النترا - لانسر شارك

[tarekabosdera]

كل واحد يقول وجهة نظره مين افضل من ناحية قوة الماتور وفخامة السيارة من الداخل والخارج وطول العمر

الافتراضي . النترا اوتوماتيك ولا لانسر شارك اوتوماتيك 1600 سي سي

انا من وجهة نظري ومن تجربتي للانترا الاوتوماتيك شايف انها عربية ممتازة وماتورها قوي والسحب مبيضعفش مع التكييف وشكلها الخارجي احسن من اللانسر.

[ashouhdy]

الثبات الفخامة التقفيل الهيبة الشياكة= الشارك
جرى و شد و حركات= الانترا

[Eng.Sameh]

خليك في الألنترا ... الشارك متستاهلش فرق الفلوس ومش ناجحة خالص في السوق ، وشكلها بصراحة مبيعجبنيش خااااااااالص ( راي شخصي ) ، وبصراحة أنا مش مقتنع خالص باللانسر لا البومة ولا الشارك وفعلا اللانسر اقل عربية ياباني في فئتها وبفرق كبير كمان( من وجهة نظري عشان محدش يزعل ) .. فانت تجيب الانترا كاملة فتحة سقف وجنوط وايرباجز و abs .... وعيييييييييييييش وكبر دماغك من الشارك

[Hosam_Optrawy]

الالنترا تتفوق فى قوة الموتور

وفخامة السياره من الداخل الشارك تتفوق

اما الشكل الخارجى أذواق

لكن عامة أفضل الالنترا

[tarekabosdera]

الثبات الفخامة التقفيل الهيبة الشياكة= الشارك
جرى و شد و حركات= الانترا

الثبات + الفخامة + التقفيل (كوري ممتاز) + جري وشد = النترا

[ashouhdy]

الثبات + الفخامة + التقفيل (كوري ممتاز) + جري وشد = النترا

حضرتك مستحيل تقول ان الالنترا اثبت من الشارك
وتقفيل الشارك طبعا احسن من الانترا (يابانى)
حضرتك لو سقت الشارك حتفهم قصدى بالذات الفتيس ال cvt
روعة

[kliken]

النترا افضل من حيث السعر و الشكل و قوه الموتور

[tarekabosdera]

حضرتك مستحيل تقول ان الالنترا اثبت من الشارك
وتقفيل الشارك طبعا احسن من الانترا (يابانى)
حضرتك لو سقت الشارك حتفهم قصدى بالذات الفتيس ال cvt
روعة

نمسكها واحدة واحدة عشان الكلام يكون دقيق:

الثبات : ماشي الشارك اثبت من الالنترا بفارق مش كبير . يعني الالنترا مش بتطير على 160 كم /ساعة. وانا مجربها.

التقفيل: اذا كانت الشارك متقفلة في اليابان فالالنترا متقفلة في بلدها في المصنع الرئيسي يعني تقفيل ممتاز لا يشوبه اي غبار . ( شركة هيونداي واخدة المركز الرابع في الجودة على شركات العالم لسنة 2009 في تقرير j.d power العالمي. بينما ميتسوبيشي واخدة مركز متاخر نسبيا ) و متقليش تقفيل ياباني وكوري الكلام ده انتهى من فترة. ( بص في الملف المرفق)


الفتيس: فتيس الالنترا مفهوش اي مشاكل وسلس جدا ومفيش حد اشتكى منه في الموديلات السابقة .


السعر : سعر الشارك مبالغ فيه لعربية امكانياتها عادية الى حد ما بينما سعر الالنترا معقول ومناسب لامكانيتها.

[cheetos_892005]

خليك في الألنترا ... الشارك متستاهلش فرق الفلوس ومش ناجحة خالص في السوق ، وشكلها بصراحة مبيعجبنيش خااااااااالص ( راي شخصي ) ، وبصراحة أنا مش مقتنع خالص باللانسر لا البومة ولا الشارك وفعلا اللانسر اقل عربية ياباني في فئتها وبفرق كبير كمان( من وجهة نظري عشان محدش يزعل ) .. فانت تجيب الانترا كاملة فتحة سقف وجنوط وايرباجز و abs .... وعيييييييييييييش وكبر دماغك من الشارك

علي كده المازدا والسوزوكي و الديهاتسو عربيات صيني

[M_Marwan]

على اساس ايه يعني .. اللانسر معروف انها اقل عربية ياباني من ساعة ما نزلت ... وطول عمر المازدا والهوندا احس عربيات ياباني في كل حاجة طول عمرها وبعدهم الكورولا ( وبتكلم كجودة وتكنولوجيا عشان محدش يقولي مبيعات ووالكلام اللي مش جايب همه ده ) ... وده واقع وبشهادة تقييمات الدنيا كلها ولو سألت أي حد له في العربيات وبيقهم فيها كويس هيقولك الكلام ده واللي مش عاجبه يقول اللي هوه عاوزه .. لا هيقدم ولا هيأخر

ماشى انا معاك ان الهوندا والمازدا مفيش كلام عليهم بس العربيتن غير مناسبين تماما فى شوارع مصر المكسرة والمطبات العالية حعمل انا اية بقا بلتكنولوجى والجودة ةوانا كل ماخد مطب قلبى بيتقطع على العربية وهيا بتحك ؟؟ وعموما هات الالنترا عشان انا مش عاوز الشارك تنتشر

[abo samra]

حضرتك مستحيل تقول ان الالنترا اثبت من الشارك
وتقفيل الشارك طبعا احسن من الانترا (يابانى)
حضرتك لو سقت الشارك حتفهم قصدى بالذات الفتيس ال cvt
روعة

الفتيس ال cvt ده فى البومه ال 1600
الشارك 1500 اوتو عادى
الشارك 2000 cvt و paddle shifts
تحياتى

[abo samra]

ماشى انا معاك ان الهوندا والمازدا مفيش كلام عليهم بس العربيتن غير مناسبين تماما فى شوارع مصر المكسرة والمطبات العالية حعمل انا اية بقا بلتكنولوجى والجودة ةوانا كل ماخد مطب قلبى بيتقطع على العربية وهيا بتحك ؟؟ وعموما هات الالنترا عشان انا مش عاوز الشارك تنتشر

ده مش كويس عدم الانتشار انا اعرف واحد لسه بايع شارك 1500 سبورت كويتى2008 من يومين ب 110 الف ماشيه 35 الف كيلو فقط
يعنى كدا اعتقد خساره كبيره ولا ايه؟؟؟؟؟؟؟؟؟؟؟؟

[احمدعبدالعزيز]

انا راى الشخصى الشارك لا تقارن مع الالنترا وانا افضل الشارك طبعا عربيه اعتماديه وممتازه .

[ashouhdy]

الفتيس ال cvt ده فى البومه ال 1600
الشارك 1500 اوتو عادى
الشارك 2000 cvt و paddle shifts
تحياتى

الشارك اللى سوقتها 1500 خليجى فتيس cvt
مش عارق الكلام دة بيطبق فى مصر ولا لأ
بس عموما شكرا للمعلومة

[ashouhdy]

نمسكها واحدة واحدة عشان الكلام يكون دقيق:

الثبات : ماشي الشارك اثبت من الالنترا بفارق مش كبير . يعني الالنترا مش بتطير على 160 كم /ساعة. وانا مجربها.

التقفيل: اذا كانت الشارك متقفلة في اليابان فالالنترا متقفلة في بلدها في المصنع الرئيسي يعني تقفيل ممتاز لا يشوبه اي غبار . ( شركة هيونداي واخدة المركز الرابع في الجودة على شركات العالم لسنة 2009 في تقرير j.d power العالمي. بينما ميتسوبيشي واخدة مركز متاخر نسبيا ) و متقليش تقفيل ياباني وكوري الكلام ده انتهى من فترة. ( بص في الملف المرفق)


الفتيس: فتيس الالنترا مفهوش اي مشاكل وسلس جدا ومفيش حد اشتكى منه في الموديلات السابقة .


السعر : سعر الشارك مبالغ فيه لعربية امكانياتها عادية الى حد ما بينما سعر الالنترا معقول ومناسب لامكانيتها.

طب نمسكهم تانى واحدة واحدة :)))))))
الثبات: جرب خد كذا غرزة بالشارك ع 160 و جرب بالانترا وشوف حتخاف فى انهو عربية !!!!!!!
الشارك مكلبشة فى الارض
الفرامل: الشارك نازلة ستاندارد ب 16 الفرامل لا غبار عليها abs
التقفيل: ابسط مثال اسمع صوت قفلة الباب بتاع الشارك و شوف الالنترا وشوف تقل الباب فى ايدك و شوف الالنترا
حاجة تانية خالص الشارك تقيل و جميل تحس نفس احساس الجيتا فى تقلة
الفتيس: اللى سقتها كانت خليجى بcvt ممكن يمون سبيشل اوردر مش عارف

الموتور 1500 110 حصان (حقيقى) !!

بلاش المقارنة دى ظالمة للالنترا ممكن نقارنها بالبومة لكن الشارك لأ

ع فكرة انا ناوى اجيب ال i30 و معايا اصلا هيونداى و بحترم الهيونداى جدا بغض النظر عن الانتقادات للفيرنا و غيرها

لكن الحيادية بتفرض انى اتكلم بدون ان اظهر ميولى الحقيقة لاى عربية
لانى ببساطة بحب الموتور القوى عن اى حاجة تانية و دة اللى خلانى اجيب الفيرنا عن الافيو و اليارس والجين2 مثلا

انا اة اركب الالنترا لكن تقولى مين احسن اقولك الشارك
ارجو تكون فهمت وجهة نظرى
وشكراااااا