سقوط علامة بروتون الجزء الرابع (سلسلة مواقف كوميدية)

[sayed911]

معلش بقى جماعة انا جي التمس العذر والسموحة من حضراتكم لأني الحقيقة كتبت الحلقة :d :d :d
ومن اللي الواحد بينساه انه نسي انه يجيب الاب معاه :d :d :d
والله انا بفتكر نص ما بأنسى كان زمان جائزة نوبل السنة دية محفور عليها اسمي :d :d
معلش بقى ان شاء الله ها احط الحلقة الجديدة بكرة على طول اول لما اجي من الكلية :d :d :d
معلش بقى الذاكرة في الثلاجة :d :d :d

[Eng_Moh.Dewair]

شكرا لأهتمامك يا فندم

الأتوماتيك هيريحنى من الدبرياج صحيح لكن لو العربية وقفت أو عطلت لازم ونش يشيلها لأنها مش هتتعتع من مكانها

أما المانيوال ممكن تتسحب أو تحاول معاها تمشيها لأقرب ورشة مش كدا والا أنا معلوماتى ناقصة ...

حضرتك فى عربيات بينزل الفتيس الاوتو فيه زرار (shift lock) زى التويوتا مثلا ممكن و العربيه مبطله تبدلى الغيار من p او d الى n و براحتك بقى زوقى للصبح بس تكونى متغديه كويس ههههههههه

[Eng_Moh.Dewair]

انت و الله يا سيد ملكش حل مغناطيس للمصايب هههههههه
و اللى نفس نظامك بقى العبد لله الحاج ابويا كل ما يوشفنى: تعالى يا مسطول ...يخلص غرضه منى : ابقى قبلنى لو فلحت فى حاجه
و تقريبا كده نسى ان اسمى محمد
على فكره انا هندسه برده بس اسكندريه و نفس دفعتك شكل الدفعه دى فيها حاجه لله

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــا

نعتذر عن الخطأ التقني الخارج عن ارادتنا البارحة ونعدكم بمزيد من الرخاء والإستقرار (شوية شعارات من حملتي الإنتخابية اللي بفكر فيها بشكل جدي :D )

(اعطوني اصواتكم تنعموا في خير بلادكم )

(من اليوم لم تعد موعوكا في مشكلتك لوحدك فسيد جنبك )

يالله ربنا يجعلوا بفايدة :D :D

ادخل انا بس المجلس الموقر :D :D

واللي ليه حاجة يبقى يقابلني ساعتها :D

اصل بصراحة كان في سيارتين امبارح اتسرقوا في الكلية عندنا واحدة داخل بارك الكلية وواحدة خارجها .. فالطالب صاحب خارجها ده قالولوا انتا اصلك مش راكن جوة ودي مش مسؤوليتنا ..

فأخوكم بقى البوتاجاز اشتغل ..

ازاي يا احمد تسكت على حقك

قوم يبني وزعق

الله يعني هوا انتا كنت لقيت جوا وطلعت برة مثلا ..

ويعني ايه مش مسؤوليتنا هوا انتا مش طالب هنا ولا ايه

واللي جوا برضوا الحقيقة مسكتش :D :D

طالب يبني بحقك دنتا بالميت كده تطلعلك بتعويض يعني ذنبك ايه في اللاب توب اللي اتسرق والكاسيت يعني ..

البوتاجاز شغال نااااااااااااااااااااااااااااااااااااااااااااااااا ااااار

وفي وسط الطلبة اللي واقفة وامام مدير الأمن رحت قايل "لما المرادي وقف الحرامي وسط الأمن اللي في الكلية وكسر زجاج العربية ودخل اخذ الحاجة من جواها من غير ما حد يحس بيه يعني لو كان ثبت حد في البارك ساعتها اضمن منين الأمن .................. اختي او اختك بنتي او بنتك تضمن منين سلامتهم " هههههههههه الحقيقة لقيت مدير الأمن بيميل على مساعده وبيقوله " هاتلي الواد ده على مكتبي :D :D

لقيت الطلاب بيقولوا احنا ها نعمل اعتصام لحد ما احوال الأمن في الكلية تتعدل والإعتصام ها يبتدي من الساعة 3 ... قولتلهم عنيا الإتنين انا ها اكون في حفلة 6 ها اجيب حاجة من العربية واجيلكم :D :D :D

سخنت الإتنين على بعض وفص ملح واخوكم داب :D D:

لمدير الأمن بقى : يا فندم انا مش عارف والله الطلبة دي يعني جايبنلهم عصاية سيدنا موسى يعني انا مش فاهم اعتصام الأسبوع اللي فات للكتب والنهاردة للأمن الله !!! هوة مفيش حد بيؤمن بالقداء والقدر والله لوكنتم يا فندم واقفين جواها برضوا كانت ها تتسرق ده قضاء وقدر :D :D

آآآآآآآآآآآآآآآآآآآآآآآآآآآآآه ( ابيعوا نفسي :D )

والراجل يقولي يا سلام عليك يا ابني ياريت والله كل الطلبة تكون متفهمة متاعبنا قد ايه ..

يعني بالطريقة دي حصلت على تأييد الطرفين :D :D :D

الا هوة ده يجوز صحيح يا جماعة :D :D ???

ليه بقى ... انا اقولكم ....

انا نازل امبارح وطبعا كالعاااااااااااااااااااااااااااااااااااااادة كانت رايحة عليا نومة ...

(سؤال خارج الموضوع هوا ان باين من كتابتي اني ضعيف الشخصية او مش Active ) ؟

ليه بقى نازل امبارح وراحت عليا نومة لقيت واحد قافل عليا بركنة عربيتوا مياة ونور ..

ودي مش اول مرة بصراحة دي 4 او 5 مرة .. وكل مرة ابعت البواب يطلع يجيب المفتاح منه لأنه ساكن بعدي مثلا بـ 5 عماير يعني معرفش هوا مين اصلا ..

وكل مرة بيجي البواب يمور العربية ويزقها شوية واطلع والغريب بقى في الموضوع هو الآتي ..

هوا مش بيقف صف تاني عند عمارتوا ابدااااااااااااااااااااااااااااااااااااااااااااااا اااااااااااااااااا

ولكن يعرف كويس قوي يوم لما يروح بالليل ..

وميلاقيش ركنة ..

بسيطة قوي يمشي حوالي 20 متر لقدام

يدور على عربية بروتون ساجا سوداء ويروح راكن صف تاني قدامها ..

ولكن بقى امبارح كان الموضوع زهقت بقى يا جدعان ده بجد بيدور عليا انا بركن فين ويجي يقفل عليا .. انا قولت هوا انا ...... ولا ايه ؟؟

لازم اشوفلي حل ...

الموضوع اني معنديش محاضرة مهمة قوي يعني لو قعدت سكر وعربدة موريش حاجة ...

البواب اتغير بتاعنا من حوالي 15 يوم والبواب الجديد مش عارفني انا اصلا ... فالمهم جبت المكوجي اللي عنده خبر مين صاحبالعربية دي وقولتلوا لو سمحت اطلع اندهله وقوله يشيل عربيته فيه ناس عندها مواعيد ..

وقولتله لو سمحت روح لعنده وكلمني من هناك ( نوع من انواع التعالي )

والمشكلة انه المرادي كان حاطط الكلبش اللي على الدركسيون ده والصورة ها تفهمكم انا اقصد ايه بالزبط ..

المهم الواد طلع لعند الراجل ورنلي فطلبتوا

قالي خد كلم معاك الحج اهه ..

انا: لو سمحت يا استاذ تيجي تشيل عربية حضرتك عشان قافلة عليا ..

هو : انا متأسف ها ابعتلك المفتاح حالا ..

انا : لا يا فندم مفتاح ايه مش ها ينفع عربية حضرتك مانيوال وانا مش بعرف اسوقه ( كذب طبعا عشان انزله بس وانغص عليه عيشتوا )

وبعدين يا فندم دي مش اول مرة ..

ما كلنا يا فندم بنروح آخر الليل ومش بنلاقي مكان نركن فيه هل دية حجة انك تركن في اي مكان كده وخلاص ... يا اخي قدر انه عندي ظرف طارق ومش عارف صاحب العربية مش نقدر ظروف الناس .. يا سيدي سيب ورقة سيب خبر سيب العربية حتة متمورة ولكن ده مش اسلوب ..

هو : خلاص خلاص خلاص ها انزلك ابني يشيلك العربية

انا واقف بقالي بتاع ربع ساعة مستني ابن الحج بقى متخيل عيل في ثالثة اعدادي مثلا ا حاجة زي كده ...

لقيت قدامي شاب نازل ...

دماغوا زلبطة ..

كتابوا بسم الله ما شاء الله نازل صب على الرقبة واكيد معمولة الرقبة دي عند خراط على قلاووظ !!!

ودراع ايه بقى مقولوكوش .. مش بيدخل الجيم ده بيدخل يدغدغ الجيم ..

ده ملوش في جو الأماينو ... :D :D :D

وايه بقى نازل ووشوا عليه غضب الطبيعة كلو ..

اللي هوا فيه حد ابوه يصحيه الساعة 7.30 يقولوا انزل شيل العربية عشان غلطة ابوه عملها ..

الواد جي من آخر الشارع انا قايل تقريبا كده انا انا لله وانا اليه لرجعون ...

وهوة جي من آخر الشارع

هو : دي عربية حضرتك

انا : باشااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا

براحتك خالـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــص

انا متأسف يا كبير اني صحيتك من النوم والله اصريت على الحج انه ميبعتش حد وينزل المفتاح بس ولكن هوا رفض الحقيقة واصر :D :D

( آه جبان جبان منتوا لو حد كان شاف شكل كف ايدو ... يا جدعان ده كف ايدوا فرخ رسم لوحدوا .. )

هو : لا ولا حاجة معلش ابويا مأخدش بالوا ..

انا : مأخدش بالوا ازاي لما دي رابع مرة مش بيقفل على حد في شارع احمد سعيد كلو غير عربيتي هوا انتو مفهمينو في البيت انه في حد عندكم اشترى العربية دي ؟

هو : راح رافع حاجب ووشوا اتقلب (غالبا عشان نسيت نفسي )

انا : بس هوة برضوا براحتوا يعني اذا مكنش الشباب اللي زي حالتنا هوة اللي ها يستحمل يعني مين اللي ها يستحمل يعني ..

راح الراجل مدور العربية وراجع بيها لورا ..

انا دخلت وقعدت في العربية

3 دقائق 4 دقائق وقاعد لحد ما راح مزمرلي

هو : يالله يا عم ..

انا : انا ؟

هو : اه يا عم انتا ..

انا : فيه حاجة ؟

هو : يا عم انتا مش نزلتني عشان تطلع ؟

انا : آه

هو : طيب ما تطلع وتخلصنا ..

انا : متركن في اي حتة بقى ولا تسيبها صف تاني ايه المشكلة ..

هو : مفيش ركنات ومش ها اسيبها صف تاني انا عايز اركنها مكانك ..

انا: طيب اديني بقى فرصتي العربية بتسخن :D :D :D :D

ههههههههههه العربية كانت سخنة اساسا ولكن تقولوا بقى ايه :D :D :D

تهوووووووووووووووووووووووووووووووور

وفضلت قاعد كمان 3 دقائق ..

وباصص في المراية عليه :D :D :D

اول ما لقيتوا بقى خلاص وشوا جاب الوان ونازل ها يفتك بيا ..

رحت هبا مدي العربية الـ D

هههههههه وسلامو عليكم ورحت فاتح الشباك (متشكر جدا ) ههههههه

الحقيقة هوا رد عليا رد لو انا ها اعمل عقلي بعقلوا يبقى عليه العوض فيا ومنوا العوض .. ولكن يعني هوا يتحمل بقى غلطة ابوه عشان مدام ابوه مربي شاب بسم الله ما شاء الله 18 X 20 م ويلاقي ابوه طالع في نص الليل يقولوا يا حمادة ركنت عدل ولا ها تنزل تعدلها ؟

لازم كل ابن كده يوعي والده للصح والغلط .. في كلا الحالتين طلع الحج ديموقراطي طلع الحج ديكتاتوري ها تسمع كام كلمة في عظمك وعليهم يمكن الحج يمرن كف ايدوا شوية :D :D :D

انما لا تقلق كله في سبيل تطبيق الديموقراطية والعدالة الإجتماعية في البيت :D :D :D

ومعلش بقى النهاردة الكلمات خانتني شوية ولكن ان شاء الله بكرة بقى ها نرجع لموضوع تعلمي للقيادة تاني وهيا كده كده بكرة ها تبقى آخر حلقة فيه وياريت اسمع تعليقاتكم ..

[osama.m]

تخيل السيناريو لو كان ابنة دا اتهور عليك ... اللي زي دول لما بيصحوا بدري مش بيعرفوا مين اللي قدامهم
متهزرش انت معاه بس ولا حتى مع ابوة دا هو اللي بيديلة المصروف بردو

[osama.m]

احكيلك انا بقى على اللي حصل النهاردة عشان انت عامل موضوع بتاع صورة المرسيدس الغريبة دي بس مش قادر ارد علية عشان قديم


كان عندي تسليم تكليف و المادة دي رئيسة القسم هي اللي بتدرسهالنا .. وصلت الكلية متأخر .. كلمت اصحابي يعملوا التكليف و يكتبوا اسمي عشان مش هلحق اعملة اول ما اوصل .. دخلت على الدكتورة كدا و بهز كتافي و واثق في نفسي بطريقة فظيعة .. مانا عارف العيال دي دحيحة و كانو بيعملوا التكليف من الكتاب
انا : دكتور اتفضلي التكليف انا اسف اتأخرت عشان الطريق زحمة جدا والله .. هي : طيب عندك اي سؤال فية او حاجة وقفت معاك
انا : لا الف شكر يا دكتور ... : فتحت اول ورقة : طيب خلية معاك دلوقتي عشان دا كلة غلط
طول المحاضرة بسمع البوم برتني الجديد و مش اخد بالي لحد ما لقيتها واقفة قدامي
راجع من الكلية و الطريق واقف بشكل بشع .. احنا فعلا عندنا بحر و الكلام دا بس لما الطريق بيقف بحس اني في الصحرا .. شغل التكييف .. هوا سخن بس .. انا عارف دا يوم باين من اولة اصلا .. مانا كنت نايم في البيت اية اللي نزلني بس

شوية و لقيت في المقابل حاجة مكنتش متخيل اشوفها على ارض المحروسة .. مع ان في عندنا اللي اعلى منها كتير بس دي كانت مفاجئة Mini Countryman




و اللي خلاني عايز اعيط بجد اللي كان سايقها .. كالعادة بنت

بعدها بمافيش حاجة الباسات الجديدة ... ارحمونا ياااااا ناااااااس

بالليل بقى بتمشى انا و المقاطيع .. لقيت واحد كابس عليا و زينون بس باين انها عربية نضيفة .. عديتة .. و كانت المفاجئة .. فورد موستانج .. مع اني شفتها كتير بس اول مرة ابقى قريب منها للدرجة دي .. و بحمد ربنا اني مكنتش بالنوبيرا والا كان زمنها حلفت ما هتتحرك من مكانها تاني بعد دوسة البنزين بتاعة عربيتة

[sayed911]

ههههههههههه run for your life

بس الجري نص الجدعنة ... و في الاوقات دي بيبقى الجدعنة كلها

ههههههه ايوا كده الله واكبر متحسسونيش اني كنت عيل قوي ساعتها ههههههههههه يا عم اسامة انا كنت حاسس اني عيل قوي والله هههههههههههه
ولكن الحمد لله انه مفيش حاجة وانه الأمن مستتب ..

سيد انا الي قاعد معاهم افتكروني مجنون من كتر الضحك مش ممكن :)

هههههههه يا احمد بيه ولا يهمك الناس كلها كانت بتفتكر اينشتاين مجنون اثبت انتا على موقفك واحفظلك كام كلمة انجليزي على الماني وخش بيهم عليهم فهمهم انك خطر قوي يعني :D :D :D
ههههههه
واللي يسألك بتدحك على ايه قولوا بقرأ قصة ضمير ابلة حكمت الإنجليزي :D :D

لا يا حبيبي اسالني انا :d

منصحكش تجرب مع واحدة من دول
امضاء
صاحب دراع مخلوع في هزار مع واحدة من اياهم :

ههههههههههه يا ساتر يا رب :D :D :D
طيب متحكيلي ايه الل حصل برضوا نستفيد عشان منقعش في الموقف ده :D :D :D

ايه التطورات الحلوه دي يا ابو السييد اسيبك يومين ارجع الاقيك طبيت ووقعت في اسمه ايه دا الاعجاب ومع مين ربنا يسترها عليك يابني دا الواحد لولا فرق الحجم مكنش زماني ليا صوت في البيت خالص بس عشان الواحد واثق من فرق الحجم فابيزعق وميهموش بس مش بنام غير لما هي تنام اصل احنا عندنا سكاكين بالعبيط في الشقه ويوم ما نتخانق واعمل فيها عضمضم مش بنام قبليها اصل الشيطان شاطر وانا عارفه

ربنا معاك ويرزقك ببنت الحلال قادر يا كريم

ههههههههههه يا محمد بيه اعجاب مين بس ههههههههه احنا بتوع ايوا يابا الحج هات الحاجة وتعالوا البندر على طول :D :D :D الثقافات الأجنبية ده الحاجة الوحيدة اللي مأثرتش عليها :D :D :D

وبعدين ده انا اسمي سيد اتجوز انا بس واتفرج على سي السيد واللي ها يعمله :D :D :D
بس هوة فينه نجيب بيه محفوظ يجي يتفرج دلوقتي هههههههه
سي السيد راح سي السيد جي :D :D :D
مش بعيد تلاقي المدام طلعالي من البكونة "انتا يا واد !!!!!!!!!!!!!!!!!!!!!!! لو جيت من غير السكر احسنلك تروح على ..... سامع يا روح ...... ولا ها اعيد كلامي تاني يا .... كتكم .... رجالة ..... " :D :D :D
وساعتها مفيش غير العنين هيا اللي ها توطي ونقول يا رب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !
بس سؤال يا محمد بيه بما انه حضرتك متجوز ...
احساسك ايه قبل الخطوبة وفي فترة الخطوبة وقبل ما تمضي على عقد الجواز وبعده على طول .. وبالطبع اللي ها تكتبه يكون بالحبر السري لحسن يكون المنتى متراقب ولا حاجة :D :D :D :D :D
هههههههههه بس بجد والله رد حضرتك قمة في الكوميديا .. " لولا فرق الحجم مكنش زماني ليا صوت في البيت خالص" حضرتك لعبتها صح الصح :D :D :D
طيب وبالنسبة للي زي حالاتي نصحني واكسب فيا ثواب :D :D :D مهو مفيش فرق حجم يذكر !!!!! شكلي كده مش ها اعلي صوتي خالص :( :( :(

واحدة أعجبت بيها وقولتلها عاوز أقابل والدك علشان أتقدملك

تيجي تقوللي "بس الموضوع ميجيش كده"
ههههههههههههههه إذا كان الموضوع إن مادخلش من الباب
أومال يجي إزااااي؟؟؟
وكان ردي عليها "هههههههه شكرآ d: "
السؤال ده بقالوا 4 شهور محيرني
لالالا ياسيد مش كل البنات عاقلين
أنا عاوز واحدة مجنونة زيي
إذا كانت العاقلة بتقول "الموضوع ميجيش كده" يبقي المجنونة أحسن
وعلي فكرة الكلام ده صح

طيب ها اقولك على حاجة :D :D :D
فيه موقف حصل معايا قبل كده بس ها احكيهولك بقى لما اشوفك ان شاء الله ان كان ليا الشرف وقابلت حضرتك لأنه موق يعقاب عليه القانون ومع اني زي ما انتا شايف والله لا بتاع يمين ولا بتاع شمال :D :D :D
والمصيبة اللي يجننك برة لما تيجي تكلم بنت في موضوع انه فيه اعجاب بينكم تبصلك وتقولك عادي مافيش مشاكل نجرب بعض اسبوعين ولا حاجة ونشوف الدنيا بينا ايه ..
هنا بقى تقعد تعيش الوهم وسيبني افكر واصلك فاجءتني واصل وفصل علــــــــــــــــــــــــــــــــــــــــــــــــ ــــى ايــــــــــــــــــــــــــــــــــــــــــــــــ ــــــــــــــــــــــه فين ايامك يا حجة يا مارلين يا منرو !! ايـــــــــــــــــــــــــــــــه ايام .. يا رب اوعدنااااااااااااااااااااااااااااااااااااااا
بس والله الصناعة المصرية محتاجة تشجيع لأنه فيها اوجه واعدة :D :D :D :D

وإسأل مجرب وبردو معظم بنات الظباط بيلعبوا حاجات غريبة

واحدة كانت صاحبتي في أعدادي كانت بتلعب جوولة :))
ياصلاة النبي وأنا مبعرفش ألعب كورة حتي

والله بص انا لن انسى انا كنت بطل ميلانو في السباحة للناشئين وكسبت الميدالية الذهبية :D :D
وكنت ساعة التمرين كان المدرب بيقعد معايا لوحدي مثلا فوق الـ ساعتين تدريب مثلا .. وكان فيه بطلة ميلانو ناشئين برضوا وجت بتقولي انتا المدرب مهما يقضي معاكم وقت (الشباب يعني ) عقلكم مش في راسكم ووصل الكلام لمرحلة التحدي بينا .. نظمنا الموضوع وجبت كل صحابي العرب والمصريين والأجانب وقولتلهم اتفرجوا عليا ها اعمل فيها ايه :D :D :D
انا كنت سعيد قوي بقى :D :D :D
واتفقنا على السباحة كرول 50 متر رايح و50 متر راجع بريك بريست .. والله مش ها اقولك اكثر من اني اكيد انتا متخيل انا اسرع واحد :D :D :D عقبال ما خلصت اول 50 ووصلت لأخر الحمام وبعمل ريفيرس وبضرب الحيط برجلي :D :D :D وببص بطرف عيني لقيت البنت تقريبا بتلمس البار انها خلصت !!!!!!!!!!!!!!!!!!!!!!!!!!!!!!!!!!!!!!!!!!!
مش ها اقولك انا اتعمل فيا ايه اليوم ده عشان عيب :D :D :D :D :D

لا بلاش راي انا لاني لو قلت راي هيفضل كل رجالة المنتدي عزاب و احرار :)

بس هقولك ان اي زواج ناجح لازم يكون فيه تعاون بين الطرفين مش طرف هو اللي عليه المسئوليه و الطرف التاني نايم في الخط

بس فعلا يا محلي ايام العزوبيه و الحريه

لا بقى انا بأطالب بمعرفة رأي حضرتك هوة احنا مش قومنا بالثورة عشان نطلع بأوجه الديموقراطية وحرية التعبير والرأي ؟؟
وبعدين امضاء حضرتك وضحلي الفكرة اللي في دماغك ..
" بس فعلا يا محلي ايام العزوبيه و الحريه"

الإنكار مش ها ينفعك :D :D :D الأدلة كلها ضدك .. اعترفي خلينا نخفف الحكم والمحكمة ها تتفهم الوضع :D :D :D
انا مش ها اتنازل بجد الا لما اعرف رأيك بجد والله :D :D :D :D
وها اعلن اعتصامي عن كتابة الحلقات الجديدة الا لما اعرف
خلو مرة الجيل الكبير ينصح الجيل الصغير :D :D :D
مش كفاية الجيل بتاعكم اتخرج واتعلم ومعلش حاجة وساب الثورة لينا احنا هههههههه اعتقد حضرتك مدام متابعة الموضوع بتاعي من الأول ها تعرفي المجهودات الجبارة اللي الثورة ما كانت لتنجح لولاها من قبلي :D :D :D
بس بجد انا ها انتظر رأي حضرتك ..

ياسيد باشا متحاولش فى الموضوع ده...اي حد حتساله حيعقدك فى الجواز لكن كل ده بيبقى بهزار...سواء للراجل او الست...

دايما بشبه الجواز زى الشغل

مهما كان حلو ...تلعن فيه طول الوقت ...لكن تقدر تسيب الشغل وتقعد فى البيت حتى لو مش محتاج فلوس؟؟؟؟

والله حضرتك بجد جبت من الآخر المثل بتاع حضرتك ده هههههههههههههههه المفروض يتعلق على باب الجوامع للي داخل يكتب كتابه هههههههه ويتكتب تحتوا "دخول الحمام مش زي خروجوا :D " والله يا فندم انا عارف انه بتهريج ولكن انا متأكد الى حد كبير جدا انه كله تهريج ولكن اصل انا والدي ووالدتي مثلا ضربولي مثال قوي جدا على قوة رابطة الزواج ولكن الزواج برضه فيه ارتباط قوي جدا انه ليك توءم الروح ولكن فيه قهر قوي جدا برضوا :D :D :D :D
واكيد اي شخص متزوج اسئله مثلا وانتا عامل نفسك مش عارف
انتا : محمد
هو : ايوا
انتا : انتا متجوز يا محمد (وعلى وجهك علامات الإستغراب )
ها تلاقيه غالبا او 90% مش ها يرد وها يهز راسه وعنيه ها تنكسر وعلامات الخيبة والنكسة ترتسم على وجهه :D :D :D
وبالرفاء والبنين :D :D :D
بس طيب حضرتك اوصفلي الزواج في كلمة طيب ..

هههههههههههههههه

يعني انت سيبت كل التقارير اللي في الدنيا و جاي تقولي ميزانيه

عليا النعمة من نعمة ربي ده توفيق من عند ربنا ههههههه المكان آمان ومش متراقب هوة صدفة انا بحدف كلمة تقرير ميزانية وجت كده هههههه صدفة والله العظيم :D :D :D

غير كده و بما اني شغال في مكتب Mulinational عقبال عندك كده (الحاجة الوحيدة اللي Muli هي انا Multifunciton و احيانا Mult بس هههههه) فاللغه المستخدمه هي لغه الفرنجة

اانا قرأت الجملة دي وقعدت ساعة بالضبط ادحك هههههههههههههههههههههههه وبالذات " احيانا Mult" ههههههه مش ممكن طريقة حضرتك في وصف الكلمات كانت تحفة ههههههههههههههههه وبعدين بأمانة كده واعتبرني زي اخوك الصغير هوة الطبع المصري مش غلاب :D :D :D :D :D :D
اكيد فيه ليك طريقة بتسلي نفسك في الشغل :D :D :D :D
ارشدني بقى :D :D :D
انا عارف الأجانب في الشغل مملين جدا يا ساتر يا رب لحد ما جرس العمل يضرب وهمة مكن بسم الله ما شاء الله مش ممكن يخلوك تقولهم بس كفاية انا زهقت ههههههه بس برضوا ها تقولي بتزوغ ازاي بقى :D :D :D

اما بخصوص الكارنيه فده فوايده كتيرة
خصوصا في الاوقات دي
و اهو عشان لما تسالك تاني هتدافع عن نفسك ازاي قولها بالكارنيه ههههههه
هتروح اقرب كمين جيش و تجيبوا معاك
و كله بالكارنيه و هما مش بيقولوا الكارنيه غلب الجنيه ههههه
و في انتظار جديدك يا زعيم

ههههههه طيب ما نشو آنسة بقى مدام بالكارنيه يكون الحج والدها يا اما مخابرات يا اما حرس جمهوري خلينا ندلع بقى هههههه ولا ايه رأي حضرتك مين اشد قوات مسلحة ولا مخابرات .. مع اني بتوع المخبرات دول عاملين زي السحلب المكار كده بالزبط تسألوا تقولوا انتا بتشتغل فين يقولك في المطافي وهوة بسم الله ما شاء الله مخابرات ربنا يقويه :D :D

حقيقى اسلوبك جميل وساخر خساره ياعم فى الهندسه الفن ده كله مالك انت والاسمنت والزلط والجسات وال spt يعنى يااخى لما انت فنان كده كنت دخلت عماره ولا اتصالات حاجه نضيفه كده ومافيهاش وجع قلب على العموم فرصه سعيده للتعرف على احد مهندسى المستقبل ولو بتوع المترو مديقينك فى حاجه ابقى اقولى

هههههه اخيرا فيه حد عارف الـ SPT و الـ VST
ههههههههههه انتا فين يا حج من بدري هههههههه واضح انه حضرتك قرأت الموضوع من اولوا خالص :D :D :D :D
والله انا عاشق لحاجة اسمها هندسة ميكانيكا السيارات ولكن للأسف في مصر مفيش جامعة متخصصة فيها غير هندسة القاهرة وعين شمس ولكن بخ مفيش بقى :D :D :D
والموضوع بتاع المترو انا عايز اقول لحضرتك اناكنت عامل دراسة قدمتها للكلية بتاعتي انه انشاء الخط الثالث للمترو في صلاح سالم هو اهدار للمال العام والأولى اقامته في مدينة نصر لأسباب كثيرة جدا جدا جدا جدا جدا يطول شرحها اكثر من 12 سبب وبأرقام وقائع زي ساعات العمل الرسمية وعدد السياح المتنزهين وعدد الشركات على صلاح سالم وكل شركة عندها مواصلتها وفيها كام موظف بياخد المواصلات العامة وفي نفس الوقت نفس الكلام على مدينة نصر وطلبت يا عم عالم يا هوو حد يسمع :D :D :D ولا حياة لمن تنادي ولا حتى الدموع :D :D :D
كلو قالي يا عم انتا مش برة حط لسانك في بقك انتا ها تفهم اكتر من الحكومة يعني :D :D :D
ولكن يالله :D :D :D
انا نفسي والله انزل اقدم على تدريب في هيئة مترو الأنفاق تدريب لمهندس مدني ولكن مش عارف ابتدي حتى منين :D :D :D
هههههههههه بس شكل حضرتك كده مدني :D :D :D
بذمتك حد يستحمل عمارة اللي مثلا اصحى من 5 الفجر واقعد في الصحرا لحد 6 بليل عشان ارسم وردة بأبعاد الظل بتاعتها ليــــــــــــــــــــــــــــــــــــــــــــــــ ـــــــه لاقي صحتي :D :D :D ده الواحد بيعشق حاجة اسمها ارقام ووقائع وفرضيات انما امسك ورقة وقلم ومسطرة يبقى بلاش اقولك انا جايب كام في آخر لوحة مسلمها ههههههههه

دا أنا أول ما دخلت البنزينة و هديت العربية وقفت كالعادة و بعد ما مونت أشغل فيها و أجى أطلع تفصل و توقف تانى مرتين تلاتة كدا
و فجأة لقيتها بتتحرك لقدام و هى مطفية .. الله ..أفرمل طيب .. و الا أعمل إيه ...:::: أبص ورايا ألاقى تلاتة من عمال البنزينة بيزقوا العربية قدام عشان اللى ورايا يمون و الابتسامة العريضة من الودن للودن هههههههههههههههههه طبعا شاركتهم الابتسام :::) و أنا بقولهم أدعوا أوصل بالسلامة ::: أول مرة أسوق لوحدى تماما و كمان على السريع عااااااااااااااااااااا و بصراحة دعوا لى و هما برضو مبتسمين بانشكاح ... و ربنا أستجاب دعاهم الحمد لله لحد نهاية الطريق السريع بعد أهوال فى جنح الظلام مع السيارات النقل اللى تحدف عليك و تخليك و تدخل على الرمل اللى فى حرف الطريق و العربية تعوم منى شمال و يمين ههههه
و الله أنا حاسة إنى عاملة زى ما يكون وقعت من الدور السابع مثلا لكن ربنا ستر وفاتت على خير الحمد لله و لسة عايشة و من غير عاهة
و الضلمة فى السواقة دى إيه يا ناس زى ما يكون الواحد أتعمى نص عمى كدا والا وقع فى بحر فى الضلمة و تايه فيه ومش عارف يعوم ... المهم وصلت بالسلامة و داخلين على مطب و بدوس فرامل للأخر العربية مش عايزة تقف ::: كنت هشيل العربية اللى قدامى فحدفت يمين و لبست فى حفرة محترمة و العربية طارت مترين كدا و اترزعت رزعة محترمة و رجة عنيفة و أصوات شخلله كدا ههههه
المهم كملت و كل اللى يعدى جنبى يبصلى بازبهلال و أنا ولا أنا هنا ::: هأعمل إيه يعنى ... و دخلنا على كمين جيش و الضابط واقف على الجنب عديت عادى خالص .. هو ماشورش إنى أقف و أنا مش ناقصة أهدى العربية تقف تانى .. (زى ما حصل فى محطة تحصيل الرسوم لما بس هديت قبل مادخل على حارة الملاكى العربية النقل اللى ورايا سورتنى بالسرينة بتاعتها ) لكن الحقيقة كل اللى ورايا وقفوا ههههه ... يالا العربية كان على ازازها الخلفى نسر يمكن يفتكروا صاحبها جيش ههههههههه

بس بقى لقيت نفسى سابقة قرايبى اللى كانوا معايا و خلاص داخلين على مفارق :: و دخلت شارع عكسى :: مش ناقصة غرامة من أولها
أخرج بقى من أول تفريعة و أحصل قرايبى ::: بس إيه دا مفيش عربيات مقابلة ليا و الشارع فاضى تماما شئ مريح للأعصاب ...
أيه دا !!!!!!!!!!الشارع مقفول ههههههههه
وقفت و اتصلت بقرايبى و حلفت مانا ماشية تانى بقى أعصابى كانت أتدمرت و العربية روحت ماشية صحيح لكن باتت فى الورشة هههههه
و دا كان أول يوم قيادة و الحمد لله على كل شئ

ببساطة خالص اعملي زي حالاتي هههههههههه اقعني نفسك انك سواقة من الدرجة الأولى ولكن عوامل الطريق والعربية مش مساعداكي انك تبرزي امكانياتك :D :D :D :D
طيب جربتي تسجلي نفسك في مدرسة عليم قيادة ؟؟
انا شايف انه مدام كسرتي حاجز الخوف خلاص بخ انتهى الموضوع يعني مدام فعلا نزلتي بالعربة وعملتي بيها مشوار مات الكلام انتي كده عديتي الصعب كله وفضلك لاسهل زي الركنات بقى والذي منه ولكن انا منتظر رد حضرتك ..

و الله أنا كنت بتخيل فعلا إنكم تحطوا صورة الحادثة و المرحومة بقى فى موضوع و فايدة برضو ألاقى حد يترحم عليا هههههههههه

ههههههه ايه ده يعني مش ها نجيب الفيراري !!!!!!!!!!!!!!!!!!!!!!!!!!!!!!!!!!!!!!!!!!!!!!!! ده انا كنت خلاص زبطت نفسي وجبت الجاكت الجلد بتاع فيراري وزبط نفسي اني ها اركبها !!!!!!!!!!!!!!!!!!!!!!!!!!!!!!!!!!

ياااااااه

حضرتك مشكلتك ليها حل واحد
الاوتوماتيك
ربنا يرزقك بعربيه اوتوماتيك تريحك من الكلام ده كله

والله يا استاذ حورس حضرتك جبت من الآخر بالذات لو من سكان القاهرة الكبرى او ضواحيها ....
انا بالنسبالي ..
لو اتعرض عليا مش ها اقولك لو اتعرض عليا فيراري سبايدر ولا انزوا ده انا لو اتعرض عليا بورش بانيميرا مانيوال .... وتوكتوك اوتو عليا النعمة لأخد التوكتوك :D :D :D
( وسعت مني دي شوية )
بس هيا الفكرة اني اقصد انه مهما كانت روعة السيرة للأسف في وطننا الحبيب مينفعش غير كلمة واحدة :D :D :D
( AT )
بـــــــــــــــــــــــــــــــــــــــــــــــــ ــس

شكرا لأهتمامك يا فندم

الأتوماتيك هيريحنى من الدبرياج صحيح لكن لو العربية وقفت أو عطلت لازم ونش يشيلها لأنها مش هتتعتع من مكانها

أما المانيوال ممكن تتسحب أو تحاول معاها تمشيها لأقرب ورشة مش كدا والا أنا معلوماتى ناقصة ...

يؤسفني اني اقولك لأ معلومات حضرتك ناقصة :D :D :D :D

اتكل علي الله عايزين نسمع اخبار حلوه قريب d:

اشطة يا كبير خلاص طلع البدلة من الدولاب وجهز نفسك عشان انا والدي واخويا عايشين برة بقى ننزل نجيب الشبكة ونروح انا وانتا ههههه اهو الراجل يلاقي ناس داخلة عليه برضوا :D :D :D

ف الاخر ماعرفتش ايه المسمي الوظيفي بتاعي لغايه دلوقتي


لو عرفت ابقى قولي :d

والله يبني انا فيه كليات لحد دلوقتي نفسي اعرف اللي بيتخرج منها بيبقى ايه بالزبط زي حاسبات ومعلومات ده بيتخرج يبقى زابط ولا بيبقى دكتور ولا بيبقى ايه بالزبط ؟؟ او مثلا زي كلية اقتصاد وعلوم سياسية يعني الأخ اللي مش ها يشتغل في الإقتصاد يبقى ايه غير العلوم السياسية ..... سفير في السلك الدبلوماسي طيب افرض متعينش ههههه يبقى ايه بقى بالزبط هههه العيب انه معندناش توعية بكل كلية انا ايام الثانوية العامة كانت لجان من الجامعات بتلف على المدارس وتقولك كلية كذى تدرس فيها كذى وكذى وتتخرج تبقى كذى والسوق مثلا السنة دية محتاج كذى ويجبولك معيدين من كل قسم كل معيد بيحاول يحببك في القسم او في الكلية بتاعتوا وهكذا انما احنا لحد دلوقتي مثلا خليك قسم التصوير الفوتوغرافي هوة نفسه والله لو محدش قاله انتا في قسم ايه ها يكون ربنا معاه بقى هههههههه

متشكرين على النغمه يا باشمهندس

تحت امر معاليك يا فندم ...

حضرتك فى عربيات بينزل الفتيس الاوتو فيه زرار (shift lock) زى التويوتا مثلا ممكن و العربيه مبطله تبدلى الغيار من p او d الى n و براحتك بقى زوقى للصبح بس تكونى متغديه كويس ههههههههه

مش ده اللي هوة الـ E برضوا ؟؟

انت و الله يا سيد ملكش حل مغناطيس للمصايب هههههههه

و اللى نفس نظامك بقى العبد لله الحاج ابويا كل ما يوشفنى: تعالى يا مسطول ...يخلص غرضه منى : ابقى قبلنى لو فلحت فى حاجه
و تقريبا كده نسى ان اسمى محمد
على فكره انا هندسه برده بس اسكندريه و نفس دفعتك شكل الدفعه دى فيها حاجه لله

بقولك ايه طيب يا محمد متيجي نعمل اعتصام ولا اضرب عن الدخول لبيت لحد ما يبقى فيه احترام متبادل مش ممكن انتا يا غلبان طول اليوم حاضر يابا وحاضر يا حج وهوة كل شوية خد يا .... متروح يا ..... انا شايف اننا لازم ناخد وقفة مع الموضوع ده ههههههههه بس ها توحشني قوي والله يا محمد :D :D :D :D :D
طيب ايه رأيك بقى انه انا دفعت 2008 في الكلية في حين انا مواليد 1990 :D :D :D
كوسة بقى !!! :D :D

تخيل السيناريو لو كان ابنة دا اتهور عليك ... اللي زي دول لما بيصحوا بدري مش بيعرفوا مين اللي قدامهم

متهزرش انت معاه بس ولا حتى مع ابوة دا هو اللي بيديلة المصروف بردو

هههههههههه بعيد عنك يا اسامة بقى الناس دي بترضع خرسانة مسلحة :D :D :D :D
ده عليه كف ولا دراع يقفل نفق شبرا بسم الله ما شاء الله وقالك انا اللي كنت فاكر نفسي رياضي وبحافظ على نفسي :D :D :D :D

احكيلك انا بقى على اللي حصل النهاردة عشان انت عامل موضوع بتاع صورة المرسيدس الغريبة دي بس مش قادر ارد علية عشان قديم

تقصد المرسيدس الـ سترلينغ موس ؟
هههههههه عايز اقولك على حاجة انه في ميني كوبر كونتي كتير جدا بقى في القاهرة :D :D :D :D
انزل مصر الجديدة ولا المهنديس بالعبيط بقى :D :D :D
لا مصر فيها شوية عربيات تحفة بقى من مازيراتي لـ لامبرجيني لفرراري لـ لـ لـ لـ لـ فيها برضوا ولكن لو عايز تشوفهم دول بقى بينزوا بعد 12 :D :D :D :D
ربنا يديهم الصحة والله بيشقوا هههههههههه
بس انا ول عمري ليا نظرية في ركوب العربيات في مصر .. اللي راكب بي ام دبليو في مصر مثلا موديل X5 في مصر مينفعش يتساوا باللي راكبها مثلا في السعودية .. ده ها تلاقيه راكبها بما يعدا مثلا 10000 دولار وده ها تلاقيه راكبها بحوالي 25 الف دولار يبقى اللي راكب مرسيدس S500 amg هنا في مصر لو راح عاش برة يركب ايه بقى :D :D :D

[osama.m]

تقصد المرسيدس الـ سترلينغ موس ؟
هههههههه عايز اقولك على حاجة انه في ميني كوبر كونتي كتير جدا بقى في القاهرة :D :D :D :D
انزل مصر الجديدة ولا المهنديس بالعبيط بقى :D :D :D
لا مصر فيها شوية عربيات تحفة بقى من مازيراتي لـ لامبرجيني لفرراري لـ لـ لـ لـ لـ فيها برضوا ولكن لو عايز تشوفهم دول بقى بينزوا بعد 12 :D :D :D :D
ربنا يديهم الصحة والله بيشقوا هههههههههه
بس انا ول عمري ليا نظرية في ركوب العربيات في مصر .. اللي راكب بي ام دبليو في مصر مثلا موديل X5 في مصر مينفعش يتساوا باللي راكبها مثلا في السعودية .. ده ها تلاقيه راكبها بما يعدا مثلا 10000 دولار وده ها تلاقيه راكبها بحوالي 25 الف دولار يبقى اللي راكب مرسيدس S500 amg هنا في مصر لو راح عاش برة يركب ايه بقى :D :D :D

عندنا بردو اللامبو و الفيراري و الاودي .. ميشيل احد ربنا يخلية لشباب اسكندرية مدلعنا ..
بس الميني دي كنت مستغربها جدا .. و طبعا اللي بيخليني عايز اعيط بجد لما الاقي بنت هيا اللي سايقة عربية من النوعية دي

عندنا في مصر لو شالو الجمارك الغريبة دي هينزل عندنا اجدعها عربيات .. بدل ال s500 هيبقى في مايباخ



سيبك انت فين حلقة النهاردة

[sayed911]

هههههههههههههه والله يا اسامة بيه محبط جدا :d :d :d
لسة جي من الكلية ومخبوط درجة ما يعلم بيها ربنا راسم قوضة كهرباء من كثر الأخطاء اللي الدكتور طلعهالي عايز اكتب عليها من فوق خطر الموت !!!!!!!!!!!!!!!!!!!!!!!!!!!!!!!!!!!!!
بس ان شاء الله ها اكتبها واحطها النهاردة بالليل ان شاء الله تعالا ...
على فكرة انا النهاردة اول مرة في حياتي اشوف بنت راكبة c كلاس موديل 2010 .. وايه بقى يا اسامة ماسكة الفتيس باليد اليمين وبتضرب غرز بالإيد الشمال ولا اجدعها سواق .. وساعة لما جت بتركن بقى عند تشيلز انا نفسي لما بركن اللي ايدياي الإتنين كنت بتمرن عشان اتأكد انه الإتنين بنفس الكفاءة مش بعرف الف الدركسيون بسيطة بالإسد الشمال ولكن دي بسم الله ما شاء الله اليد الميني عمالة تجيب d & r والإيد الشمال بتركن عادي جدا :d :d :d :d
والعربية بسم الله ما شاء الله مفيش فيها خربواش :d :d
(ملاحظة : انا بعرف سواقة البنت من الأربع اركان لعربيتها :d :d :d )

[korkor]

انا مش عارف اعمل اقتباس للرد بتاعك بس بالنسبه لورده المش عارف ايه اللى انت بتتكلم عليها دى انا معرفهاش ثم انت هتتبهدل شويه فى الكليه بس بعد كده دلع بقى تكييف ومكاتب استشاريه بقى وكلك نظر اما بقى ان الخط الثالث يمشى فى صلاح سالم ده اهدار احب اوضحلك ان المترو مش ماشى فى صلاح سالم المترو مقسم الى اربع مراحل المرحله الاولى من العتبه للعباسيه وهى على وشك التسليم فى احتفالات اكتوبر المقبله بس للاسف مافيش ريس يفتتحه ويدوس على الزار ما علينا المرحله الثانيه من العباسيه الى شارع هارون فى مصر الجديده مرورا فقط فى صلاح سالم فى منطقه المعرض ويلى ذلك مرحلتين من العتبه الى مطار امبابه وتليها المرحله الاخيره من شارع هارون الى مطار القاهره بالنسبه بقى لمدينه نصر ماتقلقش على الاطلاق هيعدى فيها الخط الرابع والخط الخامس والخط السادس يدينا ويديك طوله العمر كده ويكون بقى لينا رئيس يخلص فى المشاريع دى .

بالنسبه لموضوع التدريب فى الوقت الحالى مش هيفيدك اوى لان الشغل اللى فاضل يعتبر شغل ثانوى الشغل التقيل كله خلص ان شاء الله لما المرحله الثالثه تشتغل فى بدايتها الحضور هيكون افيد ليك تحضر بقى ال Diaphragm wall واعمال تثبيت التربه والحفر تحت الماء والاسقف المختلفه

[AhMeD EzZ]

ههههههههههه يا ساتر يا رب :D :D :D
طيب متحكيلي ايه الل حصل برضوا نستفيد عشان منقعش في الموقف ده :D :D :D

ابدا يا سيدي واحدة قريبتي بتلعب Basket و كونج فو باين او تايكوندو " المهم رياضة عنيفة "
انا بقي كنت فاكر ان البنات دول كائنات ملهاش علاقة بالرياضة
اتحديتها في مرة في ال Basket و يا ريتني ما اتحديت و لا اتنيلت
عديتها في الباسكت و احنا بنلعب باين بفاول او حركة غلط
كل الي فكرو اني بعد ما عديتها لقيت نفسي عمل زي استك النبلة لما تشدة و تسيبة مرة واحدة
بتنطر لورة و باخد شقلباز ع الارض و حاسس ان دراعي بكتفي مش في مكانة
بس يا سيدي

[horas3000]

عليا النعمة من نعمة ربي ده توفيق من عند ربنا ههههههه المكان آمان ومش متراقب هوة صدفة انا بحدف كلمة تقرير ميزانية وجت كده هههههه صدفة والله العظيم :D :D :D

مش بقول لك
نشنت يا فالح
هههه

اانا قرأت الجملة دي وقعدت ساعة بالضبط ادحك هههههههههههههههههههههههه وبالذات " احيانا Mult" ههههههه مش ممكن طريقة حضرتك في وصف الكلمات كانت تحفة ههههههههههههههههه وبعدين بأمانة كده واعتبرني زي اخوك الصغير هوة الطبع المصري مش غلاب :D :D :D :D :D :D
اكيد فيه ليك طريقة بتسلي نفسك في الشغل :D :D :D :D
ارشدني بقى :D :D :D
انا عارف الأجانب في الشغل مملين جدا يا ساتر يا رب لحد ما جرس العمل يضرب وهمة مكن بسم الله ما شاء الله مش ممكن يخلوك تقولهم بس كفاية انا زهقت ههههههه بس برضوا ها تقولي بتزوغ ازاي بقى :D :D :D

لا يا زعيم حضرتك فهمتني غلط
انا اينعم شغال في Multinational لكن ده لا يعني اني شغال مع اجانب
الا اذا كنت بتحسب الهنود اجانب ههههه
و مش عايز اقولك التركيبه دي مميته ازاي
طريقة الشغل الاجنبيه مع العقليه العربية اوففف

اما الزوغان بقي فده يبقي عايز تخطيط و تكتيك علي مستوي عالي
بس عموما فرص حدوثه شبه معدومه لانك متراقب
شباك الامل الوحيد هو ان شغلنا كله Softcopy فاللاب توب هو وسيلتك في التنفيذ
و طبعا طالما اجتمع اللاب و النت يبقي نيل و فيس شغالين
الموضوع بس بيحتاح تامين دفاعاتك الخلفيه من الهجوم المفاجئ


ههههههه طيب ما نشو آنسة بقى مدام بالكارنيه يكون الحج والدها يا اما مخابرات يا اما حرس جمهوري خلينا ندلع بقى هههههه ولا ايه رأي حضرتك مين اشد قوات مسلحة ولا مخابرات .. مع اني بتوع المخبرات دول عاملين زي السحلب المكار كده بالزبط تسألوا تقولوا انتا بتشتغل فين يقولك في المطافي وهوة بسم الله ما شاء الله مخابرات ربنا يقويه :D :D

لااااا انت كده داخل علي طمع بجد
النهارده تقولي مخابرات بكره تقولي CIA ولا FBI
عصفور في اليد خير من 10 علي الشجره و لا ايه هههههه

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــا

بس توجيها للإخوة حبايبي اللي بيقولولي كفاية مذاكرة وارحم نفسك شوية وكمل كتابة الحلقات انتا هاري نفسك مذاكرة هههههههههه

انا مش عايز اقول اني جايب شيت السيستم بقالي 3 ساعات مطلوب مني اسلم 5 مسائل محلولين بكرة ها اوريكوا شكل الشيت وها اوريكم انا حليت قد ايه منو :D

يا جدعان ده حتى الإسكانر والله العظيم مش راضية تطلع الشيت كله ..

انا حاطوا قدامي ومستني الترجمة تنزل بقالها 3 ساعات مش راضية تحن عليا :D :D

وآدي اللي حليتوا ..

غسيلي ابيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــض

عشان بستعمل اومو ...

ربنا يخليهولنا ونطلع نحج ..

عليا النعمة 5 مسائل طلعت منهم الكام كلمة دول بالعافية .. والمصيبة اني كنت فاهم الصبح الزتونة عقبال ما روحت لقيت الفولة طارت خالص ... ( بلاص !! )

هههههه اللي ليه في مادة الـ system analysis

يكسب ثواب في اخوكم ويقولي ارفعلوا الشيت ويساعدني حتى في حله هههههههه لحسن العملية شكلها كده ها ترسي على زيرو ده الورقة بيضا يا جدعان لحد دلوقتي ..

ده فيهم مسألة انا مش فاهم وا عايز فين بيها لحد دلوقتي ..

بيقولي الآتي

انا بأمتلك شركة حاسبات آلية ..

بنتج لاب توب وديسك توب ..

المطلوب الوصول لأقصى مكسب من صافي الربح ..

كل لاب توب وديسك توب بيتطلب بروسيسور ..

وكل لاب توب بيتطلب وحدة ذاكرة فين حين الديسك توب بيتطلب وحدتين ذاكرة ..

اقصى عدد لوحدات الذاكرة 15000

كل لاب توب بيتطلب في تجميعه 4 دقائق

وكل ديسك توب بيتطلب في تجميعه 3 دقائق ..

وعدد دقائق العمل في المصنع 25000 دقيقة ..

مكسب صافي اللاب توب هو 750 دولار

وصافي ربح بيع الديسك توب 1000 دولار ..

وبس وسكت ..

طيب فين المشكلة بقى ..

الله هوة اعجاز علمي ..

يعني لما انتا فطن وسابق سنك وعارف الحاجات دي كلها .. انا مهمتي ايه بقى ..

(احسب عدد اللاب توب والدسيك توب المطلوب انتاجها ليكون المكسب في زبدته (زبدته دي من عندي ) في صافيه الأقصى )

يا عم هوا انا حاوي ..

انا مالي ..

3 ساعات والله يا جدعان بلف حوالين نفسي .....

انا وصلت اني فتحت موقع مكتبة الإسكندرية ونزلت كتب للخوارزمي عشان اجيب حلول لمعادلات خطية :D :D

واكتشفت انه الكلام ده سهل اوي طفل في 3 اعدادي يحلوا بسهولة انما مش عارف كان مالي وماله ..

يالله ..

ده غير اني واخد خبطة في دماغي سبحان الله تعالى تجلا في عظمته ..

سهرت جامد اول امبارح عشان عارف انه عندي تسليم لوحة ...

وربنا هداني وقعدت ارسم بمزاج بقى .. ههههههههههههه

وانا طول عمري دكاترة الرسم عندي خريجين مدني (اباطرة )

ولكن المادة دي بقى بتتاخد مع دكتور خريج عمارة ... وما ادراك ما عمارة بقى في الرسم !!!!!!!!!!!! سمك القلم وتخانة الخط ونظافة اللوحة ..... ايــــــــــــــــــــــــــــــــــــــــــــــــ ه هوة ده ... ماله الـ autocad

ماهو سريع وفي السخان ونضيف ..

ولكن هما ماشيين بنظام ودنك منين يا جحا ..

وايه بقى طلعت فني كله في اللوحة دي ..

6 سااعات برسم وبحسب حسابات دقيقة جدا وصلت لأني بوزن السن بالكيلو يا عالم ههههههه

وفي نص اللوحة

انا ساعات بتجيني نوبات من علو الشغط المفاجئ ( لأسباب كثيرة جدا ) فبأصاب برعاف ...

مما ادى الى انه اللوحة بقى كأنها خارجة من موقعة حطين ..

كلها دم الحقيقة ...

وكأن واحد اندبح عليها ..

قولت ما علينا رحت مقطع اللوحة و قولت في قرارة نفسي ارسمها تاني يا ابن الناس وخلك جدع امال ده الإنطباع الأول للأسف هوة اللي بيدوم ..

قعدت 6 سااعات تاني . (ومحدش يسأل ليه الغباء ده يعني راسمها اول مرة في 6 ساعات المفروض تاني مرة في اقل ولكن عشان كنت بعمل الحسابات وامسحها من على الألة (بهيمة ) ولكن ربنا كرمني وخلصتها في 6 ساعات تاني مرة :D :D :D

لميت اللوحة وبقت زي المهلبية الحقيقة ناصعة البياض (لأول مرة ارسم واللوحة تطلع نضيفة ) ومفيش مسح كتير والعملية متزبطة وآخر روقان ..

نازل الكلية بقى .. برنس وحاطط في قرارة نفسي اني ها اقفل اللوحة زي ما كنت بعمل مع دكاترة مدني ..

للأسف العربية بتاعت صموئيل فيها من ورا زيت فرامل في الشنطة ادلقت شوية على اللوحة قولنا ومالو ..

أكيد مش ها اعيد اللوحة تاني في الجامعة يعني ..

روحت نازل وواقف .

رضا واقف جنبي وهوا مدخن ..

السجارة وانا واقف جنبوا زي اللوح ..

خرمت حتة في اللوحة !!!!!!!!!!!!!!!!!

يا دي النيلة هوا اللوحة دي فيها ايه بالزبط ...

طلعت اتشرحتلي المحاضرة ....

الدكتور قال سلموا اللوح للتصحيح ..

انا حيت اللوحة قداموا وقولتلوا اللي تشوفوا حضرتك انا ها ارضى بيه ..

انا مش ها انطق بس انا عايز اقول بس انه الراجل كان ميديني 7 ولما لسة ها انطق بقدرة قادر بقو 5 ههههههه

وكان جنبي بنت جايبة 9 وعمالة بتعيط ومنهارة عشان كان نفسها تجيب 10 من اول لوحة

فييييييييييييييييييييييييييييييييه ايــــــــــــــــــــــــــــــــــــــــــــــــ ـــــــــــــه

ده سعد جنبي جاب نص من عشرة هههههههههههههه

ادي اللوحة بذمتكوا كده لو على الأخطاء دي مش فاهم ليه 5 هههههههه وكمان فيها سجارة حارقاها وكمان عليها زيت فرامل ومش اي نوع يا جدعان ده موبيل 1

هههههههههههههه بصراحة انا مستكتر عليها 5 كمان ههههههههههه هيا 2 كانت كفاية عليها قوي بكم الحاجات اللي الدكتور معلم عليها ..

ياريت ونبي اي حد خريج قسم عمارة يقولنا دكاترة عمارة دول وضعهم ايه في الحياة يعني لما يقف بيتخانق معايا ربع ساعة عشان سمك القلم هههههههه ها يفرق في ايه يعني ولا هوا زعيق وخلاص الله برسم بقلم واحد ها اطلع منو 5 خطوط ازي يعني مش حاوي هوة :D

ولكن يالله ها اعيد الرسمة تاني وربنا يستر ..

ولكن الحقيقة كلها انشائيا كانت صح ههههههه يعني كده اطمئنينا ولكن يعني ايه انقص درجتين عشان المفروض ارسم السلم (رسمتوا زي ما انتم شايفين ) ولزم اعمل عليه اتجاه الصعود لفوق .. امال يعني عامل سلم عشان اتجاه الصعود ها يبقى فين في ..... مثلا يعني !!!!!!!!!!!!!

حاجات عجيبة والله ههههههههههههههه

والله يا جدعان الواحد بتبقى نفسه مفتوحة على التعليم ومنهم لله اللي بيكونوا السبب في انهم يسدوها :D :D

يالله ما علينا الدراسة في مصر والله غير اي حتة تانية في العالم برضوا :D :D :D

زي اللي عمالين يقوولوا جمعة انقاذ الثورة ..

يا حبايبي ماهي الثورة قامت ولم تقعد بدون الحاجة لإنقاذها من احد .. الثورة قادرة على انقاذ نفسها ولن تطمس بعد ان قامت بالدماء .. واللي يقولك جمعة انقاذ الثورة .. اعتقد ان اي مقصر سيفكر 100 مرة قبل ان يقوم بأي حاجة في اي حتة مرة تانية ولا هوة بقى مولد سيدي العريان ...

انا معنديش مشاكل مدام كده كده يوم جمعة اهو الناس بتنزل تتفسح وتغير جو برضوا :D :D

ما علينا .. ها اقفل بقى آخر جزء من حلقة تعلمي القيادة وبعد بكرة بقى ان شاء الله ها نبتدي بجزء جديد ها اخليه مفاجأة بقى ..

بدأ الموضوع بأنه لقيت المدرب واقف تحت البيت

نزلتلوا لقيتوا شايل كلمة عربة تعليم قيادة ..

انا : شلت اليافطة ليه ؟

هو : عايز تحس انك عربية عادية في الشارع والناس متخفش منك ..

انا : بس ده خطر عليهم وعليا ..

هو : سيبها على الله انا سبت فلوس للعيال . يالله بينا ..

دورت العربية وطلعت على بركة الله زي الفل ..

طالع من دخلة يمين عايز اروح اقصى الشمال بس بعد حوالي 50 متر ..

الفكرة اني مكونتش عارف انظمها ما بين الطريق قدامي وما بين نظتي في المراية كنت عمال اعمل يا ده يا ده ههههههههه

ولكن الحقيقة الراجل اللي انا مقعدوا جنبي ده بيعمل ايه ..

لحد ما وصلنا اننا على اعتاب نزول نفق الأزهر ..

واتشاهدنا احنا الإتنين ..

ورحت مدي العربية المور ..

ونازل بقى مناورااااااااااااااااااااااااااااااااااااااااااااا ااااااااااااااااااااااااااااااااااااااااااااات

انا مش عارف الكابتن اللي عمل النفق ده مأخدش بالوا انه فيه كم بلايند سايدز في النفق ده مش طبيعية ؟؟

ما علينا

والناس اللي نازلة النفق ده مش ملاحظة انه فيه ناس ماشية جنبيها ؟؟؟؟ برضوا لا حياة لمن تنادي ..

مش فاهم الملفات بتتاخد وتلاقي اللي جنبك بيحدف عليك وعادي جدا .

وبالنسبة لأنه في السقف كاتبين الصف الشمال واقف واليمين هوا اللي ماشي تلاقيه العكس !!!

وقابل بقى يا معلم !!! لحد ما رحت مدي العربية الثاني وكابس في الملف .. الراجل بيقولي بتعمل ايه ..

قولتلوا بتغلب على السنترفيوجن فورس (قوة الطرد المركزي ) بأني برمي حمل العربية كله للخلف :D :D

"نفس مبدأ لما العجلة تفرقع منك "

لحد ما جينا في مطلع النفق بقى والطريق وقف عشان داخلين على ميدان الأوبرا

اوبااااااااااااااااااااااااااااااااااااااااااااااا اااا

انا معنديش حتة السينس اني اوزن العربية في المطلع بالدبرياج لوحدوا ..

لوحت على المطلع ورافع الهاند بريك .. والطريق مشي .. روحت مزود بنزين وشايل رجلي من على الدبرياج ومسقط الهاند ..

راحت العربية مبطلة ...

غالبا عشان كنت نسيت اديها الأولاني يعني عملت كل حاجة صح ولكن نسيت الغيار بقى :D :D

اللي فيالنفق كلو بيــــــــــــــــــــــــــــــــــــــــــــــــ ــــــــــــــــــــــــــــــــــــــــــــــب

رحت طالعلهم من الشباك يا عالم عطلالالالالالالالالالالالالالالالالالالالالالالالا لالالالالالالالالانة مش شايفينها بتطبطل بالراحة شوية ( محدش يسألني انا جبت الحجة دي منين )

هههههههههههه

طبعا اعصابي توترت جامد بقى انه اكثر من 3 مرات مش عارف اطلع العربية ..

جبت الحل هوا كان غبي قوي بس ده اللي عملتوا بقى وخلاص ..

عشقت العربية على الأولاني ..

ورحت مدور :D :D :D

ورحت كابس بنزين ههههههههههه

(غشامة غشامة )

العربية قامت ومشيت زي الجن بالزبط ..

فضلت بقى مع المدرب اكثر من 3 ساعات كاملة بحاول اقنعوا انه العربية بتاعتتوا مش مزبوطة انا سقت بجد مانيوال قبل كده بس عمري ما شفت زي اللانوس اللي الدبرياج بتاعها لما تشيل رجلك من عليه خالص الطلعة بتاعتها قوية جدا ... (بالنسبة لأنك مش دايس بنزين )

يقولي اصل العربيات الإنجكشن كده ..

بصيتلوا وسكت ..

فضلنا نلف اكثر من 4 ساعات لحد ما بقيت حافظ العربية صم ..

لحد ما قولتلوا كده انا اطأنيت على نفسي انا ها اروح بقى وبكرة نكمل ..

روحت وركنت كمان العربية بظهري :D

قال يعني الواد متمكن قوي هههههههههههه

اتفقت مع الراجل على معاد كمان يومين تاني عشان انا ما زلت فيه حاجات حاسس اني مش متمكن منها وهوة الراجل مصمم اني كده زي الفل ومش محتاج حاجة تانية ( غالبا كان فقد الأمل )

المهم مشيت وداخل باب عمارتنا ..

لقيت عم عبدو (صاحب محل في العمار ومع انه مش اسمو عبدو من اصلوا ولكن بنقولوا يا عبدو وخلاص ومش فاهم انا ليه رغاي قوي كده وبدخلكم في تفاصيل انتم حل منها )

المهم داخل العمارة لقيتوا بيقولي ايه يا عم الأنبوبة :D :D :D :D

( انا اتشردلي يا جدعان ) هههههههههههههههه

لقيت بنت جارنا (صاحبة الأنبوبة ) طالعة برضوا على السلم

وهيا بتقولي ميـــــــــــــــــــــــــــــــــن سبع الليل بنفسوا جه ههههههههههههههه

سيبكم من العالم دي ولا همة فاهمين حاجة اصلا

المهم طالع السلم وهيا ورايا وبنتكلم مع بعض .. فالسلم ضلمة كحل ..

فعمال ادور على كبس النور ....

مش لاقيه والدنيا ضلمة ..

قولتلها انا مش لاقيه تعالي نطلع على نور الموبايل لحد الدور اللي فوقينا انا حافظ ماكن الكبس بتاعوا فين .

منور بالموبايل وطالع ..

وهبا لقيت قطة سوداء طايرة في الهواء ونازلة بتنط بتاع 5 سلالم على بعض

انا الكلمة الوحيدة اللي رديت بيها كانت

يا دين .................................................. ..................

يا نهااااااااااااااااااااااااااااااااااار اسود

( مع العلم اني مش بخاف من القطط بس جو الساسبنشن ده وضلمة والقطة طايرة ها تيجي في وشي مش عارف ايه الخيال العلمي ده ) المهم بدور وبجري رحت خابط البنت موقعها :D :D :D :D :D

( البنت دي الحقيقة بقت مكونة عني فكرة ..... خالص :D )

ههههههههههههههههه البواب سمع صوتي وانا بزعق ونازل بجري على السلم راح مولع الكبس من عندوا طلع كيس زبالة اسود طاير في الهواء هههههههههههههههههههههههههههههه

سبع السباع اللي طالع نافخ سدروا في الضلمة افتكر كيس الزبالة قطة هههههههههه

انا مش فاهم اصلا انا جبت الفطانة دي منين هوة فهي قطة بطير صحيح هههههههههههههههه اهي دي جديدة دي هههههههههههههههههههههههههه

وتحياتي لكم يا جماعة ومنتظر تعليقاتكم بقى بكل لهفة :D :D :D

[AhMeD EzZ]

فعلا مشكلة ............ مش قادر امسك نفسي
متخيل منظر البنت و هي بتبصلك ههههههههههههههه

[undercover]

عاطلااااانة :] جامده اووي دي