عرضين كل الالوان الا هو فا معرفش شكله عليها هيبقي حلو ولا لأ !!! ... و نقطه اعاده البيع انا مش هتفرق معايا لاني هحط كل الفلوس الي معايا في العربيه دي و مستحيل افكر ابيعها ولا بعد 10 سنين !!! انا شوفت العربيتين و فعلا لسه محتار .. ايه رأيكم يا رجاله ؟؟!!

[redshot]

معايا الكوزمو ومريحاني الحمد لله بس الكورولا برده كويسه وربنا يوفقك للخير

لو تسمح تقولي ايه اخبار العربيه معاك و بقالها قد ايه معاك و هل انت واجهت مشكله في انها ضيقه من ورا ؟؟ لاني روحت و شوفتها و حسيت ان الكنبه بتاعتها ضيقه اوي لو رجعت الكرسي شويه و قعدت مرتاح الي ورايا مش هيعرف يعد رجلو هتخبط في الكرسي !! ... و أداء العربيه بشكل عام ايه و اخبار التوكيل ايه و قطع الغيار ؟؟ ياريت تفيدني بالمميزات و العيوب الي شوفتها حتي الان و الف شكر مقدما :)

[mezo73]

انا بالصدفة كنت مع احد الاصدقاء كان عاوز يشوف السوبارو اكس في واحنا رايحين شوفت التويوتا وشايف انها سيئة للغاية خامات رديئة وشكلها مسروق من الهوندا ومش واسعة وشكل التابلوة عادي
المهم روحنا ابو غالي نشوف الاكس في. طبعا عربية غاية في الروعة
ولكن لفت انتباهي الامبريزا حجم كبير وخامات ممتازة وشكل التبلوة كويس الي حد كبير وطبعا فور ويل وجنوط 16 وزجاج ملون وسعر الهاي لاين 185
دة بخلاف فرق قفلة الباب بينها وبين التويوتا فرق شاسع والعربية وهي دايرة هدوء تام مافيش فايبريشن نهائي
بخلاف النقطة الاهم وهي ان السوبارو ياباني والكورولا ودي المفاجئة تركي
انا شايف لو ياباني يبقي السوبارو ولو اوروبي يبقي الاوبل
انا مش قاصد احيرك بس انا للاسف ماكنتش متخيل تويوتا تعمل كدا
العربية التويوتا الجديدة اخرها تتقارن باللوجان
مش هاتخسر حاجة خد فكرة وروح شوفها مش هاتندم وخاصة قطع الغيار سألت عليها رخيصة العيب اللي فيها الوحيد سعر اعادة البيع
وعموما ربنا يهديك و يوفقك للي فية الخير ان شاء الله

[Ahmed TRAVCO]

انا بشكر كل الاعضاء الي ردت ... انا روحت النهارده توكيل تويوتا الي علي صلاح سالم و شوفت الكورولا الجديده .. شكلها الخارجي حلو جدا تحس انها شبابيه اوي و سبورت بس لما ركبتها من جوه حسيت ان التابلوه بتاعها مش قد كده .. هوا حلو اكيد بالمقارنه بالكورورلا 2013 عملو تغيير كبير بس برضو موصلتش لدرجه فخامه تابلوه الاسترا .. و كمان حسيت ان الخامات في العربيه من جوه مش اوي حتي زراير الازاز الكهرباء شكلها وحش جدا مفهاش شكل البومبيه شكلها عامل زي بتاعت الاسبرانزا كده !!! .. و ده شئ غريب جدا انا اخويا معاه هيونداي أي 30 و شكل الزراير حلو جدا بالنسبه للكورولا .. حاجه كمان كل الناس بتتكلم علي ارتفاع الكورولا و بيقولو انه 125 سم ... و معني كده اني هلبس كل المطبات مرتاح !!!! ياريت حد يفيدني في النقطه دي لان حتي لما سألنا علي صفحه تويوتا مصر علي الفيس ردو علينا و قالو انها فعلا واطيه و ده عشان ثبات العربيه !!!! .. في المقابل انا روحت و شوفت الاسترا جميله جدا بس كل الناس بتزم في توكيل منصور و بيقولو انو حرامي و المعامله مش تمام و مش عارف قطع غيارها هلاقيها بره التوكيل ولا لأ !! ... بالنسبه للالوان الاسترا لاقيت لون عجبني جدا لون بني غامق شكلو شيك اوي ... الكورولا شوفت الوانها تقليديه جدا بس لاقيت لون شكله حلو اوي هوا بين السيلفر و الجراي بس مشكلته انه مش بينزل غير فرش بيج و التابلوه فيه جزء بيج فا العربيه من جوه شكلها زباله !! ... كده ما مفيش قدامي غير الجراي او الاسود .. و الجراي ماكنش معروض كانو عرضين كل الالوان الا هو فا معرفش شكله عليها هيبقي حلو ولا لأ !!! ... و نقطه اعاده البيع انا مش هتفرق معايا لاني هحط كل الفلوس الي معايا في العربيه دي و مستحيل افكر ابيعها ولا بعد 10 سنين !!! انا شوفت العربيتين و فعلا لسه محتار .. ايه رأيكم يا رجاله ؟؟!!

بص يا باشا... بناء على جملة حضرتك الأخيرة (و نقطه اعاده البيع انا مش هتفرق معايا لاني هحط كل الفلوس الي معايا في العربيه دي و مستحيل افكر ابيعها ولا بعد 10 سنين !!!)... انا هقول لحضرتك توكل على الله وهات الأسترا لأني شبه متأكد انها افضل من الكورولا حتى قبل ما اجرب الكورولا... طالما انت -زيــي- مش بتهتم قوي بإعادة البيع يبقى تجيب الأسترا على طول وتسيبك من الكورولا والالنترا والسيراتو والحاجات دي (مع احترامي ليهم)...