النترا - لانسر شارك

[Dawns_Mist]

السحب على الأوفرتراكينج إجمالا في مصلحة الشارك عن تجربة ... مع إني كنت بجرب الشارك الـ 1500 كمان 4 سرعات اوتو ... بالتالي أتوقع الجديدة هتكون أحسن و أحسن ...

الراحة الداخلية .. أول مرة لانسر تتفوق على الإلنترا في الراحة الداخلية ... عن تجربة سفر يا جماعة كلام مافيهوش تحيز

الثبات ... فرق كبير في مصلحة الشارك

الصالون ... إلنترا صالونها أحسن .. لكن خاماته أي كلام ... الشارك صالونها خاماته أحسن لكن مش شبابي زي إلنترا

الشكل الخارجي ... على المستوى الشخصي بحب شكل الشارك جدا و إلنترا شكلها بالنسبة لي لا يليق إنها تكون عربية 2012 نازله تناهض الشارك و الفليوانس و المازدا !!!!!

أوبشنز الهاي لاين من الإلنترا 2012 أحسن شوية ( حاجات قليلة مش كتيره و ده كمان بسبب إن 2012 شارك هاي لاين أقل في الكماليات من 2011 هاي لاين )

الحاجة الوحيدة اللي عجبتني و انا سايق الإلنترا الجديدة عن الشارك إن قعدتها شوية واطية .. و أنا بحب و أنا سايق أكون قريب من الأرض و في نفس الوقت متابع أبعاد العربية كويس .. الشارك قعدتها مش وحشة لكن علشان أكون جايب أبعاد العربية كويس بكون عالي شوية و أنا بفضل القعدة اللي مش عالية دي ...

[just_magdy1]

يا باشا أنا شايفك تاعب نفسك من زمان في موضوع هيونداي ده ومصر انها غير الكوري وفارقه عن الكوري وما الى ذلك ، واصلا كل الكوري اللي في السوق 3 ماركات ( هيونداي ، وشيفورليه ، وكيا ) ، يعني مش 10 ولا 20 ماركة ، وكلهم قريبين جدا من بعض ، وآه الانترا عربية كويسه وتنافس ممكن من الفئة اللي اقل منها في الياباني ( زي مثلا الياريس ، والسيريون ، .... الخ ) ، لكن لو وقفت على كبوتها وقالة بابا وماما وغنت وحوي يا وحوي .... عمرها ما هتنافس ولا تتشبه بنفس فئتها في الياباني .. من غير بقه تقارير ولا مراكز ولا اقسام ولا متزوقيني يا ماما ( صفحة رقم 1300000 ) ... العربية اهي قدامنا وغيرها قدامنا والفرق واضح وكبير .....

ارجو تقبل كلامي بصدر رحب .. مع تحياتي

بغض النظر عن المقارنة اللى شايف فيها تعصب احيانا المهم بغض النظر عن كل ده انت راجل زى السكر
بالمناسبة أنا كنت احد ملاك الالنترا يوما ما كانت موديل ٢٠١٠ ونزلت منها واشتريت شارك وبعت الشارك عشان اشترى
رينو فلوانس وبعدين غيرت رايى علشان سعر اعادة البيع وانا بغير كتير المهم فى الاخر كنت على وشك أجيب النترا ٢٠١٢ بس لحقت نفسى على اخر لحظة وتخيل اشتريت ايه ...... اشتريت شارك تانى

[bakkarahmed]

انا بقي معايا الاتنين الالنترا بتاعتي والشارك بتاعه والدي بس نظرالتقدمه في السن فالعربيه معايا علي طول باختصار
اولا بالنسبه للشكل والصالون دي مساله ازواق وانا باستريح للالنترا اكتر وبيضايقني طابلوه الشارك ماعدا العدات تعتبر اجمل ما فيه
الوسع الالنترا افضل
الشنطه الالنترا ( الشارك شنطتها مسخوطه خالص)
الطلعه الالنترا افضل بس بعد كده شارك
الهاندلينج الشارك
النظام الصوتي الشارق تتفوق بمراحل
الشارك عربيه محترمه جدا جدا يكفي انك تعمل في يوم حوالي 800 كيلو شبه متصله في عز الصيف ولا تشعر بذره تغير في مستوي الاداء اطلاقا منهم اخر 100 كيلو كنت مشغل التكييف ومعايا والدي و اولادي وزوجتي وكنت ماشي علي 190 فتره وهما نايمين مش حاسسين يحاجه يعني لا هبده مطب ولا ولا هزه ولا صوت عالي والعربيه قمه في الثبات والهانديلين بتاعها ممتاز وبالرغم من ان الباور كهربا بس الدركسيون علي السريع صخره
المشكله ان الشارك ساعات بحس اتها ناقصها لمسه الكوري الحلوه بس

[Dawns_Mist]

انا بقي معايا الاتنين الالنترا بتاعتي والشارك بتاعه والدي بس نظرالتقدمه في السن فالعربيه معايا علي طول باختصار
اولا بالنسبه للشكل والصالون دي مساله ازواق وانا باستريح للالنترا اكتر وبيضايقني طابلوه الشارك ماعدا العدات تعتبر اجمل ما فيه
الوسع الالنترا افضل
الشنطه الالنترا ( الشارك شنطتها مسخوطه خالص)
الطلعه الالنترا افضل بس بعد كده شارك
الهاندلينج الشارك
النظام الصوتي الشارق تتفوق بمراحل
الشارك عربيه محترمه جدا جدا يكفي انك تعمل في يوم حوالي 800 كيلو شبه متصله في عز الصيف ولا تشعر بذره تغير في مستوي الاداء اطلاقا منهم اخر 100 كيلو كنت مشغل التكييف ومعايا والدي و اولادي وزوجتي وكنت ماشي علي 190 فتره وهما نايمين مش حاسسين يحاجه يعني لا هبده مطب ولا ولا هزه ولا صوت عالي والعربيه قمه في الثبات والهانديلين بتاعها ممتاز وبالرغم من ان الباور كهربا بس الدركسيون علي السريع صخره
المشكله ان الشارك ساعات بحس اتها ناقصها لمسه الكوري الحلوه بس

انت راجل محترم و منصف ...
و دي شهادة راجل يمتلك العربيتين و كمان عربيته الأساسية هي الإلنترا و الشارك هي الاحتياطية ، و فعلا الكلام ده كله أنا مجربه و تقريبا عندي نفس الأفكار و الشعور اللي عند حضرتك ...

بالنسبة للأستاذ tarekabosdera أنا شايف إن كلام حضرتك يا أفندم كله متعصب بطريقة زيادة عن اللزوم و الموضوع مش مستاهل .. و كلام حضرتك مش منصف بالمرة .. و أنا مش بشكر في الشارك ولا بقول عليها أحسن عربية ولا بقول على الإلنترا عربية زبالة ولا بشتم ولا بمدح في حد ... أنا مهندس ميكانيكا و متخصص في الاحتراق الداخلي و خبرتي بالعربيات الكوري أكتر من خبرتي بعربيات تانية كتير لإني اتدربت كمهندس في مركز صيانة هيونداي طنطا و مركز كيا كفر الزيات ، و كان الأولى إني أحب العربيات الكوري لما أدخل الأماكن دي .. عايز أقول لحضرتك إننا عملنا في أقل من شهر 28 لفيرنا 2009 و 12 لإلنترا 2009 - 2008 جايبين ماكينه ( يعني محتاجين على الأقل عمرة أو تسقيط موتور جديد بجير بوكس ) و 40 ديسك و اسطوانة لإلنترا 2008 - 2009 - 2010 .... عايز أقولك إن نص الأرقام دي ماحصلش في مركز صيانة كيا .. فانا مش عارف حضرتك على أي أساس بتقولي عمرها طويل و كلام كتير من ده و أنا مهندس و حافظها من جوه !!!!
هيونداي كترتيب تتفوق فعلا خصوصا من 2009 بس ده مش علشان إلنترا ... ده علشان عملت جينيسس و إكواس و خدت فعلا جوايز عالمية في المواتير بتاعت الموديلات دي و للعلم المواتير دي كلها جايه من مراكز خبرة في ألمانيا تابعه لمراكز بحث هيونداي .. يعني اللي حاطين المعادلات بتاعتها ألمان مش كوريين كمان .. غير كده هيونداي مافيش أي إنجاز عملته على المستوى العلمي و الميكانيكي أبدا علشان تقول فيها كل الشعر ده ... مازالت سامسونج و كيا تتفوق على هيونداي في الأمان و الثبات و أنظمة التعليق في كل الإصدارات إجمالا من واقع تقارير عالمية و خبرة و تجربة شخصية .... و برضه الجينيسس و الإكواس من هيونداي لو قارنتهم بأي أي عربية في فئتها السعرية أوروبية أو يابانية أو أمريكية يبقى انت كده بتمسح بكرامة العربيات دي الأرض بمعنى الكلمة و الفيديوهات على اليوتيوب مرطرطه ( مقارنة عربية بعربية بعيدا عن الكماليات و الأوبشنز و الشكل و التصميم و شغل العيال ده ) ....

بعيدا عن كلام المهندسين ... العربيات اللي مع عيلتي يعني اللي أنا سوقتها و بسوقها من و انا في ابتدائي لحد النهارده من كل الماركات ( ألفا روميو - ميتسوبيشي - تويوتا - بي إم - مرسيدس - جيب - هيونداي - كيا - سامسونج - شيفروليه - نيسان - فيات - بيجو - فولكس - أوبل - ......... ) فده برضه مازال رأيي كواحد مجرب العربيات دي و بيحب دايما يشوف الجديد و بحاول أكون منصف والله مافي بالي أتحيز لياباني أو ضد كوري لإني مش هستفيد حاجة ... فأغلب اصدقائي الشخصيين اللي بيقولوا شعر في الكوري غالبا لما باجي أسئلهم انت ركبت إيه غير العربية دي بيسكت أو بيقولي عربية كوري تانية أو عربية قديمة أوي معتقه مش كوري .. بالتالي حكمه مش منصف لإنه ماجربش و كمان مش خبير في السواقة أصلا ...

آسف يا جماعة على الإطالة لكن فيه كلام كتير أوي في الموضوع ده نرفزني ... و أنا لا بقول على الإلنترا زبالة ولا بقول على الشارك واو ........ أنا قولت رأيي قبل كده في الموضوع ده مليون مرة لكن مايصحش يكون عندنا التحيز الأعمى ده لأي عربية أو لأي صناعة ... مقارنة عربية بعربية إلنتر هتكسب في نقط و لانسر هتكسب في نقط تانية و كل واحد يختار اللي يرتاحله و الموضوع بسيط .. لكن ماحدش يجي يقولي ده لانسر دي أفخم ماركة ولا حد يقولي ده هيونداي دي حاجة وهمية ماحصلتش !!!!!

[Dawns_Mist]

انا بقي معايا الاتنين الالنترا بتاعتي والشارك بتاعه والدي بس نظرالتقدمه في السن فالعربيه معايا علي طول باختصار
اولا بالنسبه للشكل والصالون دي مساله ازواق وانا باستريح للالنترا اكتر وبيضايقني طابلوه الشارك ماعدا العدات تعتبر اجمل ما فيه
الوسع الالنترا افضل
الشنطه الالنترا ( الشارك شنطتها مسخوطه خالص)
الطلعه الالنترا افضل بس بعد كده شارك
الهاندلينج الشارك
النظام الصوتي الشارق تتفوق بمراحل
الشارك عربيه محترمه جدا جدا يكفي انك تعمل في يوم حوالي 800 كيلو شبه متصله في عز الصيف ولا تشعر بذره تغير في مستوي الاداء اطلاقا منهم اخر 100 كيلو كنت مشغل التكييف ومعايا والدي و اولادي وزوجتي وكنت ماشي علي 190 فتره وهما نايمين مش حاسسين يحاجه يعني لا هبده مطب ولا ولا هزه ولا صوت عالي والعربيه قمه في الثبات والهانديلين بتاعها ممتاز وبالرغم من ان الباور كهربا بس الدركسيون علي السريع صخره
المشكله ان الشارك ساعات بحس اتها ناقصها لمسه الكوري الحلوه بس

انت راجل محترم و منصف ...
و دي شهادة راجل يمتلك العربيتين و كمان عربيته الأساسية هي الإلنترا و الشارك هي الاحتياطية ، و فعلا الكلام ده كله أنا مجربه و تقريبا عندي نفس الأفكار و الشعور اللي عند حضرتك ...

بالنسبة للأستاذ tarekabosdera أنا شايف إن كلام حضرتك يا أفندم كله متعصب بطريقة زيادة عن اللزوم و الموضوع مش مستاهل .. و كلام حضرتك مش منصف بالمرة .. و أنا مش بشكر في الشارك ولا بقول عليها أحسن عربية ولا بقول على الإلنترا عربية زبالة ولا بشتم ولا بمدح في حد ... أنا مهندس ميكانيكا و متخصص في الاحتراق الداخلي و خبرتي بالعربيات الكوري أكتر من خبرتي بعربيات تانية كتير لإني اتدربت كمهندس في مركز صيانة هيونداي طنطا و مركز كيا كفر الزيات ، و كان الأولى إني أحب العربيات الكوري لما أدخل الأماكن دي .. عايز أقول لحضرتك إننا عملنا في أقل من شهر 28 لفيرنا 2009 و 12 لإلنترا 2009 - 2008 جايبين ماكينه ( يعني محتاجين على الأقل عمرة أو تسقيط موتور جديد بجير بوكس ) و 40 ديسك و اسطوانة لإلنترا 2008 - 2009 - 2010 .... عايز أقولك إن نص الأرقام دي ماحصلش في مركز صيانة كيا .. فانا مش عارف حضرتك على أي أساس بتقولي عمرها طويل و كلام كتير من ده و أنا مهندس و حافظها من جوه !!!!
هيونداي كترتيب تتفوق فعلا خصوصا من 2009 بس ده مش علشان إلنترا ... ده علشان عملت جينيسس و إكواس و خدت فعلا جوايز عالمية في المواتير بتاعت الموديلات دي و للعلم المواتير دي كلها جايه من مراكز خبرة في ألمانيا تابعه لمراكز بحث هيونداي .. يعني اللي حاطين المعادلات بتاعتها ألمان مش كوريين كمان .. غير كده هيونداي مافيش أي إنجاز عملته على المستوى العلمي و الميكانيكي أبدا علشان تقول فيها كل الشعر ده ... مازالت سامسونج و كيا تتفوق على هيونداي في الأمان و الثبات و أنظمة التعليق في كل الإصدارات إجمالا من واقع تقارير عالمية و خبرة و تجربة شخصية .... و برضه الجينيسس و الإكواس من هيونداي لو قارنتهم بأي أي عربية في فئتها السعرية أوروبية أو يابانية أو أمريكية يبقى انت كده بتمسح بكرامة العربيات دي الأرض بمعنى الكلمة و الفيديوهات على اليوتيوب مرطرطه ( مقارنة عربية بعربية بعيدا عن الكماليات و الأوبشنز و الشكل و التصميم و شغل العيال ده ) ....

بعيدا عن كلام المهندسين ... العربيات اللي مع عيلتي يعني اللي أنا سوقتها و بسوقها من و انا في ابتدائي لحد النهارده من كل الماركات ( ألفا روميو - ميتسوبيشي - تويوتا - بي إم - مرسيدس - جيب - هيونداي - كيا - سامسونج - شيفروليه - نيسان - فيات - بيجو - فولكس - أوبل - ......... ) فده برضه مازال رأيي كواحد مجرب العربيات دي و بيحب دايما يشوف الجديد و بحاول أكون منصف والله مافي بالي أتحيز لياباني أو ضد كوري لإني مش هستفيد حاجة ... فأغلب اصدقائي الشخصيين اللي بيقولوا شعر في الكوري غالبا لما باجي أسئلهم انت ركبت إيه غير العربية دي بيسكت أو بيقولي عربية كوري تانية أو عربية قديمة أوي معتقه مش كوري .. بالتالي حكمه مش منصف لإنه ماجربش و كمان مش خبير في السواقة أصلا ...

آسف يا جماعة على الإطالة لكن فيه كلام كتير أوي في الموضوع ده نرفزني ... و أنا لا بقول على الإلنترا زبالة ولا بقول على الشارك واو ........ أنا قولت رأيي قبل كده في الموضوع ده مليون مرة لكن مايصحش يكون عندنا التحيز الأعمى ده لأي عربية أو لأي صناعة ... مقارنة عربية بعربية إلنتر هتكسب في نقط و لانسر هتكسب في نقط تانية و كل واحد يختار اللي يرتاحله و الموضوع بسيط .. لكن ماحدش يجي يقولي ده لانسر دي أفخم ماركة ولا حد يقولي ده هيونداي دي حاجة وهمية ماحصلتش !!!!!

[kholio]

محدش هيعرف قيمة الشارك الا اللي جربها
واللي بيقول الشارك غالية اوي على تمنها الشارك 2012 تمنها 163 الف هاي لاين
والنيو النترا 2012 تمنها 161 الف الهاي لاين
بالعقل كدة انهي عربية في مبالغة في تمنها

[Dawns_Mist]

محدش هيعرف قيمة الشارك الا اللي جربها
واللي بيقول الشارك غالية اوي على تمنها الشارك 2012 تمنها 163 الف هاي لاين
والنيو النترا 2012 تمنها 161 الف الهاي لاين
بالعقل كدة انهي عربية في مبالغة في تمنها

كلامك مظبوط يا باشا ... عموما الكوري في مصر كتير منه أسعاره مبالغ فيها .. و الشارك فعلا ياريت اللي يتكلم عنها يكون جربها الأول و جربها كويس جدا و جرب غيرها علشان يكون رأيه منصف و مبني على واقع .. و ده عموما لازم يحصل في مقارنة أي عربية تانية مش الشارك بس ...

[ahmzd]

المقارنة دي عمرها 5 سنين! لو أمكن التحديث!