كده كتير - البلد بقت لعبة

[Samah AbdAllah]

بلد ايه اللى كانت ماشية يا بسكوتة ؟ يمكن علشان مش بتنزلي كتير مش واخدة بالك ان نص البلد عطلان من يوم 28 وكلها من يوم السبت اللي فات
وحظر التجول كان لازم يتفرض لان الشرطة لم تعد قادرة على القيام بعملها لخيانة داخلية او لضغط اللصوص والحرامية وجماعات مسلحة بمعني الكلمة هجمت على السجون كل دي اسباب لكن الواقع ان الجيش كان لازن ينزل البلد وحظر التجول على فكرة اتعمل من قبل ما تبدا السرقات لو تفتكري كان الجمعة الساعة 6 مساء ومكانش حصلت الفوضي دي كلها
ودلوقت بيترفع ساعات حظر التجول لكن المشكلة ان البهوات اللى قاعدين في التحرير بيهددوا بمظاهرات مليونية يوم الاحد والثلاثاء والخميس طب الشركات والمصانع والمحلات هاتشتغل ازاي ؟ وبيهددوا انهم هايعملوا تظاهرات في كل الميادين طيب البلد هاتشتغل ازاي ؟
والمذنب النهاردة الجميع بما فيهم الموجودين في التحرير وشوفي كويس التعليقات بتاعة الاعضاء وهتلاقي ان الاغلبية بتلومهم على استمرار الوضع الحالي
وعلى فكرة فيه ناس كتير من اللى بيقولوا كدة نزلوا المظاهرات لكن لما اتحولت لعناد بدون داعي وسيطرة من الاخوان انسحبوا
ومتهيالي محدش من قريب حضرتك مات او اصيب علشان تاخدي الموقف ده وبالمقابل الناس اللى رافضاها مالهاش مصلحة غير ان الحال يستقر ويتم اعطاء الفرصة لتحريك حال البلد وعمل الاصلاحات فان لم تتم وقتها تعود البلد كلها وتنزل الشوارع ونقفل البلد كلها

دكتور محمد
انا قولت البلد كانت شغالة من يوم 25 ليوم 28 ما قولتش بعدها
وزى ما حضرتك اوردت
وقف الحال مش بسبب المتظاهرين بسبب بلطجية النظام
يبقا تحمل المتظاهرين الذنب ليه
ماهم هم المتظاهرين من يوم 25 على الاقل فى الاسكندرية الناس وشوشها متغيرتش
معرفش الحال عند حضرتك ايه
وانا بعتبر كل مصرى من اهلى وعشان كده صعبان عليا دمه يروح هدر وكمان الناس تحمله ذنب خسارة اقتصاد البلد ووقف حالهم
الحكومة عرفت تمسك الناس من لقمة العيش زى ما بتعمل على طول
واعتقد ان لو مبارك كان تنحى والناس قبضت مرتباتها وبتاكل وبتشرب وتروح السينما وتتفسح فى المول كان ساعتها هيبقا الشباب ده ابطال
كل واحد حر يتظاهر او لا يرفض او يقبل
لكن معتقدش من حق اى حد عارف ومتاكد ان الحكومة هى اللى خططت لكل ده وبرضه يحمل المتظاهرين الذنب

[د.أحمد سمير]

كل السيناريوهات اللي بتقولوها دلوقتي
هيه هيه اللي هاتسمعوها من الحكومة بعد فض الاعتصام
وبناء عليها سيتم تأجيل كل الإصلاحات المطلوبة
وهنلاقي نفسنا يوم 30 سبتمبر بننتخب الريس تاني

يا جماعة إحنا في حالة عقاب جماعي والله ..
استحلوا أمننا ودمائنا وأرزاقنا .. وهانت علينا أنفسنا للدرجة التي تجعلنا نمنحهم رقابنا من جديد ..

وعلى فكرة عندنا في المقطم رغم الخطر اليومي الشديد عادت كل المحلات لطبيعتها ..
وعادت الحياة والنشاطات اليومية من جديد
بدون شرطة ولا أمن ولا يحزنون
المشكلة فقط في البنوك
لو عايزين نشتغل هانشتغل
مش كل الناس عندها محلات في التحرير .. ولا كل الناس شغالة في وسط البلد ..
المفروض نضغط علشان تعود الحياة لطبيعتها
ولو عايزين فعل جماعي يوم الأحد ننزل جميعاً لأشغالنا .. ختى لو شركاتنا قافلة
ده لو لسه عندنا إرادة للحياة
مش البكاء على أحوالنا وخلاص

[dr-mohamed]

بمناسبة معركة الجمل اقسم بالله ان قبلها بيوم لما سمعت خطاب الريس انا بكيت اتصلت بواحد صاحبي لقيته بيبكي تاني يوم الصبح لقيت التليفون بيرن ناس من الشركه طالبينا نكون في الشركه الساعة 9 صباحا (طبعا عارفين ليه) المهم رفضت لا ني لما اخرج مظاهره اخرج عن اقتناع المهم رحت مظاهرة مصطفي محمود والمفاجئه انه قابلت زمايلي هناك وكلنا عملنا نفس الشيئ رحنا بمزاجنا مش عن طريق حد لدرجه ان المدير لما قابلنا هناك تنح من الصدمه
لكن للاسف قلة الادب اللي شفتها يومها بتاعت معركة الجمل خلتني تاني يوم اقفل السكه في وش رئيسي في الشغل لما بيقلي عاوزينكوا تطلعوا مظاهرات التايد
واضح ان احنا بقينا بين امرين احلاهم مر

الله ينور عليك وانا وناس كتير اخدنا نفس الموقف زيك وكلمت احد الاعضاء هنا وكنا متفقين نخرج في مظاهرة تاييد لاستمرار مبارك لنوفمبر لكن تراجعنا في راينا وقررنا انه يكفي ما حدث وتقريبا ليلتها مصر نامت على ان يستمر الوضع حتي نوفمبر فقط ومنح الحكومة الجديدة فرصة للقيام بالاصلاحات
يبقي الهيافة والصيع بتوع معركة الجمل دول مكانوش من النظام ولا تبعه ولا هو مسؤل عنهم
ممكن فعلا شوية نواب سابقين وشوية رجال اعمال هايفين فاكرين انهم بيخدموا النظام
لكن المؤكد انالنظام والمقصود هنا الرئس ونائبه ورئيس الوزارة والوزارة ليسوا مسؤلين عن هذا التهريج لانه قلب الموازين تاني صح ولا لا ؟؟؟؟؟؟

[dr-mohamed]

كل السيناريوهات اللي بتقولوها دلوقتي
هيه هيه اللي هاتسمعوها من الحكومة بعد فض الاعتصام
وبناء عليها سيتم تأجيل كل الإصلاحات المطلوبة
وهنلاقي نفسنا يوم 30 سبتمبر بننتخب الريس تاني
يا جماعة إحنا في حالة عقاب جماعي والله ..
استحلوا أمننا ودمائنا وأرزاقنا .. وهانت علينا أنفسنا للدرجة التي تجعلنا نمنحهم رقابنا من جديد ..
وعلى فكرة عندنا في المقطم رغم الخطر اليومي الشديد عادت كل المحلات لطبيعتها ..
وعادت الحياة والنشاطات اليومية من جديد
بدون شرطة ولا أمن ولا يحزنون
المشكلة فقط في البنوك
لو عايزين نشتغل هانشتغل
مش كل الناس عندها محلات في التحرير .. ولا كل الناس شغالة في وسط البلد ..
المفروض نضغط علشان تعود الحياة لطبيعتها
ولو عايزين فعل جماعي يوم الأحد ننزل جميعاً لأشغالنا .. ختى لو شركاتنا قافلة
ده لو لسه عندنا إرادة للحياة
مش البكاء على أحوالنا وخلاص

يا دكتور احمد البنوك بدات سرقتها هي وماكينات الصرافة يوم الجمعة من الساعة 8 وكلامي ده انا شاهد عيان عليه ومن نوعية معينة من اللي دخلت المظاهرة مش هقول هي مين علشان محدش يزعل لكن اقسم بالله هذا ما رايته بعيني
واي بنك لو فتح ابوابه وسط ما كان يحدث الاسبوع الماضي كان اقتصادك هيتدمر فعلا بمعني الكلمة بسبب السحب الرهيب اللى كان هيحصل ولو بنك وقع كل البنو هتقع وراه والعملة كانت هتوصل للحضيض ولا يمكن يتصلح الحال وقتها برجوع المتظاهرين لبيوتهم فورا كمان واسئل حضرتك اي دكتور اقتصاد قول له واحنا في الحالة اللى احنا فيها لو البنوك فتحت ابوابها الاسبوع اللى فات كله كان ايه اللى هيحصل وهو هيوضح الكارثة اللى كانت هتحصل فعلا
والنا تنزل ازاي والبهوات المتظاهرين بيقولوا لو ميدان التحرير اصبح لنا وبقية البلد اشتغلت هنقف في كل الميادين وهنتظاهر فيها
طيب بذمتك البلد ينفع تشتغل كدة ؟
اما من ناحية الامن عايزك تخطف رجلك كدة شارع الملك فيصل الرئيسي وخصوصا المنطقة قبل ترعة المريوطية وبالنهار وشوف الامن الجميل الموجود خصوصا من حبايبي بتوع اللجان الشعبية النهارية

[mahmoudysf]

و مفيش عملية تتعمل من غير موافقة المريض
يا تري انت شايف ان ال 85 مليون مصري موافقين علي اللي بيحصل في ميدان التحرير دلوقتي
وبعدين ماحدش بيتكلم عن قانون طوارئ ولا حد ادني للاجور...دي اسمها جمعة الرحيل مش جمعة الطوارئ ولا جمعة الاجور

يا اخي هما اللي في التحرير هما اللي سيبين الفوضى في الشوارع
وهما اللي مانعين مؤسسات الدولة تشتغل
والا اقتصاد البلد كله متركز في التحرير
للاسف محدش عايز يشوف الحقيقة
وكلو شايف انو محققش اي مكاسب حتى الان
ولاكن كلو قال اه من اول قلم
سيبو بقى اللي حاسين بالمشكلة الحقيقية يعبرو عن نفسهم
ويا ريت يا ريت بلاش قنوات الحكومة
ما توجهو كلامكو للوجهة الصحيحة بقى
احنا سايبين الفتوى وبنكلم الحرافيش

والدي الله يرحمه قالي نكته اتنين حشاشين واحد بيقول للتاني ماتيجي نحارب الامريكان يقوموا محتلين مصر وناكل ونشرب علي قفاهم فالتاني قالو طب لو احتاليناهم احنا هنعمل ايه..........
هي دي الكوميديا السوداء ان كل اللي خرج في اليوم المنيل ده كان فاكر انه هياخدله قلمين من اي ظابط او اي شومه من اي عسكري
ويروح وهي علقه تفوت ولا حد يموت مره واحده لقوا البلد بقت في ايديهم وياويل اللي يمشي ورا العيال

معاك حق كل اللي بيطالب بانهاءالوضع الان ومش الان بس لا كمان ده من قبل ما الكبير يقدم اي تنازل من اللي قدمة
كانو فاكرين انها لعبة وشوية بلوتيكا ومش قادرين يحسو بالناس اللي متمسكة بحقها بجد

معلش سؤال هية العملية سلق بيض زى ما المثل بيقول و لا العيال الى فى التحرير واخدينها بالدراع . بص يا باشا العيال الى فى التحرير دول حاسين بالامان لوجود القوات المسلحة طب السؤال من هو القائد الاعلى للقوات المسلحة الى فوق طنطاوى هو حسنى مبارك يعنى برضو هو الى مسيطر

30 سنة وتقول سلق بيض لا تعليق

متفق معاك في النقطة الاولى
قانون الطوارئ لازم يرجع
لكن هل تفتكر بمقارنة الخسائر المرعبة بالمكاسب وهي الغاء قانون الطوارئ اننا كدة كسبنا ؟؟

زي اللي وقفت على وشه ذبابه ضربها برصاصه
لا يتفع الفعل ورد الفعل
حجم الخسارة كبيرة جدا جدا

النقطة الثانية رفع الحد الادنى للاجور
لازمله مليارات تغطيه في ظل موازنة خسرانه ودعم مابيروحش لمستحقيه
مين يقول ان صاحب عربية بنص مليون جنيه يحط بنزين مدعم حتى لو دفع ضرائب قد كدة
انا معاك في ده لكن حجم الخسائر ما زال مرعب
اتنين ونص مليووون من العاملين بالسياحة بكل اشكالها وصناعتها المغذية اصبحو مشردين
يعني بكرة تلاقي مترجم زي الفل بيشتغل ساعي في مكتب
ازاااي يا اخوانا
حل مجلس الشعب قال هاينفذه ويقبل الطعون
ازاي عايزين تنفذو الحاجة بين يوم وليله
دي دوله مش عزبه
اي مكاسب عادلة التي تساوي تجويع وتشريد الالاف الاسر
والله ثم والله لنحاسب ان كنا مشتركين في هذا الاثم الكبير
ولدعوة مظلوم واحد مات جوعا او بات بلا طعام
لتقبل عند الله وهو قادر
وتحل علينا المصائب اكثر من ذلك

امامي العشرات من الحالات التي تبكي العيون دما عليها
لا حول ولا قوة الا بالله

اولا سبب الخسائر الموجودة دي كلها هي الحكومة وكلنا عارفين ده كويس
وده نوع من الضغط علينا عشان نقول اخية العيال الوحشين دول هما السبب هما اللي عملين فينا كد
وبدل ده ما يكون سبب لتمسكنا بمبدا وافقنا عليه من الاول ونوجة عتابنا وسخطنا على العصابة اللي بتعمل فينا كدة لا نقول العيال اللي في التحرير هما السبب انت بتحسبها بخساير مادية
ونسيت زمايلك اللي ماتو لغاية الان ودي مش خساير مش حرام دم دول يروح بدون فايدة
وعلى فكرة كلو فرحان وبيقول اخية ايه الاشكال دي مش دول بتوع 25
فعلا فيه كتير فيهم ما كانش موجود في 25 بالاضافة لوجود ناس اعرفهم من اول يوم موجودين لغاية دلوقتى بس الفرق وزي ما وضح وللاسف مضطر ااقول كدة ان فيه ناس مبسوطة كتير ونزلت يوم 25 مغامرة لاكن عايزين يرجعوا لحالة الرفاهية بسرعة ومش عايزين يكتئبو وما يرحوش الكافية
هي كانت مغامرة ومش ضامنين فيها اي مكاسب
لاكن معظم الموجودين دلوقنى ناس كتيرمعندهمش ع عربيات زينا وعايزين يحطولها بنزين 95 وزهقو عشان مش عارفين يفسحو ولادهم
لادول ناس كانو ميتين ميتين مش حاسين باي ادمية لا فيه فلوس لعلاج ولا سكن مناسب
ولا عارفين ياكلو هما دول اللي واقفين دلوقتى بالاضافة لكتير من الشرفاء
وسبونا من اصحاب الاجندات دلوقتى لان مش دول اغلبية اللي في التحرير
الواجب علينا اننا نساعد الناس يحققولنا اللي كان عمره ما هيتتحق
ولو فيه يا سيدى واحد بواب تعبان بدل ما نقول المشكلة في الناس فى التحرير كل عمارة تحاول تساعد البواب بتاعها
وكل مجموعة فى منطقة شايفين حد حالة تعبانة يقفو جنبة
ونشوف مين اللي عمل كدة فينه عمرنا ما هنلاقيهم من اللي في الميدان

ده على اساس ان المظاهرات هى السبب فى وقف حال البلد
ما المظاهرات كانت شغالة من يوم 25 ل يوم 28 والبلد ماشية والناس بتروح شغلها وكله تمام وساعتها كانت المظاهرات حلوة والشباب دول رجالة مادام بتاكلوا وبتشربوا
ولما الحكومة طلقت بلطجيتها عالشعب عشان تلاقى ذريعة تعمل حظر تجول وتوقف مصالحكم وتخوفكم وترعبكملعنده
بقا الشباب بتاع الفيس بوك ده وحش وهو اللى خرب بيوتكم
لا حول ولا قوة الا بالله
لما تكونوا عارفين كويس مين المذنب وتعاقبه اللى بيقف قصاده وتدعو عليه
يبقا فعلا خسارة الشباب اللى مات فى مظاهرة زى دى
ويمكن لو واحد فيكم اخوه ولا ابنه كان مات فى التحرير مكنش هيبقا ده موقفكم

معاكى حق

محدش يزعل - الناس اللى خرجت من الاول بيطالبو برحيل الرئيس - ودا معناة رحيل نظامة الفاسد اللى خرب البلد - الدوله قاعدين يلتفو وخايفين لانه كللهم مذنبين - اذا توقف الاحتجاج سوف يبقى الفاسدين كماهم ويكون خسارة كبيرة على الفاضى - الهمه ياشباب هانت وغدا افضل ان شاء الله

يا اخي والله لو نفزو الطلبات المنطقية المطلوبة بعيد عن رحيل الرئيس والكلام ده انا عارف ان 90%من الناس دي هتروح
لاكن كتير مش حاسس ان فيه حاجة اتحققت رغم انها مش محتاجة اكتر من قرار فوري

كده قلبت علي صياعة و قلة أدب
يعني هو لما يقفل الشوارع و الميادين بيعاقب الحكومة ولا بيعاقب الشعب؟
خلاص المطالب وصلت و بتتنفذ...قمع الشرطة انتهي و الشرطة نفسها انتهت..الرأي العام العالمي تعاطف و ساند و طلب من مبارك يمشي و مش ناقص غير تدخل عسكري....كده بقي عقاب للشعب مش للحكومة و صدقوني لو الليلة دي ما اتفضتش خلال كم يوم الشعب هو اللي هينزل يربي العيال دي

يا اخي المتظاهر قفل التحرير بس
الحكومة واقفة حال البلد كلها

[ahmed_su]

المشكلة اننا ما بقناش بنحس ببعض

كلام الشبعان غير كلام اللى بيصرخ من الجوع

[د.أحمد سمير]

يا دكتور محمد ماكينات الصرف شغالة ، ونت البنوك شغالة قبل النت بيومين من أجل التحويلات ..
يعني بالذمة التحويلات مش خطر دلوقتي ، وفتح البنوك هو الخطر ..
وبعدين يعني نصدق إنهم هاينزلوا الميادين كلها .. وفي الوقت نفسه نصدق إن الحكومة هاتعمل اللي احنا عايزينه بعد ما يتفض الاعتصام ..

أنا في منطقتي ، وأقول أنا شخصياً قبضنا على معاون مباحث كان داير طول الليل هو وواحد صاحبه بيضربوا بالآلي في كل مكان .. وسلمناهم للجيش ، ولقينا معاهم في العربية ثلاثة اسلحة آلية وخمس صناديق ذخيرة ..
لو هاحكيلك على اللي اتمسكوا منهم في مربعنا بس .. هاتقول عليا كداب
أنا باتكلم على اللي قبضت عليه بنفسي
احنا في حالة عقاب جماعي من النظام بدأ بأسلوب ممنهج منذ يوم الجمعة
بهدف التخويف والترويع الآني الفوري
ولما فشلت الخطة بقى الهدف الخوف والترويع من المستقبل
وهو كان المستقبل أصلاً منور وجميل علشان نخاف منه
طول عمرنا خايفين من المستقبل
يبقى الأساس هو ضمان المكتسبات التي تحققت
وضمان المكتسبات مش إن الريس يمشي
ضمان المكتسبات صياغة فورية لمواد الدستور المزمع تعديلها ، ثم إقرارها في جلسة واحدة لمجلس الشعب
ورفع حالة الطوارئ
دي كلها قرارات ورقية .. هاتحصل في أيام وتخلص والكل يستريح
يبقى إيه لازمته التأخير والعناد والحوار الوطني والكلام الفارغ ده كله ؟؟
مش كدة ولا إيه ؟؟

[misoalex]

لا مش ماتش نهائي ولا حاجة...دول عايزين يعملوا اسبوع الصمود....و في دعوة انهم ينزلوا مظاهرات مليونية يوم الاحد و الاتنين و الاربعاء...و لما اجازة نص السنة تنتهي هتبقي المظاهرات يوم الخميس بالليل

لافعلا انهارده كان الماتش النهائى بتاعهم ادام الشعب المصرى الى ملوش فى السياسه

لكن صدقنى لو قعدو شهور مش حيتنفذ ليهم اكتر من كده
متنساش ان الرئيس جابلهم واحد من المخابرات يتعامل معاهم

بس يارب الدنيا ترجع وحظر التجوال يتشال والجيش يروح وساعتها حيلاقو نفسهم فى الشارع بلا حمايه

هما دلوقتى بيتحامو فى الجيش
والجيش بياخد اوامره من النظام

[AhMeD EzZ]

للاسف الناس نش قادرة تقتنع ان المطالب زادت و عمالة تزيد لحد ما هتقلب عليهم و مش هيطولو اي شيء

انا النهاردة دخلت في جدال عقيم مع ناس علي ال Face

و المشكلة ان الناس دي مش عايشة في مصر حاليا

الي في السعودية و الي في الكويت

محدش منهم داري بالاحدث الزفت الي احنا فيها

كل واحد قاعد في بيتة بيشرب الكانز و قاعد ع الاب توب مانتخ عمال يولع الدنيا و يحث الشباب ع التظاهر و يولعها و يسقط الرئيس

و مش هيتحرك الشباب من التحرير غير بسقوط الظالم المستبد

عمالين يرغو و هما و لا واحد فيهم جرب يمسك سنجة و لا شومة و لا مولوتوف يحمي بيه اهل بيته و يفضل واقف للصبح

و لا مرة و هو نايم مريح ساعتين عشان يكمل حرساة مكان حد يصحي مفزوع علي صوت واحد بيقول اصحوووووووووووو و لا صوت شيخ

المسجد بيستنجد و يحث الشباب علي النزول للحماية و لا ضرب النار الي بقي عادي بالنسبة لينا

و لا جرب يشوف رب اسرة مش عارق ياكل اولادة و لا يعالجهم عشان لسة مقبضش !!

و تحاول تقنع فيهم ان انت لو تماديت في مطاليك و الرئيس رحل فعلا مش هطول حاجة غير تغير الحاكم صورياً ففط

انما نفس الحزب هو هو بنفس القيادات بدون تعديلات دستورية

كل الي علي لسانة الثورة و التظاهر حتي تنحي الرئيس و حل مجلس الشعب

طب يبني انت لو حليت مجلس الشعب دلوقتي مين هيوافقلك علي تعديل دستوري كمان دستور بلدك

بينص صراحة علي ان تعديل الدستور لا يمكن ان يحدث الا في وجود رئيس شرعي منتخب

يعني لو الرئيس مشي دلوقتي يبقي انت ولا طلت بلح الشام و لا عنب اليمن

البلد هتفضل في الوضع المهبب دة فترة اطول

مش هيتم عمل اي تعديلات دستورية

بالتالي هيفضل شرط توقيع ال 250 لجنة موجود

ابقي دور بقي علي حد يخش الانتخابات تاني

و مفيش اشراف قضائي

و مبروك عليك انتخابات مطبوخة

بس المرة دي مطبوخة بايدك انت مش بايد حد تاني يا حلو !!

يرد عليك يقولك يعني كل الناس الي بتتظاهر دي مش فاهمة ؟؟؟ و دم الناس الي ماتت دي ؟؟؟

يا جدعان و الله الشباب دة بيتم التلاعب بيه بقوي سياسية و احزاب لا يحركها الا اطماعها

و بيتم تحفيزها و تسخينها بواسطة ناس مش حاسة بالي بيحصل دة خالص

و الناس الي ماتت دي هي دفعت تمن الحرية و الحرية تمنها مش رخيص دة غالي قوي

و ادينا وصلنا لحاجات من 10 ايام مكناش نحلم بربعها

و الي ماتو نحتسبهم شهداء عند الله ان شاء الله

من الاخر الي ايدة في المية مش زي الي ايدة في النار !!

[mahmoudysf]

نهاية القول
هناك غمة على عيون كتير من الناس نتكلم بالادلة وبالمنطق يترد بنفس الكلام الحال وقف ومش عارف ايه
مفيش فايدة مفيش فايدة
حسبي الله ونعم الوكيل في كل ظالم لنفسة قبل ما يكون ظالم لغيرة سواء من اللي ماتو او اللي لسة بيدافعو عن الحق
كلو عاوز يضحك على نفسة لمجرد انو عندو ملل من الوضع الحالي

[misoalex]

يا دكتور محمد ماكينات الصرف شغالة ، ونت البنوك شغالة قبل النت بيومين من أجل التحويلات ..
يعني بالذمة التحويلات مش خطر دلوقتي ، وفتح البنوك هو الخطر ..
وبعدين يعني نصدق إنهم هاينزلوا الميادين كلها .. وفي الوقت نفسه نصدق إن الحكومة هاتعمل اللي احنا عايزينه بعد ما يتفض الاعتصام ..

أنا في منطقتي ، وأقول أنا شخصياً قبضنا على معاون مباحث كان داير طول الليل هو وواحد صاحبه بيضربوا بالآلي في كل مكان .. وسلمناهم للجيش ، ولقينا معاهم في العربية ثلاثة اسلحة آلية وخمس صناديق ذخيرة ..
لو هاحكيلك على اللي اتمسكوا منهم في مربعنا بس .. هاتقول عليا كداب
أنا باتكلم على اللي قبضت عليه بنفسي
احنا في حالة عقاب جماعي من النظام بدأ بأسلوب ممنهج منذ يوم الجمعة
بهدف التخويف والترويع الآني الفوري
ولما فشلت الخطة بقى الهدف الخوف والترويع من المستقبل
وهو كان المستقبل أصلاً منور وجميل علشان نخاف منه
طول عمرنا خايفين من المستقبل
يبقى الأساس هو ضمان المكتسبات التي تحققت
وضمان المكتسبات مش إن الريس يمشي
ضمان المكتسبات صياغة فورية لمواد الدستور المزمع تعديلها ، ثم إقرارها في جلسة واحدة لمجلس الشعب
ورفع حالة الطوارئ
دي كلها قرارات ورقية .. هاتحصل في أيام وتخلص والكل يستريح
يبقى إيه لازمته التأخير والعناد والحوار الوطني والكلام الفارغ ده كله ؟؟
مش كدة ولا إيه ؟؟

احييك على صياغتك وتفسيرك للامر بفكر صحيح

ولكن العند يولد عند
هما دلوقتى رافضين الحوار قبل رحيل الرئيس وبعد كده يتحاورو

طيب ازاى حيطلبو طلباتهم والريس مش حيمشى ولا هما عملو حاجه غير الاعتصام والكلام عشان يمشى

لازم حد يتنازل من الطرفين
وطبعا الطرف الاقوى مش حيتنازل

والطرف الاقوى دلوقتى بيسن ليهم سنان جديده حتاكلهم قريبا وهى سنان الشعب الغلبان الى عرفو يكرهوه فى حاجه اسمها ثوره
رعب
مفيش امان
مفيش اكل
مفيش شغل
مفيش فلوس
فيه ناس بتموت من غير ديه

كده السنان دى بتحمى كل يوم وحتاكل الى فى ميدان التحرير
فيه ناس ضعيفه كتييييييييير

[د.أحمد سمير]

و تحاول تقنع فيهم ان انت لو تماديت في مطاليك و الرئيس رحل فعلا مش هطول حاجة غير تغير الحاكم صورياً ففط

انما نفس الحزب هو هو بنفس القيادات بدون تعديلات دستورية

كل الي علي لسانة الثورة و التظاهر حتي تنحي الرئيس و حل مجلس الشعب

طب يبني انت لو حليت مجلس الشعب دلوقتي مين هيوافقلك علي تعديل دستوري كمان دستور بلدك

بينص صراحة علي ان تعديل الدستور لا يمكن ان يحدث الا في وجود رئيس شرعي منتخب

يعني لو الرئيس مشي دلوقتي يبقي انت ولا طلت بلح الشام و لا عنب اليمن

البلد هتفضل في الوضع المهبب دة فترة اطول

مش هيتم عمل اي تعديلات دستورية

بالتالي هيفضل شرط توقيع ال 250 لجنة موجود

ابقي دور بقي علي حد يخش الانتخابات تاني

و مفيش اشراف قضائي

و مبروك عليك انتخابات مطبوخة

بس المرة دي مطبوخة بايدك انت مش بايد حد تاني يا حلو !!

يرد عليك يقولك يعني كل الناس الي بتتظاهر دي مش فاهمة ؟؟؟ و دم الناس الي ماتت دي ؟؟؟

يا جدعان و الله الشباب دة بيتم التلاعب بيه بقوي سياسية و احزاب لا يحركها الا اطماعها

و بيتم تحفيزها و تسخينها بواسطة ناس مش حاسة بالي بيحصل دة خالص

و الناس الي ماتت دي هي دفعت تمن الحرية و الحرية تمنها مش رخيص دة غالي قوي

و ادينا وصلنا لحاجات من 10 ايام مكناش نحلم بربعها

و الي ماتو نحتسبهم شهداء عند الله ان شاء الله

من الاخر الي ايدة في المية مش زي الي ايدة في النار !!

معلش اسمحلي أوضح إن التعديلات الدستورية ممكن تتم في ظل غياب رئيس منتخب ، حيث ينص الدستور على أن من له حق طلب تعديل الدستور هو الرئيس الشرعي المنتخب أو ثلث أعضاء مجلس الشعب .. يعني في حالة غياب الرئيس المنتخب ممكن مجلس الشعب يقوم بالتعديلات المطلوبة ..
ولو هاتقول هما بيطلبوا حل المجلس كمان.. خلاص يا سيدي يتحل المجلس وتتعمل انتخابات على القانون القديم تحت إشراف دولي ، ولما ييجي المجلس الجديد يبقى يعدل الدستور ..
القضية مش في الإجراءات .. الإجراءات هينة وسهلة .. القضية في العناد والعقاب وهذه استراتيجية لتقليص سقف المطالب إلى أدنى حد ممكن

احييك على صياغتك وتفسيرك للامر بفكر صحيح

ولكن العند يولد عند
هما دلوقتى رافضين الحوار قبل رحيل الرئيس وبعد كده يتحاورو

طيب ازاى حيطلبو طلباتهم والريس مش حيمشى ولا هما عملو حاجه غير الاعتصام والكلام عشان يمشى

لازم حد يتنازل من الطرفين
وطبعا الطرف الاقوى مش حيتنازل

والطرف الاقوى دلوقتى بيسن ليهم سنان جديده حتاكلهم قريبا وهى سنان الشعب الغلبان الى عرفو يكرهوه فى حاجه اسمها ثوره
رعب
مفيش امان
مفيش اكل
مفيش شغل
مفيش فلوس
فيه ناس بتموت من غير ديه

كده السنان دى بتحمى كل يوم وحتاكل الى فى ميدان التحرير
فيه ناس ضعيفه كتييييييييير

مين قال إن هم الطرف الأقوى
احنا الضغوط علينا من لقمة العيش ودي أمرها سهل ممكن نستحمل احنا وعيالنا
لكن همه الضغوط عليهم من الداخل والخارج من القاصي والداني

الاستراتيجية التي يستخدمونها معنا منذ الأزل هي نظرية جوبلز وزير الدعاية النازي الذي قال
اكذب .. اكذب .. اكذب حتى تصدق نفسك ويصدقك الآخرون

إن تكتيكات الحرب النفسية تقوم على الإلحاح ثم الإلحاح

حتى أنهم نجحوا بعد موقعة الأربعاء ونحن نرى بأعيننا أولادنا وأخوتنا وهو يشووا بالنار بدم بارد .. أن نضع اللائمة على الطرف المشوي .. ونتهمه بأنه السبب في اشتعال الأمور .. للأسف

[heshamzaky]

ميدان التحرير هو عصب لعديد من المصالح و الشركات يعنى معظم شركات الطيران و شركات السياحة فى منطقة وسط البلد. و أخر قرارات المعتصمين بداخل الميدان الان تذاع فى التيلفيزيون أنهم مستمرين الغد أى يوم السبت أيضا

[elshimy]

الواحد بقي خايف يصحي في يوم يلاقي عياله عاملينله مظاهره مليونيه في الصاله وسادين منافذ الشقه كلها وخد عندك طلبات للصبح
وطبعا المدام هيا اللي هتقوم بالمفاوضات

[JUVENTUS]

طول ما المتظاهرين موجودين حال البلد هيكون واقف لان المظاهرات تبعها حالة الانفلات الامني في البلد و من ثم حظر التجوال و اختفاء الشرطة و ظهور البلطجية و الهاربين من السجون و اللي ليهم مصالح في تخريب البلد
و بالتالي : اسباب العطلة اللي الناس فيها حسب وجهة نظري تتلخص في الاتي
_الشرطة تحتاج ما لا يقل شهر و نصف لتعود كما كانت قبل يوم 25
_طول ما الهاربين من السجن و البلطجية طلقاء فيه خطر في الشوارع و بالتالي فرض حظر التجوال و الاحساس بعدم الامان
_طول ما المظاهرات شغالة الحكومة مش هتكون قادرة على ارجاع الاستقرار في البلد على كل الجوانب وده لانهم مش عارفين يتحاورو مع الناس دي عشان ياخدو قرارات فيما يخص الدستور و حاجات تانية كتير جدا
_فيه كم شركات كتيرة جدا جدا جدا في وسط البلد مش هيعرفو يعملو اي حاجة
_طبعا فيه ناس زي بتوع قطاع السياحة قعدو في بيوتهم و ربنا معاهم