كده كتير - البلد بقت لعبة

[medo_2060]

خدنا اجازة العيد ولا قعدنا تلاكيك بعد 28
ولا السياحة والمقاولات والتصدير اللى اضربوا دول
والمفروض بقى فى كل ده ما يتعملش حظر تجول
واللى طلع مظاهرة ومات
مكنش واقف ساكت
اكيد برده كان بيضرب اللى قتله او بيقتله كمان

المئات الى ماتوا دول عشانى وعشانك ماتوا برصاص حى..مكانش معاهم بنادق بيضربوا بيها
ماتوا تحت عربيات الامن المركزى... ولا يمكن هما الى حدفوا نفسهم تحت العربيات
من الاخر كل الى ماتوا دول مختلين عقليا او قله مندسه...
والله الناس مش قادره عالحمار بتتشطر عالبردعه مش قادرين عالنظام الارهابى بيفشوا غلهم وبيرموا تهم عالمتظاهرين...وهو المطلوب اثباته من الارهابيين الى قتلوا اخواتك بدم بارد
حسبى الله ونعم الوكيل فى اى حد غلط فى الشهداء دول ودمائهم فى رقابنا جميعا

[A.Saad]

ده على اسا انك كنت مستفيد من ارباح السياحة وزيادة الدخل القومى
اخدت اجازة من شغلك عشان الحكومة طلقت بلطجيتها وظباطها يقتلوا فى شباب بلدك
ويخوفوك ويرعبوك
لو حضرتك طلعت مظاهرة وشوفت واحد ماشى جنبك بيتقتل لمجرد انه بيهتف وبيقول يسقط النظام
هتعرف ساعتها بيموت ازاى
لا حول ولا قوة الا بالله
حسبى الله ونعم الوكيل فى كل من اساء لكل شاب استشهد او تظاهر من اجل كرامته

على فكرة يا بسكوتة اى حد بيستفيد من السياحو وزيادة الدخل حتى لو فيه فساد
فيه حاجة اسمها اثر مباشر واثر غير مباشر
سؤاء لتحسن فى الاقتصاد او تباطؤ فيه
واللى طلع البلطجية مش بس الحكومة
افتكرى اللى كان بيكتب فى المنتدى والفيس من ارهاق الامن المركزى
والمولوتف اللى اضرب عليهم
وانتى فاكرة ان الدولة بتصرف منين على اى حاجة
بنعمل لها حفلة يانصيب تكسبها

المئات الى ماتوا دول عشانى وعشانك ماتوا برصاص حى..مكانش معاهم بنادق بيضربوا بيها
كان معاهم مولتوف

ماتوا تحت عربيات الامن المركزى... ولا يمكن هما الى حدفوا نفسهم تحت العربيات
عربيات الامن المركزى اللى اتحرقت كلها
من الاخر كل الى ماتوا دول مختلين عقليا او قله مندسه...
والله الناس مش قادره عالحمار بتتشطر عالبردعه مش قادرين عالنظام الارهابى بيفشوا غلهم وبيرموا تهم عالمتظاهرين...وهو المطلوب اثباته من الارهابيين الى قتلوا اخواتك بدم بارد
حسبى الله ونعم الوكيل فى اى حد غلط فى الشهداء دول ودمائهم فى رقابنا جميعا
وحسبى الله ونعم الوكيل فى كل من نيته تخريب البلد ومعندوش عقل يفكر بيه

[M7amD_7amDy]

لا حول ولا قوه الا بالله...
الناس كلها عشان مقبضتش راتبها خلاص بتشتم فى الى فى ميدان التحرير والشهداء وكمان تقولوا عيال و و و و و.... للاسف كل الى بيفكر كدا عايز تغيير بدون ثمن
الناس الى فى التحرير دى (مع انى معترف ان فى ناس بتركب الموجه وناس ليها اغراض) بيتظاهروا سلميا مقلوش للبلد اقفلوا البنوك ولا قالوا للحكومه هاتوا كرسى واقعدوا اتفرجوا علينا فى التلفزيون مقالوش للحكومه افتحوا السجون عالناس عشان يسهروا طول الليل قدام بيوتهم والكلام كتير بس الى عايز يشوف هيشوف...
الحكومه بتعمل كدا عشان تغيروا موقفكم من الثوره دىوعشان تلهى كل واحد فى اكل عيشه.....

المفروض الناس تصبر كله بينادى بالتغيير وكله اول ما يتفتح موضوع هنا عن الحكومه يشتم ويلعن ولما جه الوقت نصبر ونتغير كله دور على راتبه واكل عيشه !!!
والناس الى بتشتم فى الرجاله وبتقول عيال وعيال فيسبوك ولو كانوا دخلوا الجيش والكلام دا...
سيادتك معكش فلوس دلوقتى مكفياك زى الاول ولا بتشترى كل حاجه غاليه عن الاول الناس دى بتموت تحت عربيات الامن وبتتقتل يعنى بيضحوا بحياتهم عشانهم وعشانك وانت مش عايز تضحى بشويه صبر وتستحمل !!!

شوفوا الناس الى حالها واقف وصابرين عشان مستقبل افضل شوفوا الناس الى قافله محلاتها وبتخسر يوميا بس مش زعلانه عشان عارف بتضحيته وصبره دلوقتى هيشوف مستقبل افضل ليه ولولاده.. هى الناس دى مش زيكم ولا ايه ومنهم بيخسر اكتر منك ومنهم الى حاله واقف اصلا....
وطلبات ايه الى اتحققت..بالذمه حد مصدق نفسه وهو بيقول الجمله دى ...
شغل اللف والدوران الى بيعملوه والارهاب والقتل وتزييف الحقائق الى عملوه ضد شعبهم ..هى دى الناس الى انتوا مستنيين منهم تغيير ؟
البلد بتخسر دلوقتى زى ما بتقولوا...متفقين... طول عمرها بتخسر ومحدش بيتكلم اشمعنى دلوقتى لما كل واحد راتبه اتقطع بدأنا نسمع اصوات ومعروف اصلا ان :
فلوس البلد كلها بره لرجال اعمال الحكومه
المليارات بتاع مبارك وولده لوحدهم شوفوا كام
الغاز الى بنصدره لاسرائيل بسعر اقل من المفروض بيخسرنا 3 مليار سنويا
الخصخصه وبيع اراضى البلد بملاليم و و و و و و و و .......
دلوقتى لما الناس اتقرصت بعد ايام رجعت فى كلامها ليه !! عايزين تغيير بدون ثمن ازاى !!! وكمان بتتهموا الشباب بتوع الثوره الى دفع حياته فى قتل ظللللللللللللم مش دفع زى سيادتك 5 جنيه زياده فى حاجه اشتراها.....


لو الموضوع وقف زى ما الناس عايزه هترجعوا شغلكم معززين مكرمين وتقبضوا وكله هيرجع زى زمان بس اى حد فيكم هيتظلم من البلد دى تانى مش هيقدر يقول بم حتى عشان جاتله الفرصه بس مرضاش يضحى فى حين ان مئات ضحوا بحياتهم

أنا معاك فى كل كلمة قولتها

وللأسف إحنا طول عمرنا سلبين والظاهر محدش قدر يستحمل بهدلة كام يوم

على قد مانا بخسر فى شغلى كل يوم على قد مانا مبسوط جداا انى أتمنى واشوف أيام جاية أفضل

[M.almaghraby]

واللى طلع مظاهرة ومات
مكنش واقف ساكت
اكيد برده كان بيضرب اللى قتله او بيقتله كمان

------------------

[A.Saad]

---------------

فيه حكم هيحكم بينا وهو الادارة
زى ما التاريخ هيحكم ويقول مين الصح ومين الغلط
ومين اللى بيكلم وهم مش عارف حاجة ومين اللى بيحاول يفهم قبل ما يكلم
واحلى حاجة ان كل واحد ادعى انه سبب لتغيير الدولة
مع انه مش عارف هو عايز ايه

[tamer_a7]

------------
انا عملت فيك تقرير مشاركة سيئة

و حسبي الله و نعم الوكيل

النقاش في الموضوع ده كتييير اوي
بعد 14 صفحه
بس بعد كل دا
كل واحد علي رايه
كل واحد يبكي علي ليلاه

بجد ما اقدرش اقول غير
حسبي الله وهو نعم الوكيل

---------------

انا عملت فيك تقرير مشاركة سيئة

و حسبي الله و نعم الوكيل

علي فكره بردك دا هو اللي يعمل تقرير مشاركه سيئه

[M.almaghraby]

يا فندم كلامه دا مستفز و فيه عدم احترام للشهداء الي ماتوا

مينفعش الكلام دا يتقال

[A.Saad]

يا فندم كلامه دا مستفز و فيه عدم احترام للشهداء الي ماتوا

مينفعش الكلام دا يتقال

وصف الاخرين بالسخرية والشفقة والاستهزاء بيهم هل هو من الديمقراطية التى تطالب بها ؟؟


وياريت تفهم معنى الكلام الى اكتب الاول
اللى كاتبه معناه ان اللى مات فى مظاهرة مكنش واقف ساكت
كان ايضا بيهاجم شخص اخر
لو عايز تعرف معنى كلامى افتح اليوتيوب ودور على حاجة اسمها tank man وده شخص وقف قدام دبابة فى مظاهرات الطلاب والعمال بالصين سنة 89
وانزل وسط البلد يوم 26 اللى فات اتفرج على كمية الحرائق فى عربيات الشرطة وكمية الحجارة والزجاج وانت تعرف ليه كان فيه قتل من الشرطة ليهم
هتعرف ان القتل نتيجة لتبادل الهجوم من الطرفين مش طرف ساكت وطرف بيضرب

[M.almaghraby]

وصف الاخرين بالسخرية والشفقة والاستهزاء بيهم هل هو من الديمقراطية التى تطالب بها ؟؟


وياريت تفهم معنى الكلام الى اكتب الاول
اللى كاتبه معناه ان اللى مات فى مظاهرة مكنش واقف ساكت
كان ايضا بيهاجم شخص اخر
لو عايز تعرف معنى كلامى افتح اليوتيوب ودور على حاجة اسمها tank man وده شخص وقف قدام دبابة فى مظاهرات الطلاب والعمال بالصين سنة 89
وانزل وسط البلد يوم 26 اللى فات اتفرج على كمية الحرائق فى عربيات الشرطة وكمية الحجارة والزجاج وانت تعرف ليه كان فيه قتل من الشرطة ليهم
هتعرف ان القتل نتيجة لتبادل الهجوم من الطرفين مش طرف ساكت وطرف بيضرب

الي بالاحمر هو الي حصل

انا مليش دعوة بالصين
و بعدين مهو انا لما انضرب بالقنابل المسيلة للدموع و الرصاص المطاطي لازم حدافع عن نفسي

ولازم حضرب و لازم ححرق عربيات شرطة

لكن ضرب من الطرفين ايه بس ؟؟؟!! و تبادل هجوم ايه ؟؟؟ كلام حضرتك خاطيء تماما , اسال اي حد كان تحت و هو يقولك , الشرطة كان تعاملها غير ادمي اصلا مع المتظاهرين , هو انت مشفتش عربيات الشرطة الي بتدوس علي الناس في 50 فيديو , مشفتش الضرب , مشفتش القنابل , مشفتش الرصاص الحي ؟؟؟؟

كل دا و بتقولي طوب و زجاج ؟!!! شيء طبيعي جدا جدا جدا

لكن حضرتك غير مقبول انك تبرر قتل الشرطة للمتظاهرين , دي جريمة غير انسانية و المجتمع الدولي مش حيسيب مصر فالموضوع دا علي فكرة , و الناس دي حتتحاكم

انا واحد من الناس الي اقتحموا مبني امن الدولة فاسماعيلية لان كانوا بيضربوا علينا رصاص حي , اذن هو دفاع مشروع و رد فعل

مهو انا مش حنضرب و امشي و اسيب المظاهرة , او انضرب و اسكت , دا غباء من الشرطة و اجرام منها

الشرطة الاجرامية كانت عايزه تفرق المتظاهرين بالعافية كالعادة , لما مرضيناش استخدموا القوة , و كان في رد فعل شرعي جدا من المتظاهرين. و بعدين هو ليه مفيش اي قتيل يعني منهم ؟؟ عشان هم ناس جبانة و مفيهمش راجل و كانوا بيضربوا بغشومية فالناس بشكل عشوائي و غير انساني علي الاطلاق .

اقسم بالله ان الاحتلال الاسرائيلي ارحم من الشرطة المصرية , دول رموا علينا قنابل مسيلة اثناء الصلاة , الاحتلال معملهاش قبل كدا :@

دا الحقيقة . و دا الي حصل , و الله علي ما اقول شهيد

[أحمد كمال]

واللى طلع مظاهرة ومات
مكنش واقف ساكت
اكيد برده كان بيضرب اللى قتله او بيقتله كمان

اتق الله ........ حسبي الله و نعم الوكيل ......... اتق الله يا أخي ....... ربنا هيحاسبك على افتراءك على ضحايا أبرياء نحسبهم على خير و نرجو من الله احتسابهم شهداء

[M.almaghraby]

توقيعك قال الليلة كلها يابو كمال :d :d

[أحمد كمال]

انا واحد من الناس الي اقتحموا مبني امن الدولة فاسماعيلية لان كانوا بيضربوا علينا رصاص حي , اذن هو دفاع مشروع و رد فعل

و الله العظيم انتوا رجالة و ارجل مني و من 100000 عيل زيي ........

توقيعك قال الليلة كلها يابو كمال :d :d

[A.Saad]

اتق الله ........ حسبي الله و نعم الوكيل ......... اتق الله يا أخي ....... ربنا هيحاسبك على افتراءك على ضحايا أبرياء نحسبهم على خير و نرجو من الله احتسابهم شهداء

اتق انت الله وقول كلام حق
واعرف ايه اللى حصل ودافع بعد كدة
وحسبى الله ونعم الوكيل فى اللى بيدعوا البراءة وهما بعاد عنها ولا اعنى بهم من توفى لانهم بين يدى من خلقهم

[Lion_Heart]

والدي الله يرحمه قالي نكته اتنين حشاشين واحد بيقول للتاني ماتيجي نحارب الامريكان يقوموا محتلين مصر وناكل ونشرب علي قفاهم فالتاني قالو طب لو احتاليناهم احنا هنعمل ايه..........
هي دي الكوميديا السوداء ان كل اللي خرج في اليوم المنيل ده كان فاكر انه هياخدله قلمين من اي ظابط او اي شومه من اي عسكري
ويروح وهي علقه تفوت ولا حد يموت مره واحده لقوا البلد بقت في ايديهم وياويل اللي يمشي ورا العيال

الموضوع كمان بقى اكبر بكتير منهم

[Samah AbdAllah]

على فكرة يا بسكوتة اى حد بيستفيد من السياحو وزيادة الدخل حتى لو فيه فساد
فيه حاجة اسمها اثر مباشر واثر غير مباشر
سؤاء لتحسن فى الاقتصاد او تباطؤ فيه
واللى طلع البلطجية مش بس الحكومة
افتكرى اللى كان بيكتب فى المنتدى والفيس من ارهاق الامن المركزى
والمولوتف اللى اضرب عليهم
وانتى فاكرة ان الدولة بتصرف منين على اى حاجة
بنعمل لها حفلة يانصيب تكسبها

معلش مش كلنا بناخد مرتبات فوق ال 5000 جنيه عشان نقدر حجم خسارة الدخل القومى واستفادتنا منه

لا بتعمل حفلات ليالى التليفزيون
انا عارفة كويس البلد بتصرف منين والفائض والمكاسب الحقيقية بتروح فين
المتظاهرين ارهقوا الامن المركزى واطلقوا البلطجية على نفسهم فى كل انحاء الجمهورية فى نفس الوقت وكمان هربوا المساجين عشان يرعبوهم هم واهاليهم
شباب منظم جدا اكتر من الحكومة
يارب تفشل المظاهرات عشان البلد ترجع زى الاول