النترا - لانسر شارك

[Eng.Sameh]

انا اؤيدك 100% في رايك
فعلا كانت دماغي ابتدت تميل جامد ناحيه الكوري و خصوصا هيونداي اللي كانت ليا معاها تجارب مش لذيذه زمان
بس .................. للاسف اكتشفت ان الكوري لسه زي ما هو كوري لا يستحق اكتر من 90 الف جنيه في ((مصر))
التجربه لما اعدت مع ال i 30 اسبوع كامل في الساحل الشمالي بتاعت واحد صحبي و كنت بسوقها كتيررررررررر جدا كان جايبها من سنه ب 120 الف و طلع عينه لحد ما استلمها و مش اللون اللي هو عايزه كمان مش عارف علي ايه؟؟؟؟
اولا نقول المميزات في و جهه نظري
1-عدادات شيك جدا
2-الكراسي قدام مريحه
3- الباور حلو قوي في الركن
4-صوت الموتور هادي بس لو قرصت عليه بيبقي خشن قوي
5-سحبتها جيده
كل المميزات ديه موجوده في عربيات كتير و ارخص منها بكتير
العيوب بقا من وجهه نظري:
1-اولا مفيش لعقل و لا تفكير يخليني اجيب عربيه كوري ب 120 الف مفيهاش abs ولا ebd ولاairbags اقل حاجه في الامان
2-الفرامل جيده بس متسعفش علي سرعات عاليه نهائيا
3-العربيه خفيفه جدا و هي بتجري اي حاجه تيجي جنبها تطوحها
4- واطيه جداااا راكب فيها 3 و بتحك في كل المطبات بالعرض و الطول
5-بتهبط جاااامد جدا لمل تشيل اي حمل
6- استهلاك بنزين عالي ((مش عارف العيب في الموديل و لا في حاجه في العربيه))
7-ثبات مش مرضي نهائيا في المناورات
8-صاج ضعيف جدا جدا جدا جدا جدا للصبح اي حد او عيل صغير بعجله بيسند عليها بتعمل زي ميكون مقطوره داست عليها
9-دهان ضعيف
10-حملنا فيها زياده شويه و كانت بتشحر علي الطريق ار بي ام يعلي و سرعه في الحضيض
11-النقله مش ناعمه و مش و حشه تحس بيها بردو
12 -مطبات الهوا بتبهدلها ((في كام واحد في العالمين خلوا اللي قاعد علي الكنبه خبط في السقف بدون مبالغه والله ))


دي العيوب الاساسيه
نيجي للعيوب الظاهريه و النفسيه من وجهة نظرنا كلنا
1-التكييف مبيعملش تاثير الصبح الا لو علي اعلي حاجه ازعاج رهيب طبعا من المروحه
2-مبقاش مشتري عربيه ايا كانت ب 120 الف و شكل الدريكسيون يبقي كده
علامه هيونداي مش فضي
ناحيه ملتي فنكشن في رايي عامل زي ميكون بيقولك في الكتالوج ادي ملتي فنكشن اهو عشان متقرفناش
و الناحيه التانيه مكانه مقفول ببلاستكه
3-مقابض بلاستيك اسود شكلها وحشه جدا بنسبه اني دافع 120 الف
4-تابلوه اسود في اسود خامته حلوه بس كئيب قوي بمعني الكلمه و النيكل فيه شبه معدوم
5-الكاسيت حلو بس صوته عامل زي كاسيت الاوبترا تحس ان حد حاطط حاجه عالسماعه
6-القاعده عالكنبه حلوه ل 2 بس اكتر لا لا لا
7-فتحه السقف ساعات كويسه و ساعات في فبره كده تطلع تعد تخبط مع الهوا جامد

ده ابرز اللي فكره لحد دلوقتي بعض الحاجات اللي قولتها اللي هي النفسيه ههههههه ممكن تختفي في الاعلي بس اظن دي ب 120 الف كتيييير قوي وميبقاش فيها الحاجت ديه زائد عوامل الامان
ده من وجهه نظري و محدش يزعل مني من ملاكها
بس اللي بيقول الهيونداي و بتاع شوف لما حبو يعملوا عربيه تنافس طلعت عامله ازاي و بكام
اليباني والالماني و الاوروبي((مش كله)) حاجه و الباقي حاجه تانيه خالص
طبعا عارف هيجي واحد يحط تقرير ان الانترا احسن عربيه في الكون بس يركز في اللي مكتوب
وهيعرف انا التقارير ديه فيها معايير تانيه احنا مش عارفينها او العربيات بره غير هنا خااااااااالص
:ta_clap[1]:

بعيد عن اني مبحبش الشارك بالذات ( شكلا وموضوعا ) بصفة شخصية ، وبعيد عن المشاحنة السابقة .. واللي انتهت تماما بمجرد كلمة كويسه ( روح نايل موتورز )

بصراحة أنا معاك في معظم الل انت قلته ومعاك أن الكوري أقل بكتير من الياباني والألماني ومش بس في الحجات الظاهرة اللي انت قلتها ، لأ ده كمان في العمر الأفتراضي لكل مكونات العربية وبالذات الموتور ( عن تجربة ) ...

بس اللي عاوز أفهمه ومش عارف أفهمه ... ليه الناس لما الواحد يقول خسارة ادفع فوق ال 100000 في عربية كوري حتى لو بتسقف وتقول بابا وماما .. وأن حتى لو زودو كمالياتها فبردو الكماليات دي مش هتعمر لا هيه ولا الأساسيات وكتير عربيات كوري تدلل على كلامي وأنا مجرب عربيتين كوري قبل ما اشتري عربيتي الحالية ( وطلعو عيني ) .. ومع ذلك تلاقي الناس زعلت ويخدو الموضوع بشكل هجومي وأكن الواحد ياباني وبيروج لبضاعته ، مع أن الواحد بيبقى صعبان علية فلوس الناس زي ما بيخاف على فلوسه .. وكلنا في مصر عارفين أن حتى اللي ربنا رازقه بشغل كويس ومرتب كويس .، فبردو بيطلع عينه في الفلوس دي...
فيا ريت الناس تاخد الكلام على المحمل الأخوي وأنه من باب حبنا لبعض مش من باب الهجوم ..

وبكل أخلاص أنا شايف أن اللي ممعوش أكتر من 90000 أو 100000 بالكتير يشتري كوري ويحاول يحافظ علية وربنا يكرمة ويبقى يغير بعد كده لأحسن ... ، لكن اللي عدى ال 100000 جنية أحسن انه يقرص على نفسة شوية حتى لو هيقسط جزء صغير ويشتري عربية محترمة بالمرة سواء ياباني أو ألماني ( طبعا بعد المفاضلة بين السيارات المتاحة كلُ على حدى مش ياباني وألماني وخلاص ) ويشتري دماغة 10 سنين قدام أو أكتر .. لكن بصراحة عشان يدفع 120000 و 130000 في عربيات كوري .. بجد خسارة وعمرها ما هتديك قيمة بهذا المبلغ

والله ولي التوفيق .. ويا رب ما حد يزعل مني

[cheetos_892005]

بعيد عن اني مبحبش الشارك بالذات ( شكلا وموضوعا ) بصفة شخصية ، وبعيد عن المشاحنة السابقة .. واللي انتهت تماما بمجرد كلمة كويسه ( روح نايل موتورز )

بصراحة أنا معاك في معظم الل انت قلته ومعاك أن الكوري أقل بكتير من الياباني والألماني ومش بس في الحجات الظاهرة اللي انت قلتها ، لأ ده كمان في العمر الأفتراضي لكل مكونات العربية وبالذات الموتور ( عن تجربة ) ...

بس اللي عاوز أفهمه ومش عارف أفهمه ... ليه الناس لما الواحد يقول خسارة ادفع فوق ال 100000 في عربية كوري حتى لو بتسقف وتقول بابا وماما .. وأن حتى لو زودو كمالياتها فبردو الكماليات دي مش هتعمر لا هيه ولا الأساسيات وكتير عربيات كوري تدلل على كلامي وأنا مجرب عربيتين كوري قبل ما اشتري عربيتي الحالية ( وطلعو عيني ) .. ومع ذلك تلاقي الناس زعلت ويخدو الموضوع بشكل هجومي وأكن الواحد ياباني وبيروج لبضاعته ، مع أن الواحد بيبقى صعبان علية فلوس الناس زي ما بيخاف على فلوسه .. وكلنا في مصر عارفين أن حتى اللي ربنا رازقه بشغل كويس ومرتب كويس .، فبردو بيطلع عينه في الفلوس دي...
فيا ريت الناس تاخد الكلام على المحمل الأخوي وأنه من باب حبنا لبعض مش من باب الهجوم ..

وبكل أخلاص أنا شايف أن اللي ممعوش أكتر من 90000 أو 100000 بالكتير يشتري كوري ويحاول يحافظ علية وربنا يكرمة ويبقى يغير بعد كده لأحسن ... ، لكن اللي عدى ال 100000 جنية أحسن انه يقرص على نفسة شوية حتى لو هيقسط جزء صغير ويشتري عربية محترمة بالمرة سواء ياباني أو ألماني ( طبعا بعد المفاضلة بين السيارات المتاحة كلُ على حدى مش ياباني وألماني وخلاص ) ويشتري دماغة 10 سنين قدام أو أكتر .. لكن بصراحة عشان يدفع 120000 و 130000 في عربيات كوري .. بجد خسارة وعمرها ما هتديك قيمة بهذا المبلغ

والله ولي التوفيق .. ويا رب ما حد يزعل مني

وانا مش زعلان منك خالص و يا ريت ننسي اللي فات
بس لو اتكررت تاني هسمحك بردو لاننا هنا يهمنا مصلحه بعض و بسو متفق معاك جدا في كلامك

[tarekabosdera]

اللي مش عاجبه مواصافات الوكيل ( غبور ) يشتري خليجي . فيه وسائل امان واحسن من الوكيل.

[cheetos_892005]

اللي مش عاجبه مواصافات الوكيل ( غبور ) يشتري خليجي . فيه وسائل امان واحسن من الوكيل.

طيب و الضمان؟؟؟ انا بصراحه معرفش في الحوارات ديه بس اسمع ان الخليجي ملوش ضمان ا و فئات قليله هي اللي ليها ضمان

ملحوظه ملهاش دعوه بالموضوع
عندك غلطه في كلمه Hyundai في التوقيع
حضرتك كاتبها hundai

[tarekabosdera]

طبعا عارف هيجي واحد يحط تقرير ان الانترا احسن عربيه في الكون بس يركز في اللي مكتوب
وهيعرف انا التقارير ديه فيها معايير تانيه احنا مش عارفينها او العربيات بره غير هنا خااااااااالص

بالظبط كده انا اللي هاجي وهحطلك التقارير. ( كويس انك ذكرت التقارير المبهرة)

سيدي الفاضل المصنع اللي بيطلع عربيات هيونداي النترا للعالم هو واحد بس وباختلاف كماليات وليس اختلاف اساسيات. يعني البودي واحد والعفشة واحدة والفتيس واحد والدركسيون واحد ............ الخ وقطع الغيار اللي عمالين تسبو وتلعنو فيها واحد وعمرها طويل حسب الدراسة المعمولة.

الاختلاف بيكون في الماكينة ( بتكون عندهم 2000 سي سي) والقليل من وسائل الآمان الزيادة( اللي ممكن تتعوض بالخليجي )

يعني الفروقات مش جذرية لدرجة اننا نتغاضى ذكر التقارير المميزات.

[tarekabosdera]

بالنسبة للضمان انا شايفه مش مهم لدرجة انك تضطر تشتري من وكيل الناس كلها كرهته . كده كده العربية اول 60 الف كيلو مبيحصلش فيها حاجة ان شاء الله ومش بتصرف.

وبعدين مفيش اكتر من مراز خدمة هيونداي في انحاء القاهرة والجيزة ومراكز محترمة ونظيفة جدا.

[cheetos_892005]

بالظبط كده انا اللي هاجي وهحطلك التقارير. ( كويس انك ذكرت التقارير المبهرة)

سيدي الفاضل المصنع اللي بيطلع عربيات هيونداي النترا للعالم هو واحد بس وباختلاف كماليات وليس اختلاف اساسيات. يعني البودي واحد والعفشة واحدة والفتيس واحد والدركسيون واحد ............ الخ وقطع الغيار اللي عمالين تسبو وتلعنو فيها واحد وعمرها طويل حسب الدراسة المعمولة.

الاختلاف بيكون في الماكينة ( بتكون عندهم 2000 سي سي) والقليل من وسائل الآمان الزيادة( اللي ممكن تتعوض بالخليجي )

يعني الفروقات مش جذرية لدرجة اننا نتغاضى ذكر التقارير المميزات.:ta_clap[1]:

بصراحه من اللي بشوفو في سيارات المعاقين او المنطقه الحره اللي جيا من اوروبا
متزعلش مني فرق كبيييييييييييير اوي اوي اوي للصبح
في كله مش مجرد كماليات و موتور اكبر
و لو كلامي غلط يبقي في معاير تانيه اكيد احنا منعرفهاش
صعب اوي تخش دماغ اي حد ان الانترا تكسب وحوش الماركات العالميه الاخري في امريكا دي يطير فيها رقاب علي الاقل في المانيا سيبك من اليابان
مجرد راي و تفكير

[cheetos_892005]

بالنسبة للضمان انا شايفه مش مهم لدرجة انك تضطر تشتري من وكيل الناس كلها كرهته . كده كده العربية اول 60 الف كيلو مبيحصلش فيها حاجة ان شاء الله ومش بتصرف.

وبعدين مفيش اكتر من مراز خدمة هيونداي في انحاء القاهرة والجيزة ومراكز محترمة ونظيفة جدا.

اختلف معاك بصراحه
الضمان مهم جدا جدا جدا لان صناعه السيارات اولا و اخيرا تجميعيه
كمان فيها العامل البشري
كمان احسن ماركات في العالم ممكن يبقي فيها عيب صناعه ولو عربيه من وسط مليون
ممكن انت اللي تلبس فيها
وممكن العيب ده يطلعلك من اول 100 كيلو مش 60 الف
يبقي ضاع المال يا ولدي
فللاسف انت مضطر تروح للسفاح
قصدي غبور
بس من ناحيه مراكز الخدمه انا معاك

[tarekabosdera]

اختلف معاك بصراحه
الضمان مهم جدا جدا جدا لان صناعه السيارات اولا و اخيرا تجميعيه
كمان فيها العامل البشري
كمان احسن ماركات في العالم ممكن يبقي فيها عيب صناعه ولو عربيه من وسط مليون
ممكن انت اللي تلبس فيها
وممكن العيب ده يطلعلك من اول 100 كيلو مش 60 الف
يبقي ضاع المال يا ولدي:i_angr1[1]:
فللاسف انت مضطر تروح للسفاح



قصدي غبور:t_thum1[1]:
بس من ناحيه مراكز الخدمه انا معاك:ta_clap[1]:

حتى ده ليها حل . مفيش حاجة ملهاش حل اللي عيز يبعد عن الوكيل البديل موجود.

لو عايز ضمان على العربية بتروح عند مركز خدمة محترم اول ما تجيب العربية وتقله انا عايز اعمل ضمان للعربية ده لمدة مثلا 60 الف كيلو او 100 الف كيلو . مقابل مبلغ من المال اعتقد انه 2000 جنيه وبكده تكون ارتحت نفسيا .

بس انا برضه شايف ان العربيات الخليجي تقفيلها ممتاز ومش ملعوب فيها والحمد لله نادر جدا لما يحصل فيها عيب صناعة.

ومتستغربش ان الالنترا واخدة المركز الاول . يمكن في حاجة انت مش واخد بالك منها. هي واخدة المركز الاول على العربيات اللي في فئتها فقط يعني مش الاول على بي ام مثلا.

على سبيل المثال العربيات اللي في فئة الالنترا ( كرولا - لانسر - صني - هوندا سيتي 1500 - بروتون جين2 - سيراتو - ...........)

[SAMEH_FOUAD]

ان مش عارف لية مش مؤيد حكاية الجوائز دية بحس انها عادية جدا خصوصا انى بشوف النترا عطلانة يعنى مابتلحقش وبعدين ياجماعة فية فرق كبير جدا بين العربيات اللى بتنزلنا واللى بتنزل لدول اوروربا لان الفرق واضح جدا جدا بين الاتنين ,سواء فى الدعامات الجانبية او تقفيل السيارة نفسها فى اللحامات وتقفيل الصالون ,لانهم عارفين كويس جدا ان الدول دية مابتقبلش اى عربية غير لما بتخضع لاختبارات صارمة ,وصدقنى هما لو ودوله عربية من العربيات الكورى اللى عندنا هيرفضوها فورا ,زى ما حصل فى السيارات الصينى وطبعا احنا عارفين انها مرفوضة هناك وممنوعة من البيع,وزى مانتوا عارفين ان احنا بنقبل اى حاجة بدون اى اختبارات فعادى ان اى عربية تمشى عندنا
خلاصة الكلام ,الهيونداى شركة مش وحشة ,بالعكس كويسة جدا بس لفئة سعرية معينة مش اعلى من 100.000 الف جنية لان بعد كدة يبقى حرام تدفع فيها فلوس لان قدامك سيارات احسن بكتير وهتزود شوية بس هاتركب ,واحنا مش بنقول الكورى وحش بالعكس الكورى حلو بس اول 3 سنين وبعد كدة بيبدأ تقل كفاءتة جامد والمدة دية مع الاستعمال الحنين
لكن يابانى ,المانى =جودة,صيانة قليلة,عمر افتراضى معمر جدا ,حتى مع البهدلة والمعاملة القاسية ,وانا معايا يابانى وعارف انا بقول اية

[cheetos_892005]

حتى ده ليها حل . مفيش حاجة ملهاش حل اللي عيز يبعد عن الوكيل البديل موجود.

لو عايز ضمان على العربية بتروح عند مركز خدمة محترم اول ما تجيب العربية وتقله انا عايز اعمل ضمان للعربية ده لمدة مثلا 60 الف كيلو او 100 الف كيلو . مقابل مبلغ من المال اعتقد انه 2000 جنيه وبكده تكون ارتحت نفسيا .

بس انا برضه شايف ان العربيات الخليجي تقفيلها ممتاز ومش ملعوب فيها والحمد لله نادر جدا لما يحصل فيها عيب صناعة.

ومتستغربش ان الالنترا واخدة المركز الاول . يمكن في حاجة انت مش واخد بالك منها. هي واخدة المركز الاول على العربيات اللي في فئتها فقط يعني مش الاول على بي ام مثلا.

على سبيل المثال العربيات اللي في فئة الالنترا ( كرولا - لانسر - صني - هوندا سيتي 1500 - بروتون جين2 - سيراتو - ...........)

هي مش الكرولا نفس فئه السيفيك والمازدا 3 و لا انا غلطان؟؟
مجرد سؤال عشان انا مش دايس في موضوع الفئات ديه خالص
علي كده بقي ايه اللي بيخلي الناس ترضخ لذل السفاح غبور في كل حاجه
امكانيات و صيانه و قله ادب في الاستقبال عن تجربه
اكيد هتستغرب لما تعرف ان كنت هجيب الانترا لسنه اللي فاتت بس لما دخلت المبيعات خرجت من الباب التاني فورا
وحلفت ما معتبها
لاسباب كتير منها التوكيل و الاسعار و الامكانيات

[Mahmoud Saloum]

الشارك طبعا بعمر الالنترا. لعلمك الالنترا زى الزفت فى موضوع المطبات وخصوصا لو محمل

[tarekabosdera]

وزي ما في ناس بتكره غبور في ناس شايفة انه توكيل ممتاز جدا ومعاملتهم ممتازة.

مش شرط عشان واحد حصل معاه موقف وحش يحكم على التوكيل كله انه زي الزفت !!!!!!!!

[super3_11]

احب اضيف رائي الخاص دون زعل هو يعنى توكيل تويوتا فوق الوصف ما بردو فية مشاكل وقلة ادب وانا اخترت تويوتا لانه واللة وعارف ان محدش حيصدقنى لانى اعوذب الله بكلم على تويوتا عن تجربة فيه مشاكل وكفاية الكورولا الجديدة والجيربوكس الزفت لانه فية مشاكل ( بكلم عن الجنوب افريقى ) معرفش اليابانى وكل ماتروح التوكيل يقولك الصيانة الجاية هنتصرف ومبيعملوش حاجة وبيدورها على بيعة بعد 15000 كيلو وعلى فكرة مش عيب فى العربية دى بس ده العيب فى الموديل الى نزل كله وفى السعودية اتسحبت من السوق كلها بس دة ممكن يحصل فى مصر ؟؟؟؟؟ يعى من الاخر كل عربية فيها الحلو وفيها الوحش بس يصراحة ومع احترامى مش مقتنع خالص ان ال i30 سيارة سيئة لان مبيعاتها عالية جدا والثبات احتحالة يشوبه شئ دى وزنها 1300كيلو على الارض يعنى جولف وبعدين هى اصلا تصميم المانى .

[tarekabosdera]

احب اضيف رائي الخاص دون زعل هو يعنى توكيل تويوتا فوق الوصف ما بردو فية مشاكل وقلة ادب وانا اخترت تويوتا لانه واللة وعارف ان محدش حيصدقنى لانى اعوذب الله بكلم على تويوتا عن تجربة فيه مشاكل وكفاية الكورولا الجديدة والجيربوكس الزفت لانه فية مشاكل ( بكلم عن الجنوب افريقى ) معرفش اليابانى وكل ماتروح التوكيل يقولك الصيانة الجاية هنتصرف ومبيعملوش حاجة وبيدورها على بيعة بعد 15000 كيلو وعلى فكرة مش عيب فى العربية دى بس ده العيب فى الموديل الى نزل كله وفى السعودية اتسحبت من السوق كلها بس دة ممكن يحصل فى مصر ؟؟؟؟؟ يعى من الاخر كل عربية فيها الحلو وفيها الوحش بس يصراحة ومع احترامى مش مقتنع خالص ان ال i30 سيارة سيئة لان مبيعاتها عالية جدا والثبات احتحالة يشوبه شئ دى وزنها 1300كيلو على الارض يعنى جولف وبعدين هى اصلا تصميم المانى .

انت اول واحد تقول كلمة حق في الموضوع ده.