مشكله ف طقم البيوجهات الجديد ؟!

[م/أحمد عبد الفتاح]

- سؤال :
- هل حصل ضرر دائم الان ؟؟
- ايه اللى ممكن يتأثر بال misfire ( كرنك و كامه ؟؟
لأ إن شاء الله مافيش أى أضرار لأن العربية مافيهاش أى سلوك متلخبطة مع بعض والا كانت زى ماتكون خلفت تقسيمة وكان ممكن تتبهدل وتبوظلك حاجات كتير لكن الميس فاير بيبقى لحظى فى جزء من الالف الاجزاء فى الثانية ومش بيحصل على طول يعنى لو قلنا فى الثانية الواحدة الكهربا حاتوصل من البوبينة للبوجية مثلاً الف مرة حايحصل فيهم ٢٠ او حتى ١٠٠ ميس فاير ودول ولا حاجة بس بيضايقوا وبيعملوا اعراض تضايق فى السواقة .
- هل البوبينه تكون اتأثرت من البلاتينيوم لان مقاومته اعلى ؟؟
البوبينة قبل البوجية فى الدايرة فطبعاً لو حتى حطيت بوجيهات صاروخ فضاء :) ولا ليها اى دعوة - اللى يضايقها الميس فاير الكتير يعنى مثلا لو سلكين بوجيهات خالفين ولا حاجه فحاتسخن أكتر من اللازم والعزل بتاعها يبدأ فى الانهيار.

انا فكيت كابل الموجب و وضعته على السالب ( السالب راكب فى البطاريه ) لمده 5 دقائق .. و ان شاء الله اجرب النهارده بالليل
تمام وإن كنت أفضل عمل الفلاش للكمبيوتر بتاع العربية بفك الكابل السالب وبعد كده تفتح الكونتاكت وتنور النور العالى وترجع تانى المفتاح وتشيلة من الكونتاكت وتستنى الـ ٥ دقايق .
- الرعشة أو الغلطة إللى فى الأول دى ممكن جداً تروح معاك بالوقت وكويس إنك عملت فلاش للكمبيوتر بتاع العربية علشان تشيل سلوك السائق behavior لأن ده بيبقى زى خانة فاضية فى الكمبيوتر فلاشة يعنى بتقبل التسجيل والمسح فالسلوك بتاع السائق (زى مثلاً الدوسة بتاعته على الاكسلاتير وسرعتها وزمنها ) بيتبرمج عليها وجايز جداً لما كانت فيه مشاكل الفلاشة برمجت نفسها عالوضع ده ولما تعملها فلاش بتتمسح السلوكيات دى وتبدأ فى برمجة نفسها من أول وجديد - بس خلى بالك هى مش حاتبرمج نفسها فى ساعة ولا يوم ولا يومين الله أعلم ؟؟؟ بس هى لازملها ٤٥ دورة تشغيل ويقصد هنا بدورة التشغيل مش انك تدور وتبطل ٤٥ مرة - لأ بيقصد بيها إن الكمبيوتر الرئيسى يكون خلص كل الإختبارات والمراقبات اللازمة ودى بتاخد وقت لأن العربية فيها كمبيوتر رئيسى وحوالى ١٠٠ كمبيوتر فرعى مش حايسيب الدنيا دى كلها ويقعد يبرمج السلوك بتاع السائق فبيستنى لما الفرصة تكون مواتية ( يعنى درجة حرارة الموتور والفتيس وصلوا لدرجة حرارة التشغيل ودرجة حرارة الهوا اللى داخل للموتور تثبت والفاكيوم يثبت وحاجات تانية كتير وبيقعد يراقب فى الحاجات دى ٤٥ دورة تشغيل علشان يسجل محصلة سلوك السائق لأنه مش بياخده من اول وهلة)

العربيه استهلاكها على الطوالى زى كتالوجها بالظبط و احسن شويه كمان .. المشكله فى الاستهلاك جوه البلد هو اللى قليل .. وضعتها على الجهاز من سنه ( فى التوكيل ) .. قال لى قرائتها مثاليه يعنى مظبوطه 100%
بعد حوالى اسبوع او ١٠ ايام لو الموضوع بتاع الفلاش اللى عملته مجابش نتيجة يبقى نبدأ نبحث فى مثلا فلتر الهوا - خراطيم الفاكيوم - الرشاشات - يعنى واحدة واحدة وبإذن الله تتحل

تحياتى و اعزازى

بس واضح إنك حضرت دكتوراة فى البوجيهات :)

[tasaka]

- سؤال :
- هل حصل ضرر دائم الان ؟؟
- ايه اللى ممكن يتأثر بال misfire ( كرنك و كامه ؟؟
لأ إن شاء الله مافيش أى أضرار لأن العربية مافيهاش أى سلوك متلخبطة مع بعض والا كانت زى ماتكون خلفت تقسيمة وكان ممكن تتبهدل وتبوظلك حاجات كتير لكن الميس فاير بيبقى لحظى فى جزء من الالف الاجزاء فى الثانية ومش بيحصل على طول يعنى لو قلنا فى الثانية الواحدة الكهربا حاتوصل من البوبينة للبوجية مثلاً الف مرة حايحصل فيهم ٢٠ او حتى ١٠٠ ميس فاير ودول ولا حاجة بس بيضايقوا وبيعملوا اعراض تضايق فى السواقة .
- هل البوبينه تكون اتأثرت من البلاتينيوم لان مقاومته اعلى ؟؟
البوبينة قبل البوجية فى الدايرة فطبعاً لو حتى حطيت بوجيهات صاروخ فضاء :) ولا ليها اى دعوة - اللى يضايقها الميس فاير الكتير يعنى مثلا لو سلكين بوجيهات خالفين ولا حاجه فحاتسخن أكتر من اللازم والعزل بتاعها يبدأ فى الانهيار.

انا فكيت كابل الموجب و وضعته على السالب ( السالب راكب فى البطاريه ) لمده 5 دقائق .. و ان شاء الله اجرب النهارده بالليل
تمام وإن كنت أفضل عمل الفلاش للكمبيوتر بتاع العربية بفك الكابل السالب وبعد كده تفتح الكونتاكت وتنور النور العالى وترجع تانى المفتاح وتشيلة من الكونتاكت وتستنى الـ ٥ دقايق .
- الرعشة أو الغلطة إللى فى الأول دى ممكن جداً تروح معاك بالوقت وكويس إنك عملت فلاش للكمبيوتر بتاع العربية علشان تشيل سلوك السائق behavior لأن ده بيبقى زى خانة فاضية فى الكمبيوتر فلاشة يعنى بتقبل التسجيل والمسح فالسلوك بتاع السائق (زى مثلاً الدوسة بتاعته على الاكسلاتير وسرعتها وزمنها ) بيتبرمج عليها وجايز جداً لما كانت فيه مشاكل الفلاشة برمجت نفسها عالوضع ده ولما تعملها فلاش بتتمسح السلوكيات دى وتبدأ فى برمجة نفسها من أول وجديد - بس خلى بالك هى مش حاتبرمج نفسها فى ساعة ولا يوم ولا يومين الله أعلم ؟؟؟ بس هى لازملها ٤٥ دورة تشغيل ويقصد هنا بدورة التشغيل مش انك تدور وتبطل ٤٥ مرة - لأ بيقصد بيها إن الكمبيوتر الرئيسى يكون خلص كل الإختبارات والمراقبات اللازمة ودى بتاخد وقت لأن العربية فيها كمبيوتر رئيسى وحوالى ١٠٠ كمبيوتر فرعى مش حايسيب الدنيا دى كلها ويقعد يبرمج السلوك بتاع السائق فبيستنى لما الفرصة تكون مواتية ( يعنى درجة حرارة الموتور والفتيس وصلوا لدرجة حرارة التشغيل ودرجة حرارة الهوا اللى داخل للموتور تثبت والفاكيوم يثبت وحاجات تانية كتير وبيقعد يراقب فى الحاجات دى ٤٥ دورة تشغيل علشان يسجل محصلة سلوك السائق لأنه مش بياخده من اول وهلة)

العربيه استهلاكها على الطوالى زى كتالوجها بالظبط و احسن شويه كمان .. المشكله فى الاستهلاك جوه البلد هو اللى قليل .. وضعتها على الجهاز من سنه ( فى التوكيل ) .. قال لى قرائتها مثاليه يعنى مظبوطه 100%
بعد حوالى اسبوع او ١٠ ايام لو الموضوع بتاع الفلاش اللى عملته مجابش نتيجة يبقى نبدأ نبحث فى مثلا فلتر الهوا - خراطيم الفاكيوم - الرشاشات - يعنى واحدة واحدة وبإذن الله تتحل

تحياتى و اعزازى

انا شاكر جدا جدا جدا لهذا الرد الوافى الشامل

طبعا محتاج اقرأه بتمعن شديد قبل الرد

بس واضح إنك حضرت دكتوراة فى البوجيهات

الباشمهندس بوريو بمواضيعه الجميله خلانى توجهت الى الزيوت فى بداياتى فى المنتدى ..

ان شاء الله نحضر الماجستير فى الزيوت تحت اشرافه

تحياتى و اعزازى و تقديرى

[tasaka]

انا فكيت كابل الموجب و وضعته على السالب ( السالب راكب فى البطاريه ) لمده 5 دقائق .. و ان شاء الله اجرب النهارده بالليل
تمام وإن كنت أفضل عمل الفلاش للكمبيوتر بتاع العربية بفك الكابل السالب وبعد كده تفتح الكونتاكت وتنور النور العالى وترجع تانى المفتاح وتشيلة من الكونتاكت وتستنى الـ ٥ دقايق .
- الرعشة أو الغلطة إللى فى الأول دى ممكن جداً تروح معاك بالوقت وكويس إنك عملت فلاش للكمبيوتر بتاع العربية علشان تشيل سلوك السائق behavior لأن ده بيبقى زى خانة فاضية فى الكمبيوتر فلاشة يعنى بتقبل التسجيل والمسح فالسلوك بتاع السائق (زى مثلاً الدوسة بتاعته على الاكسلاتير وسرعتها وزمنها ) بيتبرمج عليها وجايز جداً لما كانت فيه مشاكل الفلاشة برمجت نفسها عالوضع ده ولما تعملها فلاش بتتمسح السلوكيات دى وتبدأ فى برمجة نفسها من أول وجديد

- بالنسبه لعمل فلش للكمبيوتر بالطريقه اللى انت وصفتها لى سؤال :
1- فتح الكونتاكت بيكون على اول تكه ( تشغيل الكاسيت ) ؟ ام فتحه لتكه التدوير ( اللمبات تنور فى العدادات ) ؟
2- تشغيل النور العالى لمده كام دقيقه ؟ ( قبل قفل الكونتاكت و اخراج المفتاح من الكونتاكت )
3- الانتظار 5 دقائق ده بيكون بدون عمل اى شيئ بعد اخراج المفتاح من الكونتاكت ؟
4- هل بعد ربط السالب محتاج عمل ايدل ليرن .. ام فقط التدوير دقيقتين مثلا

بعد ما عملت الطريقه بتاعتى ( فك الموجب ثم تلميسه على السالب لمده 5 دقائق ) .. لما جيت ادور العربيه اول مره .. عداد ال ار بى ام لم يعمل .. انتظرته حوالى 20 ثانيه و لم يعمل .. طفيت العربيه و دورت تانى اشتغل مظبوط .. هل ده كان طبيعى ( علشان لو موش طبيعى ممكن اتردد فى عمل الفلش بالطريقه بتاعتك تجنبا لما قد يحدث )

- العربيه اتحسنت كتير بعد ما عملت الفلش بطريقتى ( فك الموجب ثم تلميسه على السالب لمده 5 دقائق ) و لكن موش 100% :
1- الغلطه فى البدايه انتهت بنسبه كبيره .. و لكن موش 100%
2- الرعشه عند ار بى ام 1800 الى 2000 راحت لمده نصف\ ساعه و رجعت تانى و استمرت الى الان .. و كمان بتحصل الرعشه اثناء النقل لو الفتيس الاوتوماتيك نقل على ار بى ام منخفض عند 2300 مثلا عند انخفاض ال ار بى ام من 2300 الى 2000 مثلا ( يعنى زى ضرضره خفيفه ) .. و لا تحدث الرعشه اقل او اعلى من ار بى ام 1800 الى 2000 ( سؤاء اثناء التسارع او اثناء انخفاض ال ار بى ام اثناء النقل

الرعشه دى وصفها بالظبط هو نفس احساس تعشيق الثالث على سرعه بطيئه مثلا 30 فى فتيس يدوى ( يعنى زى ضرضره خفيفه كده تختفى لما السرعه تعلى )
3- الغلطه اثناء المشى انتهت بنسبه كبيره .. و لكن موش 100% .. عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه ( كان العربيه بتفرمل للحظه فى بدايه الدوسه اثناء المشى )

بس خلى بالك هى مش حاتبرمج نفسها فى ساعة ولا يوم ولا يومين الله أعلم ؟؟؟ بس هى لازملها ٤٥ دورة تشغيل ويقصد هنا بدورة التشغيل مش انك تدور وتبطل ٤٥ مرة - لأ بيقصد بيها إن الكمبيوتر الرئيسى يكون خلص كل الإختبارات والمراقبات اللازمة ودى بتاخد وقت لأن العربية فيها كمبيوتر رئيسى وحوالى ١٠٠ كمبيوتر فرعى مش حايسيب الدنيا دى كلها ويقعد يبرمج السلوك بتاع السائق فبيستنى لما الفرصة تكون مواتية ( يعنى درجة حرارة الموتور والفتيس وصلوا لدرجة حرارة التشغيل ودرجة حرارة الهوا اللى داخل للموتور تثبت والفاكيوم يثبت وحاجات تانية كتير وبيقعد يراقب فى الحاجات دى ٤٥ دورة تشغيل علشان يسجل محصلة سلوك السائق لأنه مش بياخده من اول وهلة)

- على فكره الكمبيوتر برمج نفسه بسرعه
1- بعد تغيير البوجيهات ( قبل عمل الفلش ) .. اول مشوار 10 كم اتحسنت بسيط و تانى مشوار كان افضل كتير
2- بعد عمل الفلش بطريقتى .. بدون عمل ايدل ليرن .. التحسن ممتاز من اول مشوار

انا اهتمامى الاساسى كان ( و مازال ) بكمبيوتر العربيه و تشخيص الاعطال .. و فاهم ال Driving Cycle من وجهه نظر تشخيص الاعطال .. يا ريت لو امكن تشرح لى ليه محتاج 45 دوره قياده .. هل الرقم ده للعربيات الامريكى ام الاوروبى ام الاسيوى ؟؟

- سؤال :
- هل حصل ضرر دائم الان ؟؟
- ايه اللى ممكن يتأثر بال misfire ( كرنك و كامه ؟؟
لأ إن شاء الله مافيش أى أضرار لأن العربية مافيهاش أى سلوك متلخبطة مع بعض والا كانت زى ماتكون خلفت تقسيمة وكان ممكن تتبهدل وتبوظلك حاجات كتير لكن الميس فاير بيبقى لحظى فى جزء من الالف الاجزاء فى الثانية ومش بيحصل على طول يعنى لو قلنا فى الثانية الواحدة الكهربا حاتوصل من البوبينة للبوجية مثلاً الف مرة حايحصل فيهم ٢٠ او حتى ١٠٠ ميس فاير ودول ولا حاجة بس بيضايقوا وبيعملوا اعراض تضايق فى السواقة .

انا كنت خايف على الكامه ( الغلطه اللى فى بدايه المشى ) .. و كمان ان سير التقسيمه يكون الشد بتاعه اصبح موش مظبوط نتيجه الغلطه اللى كانت بتحصل اثناء المشى ( الخنقه و الفرمله اللحظيه دى )

- هل البوبينه تكون اتأثرت من البلاتينيوم لان مقاومته اعلى ؟؟
البوبينة قبل البوجية فى الدايرة فطبعاً لو حتى حطيت بوجيهات صاروخ فضاء :) ولا ليها اى دعوة - اللى يضايقها الميس فاير الكتير يعنى مثلا لو سلكين بوجيهات خالفين ولا حاجه فحاتسخن أكتر من اللازم والعزل بتاعها يبدأ فى الانهيار.

- عندى شبه يقين ان المشكلهكلها فى دائره الاشعال .. بدليل التحسن الفورى بعد اصلاح الفيشه .. اعتقد ان فيه حاجه تانيه لازم تتعمل للتأكد من الفيش دى
- انا خوفى ان البوجيه البلاتينيوم مقاومته اعلى من النحاس .. فممكن يعمل حمل على البوبينه بالراجع

العربيه استهلاكها على الطوالى زى كتالوجها بالظبط و احسن شويه كمان .. المشكله فى الاستهلاك جوه البلد هو اللى قليل .. وضعتها على الجهاز من سنه ( فى التوكيل ) .. قال لى قرائتها مثاليه يعنى مظبوطه 100%
بعد حوالى اسبوع او ١٠ ايام لو الموضوع بتاع الفلاش اللى عملته مجابش نتيجة يبقى نبدأ نبحث فى مثلا فلتر الهوا - خراطيم الفاكيوم - الرشاشات - يعنى واحدة واحدة وبإذن الله تتحل

- لو شفت الموتور عندى ( ما شاء الله ) .. مفيش خراطيم او ما شابه ممكن يكون فيها اى مشكله .. الفلاتر كلها متغيره من الف و خمسمائه كم فقط
- و مشكله الفيش دى عيب شغل ميكانيكى حمار ( الفيش كانت فابريكه )

- اعتقد لازم نستكمل النقاش الجميل فى موضوع استهلاك البنزين على السلانسيه .. و ياريت يكون نقاش عام فى استهلاك البنزين ( غير خاص بالسؤال بتاعى )

ممكن يكون هو ده المدخل المظبوط

تحياتى و اعزازى و تقديرى

-

[م/أحمد عبد الفتاح]

بالنسبة للطريقة بتاعة الفلاش للكمبيوتر إللى أنا ذكرتها ليك دى الطريقة المفضلة مش عندى بس لكن عند الشركات المصنعة للعربيات والطريقة دى ساعات بيكتبوها فى الكتالوج بتاع بعض العربيات أو فى كتالوجات الصيانة اللى الشركات بتطلعها بس مش بتديها لاصحاب العربيات مجانا زى كتالوج الاستخدام لكن بيبيعوه بمبالغ كبيرة - فيه بعض الكتالوجات بتنصح إنك تفك السالب وتسيب العربية نص ساعة وفيه كتالوجات تانية بتقول ربع ساعة - إللى أنا زودته إنك تفتح النور العالى وده بيسرع العملية ويوصلها انك تستنى ٥ دقايق بس(الميكانيكا الشعبية ) :) - وفيه ناس تانية بتعمل طريقة تانية تخليك تستنى دقيقتين بس برضه بالميكانيكا الشعبية .
بصفة عامة لازم نعرف الشركات بتقول ليه نص ساعة ولا ربع ساعة ؟؟؟؟؟
حضرتك اى دوائر الكترونية بيبقى فيها أجزاء فى هذه الدوائر اسمها كوندنسرات كهربية - الكوندنسر الكهربى فى اى دايرة بيخزن شحنة (كهربا) لو تفتكر زمان لما كان بيجى الراجل اللى بيصلح التلفزيونات فى البيت كان بعد مايفك وش التلفزيون الخلفى يوصل المفك فى اجزاء من التلفزيون على الشاسية المعدنى بتاع التلفزيون وكنا بنسمع صوت فرقعة صغير - ده كان بيفرغ الكوندنسرات علشان مايتكهربش او يعمل قفلة تبوظ حاجه تانية فى التلفزيون .
الكوندنسرات اللى فى الدواير الكهربية بعد ماتشيل الباور عنها بتفرغ لوحدها بمرور الوقت - الناس بالتجارب لقت ان الوقت اللزم لتفريغ الشحنة الكهربية فى الكوندسرات اللى فى كمبيوتر العربية بتحتاج من ربع الى نص ساعة للتفريغ الذاتى - طيب أنا عاوز أعمل حركة تسرع الموضوع ده زى الراجل بتاع التلفزيونات :) - مش حاقدر لأن الكمبيوتر مش حاعرف اوصل لمكوناته والدواير بتاعته بتبقى مطبوخه (عليها طبقة عازلة ناشفة مغطياها) - يبقى ايه الحل ؟؟؟؟؟ ده سؤال الميكانيكا ولا الكهربا الشعبية :) - الحل بسيط قوى إننا نسحب الشحنة من الكوندنسرات دى بأى حمل كهربى كبيرعليها ويكون مفاجئ (حمل كبير ومفاجئ دى نقطة فنية جداً مش مجالنا ومعرفش إجابتها) - يبقى نفتح الكونتاكت كأننا حاندور مافيش اى حاجه حاتحصل لأننا شايلين سالب البطارية وبعدين أنور النور العالى عندك لمبتين الواحدة ٥٠ ولا ٧٠ وات يبقى حمل محترم تنورهم مش حاينوروا طبعا لأن الشحنة اللى فى الكوندنسرات دى بتبقى صغيرة ماتنورش لمبة التابلوه حتى لكن بتبقى عاوزة تفريغ سريع جدا بحمل كبير وهو ده اللى بيعمله النور العالى - لكن لاحاينور ولا التابلوه حاينور بس الكوندنسرات حاتفرغ بسرعه وباسيبها بعد كده ٥ دقايق بس إحتياطياً - فيه ناس بتوصل سلك بمقاومة ليها قيمة معينة بين الطرف الموجب اللى لسه راكب فى البطارية وبين الارضى بتاع العربية (مش سالب البطارية) بطريقة معينة علشان يفرغوا الشحنة .
بالنسبة للايدل ليرن هو لو البطارية نامت ولا حبيت تغيرها مش حاتعمل ايدل ليرن لو العربية محتاجاه ؟؟؟؟؟؟
العربية لو محتاجه ايدل ليرن زى عربيات تانية (قديمة شوية ومن أول تقريبا ٢٠٠٦ أو ٢٠٠٨ العربية بقت بتعمل ايدل ليرن لوحدها ) بطريقتك أو بطريقتى كانت حاتحتاج ايدل ليرن بالطرق اللى كانت بتتعمل من فترة - كده كده حضرتك محتاج ايدل ليرن بس عربيتك من النوع اللى بتعمله لوحدها مش محتاجه حد يعمله وحتلاقيها ملخفنة شوية اول مرة تدورها علشان بتبدأ تعمل ايدل ليرن لنفسها وكل مرة تدور العربية أو تعملها دورة تشغيل حاتتحسن لغاية برضه عدد معين فى دورات التشغيل ممكن تكون فى الاول على مثلا ٢٠ دورة أو فى الاخر على ٤٥ دورة تشغيل حسب ترتيب البرنامج اللى على الكمبيوتر .
الـ ٤٥ دورة تشغيل أعتقد متفق عليها معظم أو كل المصنعين ودى بتبقى شوية إختبارات بيعملها الكمبيوتر وكل اختبار لازم يكون ليه ظروف معينة والإختبار إللى الكمبيوتر ميقدرش يعمله لأن ظروفه مش مناسبة للإختبار بيعديه ويخش على اللى بعده فى اللستة بس بيحط جنب منه علامة not ready زى مثلا حساسات الاكسجين فى بداية تشغيل العربية الباردة بتبقى معمول ليها باى باس والأوامر للكمبيوتر بتبقى من حساس درجة حرارة مياه التبريد علشان العربية تسخن بسرعه وعلشان الكمبيوتر يسمح بكمية كبيرة من الوقود تتحقن حتى بتلاقى الار بى ام عالى فى بداية التشغيل لأن الوقود كتير وطبعا لو حساس الاكسجين مش معموله باى باص حايقلل الوقود والعربية مش حاتسخن - كمان حساس الأكسجين علشان يشتغل عاوز حرارة عالية علشان كده فيه سخان جواه لو حرارة الحساس موصلتش للمطلوب الكمبيوتر حايعمله باى باس لغاية مايسخن ولغاية دوره فى الاختبار القادم بس بيكتب جنبه برضه not ready - فيه إختبارات كمان بتحتاج إن تانك البنزين يكون فيه بالكتير تلات أرباعه لو مفول الإختبارات دى حايتعمل لها باى باس ويتكتب جنبها not ready . علشان كده الكمبيوتر بيحتاج ٤٥ دور تشغيل علشان يشتغل بكامل طاقته والعربية تتظبط تمام .
أنا باقولك ليه كده لأن لما كنت فى امريكا وعندى تجديد رخصة وفحص للعربية كان بيبقى يوم أغبر مش عليا على كل الناس - لو عملت ناصح وعملت فلاش او ريسيت للكمبيوتر قبل ماتروح تفحص بيوم مثلا ولا يومين حاتروح عندهم ونص القرايات على الكمبيوتر بتاع المرور اللى بيفحصوا بيه مكتوب جنبها not ready وتلاقيها طالعالك ملعلطة عالكمبيوتر وفى الشيت اللى بيدوهولك :) ومع السلامة مافيش تجديد :)
بالنسبة للمشكلة اللى لسه عندك أنا قلتلك فلتر الهوا وده بيبقى ليه طريقة علشان نعرف بيها هو مظبوط ولا مش قادر يعدى هوا زى الرجالة :) حتى لو جديد ممكن يكون الميكرون بتاعه مش مطابق ( معظم قطع الغيار دلوقتى ايدك والارض) لأنه لو مش كويس استهلاك البنزين حايزيد - والفاكيوم برضه ليه طريقة للكشف مش شرط يكون الخراطيم شكلها حلو وجديد وبرضه ممكن الفاكيوم يخلى العربية تحرق بنزين او يحصل فيها رعشة - والرشاشات برضه ليها طريقة علشان نشوفها بتفتح وتقفل ولا فيه رشاش فيشته برضه تعبانة.
الموضوع علشان يتحل مش عاوز زهق وحياخد وقت - إلا لو عاوز تخلصه بسرعة وتصرف كتير تروح شارى طقم بوجيهات تانى وطقم مباين وطقم رشاشات وبوابة بالمرة :)
انت فى اسكندرية أعتقد - ممكن اقابلك بس افضى شوية ونقيس كل الرشاشات والمباين واللى انت عاوزه كله وعندى أجهزة بتاعتى للإستخدام الشخصى ممكن نستخدمها ولا تشغل بالك وإبقى ابعتلى رقمك عالخاص وانا حاكلمك اتفق معاك على معاد

[tasaka]

بالنسبة للطريقة بتاعة الفلاش للكمبيوتر إللى أنا ذكرتها ليك دى الطريقة المفضلة مش عندى بس لكن عند الشركات المصنعة للعربيات والطريقة دى ساعات بيكتبوها فى الكتالوج بتاع بعض العربيات أو فى كتالوجات الصيانة اللى الشركات بتطلعها بس مش بتديها لاصحاب العربيات مجانا زى كتالوج الاستخدام لكن بيبيعوه بمبالغ كبيرة - فيه بعض الكتالوجات بتنصح إنك تفك السالب وتسيب العربية نص ساعة وفيه كتالوجات تانية بتقول ربع ساعة - إللى أنا زودته إنك تفتح النور العالى وده بيسرع العملية ويوصلها انك تستنى ٥ دقايق بس(الميكانيكا الشعبية ) :) - وفيه ناس تانية بتعمل طريقة تانية تخليك تستنى دقيقتين بس برضه بالميكانيكا الشعبية .
بصفة عامة لازم نعرف الشركات بتقول ليه نص ساعة ولا ربع ساعة ؟؟؟؟؟
حضرتك اى دوائر الكترونية بيبقى فيها أجزاء فى هذه الدوائر اسمها كوندنسرات كهربية - الكوندنسر الكهربى فى اى دايرة بيخزن شحنة (كهربا) لو تفتكر زمان لما كان بيجى الراجل اللى بيصلح التلفزيونات فى البيت كان بعد مايفك وش التلفزيون الخلفى يوصل المفك فى اجزاء من التلفزيون على الشاسية المعدنى بتاع التلفزيون وكنا بنسمع صوت فرقعة صغير - ده كان بيفرغ الكوندنسرات علشان مايتكهربش او يعمل قفلة تبوظ حاجه تانية فى التلفزيون .
الكوندنسرات اللى فى الدواير الكهربية بعد ماتشيل الباور عنها بتفرغ لوحدها بمرور الوقت - الناس بالتجارب لقت ان الوقت اللزم لتفريغ الشحنة الكهربية فى الكوندسرات اللى فى كمبيوتر العربية بتحتاج من ربع الى نص ساعة للتفريغ الذاتى - طيب أنا عاوز أعمل حركة تسرع الموضوع ده زى الراجل بتاع التلفزيونات :) - مش حاقدر لأن الكمبيوتر مش حاعرف اوصل لمكوناته والدواير بتاعته بتبقى مطبوخه (عليها طبقة عازلة ناشفة مغطياها) - يبقى ايه الحل ؟؟؟؟؟ ده سؤال الميكانيكا ولا الكهربا الشعبية :) - الحل بسيط قوى إننا نسحب الشحنة من الكوندنسرات دى بأى حمل كهربى كبيرعليها ويكون مفاجئ (حمل كبير ومفاجئ دى نقطة فنية جداً مش مجالنا ومعرفش إجابتها) - يبقى نفتح الكونتاكت كأننا حاندور مافيش اى حاجه حاتحصل لأننا شايلين سالب البطارية وبعدين أنور النور العالى عندك لمبتين الواحدة ٥٠ ولا ٧٠ وات يبقى حمل محترم تنورهم مش حاينوروا طبعا لأن الشحنة اللى فى الكوندنسرات دى بتبقى صغيرة ماتنورش لمبة التابلوه حتى لكن بتبقى عاوزة تفريغ سريع جدا بحمل كبير وهو ده اللى بيعمله النور العالى - لكن لاحاينور ولا التابلوه حاينور بس الكوندنسرات حاتفرغ بسرعه وباسيبها بعد كده ٥ دقايق بس إحتياطياً - فيه ناس بتوصل سلك بمقاومة ليها قيمة معينة بين الطرف الموجب اللى لسه راكب فى البطارية وبين الارضى بتاع العربية (مش سالب البطارية) بطريقة معينة علشان يفرغوا الشحنة .
بالنسبة للايدل ليرن هو لو البطارية نامت ولا حبيت تغيرها مش حاتعمل ايدل ليرن لو العربية محتاجاه ؟؟؟؟؟؟
العربية لو محتاجه ايدل ليرن زى عربيات تانية (قديمة شوية ومن أول تقريبا ٢٠٠٦ أو ٢٠٠٨ العربية بقت بتعمل ايدل ليرن لوحدها ) بطريقتك أو بطريقتى كانت حاتحتاج ايدل ليرن بالطرق اللى كانت بتتعمل من فترة - كده كده حضرتك محتاج ايدل ليرن بس عربيتك من النوع اللى بتعمله لوحدها مش محتاجه حد يعمله وحتلاقيها ملخفنة شوية اول مرة تدورها علشان بتبدأ تعمل ايدل ليرن لنفسها وكل مرة تدور العربية أو تعملها دورة تشغيل حاتتحسن لغاية برضه عدد معين فى دورات التشغيل ممكن تكون فى الاول على مثلا ٢٠ دورة أو فى الاخر على ٤٥ دورة تشغيل حسب ترتيب البرنامج اللى على الكمبيوتر .
الـ ٤٥ دورة تشغيل أعتقد متفق عليها معظم أو كل المصنعين ودى بتبقى شوية إختبارات بيعملها الكمبيوتر وكل اختبار لازم يكون ليه ظروف معينة والإختبار إللى الكمبيوتر ميقدرش يعمله لأن ظروفه مش مناسبة للإختبار بيعديه ويخش على اللى بعده فى اللستة بس بيحط جنب منه علامة not ready زى مثلا حساسات الاكسجين فى بداية تشغيل العربية الباردة بتبقى معمول ليها باى باس والأوامر للكمبيوتر بتبقى من حساس درجة حرارة مياه التبريد علشان العربية تسخن بسرعه وعلشان الكمبيوتر يسمح بكمية كبيرة من الوقود تتحقن حتى بتلاقى الار بى ام عالى فى بداية التشغيل لأن الوقود كتير وطبعا لو حساس الاكسجين مش معموله باى باص حايقلل الوقود والعربية مش حاتسخن - كمان حساس الأكسجين علشان يشتغل عاوز حرارة عالية علشان كده فيه سخان جواه لو حرارة الحساس موصلتش للمطلوب الكمبيوتر حايعمله باى باس لغاية مايسخن ولغاية دوره فى الاختبار القادم بس بيكتب جنبه برضه not ready - فيه إختبارات كمان بتحتاج إن تانك البنزين يكون فيه بالكتير تلات أرباعه لو مفول الإختبارات دى حايتعمل لها باى باس ويتكتب جنبها not ready . علشان كده الكمبيوتر بيحتاج ٤٥ دور تشغيل علشان يشتغل بكامل طاقته والعربية تتظبط تمام .

شكرا على الرد الوافى القيم جدا

بصراحه الواحد عايز يقعد يذاكره ( موش يقرأه )

انا كنت بأسأل عن المده اللى اخلى النور الكبير والع فيها قبل اغلاق الكونتاكت ( كام دقيقه ) ؟

ايه هى المنظومات اللى بتحتاج ان التانك يكون فيه بالكتير تلات أرباعه ( اختبارات للكانستر ؟ )

أنا باقولك ليه كده لأن لما كنت فى امريكا وعندى تجديد رخصة وفحص للعربية كان بيبقى يوم أغبر مش عليا على كل الناس - لو عملت ناصح وعملت فلاش او ريسيت للكمبيوتر قبل ماتروح تفحص بيوم مثلا ولا يومين حاتروح عندهم ونص القرايات على الكمبيوتر بتاع المرور اللى بيفحصوا بيه مكتوب جنبها not ready وتلاقيها طالعالك ملعلطة عالكمبيوتر وفى الشيت اللى بيدوهولك :) ومع السلامة مافيش تجديد :)

منت قريت انهم عندهم طريقه للاختبار فى الحاله دى ( يمكن موش بينفذوها فى كل الولايات !! ) .. هو بيعمل دورتين قياده Driving Cycle .. دوره القياده دى بتكون مصممه لاختبار جميع المنظومات بتكون سرعات مختلفه و قياده مدينه و قياده سريع و تسارع و قياده هادئه .. بعد الدورتين دول بيظهر العيب فى ثانى دوره قياده

ده رد كنت كتبته عن اضاءه لمبه الاعطال

http://www.nilemotors.net/Nile/464795-a.html#post3875931565

بسم الله الرحمن الرحيم

التوضيح التالى سيبين لك لماذا لم تضيئ اللمبه مباشره

كيفيه اضاءه لمبه check Engine

• لمبه التشيك لا تظهر عاده من المره الاولى لظهور العطل الا فى الاعطال الجسيمه او الخطره
• المقصود بمره الاستعمال للسياره فيما سيلى هو ( تدوير المحرك .. المشى .. اطفاء المحرك ) .. علما بأن العطل ممكن ان يظهر الا يظهر فى مره الاستخدام الواحده الا طبقا لاسلوب قياده معين او سرعات معينه
• فى المره الاولى للعطل : عندما يحس الكمبيوتر بوجود قراءات خارج النطاق المسموح سواء لحساس او منظومه متكامله فى السياره ( طبعا المنظومه ستشمل حساس او اكثر بداخلها ) .. فأنه سيقوم بتسجيل كود عطل و لكن بدون اضاءه اللمبه .. و يتم مراقبه الحساس او المنظومه من تلك اللحظه بصوره مستمره
• فى المره الثانيه للعطل : بعد اطفاء المحرك .. اذا حدث فى ثان مره مباشره لاستعمال للسياره ( اداره المحرك و المشى ) تسجيل لنفس العطل المراقب .. يقوم لكمبيوتر بأضاءه لمبه التشيك و يظل مضاء .. و يتم مراقبه الحساس او المنظومه من تلك اللحظه بصوره مستمره
• اذا لم يسجل ظهور العطل فى المرات التاليه لاستعمال السياره يقوم الكمبيوتر تلقائيا باطفاء اللمبه بعد عدد معين من مرات استعمال السياره ( و يختلف هذا العدد حسب نوع العطل و اهميته ) .. و لكن يظل كود العطل مسجلا فى الكمبيوتر و لا يتم مسحه .. و يتم مراقبه الحساس او المنظومه من تلك اللحظه بصوره مستمره
• اذا اعيد تسجيل العطل مره اخرى ( مره واحده فقط و ليس اثنين ) خلال عدد معين من مرات استعمال السياره ( و يختلف هذا العدد حسب نوع العطل و اهميته ) .. يقوم لكمبيوتر بأضاءه لمبه التشيك مره اخرى
• و اما اذا لم يظهر العطل نهائيا لعدد كبير من المرات .. فأن الكمبيوتر يقوم بمسح الكود نهائيا

انواع اضاءه اللمبه

• اضاءه متقطعه ( مثل اضاءه الاشارات او الفلاشر ) .. هذه الاضاءه تستوجب التصرف السريع لتشخيص العطل و اصلاحه .. و هى تظهر للاعطال التى تسبب ضرر او تلف كبير للمحرك او غيره مثلا misfire .. او للتحذير من بدء تلف قطعه غاليه الثمن من السياره مثلا علبه البيئه لتدارك الامر قبل حدوث تلف للعلبه
• اضاءه ثابته .. لتوضح وجود خلل ما يلزمك الكشف عليه فى اقرب توقبت مناسب .. و هذا النوع لا يمنع من استكمال استعمال السياره حتى الذهاب للفحص

ارجو ان يكون هذا قد اوضح لك لماذا لم تضيئ اللمبه من اول يوم

بالنسبة للمشكلة اللى لسه عندك أنا قلتلك فلتر الهوا وده بيبقى ليه طريقة علشان نعرف بيها هو مظبوط ولا مش قادر يعدى هوا زى الرجالة :) حتى لو جديد ممكن يكون الميكرون بتاعه مش مطابق ( معظم قطع الغيار دلوقتى ايدك والارض) لأنه لو مش كويس استهلاك البنزين حايزيد - والفاكيوم برضه ليه طريقة للكشف مش شرط يكون الخراطيم شكلها حلو وجديد وبرضه ممكن الفاكيوم يخلى العربية تحرق بنزين او يحصل فيها رعشة - والرشاشات برضه ليها طريقة علشان نشوفها بتفتح وتقفل ولا فيه رشاش فيشته برضه تعبانة.

الموضوع علشان يتحل مش عاوز زهق وحياخد وقت - إلا لو عاوز تخلصه بسرعة وتصرف كتير تروح شارى طقم بوجيهات تانى وطقم مباين وطقم رشاشات وبوابة بالمرة :)
انت فى اسكندرية أعتقد - ممكن اقابلك بس افضى شوية ونقيس كل الرشاشات والمباين واللى انت عاوزه كله وعندى أجهزة بتاعتى للإستخدام الشخصى ممكن نستخدمها ولا تشغل بالك وإبقى
ابعتلى رقمك عالخاص وانا حاكلمك اتفق معاك على معاد

فلتر الهوا من التوكيل ..

فلتر البنزين جبت بتاع الاوبترا ( على ما اتذكر .. هو نفس بتاع الليجانزا ) لان فلاتر التوكيل كانت سيئه

بصراحه لا يمكن اغير حاجه OEM نازله مع العربيه بقطع غيار موش مضمونه دلوقت .. خصوصا ان العربيه عامله 15الف كم فقط ( يعنى صعب ان رشاش او غيره يبوظ )

انا كنت قريت احد ردودك .. كان فيها عنوان المحل .. بجوار مستشفى السلامه فى الازاريطه و اسم المحل هو " جيب " .. و كنت بأفكر امر اسلم عليك من فتره .. ان شاء الله نتقابل قريب

انا حاسس ان استهلاك وسط البلد ده انه ممكن يكون طبيعى ( احتمال ) من اللى قرأته من الاستهلاك للزملاء فى المنتدى ( ارقام غريبه لعربيات 1600 محترمه )

استهلاك الوقود اعتقد تحسن بنسبه 8% بعد ما استعملت زيت 5W30 ( لكن محتاج اتأكد من الرقم ده تانى ) ..

الزيت المفضل فى الكتالوج 10W30 و 5W40 .. زيت 5W30 غير مذكور فى الكتالوج عندى

http://www.nilemotors.net/Nile/3876080072-post637.html

http://www.nilemotors.net/Nile/3876079982-post631.html

تحياتى و اعزازى و تقديرى

[tasaka]

بالنسبة للطريقة بتاعة الفلاش للكمبيوتر إللى أنا ذكرتها ليك دى الطريقة المفضلة مش عندى بس لكن عند الشركات المصنعة للعربيات والطريقة دى ساعات بيكتبوها فى الكتالوج بتاع بعض العربيات أو فى كتالوجات الصيانة اللى الشركات بتطلعها بس مش بتديها لاصحاب العربيات مجانا زى كتالوج الاستخدام لكن بيبيعوه بمبالغ كبيرة - فيه بعض الكتالوجات بتنصح إنك تفك السالب وتسيب العربية نص ساعة وفيه كتالوجات تانية بتقول ربع ساعة - إللى أنا زودته إنك تفتح النور العالى وده بيسرع العملية ويوصلها انك تستنى ٥ دقايق بس(الميكانيكا الشعبية ) :) - وفيه ناس تانية بتعمل طريقة تانية تخليك تستنى دقيقتين بس برضه بالميكانيكا الشعبية .

تم عمل الفلاش بالطريقه اللى انت ذكرتها .. و هى الاصح

1- تنفيذ الطيقه التقليديه
فك السالب
الانتظار لمده ساعه

2- ثم تنفيذ طريقتك
فتح الكونتاكت ثم النور العالى لمده دقيقه .. دوس الفرامل عده مرات
شيل المفتاح من الكونتاكت
الانتظار حوالى 5 دقائق

التدوير سلانسيه لمده 5 دقائق

تحياتى و اعزازى و تقديرى

[م/أحمد عبد الفتاح]

شكرا على الرد الوافى القيم جدا

بصراحه الواحد عايز يقعد يذاكره ( موش يقرأه )

انا كنت بأسأل عن المده اللى اخلى النور الكبير والع فيها قبل اغلاق الكونتاكت ( كام دقيقه ) ؟
يعنى تفتحه ٥ او ١٠ ثوانى مش حاتفرق لأن الحمل المفاجئ حصل لحظيا
ايه هى المنظومات اللى بتحتاج ان التانك يكون فيه بالكتير تلات أرباعه ( اختبارات للكانستر ؟ )
كلامك مظبوط الاختبارات اللى بتحتاج كده هى منظومة تداول الوقود اللى بتشمل التانك والكانيستر اللى على التانك والبلف بتاع الكانيستر وبلف purge valve


منت قريت انهم عندهم طريقه للاختبار فى الحاله دى ( يمكن موش بينفذوها فى كل الولايات !! ) .. هو بيعمل دورتين قياده Driving Cycle .. دوره القياده دى بتكون مصممه لاختبار جميع المنظومات بتكون سرعات مختلفه و قياده مدينه و قياده سريع و تسارع و قياده هادئه .. بعد الدورتين دول بيظهر العيب فى ثانى دوره قياده
برافو عليك الحركة دى مابيعملهاش غير الامريكان الصيع لامؤاخذه :) عرفتها منين !!!!!
الحركة دى الناس هى اللى بتعملها قبل الفحص باسبوع تجنباً للمفاجات مش المرور هو اللى بيعملها - بتمشى بالعربية بشروط معينة وبتعمل حاجات معينة تجبر الكمبيوتر انه يخلص كل الاختبارات فى دورة واحدة بس مش دورتين بس هى بتتعمل على مرحلتين والطريقة دى بتخلى كمان لو فيه عطل
بشاور عقله ينور اللمبة علشان تلحق تروح تصلح العطل بدل ماييجى قدام الظابط ويفضحك :) وكمان بيخلى مافيش جملة not ready تظهر بتاتاً :) ولو عاوز الطريقة :
لما التانك يكون فيه حوالى ٧٥٪ الى ٨٠٪
١- حاتنزل الصبح بدرى بعد ماركنت السيارة طبعا بالليل الليلة اللى قبلها وتدور العربية بمجرد ماتدخل المفتاح فى الطبلة وماتقفش فى النص والا الطريقة تبوظ .
٢- حاتشغل التكييف وسخان الزجاج الخلفى وحاتسيب العربية تسخن دقيقتين ونص بالظبط وماتدوسش بنزين خالص.
٣- بعد الدقيقتين ونص مايخلصوا توقف التكييف والسخان وتوكل على الله وتزود سرعة تدريجيا بعجلة تسارع ثابتة حتى سرعة حوالى ٩٠ كم/ساعة وتثبت على السرعة دى لمدة ٣ دقايق .
٤- شيل رجلك من على دواسة البنزين وماتدوسش فرامل وسيب العربية سرعتها تنزل لغاية ٣٠ كم/ساعة .
٥- ارفع السرعة تانى بعجلة تسارع ثابتة لغاية ٩٠ : ١٠٠ كم/ساعة واوعى تدوس الدواسة للاخر واثبت على كده لمدة ٥ دقايق .
٦- شيل رجلك من على دواسة البنزين وماتدوسش فرامل وسيب العربية سرعتها تنزل لوحدها لغاية ماتوصل للتوقف بدون اى استخدام للفرامل .
كده انتهت الطريق

ده رد كنت كتبته عن اضاءه لمبه الاعطال

http://www.nilemotors.net/Nile/464795-a.html#post3875931565

فلتر الهوا من التوكيل ..

فلتر البنزين جبت بتاع الاوبترا ( على ما اتذكر .. هو نفس بتاع الليجانزا ) لان فلاتر التوكيل كانت سيئه

بصراحه لا يمكن اغير حاجه OEM نازله مع العربيه بقطع غيار موش مضمونه دلوقت .. خصوصا ان العربيه عامله 15الف كم فقط ( يعنى صعب ان رشاش او غيره يبوظ )

انا كنت قريت احد ردودك .. كان فيها عنوان المحل .. بجوار مستشفى السلامه فى الازاريطه و اسم المحل هو " جيب " .. و كنت بأفكر امر اسلم عليك من فتره .. ان شاء الله نتقابل قريب
تمام اهلا وسهلا بيك اى وقت بس انا اليومين دول مش باروح بانتظام ابقى بس ادينى خبر قبل ماتيجى
انا حاسس ان استهلاك وسط البلد ده انه ممكن يكون طبيعى ( احتمال ) من اللى قرأته من الاستهلاك للزملاء فى المنتدى ( ارقام غريبه لعربيات 1600 محترمه )
انت الحكم على الاستهلاك لو كانت قبل كده بتستهلك اقل يبقى اكيد فيه حاجه غلط
استهلاك الوقود اعتقد تحسن بنسبه 8% بعد ما استعملت زيت 5W30 ( لكن محتاج اتأكد من الرقم ده تانى ) ..

الزيت المفضل فى الكتالوج 10W30 و 5W40 .. زيت 5W30 غير مذكور فى الكتالوج عندى

http://www.nilemotors.net/Nile/3876080072-post637.html

http://www.nilemotors.net/Nile/3876079982-post631.html

تحياتى و اعزازى و تقديرى

[tasaka]

كلامك مظبوط الاختبارات اللى بتحتاج كده هى منظومة تداول الوقود اللى بتشمل التانك والكانيستر اللى على التانك والبلف بتاع الكانيستر وبلف purge valve

فيه حاجه حصلت معى غريبه جدا مفهمتهاش ؟؟ و اول مره تمر على فى حياتى برغم انى 45 سنه سواقه و مرت على تجارب كتير

صوت الموتور عندى عالى شويه كان تاكيهات مفتوحه ( بره العربيه ) .. بالظبط زى صوت موتور البيجو 508 ( عالى جدا من بره العربيه )
.
من جوه العربيه موش مسموع .. بصراحه مستغرب للصوت العالى ده فى موتور ميتسوبيشى و سألت قالوا ملوش ظبط لانه على بلوف

لما اشتريت الفلاتر من التوكيل .. هوا و بنزين .. بمجرد تغيير فلتر البنزين العربيه( اتضح بعد يومين انه بايظ و بيرشح بنزين بره الفلتر ) صوتها اصبح واطى جدا جدا ( دقيقتين او ثلاثه ) .. بالظبط زى ما تكون عربيه تكيهاتها كانت مفتوحه زياده و صوتها عالى و بعدين ظبطت التاكيهات و صوتها اصبح هادى جدا ( بس تحس انه مكتوم )

فيه ناس وصفت ميكانيكى بيقولوا شاطر جدا فى الازاريطه اسمه " البوب " .. قال لى استهلاك البنزين الزياده ده ممكن من التاكيهات و انه بيظبطها ؟ و بعدين نجرب استهلاك البنزين

انا اترددت بصراحه .. اذا كانت التاكيهات على بلوف و الطبق مقاسه اصلى .. يبقى ازاى هو حيظبطها من غير ما يغير الاطباق ؟؟ موش فاهم ازاى ؟؟ ممكن توضيح ازاى حيظبطها ؟؟

.. والاهم ليه العربيه صوتها وطى جدا بعد تغيير فلتر البنزين مباشره لمده دقيقتين.. انا شاكك ان دوره الراجع والضغط بتاع التانك ممكن تكون موش نظيفه او ما شابه .. و يكون هو ده سبب صوت الموتورالعالى و استهلاك البنزين على السرعات البطيئه داخل البلد

انت الحكم على الاستهلاك لو كانت قبل كده بتستهلك اقل يبقى اكيد فيه حاجه غلط

الاستهلاك على الطوالى 265 كم فى الصفيحه على سرعه 145 ثابته .. يعنى حتعمل احسن كمان لو على سرعه 90 .. يعنى استهلاكها افضل من المذكور فى الكتالوج ( 7 لتر لكل 100 كم على الطوالى )

المشكله انها جوه البلد موش بتعمل المطلوب فى الكتالوج يعنى الكتالوج على الاقل 160 فى الصفيحه ( فى كتير من الزملاء فى المنتدى بيتكلموا فى 180 كم فى الصفيحه جوه البلد فى القاهره )

منت قريت انهم عندهم طريقه للاختبار فى الحاله دى ( يمكن موش بينفذوها فى كل الولايات !! ) .. هو بيعمل دورتين قياده driving cycle .. دوره القياده دى بتكون مصممه لاختبار جميع المنظومات بتكون سرعات مختلفه و قياده مدينه و قياده سريع و تسارع و قياده هادئه .. بعد الدورتين دول بيظهر العيب فى ثانى دوره قياده
برافو عليك الحركة دى مابيعملهاش غير الامريكان الصيع لامؤاخذه :) عرفتها منين !!!!!
الحركة دى الناس هى اللى بتعملها قبل الفحص باسبوع تجنباً للمفاجات مش المرور هو اللى بيعملها - بتمشى بالعربية بشروط معينة وبتعمل حاجات معينة تجبر الكمبيوتر انه يخلص كل الاختبارات فى دورة واحدة بس مش دورتين بس هى بتتعمل على مرحلتين والطريقة دى بتخلى كمان لو فيه عطل
بشاور عقله ينور اللمبة علشان تلحق تروح تصلح العطل بدل ماييجى قدام الظابط ويفضحك :) وكمان بيخلى مافيش جملة not ready تظهر بتاتاً :) ولو عاوز الطريقة :
لما التانك يكون فيه حوالى ٧٥٪ الى ٨٠٪
١- حاتنزل الصبح بدرى بعد ماركنت السيارة طبعا بالليل الليلة اللى قبلها وتدور العربية بمجرد ماتدخل المفتاح فى الطبلة وماتقفش فى النص والا الطريقة تبوظ .
٢- حاتشغل التكييف وسخان الزجاج الخلفى وحاتسيب العربية تسخن دقيقتين ونص بالظبط وماتدوسش بنزين خالص.
٣- بعد الدقيقتين ونص مايخلصوا توقف التكييف والسخان وتوكل على الله وتزود سرعة تدريجيا بعجلة تسارع ثابتة حتى سرعة حوالى ٩٠ كم/ساعة وتثبت على السرعة دى لمدة ٣ دقايق .
٤- شيل رجلك من على دواسة البنزين وماتدوسش فرامل وسيب العربية سرعتها تنزل لغاية ٣٠ كم/ساعة .
٥- ارفع السرعة تانى بعجلة تسارع ثابتة لغاية ٩٠ : ١٠٠ كم/ساعة واوعى تدوس الدواسة للاخر واثبت على كده لمدة ٥ دقايق .
٦- شيل رجلك من على دواسة البنزين وماتدوسش فرامل وسيب العربية سرعتها تنزل لوحدها لغاية ماتوصل للتوقف بدون اى استخدام للفرامل .
كده انتهت الطريق

انا اللى فهمته .. ان الطريقه دى بيعملها المرور لما تيجى عندهم عربيه حد مسح اعطالها قريب .. و المرور بيعمل دوره قياده معينه مرتين

يمكن فى بعض الولايات فقط بيعملوا كده ....!! ؟؟... بصراحه لا اعلم

و طبيعى ان الناس تجرب عربياتها بنفس الطريقه قبل الذهاب للمرور

تحياتى و اعزازى و تقديرى

[م/أحمد عبد الفتاح]

المواتير اللى منظومة بلوف الحر والعادم فيها على بلوف او اسمها الصح hydraulic lifters دى مابتتظبطش ولا تتصلحش الا بتغيير الهيدروليك ليفتر والمنظومة دى بتستعمل فى المواتير ال variable valve timing (VVT)
اى مواتير تانية بلوفها على تاكيهات او اطباق ممكن يحصل لها اصلاح والاصعب طبعا فى الاصلاح الاطباق لانها بتتغير بسمك اعلى بس هل تعتقد ان فيه فى مصر خامة تقدر تعمل منها اطباق زى الاصلى - او حتى حد يقدر يقيس التاكل بالميكرومتر ويعوضه فى سمك الطبق - او حتى فيه حد بيبيع الاطباق دى خارج طقم العمرة اللى بتشتريه من التوكيل مثلا او من خارج مصر ؟؟؟ نصيحتى ماتخليش حد يلعب فى الحتة دى خصوصا وان العربية جديدة .
مش فاهم الحتة بتاعة الفلتر الجديد هل الفلتر الجديد هو اللى بيرشح ؟ ولا الفلتر القديم اللى كان بيرشح ؟
منظومة تداول الوقود دلوقتى بقت معزولة تماما عن الهواء الجوى واى تسريب فيها او سدد بياثر على العربية - بس الدارج هو تلف الكانيستر ( بيبقى جواه زى كور صغيرة من الفحم الحجرى ) فده يابيتسد يابيتشرخ الجسم بتاعه لكن البلف بتاع الكانيستر وال purge valve مش بيبوظوا بسهولة وحتى كمان الكانيستر لسه بدرى عليه قوى - واشهر علامة لتلف الكانيستر هى ان العربية لما تيجى تمون فى البنزينة تلاقيها بترجع بنزين تانى ويتضطر عامل البنزينة انه يمون بالراحة وتاخد وقت كبير فى التموين .
للاسف كمان المنظومة دى مالهاش اى حاجه تقول انها باظت او فيها حاجة بايظة ولا بتنور لمبة ولا ليها قراية !!!!!

[tasaka]

المواتير اللى منظومة بلوف الحر والعادم فيها على بلوف او اسمها الصح hydraulic lifters دى مابتتظبطش ولا تتصلحش الا بتغيير الهيدروليك ليفتر والمنظومة دى بتستعمل فى المواتير ال variable valve timing (vvt)
اى مواتير تانية بلوفها على تاكيهات او اطباق ممكن يحصل لها اصلاح والاصعب طبعا فى الاصلاح الاطباق لانها بتتغير بسمك اعلى بس هل تعتقد ان فيه فى مصر خامة تقدر تعمل منها اطباق زى الاصلى - او حتى حد يقدر يقيس التاكل بالميكرومتر ويعوضه فى سمك الطبق - او حتى فيه حد بيبيع الاطباق دى خارج طقم العمرة اللى بتشتريه من التوكيل مثلا او من خارج مصر ؟؟؟ نصيحتى ماتخليش حد يلعب فى الحتة دى خصوصا وان العربية جديدة .

رد دسم

موش فاهم الجمله بالازرق .. اما فهمى يا اما تاكيهات و بتتظبط .. يا اما بلوف و دى بتكون على اطباق ..
هل فيه تاكيهات بتكون على بلوف؟.. لو فيه يبقى احتمال يكون ده قصده ( الصين بتستعمل مواتير ميتسوبيشى القديمه جدا من بدايه التسعينات فى معظم الصينى قبل ان يقوموا بتصميم مواتيرهم الحايه الان )

طبعا فى جميع الاحوال موش حظبطها

مش فاهم الحتة بتاعة الفلتر الجديد هل الفلتر الجديد هو اللى بيرشح ؟ ولا الفلتر القديم اللى كان بيرشح ؟

انا جبت 4 فلاتر ..
الاول من الجمال و بضاعته مغشوشه ( هو ده اللى باتكلم عنه ) و خلى صوت الموتور هادى .. و الجمال طبعا كان عارف ان البضاعه موش مظبوطه لانه ادانى واحد تانى .. ده بقى كان بيطلع بنزين لمسافه متر كانه خرطوم بنزين .. و دى كانت اول و اخر مره اتعامل مع الجمال

و بعدين واحد تانى من التوكيل( طلع مكتوم) ..
و بعدين واحد تانى من محل طلع بيسرب
و بعدين جبت بتاع الاوبترا اللى راكب دلوقت بقاله الفين كم

منظومة تداول الوقود دلوقتى بقت معزولة تماما عن الهواء الجوى واى تسريب فيها او سدد بياثر على العربية - بس الدارج هو تلف الكانيستر ( بيبقى جواه زى كور صغيرة من الفحم الحجرى ) فده يابيتسد يابيتشرخ الجسم بتاعه لكن البلف بتاع الكانيستر وال purge valve مش بيبوظوا بسهولة وحتى كمان الكانيستر لسه بدرى عليه قوى - واشهر علامة لتلف الكانيستر هى ان العربية لما تيجى تمون فى البنزينة تلاقيها بترجع بنزين تانى ويتضطر عامل البنزينة انه يمون بالراحة وتاخد وقت كبير فى التموين .
للاسف كمان المنظومة دى مالهاش اى حاجه تقول انها باظت او فيها حاجة بايظة ولا بتنور لمبة ولا ليها قراية !!!!!

اكيد ليها اختبار طبعا .. امال الكمبيوتر بيشيك عليها ازاى ..

انا قصدى بمجرد ما الدوره اخذت هوا بعد نزع الفلتر لتغييره الضغوط اتعدلت مثلا ؟

مفيش اعراض التموين دى .. هل سدد الفحم ده يزود استهلاك البنزين مثلا ؟

بس العربيه دى كانت مرفوعه 4 سنين و تستعمل فى شهر واحد فى السنه .. هل ده يفرق ؟

تحياتى و اعزازى و تقديرى

[tasaka]

اختبارات ال EVAP

https://www.google.com.eg/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwjxgcXVi-zOAhUBxRQKHUnhAuEQtwIIGjAA&url=https%3A%2F%2Fwww.youtube.com%2Fwatch%3Fv%3DQnVUBYdFHGI&usg=AFQjCNHppCd8uiiF4GXB55raSfxuIX9XOg&bvm=bv.131286987,d.bGs

https://www.google.com.eg/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwiulKvqi-zOAhWJXhQKHWbsD5IQtwIIGjAA&url=https%3A%2F%2Fwww.youtube.com%2Fwatch%3Fv%3DAlfOSMmisPg&usg=AFQjCNHQgKCzQ6dJQzjiHxarWGpQowmCLg&bvm=bv.131286987,d.bGs

[tasaka]

دى قناه ممتازه ..

الراجل ده وظيفته عالم .. و لكن هوايته السيارات .. ممتاز فى التشخيص بطريقه علميه

Schrodingers Box

https://www.youtube.com/user/mattshadetree/playlists

[م/أحمد عبد الفتاح]

اكيد ليها اختبار طبعا .. امال الكمبيوتر بيشيك عليها ازاى ..

أنا فى كلامى ماجبتش سيرة أى إختبار أنا باقول مالهاش حاجه أو عداد تعرف السائق إن فيه مشكلة فى الكانيستر وعموماً أعطال بلف الكانيستر أو بلف الـ Purge مش بيبوظوا بسهولة أو على المدى القريب ولما الكانيستر بيبوظ بتغير معاه البلف بتاعه والـ purge valve مرة واحدة لأن البلفين مش غاليين.
سنة ٢٠٠٨ العربيات الشيروكى كان فيها مشكلة فى بعض العربيات على مستوى العالم وهى إنها لما تيجى تمون بنزين بترجع البنزين من الفتحة بتاعة التموين وبتضطر إنك تمون ببطئ جدا فى البنزينة وده موضوع مزعج جداً - شركة كرايزلر حلت الموضوع بإنها غيرت التانك بالكانيستر لكل العربيات اللى كان فيها المشكلة !!!!!! وبعدين تم إكتشاف إن العيب فى الكانيستر وهو عيب صناعة بس بعد إيه !!!!! بعض اصدقائى هنا فى مصر حصل معاهم نفس المشكلة وطبعاً التوكيل دخلهم فى سكك تانية ومحلش الموضوع - وأنا كان رأيى من الأول إن الكانيستر هو سبب المشكلة والحمدلله قدرت أقنعهم نغير الكانيستر وبالفعل تم حل المشكلة تماماً بتغيير الكانيستر بس هو والبلوف ومحدش منهم غير التانك. ولا كان فيه لمبات منورة ولا حتى الـ DRB بتاع كرايزلر إكتشف إن الكانيستر فيه مشكلة !!!!

[م/أحمد عبد الفتاح]

اختبارات ال EVAP

https://www.google.com.eg/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwjxgcXVi-zOAhUBxRQKHUnhAuEQtwIIGjAA&url=https%3A%2F%2Fwww.youtube.com%2Fwatch%3Fv%3DQnVUBYdFHGI&usg=AFQjCNHppCd8uiiF4GXB55raSfxuIX9XOg&bvm=bv.131286987,d.bGs

https://www.google.com.eg/url?sa=t&r...31286987,d.bGs

الفيديوهات جميلة فعلا بس لو تلاحظ ان الفيديو الاول الراجل عمل كل الاختبارات وكلها طلعت سليمة سواء كهربا او فاكيوم !!!!! طيب فين المشكلة ؟؟؟؟؟؟؟
الفيديو التانى : مين هنا يقدر يحلل الfreeze frame والـ PIDS جرب تسأل حد عنده سكانر عن الـ freeze frame وشوف حايقولك إيه :)

[م/أحمد عبد الفتاح]

دى قناه ممتازه ..

الراجل ده وظيفته عالم .. و لكن هوايته السيارات .. ممتاز فى التشخيص بطريقه علميه

schrodingers box

https://www.youtube.com/user/mattshadetree/playlists

راجل محترم فعلاً وهو ده اللى انا دايما باقوله للناس السكانر مش هو الحل أو هو الإصلاح لازم استخدام العقل والقدرة التحليلية للوصول للعطل واستخدام الوسائل القديمة فى التأكد من العطل وتحديده قبل الفك والمصاريف - زى مثلا جهاز قياس الكبس القديم مين بيشتغل بيه أو كام ميكانيكى عنده الجهاز ده وهو ابسط واهم جهاز فى اى ورشة ولامين يقدر يشخص بيه اعطال ؟؟؟؟ فيه ميكانيكى فى مصر بيشتغل مثلا بجهاز اختبار التسريب ؟؟؟؟ جهاز إختبار الفاكيوم ؟؟؟؟؟
الأجهزة دى تقدر تقولك الموتور مفوت ولا سليم بدون فك - تقولك جوان وش السلندر ضارب بدون فك برضه - تقدر تقولك الصبابات فيها مشكلة وتقدر تقولك كمان صبابات الحر ولا العادم - وحاجات تانية كتير