النترا - لانسر شارك

[tarekabosdera]

يا باشا أنا شايفك تاعب نفسك من زمان في موضوع هيونداي ده ومصر انها غير الكوري وفارقه عن الكوري وما الى ذلك ، واصلا كل الكوري اللي في السوق 3 ماركات ( هيونداي ، وشيفورليه ، وكيا ) ، يعني مش 10 ولا 20 ماركة ، وكلهم قريبين جدا من بعض ، وآه الانترا عربية كويسه وتنافس ممكن من الفئة اللي اقل منها في الياباني ( زي مثلا الياريس ، والسيريون ، .... الخ ) ، لكن لو وقفت على كبوتها وقالة بابا وماما وغنت وحوي يا وحوي .... عمرها ما هتنافس ولا تتشبه بنفس فئتها في الياباني .. من غير بقه تقارير ولا مراكز ولا اقسام ولا متزوقيني يا ماما ( صفحة رقم 1300000 ) ... العربية اهي قدامنا وغيرها قدامنا والفرق واضح وكبير .....

ارجو تقبل كلامي بصدر رحب .. مع تحياتي

الالنترا تتقارن ب الياريس والسيريون . هههههههههههههههههههههه
ياراجل قول كلام واقعي شوية . يعني الناس اللي جربت العربية دول بيتكلموا كلام فاضي وانت اللي كلامك صح.

والجهات العالمية للتقييم كلامهم كله غلط وانت اللي كلامك صح.

يعني اصدقك ولا اصدق الناس اللي بتقارن بأسس علمية وأرقام وتجارب ومبيعات.!!!!!!!!!!!!!!!!!

[Eng.Sameh]

الالنترا تتقارن ب الياريس والسيريون . هههههههههههههههههههههه
ياراجل قول كلام واقعي شوية . يعني الناس اللي جربت العربية دول بيتكلموا كلام فاضي وانت اللي كلامك صح.

والجهات العالمية للتقييم كلامهم كله غلط وانت اللي كلامك صح.

يعني اصدقك ولا اصدق الناس اللي بتقارن بأسس علمية وأرقام وتجارب ومبيعات.!!!!!!!!!!!!!!!!!

أيوة يا باششا بتققارن بالياريس والسيريون .. ودي المفروض حاجة تفرحك .. انها بتتقارن بيهم ..
وموضوع الأسس العلمية والتقارير العالمية اللي انا معرفلوش طريق ده... انت ادرى بيه

[islamkhidr]

انا بفضل الالنترا عن الشارك

الشارك سعرها مبالغ فية جداااا

[Eng.Sameh]

انا بفضل الالنترا عن الشارك

الشارك سعرها مبالغ فية جداااا

اول فئة في الشارك اصبحت ب 115000 ، وممكن تجيبها كمان لحد 110000

[SAMEH_FOUAD]

الانسر اسعارها بقت كالاتى :
1.5 سى سى مانيوال فاضية ب110 الف
1.5 اتوماتيك فاضية ب114
1.5سى سى هاف سبورت ب123 الف بدون abs و125 الف فيها abs
1.5 سى سى سبورت ب136 الف جنية بدل من 155 الف ينى الاسعر بقت الى حد ما واقعية شوية

[MAX_PIN]

خليك في الألنترا ... الشارك متستاهلش فرق الفلوس ومش ناجحة خالص في السوق ، وشكلها بصراحة مبيعجبنيش خااااااااالص ( راي شخصي ) ، وبصراحة أنا مش مقتنع خالص باللانسر لا البومة ولا الشارك وفعلا اللانسر اقل عربية ياباني في فئتها وبفرق كبير كمان( من وجهة نظري عشان محدش يزعل ) .. فانت تجيب الانترا كاملة فتحة سقف وجنوط وايرباجز و abs .... وعيييييييييييييش وكبر دماغك من الشارك

خلاص يااستاذ Justs الناس تروح تولع فى عربياتها اللانسر عشان اقل حاجة فى اليابانى
او زبالة اليابانى وأول مره اشوف عربيه زبالة اليابانى ناجحه والالافات من الناس بتجيبها
يمكن تكون عملالهم سحر او تنويم مغناطيسى
بقول بكل ثقة وبكل صراحه خلى صاحب الموضوع خليك فى اللانسر الشارك
تستاهل الفلوس وناجحه جدا
عربيه إعتماديه ومعمره وقطع غيارها قريبه جدا فى التمن من قطع غيار البومه
وفى بعض القطع ارخص من البومه كمان
تحياتى

[Eng.Sameh]

خلاص يااستاذ justs الناس تروح تولع فى عربياتها اللانسر عشان اقل حاجة فى اليابانى
او زبالة اليابانى وأول مره اشوف عربيه زبالة اليابانى ناجحه والالافات من الناس بتجيبها
يمكن تكون عملالهم سحر او تنويم مغناطيسى
بقول بكل ثقة وبكل صراحه خلى صاحب الموضوع خليك فى اللانسر الشارك
تستاهل الفلوس وناجحه جدا
عربيه إعتماديه ومعمره وقطع غيارها قريبه جدا فى التمن من قطع غيار البومه
وفى بعض القطع ارخص من البومه كمان
تحياتى

أنا مش بقول ان الألنترا احسن من الشارك .. لأ طبعا .. الشارك افضل بكتير ...

لكن كل الفكرة اني شايف ان الشارك سعرها كتير قوي عليها .. وبصراحة انا شايف انها بدون شك اقل الياباني في كل حاجة وكانت في السعر كمان بالنسبة للبومة .. وده اصلا سبب انتشارها انها اقل العربيات سعرا وبفرق كبير .... وعشان كده الانسر الشارك لما نزلت بسعر عالي فشلت واصبح سوقها تعبن وكمان سمعتها وقعت في السوق كله ...

يا ريت اكون وضحت وجهة نظري

[M.Osman]

انا اؤيدك 100% في رايك
فعلا كانت دماغي ابتدت تميل جامد ناحيه الكوري و خصوصا هيونداي اللي كانت ليا معاها تجارب مش لذيذه زمان
بس .................. للاسف اكتشفت ان الكوري لسه زي ما هو كوري لا يستحق اكتر من 90 الف جنيه في ((مصر))
التجربه لما اعدت مع ال i 30 اسبوع كامل في الساحل الشمالي بتاعت واحد صحبي و كنت بسوقها كتيررررررررر جدا كان جايبها من سنه ب 120 الف و طلع عينه لحد ما استلمها و مش اللون اللي هو عايزه كمان مش عارف علي ايه؟؟؟؟
اولا نقول المميزات في و جهه نظري
1-عدادات شيك جدا
2-الكراسي قدام مريحه
3- الباور حلو قوي في الركن
4-صوت الموتور هادي بس لو قرصت عليه بيبقي خشن قوي
5-سحبتها جيده
كل المميزات ديه موجوده في عربيات كتير و ارخص منها بكتير
العيوب بقا من وجهه نظري:
1-اولا مفيش لعقل و لا تفكير يخليني اجيب عربيه كوري ب 120 الف مفيهاش abs ولا ebd ولاairbags اقل حاجه في الامان
2-الفرامل جيده بس متسعفش علي سرعات عاليه نهائيا
3-العربيه خفيفه جدا و هي بتجري اي حاجه تيجي جنبها تطوحها
4- واطيه جداااا راكب فيها 3 و بتحك في كل المطبات بالعرض و الطول
5-بتهبط جاااامد جدا لمل تشيل اي حمل
6- استهلاك بنزين عالي ((مش عارف العيب في الموديل و لا في حاجه في العربيه))
7-ثبات مش مرضي نهائيا في المناورات
8-صاج ضعيف جدا جدا جدا جدا جدا للصبح اي حد او عيل صغير بعجله بيسند عليها بتعمل زي ميكون مقطوره داست عليها
9-دهان ضعيف
10-حملنا فيها زياده شويه و كانت بتشحر علي الطريق ار بي ام يعلي و سرعه في الحضيض
11-النقله مش ناعمه و مش و حشه تحس بيها بردو
12 -مطبات الهوا بتبهدلها ((في كام واحد في العالمين خلوا اللي قاعد علي الكنبه خبط في السقف بدون مبالغه والله ))


دي العيوب الاساسيه
نيجي للعيوب الظاهريه و النفسيه من وجهة نظرنا كلنا
1-التكييف مبيعملش تاثير الصبح الا لو علي اعلي حاجه ازعاج رهيب طبعا من المروحه
2-مبقاش مشتري عربيه ايا كانت ب 120 الف و شكل الدريكسيون يبقي كده
علامه هيونداي مش فضي
ناحيه ملتي فنكشن في رايي عامل زي ميكون بيقولك في الكتالوج ادي ملتي فنكشن اهو عشان متقرفناش
و الناحيه التانيه مكانه مقفول ببلاستكه
3-مقابض بلاستيك اسود شكلها وحشه جدا بنسبه اني دافع 120 الف
4-تابلوه اسود في اسود خامته حلوه بس كئيب قوي بمعني الكلمه و النيكل فيه شبه معدوم
5-الكاسيت حلو بس صوته عامل زي كاسيت الاوبترا تحس ان حد حاطط حاجه عالسماعه
6-القاعده عالكنبه حلوه ل 2 بس اكتر لا لا لا
7-فتحه السقف ساعات كويسه و ساعات في فبره كده تطلع تعد تخبط مع الهوا جامد

ده ابرز اللي فكره لحد دلوقتي بعض الحاجات اللي قولتها اللي هي النفسيه ههههههه ممكن تختفي في الاعلي بس اظن دي ب 120 الف كتيييير قوي وميبقاش فيها الحاجت ديه زائد عوامل الامان
ده من وجهه نظري و محدش يزعل مني من ملاكها
بس اللي بيقول الهيونداي و بتاع شوف لما حبو يعملوا عربيه تنافس طلعت عامله ازاي و بكام
اليباني والالماني و الاوروبي((مش كله)) حاجه و الباقي حاجه تانيه خالص
طبعا عارف هيجي واحد يحط تقرير ان الانترا احسن عربيه في الكون بس يركز في اللي مكتوب
وهيعرف انا التقارير ديه فيها معايير تانيه احنا مش عارفينها او العربيات بره غير هنا خااااااااالص

التكييف في الـi30 وحش ؟
مش عارف بصراحة اقولك اية .. بس واضح انك شايف العربية كتلة قمامة اساساً .. اه انا معاك اني مشتريش ب120 ألف عربية مفيهاش وسائل امان لكن مش عشان كوري
و بالنسبة للتكييف انا معايا فيرنا .. لما بكون راكنها في الشمس في عز الظهر اول ما بدخل بشغل التكيف على السرعة قبل الأخيرة و خلال ربع ساعة او عشر دقائق بكون منزله لواحد عشان ببرد...
مش هقول اكتر من كدا ...
(عذراً لصاحب الموضوع ...لكن المشاركة دي مستفزة)

[tarekabosdera]

التكييف في الـi30 وحش ؟
مش عارف بصراحة اقولك اية .. بس واضح انك شايف العربية كتلة قمامة اساساً .. اه انا معاك اني مشتريش ب120 ألف عربية مفيهاش وسائل امان لكن مش عشان كوري
و بالنسبة للتكييف انا معايا فيرنا .. لما بكون راكنها في الشمس في عز الظهر اول ما بدخل بشغل التكيف على السرعة قبل الأخيرة و خلال ربع ساعة او عشر دقائق بكون منزله لواحد عشان ببرد...
مش هقول اكتر من كدا ...
(عذراً لصاحب الموضوع ...لكن المشاركة دي مستفزة)

يا سيدي متعصبش نفسك .

اصلا صاحب المشاركة مذكرش ولا معلومة صح عن i 30 وكل كلامه هجوم وتعصب بدون كلام او واقعي .

سيارات هيونداي بيضرب بيها المثل في قوة التكييف وده بيقول مبيعملش مفعول !!! رغم انها i30!!!

[SAMEH_FOUAD]

ياجماعة الالنترا دية سيارة كويسة للفئة السعرية بتاعتها بس يعنى ممكن تكون احسن اختيار للى معاة 100 الف جنية ,لكن محدش يدخلها فى مقارنة مع يابانى ابدا ,لانها مافيهاش اى تكنولوجيا تخليها حتى تتفوق ولو بواحد بالمية ,هية ممكن تقارنها بكيا ,بشيفرولية ,لكن ماتجيش وتقول شارك او هوندا او مازدا ,
انا ركبت الالنترا ,وركبت الهوندا فرق جامد جدا,وبردة فرق الاوبش للشارك اكيد بردة يكسب والشكل من وجهة نظرى احسن ,ومش شرط ان الالنترا اسرع من الشارك يبقى احسن منها ,لا دة عشان بودى الالنترا اخف من الشارك,وبردة المساحة الداخلية للانترا اوسع من الشارك
دول الحاجتين اللى بتتفوق فيهم الالنترا عن الشارك لكن كل حاجة بعد كدة للشارك

[tarekabosdera]

الالنترا عربية عملية واعتمادية ومعمرة لمئات الالاف من الكيلو مترات.

الالنترا 2007 في منها دلوقتي معدي ال 560 الف كيلو متر وبحالة جيدة. وده يدل على مدى جودة السيارة واعتماديتها زي الياباني

بل افضل من بعض السيارات الياباني بدون ذكر اسماء عشان محدش يزعل.

[SAMEH_FOUAD]

560 الف
دة رقم تعملة فى سبع سنين لو حتى عربية ايجار,وهاتكون العربية بقت بتشحر بعد اول 170 الف كيلو

[hany63]

طب دي مقارنه بين الالنترا md و سيفيك الجيل التامن عن تجربه عشان محدش يقول اني بفتي
1-الشكل الهوندا
2-متانة الصاج واحده
3-الارتفاع عن الارض الهوندا تكسب تخيلوا الالنترا بتحك اكتر
4-الثبات اظن مافيش كلام ان الهوندا تكسب الالنترا بعد ال 140 حسيت اني خايف
5-التكييف الهوندا بس الالنترا تكييفها كويس
6-الراحه و وضعيه القياده و متعة القياده الهوندا
4-الصالون و التابلوه الهوندا
5-وسائل الامان طبعا هوندا (4 ايرباج -abs-ebd-multilink)
6-سحب الموتور للامانه فيه كلام
طلعة الالنترا تخطفك لدرجة انك هتحس انها بتطلع حصان غير طلعة الهوندا اللي كويسه بس الالنترا حاجه تانيه
على الطريق لغاية ال 80 الالنترا بتتفوق بسبب الطلعه السريعه على 100 الهوندا هتجيبها على 120 هتكون عديتها بعربيتين على 140 الالنترا مش هتشوف الهوندا خالص و ده في حالة الشد من الثبات لو من الحركه الهوندا هتعدي من ال 90
وعلى فكره الكورولا 2006 بتعدى الالنترا md بعد ال90 و عن تجربه عشان لسه واحد كسر عليا و عربيتي الكورولا سحفت فشتمته فجاب D3 زي حالاتي عشان يلبسني قاصد و برضه فرقت
وفي النهايه برضه الالنترا مش وحشه بس لازم برضه تاخد وضعها و هي حلوه للي عايز حاجه من ريحة الياباني

[hany63]

نسيت اقول الكورولا 1300 اوتوماتيك

[_hema]

كل واحد يقول وجهة نظره مين افضل من ناحية قوة الماتور وفخامة السيارة من الداخل والخارج وطول العمر

الافتراضي . النترا اوتوماتيك ولا لانسر شارك اوتوماتيك 1600 سي سي

انا من وجهة نظري ومن تجربتي للانترا الاوتوماتيك شايف انها عربية ممتازة وماتورها قوي والسحب مبيضعفش مع التكييف وشكلها الخارجي احسن من اللانسر.

لاوجه للمقارنه بين الاثنين

واللانسر تكسب طبعاً بلا منازع