سقوط علامة بروتون الجزء الرابع (سلسلة مواقف كوميدية)

[mhmdalsaadany]

يا نهار اسود 8 غرز دا اقل واجب الصراحه هههههههههههههههههههههه
يالا بقى يا ابو السييد عايزين نعرف ايه اللى حصل

[osama.m]

انت يابني .. فين الليست بتاعت الاسعار .. ياعني ولا ليست ولا حلقة اعمل فيك اية بس

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــا

الولد كان بيجري ورا طارق زي الثور الهايج !!!ومحدش يقدر بصراحة يعيب على اللي كان ها يعمله فيه ...

لحد ما طارق فرق في الجري شوية عن الولد بتاع اكثر من 12 – 13 متر كده ..

الولد راح موطي وجايب طوبة ..

وحدد مركز الهدف ..

رصد التحركات ..

حسب سرعة الريح المؤثرة على اتجاه القذيفة ..

ضبط القذيفة على سن نملة الدبانة ...

وراح حادف الطوبة ...

بسم الله ما شاء الله ..

طااااااااااااااااااااااااااااااااااااااااااااااااا اخ

اصطاد طارق على بعد اكثر من 12 متر كامليـــــــــــــــــــــــــن

الولد ده مستقبلوا في رمي الجلة ها يبقى ممتاز والله ...

انا شايف انه الولد ده يجيلوا عقد احتراف سنتين في الإنتفاضة الفلسطينية ها يفرقوا جامد جدا في ادائوا ..

طارق وقع طبعا .. وبحط ايده على دماغه وبيبص على ايدوا لقى دم

هههههههههههههههههه

بقى كل اللي طالع عليه ..

دم !!!!!!!!!!!!!!!!!!!دم !!!!!!!!!!!!!!!!!!!!!!!!!!!!!!!

انا بموت !!!!!!!!!!!!!!!!!!!!!!!!!!!!!!

الواد راح جاري عليه وخلال واقع على الأرض وراح رافع ايدوا في الهوا ونازل ببوكس صاااااااااااااااااااااااروخي

في وش طارق

يا عيني وش طارق كان عامل زي عجينة الفلاحة في اللحظة دي !!!!!!!!!!!

وطبعا انا وسعد وحمدي وقافين ولا الهوا !!!!!!!!!!!!!!!!

مش عارف ليه محدش فينا تدخل لإنهاء المهزلة دي !!!!!!!!!!!!!

لحد ما تدخل بعض افراد الأمن بسرعة ...

وفكوا المشكلة اللي بين الطلبة :D :D :D

اللي طبعا عملنا احنا الثلاثة ولا كأننا نعرفهم من الأساس :D :D

وطارق بقى ماشي عمال يقول انا عايز شهوووووووووووووووود شايفين هوة اللي اتعدى عليا ..

اثبتوا يا عالم

اثبتوا يا هووووووووووووووو

شالو طارق على العيادة و الولد راح تقريبا عشان يتم فتح باب التحقيق معاه على اللي حصل ...

رحت دورت العربية وقولت على اساس اني بين كل محاضرتين ادورها كده على اساس اني لما اجي مروح متكونش نامت خالص (نظرية تطبيقية اثبتت فشلها ) والعربية دارت من اول لفة للمارش وبسم الله ما شاء الله ..

وطلعنا احنا على محاضرتنا وكان عندي محاضرة SOIL FOUNDATION

دخلت وقعدت ..

المعيد ..

هو:اللي مش جي معاه الآلة الحاسبة والقلم والشيت والكشكول والمسطرة والإسكتش يستحسن ميدخلش ..

انا: باشمهندس العدة معايا لكن المسطرة فقدت في ظروف غامضة الحقيقة انهاردة ..

هو:دخل يا سيد انا بنبه على حاجات اهم من كده ..

انا: متشكر جدا لتفهم حضرتك يا باشمهندس ..

دخلت وقعدت وحطيت العدة ..

3 دقايق المعيد بياخد الحضور ..

بعد كده افتحوا الشيت وحلوا مسألة السد رقم 5 في شيت 1

نفتح الشيت الاقي مسألة السد العالي قدامي ....

يا ربنااااااااااااااااااااااااااااا

هوا المسألة دي ورايا ورايا ..

هوة العالم كلوا مفيش فيه غير السد العالي ..

(اصل المسألة دي ليها تاريخ اسود معايا )

رفعت ايدي وبسأل على حاجة ..

هو : سيد ..

انا : نعم يا باشمهندس

هو : حاجتك وبرا ..

انا : ليه يا باشمهندس .

هو : عشان مش معاك مسطرة .

انا : حضرتك لسة قايلي ممكن ادخل من غيرها !!!

هو : لا منا دخلتلك عشان اطردك قدام زمايلك عشان تبقى عبرة ليهم بعد كده ..

سعد : اطلع يا عم العبرة خلينا نشوف شغلنا .... لما انتم بتنسوا عايزين تشيلوا المسؤولية ازاي طيب ..

انا: ماشي يا باشمهندس انا ليس لي حق الإعتراض لأني فعلا اخليت بالقواعد ..

هو : لالالالالا انسى مش ها تصعب عليا ..

رحت ماشي ..

قلت ما بدهاش انا يا دوب الحق اروح اغير البطارية عشان الحق اروح البيت اخلص اللي ورايا عشان الحق الفرح ..

نازل من المبنى

وقابلت في وشي واحد صاحبي اسموا محمد (بس من الناس اللي بسم الله ما شاء الله لا يشق ليه غبار وليه علامات في الجبال .. )

انا مكنش ليا احتكاك كبير بيه ...

ولكن فيه ناس كثير كانوا بيقولوا انه فاكرين مسرحية محمد صبحي و اسعاد يونس ..

يا حوووووووووووووووووووووووووووورية ..

اهو ده نفسالنظام بس على multi system بقى :D :D

انا مش من الناس اللي بتهتم او بتاخد بالها من الحسد ..

خالص بقى على فكرة ..

يعني الحسد مذكور في القرآن صح ..

ولكن مش من الناس اللي بتركز مين شاف ايه وحصل ليها ايه ..

ازيك يا محمد

هو : ازيك يا سيد .

انا: تمام الحمد لله .

هو : رايح فين .؟

انا : مروح اصل البشمهندس قصر مدة سجني نظرا لحسن سيري وسلوكي .. وعمل مني عبرة وفرج عليا الدفعة ...

هو : اصلي مدام مروح وصلني في سكتك ..

انا : آه ماشي اشطة مفيش مشاكل بس ها نعدي تغير بطارية بس في سكتنا ..

هو : ماشي ..

رايحين البارك ..

وهوة كان عارف عربيتي الساجا ..

فالعربية التانية راكنة بعيد ..

ومفيش غيرها في الجنب ده من البارك ..

هو: فين العربية يا عم انتا لسة ها تمشينا كثير ولا ايه ؟

انا : ما هي اهي يا عم اهي ..

هو : ايــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــه

هوة انتا غيرت الساجا بـ لانسر EX هاي لاين خليجي !!!!!!!!!!!!!!!!

انا : لا يا عم ..

هو : طبعااااااااااااااااااااااااااااا الفلوس ظهرت عليـــــــــــــــــــــــــــــــــك والثورة حققت مكاسبها ..

نضفت يا ابن الـ ...... !!!!!!!!!!!!!!!!! كنتم بتسرقوا البلد الله يخربيوتكم ولما الثورة جت عشان تطهرها عملتم انتم فيها مفجرين الثورة والشباب الأحرار !!!

بالذمة بتحس بشاكل الشباب ازاي وبتتكلم عنها وانتا راكب عربية زي دي ..

انا: هوة انتا من وجهة نظرك الإنسان العربية اللي راكبها والشقة اللي ساكن فيها والمنطقة اللي بيروح ليها ؟؟

هو : يا عم متغيرش الموضوع هوة انتم اللي كنتم واكلين البلد والعة ..

انا : هههههه يا عم انا لو كنت واكل اصلا مكنش زماني بكلمك دلوقتي .. هههههههه

فتحت العربية

ودخلت ..

بفتح كونتاكت ..

وبدور المارش ..

مفيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ش

ولا حتى الهوا ..............................

فاكرين محمد هنيدي في فلم بلية ودماغوا العالية ؟؟

(بركاتك يا ابن الفقرية ...... )

مش ممكن منى لسة مدورها من 15 دقيقة بالضبط قبل المحاضرة وكانت زي الفل ودارت من اول مرة !!!

الله يخربيت الحقد !!!!!!!!!!!!!!!!!!!!!!!!!!!!!!!!!!!!!!

هو : وكمان مش بتدور !!!

انا : عشان تعرف يا عم ادينا غلابة اهو جايبين عربيات مش ولا بد ..

هو : اخلص يالله وشوف ايه النظام ها نزق ولا ايه ..

بصراحة مش عارف منين جتلي الفكرة الشيطانية ان احط في العربية الـ N واخليه يزق شوية بحجة انه العربية تدور لأنه معندوش خبرة خالص في العربيات :D :D :D

كنت ها اخليه يزق من الأكاديمية البحرية لحد المشير احمد اسماعيل عشان يتربى :D :D

لحد ما ابن حلال سمعنا واحنا بنتجادل انه دلوقتي فيه محاضرة ومش ها تلاقي حد ماشي عشان يدينا وصلة .

و الولد تفضل مشكورا بعض خدماته قائلا ..

"يا ابو الشباب اي خدمة اقدر اقدمها لك "

(واضح من للهجة انه خليجي )

انا : ياريت بس وصلة بطارية ها اكون شاكر جدا لحضرتك ..

هو : طيب عدني دقيقة واحدة بس اجيب السيارة ..

محمد : سيد هوة انتا تعرفوا ..

انا : ولا شفتوا في عمري قبل كده بس الراجل يشكر بيعرض خدماته ..

الولد اتأخر بتاع دقيقة وسامع صوت مجنزرة جية ..

ببص في آخر الشارع الاقي ..

ford mustang ....by Cobra style

ولونقها برتقالي !!!!!!!!!!!!!!!!!!!!!!!!!!!!!!!!!!!!!!!

ايــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــه

ده صوت العربية لوحدوا يخليك عايز تقعد جنبها وتعيط ....

والبارك بتاع الكلية فيه بتاع مثلا 50 متر .. الولد وهوة في آخر البارك راح حارق جامد ....

انا اكاد اتيقن انه اللي في مدينة نصر يوميها الساعة 2.05 سمعوا حرقة العربية ..

ينهار اسود

بسم الله ما شاء الله بجد ..

انا كنت موصل الكابلات عندي في البطارية ..

وجاهز لحد ما الولد قرب بوز العربية وفتح الكبوت !!!!!!!!!!!!!!!!!!!!!!!!!!

انا طول عمري اقول الماني ايه يا راجل :D :D :D

خليك في الأمريكي

بسم الله ما شاء الله

فتح الكبوت ..

سيبكم من ان الكبوت تقريبا هوا نص عربيتي .. لكن ما علينا .

فتح الكبوت ...

اانا عايز اقولوا يا كابتن انتا بيجيلك نوم باليل ازاي ؟؟

يعني انتا زينا كده بتان وبتصحى ولا ايه الكلام ؟

حجم المحرك بصراحة وصوته والولد بيفصل بيه !!!!!!!!!!!!!!!!!!!!

كفــــــــــــــــــــــــــــــــــــــــــــــــ ــاية مش طالبة احباط ..

راح مبطل العربية

ووصل الكابلات

وقالي تمام كده ها ادور اهو ..

انا عايز اقولوا بالراحة الله يخليك !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

وراح مدور ...

وبيكبس على المحرك ...

انا رحت مدور راحت هب العربية دايرة ولاقطة في ثانية على طووووووووووووووووووووووول

نزلت شكرتوا وقفلت الكبوت راح محمد بقى نزل ..

بقولك ايه هيا العربية دي كام سي سي ؟

انا مش عارف ازاي يسأل سؤال زي ده يعني الراجل تفضل مشكورا بمساعدتنا ايه الحشرية دي ..

بيتحطلها 95 ولا 92 ؟

قطع غيراها في توكيل فورد وضعها ايه ؟

وفي الآخر ممكن تصور جنبها ؟؟؟؟؟؟؟؟؟؟؟؟؟

انا في اللحظة دي قولت للواد ؟

حضرتك مأمن ؟

قالي في السعودية اه لكن التأمين مش بيغطي الحوادث خارج المملكة ..

:D :D :D

صعب عليا قوي الحقيقة في اللحظة دي :D :D :D

انا لله وانا اليه لراجعون :D :D :D

والله كان شاب طيب وبيحاول يساعد .. ايه يبني اللي خلاك تسيبوا يتصور هههههههه

المهم شكرت الولد ومشينا في طريقنا ...

غيرت البطارية وجيبت الـ Acdelco ودخلت القديمة فيها بـ 440 جنيه مش عارف ده سعر كويس ولا وحش والحقيقة ووصلت محمد وروحت ..

قولت ياد يا ابو السيد روح احلق عشان برضوا عندك فرح ( انا مش من الناس اللي بتحلق عند حلاق :D )

روحت عند الحلاق فبيقولي ثواني يا استاذ ها اخلص اللي في ايدي واجي لحضرتك ده حضرتك ليك شوقة والله ..

هههههههه 3 سنوات لو عديتوا انا كام مرة جيتلوا مش ها يزيدو عن 5 مرات :D :D

فقاعد عندوا ومرة واحد راح داخل مصطفى الميكانيكي (صاحب ورشة الميكانيكي اللي في الشارع عندنا )

هوة اصلا بسم الله ما شاء الله اقرع ... وداخل بيقول

يالله يا سعيد عايز تخفلي شوية لحسن طول قوي المرادي !!!!!!!!!!!!!!!!!!!!!!!!

هههههههههههههه اهي كلمة نعيما دي الكلمة الوحيدة اللي اتحرم منها الأصلع والأقرع ::D :D

فالحلاق بيقولوا معلش ثواني في عندي شغل في ايدي وعندي الأستاذ سيد جي قبلك فها تستنى ..

على فكرة انا من الناس اللي كرهت الحلاقة بسبب الحلاقين في مصر ...

من ساعة لما تدخل

لوك لوك لوك

لوك لوك لوك

لوك لوك لوك

لوك لوك لوك

لوك لوك لوك

مش ممكن مبرمج !!!!!

وبقالوا ساعة بيرغي مع الزبون على رأيوا في الثورة والله العظيم لو بيشتغل ربع ما بيتكلم كان زمانوا مشانا احنا الثلاثة ..

والله شوفت واحد مرة بيقول انا نفسي الاقي حلاق اخرس يا سلالالالالالالالالالالالالالالالالالام !!!!

فالمهم مصطفى صاحب الورشة قاعد على شمالي وانا قاعد بقرأ الجرنان ...

لحد ما مصطفى بيقول ..

قابل يا اسطى سعيد ...

اهي حتة مفعوصة كلها على بعضها 23 سنة ماشية اتفرج ماشية عاملة ازاي استغفر الله العظيم (ومحدش يسألني ايه وجهة نظروا انو لما شاف حاجة غلط بينده الناس يفرجهم عليها .. حاجة من اتنين يا تحتفظ بيها لنفسك وتحاول بينك وبينوا تصلحها يا اما انتا اخدت ذنب اللي اتا عملتوا )

وعمال يقولك بص البنات اليومن دول خلاص اتجننوا ..

بص البنطلونات ماشيين بيها عاملين ازاي

استغفر الله العظيم .

راح سعيد جي وبقولوا وريني كده :D :D :D :D

راح واقف جنبوا وبيقولوا تصدق معاك حق دي ........ !! وانا عمال ابص ومش حاطط في بالي ..

لحد ما الراجل اللي قاعد على كرسي الحلاق مرة واحدة راح قايم ودقنوا كلها صابون ...

وطالع يجري على الشارع ..

وراح ماسك البنت من كتفها

قدامي يا بنت الكلب

فضحتيني في الشااااااااااااااارع

والله لهوريكيييييييييييييييييييييييييييييييييييييييييييي ي

ههههههههههههههههههههههههههههههههههههههههههههه يعني الراجل عمال بيتشتم بقالوا ساعة هههههههههههههه وعمال بيقول دلوقتي ها يسكتوا

دلوقتي ها يسكتوا ههههههههههههه ومفيش دم خالص :D :D :D :D

ههههههههههه

بكرة بقى ها اقولكم على آخر حاجة حصلت اللي هوة بقى فترة الفرح واللي حصل في الفرح :D :D :D

التقيل كلوا جي بكرة :D :D :D

[sayed911]

يا نهار اسود 8 غرز دا اقل واجب الصراحه هههههههههههههههههههههه
يالا بقى يا ابو السييد عايزين نعرف ايه اللى حصل

هههههههههه متحرقش حلقة بكرا بقى يا معلم :D :D :D
سيبها دا انتا لسة ها تشوف ايه اللي حصل لطارق ههههههههه الواد انتهى اصلا ههههههههه

انت يابني .. فين الليست بتاعت الاسعار .. ياعني ولا ليست ولا حلقة اعمل فيك اية بس

هههههههههههههههههههه معلش والله العظيم يا اسامة بيه جيت من الكلية اتقلبت نمت صحيت حوالي الساعة 11 وحاجة :D :D :D
الواحد بيحب النوم بسم الله ما شاء الله زي عينيه :D :D :D
ومعلش الحلقة نزلت يا كبير :D :D :D
واللستة جبتهالك يا كبير :D :D :D
D500
3100 real soudi
4200 L.E
D550
4100 reyal soudi
5200 L.E
وكان فيه اكثر من عرض من كارفور ولكن برضوا اسعاره كانت مبالغة حبتين ثلاثة كده :S :S :S
ولكن كانوا مزويدين عليها ترايبوت وشوية حاجات مش تستاهل السعر ده ..
وطبعا انا لاغي حاجة اسمها توكيل من حساباتي مش ها ادفع انا مثلا 700 جنيه زيادة عشان ضمان سنة ..
وحصلت قبل كده وجبت كام بالشئ وبالضمان ويوم لما وقعت عليها شوية مياه وديتها حتى مش ها اقولك طالبت بالضمان دول معرفوش يصلحوها وكان ردهم بكل بساطة "يعوض عليك ربنا " وعايز اقولك انها اتصلحت بـ 200 جنيه بس في وسط البلد !!!!
وانا مؤمن مدام بتجيب كام نضيفة كانون \نيكون متقلقش من حتة عيوب الصناعة دي لأنها مثلا نسبة ظهورها 99.9999 % عشان الكوالتي كنترول الا بقى لو حظك لا قدر الله سئ جدا جدا جدا جدا جدا جدا ودي بصراحة انا عمري ما قابلتها ولا مع حد اعرفوا فإنتا اولى بالفرق اللي التوكيل ها ياخدوا ... واي سؤالتاني انا موجود يا اسامة بيه :D :D

[EslaM_NagY]

ههههههههههههههههههههه طيب مش بشوف لحضرتك ردود ليه من الأول "فيه بقا 50 جنيه غرامة " هههههههه انا عايز اطلب من حضرتك من هنا ورايح بعد كل حلقة تعليق صغنن من حضرتك على تصرفاتي اللي حصلت اكيد ها استفيد من خبرة او احتكاك ناس اكبر مني زي حضرتك بالطبع .. وتحياتي لحضرتك وشاكر جدا جدا جدا جدا جدا جدا جدا لحضرتك على الحضور ومنتظر رأي حضرتك في الحلقة الجديدة ..


مهو اللي بيجنني اكثر بقى من الشخص ده اللي يدي اشارة وفي اقل من 4 فمتو ثانية الاقيه حادف على الحارة كأن اعطاءه للإشارة ده خلاص اعطاه الحق انه يحدف بغض النظر فيه حد موجود في الحارة ولا لأ !!!!!!!!! ولما تيجي تكلمه يقولك انتا كمان مش بتشوف اني مديك اشارة هههههههههه
والله انا وصلت لحالة بقيت اللي بيحدف عليا ببساطة ادي فرامل وخلاص وسيبه يعمل ما بداله ان شاء الله ربنا ها يرزقه بسواق عربية نقل على الدائري الساعة 3 الفجر يجي بياخد غرزة قدام المقطورة السواق يكون ضارب ومصطبح وكمان نام على نفسه ......
يعرفه ازاي ياخد غرزة من غير ما يبص في المراية ..

والله انا مش بعرف ولا بحب حتى اني استعمله لسبب بسيط الا وهو الفضايح وانا واللي راكب معايا في العربية بيسمع احداث المكالمة كلها ههههههه فبفضل السماعة احسن ولكن هوة مش الـ 525 دي فيها اصلا كار كيت بيلت ان ؟؟؟؟؟؟؟؟
بس بصراحة انا لو راكب 525 :d :d :d :d
عليا النعمة اللي ها اعملوا بالعربية هههههههههههههههههههههههههههههه مش ها اقدر اقول غير انه يعاقب عليه القانون ههههههههههه
.

اولا بلاش حضرتك انا اكبر منك ب سنة واحدة وعلى فكرة بروح الاكاديمية كتير

انا ف الاول كنت عايز اعلق على كل كلمة بس كل شوية الموضوع يتطرق الى موضوع تانى فاتشغل بالموضوع التانى ودواليك (ايه رايك ف دواليك دى) لحد ما خلصت قولت مبدهاش

بس ليك عليا حصدعك من هنا ورايح بس انت متتأخرش علينا.

بينى وبينك انا برضو بدى الاشارة وفى 2 فيمتو ثانية على مقياس البشمهندس احمد زويل ببقى فى الحارة التانية – بس بيبقى بينى وبين الى ورايا مسافة كافية – مجرد بقوله خد بالك انا جااااااااااااااااااااااااى – تقولى ايه لزمة الاشارة اقولك عشان لو لبسنا فى بعض انزل احط عينى فى ايده واقوله انت مشششششششش شايف الاشارة – ايده دااااااا احط ايدى فى عينه – شوفت اخرت حلاقاتك عملت فيها ايه.

حكاية انى اسيبه يعدى دى على حسب – لو حد على قده اسيبه يعدى ولا حتى اديله كلاكس هو بيبقى ماشى بالعافية – انما واحد راكبلى 28 ومقطع الطريق غرز لالالالالالالالالا والف لالالالالالالالالالا انو يكسر عليا.

ال 525 فيها اكيد كاركت – وانا عندى مركب واحدة بلوتوث بس بقفل الازاز وانا بتكلم – ولو حد معايا بطلع السماعة اضربها واديها – اما بالنسبالك مع كمية الاحترام الى بيبقى فى المكالمة ههههههههه انا لو منك ابيع الموبايل بال525 بالكار كت بلالالالالالالالالالالا قرف هههههههه.

انا لو معايا 525 مش حعمل حاجة – اصلها مش فارقة عن الفيرنا كتير – مجرد المرايات بتتقفل لوحدها – شكليات تافهة هههههههه


بس يا ترى ايه اوجه الشبه بين عربيتك والانسر ؟ حسيت ب ايه ؟

[osama.m]

الف شكر يا باشمهندس و انا دلوقتي بفاضل بين ال 450 و ال 500 .. و شكلها هتبقى ال 450 عشان اكيد مش هصور فيديو
وبما ان الدماغ قريبة من بعض قوللي رأيك في دي




دي بموبيل تعبان حبتين عشان كدا الفوكس اي كلام بس يجي مني ولا اصرف نظر عن الليلة كلها

ومتتأخرش تاني بقى

[EslaM_NagY]

الولد اتأخر بتاع دقيقة وسامع صوت مجنزرة جية ..

ببص في آخر الشارع الاقي ..

ford mustang ....by cobra style

ولونقها برتقالي !!!!!!!!!!!!!!!!!!!!!!!!!!!!!!!!!!!!!!!

ايــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــه

على فكرة انا من الناس اللي كرهت الحلاقة بسبب الحلاقين في مصر ...

من ساعة لما تدخل

لوك لوك لوك

لوك لوك لوك

لوك لوك لوك

لوك لوك لوك

لوك لوك لوك

انا عارف الموستنج دددددددى اوعدنا يا رب

اقدر اقولك تعال شرفنى - الحلاق بتاعى يكاد يكون اخرس

انا : سلام عليكم
هو : وعليكم السلام
واقعد
.
.
.
.
.
.
.
انا : سلام
هو : سلام

والحلاقة خلصت هههههههههه

[AhMeD EzZ]

سيد هو موقف الحلاق دة بجد ؟؟؟
مش ممكن
دة انت مغناطيس المواقف الكوميدية

[Xander2010_Evo]

والله انا اول عربية جبتها في حياتي كنت كاتب عليها من برة
MOM said no girls on bourd
هههههههههههههههه ومتسألنيش ليه واجهت كمية ناس معجبة بالفكرة بطريقة مش طبيعية هههههههههههههه
وقولي انتا لو اتسمحلك تكتب حاجة على العربية ها تكتب ايه طيب ؟؟

أنا علي فكرة شفت واحد علي لانسر بومة نبيتي كان كاتب ع الإكصدام الخلفي
Girls Ride For Free
هههههههههه بس مسألتهوش كام واحدة ركبت العربية :))
أنا نفسي أحط اللوجو بتاع لعبة GRID
ده

http://www.google.com.eg/imgres?imgurl=http://www.thebuzzmedia.com/wp-......./uploads/2008/09/grid-logo.jpg&imgrefurl=http://www.thebuzzmedia.com/grid-dlc-drifting-into-homes-later-this-fall/&usg=__xJi9pyMX6BRRkpz-X-PJ1wCeG1s=&h=536&w=1286&sz=120&hl=ar&start=0&zoom=1&tbnid=36bcGjOhfaZMuM:&tbnh=94&tbnw=226&ei=gH2LTcnVJ5SIhQeP2YS5Dg&prev=/images%3Fq%3DGrid%2BLOGO%26hl%3Dar%26biw%3D1024%26bih%3D677%26gbv%3D2%26tbs%3Disch:1&itbs=1&iact=hc&vpx=243&vpy=82&dur=2819&hovh=145&hovw=348&tx=211&ty=66&oei=Qn2LTYHdLsjM4gbTt9H2DQ&page=1&ndsp=16&ved=1t:429,r:1,s:0

ههههههههههه بس موقف المحضر ده مسخرة حصل بردو مع عمتي بنفس الغباء
وتعجبني دماغك جواز مين ياعم..ده البنات أساسآ مش عاوزين يتجوزوا
بس بجد إنتا مش ممكن
إعملي آآد ع الفتيس بوك ياسيد بعد إذنك :))

[sayed911]

نيجي بقى على الفرح ... عشان انا نازل كمان ساعتين عندي فرح تاني :D :D :D

فها اطر انزل الحلقة بدري شوية بقى :] :]

وصلنا لأني حلقت ..

وجهزت نفسي ..

ولمعت العربية ..

انزل يا معلم ..

التلفون بيرن ..

انا : الو

الطرف الآخر .: انا سعد يا سيد

انا: انا اديني 15 دقيقة وها اكون قدامك يا كبير ..

هو : لا يا خويا اطلع على التجمع الخامس اقف عند جامع فاطمة الشربتلي بنت خالة العروسة خايفة تيجي الفرح فقولنالها ها نبعتلها حد يجيبها ..

انا : طيب مروحتلهاش ليه ؟

هو : يا عم انتا ها تطلع دائري من سكتك انا في الفندق فعلا فصعب عليا .. معلش يا سيد عشان خاطري خليك متبقاش عيل المرة دي عشان خاطري ..

انا : هوة انا عمري كنت عيل معاك :D :D

هو : بلاش ارد عشان متزعلش مني :D :D

انا : طيب ماشي ابقى بس اديني نمرتها عشان لما اروح مأفضلش ملطوع ..

هو : اكتب يا خويا .. وياريت تتعدل وبلاش حركاتك الواطية انا عارفك ......

انا : انا مش ها ارد عليك انا ابن ناس بس الزمن هوة اللي خلاني اعرف اشكالك هههههه

هو : اشكال مين يا ابن الـ ..........

انا : رحت قافل السكة قبل ما يرص كورس الشتيمة ..

ورحت طالب التلفون ..

انا : الو ..

هي : ايوا مين ؟

انا : انا سيد حضرتك سعد لسة قايلي اكلم حضرتك وانسق معاكي ..

هي : ايوا ايوا انتا السواق اللي قالي ها ابعتهولك ..

انا : مش بالزبط كده يا فندم لكن أه ..

هي : طيب انا ها استناك كمان 10 دقايق قدام مسجد فاطمة الشربتلي لما تيجي تكلمني ..

انا : والله يا فندم الطيارة بتاعتي في التوكيل حاليا .. والجناحات بتاعت العربية دي بتترش عشان دخلت بيها في حتة ايرباص .. وبالنسبة للنافاثات فبيتغيرلها زيت ..

هي : طيب مطلوب ايه .

انا : يعني حضرتك بالميت ايديني 30 دقيقة ..

هي : طيب بس اخلص ..

انا : تحت امر حضرتك يا فندم ..

طلعت مشيت طيران من هنا على التجمع الخامس ..

والحقيقة والحق يقال ..

اللي ساكن في التجمع ها يعرف انا بتكلم عن ايه ..

ممكن حد يفسرلي ما هو مفهوم 5 مطبات جبااااااااااااااااااال في شارع التسعين بالطريقة دي !!!

وتحس كأنهم بيخبوا المطب اقسم بالله العظيم ..

والله العظيم بيخبوا المطب ..

الـ 5 مطبات بسم الله ما شاء الله ...

دب

دب

دب

دب

دب

مفوتش واحد ..

لحد ما تهت شوية في الطريق ..

ووصلت في الآخر ..

وقفت قدام جامع فاطمة الشربتلي ..

وطلبتها ..

انا : الو آنسة ....

هي : ايوا نعم مين ؟

انا : انا السواق يا فندم ..

هي : ايه ده انتا لسة فاكر ما بدري .

انا : معلش بقى يا فندم الدنيا كانت زحمة وانا بخاف على نفسي من الخطأ ..

هي : طيب اثبت مكانك ثواني وها انزل ..

انا : حاضر ( والله انا محترم نفسي جدا عشان توصية سعد :D :D ولو انا لساني في العادة برضوا مش طويل والله .. )

طيب صحيح فيه حاجة نسيتها ...

هيا ها تعرفني ازاي !!!!!!!!!!!

ولا انا ها اعرفها ازاااااااااااااااااااااااي !!!!!!!

انا مالي يا عم .... هيا قالتلك اقعد مكانك يبقى هيا ها تعرفك ..

قعدت اكثر من ربع ساعة ..

مفيش حد جه

طلبت سعد بقولوا يا عم الـ .... انتا مفهمها اني سواق ....

سواق مين يا عم الـ .....

طبعا ولا الهوا ولا انا سامع حاجة بيتكلم في اللي بيتكلم فيه ولا الهوا .

لحد ما لقيت آنسة جية من ورا ولابسة فستان . قولت يبقى هيا اكيد دي ..

قولت لسعد اقفل اقفل انا زماني جي خلاص ..

خبطت على الإزاز ففتحت الباب ..

راحت فتحت الباب وركبت ورا !!!!!!!!!!!!!!

الله دي صدقت فعلا اني سواق !!!!!!!!!!!!!!!!!!!!!!!!!!!!!!!!!!!!!!

يا دي النيلة على الإحراج ..

اتصرف يا عم المخضرم ..

هي : ايه اللي اخرك ده كلو ..

انا : معلش يا فندم الدنيا كانت زحمة شوية ..

هي : حصل خير بس يالله بسرعة عشان منتأخرش ..

انا : حاضر يا فندم ..

هي : ولما نوصل ليا كلام تاني مع اللي مشغلك انا عارفة احمد بيجيبهم منين ..

انا : يا آنسة انا ساكت من الصبح احمد مين اللي بيجيبهوم منين هوة احمد لاقي ياكل عشان يجيب سواق عنده !!!!

هي : ايه ده !!!! انتا ازاي تتكلم بالطريقة دي ..

انا : يا آنسة انا اسمي سيد خطاب طالب في بكالريوس ..

هي : عادي يا سيدي الزبال اللي بيجي يشيل الزبالة من عندنا آداب لغة انجليزية .. متدقش الزمن ياما بهدل ناس .

انا : لأ حضرتك برضوا فاهماني غلط انا صاحب سعد واحمد مش شغال عندهم ..

هي : طيب طيب اعمل انا ايه يعني ..

انا : ولا حاجة يا ستي حقك عليا ..

بس هي بصراحة وانا اخدت على اني اتكلم معاكم بصراحة هي مثلا عندها 21 سنة وطالبة في الجامعة الأمريكية "مع انه عليها شوية الفاظ ولا حتى الجامعة العمالية " ولكن بصراحة كانت طيبة جدا وكانت بتهرج ..

طبعا العربية مش عربيتي فأغاني اصالة شغالة .. واغاني شيرين واغاني ملهاش اي ثلاثة لازمة ..

انا : ممكن اغير الأغاني دي ؟

هي : ماشي مفيش مشاكل ..

رحت شايل الأغاني الزبالة دي وحاطط المعزوفة الثامنة لباخ ...

يا عيني يا عيني ...

قسم وسمعني يا عم بااااااااااااااااااااااااااااااااااااااااااااااااا اااااااااااااااااااااااااااااااااااااااخ

بصراحة توقعت انها تقولي ايه القرف ده ..

اعجبت بيه جدا ..

بل واعدنا نتناقش في رأينا في باخ .. فان جوخ .. فان بيرتن .. اشرنكومار .. واكتشفت انها اول حد اشوفه بيفهم في النوع ده من الموسيقى ...

ههههههههههههههههه

هي : ايه ده انتا طلعت سواق مثقف ههههههههه

انا : بذمتك فيه سواق بيبلس بدلة ارماني وبيحط برفان كارولينا هريرا ......

هي : ................... ردت كده بكام كلمة لحد دلوقتي مش فاهمهم :D :D

لحد ما وصلنا الفندق ..

انا كان آخر فرح في الجي دابليو ماريوت اللي على الدائري كانوا بياخدوا في الساعة الإنتظار 20 جنيـــــــــــــــــــه

دخلت احضر فرح طلعت دافع 120 جنيه !!!!!!!!!!

فحالف اني مش ها اركن في اي بارك بتاع اوتيل تاني ابدا ..

طول عمرنا بنروح اي مول اي فندق في اي حتة في العالم عمرنا ما بندفع ثمن للركنة دي !!! منا بركن في مكان انا داخل همة ها يستفيدوا مني يبقى ايه لازمة تذاكر البارك !!!!!!!!

يعني السعودية .. الإمارات .. ايطاليا .. السويد .. فنلندا .. مكنش فيه في اي حتة غير همة نيويورك وكانت على ما اذكر باريس لأنهم من العواصم اللي فيها اختناق مروري كثيف جدا ..

وصلنا الفندق ..

يا ربي

دمي بيتحرق ..

ادخل واركن والله واعلم ها يبقى الركنة المرادي هنا بكام !!!!!!!!!!!!!

واكيد مش ها اركن برة وامشي الآنسة معايا وابهدلها شكلي حتى قدام الناس ..

ندخل وامرنا لله ..

انا : الو ايوا يا سعد .. انا وصلت ودخلت البارك يا ابني الفرح في انهي قاعة ..

هو : في قاعة كليوبترا ..

انا : طيب ..

الحقيقة لما نزلت البارك لقيت في وشي عربية مازيراتي ...!!!!!!!!!!!!!!!

ركنت العربية بتاعتي ونزلت خلين الآنسة تصورني جنبها ههههههههههههه

(تافه او محدث نعمة )

ولكن مقدرتش امسك نفسي يا عالم ههههههههههههههههه

دي برضوا مهما كانت مزيراتي ..

الحقيقة فوجئت بيها بتقولي ..

العربية دي مزودة بمحرك كذى ..

بشاحن توربيني من نوع كذى

وعددت حاجات كده في العربية !!!!!!!!!!

عمرك ما تلاقي بنت اصلا تعرفها في اية عربية بالمرة ..

يعني انا كل السيدات والآنسات اللي شفتهم في حياتي عمرها حتى ما فتحت الكبوت ولا تعرف ايه اللي موجود تحتوا ..

ولكن دي بسم الله ما شاء الله فاهمة وحافظة كل كلمة قالتها بالضبط ...

ركنت العربية ودخلت ..وكنوع من انوع الإيتيكيت نزلت فتحت الباب للآنسة .. (اللي ورايا كان بيبصلي بإستغراب شديد ) ..

دخلت الفندق فسألت السيكيورتي قاعة كليوبترا فين لو سمحت ..

قالي : (-2 )

طيب يا سيدي متشكر ..

نزلت ..

وصلت تحت

انا : ايوا يا سعد انا قدام باب القاعة اطلعلي ..

هو : لالا فاكس الزفة قدامها بتاع 15 دقيقة وها تنزل ادخل انتا عقبال ما ننزل ..

دخلت القاعة ..

شايف قدامي اكثر من 300 فرد

براحة كده تاني ..

دول 300 فرد كلهم شباب ..

الله امال فين الناس الكبار والعواجيز والـ 40 سنة والكلام ده ؟

فين الأطفال .

انا : هوة بنت خالتك خلت احمد يقتل المعازيم ولا ايه ؟

دخلنا وقعدنا وكل اللي رايح واللي جي يبصلنا ..

انا اكتشفت انه احنا الوحيدين اللي في القاعة اللي لابسين بدلة وفستان ..

كلو لابس كلاسيك وكاجوال !!!!!!!!!!

الله !!!!!!!!!!!

قولت يمكن الـ 300 دول اللي عرفوا يجيوا !!!!!!

بس انا معرفش اي حد فيهم نهائيا ..

قولت معارف احمد كتير يمكن الواحد ميعرفهمش كلهم ..

لحد ما مرة واحدة ..

لقيت بلالين

وشرايط بتتحدف ومرة واحد طفو النور في القاعة ..

قولت بس العريس وصل ...

مرة واحدة لقيت الـ 300 بيغنوا مع بعض ..

Happy birth day to uuuuuuuuuuuuuuuuu

Happy birth day tooooooooo uuuuuuuuuuuuuuuu

يا ابن اللذينة يا ابو حميد اهي دي جديدة دي ..

فرح وعيد ميلاد في وقت واحد

هههههههههههههههههههههههههه لعيب لعيب يعني ..

لحد ما طلعت بنت وراحت مطفية الشمع ..

انا : بنت خالتك مالها اتغيرت كده ؟ ولا يمكن يوم كتب الكتاب كانت مختلفة ..

هي : انتا اعمى ولا عبيط .. دي مش بنت خالتي ..

دي مش القاعة اصلا ..

انا : ايه عبيط دي !!!!

هي : يا عم دي اللي فرقت معاك .. انتا واديتنا فين ...

انا : بقولك ايه اانا لما حد بيزعقلي السيستم بتاعي كلو بيتبرجل وبتلخبط ..

هي : يا عم اطلب صاحبك الله يكرمك شوفهم هما فين ..

انا : الو يا عم سعد انتم فين ..

هو : احنا في الزفة يا عم اهو ..

انا :يا عم الزفة فين منا في القاعة اهو وفيها ناس تانية ..

هو : قاعة مين يا عم الحج انتا في كليوبترا ..

انا : اه ..

هو : اديني حد كبير اكلموا يبني انتا ..

هي : ايوا يا سعد احنا في فندق .... مش هوة ده صح ؟

: آه صح محنا في الفندق اهو ..

اكتشفت بقى الآتي :D :D :D

انه الفندق فيه 3 ادوار تحت الأرض

وكل دور فيه قاعة ..

والـ 3 قاعات كلهم اسمهم كليوبترا ..

احنا جينا كليوبترا غلط بقى !!!!!!!!!!!!!!!!!!!!!!!!!!!!

اانا عايز افهم يعني عم العبقري اللي اختار الإسم ده خلصت ملوك الفراعنة من الأسامي ملقاش غير كليوبترا في ملوك العصور الفرعونية كلها يسمي بيها الثلاث قاعات !!!!!!!!!!!!!!!!!

يا رب تووووووووووووووووووووووووووووووووب عليـــــــــــــــــــــــــــــــــــــــــــــــ ـــــــــــــــــــــــــــــنا ..

نزلنا تحت وطول السكة وهي عمالة البنت بتهزق فيا ..

انتا لا يمكن تكون مهندس ..

انا مش عارفة سعد واحمد باعتينك ليا ليه ..

بيبلوني بيك ليه ..

اصل سعد قالها في التلفون بالحرف الواحد "سيبك من الـ .... ده مش بيفهم اسحبيه وراكي هوة مش ها يقول حاجة بس هوة حد تلاقيه لعب في النظام بتاعوا ولكن ده اليف متخافيش منوا هاتيه وتعالوا )

وصلنا على الزفة ...

لقيت الزفة فيها ناس كتير جدا ..

من ضمنهم لقيت الناس ملمومين حوالين شاب كده بيرقش وهوة حاطط الشمعدان فوق دماغوا ..

بيلف كده ببص في وشوا !!!!!!!!!!!!!!!!!!!!!!!!!!!!!!!!!!!!!!!!!!

مش ممكن!!!!!!!!!!!!!!!!!!!!!!!!!!!!!!!!!!!

ده المعيد بتاعي !!!!!!!!!!!!!!!!!!!!!!!!!!!!!!!!!!!!!!!!!!!

دا دا الراجل اللي طردني النهاردة الصبح وعمل مني عبرة !!!

اجي بليل الاقيه بيرقص على واحدة ونص وعلى دماغوا شمعدان كمان ..

هوة جه عشان احمد خريج الأكاديمية البحرية وفي مجموعة من المعدين دفعتوا فجين الفرح بدافع الزمالة ..

رحت جري مطلع الكام .. وايه بقى بكام 15 ميجا بيسكل واحلى شوتات :D :D :D

وحياة الحج عندي لأنا اللي ها اعمل عبرة منك ههههههههههههههههه

انا تطردني بعد ما تدخلني ههههههههههههههههههههههههههههههههههههههههههههه

لا وايه يا جدعان والله بيرقص بطريقة مش طبيعية !!!!!!!!

لحد ما مرة واحدة الفرقة بطلت عزف !!!!!!!!!!!!!!!!!!!!!

وفضلوا كلهم بيبصوا ناحية آخر الطرقة !!!

الناس كلها فوجئت !!!!!!!!!!!!!!!!!!!!!!!!!!!!!!!!!

فيه ايه ..

ببص لقيت الرواق فاضي ومفيش فيه حد ..

ومعلش بقى ها اكمل بكرة اللي فاضل هههههههههههههههه اصل الناس واقفة تحت كلهم مستنيني عشان نروح لافرح وانا عمال اقولهم ثواني ثواني لحد ما ها يطلعوا يلعبوا في وشي البخت ....

هههههههههههههههههه

معلش بقى كان نفسي اخلص الجزء كله النهاردة ولكن ان شاء الله بكرة بقى :D :D :D

[amr.mostafa]

حرام عليك لخبطني ...

شوية بنت خالتك شوية سعد هو فرح مينننننننننننننننن ؟؟؟

[shaddadfalcon1]

انت مستحيل تكون عشت بره مصر الفتره اللي بتقول عليها دي

ده انت فظييييييييييييييييييييييييييييييييييييع

[saadelden]

دا انت موعود بقى d:

حاسس ان هيطلعلك حوار بردو في الفرح بتاع انهارده d:

[sayed911]

اولا بلاش حضرتك انا اكبر منك ب سنة واحدة وعلى فكرة بروح الاكاديمية كتير

ماشي :D :D حاضر
ولما تيجي بس يا فندم دور في البارك على عربية بروتون ساجا سوداء نمرها س ر ل هيا الوحيدة في الكلية :D :D :D
وهات صاحبها من قفااااااااااااااااااااااااااااااااه :D :D :D

انا ف الاول كنت عايز اعلق على كل كلمة بس كل شوية الموضوع يتطرق الى موضوع تانى فاتشغل بالموضوع التانى ودواليك (ايه رايك ف دواليك دى) لحد ما خلصت قولت مبدهاش

بس ليك عليا حصدعك من هنا ورايح بس انت متتأخرش علينا.

هههههههه ماشي يا فندم مفيش تنطيط مرة تانية ها افضل في نفس الموضوع على طوووووووووووول من عنيا :D :D
انا نفسي بعاني والله من حكاية التنطيط دي !!!

بينى وبينك انا برضو بدى الاشارة وفى 2 فيمتو ثانية على مقياس البشمهندس احمد زويل ببقى فى الحارة التانية – بس بيبقى بينى وبين الى ورايا مسافة كافية – مجرد بقوله خد بالك انا جااااااااااااااااااااااااى – تقولى ايه لزمة الاشارة اقولك عشان لو لبسنا فى بعض انزل احط عينى فى ايده واقوله انت مشششششششش شايف الاشارة – ايده دااااااا احط ايدى فى عينه – شوفت اخرت حلاقاتك عملت فيها ايه.

ههههههههههههههههههههه ايه ده هوة انا ها اسبب زعزعة في الهيكل الإجتماعي بالطريقة دي :D :D :D
فاكس حلقات بعد كده D :D

انما واحد راكبلى 28 ومقطع الطريق غرز لالالالالالالالالا والف لالالالالالالالالالا انو يكسر عليا.

انتا عامل زي حالاتي انا عندي عقدة كاملة من الدايو لانوس !!!!!!!!!! مش ممكن العربية دي !!!!!!!!!!!!!!!!!!!! انا بحس اني بخاف من العربية دي جدا مجرد ما اشوفها على الطريق بحاول اتفاداها على طول هههههههه مش عارف ليه حظي وحش جدا مع العربية دي بالذات :D :D :D

بس يا ترى ايه اوجه الشبه بين عربيتك والانسر ؟ حسيت ب ايه ؟

بصراحة بص الباور مش طبيعي في الانسر دي :D :D :D
والله العظيم الباور بتاعها خفيييييييييييييييييييييييييييييييييييييييييييييييي يييييييييييييييييييييييف جدا لدرجة اني لما ركبت الساجا حسيت انه انا كان عندي حاجة غلط مش معنى كده انه الباور بتاع الساجا تقيل هوة عادي زي بقية العربيات هيا اللانسر دي هيا اللي الباور غريب جدا
+ استهلاك البنزين برضوا رااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااائ ع من هنا لحد بكرة ..
بس من عيوبها من وجهة نظري مش بتفصل :S :S :S
+ استجابتها في الأوتو على السرعات البطئية تقيلة نوعا ما عايزة تفوق جامد ولكن على المانيوال في الفتيس الأوتو على الأقل انا متحكم في ميعاد الغيار بشكل افضل نوعا ما .
+ العربية ليها زنة محرك من وجهة نظري حلوة مش بطلالة لكن اعتقد كأداء فالأداء من وجهة نظري في اي عربية مبيتوصفش ولكن انا شايف انه احسن معلومات تاخدها من انسان هو المميزات من وجهة نظره والعيوب ..
بالنسبة للثبات كان عادي بالنسبالي يعني لحد 135 كيلو / ساعة كان عادي ولا ريسك ولا حاجة .. ولكن دي العربية لو بتنزل بالحرك بتاعها الأصلي !!!! مش ها اقدر اقولك اكثر من اني ها اتعاقد مع شركة كاوتش من اللي ها اعملو بيها ..

انا لو معايا 525 مش حعمل حاجة – اصلها مش فارقة عن الفيرنا كتير – مجرد المرايات بتتقفل لوحدها – شكليات تافهة هههههههه

ههههههه على رأيك صحيح كفاية فانوس الفيرنا الخلفي بـ 75 جنيه والكبوت كلو على بعضوا بـ 200 جنيه :D :D :D
ههههههه يا راجل ده فوجات الـ 525 برقم كده مش اقل من ثلاث خانات :D :D :D
ههههههههههههه كفاية احنا ها نوصل اننا نبقى زي لندن بنرضى بأي عربية بأربع عجلات :D :D

الف شكر يا باشمهندس و انا دلوقتي بفاضل بين ال 450 و ال 500 .. و شكلها هتبقى ال 450 عشان اكيد مش هصور فيديو

والله انا فعلا معاك من وجهة النظر دي بصراحة لأني اكيد مش جايب كام بكل الإمكانيات دي عشان في الآخر اصور بيها فيديو ... هيا مش وحشة ولكن كل الإمكانيات الرهيبةاللي فيها دي مش ها تديني حاجة مفيدة وانا بصور بيها .. فيديو ..

دي بموبيل تعبان حبتين عشان كدا الفوكس اي كلام بس يجي مني ولا اصرف نظر عن الليلة كلها

هية ممتازة كبداية طبعا ولكن مثلا اسمع مني كلمة .. العدسة بتصنع الصورة مش الكاميرا .... يعني تهتم بتنويع عدساتك اعم من الكام ذات نفسها .. اي كام بتصور اشطة ولكن مش اي عدسة بتجيبلك اللي انتا عايزوا .. وبالنسبة للصورة مثلا هيا ممتازة ولكن مثلا ها تحدد انتا بتاخدها لأنهي مجال يعني ها تاخدها وتحطها كده في المعرض ولا لسة ها تشتغل عليها ببرنامج ولا ولا ولا ولكن هيا بس الحاجة الوحيدة اللي ناقصاها من وجهة نظري يا اسامة ... تفتح شوية تعلي الأيزو سنة بسيطة كانت ها تزبط الدنيا ده بالطبع بعد الفوكس بتاع الموبايل ما يجيب الورد عدل .. ولو اني عارف انه الفوكس بتاع الموبايل مش بطال بس انتا تدوس الكلكة اللي في الأول وتديلوا فرصة يزبط نفسوا اوتوماتيك ..
وعلى فكرة حلو قوي الأوتو جراف بتاعك على الصورة :D :D :D :D

اقدر اقولك تعال شرفنى - الحلاق بتاعى يكاد يكون اخرس

هههههههههههههه والله انا فعلا فعلا فعلا فعلا بطلت اروح لحلاق نهائيااااااااااااااااااااااااااااااااااا
بقيت بتبع اسلوب اني اسيب شعري يطول قوي .. واروح شايلوا كلو مرة واحدة خالــــــــــــــــــــــــــــــــــص وافضل هكذا كل مرة .. بس اروح للحلاق في الشديد القوي بقى :D :D :D
انا فاكر اول مرة جيت فيها مصر كانت الحلاقة بـ 15 جنيه
بعدها بشهرين بقت بـ 20 جنيه ..
شوية وبقت بـ 25 جنيه ..
الحقيقة آخر مرة كانت بـ 25 برضوا زي ما هية :D :D :D
وحمدي يقولي الحلاق دحك عليك ههههههههههههه قولتلوا اصلي مشوفتش المنيو يا عم :D :D

سيد هو موقف الحلاق دة بجد ؟؟؟
مش ممكن
دة انت مغناطيس المواقف الكوميدية

اي والله طلعت بنت الراجل :D D :D
وسامعنا عمالين نقول ملهاش اب يلمها ولا اخ يشكمها ههههههههههههههه
هوة انا مش مغناطيس مشاكل انا عامل زي حفرة المشاكل بتيجي حواليها وعلى فكرة المشاكل دي كلها انتم كمان بتقعوا فيها هههههههههههه ولكن يمكن عشان بتحسوا بيها من زمان فالبنسبة لكم هيا امر طبيعي وعادي ولكن انا بحب اني اسجا كل شئ في حياتي :D :D :D
(دائما في المكان الخطأ في الوقت الخطأ مع رد الفعل الخطأ )

أنا علي فكرة شفت واحد علي لانسر بومة نبيتي كان كاتب ع الإكصدام الخلفي
Girls Ride For Free
هههههههههه بس مسألتهوش كام واحدة ركبت العربية :))
أنا نفسي أحط اللوجو بتاع لعبة GRID
ده

حلو قوي اللوجو ده بصراحة :D :D :D
لا انا شفت مرة واحدة كاتب من ورا "plz dont use the horn THE DRIVER IS SLEEPING "
هههههههه دي كانت عجباني الحقيقة :D :D D:
وكانت فيه وحدة برضوا DONT drive fast BUT fly slowly :] :]

والمحضر ده واضح انه حافظ مش فاهم هههههههههههه بقولك ايه متسأل عمتك شكلوا كان عامل ازاي لحسن يكون هوة هوة نفس الكائن ؟؟

وتعجبني دماغك جواز مين ياعم..ده البنات أساسآ مش عاوزين يتجوزوا

لا والله في منهم اللي عايز يتجوز وفي منهم اللي مش عاوز بس البنات زي ما تقول بقى عندها طموح يجيلها المحاسب يبقى عندها طموح في زابط
يجيلها الزابط يبقى نفسها في مهندس
يجيلها المهندس يبقى عندها طموح في الدكتور
يجيلها الدكتور .. يبقى عندها طموح في زابط مهندس
لحد ما يجيلها عزرائيل بقى ....
ولكن صدقني والله في بنات فعلا تستاهل الجواز ولكن انا عارف اني زي ما المثل بيقول انه الوقوع في الحب زي الخروخ من الدش والنط في الثلج :D :D :D ها تشعر بمرارة الصدمة :D :D :D

إعملي آآد ع الفتيس بوك ياسيد بعد إذنك :))

تحت امر معاليك يا فندم بس تبعتلي مسج فيه اسم حضرتك على الفيس وانا اعملك آد فوراااااااااا

حرام عليك لخبطني ...

شوية بنت خالتك شوية سعد هو فرح مينننننننننننننننن ؟؟؟

هههههههههههه ليه بس يا فندم :D :D :D
هوة الموضوع بالراحة كده هههههههههه اصل حضرتك لو متابع الفيلم الهندي ده من الأول مكنش حصل اللي حصل :D :D
بص يا سيدي الفاضل ..
انا سيد :D :D :D
عندي صاحبي في الكلية اسمو سعد ..
اخو سعد اسموا احمد
اهو ده كان فرح احمد :D :D
وبالنسبة للأنسة دي كانت بنت خالة العروسة مش بنت خالتي انا :D :D

انت مستحيل تكون عشت بره مصر الفتره اللي بتقول عليها دي

ده انت فظييييييييييييييييييييييييييييييييييييع

ههههههههههههه والله كنت عايش برة 18 سنة من عمري اللي هوا كلو على بعضوا 22 سنة :D :D
اجيب الباسبور طيب هههههههههههههههههههههههه
والله رد حضرتك كوميدي جدا هههههههههههههههههههههههههههههههههههههههه
كلمة انتا فظيع دي هههههههههههههههههههههههه اصل انا بسمعها كتير بس بطريقة تانية
زي
"انتا جيت الدنيا ازاي يبني "
"انتا ازاي اصلا "
وغيروا وغيروا :D :D :D
هههههههههه

دا انت موعود بقى d:

حاسس ان هيطلعلك حوار بردو في الفرح بتاع انهارده d:

لا والله الحمد لله عدت بسلام والحمد لله :D :D :D
ومطلعش فرح للأسف طلعت خطوبة ولكن اهو الحمد لله اتعشيت :D :D :D :D
كنت في دار الدفاع الجوي والجو كان اكثر من ممتاز والموضوع عدى بسلام :D :D :D :D
لا انا عارف العريس ولا العروسة بس كنت موجود :D :D ليه متسألنيش :D :D :D
احنا ملناش فيه احنا رايحين نعمل الواجب ونتعشىىىىىىىىىىىىىىىىىىىىىىىىىىىى
ههههههههه صدقني بعد 3 سنين لوحدي في القاهرة من كثرة اكثر العزاب والشارع ها يخليك بتاكل الزلط :D :D








يا جماعة الأخت زينة الله بقالها فترة مختفية فين ؟ عل المانع خيرا ...

[sherif_taher]

باشمهندس سيد......استمر
مواضيع البنات اللي بتطلع اخت صاحبك دي كانت بتحصل معا واحد صاحبنا في اول الكلية عشان اخته توأم و معانا في نفس الدفعة....
بس الحمد لله كلوا عرف ولم نفسه......بس لسه بتحصل برضه مع واحد تاني وكنت انا السبب :)ززززعلى البركه
بعد اذنك طلب تلم و رخم....عايزين رنة انا الحكومه بتاعت احمد السقا دي الله يكرمك يا شيخ......استمر