النترا - لانسر شارك

[Ahmed Anwer]

طب يا احمد باشا بمناسبة التقفيل و برده من غير تعصب

شفت خامات تابلوه الالنترا و خامات تابلوه الشارك ؟؟؟

خامات تابلوه الشارك بلاستيك ناشف

خامات تابلوه الالنترا فوم طري

مش عيب في عربية بالسعر ده و موتور 1500 يكون تابلوها بلاستيك ؟

[ashouhdy]

طب يا احمد باشا بمناسبة التقفيل و برده من غير تعصب

شفت خامات تابلوه الالنترا و خامات تابلوه الشارك ؟؟؟

خامات تابلوه الشارك بلاستيك ناشف

خامات تابلوه الالنترا فوم طري

مش عيب في عربية بالسعر ده و موتور 1500 يكون تابلوها بلاستيك ؟

بصراحة اة عييب :))))))))))

لكن يابوحميد ان بتكلم على القعدة نفسها جو الشارك شعور تانى غير الانترا تحس انها عالية و قوية ومسكة نفسها تحس بالامان جواها حتى و انت بتاخد المطبات صوت مكتوم جميل
للاسف الشعور دة محستوش فى الالنترا

[SAMEH_FOUAD]

اللى عايز يجرب ثبات عربية بجد ويعرف انها ثابتة ولا لأ يجرى فى نفق الازهر ,هايعرف ساعتها عربيتة ثابتة ولا.............
بس مايجيبش بيها 120 ويقول دية ثابتة ,لأ عدى وهات واللى جرب العربيتين فى النفق يقول حس باية ,لانى بعتبر نفق الازهر اكبر مكان ممكن تختبر فية عربية من حيث قوة الفرامل ,والسحب ,والثبات

التقفيل والخامات:
الالنترا =خامات سيئة وخاصة موديلات 2009 بقت خاماتها زى الفيرنا بالظبط ,وتقفيلها كويس مابيبقاش فية غلطات كتير
الشارك:خاماتها بردة بتتكون من البلاسيتك ,وتقفيلها مقارب جدا لتقفيل الالنترا

الرحابة:الالنترا تكسب ,اكبر واوسع واعلى
الشارك ضيقة عنها وخاصة فى الكنبة الخلفية اللى مش عارف اليابانين مالهم ومال الكنبة الخلفية مش عارفين يظبطوها لية بردة المازدا 3 ضيقة جدا
الشكل :طبعا الشارك ,الانترا شكلها مقبول بس مش زى الشارك
الامكانيات: طبعا الشارك ,فيها ايرباج ,abs ,ebd لكن الانترا مابيجيش فيها الحاجات دية غير بس واحدة ايرباج واية بى اس للى فيها فتحة سقف ,لكن اغلبية الالنترا مافيهاش حاجة من دية

السعر :طبعا الشارك مبالغ فى سعرها جدا والمفروض تبقى اخرها 115 الف بس ,دة غير سعر اعادة البيع مش حلو للشارك
الانترا بردة مبالغ فى سعرها حاجة بسيطة مش زى الانسر يعنى المفروض يبقى اخر الانترا الكاملة 90 والعادية 80

بالنسبة لنظام التعليق :الشارك ناشفة فى المطبات ,والانترا بردة ناشفة بس مش زى الشارك

يبقى متهيالى المقارنة محسومة للشارك ودة من وجهة نظرى مع احترامى لكل اراء الاعضاء

[tarekabosdera]

وعلى فكره الشارك لا تقارن مع الالنترا
قبل كدا كنا بنعمل مقارنه بين البومه والالنترا وقولنا الالنترا تتفوق
انما الشارك بصراحه رغم انها غاليه الا انها افضل من الالنترا وخصوصا فى الثبات
لان اكثر حاجه تؤكد ان الالنترا اقل من سيارات فئتها هو الثبات الغير راقى والثبات هو مش انك تمشى فى طرق سريعه وخلاص لا
الثبات هو الغرز والملفات والمناورات مع استخدام الفرامل والالنترا اثبتت فشلها فى هذا الموضوع وانها لا تستحق الا ان تقارن مع البومه فقط وده عن تجربه ليها فى ملفات كورنيش اسكندريه
ولا اعرف ما الغرض من المقارنه بين سيارتين كل منهم فى فئه سعريه مختلفه وصاحب الموضوع معاه النترا
اذا اهل الهدف هو ايحاء للناس ان الالنترا افضل من الشارك!!!!!!!!!!!!!!!!!
تحياتى[/QUOTE]


اولا احب اوضح لكل الاعضاء انا معملتش المقارنة ده من باب التعصب ولا عشان انا انتمي لهيونداي . اطلاقا

كل الموضوع بعمل استطلاع لآراء الناس ومناقشات ومفيش لا ايحائات ولا غيره.


انا لما بتكلم على الالنترا بتكلم في اعلى فئة اللي هي gls( خليجي) يعني كاملة وفيها حميع مواضفات الآمان .

اكيد سيادتك اللالنترا اللي بتقول انك جربتها واثبتت فشلها هي اول فئة في الالنتر ومش خليجي. ده اكيد.

الحاجة التانية انا شايف ان الالنترا حتى لو اتقارنت بالبومة يبقى اكيد الالنترا هي اللي هتكسب من غير مناقشات كتير (الفروقات واضحة ) ولولا كده مكنتش عملت مقارنة مع الشارك.

اشكر كل واحد على رأيه وافكركم تاني اني بتكلم على النترا GLS............

[SAMEH_FOUAD]

معلش متهيالى بردة لو الالنترا كسبت البومة هتكسبها فى الماتور والهدوء ,لكن الثبات الانسر افضل ,والتقفيل واحد
والحاجة الوحيدة اللى ممكن ماتكونوش واخدين بالكوا ان البومة قطع غيارها معمرة جدا عن الالنترا ,وبعدين شكل البومة الرياضية 1600 خصوصا فى اللون النبيتى بيبقى جامد واحسن من شكل الالنترا 100 مرة ,
وبردة العربية مش جرى وخلاص ماهية لو على الجرى هتلاقى عربيات كتير اسرع من الالنترا بس وحشة ,
وبعدين الالنترا فى الثبات رايحة خلاص ,كانت بتجرى قدامى وكان فية ملف صاحبها هدى جدا جدا لدرجة ان العربية وصلت تقريبا لسرعة 20 عشان يقدر ياخد الملف ودة اللى اثبتلى انها ضايعة فى الملفات وكذا عربية اشوفهم بيجروا ويجوا عند الملف ويهدوا جامد قوى وكذلك الحال للماتريكس والفيرنا ,يعنى الكورى كلة غير ثابت نهائى ,وعن تجربة مع اكثر من سيارة
اللى بيقارن العربية وهية ماشية على خط مستقيم وجايب 160 ويقولك مش حاسس بحاجة وثباتها عالى يبقى غلطان ,الثبات فى الملفات والانتقال من الحارات المختلفة على سرعة عالية من غير ما العربية تعوم ,وعمرك ماهتلاقية فى الكورى ابدا
مهما الكورى يتقدم لن يصل لدرجة اليابانى او الالمانى ,
لانهم بيعملوا عربية تبقى واسعة ,صاج خفيف ,بودى كبير ,وكابينة داخلية صغيرة,عن الحجم الخارجى,ماتور اقوى من بودى السيارة ,بكتير,نظام تعليق رديء ,كل دة عمرة ماهيطلع عربية تقدر تعتمد عليها فى المواقف الصعبة
اعتذارى التام لملاك الكورى ودية وجهة نظرى ,
عمرى ماهشترى الكورى ابدا ولو بقى ببلاش
اللى يركب اليابانى او الالمانى لايمكن يركب حاجة تانى

[tarekabosdera]

معلش متهيالى بردة لو الالنترا كسبت البومة هتكسبها فى الماتور والهدوء ,لكن الثبات الانسر افضل ,والتقفيل واحد
والحاجة الوحيدة اللى ممكن ماتكونوش واخدين بالكوا ان البومة قطع غيارها معمرة جدا عن الالنترا ,وبعدين شكل البومة الرياضية 1600 خصوصا فى اللون النبيتى بيبقى جامد واحسن من شكل الالنترا 100 مرة ,
وبردة العربية مش جرى وخلاص ماهية لو على الجرى هتلاقى عربيات كتير اسرع من الالنترا بس وحشة ,
وبعدين الالنترا فى الثبات رايحة خلاص ,كانت بتجرى قدامى وكان فية ملف صاحبها هدى جدا جدا لدرجة ان العربية وصلت تقريبا لسرعة 20 عشان يقدر ياخد الملف ودة اللى اثبتلى انها ضايعة فى الملفات وكذا عربية اشوفهم بيجروا ويجوا عند الملف ويهدوا جامد قوى وكذلك الحال للماتريكس والفيرنا ,يعنى الكورى كلة غير ثابت نهائى ,وعن تجربة مع اكثر من سيارة
اللى بيقارن العربية وهية ماشية على خط مستقيم وجايب 160 ويقولك مش حاسس بحاجة وثباتها عالى يبقى غلطان ,الثبات فى الملفات والانتقال من الحارات المختلفة على سرعة عالية من غير ما العربية تعوم ,وعمرك ماهتلاقية فى الكورى ابدا
مهما الكورى يتقدم لن يصل لدرجة اليابانى او الالمانى ,
لانهم بيعملوا عربية تبقى واسعة ,صاج خفيف ,بودى كبير ,وكابينة داخلية صغيرة,عن الحجم الخارجى,ماتور اقوى من بودى السيارة ,بكتير,نظام تعليق رديء ,كل دة عمرة ماهيطلع عربية تقدر تعتمد عليها فى المواقف الصعبة
اعتذارى التام لملاك الكورى ودية وجهة نظرى ,
عمرى ماهشترى الكورى ابدا ولو بقى ببلاش
اللى يركب اليابانى او الالمانى لايمكن يركب حاجة تانى

بدون مناقشات كتير البومة مفيهاش اي حاجة تتفوق على الالنترا والمقارنات اتعملت كتير في المنتدى وتقدر تراجعها.


المشكلة ان موضوع ثبات الالنترا وسعت اوي من الناس ومحسسني ان انا سايق كرو بحمار . انا معايا العربية ومش عارف الكلام الغريب اللي بيتقال على الثبات ده ايه . 20 كم ايه وبتاع ايه.

انا باخد منحنى المحور قبل 6 اكتوبر وده منحنى كبير جدا على 100 و 120 والعربية مرتاااااحة حتى لو ضربت فرامل فجاة

وبعدين الالنترا من ناحية تقييمها في الجودة لسنة 2009 خصوصا اعتقد محدش هيفهم في التقييم زي شركة J.D POWER اللي واخدة مركز متقدم ( ياريت تبص في الملف في الصفحة الاولى)
وموضوع التقييم بتاع الشركة ده محدش بيذكره خالص اكنه ملوش اهمية. مع العلم ان الشركة المقيمة للسيارة ده من اكبر الشركات المعتدمة عالميا عند جميع شركات السيارات.
هيونداي واخدة المركز الرابع وميتسوبيشي واخدة مركز متأخر جدا السنة ده. فمتقليش بقه الاسطوانة المشروخة بتاعة ياباني وكوري.

الكوري كله كوووم (كيا + دايو) وهيونداي كوم تاني.................

[cheetos_892005]

معلش متهيالى بردة لو الالنترا كسبت البومة هتكسبها فى الماتور والهدوء ,لكن الثبات الانسر افضل ,والتقفيل واحد
والحاجة الوحيدة اللى ممكن ماتكونوش واخدين بالكوا ان البومة قطع غيارها معمرة جدا عن الالنترا ,وبعدين شكل البومة الرياضية 1600 خصوصا فى اللون النبيتى بيبقى جامد واحسن من شكل الالنترا 100 مرة ,
وبردة العربية مش جرى وخلاص ماهية لو على الجرى هتلاقى عربيات كتير اسرع من الالنترا بس وحشة ,
وبعدين الالنترا فى الثبات رايحة خلاص ,كانت بتجرى قدامى وكان فية ملف صاحبها هدى جدا جدا لدرجة ان العربية وصلت تقريبا لسرعة 20 عشان يقدر ياخد الملف ودة اللى اثبتلى انها ضايعة فى الملفات وكذا عربية اشوفهم بيجروا ويجوا عند الملف ويهدوا جامد قوى وكذلك الحال للماتريكس والفيرنا ,يعنى الكورى كلة غير ثابت نهائى ,وعن تجربة مع اكثر من سيارة
اللى بيقارن العربية وهية ماشية على خط مستقيم وجايب 160 ويقولك مش حاسس بحاجة وثباتها عالى يبقى غلطان ,الثبات فى الملفات والانتقال من الحارات المختلفة على سرعة عالية من غير ما العربية تعوم ,وعمرك ماهتلاقية فى الكورى ابدا
مهما الكورى يتقدم لن يصل لدرجة اليابانى او الالمانى ,
لانهم بيعملوا عربية تبقى واسعة ,صاج خفيف ,بودى كبير ,وكابينة داخلية صغيرة,عن الحجم الخارجى,ماتور اقوى من بودى السيارة ,بكتير,نظام تعليق رديء ,كل دة عمرة ماهيطلع عربية تقدر تعتمد عليها فى المواقف الصعبة
اعتذارى التام لملاك الكورى ودية وجهة نظرى ,
عمرى ماهشترى الكورى ابدا ولو بقى ببلاش
اللى يركب اليابانى او الالمانى لايمكن يركب حاجة تانى

والله ده كان رايي و راي كل اللي سافرو معايا الساحل في عربيه صاحبنا ال i30
فعلا عربيات لا تستحق فوق ال 90 الف نهائيااااااااا

[ashouhdy]

اية التهريج اللى بيحصل دة
دة مش اسلوب مناقشة ولا حوار ابدا

[ashouhdy]

يا بشمهندس شيتوس
لازم يكون عندنا كلنا سعة صدر و احتمال
حضرتك قلت برضة جملة تقيلة جدا
---ان طلع العيب من اهل العيب مايبقاش عيب-----
والكلام واضح و مفهوم لانك بترد ع اقتباس
اكيد برضة هو اتنرفز و رد و انت اتنرفزت و رديت

و الكلام حياخد بعضة و يكبر على اية كل دة
ممكن كانت كلمة حلوة منك او منة تنهى المشكلة دى
صح ولا اية

لكن كلنا هنا اخوات و زملاء و ميصحش عشان اختلفنا فى و جهة نظر نغلط فى بعض
دة كل اللى عاوز اوصلة لحضرتك

[cheetos_892005]

يا بشمهندس شيتوس
لازم يكون عندنا كلنا سعة صدر و احتمال
حضرتك قلت برضة جملة تقيلة جدا
---ان طلع العيب من اهل العيب مايبقاش عيب-----
والكلام واضح و مفهوم لانك بترد ع اقتباس
اكيد برضة هو اتنرفز و رد و انت اتنرفزت و رديت

و الكلام حياخد بعضة و يكبر على اية كل دة
ممكن كانت كلمة حلوة منك او منة تنهى المشكلة دى
صح ولا اية

لكن كلنا هنا اخوات و زملاء و ميصحش عشان اختلفنا فى و جهة نظر نغلط فى بعض
دة كل اللى عاوز اوصلة لحضرتك

والله كفايه عليا رد حضرتك المحترم اوي يا استاذ ashouhdy
وعلي الجمله ديه
اهو قدام المنتدي كله
استاذ justs انا اسف عليها لاني فعلا مكنتش اقصد بيها حاجه و حشه في حقك ابدااااااا
اما بالنسبه لباقي الردود فده رد فعل طبيعي جدا لاهانتك ليا الجارحه جدا جدا
و ارجو من الاشراف ازاله الاهانات

[SAMEH_FOUAD]

ياجماعة من غير زعل والمفروض ان كل واحد يقول العيب اللى شايفة فى عربيتة عشان ينصح بية اخوة اللى عايز يشترى ويقدر يقارن صح بين العربيات ومايقعش فى غلطات حد وقع فيها قبل كدة ,
او حاجة بس احب اقول حاجة اى اختبار بيحصل للعربيات واى جوائز السيارات بتحصل عليها ,بتبقى فئات غير موجودة هنا اصلا او بمعنى اصح الجودة الاعلى من السيارة ,يعنى ماتقولش انك لو جيبت بى ام الفئة الخامسة اللى متصنعة فى المانيا زى البى ام اللى متقفلة فى مصر ,لازم هتلاقى اختلاف ,والا ماكنتش نزلت السعر دة كلة يعنى البى ام لو جيبتها من برة هتعمل مليون جنية اللى بتعمل عندنا هنا 550 الف ,ودية بى ام ,مش هيونداى
انا ماقولتش ان الانترا وحشة ,والانسر بردة مش وحشة ,بس فية عربيات تحسسك انك دفعت 100.000 وفعلا خدت عربية تستحق المبلغ دة ,ودة للاسف مش بيتحقق فى الانترا او فى الكورى عموما
وطبعا الاشياء اللى ذكرناها فى المشاركات السابقة ,وعن تجربة السيارة ثباتها على قدها ,وخاماتها فقيرة ,وقطع غيارها غير معمرة ,دة معروف عن الكورى ,دة غير انة بينزل كل سنة حوالى 5 الف جنية ,باستثناء السنة الاولى اللى بينزل 10.000 او 15.000 الف ,بعكس اليابانى بيبقى ماسك سعرة جامد وبينزل سعرة بالعافية ,كل دة يخلينى افكر فى اليابانى وماليش دعوة بالكورى دة نهائى ,ودية حرية شخصية ,وكل واحد لية حريتة ,دية عربيتة والسيارات امزجة ,وبتشتريها بناء على احتياجاتك ومطالبك فى السيارة الخاصة بك ,
ارجو بس ان يكون كلام الاخوة الاعضاء هادىء ومن غير تعصب ,لاننا كلنا اخوات ومافيش داعى ابدا اننا نضايق من بعض عشان هيجيى لكل واحد يوم وهايكون محتاج مشورة ,وممكن تكون اجابتها عند الاخ اللى انت غلطت فية ,ياريت نتعامل على اننا اخوات فعلا ,وكل واحد يقول تقيمة على عربيتة بمنتهى الصدق ومن غير تحيز عشان دية عربيتة ,لان مافيهاش عيب ابدا
يعنى مرة وقفنا واحد بتاع افيو وقولنالة العربية فيها مشاكل معاك ,الراجل قال مشاكل العربية كانها مش عربيتة وخلاها مثلا عربية اخرها 50 الف جنية ,مافيهاش احراج ولا اى حاجة

[delpo]

معلش متهيالى بردة لو الالنترا كسبت البومة هتكسبها فى الماتور والهدوء ,لكن الثبات الانسر افضل ,والتقفيل واحد
والحاجة الوحيدة اللى ممكن ماتكونوش واخدين بالكوا ان البومة قطع غيارها معمرة جدا عن الالنترا ,وبعدين شكل البومة الرياضية 1600 خصوصا فى اللون النبيتى بيبقى جامد واحسن من شكل الالنترا 100 مرة ,
وبردة العربية مش جرى وخلاص ماهية لو على الجرى هتلاقى عربيات كتير اسرع من الالنترا بس وحشة ,
وبعدين الالنترا فى الثبات رايحة خلاص ,كانت بتجرى قدامى وكان فية ملف صاحبها هدى جدا جدا لدرجة ان العربية وصلت تقريبا لسرعة 20 عشان يقدر ياخد الملف ودة اللى اثبتلى انها ضايعة فى الملفات وكذا عربية اشوفهم بيجروا ويجوا عند الملف ويهدوا جامد قوى وكذلك الحال للماتريكس والفيرنا ,يعنى الكورى كلة غير ثابت نهائى ,وعن تجربة مع اكثر من سيارة
اللى بيقارن العربية وهية ماشية على خط مستقيم وجايب 160 ويقولك مش حاسس بحاجة وثباتها عالى يبقى غلطان ,الثبات فى الملفات والانتقال من الحارات المختلفة على سرعة عالية من غير ما العربية تعوم ,وعمرك ماهتلاقية فى الكورى ابدا
مهما الكورى يتقدم لن يصل لدرجة اليابانى او الالمانى ,
لانهم بيعملوا عربية تبقى واسعة ,صاج خفيف ,بودى كبير ,وكابينة داخلية صغيرة,عن الحجم الخارجى,ماتور اقوى من بودى السيارة ,بكتير,نظام تعليق رديء ,كل دة عمرة ماهيطلع عربية تقدر تعتمد عليها فى المواقف الصعبة
اعتذارى التام لملاك الكورى ودية وجهة نظرى ,
عمرى ماهشترى الكورى ابدا ولو بقى ببلاش
اللى يركب اليابانى او الالمانى لايمكن يركب حاجة تانى

الزميل العزيز....
وجهة نظر حضرتك تحترم لكن مافيش حاجة اسمها كوري وياباني والماني في عربية وعربية فقط لاسباب عديدة يطول شرحها, انا من وجهة نظري الشارك افضل لكن الألنترا عربية ممتازة وتتفوق على الشارك في النعومة على المطبات والطريق وسحبها افضل وتسارعها اعلى وخاماتها الداخلية أشيك مع ان دي وجهة نظر شخصية .. والشكل الخارجي للشارك طبعا افضل شكلها بصراحة جميل جداً ,,, عموماً العربيتين ممتازين جداً والمقارنة بينهم صعبة لكن الحسبة الإقتصادية تحسم المسألة كل واحد حسب ظروفه.

[tarekabosdera]

ياجماعة من غير زعل والمفروض ان كل واحد يقول العيب اللى شايفة فى عربيتة عشان ينصح بية اخوة اللى عايز يشترى ويقدر يقارن صح بين العربيات ومايقعش فى غلطات حد وقع فيها قبل كدة ,
او حاجة بس احب اقول حاجة اى اختبار بيحصل للعربيات واى جوائز السيارات بتحصل عليها ,بتبقى فئات غير موجودة هنا اصلا او بمعنى اصح الجودة الاعلى من السيارة ,يعنى ماتقولش انك لو جيبت بى ام الفئة الخامسة اللى متصنعة فى المانيا زى البى ام اللى متقفلة فى مصر ,لازم هتلاقى اختلاف ,والا ماكنتش نزلت السعر دة كلة يعنى البى ام لو جيبتها من برة هتعمل مليون جنية اللى بتعمل عندنا هنا 550 الف ,ودية بى ام ,مش هيونداى
انا ماقولتش ان الانترا وحشة ,والانسر بردة مش وحشة ,بس فية عربيات تحسسك انك دفعت 100.000 وفعلا خدت عربية تستحق المبلغ دة ,ودة للاسف مش بيتحقق فى الانترا او فى الكورى عموما
وطبعا الاشياء اللى ذكرناها فى المشاركات السابقة ,وعن تجربة السيارة ثباتها على قدها ,وخاماتها فقيرة ,وقطع غيارها غير معمرة ,دة معروف عن الكورى ,دة غير انة بينزل كل سنة حوالى 5 الف جنية ,باستثناء السنة الاولى اللى بينزل 10.000 او 15.000 الف ,بعكس اليابانى بيبقى ماسك سعرة جامد وبينزل سعرة بالعافية ,كل دة يخلينى افكر فى اليابانى وماليش دعوة بالكورى دة نهائى ,ودية حرية شخصية ,وكل واحد لية حريتة ,دية عربيتة والسيارات امزجة ,وبتشتريها بناء على احتياجاتك ومطالبك فى السيارة الخاصة بك ,
ارجو بس ان يكون كلام الاخوة الاعضاء هادىء ومن غير تعصب ,لاننا كلنا اخوات ومافيش داعى ابدا اننا نضايق من بعض عشان هيجيى لكل واحد يوم وهايكون محتاج مشورة ,وممكن تكون اجابتها عند الاخ اللى انت غلطت فية ,ياريت نتعامل على اننا اخوات فعلا ,وكل واحد يقول تقيمة على عربيتة بمنتهى الصدق ومن غير تحيز عشان دية عربيتة ,لان مافيهاش عيب ابدا
يعنى مرة وقفنا واحد بتاع افيو وقولنالة العربية فيها مشاكل معاك ,الراجل قال مشاكل العربية كانها مش عربيتة وخلاها مثلا عربية اخرها 50 الف جنية ,مافيهاش احراج ولا اى حاجة

كلامك تقليدي وقديم وخلاص مفيش حد بيفكر بالطريقة ده دلوقتي ( كوري وياباني) .

انا قلت قبل كده الكوري كله كوم والهيونداي كوم تاني سواء في مصر او بره مصر.

[SAMEH_FOUAD]

:t_thum1[1]: كلامك تقليدي وقديم وخلاص مفيش حد بيفكر بالطريقة ده دلوقتي ( كوري وياباني) .

انا قلت قبل كده الكوري كله كوم والهيونداي كوم تاني سواء في مصر او بره مصر.

اول حاجة شكرا لذوقك فى ردك
بس دية وجهة نظرى وانا عارف كويس انا بقول اية عشان انا مجرب الكورى زيرو وعربيات غالية مش رخيصة وبدون ذكر اسماء عشان محدش يزعل ,وعمرى ماهجيبة تانى ولو بقى ببلاش مش فارقة بقى هيونداى من كيا من شيفرلوية من دايو
وشكرا لردك مرة تانية واسلوب الجميل فى الرد على الزملاء

[cheetos_892005]

اول حاجة شكرا لذوقك فى ردك
بس دية وجهة نظرى وانا عارف كويس انا بقول اية عشان انا مجرب الكورى زيرو وعربيات غالية مش رخيصة وبدون ذكر اسماء عشان محدش يزعل ,وعمرى ماهجيبة تانى ولو بقى ببلاش مش فارقة بقى هيونداى من كيا من شيفرلوية من دايو
وشكرا لردك مرة تانية واسلوب الجميل فى الرد على الزملاء

انا اؤيدك 100% في رايك
فعلا كانت دماغي ابتدت تميل جامد ناحيه الكوري و خصوصا هيونداي اللي كانت ليا معاها تجارب مش لذيذه زمان
بس .................. للاسف اكتشفت ان الكوري لسه زي ما هو كوري لا يستحق اكتر من 90 الف جنيه في ((مصر))
التجربه لما اعدت مع ال i 30 اسبوع كامل في الساحل الشمالي بتاعت واحد صحبي و كنت بسوقها كتيررررررررر جدا كان جايبها من سنه ب 120 الف و طلع عينه لحد ما استلمها و مش اللون اللي هو عايزه كمان مش عارف علي ايه؟؟؟؟
اولا نقول المميزات في و جهه نظري
1-عدادات شيك جدا
2-الكراسي قدام مريحه
3- الباور حلو قوي في الركن
4-صوت الموتور هادي بس لو قرصت عليه بيبقي خشن قوي
5-سحبتها جيده
كل المميزات ديه موجوده في عربيات كتير و ارخص منها بكتير
العيوب بقا من وجهه نظري:
1-اولا مفيش لعقل و لا تفكير يخليني اجيب عربيه كوري ب 120 الف مفيهاش abs ولا ebd ولاairbags اقل حاجه في الامان
2-الفرامل جيده بس متسعفش علي سرعات عاليه نهائيا
3-العربيه خفيفه جدا و هي بتجري اي حاجه تيجي جنبها تطوحها
4- واطيه جداااا راكب فيها 3 و بتحك في كل المطبات بالعرض و الطول
5-بتهبط جاااامد جدا لمل تشيل اي حمل
6- استهلاك بنزين عالي ((مش عارف العيب في الموديل و لا في حاجه في العربيه))
7-ثبات مش مرضي نهائيا في المناورات
8-صاج ضعيف جدا جدا جدا جدا جدا للصبح اي حد او عيل صغير بعجله بيسند عليها بتعمل زي ميكون مقطوره داست عليها
9-دهان ضعيف
10-حملنا فيها زياده شويه و كانت بتشحر علي الطريق ار بي ام يعلي و سرعه في الحضيض
11-النقله مش ناعمه و مش و حشه تحس بيها بردو
12 -مطبات الهوا بتبهدلها ((في كام واحد في العالمين خلوا اللي قاعد علي الكنبه خبط في السقف بدون مبالغه والله ))


دي العيوب الاساسيه
نيجي للعيوب الظاهريه و النفسيه من وجهة نظرنا كلنا
1-التكييف مبيعملش تاثير الصبح الا لو علي اعلي حاجه ازعاج رهيب طبعا من المروحه
2-مبقاش مشتري عربيه ايا كانت ب 120 الف و شكل الدريكسيون يبقي كده
علامه هيونداي مش فضي
ناحيه ملتي فنكشن في رايي عامل زي ميكون بيقولك في الكتالوج ادي ملتي فنكشن اهو عشان متقرفناش
و الناحيه التانيه مكانه مقفول ببلاستكه
3-مقابض بلاستيك اسود شكلها وحشه جدا بنسبه اني دافع 120 الف
4-تابلوه اسود في اسود خامته حلوه بس كئيب قوي بمعني الكلمه و النيكل فيه شبه معدوم
5-الكاسيت حلو بس صوته عامل زي كاسيت الاوبترا تحس ان حد حاطط حاجه عالسماعه
6-القاعده عالكنبه حلوه ل 2 بس اكتر لا لا لا
7-فتحه السقف ساعات كويسه و ساعات في فبره كده تطلع تعد تخبط مع الهوا جامد

ده ابرز اللي فكره لحد دلوقتي بعض الحاجات اللي قولتها اللي هي النفسيه ههههههه ممكن تختفي في الاعلي بس اظن دي ب 120 الف كتيييير قوي وميبقاش فيها الحاجت ديه زائد عوامل الامان
ده من وجهه نظري و محدش يزعل مني من ملاكها
بس اللي بيقول الهيونداي و بتاع شوف لما حبو يعملوا عربيه تنافس طلعت عامله ازاي و بكام
اليباني والالماني و الاوروبي((مش كله)) حاجه و الباقي حاجه تانيه خالص
طبعا عارف هيجي واحد يحط تقرير ان الانترا احسن عربيه في الكون بس يركز في اللي مكتوب
وهيعرف انا التقارير ديه فيها معايير تانيه احنا مش عارفينها او العربيات بره غير هنا خااااااااالص