موسوعة صيانة الدراجات النارية

[alfath8]

[QUOTE=mohamedrefaey;3873458803]الف الف شكر لك اخى الكريم


طيب ايه الاخبار تمام ولا

[mohamedrefaey]

انا رحت النهاردة عند ايمن فبريكة فى الوكالة وسالتة قال ان البوجية الاصلى خلص من عندة وعندة نوع تانى اسمة ( bosna sopur) لاكنى مرتحتلوش و رحت العجوزة عند احمد فهمى قال عندة الاصلى ب 260 جنية وانا عندة لقيت واحد بيدور على البوجية الاصلى فسالتة قال ان الى فى السوق كلة مرطب فانا مش عارف ازاى اعرف ان البوجية مرطب ارجو منك النصيحة وشكرا على سعة صدرك

[m3_dolphen]

بص يا أستاذ محمد ... أولا ده مش تقريبا مش عيب بوجيهات ليه بقى لأن العيب ده معناه ان البنزين مش بيوصل كويس للكربريتور ..
طيب اولا غير فلتر البنزين لأن لو اتسد بسبب الشوائب أو الصدى مثلا مش هيغذى كويس والدليل على كده انك بتقول الكلام ده على السرعات العالية ومعروف طبعا انك كل متسرع تحتاج بنزين اكتر ومع الإنسداد البنزين مش هيوصل بالكمية المطلوبة فيحصل العيب ده ....

بالنسبة للبوجيهات لو عايز تجيب الأصليه بــ 150 جنيه الأربع بوجيهات ( سى بى أر 250 ) من التوكيل فى المعادى فى شارع الجزائر شركة التوفيق وهيطلع رقمهم من الكتالوج قدامك .

[mohamedrefaey]

اولا شكرا لك اخى الكريم واحب ان اعرفك ان الموتوسيكل بتاعى هوندا cbr 900 rr وهل يصلح ان يركبلة بوجية cbr 250 ثانيا مفيش فلتر بنزين فى الموتوسيكل يبتاعى فما هو رايك

[mohamedrefaey]

اسف على الاطالة ولكن احب ان اعرفك ان التنك فية مصفاة وقد قمت بفكها ولم اجد بها اى رواسب

[m3_dolphen]

اولا شكرا لك اخى الكريم واحب ان اعرفك ان الموتوسيكل بتاعى هوندا cbr 900 rr وهل يصلح ان يركبلة بوجية cbr 250 ثانيا مفيش فلتر بنزين فى الموتوسيكل يبتاعى فما هو رايك

انت حضرتك لما تروح للتوكيل اللى فى المعادى هتقوله على نوع المكنة وهو هيطلعلك رقم البوجيه المناسب من الكتالوج .

اسف على الاطالة ولكن احب ان اعرفك ان التنك فية مصفاة وقد قمت بفكها ولم اجد بها اى رواسب

طيب طلمبة البنزين ؟

[mohamedrefaey]

فية عدد 2خرطوم اسفل التنك واحد طخين للبنزين واخر رفيع للهواء والاثنين وصلين حنفية البنزين ولا يوجد طلمبة بنزين

[m3_dolphen]

يبقى لازم ميكانىكى .... كان نفسى اساعدك

[mohamedrefaey]

يكفينى ردكم على استفساراتى اخى العزيز (m3_dolphen ) واخى العزيز ( alfath8 ) لكم منى الف شكر

[m3_dolphen]

الشكر لله أستاذ محمد وياريت تقولنا عملت ايه حتى تتم الإستفادة للجميع

[alfath8]

والله انا زعلت لانى مش عارف احل لك مشكلتك وده واجب علينا طول ما نقدر نساعد الناس بس ان شاء الله لما تحل المشكلة عرفنا عملت ايه

[mohamedrefaey]

ان شاء الله رب العالمين سوف اطلعكم على سبب العطل حال اصلاحة

[tito29]

طيب سؤال: هل العيب ده ظهر فجأة و لا بعد صيانة معينة؟ و لا بعد غسلة في البنزينة؟ و لا بعد ما حطيت بنزين من بنزينة معينة؟

أجابة هذا السؤال سوف تحدد في أي أتجاه ممكن يكون العيب

[mohamedrefaey]

العيب دة ظهر فجاة وانا مش عارف هل هو عيب كربراتير ولا عيب بوجيهات واحيانا المكنة تتظبط يوم او اتنين ويرجع تانى نفس العيب

[m3_dolphen]

طيب هل حضرتك بتغير نوع البنزين ( 90او 92... ) ولا ثابت على نوع معين علطول ؟