مشكله ف طقم البيوجهات الجديد ؟!

[م/أحمد عبد الفتاح]

تم بحمد الله اصلاح المشكله

الشكر كل الشكر للمهندس احمد عبد الفتاح للنصائح القيمه و المتابعه المستمره

و لنقل التجربه للزملاء
1- تم عمل الريست للفلاش بطريقه المهندس احمد هى الاصح ( باللون الازرق ) و اعطت النتيجه المطلوبه
تمام وإن كنت أفضل عمل الفلاش للكمبيوتر بتاع العربية بفك الكابل السالب وبعد كده تفتح الكونتاكت وتنور النور العالى وترجع تانى المفتاح وتشيلة من الكونتاكت وتستنى الـ ٥ دقايق .

انا اللى نفذته بالظبط كان الاتى :



2- الطريقه الى انا نفذتها فى الاول ( باللون الاسود ) لم تعطى النتيجه الكامله و لكن احدثت بعض التغيير ( انا لمكا كنت عند الكهربائى قلت له انى حشيل السالب نصف ساعه .. و لكنه اصر انى انفذ الطريقه اللى بالاسود )

انا فكيت كابل الموجب و وضعته على السالب ( السالب راكب فى البطاريه ) لمده 5 دقائق



تأثير الطريقه اللى نفذتها اول مره ( بالاسود )
1- ال ار بى ام عالى جدا فى اول دواره
2- عداد ار بى ام لم يعمل فى اول تدويره
3- الرعشه من 1800 دوره الى 2000 راحت تماما لمده نصف ساعه .. بس رجعت تانى بعدها ( ساشرح السبب لاحقا )
4- السلانسيه اصبح عالى جدا عند التوقف فى الاشارات اثناء المشى يعنى 900 و المعتاد 700
5- السلانسيه ظبط بعد كده و لكن الرعشه فضلت


تاثير طريقه المهندس احمد
1- لم يعطل عداد ال ار بى ام فى اول دواره
2- ال ار بى ام متوسط فى اول دواره
3- الرعشه من 1800 دوره الى 2000 راحت تماما .. و التجربه تمت 3 مرات استعمال قبل وضع النتيجه هنا
4- توجد خشانه على عدد لفات متغير احيانا .. و لكن اعتقد الكمبيوتر بيظبط التوقيتات لكل عدد لفات موتور لسه
5- النقل غير محسوس نهائى عند 1500 دوره ( بعنى لازم اجيب الستيب ترونيك علشان اعرف هى نقلت ام لا ) .. لكن النعومه دى قلت برضه شويه

التحسن الان ممكن نقول 95% و اعتقد ساعطى وقت للكمبيوتر لاستكمال البرمجه

اعتقد ان عمل ريست كل فتره شيى ممتاز و يمكن اعمل كده بصفه مستمره كل 6 شهور .. ما رأى المهندس احمد فى كده ؟؟

تحياتى و اعزازى و تقديرى

الريسيت مافيش منه مشاكل ولكن بافضل نعملة لما نحتاجله زى مثلا تنظيف البوابة - حاجه ملخفنة فى العربية ومافيش ليها سبب ولا لمبة منورة - حاجه علقت فجأة زى المؤشرات والعدادات ... يعنى حاجات من هذا القبيل ولكن لو العربية ماشية تمام فيبقى مالهوش لزمة

[tasaka]

الحمدلله ان الموضوع بيتحسن معاك
زيادة استهلاك البنزين بتبقى بصفة عامة نتيجة إن الكمبيوتر بيدخل فى حالة اسمها open loop والحالة دى متبرمجة عالكمبيوتر وبتسبب إن البنزين يكون زيادة لضمان استمرار دوران الموتور rich fuel أياً كان سبب دخول الكمبيوتر فى هذه الحالة - وعلى سبيل المثال فى بداية تدوير العربية بيكون الكمبيوتر فى open loop لغاية مالعربية تسخن وبيبقى الموتور rich fuel وسينسورات الاكسجين بتبقى معموللها باى باس مؤقتاً لغاية العربية ماتسخن فالكمبيوتر بيتحول إلى closed loop وبيبدأ الكمبيوتر فى المراقبة معتمداً على سينسورات الاكسجين اللى بتمثل اشارتها له المرجع لضبط الـ fuel trim سواء rich أو lean والاشارة دى بتبقى بالفولت من ٠ : ١,١ فولت وخط المرجع للإشارة دى ٠,٤٥ فولت لو أقل من كده الكمبيوتر حايعتبر نسبة الوقود قليلة وحايزود البنزين علشان يحافظ على نسبة ١٤,٧ هواء إلى ١ بنزين - والعكس صحيح .
وبالتالى لما ذكرتلك قبل كده إن الاختبار اللى الكمبيوتر مابيقدرش يعمله بيكتب جنبه not ready وهذه الجملة معناها ان الكمبيوتر شغال open loop والـ fuel trim بتاع الموتور rich وبالتالى العربية مابتعديش الفحص الفنى لأنها ملوثة للبيئة .
أشهر سببين لموضوع الـ rich fuel المستمر هما ضعف سينسور الاكسجين (مش بتلاقى لمبة منورة ولاكود عطل إلا فى حالة تلف سينسور اكسجين تماماً أو تلف السخان بتاعه أو دايرة السخان) - والسبب التانى عدم دقة قراية سينسور درجة حرارة مياه التبريد وده بيخلى الكمبيوتر معلق على الـ open loop .
فيه طبعاً حاجات تانية داخلة فى الموضوع ولكن للبساطة انا شرحت اهم حاجه

موضع الاستهلاك ده .. هو سبب كل التجارب اللى عملتها ( زى البوجيهات )

كشف الكمبيوتر فى التوكيل .. المهندس قال لى " مثاليه " .. و انه حيحتفظ بنسخه منها لنفسه .. و الكلام ده من سنه .. يعنى استهلاك البنزين مترافق مع قراءات مثاليه !! ؟؟

هو قاس العربيه و هى واقفه .. و بعدين خرج بيها ربع ساعه و اخذ قراءات حيه اثناء المشى

عموما انا كنت عايز اشوف النتائج بنفسى و ااخذ منها نسخه و لكن يومها كان فيه مشكله فى الطباعه للاسف و طلبت منه يرسلها لى على الميل و لكن الموضوع اتنسى

بس انا سألته عن قراءه ال OS1 و OS2 .. قال كويسين

و بسبب ان النتائج لم تطبع .. حبيت اخذ الخلاصه .. سألته على LTFT
Long trim Fuel Trim .. قال كويسه و سألته عن قيمه القراءه .. قال فيه فرق 2% او 3% .. و دى انا عارف انها بكده تعتبر قراءه طبيعيه



الحمد لله .. انا عندى فكره كويسه عن تشخيص الاعطال و قراءه الحساسات لان زى ما قلت لك هو ده كان اهتمامى الاول لما دخلت المنتدى



على قدر فهمى .. و ارجو تصحيحى ان كنت فاهم غلط

لو فيه استهلاك البنزين عالى حيكون لاحد سببين
1- قطعه ميكانيكيه تالفه .. رشاش بيسيل مثلا .. خراطيم تالفه .. EGR مسدود .. الخ
2- امر زياده ضخ من الكمبيوتر نتيجه معطيات خطأ تصله



لو فيه حساس اكسجين موش كويس .. و نتج عن كده استهلاك البنزين عالى

يبقى معنى كده ان الكمبيوتر بيوصل له معلومه ان الخليط Lean و بالتالى سيعطى امر زياده ضخ البنزين .. ده حيغير منحنى STFT ) Short trim Fuel Trim ) لحظيا من السالب حتى يصل الى خط الصفر .. ثم يستقر ثابت على خط الصفر

و بالتالى برغم ان الخليط اصبح فى الحقيقه Rich .. الا انه سيكون عند خط الصفر فى منحنى STFT .. ( بسبب القراءه الخاطئه لحساس الاكسجين )

لكن الفيصل دائما هو Long trim Fuel Trim .. لان المنحنى ده حيبدأ يزيد و يثبت على خط جديد اعلى من الصفر بقيمه تتناسب مع نسبه زياده ضخ البنزين فيصبح مثلا ( 10% زباده .. يعنى تصبح قيمته 1.10 ) .. لان كميه البنزين التى تم ضخها اكبر اصبحت اعلى من النسبه اللازمه لكميه الهواء الداخل ( الى بيقيسه ال MAF , MAP ) .. مقارنه بنسبه الخلط المثاليه 1:14.7

حسب فهمى .. طالما ال Long trim Fuel Trim فى حدود الصفر ( يعنى %2 او 3% يعتبر طبيعى ) .. يبقى المفروض ان كل شيئ تمام ( حساسات او رشاشات .. الخ )

تحياتى و اعزازى و تقديرى

[tasaka]

السنه اللى فاتت .. جبت جهازين قراءه اعطال
Actron
Innova
الاثنين امكانياتهم كويسه بس ال Actron كان اغلى ( سعره 200 ولار )

الشيى العجيب ان الجهازين لم يعملوا مع العربيه ؟؟ برغم ان ال Actron جبته النسخه الداعمه للاسيوى
و علشان اتأكد ..

المهندس فى التوكيل حطه على 516 و اشتغل كويس .. بيانات حيه و حساسات و كل شيئ .. و قراها سيستم ميتسوبيشى !! ..

امال انا السيستم عندى ايه !! .. موتور و فتيس جالنت و موش شايف العربيه .. يمكن واخدين كمبيوتر اوروبى !! ( اعتقد تصميماتها من شركه نمساويه )

جربتهم على كارينز و اشتغلوا كويس .. موش قادر افهم ايه السبب ؟؟ .. انا شكيت ان السوكيت عندى فيه مشكله
عند بعض الناس اللى عندها كشف كمبيوتر .. برضه لم يقرأ العربيه
لكن كمبيوتر التوكيل قرأ العربيه


جربت الجهازين اوتو و مانيوال .. لا فائده

على النت وجدت ان احيانا بيكون فيه تشفير لبعض الكمبيوترات .. بس لم ابحث الموضوع بصراحه .. و لغيت الموضوع ده من تفكيرى ( انى اشترى جهاز اعطال )

[م/أحمد عبد الفتاح]

موضع الاستهلاك ده .. هو سبب كل التجارب اللى عملتها ( زى البوجيهات )

كشف الكمبيوتر فى التوكيل .. المهندس قال لى " مثاليه " .. و انه حيحتفظ بنسخه منها لنفسه .. و الكلام ده من سنه .. يعنى استهلاك البنزين مترافق مع قراءات مثاليه !! ؟؟

هو قاس العربيه و هى واقفه .. و بعدين خرج بيها ربع ساعه و اخذ قراءات حيه اثناء المشى

عموما انا كنت عايز اشوف النتائج بنفسى و ااخذ منها نسخه و لكن يومها كان فيه مشكله فى الطباعه للاسف و طلبت منه يرسلها لى على الميل و لكن الموضوع اتنسى

بس انا سألته عن قراءه ال OS1 و OS2 .. قال كويسين
بيبقى كويس لما تكون قراية OS11v قيمته بتلعب كتير وتكون قراية OS12v ثابته الى حد ما يعنى بتتغير على فترات اطول من فترات تغير قيمة الاولانى

و بسبب ان النتائج لم تطبع .. حبيت اخذ الخلاصه .. سألته على LTFT
Long trim Fuel Trim .. قال كويسه و سألته عن قيمه القراءه .. قال فيه فرق 2% او 3% .. و دى انا عارف انها بكده تعتبر قراءه طبيعيه
قراية الـ LTFT (long term fuel trim) لو بالنيجاتيف يبقى rich fuel وده بيتوصف سببه (بالتعبير باللغة الانجليزية فى منتهى الدقة ) ِaging O2 sensor
أو سينسور مياه تبريد أو ثرموستات معلق فاتح أو ميس فاير أو EGR أو ...... حاجات كتير من ضمنها wrong oil viscosity

الحمد لله .. انا عندى فكره كويسه عن تشخيص الاعطال و قراءه الحساسات لان زى ما قلت لك هو ده كان اهتمامى الاول لما دخلت المنتدى
ده واضح جداً بسم الله ماشاء الله


على قدر فهمى .. و ارجو تصحيحى ان كنت فاهم غلط

لو فيه استهلاك البنزين عالى حيكون لاحد سببين
1- قطعه ميكانيكيه تالفه .. رشاش بيسيل مثلا .. خراطيم تالفه .. EGR مسدود .. الخ
2- امر زياده ضخ من الكمبيوتر نتيجه معطيات خطأ تصله
السببين دول صح بس حط تحت كل واحد يمكن ١٠ اسباب - بس فيه حاجات حاتنور اللمبة وتقرا كود وفيه حاجات مش حاتعمل كده ولازم نستعمل الوسائل التقليدية فى الاختبار مش السكانر


لو فيه حساس اكسجين موش كويس .. و نتج عن كده استهلاك البنزين عالى

يبقى معنى كده ان الكمبيوتر بيوصل له معلومه ان الخليط Lean و بالتالى سيعطى امر زياده ضخ البنزين .. ده حيغير منحنى STFT ) Short trim Fuel Trim ) لحظيا من السالب حتى يصل الى خط الصفر .. ثم يستقر ثابت على خط الصفر

و بالتالى برغم ان الخليط اصبح فى الحقيقه Rich .. الا انه سيكون عند خط الصفر فى منحنى STFT .. ( بسبب القراءه الخاطئه لحساس الاكسجين )

لكن الفيصل دائما هو Long trim Fuel Trim .. لان المنحنى ده حيبدأ يزيد و يثبت على خط جديد اعلى من الصفر بقيمه تتناسب مع نسبه زياده ضخ البنزين فيصبح مثلا ( 10% زباده .. يعنى تصبح قيمته 1.10 ) .. لان كميه البنزين التى تم ضخها اكبر اصبحت اعلى من النسبه اللازمه لكميه الهواء الداخل ( الى بيقيسه ال MAF , MAP ) .. مقارنه بنسبه الخلط المثاليه 1:14.7
ليا ملاحظة هنا سريعة علشان الموضوع مايضربش منى :)
الـ MAP ده الكمبيوتر بياخد منه معلومة الحمل الواقع عالعربية (السرعة - الحمولة - مقاومة الهوا - وضع دواسة البنزين - حالة الطريق زى مثلا العربية طالعة مطلع ) والسينسور ده مش بس علشان كمية البنزين لكن علشان التوقيت بتاع الشرارة كمان - والـ MAF تقريبا زيه بس بيحسب بطريقة تانية وعمره اطول ومن النادر انك تلاقى عربية فيها الاتنين .
حسب فهمى .. طالما ال Long trim Fuel Trim فى حدود الصفر ( يعنى %2 او 3% يعتبر طبيعى ) .. يبقى المفروض ان كل شيئ تمام ( حساسات او رشاشات .. الخ )

الطبيعى والمثالى هو( + أو ـ ) ٨ ٪ ولو القيمة زادت عن (+ أو ـ ) ١٠٪ يبقى فيه حاجه مش مظبوطة
تحياتى و اعزازى و تقديرى

موضوع الـ long term fuel trim والـ short term fuel trim ده موضوع مهم جداً ومعقد جداً بس علشان نفهمه لازم نعرف شوية حاجات متعلقة بيهم :
- STFT ده عبارة عن اللى بيعمله الكمبيوتر علشان يحافظ على نسبة خليط البنزين والهوا ( مصحح للنسبة) وبيتمسح بمجرد ماتبطل العربية .
- LTFT ده عبارة عن القيم اللى بتتسجل على كمبيوتر العربية بناء على التصحيحات اللى بيقوم بيها الـSTFT وده مش بيتمسح إلا لما تعمل ريسيت او كلير للأعطال بالسكانر

[م/أحمد عبد الفتاح]

السنه اللى فاتت .. جبت جهازين قراءه اعطال
actron
innova
الاثنين امكانياتهم كويسه بس ال actron كان اغلى ( سعره 200 ولار )

الشيى العجيب ان الجهازين لم يعملوا مع العربيه ؟؟ برغم ان ال actron جبته النسخه الداعمه للاسيوى
و علشان اتأكد ..

المهندس فى التوكيل حطه على 516 و اشتغل كويس .. بيانات حيه و حساسات و كل شيئ .. و قراها سيستم ميتسوبيشى !! ..

امال انا السيستم عندى ايه !! .. موتور و فتيس جالنت و موش شايف العربيه .. يمكن واخدين كمبيوتر اوروبى !! ( اعتقد تصميماتها من شركه نمساويه )

جربتهم على كارينز و اشتغلوا كويس .. موش قادر افهم ايه السبب ؟؟ .. انا شكيت ان السوكيت عندى فيه مشكله
عند بعض الناس اللى عندها كشف كمبيوتر .. برضه لم يقرأ العربيه
لكن كمبيوتر التوكيل قرأ العربيه


جربت الجهازين اوتو و مانيوال .. لا فائده

على النت وجدت ان احيانا بيكون فيه تشفير لبعض الكمبيوترات .. بس لم ابحث الموضوع بصراحه .. و لغيت الموضوع ده من تفكيرى ( انى اشترى جهاز اعطال )

البروتوكول بتاع الجهاز مختلف عن البروتوكول بتاع الـ obd بتاع العربية

[tasaka]

موضوع الـ long term fuel trim والـ short term fuel trim ده موضوع مهم جداً ومعقد جداً بس علشان نفهمه لازم نعرف شوية حاجات متعلقة بيهم :
- STFT ده عبارة عن اللى بيعمله الكمبيوتر علشان يحافظ على نسبة خليط البنزين والهوا ( مصحح للنسبة) وبيتمسح بمجرد ماتبطل العربية .
- LTFT ده عبارة عن القيم اللى بتتسجل على كمبيوتر العربية بناء على التصحيحات اللى بيقوم بيها الـSTFT وده مش بيتمسح إلا لما تعمل ريسيت او كلير للأعطال بالسكانر

- ال STFT ده قراءات لحظيه Real time لنسبه الخلط يعنى فى ثانيه او كسر من الثانيه و بيعبر عنه Graph .. المفروض دائما بيصحح نفسه عند خط الصفر ( الا اثناء انتقاله من قيمه سالبه او موجبه الى خط الصفر عند تغيير نسبه ضخ الوقود لسبب ما ) .. ده بيستغرق ثوانى معدوده فقط

بمعنى ان ال Graph بتاعه خادع .. و لا يمكن استنتاج شيئ منه ( لما يكون ثابت عند الصفر ) .. و لكن الاستتاج يكون فى لحظه ابتعاده عن خط الصفر للحظات سواء بالسالب ( lean ) او الموجب ( ٌRich )




- ال LTFT ده بيعبر عن متوسط نسبه الخلط ( كسبه مئويه ) .. و لكن لفتره اطول نسبيا ( ممكن دقيقه او دقيقتين مثلا ) .. و ده بيكون سالب ( lean ) او موجب ( ٌRich ) قياسا بالنسبه المثلى للخلط و هى 1: 14.7

يعنى المنحنى ده موش بيعبر عن يوم كامل مثلا او حتى ساعه .. ده تعبير عن حاله الخلط فى الفتره الحاليه .. بدليل لو فكيت خرطوم فاكيوم و عملت Vacuum Leak حتلاقيه اتغير خلال دقيقه او اثنين مثلا



انما احتمال يكون الكمبيوتر بيخزن ارقام النسب دى ( الله اعلم ) .. للاستفاده منها فى شيئ أخر .. لكن الاكيد ان LTFT موش على المدى الطويل و بيتغير على طول حسب الظروف الحاليه


ده رابط فيديوهين حلوين من الموقع بتاع الراجل المحترم Matt .. انا حاراجعهم تانى علشان اتأكد من الموضوع

Secret of Engine Problem Diagnosis- Fuel Trims Pt.1


Secret of Engine Problem Diagnosis- Fuel Trims Pt.2

تحياتى و اعزازى و تقديرى

[tasaka]

- ال STFT ده قراءات لحظيه Real time لنسبه الخلط يعنى فى ثانيه او كسر من الثانيه و بيعبر عنه Graph .. المفروض دائما بيصحح نفسه عند خط الصفر ( الا اثناء انتقاله من قيمه سالبه او موجبه الى خط الصفر عند تغيير نسبه ضخ الوقود لسبب ما ) .. ده بيستغرق ثوانى معدوده فقط

بمعنى ان ال Graph بتاعه خادع .. و لا يمكن استنتاج شيئ منه ( لما يكون ثابت عند الصفر ) .. و لكن الاستتاج يكون فى لحظه ابتعاده عن خط الصفر للحظات سواء بالسالب ( lean ) او الموجب ( ٌRich )

تصيحح للجمله بالازرق
سواء سالب ( Rich ) او الموجب ( ٌlean )



السالب ( Rich ) .. بمعنى ان المنحنى سينخفض للاسفل .. تعبيرا عن تخفيض كميه البنزين التى يتم ضخها
الموجب ( ٌlean ) .. بمعنى ان المنحنى سيتحرك للاعلى .. تعبيرا عن زياده كميه البنزين التى يتم ضخها



فى الفيديو فى الدقيقه 17 او 18 شرح للكلام ده

https://www.youtube.com/watch?v=5WnM_NsOtd8

[ahmed_eng2001]

ايه المعلومات الجامدة دى !!!!!!

انا عمال اراجع المشاركات اكتر من مرة .... ربنا يبارك للباشمهندس احمد عبد الفتاح .. و للباشمهندس tasaka على المجهود و على افادة بقية الناس

الباشمهندس tasaka ..... مواتير الميتسوبيشى اللانسر البومة ال 1600 و ال 1300 على تاكيهات ... و اعتقد كمان مواتير ال 2000 سى سى

الباشمهندس احمد عبد الفتاح .... ازاى اعرف من long term fuel trim حالة طرمبة البنزين ؟؟؟

[tasaka]

ايه المعلومات الجامدة دى !!!!!!

انا عمال اراجع المشاركات اكتر من مرة .... ربنا يبارك للباشمهندس احمد عبد الفتاح .. و للباشمهندس tasaka على المجهود و على افادة بقية الناس

الباشمهندس tasaka ..... مواتير الميتسوبيشى اللانسر البومة ال 1600 و ال 1300 على تاكيهات ... و اعتقد كمان مواتير ال 2000 سى سى

الباشمهندس احمد عبد الفتاح .... ازاى اعرف من long term fuel trim حالة طرمبة البنزين ؟؟؟

- ميكانيكى كان شغال فى توكيل اسبرازا قال على بلوف .. و على ما اتذكر انى سألت مهندس التوكيل علشان كنت عايز اظبطهم قال برضه على بلوف





- لحين رد المهندس احمد .. شوف الفيديو رقم 2 ( Part 2 ) .. من البدايه حتى الدقيقه 5 .. حيبين لك شكل المنحنى لو فيه ضعف فى وصول البنزين الى داخل السلندر ( لاى سبب ) .. ممكن فلتر مسدود .. طلمبه او فيشه الكهربا بتاعتها موش كويسه .. Regulator موش كويس .. رشاش بيسيل .. ديفرام الريجيوليتور بيسرب .. خراطيم بتسرب .. الخ

خلاصه ال 5 دقائق .. ان LTFT سيزداد مع زياده ال ار بى ام .. ده بيدى احتمال :

1- مشكله فى الطرمبه .. او ضعف فى فى وصول البنزين الى داخل السلندر لسبب ما
2- و بيدى كما احتمال ا ال MAF بيقرأ كميه هوا اقل من الكميه الحقيقيه الداخله

و يتم عمل اختبارات اضافيه لتحديد ايهما السبب .. ممكن مثلا قياس ضغط الوقود ( و لكه غير كافى وحده لتحديد ضعف الطرمبه ) و لكن حيبين لك ان ضخ الوقود فيه مشكله فى اى مكون على المجموعه و يتم استكمال الاختبارات المناسبه

https://www.youtube.com/watch?v=_mtFiJDqkl4

- و ده فيديو لاختبار و التأكد من عطل طلمبه بنزين من عدمه .. و على حظك الحلو .. الاختبار تم على شيفروليه بليزر موديل 99 ( 6 سلندر )

https://www.youtube.com/watch?v=PEpCUYFLxgI

https://www.youtube.com/watch?v=cARQ0jZZ4Qc

https://www.youtube.com/watch?v=AuUkj7usR_Y

خالص تحياتى

[tasaka]

موضوع الـ long term fuel trim والـ short term fuel trim ده موضوع مهم جداً ومعقد جداً بس علشان نفهمه لازم نعرف شوية حاجات متعلقة بيهم :
- stft ده عبارة عن اللى بيعمله الكمبيوتر علشان يحافظ على نسبة خليط البنزين والهوا ( مصحح للنسبة) وبيتمسح بمجرد ماتبطل العربية .
- ltft ده عبارة عن القيم اللى بتتسجل على كمبيوتر العربية بناء على التصحيحات اللى بيقوم بيها الـstft وده مش بيتمسح إلا لما تعمل ريسيت او كلير للأعطال بالسكانر

كلامك مظبوط .. و فعلا موضوع معقد

انا رديت فى انجاه أخر ( اللى كان شاغل ذهنى وقتها )



ltft لو عالى اوى ( اكتر من المسموح ) حيسجل عطل

و فى جميع الاحوال .. الرقم ده لل ltft هو اللى بيتم تنفيذه فى اول دواره العربيه بدون انتظار اى اختبارات .. و يتم استعماله بصفه مستديمه الى ان يتم تعديله نتيجه اصلاح السبب فى زيادته

عند اصلاح العطل المسبب لزياده رقم ltft .. سيتغير رقم ال stft بناء على المعلومات الجديده لنسبه الخلط .. و بالتالى سيتغير رقم ltft

تحياتى و اعزازى و تقديرى

[tasaka]

البروتوكول بتاع الجهاز مختلف عن البروتوكول بتاع الـ obd بتاع العربية

انا برضه فكرت فى الاحتمال ده

و بصراحه بحثته على السريع .. لانى لم اجد معلومه تعرفنى ايه هو البوتوكول المستعمل فى اسبرانزا علشان اقارنه ببروتوكول الاجهزه

علشان كده اشتريت اجهزه غاليه شويه علشان اضمن انها تشتغل .. و انها تكون داعمه للبروتوكولات المتعارف على استعمالها

تحياتى و اعزازى و تقديرى

[م/أحمد عبد الفتاح]

كلامك مظبوط .. و فعلا موضوع معقد

انا رديت فى انجاه أخر ( اللى كان شاغل ذهنى وقتها )



ltft لو عالى اوى ( اكتر من المسموح ) حيسجل عطل
الحد الأقصى للـ STFT و الـ LTFT هو (+ أو ـ ) ٢٥٪ وبعد كده بيبدأ يخزن العطل stored واللمبة بتاعة الأعطال مش حاتنور لغاية عدد من دورات التشغيل بتفرق من عربية لعربية يقوم العطل يتحول إلى active ولمبة الاعطال تنور

و فى جميع الاحوال .. الرقم ده لل ltft هو اللى بيتم تنفيذه فى اول دواره العربيه بدون انتظار اى اختبارات .. و يتم استعماله بصفه مستديمه الى ان يتم تعديله نتيجه اصلاح السبب فى زيادته
فعلا ده اللى بيحصل لغاية مالـ STFT يبدأ يصحح نسبة الخلط بعدها الـ LTFT يبدأ فى تسجيل القيم الجديدة إن وجدت على الكمبيوتر
عند اصلاح العطل المسبب لزياده رقم ltft .. سيتغير رقم ال stft بناء على المعلومات الجديده لنسبه الخلط .. و بالتالى سيتغير رقم ltft

تحياتى و اعزازى و تقديرى

الـ STFT و الـ LTFT مرتبطين تماماً ببعض ولايمكن حتلاقى ان الاتنين اشاراتهم مختلفة ودايما ماشيين فى نفس الاتجاه وعلشان تشتغل مظبوط لازم تتابعهم عند عدة rpm للموتور يعنى عند الايدل وعند ١٥٠٠ لفة وعند ٢٥٠٠ لفة مثلاً وده حاشرحه فى اجابتى للباشمهندس احمد .

[م/أحمد عبد الفتاح]

ايه المعلومات الجامدة دى !!!!!!

انا عمال اراجع المشاركات اكتر من مرة .... ربنا يبارك للباشمهندس احمد عبد الفتاح .. و للباشمهندس tasaka على المجهود و على افادة بقية الناس

الباشمهندس tasaka ..... مواتير الميتسوبيشى اللانسر البومة ال 1600 و ال 1300 على تاكيهات ... و اعتقد كمان مواتير ال 2000 سى سى

الباشمهندس احمد عبد الفتاح .... ازاى اعرف من long term fuel trim حالة طرمبة البنزين ؟؟؟

لو دورت العربية وسخنت تمام ووصلت لدرجة حرارة التشغيل ولقيت مثلاً على سرعة الايدل بتاعة الموتور الـ LTFT +٢٠٪ يبقى الحالة دلوقتى lean والوقود أقل من اللازم - حانرفع السرعة لـ ١٥٠٠ لفة ونشوف بقى كام ونرفع تانى لـ ٢٥٠٠ لفة ونشوف بقى كام - لو لقينا القراية نزلت لغاية +٥٪ فى السرعتين الاخيرتين يبقى فيه مشكلة فى الأيدل وغالبأً ممكن تكون فى الفاكيوم . لو لقينا لسه نسبة التزويد عالية فى السرعتين زى الايدل يبقى يبقى السبب هو إن البنزين فى الأساس مش واصل للمطلوب بسبب مشكلة فى خط الوقود زى الفلتر او ضعف الطلمبة .

[م/أحمد عبد الفتاح]

ده رابط فيديوهين حلوين من الموقع بتاع الراجل المحترم Matt .. انا حاراجعهم تانى علشان اتأكد من الموضوع

Secret of Engine Problem Diagnosis- Fuel Trims Pt.1


Secret of Engine Problem Diagnosis- Fuel Trims Pt.2

تحياتى و اعزازى و تقديرى

أنا اتفرجت على الجزء الاول والراجل محترم وشرح الموضوع ببساطة وتقريبا نفس الكلام اللى انا قلتهولك بخصوص الـ STFT والـ LTFT مع ملاحظة إن الراجل فى اول الكلام افترض موتور جديد والحالة مثالية لذلك موضوع الصفر بتاع STFT مش حايكون دقيق قوى فى عربية مش جديدة عالزيرو فالواقعى حتلاقيه لو العربية حالتها perfect النسبة بتاعة الـ STFT حاتكون مش اقل من ٣٪ وبتتدرج لغاية ٨٪ فالرينج ده لما بتلاقيه مش بتقلق ولكن القلق بيبدأ من الـ ١٠ ٪ وفيه جملة جميلة جداً سمعتها من واحد أمريكانى " STFT و LTFT حاجة من أسهل مايمكن لغاية ماتشوف ١٠٪ وبيبقوا أصعب مايمكن"

[tasaka]

كلامك مظبوط .. و فعلا موضوع معقد

انا رديت فى انجاه أخر ( اللى كان شاغل ذهنى وقتها )

ltft لو عالى اوى ( اكتر من المسموح ) حيسجل عطل
الحد الأقصى للـ STFT و الـ LTFT هو (+ أو ـ ) ٢٥٪ وبعد كده بيبدأ يخزن العطل stored واللمبة بتاعة الأعطال مش حاتنور لغاية عدد من دورات التشغيل بتفرق من عربية لعربية يقوم العطل يتحول إلى active ولمبة الاعطال تنور
.

كلام مظبوط .. بس احب ازود عليها معلومه لفائده الزملاء فى المنتدى

- فعلا النسبه المعتاده بتكون لغايه 25% قبل تسجيل خطأ

- احد الاعضاء المشهورين فى قسم اوبل .. كان ليه موضوع عن المانافولد بتاع الاسترا .. و على ما اتذكر انه قال ان النسبه المسموحه فى الاوبل بتكون 12% ( موش 25% ) .. احتمال اكون انا اللى موش فاهم كلامه

- فيه نسبه تانيه لكن تادره الحدوث .. غير نسبه ال 25% اللى بتسجل خطأ و لكن لا تمنع الكمبيوتر من زياده ضخ الوقود لرقم اعلى من ال 25% ( و ليكن مثلا 40% )

فى نسبه قصوى اخرى .. لا يستطيع الكمبيوتر زياده ضخ الوقود اعلى منها .. و يتوقف عند هذه النسبه بلا زياده اضافيه

مثال توضيحى
LTFT قراءته 55%
STFT برضه بيقرأ نفس القيمه 55% ( و ده موش طبيعى المفروض دائما يستقر عند الصفر )

القراءات فى المثال ده بتبين ان الكمبيوتر وصل للنسبه القصوى التى لا يستطيع زياده الضخ عنها ( و ده نوع من الحمايه للمحرك و الا البساتم تغرق بنزين )

و فى جميع الاحوال .. الرقم ده لل ltft هو اللى بيتم تنفيذه فى اول دواره العربيه بدون انتظار اى اختبارات .. و يتم استعماله بصفه مستديمه الى ان يتم تعديله نتيجه اصلاح السبب فى زيادته
فعلا ده اللى بيحصل لغاية مالـ STFT يبدأ يصحح نسبة الخلط بعدها الـ LTFT يبدأ فى تسجيل القيم الجديدة إن وجدت على الكمبيوتر
عند اصلاح العطل المسبب لزياده رقم ltft .. سيتغير رقم ال stft بناء على المعلومات الجديده لنسبه الخلط .. و بالتالى سيتغير رقم ltft

الـ STFT و الـ LTFT مرتبطين تماماً ببعض ولايمكن حتلاقى ان الاتنين اشاراتهم مختلفة ودايما ماشيين فى نفس الاتجاه وعلشان تشتغل مظبوط لازم تتابعهم عند عدة rpm للموتور يعنى عند الايدل وعند ١٥٠٠ لفة وعند ٢٥٠٠ لفة مثلاً وده حاشرحه فى اجابتى للباشمهندس احمد

هى ميزه ال LTFT ان لو فيه عربيه فيها عيب خلط ان الموتور حيدور مظبوط من البدايه .. الموتور موش محتاج ينتظر دقبقتين او ثلاثه على ما ال LTFT يتأثر بقراءه ال STFT

لو دورت العربية وسخنت تمام ووصلت لدرجة حرارة التشغيل ولقيت مثلاً على سرعة الايدل بتاعة الموتور الـ LTFT +٢٠٪ يبقى الحالة دلوقتى lean والوقود أقل من اللازم - حانرفع السرعة لـ ١٥٠٠ لفة ونشوف بقى كام ونرفع تانى لـ ٢٥٠٠ لفة ونشوف بقى كام - لو لقينا القراية نزلت لغاية +٥٪ فى السرعتين الاخيرتين يبقى فيه مشكلة فى الأيدل وغالبأً ممكن تكون فى الفاكيوم .

- دى طريقه مؤكده 100% لتشخيص تسريب فاكيوم تحديدا .. الراجل المحترم Matt فكر فيها كنظريه و بعدين اختبرها و بعدين اصبحت من المسلمات فى تشخيصه


- تسريب الفاكيوم ده حيكون احد نوعين
1- تسريب فاكيوم قبل دخول الخليط للسلندرات .. و هنا بيكون التصحيح مطلوب علشان نسبه الخلط تبقى سليمه ( برغم ان LTFT حيكون بيقرأ Lean ظاهريا )

2- تسريب فاكيوم خادع .. لانه بيكون فى مكان بعد السلندرات .. يعنى بيكون فى بدايه الشكمان مثلا ( لكن قبل حساس الاكسجين ) .. ده بيتسبب فى ان الكمبيوتر بيحس ان فيه حاله Lean برغم ان الحريق تم يتسبه خلط مظبوطه جوه السلندرات .. و النتيجه لهذا النوع من التسريب انه بيتسبب فى زياده الضخ و يصبح الخلط داخل البساتم Rich بدون داعى


- شرح الفكره بتفصيل اوضح للزملاء المهتمين بالامر

على السلانسيه بتكون كميه الهوا اللى داخله بسيطه .. بالتالى اى نسبه تسريب فاكيوم بتمثل نسبه كبيره بالنسبه لكميه الهوا البسيطه اللى داخله .. ده بيعمل حاله Lean واضحه .. و بالتالى الكمبيوتر بيستجيب بزياده الضخ و يزيد رقم LTFT ( لنفرض مثلا 20% زياده )

لما بنزود ال ار بى ام للموتور بصوره كبيره .. بتزيد كميه الهوا اللى داخل للموتور .. و لكن تسريب الفاكيوم بيفضل زى ما هو .. ده بيقل تأثيره على نسبه الخلط لان نسبه تسريب فاكيوم ستمثل نسبه بسيطه بالنسبه لكميه الهوا الكبيره اللى داخله .. معى كده ان نسبه الخلط المثاليه ستصبح قريبه جدا من الواقع لان تسريب الفاكيوم اصبح نسبه بسيطه جدا لا تؤثر فى حساب كميه الهوا اللى داخل ( يعنى موش محتاجين ضخ زباده )

و لكن الكمبيوتر مازال بيضخ ال 20% زياده .. فيبدأ الاحساس بوجود Rich .. و بدأ خفض ضخ كميه الوقود .. و بالتالى يبدأ رقم LTFT بالانخفاض مع زياده لفات الموتور


برضه بيظهر فى الفيديو سرعه استجابه ال LTFT للتغير الحادث فى STFT

https://www.youtube.com/watch?v=VNSLwkxWF-w

تحياتى و اعزازى و تقديرى