((تويوتا كورولا 2014)) ولا ((اوبل استرا سيدان 2013)) !!!!

[Mohyeldin1974]

انا من عشاق الكورولا وركبت انواعها كلها على مدار ١٥ سنه
ولكن فى الاخر جبت الاسترا
لو هنقارن العربيتين ببعض يبقى هنظلم الكورولا لسبب انها لسه متباعتش
الكورولا قدامها على الاقل سنه عشان نكتشف مالها وماعليها وبالتالى اللى هيشتريها هيشترى اسم فقط لانها ممكن جدا تبقى مقلب زى الحنوب افريقى (اتمنى عكس ذلك) وممكن جدا ترجع سمعتها بعد مافقدتها الى حد ما من بعد ٢٠٠٧
الاسترا عربيه ملوكى تقيله وراسيه على الارض وانا عامل تقرير مفصل عنها بكل مزاياها وعيوبها اللى كتير منها اتغير بعد التجربه والاستعمال.
تعليق اخير على العربيه الوهميه سوبارو امبريزا انها عربيه تحفه ولكن معجبنيش خامات الابواب والتابلوه لانها بلاستيك
بالتوفيق ان شاء الله فى الاختيار

[Mohyeldin1974]

انا من عشاق الكورولا وركبت انواعها كلها على مدار ١٥ سنه
ولكن فى الاخر جبت الاسترا
لو هنقارن العربيتين ببعض يبقى هنظلم الكورولا لسبب انها لسه متباعتش
الكورولا قدامها على الاقل سنه عشان نكتشف مالها وماعليها وبالتالى اللى هيشتريها هيشترى اسم فقط لانها ممكن جدا تبقى مقلب زى الحنوب افريقى (اتمنى عكس ذلك) وممكن جدا ترجع سمعتها بعد مافقدتها الى حد ما من بعد ٢٠٠٧
الاسترا عربيه ملوكى تقيله وراسيه على الارض وانا عامل تقرير مفصل عنها بكل مزاياها وعيوبها اللى كتير منها اتغير بعد التجربه والاستعمال.http://www.nilemotors.net/Nile/356327-a.html
بالنسبه للتوكيل فهو حتى الان ناس فاهمه ومحترمه جدا.
تعليق اخير على العربيه الوهميه سوبارو امبريزا انها عربيه تحفه ولكن معجبنيش خامات الابواب والتابلوه لانها بلاستيك
بالتوفيق ان شاء الله فى الاختيار

[redshot]

انا بشكركم جميعا علي الردود و النصائح و انا نويت انزل اشوف الفلوانس و الامبريزا قبل ما اقرر لاني لسه مش قادر اخد قرار اكون واثق من انه الافضل !

[mezo73]

تعليق اخير على العربيه الوهميه سوبارو امبريزا انها عربيه تحفه ولكن معجبنيش خامات الابواب والتابلوه لانها بلاستيك
بالتوفيق ان شاء الله فى الاختيار

انا اسف جدا بس اكيد حضرتك شوفت عربية تانية

لان الامبريزا الجديد خامات التبلوة والابواب خامات ممتازة وليست بلاستيك
ارجو منك اعادة النظر فيما قلت وارجو منك انك تروح تتفرج علي العربية بجد

[my3fox]

أنا واقع في نفس الحيرة و محتاج حد ينصحني.... رغم أني ميال أكثر للكورولا بس بحس من شكلها الخارجي إنها صغيرة رغم وسعها الكبير من الداخل....
كمان بحس برضة من شكلها إن صاجها ضعيف...... الكﻻم ده من الشكل فقط بدون فحص حقيقي
علي العكس.... الأسترا تحس إنها كبيرة و صاجها قوي....بس برضة ده إحساس من الشكل الخارجي فقط
أنا ميال للكورولا خصوصا بعد التغيير الشامل فيها و إضافة أوبشن كتيرة جدا عليها و تغيير شكلها القديم اللي زهق الناس..... و في النهاية هي عربية تويوتا
برجاء النصيحة

[Mohyeldin1974]

انا اسف جدا بس اكيد حضرتك شوفت عربية تانية

لان الامبريزا الجديد خامات التبلوة والابواب خامات ممتازة وليست بلاستيك
ارجو منك اعادة النظر فيما قلت وارجو منك انك تروح تتفرج علي العربية بجد

انا عملت تيست درايف ليها ولل xv وده اللى شوفته والكلام ده من حوالى ٣ شهور وكنت بقارن بينها وبين الاسترا وكام عربيه تانيين بس ده ومعتقدش ان فى موديل جديد نزل وانا معرفش .
اللى انا متاكد منه ان الابواب وجزء من التابلوه بلاستيك مقوى

[NaderNabil]

انا اسف جدا بس اكيد حضرتك شوفت عربية تانية

لان الامبريزا الجديد خامات التبلوة والابواب خامات ممتازة وليست بلاستيك
ارجو منك اعادة النظر فيما قلت وارجو منك انك تروح تتفرج علي العربية بجد

على فكرة ده كان نفس انطباعي عن الامبريزا لما قعدت فيها...حسيت برخص في الخامات الداخلية غير متوافق مع سعرها ...خصوصا زراير الزجاج الكهربائي و مفتاح التحكم في المرايات الكهربائية... بالاضافة للشعور العام بكثرة البلاستيك حواليك...و نفس الكلام ينطبق على الxv

[janagabr]

على فكرة ده كان نفس انطباعي عن الامبريزا لما قعدت فيها...حسيت برخص في الخامات الداخلية غير متوافق مع سعرها ...خصوصا زراير الزجاج الكهربائي و مفتاح التحكم في المرايات الكهربائية... بالاضافة للشعور العام بكثرة البلاستيك حواليك...و نفس الكلام ينطبق على الxv

برده نفس رايي في الامبريزا و xv معاجبونيش خالص والخلاصه كلنا لفينا زيك قبل ما نشتري وفي الاخر انا ومعظم السادة اللي ردو عليك جبنا الاسترا

[Hany Saad]

سؤال سريع.....هو ليه كل الأعضاء ما عدا عضو واحد فقط مسقطين الرينو فلوانس من حسابتهم لما بيجوا يتكلموا عن الأوروبي .....يا جماعة العربية دى Best Value For Money من وجهه نظرى الشخصية

العربية قاعدة العجلات بتاعتها طويلة و ده بيخليها فى فئة ال D segment مش ال C segment يعنى مش compact sedan
التوكيل و بعد تعامل لمدة فوق السبع سنين و مقارنة بباقى التوكيلات فى مصر يعتبر من أفضلهم

العربية خاماتها من جوه وهميه

شنطة الأوسع فى فئتها ٥٣٠ لتر
أوبشنز ملهاش حل أو مثيل.....أنا هتكلم على الهاى لاين اللى ب١٨٨ألف اللى أنا حاجزها
موتور ١١٥ حصان -فتيس ناعم جداً Xtronic CVT
Keyless entry-keyless start-keyles lock
أربعة زجاج كهرباء one touch-anti pinch مع مكن رفع
٦ أيرباجز
مساند رأس من الجيل الحديث أربع أتجاهات
led and daylight
زينون مع بخاخات
حساس مطر و ضوء
Rear Parking sensor
Follow me home light
فتحة سقف مع ميل و غلق من الريموت
جنوط ١٦
أرتفاع ١٦ سم عن الأرض
من أنعم السيارات و العفشات على الطرق المصرية
كاسيت من ٨ سماعات 3D من تصميم Arkamys
Bluetooth - Telephone-Media streaming
فرش جلد أسود كامل مع فتيس و طارة من الجلد
Cruise control
Speed limiter
طارة Multi function
أنوار فى العتب
٣ ستائر زجاج خلفى
عدادات Digital

ده اللى فاكره من الكماليات دلوقتى....

أنا شايف العربية دى ملهاش حل و أحسن أختيار لسيارة أوروبى أقل من ٢٠٠ ألف جنيه

و بالتوفيق لكل الأعضاء.....

[Maghraby1987]

سؤال سريع.....هو ليه كل الأعضاء ما عدا عضو واحد فقط مسقطين الرينو فلوانس من حسابتهم لما بيجوا يتكلموا عن الأوروبي .....يا جماعة العربية دى best value for money من وجهه نظرى الشخصية

العربية قاعدة العجلات بتاعتها طويلة و ده بيخليها فى فئة ال d segment مش ال c segment يعنى مش compact sedan
التوكيل و بعد تعامل لمدة فوق السبع سنين و مقارنة بباقى التوكيلات فى مصر يعتبر من أفضلهم

العربية خاماتها من جوه وهميه

شنطة الأوسع فى فئتها ٥٣٠ لتر
أوبشنز ملهاش حل أو مثيل.....أنا هتكلم على الهاى لاين اللى ب١٨٨ألف اللى أنا حاجزها
موتور ١١٥ حصان -فتيس ناعم جداً xtronic cvt
keyless entry-keyless start-keyles lock
أربعة زجاج كهرباء one touch-anti pinch مع مكن رفع
٦ أيرباجز
مساند رأس من الجيل الحديث أربع أتجاهات
led and daylight
زينون مع بخاخات
حساس مطر و ضوء
rear parking sensor
follow me home light
فتحة سقف مع ميل و غلق من الريموت
جنوط ١٦
أرتفاع ١٦ سم عن الأرض
من أنعم السيارات و العفشات على الطرق المصرية
كاسيت من ٨ سماعات 3d من تصميم arkamys
bluetooth - telephone-media streaming
فرش جلد أسود كامل مع فتيس و طارة من الجلد
cruise control
speed limiter
طارة multi function
أنوار فى العتب
٣ ستائر زجاج خلفى
عدادات digital

ده اللى فاكره من الكماليات دلوقتى....

أنا شايف العربية دى ملهاش حل و أحسن أختيار لسيارة أوروبى أقل من ٢٠٠ ألف جنيه

و بالتوفيق لكل الأعضاء.....

انا مع حضرتك ان العربية جميلة جدا و كل حاجه بس اعتقد ان الناس بتخاف منها عشان ضعف التوكيل في حل مشاكل الميجان 2

[mastr_n]

الألمانى حاجة تانية
ومبروك مقدماااااااااااااااااااااااااااااااا

[dodi_do2000]

الي تعرفه احسن من الي متعرفوش

[batour]

انا مع حضرتك ان العربية جميلة جدا و كل حاجه بس اعتقد ان الناس بتخاف منها عشان ضعف التوكيل في حل مشاكل الميجان 2

معاك حق بس الفلوانس مفيهاش عيوب الميجان واسهل فى التعامل بكتير والعربيه فى السوق من 2010 ومسمعناش عن مشاكل فيها

[zangry]

اوبل استرا

[houba85]

انا من عشاق الكورولا وركبت موديل 84 خليجي من صغري ومعايا 2002 خليجي من اول مانزلت ولحد الان عاملة بيها 76 الف كيلو لاني بمشي بيها شوية وبركنها شويتين ومشاويري بيها قليلة وسافرت بيها مرتين وكانت من اجمل العربيات اللي ركبتها في حياتي مفيش انعم من كدة عفشة ومناورات عالطريق كفاية اني كنت حتثبت مرتين على طرق سريعة ونجدتني عشان سهولة المناورات بيها

وكنت بفكر في الموديل الجديد وروحت شوفته واتصدمت خصوصا ان تجميعه تركي والخامات فقيرة والصاج مش متين زي الي معايا وخفت احجز لحد ماتبان عيوبها خصوصا ان العيب الوحيد في الموديل الي معايا وافتكر انه عيب اغلب الموديلات انها مفيهاش ثبات من اول ال 110 كيلو واقل شوية هوا يهزوني وانا سايقة وياسلام لو مقطورة سرعتها اعلى مني بحس اني شوية وحطير

السوبارو اقتنعت بيها مؤخرا وردود الاعضاء طمنتني اكتر خصوصا اني شوفت العربية في معرض وعجبتني خصوصا انها ياباني 100 % وفيها مميزات الكورولا اللي بدور عليها

مش حضيف كتير على ردود الاعضاء الخبرة اكتر مني بس لو حضرتك عاوز عربية سرعة ونعومة واداء واعتمادية فعليك وعلى السوبارو او كورولا 2007 عداد قليل حالة شاذة مش مفحوتة وطالع عنيها ( بالنسبالي عهد الكورولا انتهى عند 2007 )

لو فخامة وثبات وقوة يبقى الاسترا وفي النهاية عليك وعلى صلاة الاستخارة ومبروك مقدما