Tweet
مشكله ف طقم البيوجهات الجديد ؟!
اول طلب ليا معاكو ف نايل موتورز انا معايه اكسنت 99 1500 سى سى عندى مشكله من ساعه ماغيرت البيوجهات وحاسس ان الماتور مخنوق احيانا لما بكون ماشى بلاقيه ينتش منى ولما اشيل رجلى من ع دواسه البنزين يرجع طبيعى وساعات لما بشغل التكيف واكون ماشى ع الاول الاقى الماتور فجاه اتخنق وف رعشه ف العربيه ولما ازود بنزين ترجع كل حاجه ع طبيعتها ... تنصحونى باي ؟؟ مع العلم ان المشكله ظهرت اول ماغيرت بيجوهات .. وربنا يجزايكو خير
-
-
ممكن تكون البوجيهات حصل فيه حاجة من الاتى :
- بوجيهات غير اللى راكبة فى العربية يعنى مختلفة وغير مناسبة للعربية - تاخد بوجيه قديم وتروح تجيب زيه بالظبط من حيث طول الشمعة بالذات ومتعتمدش على موديل العربية وتروح تشترى نظرى وممعاكش بوجيه قديم ودايماً احتفظ ببوجيه قديم معاك فى العربية علشان تشترى زيه ومتستناش لما تخلع القدام .
- ممكن يكون فيه سلك بوجيه اتركب مكان سلك بوجيه تانى .
- اللى ركب البوجيهات لعب فى الخلوص بتاع الالكترود وقفله شويةamadios سابقا -
والله ياهندسه احب اشكرك ع سرعه الرد... لما جبت البيوجهات الجديده جبتها حسب نوع العربيه مركزتش ف السن بتاعها والميكانيكى اللى ركب مكنتش واقف ع ايده اهمال منى ماخدتش باللى من القديم اللى كان راكب ... احتمال يكون سلك ركب مكان سلك دا وارد بس اعرفها ازاى دىComment
-
زى ما قال لك المهندس احمد .. بوجيهات موش بتاعتها .. او الفتحه موش مظبوطهالمشاركة الأصلية كتبت بواسطة م/أحمد عبد الفتاح مشاهدة المشاركة
او ان عربيتك بتأخذ بوجيهات عاديه نيكل .. و انت اشتريت بلاتينيوم بدلها
الرعشه بتيجى مع الدوس الخفيف .. و لو دوست دوسه شديده دايما .. مفيش رعشه تحصل
سؤال للمهندس احمد
- كنت تحدثت عن مشاكل سلك البوجيه فى ردود ليك قبل كده .. ممكن نعرف ايه هى الاعراض اللى ممكن نعرف منها ان سلك البوجيه وحش
- انا وضعت بوجيهات بلاتينيوم بدل النيكل .. هل ممكن الاقى بوبينه مناسبه للبلاتينوم و سلك .. علشان تعطى كهربا كافيه ؟؟
- انا غيرت البوجيه الفابريكه و هو نيكل BKR6E-11 .. و استعملت بوجيه سن رفيع بلاتينيوم G-Power موديل BKR6EGP .. يعنى نفس الرقم و لكن فتحته 1 مم ( بدلا من 1.1 مم الاصلى ) .. ابتدأت رعشه تظهر من 1800 لفه حتى 2000 لفه .. لا توجد رعشه قبلها او بعدها
- انا عملت كده علشان الاستهلاك عندى رهيب .. 120 كم فى الصفيحه جوه اسكندريه فى زحمه خفيفه الى متوسطه .. العربيه عندى شبه زيرو ( 15 الف كم فقط ) اسبرانزا 620 موتور 2000 سى
تحياتى و تقديرىComment
-
أول حاجه إنك تعرف أرقام الاسطوانات بتاعة الموتور وهى بتبقى وانت فاتح الكبوت وباصص للعربية من قدام حتلاقى الترتيب من الشمال لليمين ١ -٢ - ٣ -٤ ( يعنى ١ دى ناحية الكرسى اللى جنب السواق)
بعد كده حاتمشى ورا السلك اللى طالع من البوجيه لغاية اوله (البوبينة أو الاسبراتير حسب عربيتك) حتخلعه وتنور بكشاف حتلاقى رقم الاسطوانة مكتوب على البوبينة أو غطا الاسبراتير جنب السلك حاتشوف هل رقم كل سلك داخل مظبوط على الاسطوانة بتاعته ولا لأ .amadios سابقاComment
-
السلام عليكم ورحمة الله وبركاته مش ممكن تكون السلوك مقلوبه خالص ؟لو مقلوب هتلاقى فرقعه جامده والعربيه مش هتمشى معاك خالص وبعدين انتى بص على تقسيمة السلوك بلترتيب ده من البوبينه الكهرباء 1 و3 و4 و2 دى تقسيمة كل المحركات ال 4 سلندر ؟ومش معقول يكون ميكانيكى كفته يغلط غلطه هبله زى سلوك البوجيهات وفى احتمال كبير تكون البوجيهات دى واخده رطوبه او بايظه من الاساس جرب البوجيهات القديمه انتى بنفسك فك البوجيهات مش صعب دى اسهل حاجه فى العربيه وربنا يصلح الحال ؟المشاركة الأصلية كتبت بواسطة mu reda مشاهدة المشاركةComment
-
-
انا اتلاقيت الاسلاك معكوسه وانا واقف قدام الكبوت من الشمال لليمين 4 3 2 1Comment
-
علشان تعرف السلك بتاع البوجيهات كويس ولا لأ :المشاركة الأصلية كتبت بواسطة tasaka مشاهدة المشاركة
بعد إذن صاحب الموضوع معلش حانخرج شوية عن مشكلتك.
- أشهر طريقة سماع صوت زنة فى الراديو (تبان أكتر فى الراديو أكترمن الكاسيت أو السى دى) وبتزيد لما بتزود دواسة البنزين .
- ميس فاير وده بيحصل معاك .
- إستهلاك بنزين كبير وده بيحصل معاك .
- إحتمال إضاءة لمبة التشيك انجن.
طيب إزاى نعرف إن فيه سلك او اسلاك للبوجيهات مش كويسة :
- حانفك سلك واحد من البوبينة للبوجية ونطلعه بره العربية ونكشف على الكلبس اللى بيدخل فى البوجيه والكلبس اللى بيدخل فى البوبينة إنهم مايكونوش مجنزرين أو فيهم تاكل او واسعين (عن طريق بوجيه قديم ندخل السلك ونشوفه هل واسع على البوجيه ولا محكم)
- حانفحص السلك كويس على مجمل طوله بدقة ونشوف هل يوجد عليه اى اثر للهباب او كربون أو قطع أو تنيه أو متاكل نتيجه احتكاكه باى حاجه وهل الغطا اللى فى اول السلك واللى فى اخره كويس ولا مقطع ومهرى ومتاكل. وهكذا كل سلك نكشف عليه ونرجعه تانى مطرحه علشان الدنيا ماتتلخفنش.
- فيه طريقة تانية بس دى عاوزة ضلمة تماماً - تدور الموتور وتبص على اى شرارة حتبان معاك فى الضلمة يبقى السلك بيهرب. (ممكن تديها بخة ميه بالبخاخة بتاعة القزاز بس ده ممكن يكهربك :) فبلاش )
- فيه طريقة تانية لو لمبة التشيك انجن منورة بانك تحطها على السكان وتشوف الميس فاير مثلا P0301 يعنى ميس فاير فى السطوانة رقم ١ وبعدين تبدل سلك بوجيه رقم ١ اللى شاكين فيه مع سلك بوجية تانى مكان بعض بس التبديل يكون السلك كامل من البوبينة للبوجيه وتحطها على السكان تانى لو الميس فاير اتنقل معاك وبقى P0303 مثلاً يعنى الاسطوانة رقم ٣ (اللى نقلت ليها السلك اللى شاكك فيه ) يبقى السلك بايظ ولو فضل الميس فاير زى ماهو فى الاسطوانة رقم ١ يبقى السلك تمام.
بالنسبة لإنك تغير السلك بسلك أحسن من مصر ده شبه مستحيل والاحسن انك تشترى طقم من بره مصر إسمه performance ودى مش ماركة لكن توصيف بانه ليه اداء عالى وبيتركب على العربيات اللى بيعملوا بيها سباقات بلدى ( يعنى شوية شباب عاوزين يشدوا مع بعض :) ) فده بيحسن الاداء بتاع الموتور شوية ومن ضمن التعديلات الرخيصة غير طبعا عربيات السباق .
**** بس انت غيرت البوجيهات للبلاتينيوم وكمان الخلوص مش مناسب فممكن ده يكون زود معاك المشكلة - خلى بالك فيه عربيات مش بينفع معاها تكنلوجيا البوجيهات يعنى مثلا الجيب مابتاكلش غير مع البوجية اللى قطبه نحاس ولا بلاتينيوم ولا ايريديوم بينفع معاها :) - ولو ينفع تظبط الخلوص بتاع البوجيهات شوية وتوصله للمطلوب يكون احسن.amadios سابقاComment
-
جرب وخد بالك 1342 الترتيب فى البوبينه الكرباء او الاسبراتير مكتوب رقم السلك يبدء من واحد تحطه فى بوجيه رقم واحد وبلترتيب 1342 وربنا يوفقك طمنى ؟المشاركة الأصلية كتبت بواسطة mu reda مشاهدة المشاركةComment
-
باشا انا جربت من الشمال لليمين 1342 وجيت ادور ادينتى صواريخ وماداريتش كلمت الميكانيكى قالى حط من الشمال لليمين 1234 وبردو مادارتيش ؟! باشا ممكن ترنلى برقم موبايلك ع 01120504924 وانا هكلمك بعد اذنكComment
-
أرقام السلندرات بتاعة الموتور من الشمال لليمين هى ١ ٢ ٣ ٤ - حاتمسك أول سلك طالع من البوجية رقم ١ يعنى اول واحد شمال وتشوفه داخل على فين حتلاقى فى الحتة اللى داخل فيها رقم مكتوب لو كان ١ يبقى تمام . وبالمثل حاتروح للسلك اللى طالع من البوجيه رقم ٢ وتشوفه داخل على رقم مكتوب عليه ٢ ولا رقم تانى وهكذا وتصلح الغلط بس نور بكشاف كويس علشان تشوف الكتابة.amadios سابقاComment
-
شكرا جزيلا على الرد المستفيضالمشاركة الأصلية كتبت بواسطة م/أحمد عبد الفتاح مشاهدة المشاركة
ساقرؤه بتأنى .. و سارد على الرسائل الخاصه .. لعدم ازعاج صاحب الموضوع
تحياتى و تقديرى و اكرر شكرىComment
-
فعلان يام/أحمد عبد الفتاح كلامك مظبوط 100% العربيه دارت ع الترتيب العكسى من الشمال لليمين 4321 لوش السلندر ... الف شكرا ياباشاComment
-
المشاركة الأصلية كتبت بواسطة tasaka مشاهدة المشاركة
شكرا جزيلا على هذا الرد المفصل الوافى جداالمشاركة الأصلية كتبت بواسطة م/أحمد عبد الفتاح مشاهدة المشاركة
برغم انى كنت عارف ان اللى بيحصل عندى هو misfire .. و عارف كويس ان مشاكله على الموتور خطيره و مدمره
لكن كنت عامل زى اللى فى التنويم المغناطيسى و لم اهتم .. بس بصراحه كلمتك خلتنى افوق لنفسى ( خصوصا ان انت اللى قلتها ) .. تانى يوم مباشره بعد كلمتك نزلت غيرت البوجيهات
الميكانيكى :
نزلت تانى يوم على طول غيرت البوجيهات بالبوجيهات الاستاندرد النحاس بتاعتها .. طلبت من الميكانيكى انه يكشف على الاسلاك و البوبينه .. قال كويسه ( هو كان شغال فى توكيل سبرانزا .. بس يظهر انى حاغير الميكانيكى ده )
و هو بيركب البوجيهات لاحظت بالصدفه انه بيضغط على فيشه البوبينه بشده جدا بكلتا اليدين ( تمام كان واحد بيزق عربيه عطلانه من ورا ) .. حقيقى انا لم اصدق ما رأيته ( اللى بيتعمل فى فيشه بلاستيك و بوبينه بلاستيك )
و كمان اول مره يحصل ان فرده بوبينه كانت فاصله عن عدد 2 بوجيه .. الفيشه لم تكن مظبوطه و ظبطها .. برغم اننا غيرنا البوجيهات 4 مرات خلال ال 3 شهور اللى فاتوا و كل شيئ كان مظبوط و كويس خلال التركيب
التجربه :
المهم .. مشيت من عنده و لقيت نفس الرعشه بس اقل شويه و على نفس لفات الموتور
بعد ما تركته .. نزلت اجرب الفيشه .. طبعا من كتر الضغط المطاط اللى جوه الفيشه باظ و موش بتقفل فى الكلبس بتاعها ( راكبه و لكن موش محكمه و مفيش تكه القفل )
رحت صلحتها عند الكهربائى ( بس للاسف طبعا جزء من الكاوتش اللى جوه الفيشه اصبح ناقص .. يعنى ممكن متكونش محكمه 100% ) .. الرعشه قلت بنسبه 90% و لكن مازال هناك جزء خفيف متبقى ( احتمال تكون نفس الفيشه موش محكمه تماما ؟؟؟؟ )
الاعراض :
- العربيه زى الحرير قبل ما ابدأ فى استعمال البلاتينيوم ( العربيه شبه زيرو 15 الف كم )
-بعد التغيير بلاتينيوم و ظبط الفتحه 11 ( المقاس الاستاندرد بتاعى ) .. استعمال شهرين على المقاس ده
1- غلطه خفيفه جدا فى اول الدوسه ( يعنى ار بى ام من 700 الى 900 ) .. تشبه بدايات سكه خفيفه جدا جدا ( مفيش سكه )
2- مفيش اى مشكله بعد كده و العربيه سلسه على جميع لفات الموتور
3- احيانا عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه ( كان العربيه بتفرمل للحظه فى بدايه الدوسه اثناء المشى
-بعد التغيير بلاتينيوم و ظبط الفتحه 10 ( المقاس الاستاندرد للبوجيه البلاتينيوم ) .. استعمال شهرين على المقاس ده
1- الغلطه الخفيفه قلت عن الاول فى اول الدوسه
2- مفيش اى مشكله بعد كده و العربيه سلسه على جميع لفات الموتور ( بس ظهرت شبه رعشه خفيفه جدا عند 1500 لفه )
3- احيانا عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه
-بعد التغيير بلاتينيوم و ظبط الفتحه 9 ( اقل من المقاس الاستاندرد للبوجيه البلاتينيوم ) .. استعمال اسبوعين
1- الغلطه الخفيفه قلت عن الاول فى اول الدوسه
2- مفيش اى مشكله بعد كده و العربيه سلسه على جميع لفات الموتور ( بس ظهرت شبه رعشه خفيفه جدا عند 1800 لفه الى 2000 لفه )
3- احيانا عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه
-بعد التغيير الى البوجيهات الاصليه نحاس
1- الغلطه الخفيفه شبه انتهت .. لكن للاسف لسه موجوده على خفيف جدا .. و دى بصراحه مضايقانى جدا
2- بعد ما صلحت الفيشه الرعشه راحت بنسبه 90% ( كانت موجوده مع البوجيهات النيكل الاستاندرد )
3- الخنقه انتهت اثناء المشى
الخلاصه :
ممكن الميكانيكى ده .. اثناء مرات تغيير البوجيهات كان بوظ الفيشه و هو ده اللى كان بيعمل الرعشه فى البوجيهات البلاتينيوم ( لانها ظلت موجوده حتى بعد الرجوع للنيكل الاصلى ) .. و
لكن الاكيد ان الغلطه فى اول الطلعه مرتبطه بالبوجيهات البلاتينيوم .. لانها انتهت بنسبه كبيره مع النيكل
الميكانيكى ده لما ظبط البوجيهات البلاتينيوم .. من اول مره بيغير مقاس الفتحه من بين السن الموجب و السالب .. يعنى هو ممكن يكون بوظ البوجيهات حتى قبل ان يركبوا ( شال طبقه البلاتينيوم من على البوجيه ) .. يعنى حتى موش حاقدر احكم 100% على الغلطه الخفيفه فى اول الدوسه .. لانه بوظ البوجيهات اثناء ظبط الفتحه من اول مره تركيب ( برغم انى قبل ما اشترى سألته هل عنده فللر ظبط البوجيه البلاتينبوم .. قال موجود !!!! )
- سؤال :
- هل حصل ضرر دائم الان ؟؟
- ايه اللى ممكن يتأثر بال misfire ( كرنك و كامه ؟؟
- هل البوبينه تكون اتأثرت من البلاتينيوم لان مقاومته اعلى ؟؟
انا فكيت كابل الموجب و وضعته على السالب ( السالب راكب فى البطاريه ) لمده 5 دقائق .. و ان شاء الله اجرب النهارده بالليل
العربيه استهلاكها على الطوالى زى كتالوجها بالظبط و احسن شويه كمان .. المشكله فى الاستهلاك جوه البلد هو اللى قليل .. وضعتها على الجهاز من سنه ( فى التوكيل ) .. قال لى قرائتها مثاليه يعنى مظبوطه 100%
ده رد قديم يوضح الموضوع اكتر
تحياتى و اعزازى- فيه حاجه انا عملتها و كنت متخوف شويه من تأثيرها على الكامه
- البوجيهات عندى مواصفه NGK BKR6E-11 نيكل عاديه .. سعر 70 جم
- البوجيهات المتوافقه هى اما V Power نيكل عاديه ( موش متوفر ) .. او اريديوم ( انا كنت عايز اجرب بس و لقيته غالى جدا للتجربه بيه ) .. البلاتينيوم موش موجود فى لائحه البوجيهات المتوافقه
- انا استعملت بلاتينيوم BKR6EGP و هو G Power ( موش ال V Power نيكل عاديه ) .. ده له نفس رقم البوجيه عندى بالظبط و لكن بلاتينيوم ( سعر 130 جم ) .. الفرق الوحيد هو ان ال Gap بتاعته هى 1 مم بدلا من 1.1 للاصلى النيكل ( مواصفه العربيه عندى ) ..
- جربته على Gap مقاس 1.1 ( مواصفه العربيه عندى ) .. ثم عدت مره اخرى الى 1 مم من 3 اسابيع
- اداؤه افضل و تسارع احسن .. بس دائما بأحس ان العربيه فى اول الدوسه ( بدء رفع ال ار بى ام ) ما يشبه غلطه خفيفه جدا ( عدم نعومه ) .. بعد تخطى هذه المنطقه ( 1000 او 1100 ار بى ام ) نعومه كامله
- دى ان كنت متخوف منها على الكامه بسبب الغلطه الخفيفه دى .. بس انا ماشى بالبوجيهات الجديده كذا شهر بدون حدوث اللخبطه دى .. لكن من 3 اسابيع عدلت الفتحه الى 1 مم ( الفتحه الاصليه للبوجيه البلاتينيوم ) و الغلطه دى قلت عما كانت عليه لما كنت ظابط البوجيه البلاتينيوم على 1.1 ( المواصفه الاصليه المطلوبه عندى للبوجيه النيكل العادى )
- انا لما اخترت البوجيه البلاتينيوم .. تفكيرى كان ان فبه بوجيهات After Market .. و لانه كان واخد نفس رقم البوجيه عندى فده يعنى قدر كبير من التوافق .. بس طبعا مكنتش متأكد ان الكهرباء المتولده من الكويل عندى حتكون كافيه للبلاتينيوم ام لا ؟؟ لان مقاومته اعلى من النيكل .. و ده يمكن السبب اللى خلانى ارجع لفتحه 1 مم الاصليه للبوجيه البلاتينيوم لتعويض ضعف الكويل بالنسبه للبلاتينيوم .. و يمكن ده اللى خلى NGK تخلى فتحته 1 مم بدلا من 1.1 لنفس كود بوجيه
- على فكره انا موش من الصنف اللى بيحب تعديل المواصفات .. دائما باتبع مواصفه العربيه للامان .. بس استهلاك البنزين القاتل اللى عندى ( 120 كم فى الصفيحه داخل البلد ) هو اللى اجبررنى على التجربه .. سواء للبوجيهات او الزيت ..
و ربنا يسترComment
Comment