((تويوتا كورولا 2014)) ولا ((اوبل استرا سيدان 2013)) !!!!

[Mohamed.Hany]

السيات ليون الجديدة اقواهم وأأمنهم واجملهم وارخصهم وافضلهم في الشوارع المصرية

2013 Seat Leon FR 2.0 TDi (184hp) - in Detail (1080p FULL HD) - YouTube

لو بتقارن بين الكورولا والاسترا انا شايف ان الاسترا جودة الماني يعني اعلى وامان وثبات على الطرق السريعة ESC والاحسن انك تجيبها هاتشباك

الكورولا افضل في الاوبشنز بس إنما واطية عن الارض ومافيهاش ESC ومش مستحبة كأداء وأمان إنما هي مستحبة كإعتمادية وإعادة بيع

سيات ليون في مصر بقت 1200 سي سي موتور مع احترامي ضعيف علي حجم العربية حتي لو تربو في الاخر 1200 و انا متأكد من المعلومة مليون في المية.
انا مالك للكوروﻻ و العربية مش واطية بالدرجة اللي الناس بتقولها و مش بتحك معايا وزى الفل و الناس اللس بتشتكي التوكيل نزل تعديل ليها.
العربية فيها esc اوesp او vsc و تزيد كمان trc و الغربية اداء فوق الممتاز و عوامل الامان فيها عالية جدا و فيها 7 ايرباج و ثباتها رهيب و شكرا

[Mohamed.Ramah]

سيات ليون في مصر بقت 1200 سي سي موتور مع احترامي ضعيف علي حجم العربية حتي لو تربو في الاخر 1200 و انا متأكد من المعلومة مليون في المية.

حضرتك جربتها ولا ضعيف من وجهة نظرك فقط ؟ للعلم بعد تجربة السيارة كأداء مقابل حجمها جيد جداً يكفى انها بتحقق تسارع بمحركها (البتعتبرة ضعيف) ومتاكد مليون فى المية من 0 ل 100 فى 10 ثوانى بمجرد نهاية النقلة الثانية بثانيتن بتكون حققت التسارع ل 100 + عزم محركها أعلى من عزم مواتير 1.6 - 175 نيوتن-متر عند 1400 ل 4000 دورة فى الدقيقة (بما فيهم محرك سيارتك تيوتا كورولا 2014 = 154 NM عند 5200 rpm)+ بتحقق ليون سرعة قصوى 191 كلم-ساعة .. مش حتكلم على أستهلاك الوقود حترك ليك الحكم لما تركبها بنفسك وتقول رأيك .

[Mohamed.Hany]

حضرتك جربتها ولا ضعيف من وجهة نظرك فقط ؟ للعلم بعد تجربة السيارة كأداء مقابل حجمها جيد جداً يكفى انها بتحقق تسارع بمحركها (البتعتبرة ضعيف) ومتاكد مليون فى المية من 0 ل 100 فى 10 ثوانى بمجرد نهاية النقلة الثانية بثانيتن بتكون حققت التسارع ل 100 + عزم محركها أعلى من عزم مواتير 1.6 - 175 نيوتن-متر عند 1400 ل 4000 دورة فى الدقيقة (بما فيهم محرك سيارتك تيوتا كورولا 2014 = 154 nm عند 5200 rpm)+ بتحقق ليون سرعة قصوى 191 كلم-ساعة .. مش حتكلم على أستهلاك الوقود حترك ليك الحكم لما تركبها بنفسك وتقول رأيك .

تحياتي لحضرتك
انا كلامي علي الفيديو انه 2000 سي سي فكنت متخيل ان صاحب الفيديو فاكر انا اللي هتنزل مصر نفس الموتور الرهييييب فأنا برد عليه انها بقت 1200 سي سي فمش هتبقي بالقوة اللي هو متخيلها( في ال 2000 سي سي ) و علي اساسها بيقول اقوى موتور, مش اني بقلل في قدرته العمليه كانت مقارنة نسبية مبين 2000 و 1200 سي سي.
انا قلت متأكد مليون في المية من معلومة انها بقت 1200 سي سي هو ده قصدى .
بالنسبة للتجربة فزميل لي في العمل معاه ايبيزا ستيشن مش عارف حضرتك عارفها ولا لأ هي عموما قليلة جدا في السوق بس هي 1200 سي سي و موفرة جدا في البنزين 4.5 لتر كل 100 كم وانا سوقتها بنفسي طلقة مفيش كلام بس هل حجم ووزن الليون زى الابيزا ؟
و بالمناسبة هو عندة مشكلة في الفتيس ال dsg بيرزع منه و هو عامل بالعربية 30 الف بس و مش عارف يعمل ايه لأن التوكيل بينفضله و الادهي من كدة ان السيلز قال له انها 92 و لما راح الصيانة قالو له لازم 95 !!!!

[K.Ossama]

بالنسبة للتجربة فزميل لي في العمل معاه ايبيزا ستيشن مش عارف حضرتك عارفها ولا لأ هي عموما قليلة جدا في السوق بس هي 1200 سي سي و موفرة جدا في البنزين 4.5 لتر كل 100 كم وانا سوقتها بنفسي طلقة مفيش كلام بس هل حجم ووزن الليون زى الابيزا ؟

أكيد الليون حتبقى اثقل وزناً من الابيزا بس مش كتير يعنى
عموماً هو الموتور 1.2 تربو ده كان نازل على الاوكتافيا الفانتازيا فى أوروبا ودى أكيد أثقل من الإثنين والصراحة الأداء بتاعه كان رائع.
طبعاً تبقى مشكلة dsg اللى مش مستحمل زحمة مصر

[برنس الليالي]

انا آسف يا شباب اني جبت فيديو للعربية بيقول انها بمحرك 2.0 بس انا ملقتش فيديو غيره ولو تخدو بالكو انا قلت فيديو شو اقصد انه فيديو عرض لشكل العربية مش اكتر

المحرك مش ضعيف على حجم العربية هو 1.2 اي نعم بس حلو والتسارع للـ100 في 10 ثواني واستهلاكه للبنزين حاجات بسيطة جداً تقريباً 5 لتر او اقل من كدا

ودا يخليك تحط بنزين 95 لإن المحرك موفر للبنزين يعني كأنك راكب عربية 1.6 وبنزين 92

- والله يا شباب لو تشوفو العربية عملولها تجارب عملة ازاي مش حتقللو منها خالص دول عملولها تست على طريق كل ربع متر فيه بمطب

2013 New SEAT Leon tested to the extreme - Footage - YouTube

- متأسف ع الإزعاج انا غرضي ارشد صاحب الموضوع على حاجة ارخص وافضل ومش معقول بقى عشان هي هاتشباك تقولو انها اقل من الكورولا والاسترا

SEAT Leon hatchback review | CarBuyer
Full review of Seat Leon Hatchback What Car?

وعموماً انا من اول موديلات 2013 مسمعتش عن مشاكل DSG

[Mohamed.Hany]

أكيد الليون حتبقى اثقل وزناً من الابيزا بس مش كتير يعنى
عموماً هو الموتور 1.2 تربو ده كان نازل على الاوكتافيا الفانتازيا فى أوروبا ودى أكيد أثقل من الإثنين والصراحة الأداء بتاعه كان رائع.
طبعاً تبقى مشكلة dsg اللى مش مستحمل زحمة مصر

اتفق مع حضرتك جدا و خصوصا من الفتيس المرعب dsg اللي بينهار من كتر الاستخدام علي السرعات الواطية وده حال بلدنا المحروسة , و حابب اضيف خوفي التاني بنزين 95 مش عشان سعره خالص لو قارنت فلوس في الاخر عربية 1200 سي سي بنزين 95 هي هي تقريبا 1600 بنزين 92 كسعر الخوف في توفره لأن الموتور ده حذروه انه يحط 92 في التوكيل الا في الحالات الطارئة فقط فالواحد لو اتزنق في سفر مثلا تبقي مشكلة بس في الاخر التربو و ال DSG متعة ما بعدها متعة في السواقة و ربنا يسترها علينا جميعا.

[ahmzd]

أول مرة أدخل الاستطلاع ده وألاقي الأسترا متفوقة ع الكورولا.. ده حتى آخر مرة دخلت كانوا الاتنين زي بعض 60 قصاد 60.. واضح إن الأسترا تتقدم بثبات.

[Mohamed.Hany]

أول مرة أدخل الاستطلاع ده وألاقي الأسترا متفوقة ع الكورولا.. ده حتى آخر مرة دخلت كانوا الاتنين زي بعض 60 قصاد 60.. واضح إن الأسترا تتقدم بثبات.

فعلا عربيتين تنافسيين جدا و قريبين من بعض في الامكانيات و اللي هيفرق مبين واحد و التاني الراحة النفسية ولولا اختلاف الازواق لبارت السلع يا استاذ احمد.
وهنيئأ للملاك وربنا يبعد عنهم شر العين ان شاء الله

[محمد جبريل]

اشتري تويوتا 2013 الياباني و علي فكرة ممكن تلاقي الهاي لاين ب 175 الف وفي مصر ابعد عن الاوربي

[برنس الليالي]

اشتري تويوتا 2013 الياباني و علي فكرة ممكن تلاقي الهاي لاين ب 175 الف وفي مصر ابعد عن الاوربي

ايه ابعد عن الاوروبي مش واخد بالي ؟!

[ahmzd]

فعلا عربيتين تنافسيين جدا و قريبين من بعض في الامكانيات و اللي هيفرق مبين واحد و التاني الراحة النفسية ولولا اختلاف الازواق لبارت السلع يا استاذ احمد.
وهنيئأ للملاك وربنا يبعد عنهم شر العين ان شاء الله

معك حق أخي الكريم.. لولا اختلاف الأذواق لبارت السلع.. جزاك الله خيرا على هذه الإضافة الهامة، وربنا يقدر الخير حيث كان ثم يرضينا به.

[Mohyeldin1974]

اوبا الاسترا عدت
بيقلك اتقل تاخد حاجه نضيفه

ياجماعه بمنتهى الامانه عربيتين الماظ والموضوع فى الاخر راحه نفسيه

[lenasam]

فين ياعم صاحب الموضوع
اشتريت ايه حضرتك بعد ما الزملا شرحوا لك كل صغيرة و كبيرة بالتفصيل الممل
يلا استخير ربنا و اتوكل على الله
ان شاء الله مش هتندم لو جبت اي واحدة منهم
يلا علشان نعرف عملت اية

[Dr-Daly]

بما إن العربيه دي سلعه معمرة يعني حضرتك المفروض تبدأ تفكر تغيرها بعد مدة من 5-10 سنين ف مش هتبص لسعر إعادة البيع دلوقتي هنشيله من الحساب؛
يبقي فاضل الرفاهيه والعزم (قوة الموتور) والثبات علي الملفات والفخامة في التصميم الخارجي وسعر قطع الغيار
لو فرضنا ان العربيتين تصميمهم شيك وفخم وان شوفنا قطع الغيار هنلاقيهم سعرهم قريب جداً لبعض، يبقي باقي النقاط تتفوق فيها الأسترا وبقوة
عشان كدة تصويتي راح للأسترا سيدان (الألماني لايعلي عليه في العربيات الحقيقه)

[Yousef.Kamel]

استرا