موسوعة صيانة الدراجات النارية

[alfath8]

هو موضوع الصيانة نام ليه ممكن بعد انتصارتنا نفوق شوية لمواضعينا يلا نشارك

[dinasor]

موضوع جميل جدا شكرا لكل من ساهم

[hero_xp10]

شكرا Ducati عاى الموضوع الجميل
وشكرا ايضا لتامر وخالد على الاضافات المفيده
وان شاء الله يكون الموضوع مرجع مفيد لنا جميعا
جزاكم الله خيرا

[Ducati]

العفو يا هيرو وان شاء الله الموضوع حيستمر والموضوع يعتبر مغطي شوية حجالت كويسه في الموتوسيكل
ولو حد عنده استفسار ان شاء الله نجاوبه جميعا

[Ducati]

نكمل الموضوع

بالنسبة لحرارة الموتوسيكل

اتبع الاتي تخلص من اي حرار او تقطيع

اولا لو حاسس ان البايك بتاعك مخنوق

حتروح عند اي حد تخصص ريبداتير حتى لو بتاع عربيات بيعرف بردوا خليه ينضف دورة المياه كلها ؟ ازاي
حيفضي الميه كلها من الريداتير نفسه والقربة ويجيب خرطوم ميه ويحطه في الريداتير او القربة لمدة وفي طبه على فكرة في الريداتير تقريبا تتفتح عشان تنزل الميه ححوطلها فيديو وبكده ينزل اي رواسب او املاح موجوده وبعد ما يخلص حيحط الميه الخضرا بالنسبه للمروحه مهمة في ناس بتريح راسها وبتخليها شغاله على طول وعادي نادرا لما بتتحرق اصلا ولو اتحرقت عن اي كهربائي يلف الكويل وترجع تاني

حاول على قد ما تقدر تغير البوجيهات كل 2000 او 3000 كيلو خصوصا لو بتركنها كتير عشان بترطب

شيك على اسلاك لموتوسيكل والضفيرة خصوصا الي طالع من الموبينة والدينامو والفيش الموجودة وكابل البطارية وسلك البوجيهات واصل عدل ولا لا لان مع الوقت الحجات ديه بدوب مع حرارة الموتوسيكل وعمرها الافتراضي بيخلص

بين كل فترة والتانية شيك على الريكتيفير والدينامو روح لاي حد تخصص بطاريات خليه يقيس الشحن والريكتيفير سعره مش غالي

حاول على قد ما تقدر تنزل الزيت بدري حتى لو لونه اخضر بس بتكون التركيبة مع الحرارة والكثافة بتعتها مش زي ما حطيته وممكن تعمل زي اغلب الناس حط الزيت ال 4 كيلو ب 40 جنيهاو على حسب البايك بياخد قد ايه ونزل الزيت بعد 900 او 1200 كيلو بالكتير جدا يعني مش لازم تحط نفس العربية زيت 5000 و 10000 كيلو في فرق بين انجن البايك والعربية

الكربيراتير او الانجكشن لما بيتسد او الرشاشات فيها حاجه بتخلي البايك يسخن بردوا وممكن تتغلب عليها يااما تنضفه عند اي ميكانيكي او تحط السائل الي بيتحط مع البنزين وينضف نفسه ويخرج الرواسب مع العادم وطبعا الكربيراتير خصوصا بيبان انه مسدود لما تمشي على سرعه بطيئه وتحس ان البايك بيقطع او مخنوق
وممكن تحط على المور وتدوس ريس جامد وشوف بيطلع كاربون اسود من الاكسوست ولا لا

[Ducati]

تغير المياه الخضراء بالنسبه للريس والفكرة واحده على فكره لو عايز تعملها مع نفسك
وبردوا مع الوقت عند اي بنزينة بضغط الهوا خليه يسلك الريس من اي تراب او عوالق
ولما تغسلها بضغط الماء خد بالك يحسن يتني اللريش بتاعت الريداتير



YouTube - Cbr1000rr maintenance

YouTube - How to Change Coolant in a Motorcycle

YouTube - Yamaha FZ1 Motorcycle Maintenance Pt 3 (Coolant & lights)

YouTube - Part 8: How to disassemble a motocross bike. Draining radiator coolant. YZ250F Example


وبردوا منستش حبيبنا الكروز بايكرز فيديو وبردوا نفس الفكرة في اغلب البايكز

YouTube - Motorcycle Coolant Change - How to

[alfath8]

محتاجين بعض المواضيع تضاف للموسوعة مثل عنوانين الميكانيكية والمعارض وموضوع الزيوت واسباب ارتفاع حرارة المحرك

[mohamedrefaey]

سؤال الى اهل الخبرة

الموتوسيكل بتاعى بينتش على السرعات 3و4و5و6 ثم يتوقف ولا يدور الا اذا رجعت الى السرعات البطيئة 1او 2فما هو الحل مع العلم ان الموتوسيكل هوندا cbr 9000 rr موديل 1999 ولكم جزيل الشكر

[alfath8]

طيب هل انتا عندك مشكلة فى التدوير الصبح ممكن تكون المشكلة من البوجيهات اشرح العيب اللى بيحصل بالضبط

[mohamedrefaey]

الموتسيكل بيدورالصبح عادى بارفع الشفاط وادور المشكلة لما امشى على الغيارات العالية احس ان الماكينة بتنتش منى زى ماكون راكب جمل وتبطل ولاتدور الا على الغيار الاول او الثانى وهكذا

[alfath8]

طيب غير البوجيهات وراجع عليهم كويس وبعدين شوف المشكلة راحت ولا لأ

[mohamedrefaey]

اولا اشكرك شكرا جزيلا على ردك على طلبى وسوف اقوم بتغيير البوجيهات واطلعك على النتيجة ان شاء الله

[mohamedrefaey]

ممكن اخى الفاضل ( alfath8 ) ان تخبرنى من اين يمكن ان اشترى بوجيهات جيدة ولك كل الشكر و التقدير

[Ducati]

اي ميكانيكي بايكس عنده بوجيهات بس انا بحب اجبها دايما من عند زيدان الي في الدقي (قطع الغيار) مش الميكانيكي عشان بتكون فرش ههههههههههه بحس الي عند الميكانيكي بتكون مرطبة مش عارف ليه

زيدان في الدقي لقطع الغيار في مدان الدقي حتلاقي محل جنة الاسماك تقريبا في الميدان نفسه اسئل فين زيدان الف مين يدلك

[mohamedrefaey]

الف الف شكر لك اخى الكريم