سقوط علامة بروتون الجزء الرابع (سلسلة مواقف كوميدية)

[Xander2010_Evo]

انا كل اللي فاكرو لحد دلوقتي والله من الـ 30 قانون كلهم
قانون كان بيقول
PV= NRT

هههههههه القانون ده أنا شغال بيه 5 سنين لحد دلوقتي
أول ما أشوف P or V
علطول أروح أجيب ال N :] :] بصمجي بقي بعيد عنك

مواقف كفاية بقى انا تعبت من كثرة الكلام عايز اشوف الجانب الكوميدي منكم :D :D :D

كالعادة بقعد فالمحاضرات مهيس وجنبي صاحبي الأنتيخ
طبعآ إنتا عرفت إني ف علوم كيمياء
المهم كنا ف سكشن بس شرح النظري فالمدرج قبل ماندخل المعمل
فالمهم كان آخر اليوم والجو حر وخلاص زهقنا
وصاحبي ده كان ضارب فوول باين ولا إيه معرفش المهم إنه كان مسقط ع الآخر
وكل الناس كانوا مخنوقين وكولوا بيرغي والصوت عللي شوية
راحت المعيدة إتنرفزت وقالت "إييييييييييه مش قولنا فيه روولز ماشيين عليها من أول السنة؟؟ "
راح مدحت بيسألني وهوا فاصل : "يعني إيه روولز؟؟ "
قولتلوا بشوية غرور كده "يا غبي روولز ده أخو الهوهوز"
ومن غير ما آخد باللي إن صوتي كان عالي شوية والناس فاللحظة دي بطلوا كلام
والمعيدة كانت سمعتني وإتنرفزت "إطللللللللللللللللع بررررررررررررررررررة :@#$%^&*"
ههههههههههه ودي كانت تالت مرة أنطرد من السكشن غير مرتين جيت متأخر قبلهم :))
أنا عاوز أتخرج أنا زهقت خلاص :@

[Xander2010_Evo]

YouTube - ‫ط؛ط±ط§ظ…ظٹط§طھ ظƒظٹظ…ظٹط§ط¦ظٹط© - ظ‚ط·ط§ظ…ط´ ط´ظˆ‬‎

[Mzeid]

أنا حصلي موقف كوميدي و محرج

مرة كنت مسافر على طائرة طيران داخلي في ماليزيا
كان معايا واحد صاحبي و 3 يونانيين معانا كنا رايحين نطلع على مركب
المهم الشركة كانت باعتة مع واحد فيهم فولدرات و أقلام و Notes لقبطان المركب
المهم احنا ركبنا الطائرة و كل واحد بيجط حاجته على الرف اللي بيتقفل دة اللي في السقف فوق راسك
المهم الرفوف اللي كانت عند الكرسي بتاعي كانت كلها مليانة فاضطررت احط الحاجة في واحد بعيد بحوالي 3 صفوف كدة
المهم قعدت و شوية جه معاد الدوا بتاعي فرايح بفتح علشان اجيب الشنطة فإذا بي مرة واحدة أفاجأ ب

#$#%^&^*&^%$#@)_)(*^&%^^$%$#^%$^#$%!#$%!@$%%$&^*^$@#@#$!#$%^



الباشا اللي معاه حاجات الشركة طلع انه حطها على حاجتي و كانت في اكياس فكانت بتزحلق فأول ما فتحت الحاجة كلها وقعت يا عيني على الراجل اللي كان قاعد هو و مراته كان جنوب شرق اسيوي يا عيني الراجل و مراته اتخضوا

و انا مش عارف اعمل ايه و ببص لصاحبي و عمال يضحك لدرجة أن الراجل يا عيني اللي كان نايم جنبه صحى من ضحكه








مرة تانية على طيارة برضه لبست في Pork و أنا معرفش

المضيفة جت تسأل على الأكل فراخ ولا لحمة ولا سي فود

المهم انا كنت لسة بفتح عنيا علشان كنت نايم و مش مركز فقولتلها سي فود على أساس انه مضمون و انا مش بحب فراخ الطيارات

المهم و أنا باكل في باكت الرز لقيت لحمة حمرا في الاخر اتخضيت و بطلت اكل في جية المضيفة فبسألها هو الأكل دة فيه خنزير قالتلي اه

اه ه ه ه ه ه ه ه ه ه نعععععععععععععععععععم




و أي إيموشن تاني مناسب





و سيد أنتظرني الحل هينزل قريب

[korkor]

نداء الى المهندس سيد انت فين ؟ الشيتات اتمكنت منك ولا ايه ؟

[رزق]

نداء الى المهندس سيد انت فين ؟ الشيتات اتمكنت منك ولا ايه ؟

+1
وينك!

[korkor]

الترم دة موقف في الامتحانات برضة
هو مش معايا انا مع واحد صاحبي ..
كان عندنا امتحان economy و ليا واحد صاحبي ابييييييييييييض في المادة دي و انا يادوب حضرتك للدكتور دة محاضرة واحدة من اول الترم يعني حافظ شكلة طشاش كدة
و البيه التاني و لا يعرف حاجة عن الدكتور دة و لا حتي حافظ اسمة صح
يا دوب كل الي عارفينة عنة انه اغتت و ارخم و اكتر دكتور اقتصاد معقد في جامعة عين شمس "د/ ابراهيم نصار "
و للاسف رئيس القسم .....

طبعا طول الطريق بنحاول نطلع باي حاجة من الورق بتاعة المادة
يكفي اني كنت سايق و الايد الشمال ماسك بيها الورق و الايد التانية سيجارة ..!!

كان فيه سؤال رخم كدة و كبير و متوقع انه جاي
قعدنا خلينا الواد دة يصمة و هو فعلاً داخل الامتحان مش عارف حاجة غيرة ..

دخلنا الامتحان و ركبنا بتخبط ع الجيران :d

و جت ورقة الاسئلة
خيييييييييييييييييييييييييييييييييييييييير اللهم اجعلة خير الورقة مش فيها غير اربع اسئلة بالعدد
مش اربع اسئلة و كل سؤال في كذة نقطة لا هما 1 2 3 4
قولنا هو الدكتور راضي عنا كدة ليه

بس الله توكلنا علي بركة الله
بقرا كدة و الرقة و متعشم خير
يلا بينا السؤال الاول ...................................... فيه 9 رسومات بيانية
نعم !!!!!!!!!!!!!!
مطلوب مني 9 رسومات بيانية مع تعليق علي كل رسمة ب 5 اسطر ...يعني 45 سطر غير الرسومات البيانية
صلاااااااااه النبي احسن
دة السؤال الاول بس .. دي ليلتنا مطينة بطين ..

يكفي اقولك في الامتحان الدفعة كلها لسة بتشد خط بعد السؤال الاول عشان تبدا في التاني
لاقينا المعيدين بيقولولنا فات نص الوقت للي عايز ينزل

خلصت الامتحان و بتصل بصاحبي دة عشان اشوفة فين و نمشي لاقيتة بيقولي انا علي القهوة جنب البيت بقالي ساعة تعلالي علي هناك
نعم!!!
سعاتك مخلص امتي ان شاء الله !!

روحتله ايه يابني ايه الي حصل و بتاع و عملت ايه ؟
قالي ابداً
انا دخلت الامتحان و عمال ارص في السؤال الي انتو قولتهولي دة في كل صفحة
لقيت راجل كبير كدة جي بيقولي ايه دة .. اي انت بتعملة دة كارتون .. انا من 30 سنة مشفتش حاجة زي كدة
فصاحبي قالة بصراحة " يا باشا " انا معرفش غير الرسمة دي و داخل ارصها في كل ورقة
فالراجل قالة انت مين الدكتور بتاعك قالة " ابراهيم نصر " يعني حتي قالة الاسم غلط و من غير لفظ دكتور كمان !!
فالراجل قالة و بتحضرلة صاحبي قالة طبعاً ... كان الرد المتين من الراجل ....
اطلللللللللللللع برررررررررررررررررررررررررة يا #%#^$%^# ... لما انت بتحضر لابراهيم نصار امال انا ابقي مين
لبسة وحشة

انا هحكى على حكايه حصلت لواحد زميلى فى اعداى هندسه يجى كده من 17 سنه , كان عندنا فى اعداى الترم التانى ورش انتاج والزبون ده محضرش ولا سكشن ولا محاضره ولا يعرف الفرق بين الفريزه والمقشطه , المهم فى امتحان العملى بتاع اخر السنه واقف زى البطل وجى المعيد وكان معيد رخم قاعد هرى الواد اسئله بعدين اخر سؤال بقى وقفوا قدام شويه مكن وقالوا فين الفريزه الزبون فضل قاعد مبلم شويه وشاور بتردد على ماكينه منهم قالوا دى المعيد الرخم مصدق دى بس التلات ماكينات فريزه وراح مسقطه فى الشفوى .

[sayed911]

هههههههه
لا والله بس كان عندي اسبوع في الجحيم والله :d :d
وعنيا ومعلش والله على الغيبة مع انه الموضوع ده انا بحبوا جدا عشان وراني كل عضو بيحب ايه وبيتكلم في ايه وان شاء الله عودة اليه قريبا جدا جدا جدا

[sayed911]

تمت كتابة حلقة جديدة اليوم وجاري وضعها غدا بعد التنقيح ان شاء الله ومتأسف جدا والله يا جماعة على التأخير ..

[amr.mostafa]

بانتظار الحلقة ...!!

[sayed911]

بسم الله الرحمن الرحيم

في اول حلقة بعد توقف دام لأكثر من 20 يوم كاملين افتقد فيه احساس جلوسي خلف مجموعة الأحرف المتحركة هذه التي تخط بتحركاتها كلمات تدمي القلوب وتدمع العيون وترسم البهجة على الخدود :D :D

ويا سيدي يا سيدي على السجع ...

وبصراحة اللي له عليا عتاب يتفضل يقولوا ها اتحمله بصدر رحب تماما وبشكل كامل ..

ان ما قد حملته الأيام الماضية لنا في طياتها يعبر عن الروح التي ستظل اما ان تعصف بنا او تتلطف علينا بنسيم عليل يريح القلوب المنقبضة ..

الكلام اللي بقوله ده كلام كبير قوي ركزوا فيه ..

مجموعة الإعتقالات الواسعة اللي حصلت في الأيام اللي فاتت بطريقة تحسسك انه البلد دي ما يزال فيها ضمير صاحي ولو حتى 1% يخليك تحس بالأمل !!!

طيب هات من الآخر يا عم المفتي ..

انا لا محلل سياسي ولا منتمي لأي حزب وعليا النعمة من نعمة ربي لحد دلوقتي ما اعرف نص المصطلحات السياسية معناها ايه زي (ليبرالي – يساري - .....)

بقولكوا ايه احنا هنا بنفك اللي احنا فيه انا مش جي عشان اتكلم في السياسة .. انا ها احكيكم عن حادثة حصلت معايا انا وحسام من 5 ايام .. يوم السبت الماضي ..

الحادثة بدأت كالتالي ..

انا نايم يوم الجمعة كعادتي (مش بعمل اي حاجة في حياتي غير اني يا نايم يا بخنق في مخاليق ربنا )

الموبايل بيهتز على النغمة الجديدة ..

واهي انا مش ها اقولكم انا حاطط ايه انتم تسمعوها بنفسكم :D

MEGAUPLOAD - The leading online storage and file delivery service

هههههههههههههههههههههههه

ايه رأيكم بقى

اي خدمة

تخيل نفسك بتصحى على النغمة دي :D

انا:الو

هو:ايوا يا زفت

انا:مين

هو:انا حسام يا بيهم

انا:عايز ايه يا عم

بقولك ايه يا سيد انا عندي امتحان بكرة وعايز اروح اعمل صيانة للعربية بعد الإمتحان وعايز حد يجي معايا يسليني متيجي معايا ..

انا: اعمل ايه

هو : تسليني

انا:على اساس اني كيس لب ؟

هو : فكك من نفسك وساعة وتكون عندي

انا : ماشي ماشي يا عم

قمت من النوم لبست واخدت هدوم ورحت نازل ورايح على حسام .

على فكرة هوة مش اسموا حسام ولكن جاءتني رسالة من احد الزملاء بيقدم النصح لي بخصوص تغيير الأسماء اللي في مواضيعي كي لا تجرح احدا وانا مقتنع بهذا الموضوع فتم الأمر ..

المهم ..

حسام صديقي ده لمن لا يعرفه هو شاب مش مصري من احد الدول العربية تعرفت عليه خارج مصر وربنا كرمه وجه يكمل تعليمه في مصر ..

وعنده Dodge charger R\T FO

FJ cruser

Honda accord

وكان بينزل بيهم تريبتيك وفي الآخر اقتنع انه بيدفع في السنة مصاريف تنقلات بالسيارة اكثر بكثير من انه يجيب سيارة في مصر فأنا اقنعته انه يجيب عربية في مصر وكان بيقارف في فئة الـ 140 الف على اساس انها سيارة لمصر .. وعلى فكرة انا مش عايز اقولكم انه السيارات اللي هوة جايبها دي بثمنها في مصر احنا بنكرب حاجات اقل منها بكثير جدا وهيا اصلا نفس الفئة لاسعرية يعني هوة راكب اف جي كروزر احنا هنا راكبين لانسر شارك بيها :D وشتان بين هذا وذاك ..

المهم الراجل كان كيا سيراتو كوبيه ..

موديل 2011

لأنه شافها اكثر حاجة مناسبه له كشاب ..

جاب العربية والعربية اصلا لسة مش بقالها معاه اكثر من شهرين ولا حاجة ..

المهم ..

رحت عنده اكمل نومي ( على فكرة انا بنام في اليوم ما يزيد عن الـ 14 ساعة واقل من كده بحس انه يومي مش طبيعي ) !!!

مع اني كنت عايز اجرب طريقة اينشتاين في حتى الـ 4 ساعات دول ولكن ولا الهوا وحياتكم همةالـ 14 يادوبك كمان :D

المهم صحينا السبت الساعة 7 صباحا .. لبسنا ونزلنا ..

قالي تعالا سوق ( لحظوا القدر ) !!!

قولتله لا انا مش بحب اركب عربية حد ... ( نوعا من انوع الحذر لأني لو لا قدر الله لو حصل حاجة حتى لو معايا ثمن اصلاح السيارة مش عايز احط نفسي في حرج صاحبي ها يقبل مني ثمن الإصلاح والإستحياء فليه من اساسوا وادعيت اني مليش مزاج )

المهم هوة ساكن في مدينة نصر ..

وكليتو في طريق مصر اسماعيلية وهي كلية خاصة ومش ها اقول اسم الكلية بقى منعا للدعاية :D :D :D

المهم اتحركنا ماشيين بهدوء ومشغلين قرآن وبنحكي مع بعض على مشاغل الحياة وبنستذكر ايام الطفولة ..

لحد ما بقالنا ساعة واقفين خلف موقف العاشر .. الدنيا زحمة جدا ..

واكيد حضراتكم عارفين الطريق شكله عامل ازاي ..

فسورة سيدنا يوسف شغالة على الكاسيت .. فأنا بردد معاها وسبحان الله انا حافظ هذه السورة من كثرة استماعي لها ..

الى ان جاءت الآية الكريمة ..

(وراودته التي هو في بيتها عن نفسه )

بقوله والله يا اس انا كل مرة اسمع الأية دي اسئل نفسي انا لو اتحطيت في الموقف ده ها اعمل ايه ..

راح رادد عليا رد احب احتفظ بيه لنفسي :D

بقوله عيب عليك يا عم هوة احنا بتوع الكلام ده احنا الحمد بسم الله ما شاء الله شوية شباب ولا ليهم اي لازمة في اي حتة ..

فضلنا نهرج مع بعض .. ومركزين في الكاسيت ..

الطريق مشي ..

واتحدى اي حد بعد زنقة موقف العاشر دي اول ما بيتطلع بيطلع حارق .. كالعادة هوة طالع بيفتح بقى بعد زنقة ساعة ..

ماشيين في طريق الحارات كلها فاضية تماماااااااااااااااااااااااااااااااااااااااااا

وعلى اقصى حارة في الشمال ..

وفيه راجل بيعدي من اليمين ..

وفرق بينا وبينه اكثر من 80 – 90 متر كاملين .. انا قلت ها اما ها يعدي بسرعة يا اما ها يستنى لما نعدي ويعدي ورانا ..

لقيت الراجل بيعدي ووصل للحارة اللي قبلينا مباشرة ..

رد فعل تلقاءي لقيت حسام بيجي يمين على اساس انه ياخد الحارة اللي الراجل فيها وعقبال ما احنا نوصله يكونوصل اللحارة الأخيرة هوة .. نوع من انواع التيسير عليه .. او بمفاداته بمعنى اصح ..

وهب لقينا الراجل اتسمر في مكانه ..

لقيت حسام رد على الحارة الأخيرة تاني بسرعة فجأة الراجل جري على الحارة اللي احنا فيها تاني ..

يا نهار اسود انه يقترب !!!

انه يقترب ..

حسام مسك في الدركسيون جامد لدرجة انه قلب وجاب الراديو ..

وراح طالع على الحارة القبل الأخيرة مرة اخيرة .. هب راح لراجل راجع تاني !!!!!!!!!!!!!!!!!!!!!!!

قولت لحسام فرمـــــــــــــــــــــــــــــــــــــــــــــــ ـــــــــــــــــــــــــــــــــــــــل

يتفزلك ويقولي مش ها تجيبني دي الـ ABS قدام بس

على اساس انه واخد انه الدودج في الأربعة فيهم والعربية مش بتعوم ..

عشان بقى اشرحله انه في طريق مستقيم زي ده مفيش منحنيات الإي بي اس مش ها يفرق في حاجة !!!!

كنا شبه عد الراجل

والله العظيم انا حاولت افتح الباب وانط من العربية لقيتوا مقفول !!

(ونحدش يسألني انا جبت رد الفعل ده منين !!!! معيلة بقى )

حطيت ايديا على عنيا !!

احنا ها نصطدم بروح قدامنا !!!

وهب حسام رفع الهاندوكسر الدركسيون يمين الى اقصى درجة !!!!!!!!!!!!!!!!!!!!!!!!!

وبكرة بقى نكمل ايه اللي حصل :D :D :D

توقعاتكم ها تقولي انتم شايفين اللي حصل ازاي ..

في فارغ الصبر لرؤوتكم تتجاوبون معي الكاسبق وبكرة ها احوال الشوف الصور عندي راحم فين ..

[ma7med]

هو ممكن يكون خمس بالعربية والراجل قام داخل فيكوا

[Mzeid]

أبو السيد ازيك عامل ايه ؟

معلش انا حبيت اعتذرلك قدام الجميع علشان كنت مواعدك أني احل شيت ال or بس محلتوش
علشان متعرفش الوضع في الكام اسبوع اللي فاتوا كان عامل ازاي عندي
فانا آسف كمان مرة

و في إنتظار بقيت حلقاتك

[sherif_taher]

العربيه جت على ضهرها.........في الغالب لان واضع انكوا على سرعه......بس فداكوا :)

[Xander2010_Evo]

امممممم... من تخيلاتي
العربية عملت خمسات
ويا إما وقفت ف عرض الشارع
أو لو كنتم جنب الرصيف لاقدر الله تخبط فالجانب الأمامي عند الكاوتش اليمين
أو حد أعمي خبط فيكم من الجنب بس ناحية الشنطة :s

[tito_1980]

فينك يا عم سيد من زمان ؟ و الله حاسس ان كان في حاجه ناقصه عشان غيبتك دي عموما متابع معاك و تحليلي للموقف ان ده مش فيلم ايطاليان جوب عشان تديهوا هاندات في وسط الشارع ! ابتسم انت في مصر