إعـــــــلان

**gebreel** · 20-04-2011, 11:08 PM

ههههههههههههههه قالك مش انا

اومال ايه الحاج و مش الحج و رحت و جيت و طلعت و نزلت

اطلع من دول يا سيد

قال و احنا اللي كنا ناوين ننزلك مصطفى محمود و نعملك خمسمياية رد الجميل و نطالب بعودتك و الافلام الهابطة دي بس يلا بقى سماح علشان لسة في الاول

**mmffor** · 21-04-2011, 04:52 AM

تسلم على القصص التي تحوي نصح و ارشاد
ما

**saadelden** · 21-04-2011, 01:40 PM

افتكرناك اتشنكلت خلاص d:

**ahmed4000** · 21-04-2011, 04:13 PM

عمال يقولنا عيب ومتظنوش فيا انى طبيت ومش انا اللى اتدبس وهو راح قابل الحاج خلاص
تلاقيهم دلوقتى بيتفرجوا على الشقة بتاعته وبيحددوا مع بعض (هما مش هو) حيفتحوا اودة ايه على ايه ويخلوا الريسبشين لونه ايه

**amr.mostafa** · 21-04-2011, 05:06 PM

انت هتدقع مقدم كام ؟

اوعى تكون دخلت قلتلو ابويا في اوروبا ويفتكرك ملياردير شكلك كده قلتلو ووقعت على وشك من البدايه الله اكبر

**horas3000** · 21-04-2011, 05:07 PM

امممممم
شايف القصص بقت رزينه و مرتبه و مفيهاش خروج عن الموضوع بكثره زي الاول
ده حتي طلع عبره و موعظه كمان

يا تري ايه سر التغير ده ؟؟؟؟
ده و لا سر شويبس

لا انت مش قلت في موضوعين جاهزين
امال ليه نزل واحد بس
مش بقول اللي واخد عقلك يا ابو السيد

**sayed911** · 21-04-2011, 07:39 PM

الف مبروك يا ابو السييييد :d
عقبالنا يااااا رب :)
بس في سؤال يطرح نفسة
علل ما هو نوع السيجارة المستخدمة ؟؟ :

والله العظيم السيجارة كانت شرعي :d :d انا واحد عنده ربو ههههههههه

مبرووووووووووووووووووك يابو السيد

والله فرحت فيك

قصدي فرحتلك

هههههههههههههه

بقالنا كتير مشوفنكش يا راجل

ترجعلنا بالخبر الجمييييييل ده

ان لله وانا اليه راجعون

دا كان شاب كويس وبيحب مصر

هههههههههه فرحتلي منا عارف منا عارف :d :d
والله موجود مش بروح في حتة بس المنتدى زي ما انا بعمل بتلاقيني ماشي تايه على طول ..
ههههههههههههه قالك ارجعلكوا بالخبر الجميل :d
ههههههههههههههه ها نطلع التربة على روحي امتى بقى :d :d

انت اكيد بتهرج واحده مشوفتهاش الا مره واحده في حياتك و تقولك تعالي قابل بابا و تقول امين ... رجاله تيت صحيح

والله انا منتظر نتناقش زي ما قولت لحضرتك على الخاص ونتكلم لأننا شكلنا كده طلعنا جيران صح ؟

الف مبروك يا بشمهندس

وعقبال الخطوه الايجابيه المقبله d:

الله يبارك في حضرتك يا فندم وعن قريب بقى ان شاء الله ..

و الله العظيم قاعد مع 2 اصحابي و عمالين يتريقوا علي من كتر الضحك اللي ضحكته :)

والله العظيم ثلاثة واحشني جدا يا محمد بيه :d :d :d :d
منتظر منك تعليقاتك بقى اول بأول :d

ألف مبروك يامان أخوك هيدخل فى شهر ٧ وبفكر أكتب يوميات متزوج
ايه رأيك تكتبها معايا

انا عايز انبه حضرتك لحاجة الا وهو ان اخر حاجة ها تكتبها بعون الله ان شاء الله ها يبقى كتاب حضرتك :d :d
ده تفاؤل والله يعني اتقل انتا بس وها تشوف اللي مشفتوش فاللي فات ..
ونصيحة من اخ لأخوه اتصور مع خطيبتك دلوقتي ويوم كتب الكتاب وتعالا بعد 10 سنين وبص في الصورة دي :d
ها اسيبك انتا اللي تقولي احساسك ها يبقى عامل ازاي ..

والله انتا مشكلة ياراجل مش تقولى انك رجعت ده انا كنت بدور عليك افتكرتك نسيت الموضوع بتاعك وسيبتو للثوار

بجد خليتنى اضحك وانا مليش نفس ونستنى الهموم اللى وراريا ياربت تكمل

من عنيا يا فندم وتحت امر حضرتك والله ان شاء الله ها استمر على طووووووووووووووووووووول بقى :d :d
بس انا بفكر مجرد تفكير اني اخي الحلقة تبقى اسبوعية عشان الناس تستناها بفارغ الصبر وها اعمل إستفتاء عشان نشوف الآرآء ..

مبروك يا سى السيد هههههه عايزك توريها ايام سوده علطول من اول يوم

عيب عليك انتا بتقول فيها :d :d :d ههههههههه الوا السمة السبعة ها تتشاف الساعة 12 الظهر بعون الله :d

لولولولولو لـــــــــــــى ابو السيد اتدبس يارجالة الف مبروك

هههههههههههههه ده فرح ولا ..... :d :d انا حاسس انه حضرتك فرحان فيا مش ليا :d :d :d

مبروووووووك سيد اتدبس يا منزززززززززز

الف مبروك يا معلم و ربنا يستر عليك متنساش تاخد رقم الدكتور ده علشان لو فيه كسور بعد كدة يجيلك على طول =)

هيا منز دي انجليزي يا جبريل :d ?? :] :]
ههههههههههههه مهو للأسف ده طوارئ فقط ملوش في عنابر الكسور :d :d :d
انا ها اشوفلي دكتور عظام كده كويس استقر عنده :d :d
ههههههههههههههه الراجل بقى واخدني مقاولة من رجل لصدر لكلوا بم الله ما شاء الله واخد التوكيل عنده :d :d

ايه ياولاد ده الباشمهندس سيد اتشبك خلاص!!!!!
بس ايه السرعة دى؟ من اول مقابلة تقولك تعال قابل عمك وتروح علطول
انت خوفت ولا ايه؟
مينفعش الاسلوب ده مش حتمشى بعد الجواز
اتعلم مننا اهو
اى واحد فينا متجوز اسد فى بيته

خلاص هههههههههههههههه اتفقنا اديني حضرتك القوانين والأساليب وانا ها اطبقها بحذافيرها ..
يعني اقصد فهمني وووعيني ايه لما يحصل انا اعمل ايه :d :d :d

هههههههههههههه قالك اسد :d :d ههههههه اسد يا فندم اســــــــــــــــــــــــــــــــد :d :d
ده انا ها اشترك في كتب الكتاب اني منزلش اتبضع معاها في اي حاجة لأني الحقيقة بشوف المناظر المنكسرة اللي موجوة في الشارع على طول مع زوجاتهم :d :d

اسد طبعا

انا سمعت ان القطه من فصيلة الأسود

ههههههههههه سيبها على الله :d :d اسد قطة كلهم بأربع رجلين وذيل :d :d احنا غلابة بس همة الأسود في عرينهم (جمع عرين )

ومتخافش يابشمهندس سيد من موضوع كارتيه وكونغو فو والكلام ده مبيمشيش معانا (بس اوعى تحكيلها على قصة القطة على السلم)

هههههههههه لا انا شايف بقى القصة دي بقى بالذات عاملة معايا زي اللي كان على علاقة قبل الإرتباط ولازم يكون صريح في كل حاجة :d :d انا عارف انها مش ها تغير حاجة هههههههههههه ولكن لابد ان تعرف انها واخدة اسد :d :d بس مع تغيير شوية اضافات بقى يعني القطة نطت عليا وانا ضربتها ههههههه شوية تفاصيل بسيطة بقى :d

ربنا يتمم بخير يا باشمهندز d:

ربنا يخليك يا استاذ سعد يا رب ومتشكر جدا لحضرتك :d :d

هههههه
ايه يا عم سيد
علي فكره اي كلام او رد انت قلته ساعتها يعتبر باطل لانك مكنتش في كامل قواك العقليه لانك كنت تحت تاثير الصدمه و الاكسجين هههه
فمتقلقش مفيش اي دليل ضدك لو تراجعت

و عموما لو مصمم بقي فبالرفاء و البنين و متساش الكارنيه
هههههههههههه

يا كبير انا اول حاجة سألت عليها بقولك ايه يا حج هوة انا ها يبقى من حقي ادخل نادي القوات المسحلة هههههههههههههههه
داخل على طمع :d :d :d

مبرووووووووووووووووووووووووووووووووووووووووووووووو وووووووووووووووووووووووووووووووووووووووك

والبــــــــــــــــــــــــــــــــــــــــــــــ ـــــــــــــــــــــــــس .فين الحقلة وعايزين حلقة عن يوم ما رحت بقه

من عنيا وتحت امر حضرتك طبعا ..

يا باشا الراجل بقي مرتبط و مش فاضلنا بقي

ايه مرتبط دي بقى :d :d :d انا عازب وها افضل طول عمري عازب لحد ما امضي على اشد عقد في حياتي :d :d :d عقد الحياة الزوجية :d :d :d
اتاذ حورس انا عايز اسئل حضرتك سؤال انتا متجوز بقالك كتير ؟ :d :d اصل انا شايف حضرتك الحياة الزوجية بتوصفها دائما بصورة وردية :d :d او انك مش عايز تصدمني بالواقع :d :d

ايه يابو السيد انا بدأت اقلق عليك

عيب عليك يا كبيـــــــــــــــــــــــــــــــــــــــــــــــ ـــــــــــر انا والله فعلا ما كنت عارف الموقع :d :d

مبروك يا ابو السيييييييييييييييييييييييييييييييد
اوعى تنسانى بقى فى دعوه الفرح

ان شاء الله كمان 6 سنين كده ولا حاجة ههههههههههههههه ده بدري قوي قوي قوي قوي قوي ..

إنتا أكيد بتهرج مش كده?
ولو كنت بتتكلم جد
علي رأي واحد هنا فالمنتدي "مش فاكر إسمو الصراحة معلش الزهايمر بقي"
كل لما يروح لازم يقول مقولته المشهورة
‏"ال-مش فاكر الكلمة- زادو واحد"

مصطفى ههههههههههههههه انا رحت في داهية ولا ايه ؟؟ هههههههههه سترك يا رب :d :d

نداء الي الاخ سيد
لا تتزوج ... الزواج فيه سم قاتل

انا متوقع اصلا انه الناس قريب جدا هما اللي ها يقولولي يا عم احنا معندناش بنات للجواز :d :d
قلبي دليلي ومش بيخيب :d :d

با جماعة انا خايف على سيد بقالو كام يوم مش ظاهر

قلي يا سيد لو حد عمل فيك حاجة و انا اروح اظبطوا

ههههههههههه انا عايز اسئل سؤال يا جبريل هوا مش انتا المدير التنفيذي بتاع الشركة خلاص واخدنا التعينات من زمان :d :d :d
اغيب انا تاخد انتا اليوزر بتاعي وتدخل تتظاهر انه سيد موجود هههههههه غطيني :d :d d: مش كده يعني :d :d

انا معايا موبايله و هكلمه النهارده ان شاء الله و هنطمن عليه و بالمره نعرف اخبار الشجره اللي هيخش فيها قريب

هههههههههههه انا عايز اسئل سؤال هوا احنا مش طلعنا غالبا جران ???? :] :] :] :]
ما زلت منتظر الرد من حضرتك بفراغ الصبر ..

ياريت الادارة تقفل الموضوع لان صاحبه خلاص ارتبط واتحددله 10 دقايق فى اليوم فقط لدخول الانترنت ومنع من دخول المواقع "الهابطة" دى وخصوصا ان فيها رجالة متجوزين قبل كده وممكن يسمموا افكاره بافكار غريبة

وقد وافق سيد على التنحى عن الموضوع من اجل مصلحة الوطن فى هذه الظروف الصعبة

هههههههههه يا كبير مش احنا اللي يتحددلنا اقامة جبرية وانترنت محدود ههههههههه امال البلاك بيري بيعمل ايه :d :d
اللاب مش موجود الموبايل موجود
الموبايل مش موجود الأي باد موجود ههههههههه الفكرة دائما مش في العند الفكرة دائما بتبقى في التحور :d :d
هههههههههه ههههههههه انا مدحكاني قوي كلمة وقد قرر التنحي :d :d :d لسة لما تشوف حلقة النهاردة ههههههه ها تدحك جدا :d

لأ بقى انا هطلع على مصطفى محمود دلوقتي

مين قال جاي

لما الثورة ليها مصطفى محمود والتحرير انا بقى يا جبريل تشوفلي مكان يناسبني :d :d مارينا ههههههههه مكان ستهال نتظاهر فيه :d :d

استنوا انا جاى معاكم ........ لا بجد الحكايه كده تقلق مش كل ما واحد يخطب او يتجوز يختفى بالشكل ده ........... كده اعداد العزاب فى خطر احنا هننقرض يا رجااااااااااااااااله

لست انا ذلك الرجل ولا ذاك :d :d :d
وانا على الدرب لسائرون :d :d

الله يرحمك يا سيد .

البقيا في حياتك يا ابو سيد ,

الله يعينك يا ام سيد

ههههههههههههههههههههه الحاجة مش ها تبكي ب بجد انتم رعبتوني هوا انا داخل على مذبحة المماليك ولا ايه يا عالم :d :d ياريت من الإخوة المتزوجين تقرير سريع وقوي بسرعة عن اللي بيحصل فيهم :d :d

رجل الكيكي مصطلح يطلق على جزء دقيق من الحليات و النقوش بالمباني المصرية القديمة فترةالثلاثينات و الخمسينات و تتطلب مهارة فائقة في تنفيذ النقوش على العمارات و على الاخص فيما يتعلق بالشرفات و البلكونات القديمة و يطلق على العمل الذي يحتاج الى خبير دقيق جدا في مجال المعمار ماهى رجل الكيكى يقال الراجل اللى فى خان الخليلى ماسك اداه رفيعه جدا وماسك صينيه وبيدقدق عليها

بصراحة اول مرة اعرفها :d :d المصطلحات الدارجة في السوق كثيرة جدا وبتعبر عن نفس الشئ ساعات فهيا الفكرة عايزة حد يكون فاهم الناس بتتكلم عن ايه ب :d :d

انا مش مستوعب انها لاحظت اعجابه بيها و تصارحت معاه بالوضوح ده
و اللا هو بيهزر
عموما سيد مينفعهوش اللا زي الاخت المذكورة لانه بتاع تهريج و هزار و هي جد فحيظبطوا بعض
و حيتعملوا غسيل مخ محترم و يبقى منضبط و جد من النهاردة و رايح

والله يا اخي هوة زي ما تقول هيا مش لاحظت ولكن كان فيه جنبات تانية للموضوع سابق انا لم اذكرها عشان كده يمكن وصلت لحضرتك المعلومة بالطريقة دي .. ولكن الحقيقة انا اللي اتكلمت معاها قبل كده بس كان من فترة ليست بقريبة بشكل اقوى فالوضوع كان مفتوح ولكن مكانش في دماغي خالص اني اتخذ خطوة جدية فيه نهائيا ..
مهية الفكرة والله العظيم يا اخي .. مش اني بتاع تهريج وجد ولكن انا بأتغلب على المشاكل اليومية دائما بالتهريج والهزار لأنه زي ما حضرتك عارف كثرة الجد تميت القلب :d بس اكيد مش التهريج والهزار لدرجة الفه والعته ولكن هوة دائما في حياتي يعني انا من الشخصيات اللي من النوادر لما تلاقيني بتكلم بجد :d :d :d وانا اقصد جد بمعنى عن حياتي انا دئما بقتل التفكير بالدحك :d
ولكن اعتقد وبصراحة عايز آخذ رأيك انه لما اتنين متشابهين في كل حاجة بيتزوجوا بيقدر للعلاقة الفشل لأنهم ببساطة شبه بعض جدا الفكرة دائما في الإختلاف بحيث انه يكون فيه شغل ومكملين لبعض صح ولا لا ؟

حمد الله على سلامتك يا سيد

و ألف ألف مليون مبروووووووووووووووووووووووووووك .... ربنا يتمم بخير إن شاء الله

أنت كدا صح و راجل تمام و دغرى .... و الله فرحت لك كتييييييييييييييير و عقبالى و كل الأخوة و الأخوات ...هيه . كلنا لها ... ههههههههه

اختي زينـــــــــــــــــــــــــــــــــــــــــــــــ ــــــــــــــــــــــــــــة :d :d :d من اعة ما جبتي العربية واحنا مش عارفين نتفاهم مع حضرتك ههههههههههه ولا هوا عشان بنسوق بإحترافية يبقى خلاص :d :d :d
فين حضرتك مختفية بقالك فترة ؟؟
ربنا يبارك في حضرتك ومتشكر جدل لدعوة حضرتك للغاية فعلا .. هههههه كلنا لها :d :d وحدووووووووه
ربنا يتمم الجنازة دي على خير بقى :d

وهو ده اللي انا كنت مستنيه منك يا ابو السييد

ههههههههههههه انا تحت امر حضرتك يا فندم :d :d قالك نطب قال :d :d الفكرة انه الإخوة المتزوجين شكلهم الحقيقة سعداء وبيخبوا علينا حلاوة الجواز عامل ازاي :d :d :d

انزل يا ابو السيد بالحلقتين بدل ما تنساهم زى ما نسيت لينك الموقع d: نسيت الموقع من مقابله d: D:

سبحان الله انتا قلتها من هنا وانا نسيت فعلا من هنا هههههههههههههههههههههه

الله الله اللي ماخد عقلك ..الحب ومايفعل

عبد الحليم حافظ ده فنان بجد :d :d :d
عليا النعمة ما فاهم منه كلمة !!! حاولت ومش عارف مش عارف بقى العيب فيا ولا فيا :d

ههههههههههههههه قالك مش انا

اومال ايه الحاج و مش الحج و رحت و جيت و طلعت و نزلت

اطلع من دول يا سيد

قال و احنا اللي كنا ناوين ننزلك مصطفى محمود و نعملك خمسمياية رد الجميل و نطالب بعودتك و الافلام الهابطة دي بس يلا بقى سماح علشان لسة في الاول

جبريل اعتبر نفسك في اجازة مفتوحة من دلوقتي هههههههههههههههههههههه حبيبي والله العظيم يا جبريل :d :d :d
ههههههه مسيرك يجيلك اليوم ...

تسلم على القصص التي تحوي نصح و ارشاد
ما

تحت امر حضرتك يا فندم :d :d

افتكرناك اتشنكلت خلاص d:

يا استاذ سعد لسة بدري على الشنكلة :d :d احنا جيل الثورة الشنكلة دي مش بتاعتنا :d

عمال يقولنا عيب ومتظنوش فيا انى طبيت ومش انا اللى اتدبس وهو راح قابل الحاج خلاص
تلاقيهم دلوقتى بيتفرجوا على الشقة بتاعته وبيحددوا مع بعض (هما مش هو) حيفتحوا اودة ايه على ايه ويخلوا الريسبشين لونه ايه

هههههه هوة انا لو قولت لوالدها يا حج الشقة عليك ممكن يرد عليا بإيه :d ???
سؤال يطرح نفسه :d

نت هتدقع مقدم كام ؟

اوعى تكون دخلت قلتلو ابويا في اوروبا ويفتكرك ملياردير شكلك كده قلتلو ووقعت على وشك من البدايه الله اكبر

ههههه وحياتك من قبل ما اشوفه وهوة كان عارف عني تقريبا شبه كل حاجة :d :d :d

امممممم
شايف القصص بقت رزينه و مرتبه و مفيهاش خروج عن الموضوع بكثره زي الاول
ده حتي طلع عبره و موعظه كمان

يا تري ايه سر التغير ده ؟؟؟؟
ده و لا سر شويبس

لا انت مش قلت في موضوعين جاهزين
امال ليه نزل واحد بس
مش بقول اللي واخد عقلك يا ابو السيد

استاذ حورس ] :] :]
الخروج عن النص سببه اني دائما ببقى عايز اتكلم في 50 حاجة في نفس الوقت ههههههه وعشان الموقف ده قديم عشان كده كنت مركز كويس معاه ومفيش تشتيت الحمد لله ههههههه قالك موعظة وعبره ههههههههه ده انا لحد دلوقتي ماسكلها لحسام انه استنصح فإتسرق ههههه
لحد ما ركب جنوط وقالك يبقوا يوروني ها يسرقوهم ازاي بقى :d :d
هههههههه نزلت واحد شعورا بالأسى على خسارة فريقي البارحة اللي قفلني ودخلت نمت من غير ما اتفرج على التحليل حتى !!!!!!
ههههههه والله ما فيه عقل اصلا عشان يبقى فيه حد واخدوا :d :d :d

مش بقولك الحب وما يفعل ..!!

ههههههه الحب !!! طيب اذا كنت انا زي ما انتم شايفين دائما ماشي تايه يبقى ايه دخل الحب في ده بقى :d :d :d

**amr.mostafa** · 21-04-2011, 08:17 PM

مستنيين الحلقه بس سؤال

موضوع ..

الجزء الاول والتاني والتالت فين

**wael3m** · 21-04-2011, 08:40 PM

لا يا مان بعد ما كتبت الكتاب ... بدأت أكتب كتاب بالايطالى متخافش احنا اسود
عايز نسخة غير منقحة من الكتاب اهو برده تدينى رأيك يا ابوالسيد

**ma7med** · 22-04-2011, 12:27 AM

المشاركة الأصلية كتبت بواسطة sayed911 مشاهدة المشاركة

ههههههههههههه انا تحت امر حضرتك يا فندم :d :d قالك نطب قال :d :d الفكرة انه الإخوة المتزوجين شكلهم الحقيقة سعداء وبيخبوا علينا حلاوة الجواز عامل ازاي :d :d :d

يا عم بلاش حضرتك ويا فندم ده خليك عادي بلاش الرسميات ده يعني
ومن ناحية الجواز حلو فهو حلو بس بعد شهر العسل يا ويلك ياسواد ليلك

**osama.m** · 22-04-2011, 01:51 AM

لالا يا سيد انت احوالك الايام دي مش مطمناني .. و الحمد لله انها جات على اد المسمار الصغير خالص دا .. دي عين وصابتك يابني

**wael3m** · 22-04-2011, 05:14 AM

دعوة فرح مصرية على طريقة القذافي الثورية

and this for you Sayed

كتبت - بسنت صلاح :
''الدعوة عامة للنساء والرجال سواء كانوا ذكر او انثى''.. هذا ليس جزءاً من خطاب الزعيم الليبي مُعمر القذافي.. ولكنها إحدى الجمل التي استعان بها أحد العروسين لكتابة دعوة فرحهم.
فبعد ثورة 25 يناير التي غيرت من تقاليد الأفراح المصرية.. واستبدلت القاعة بالميدان.. وخلفيات التصوير الرومانسية بخلفيات ثورية.. جاءت الثورة الليبية لتؤثر على الأفراح المصرية.. حيث انتشرت مؤخراً على مواقع الإنترنت صورة لدعوة فرح تختلف عن الدعوات المُذهبة الباهظة التي اعتدنا استلامها، اختلفت صيغتها، فاستبدل أصحابها الجمل الرومانسية لأخرى من واقع الثورات العربية.
ولم يجد العروسين أفضل من الخطاب الثوري للقذافي اقتباساً في التعبير.. حيث استبدل العروسين بيان الثورة للقذافي ببيان من نوع آخر وهو بيان (ثورة الفرح).
كما كُتبت في الدعوة المعلومات الأساسية من أسماء ومواعيد وتاريخ للزفاف.. تلاها بيان ثورة الفرح على طريقة القذافي فقالوا: ''بهذه المناسبة نلقى عليكم بيان (ثورة الفرح) دقت ساعة الفرح، دقت ساعة الزواج، دقت ساعة الارتباط.. لا رجوع، إلى الأمام، إلى الأمام، افرحوا، ارقصوا، افرحوا كلكوا.. بيت بيت، شبر شبر، فرد فرد، الدعوة عامة للنساء والرجال سواء كانوا ذكر أو أنثى، إلى الأمام.. زواج زواج''.

http://www.masrawy.com/news/Egypt/Politics/2011/April/20/kazafi_invetation.aspx

**sayed911** · 22-04-2011, 05:43 AM

بسم الله الرحمن الرحيم ..

السلام عليكم ورحمة الله وبركاته ..

النهاردة بقى انا كاتب موضوع اعتقد انه من افضل المواضيع اللي كتبتها في السلسلة دي ..

صحيح قبل ما انسى ..

احد الأعضاء الكرام اقترح عليا ان تكون الحلقة اسبوعية وليس يومية ولكن تكون بكمية اكبر شوية على اساس انه تكون عليها شغف والا تكون يومية تصيب القارء بنوع من الملل فقولت نعمل استفتاء على الموافقين والمعارضين (شايفين الديموقراطية ) :D :D

عما حدث معي في اليومين الماضيين ..

معلش استحملوني لو كنت شوية لسة منفعل اصلي لسة شايف فلم بنتين من مصر دلوقتي حالا والفلم ده انا بجد بجد بقول لأي حد عايز يشوف غصة الحلق اللي كانت عند المصريين قبل الثورة يقعد يتفرج على الفلم ده ابداع بجد !!! ولكن بغض النظر عن اعتراضي على الكثير من المشاهد المسفة فيه والتي يمكن الإستغناء عنها وسوف تصل للمشاهد الفكرة الرئيسية برضوا ولكن ما زلت معترض عليها ..

المهم ..

التلفون بيرن

انا: الو

الطرف الآخر : المهندس سيد خطاب

انا : (بنشكح قوي انا لما حد بيقولي المهندس سيد ) :D

ايوا يا فندم

هو : انا فلان الفلاني من وكالة الأهرام بتصل بحضرتك بطلب اجراء حوار صحفي مع حضرتك ..

انا : هااااااااااااااااااااااااااااااااااااااااااااااااا ااااااااااااااااا

هو : عفوا يا فندم حضرتك بتقول حاجة

انا : لا ابدا اصل الإرسال كان وحش حضرتك بتقول عايز تإيه ؟

هو : عايز اعمل حوار صحفي مع حضرتك !!

انا : ممكن اعرف ها يبقى بخصوص ايه ؟

هو : بخصوص تعليقات حضرتك !!

انا : مش فاهم ..

هو : ممكن حضرتك تفتح الميل بتاع حضرتك ..

انا : مفتوح على طول !!

هو : طيب ثواني وها افهم حضرتك ..

انا اتفضل يا فندم ..

لقيت مقالة جياني على الميل !!!

منشورة على موقع ياهو (مكتوب ) عن هاش تاج كان موجود على تويتر وانا كتبت فيه كام رأي ليا !!

قعدت قرأت المقالة لحد ما وجدت اسمي مذكور فيها برأيين ليا !!!

الله واكبر !!

انا اسمي مذكور في ثاني اكبر موقع في العالم !!!

ده توفيق من عند ربنا !!

الصحفي بيقولي انا فخور اني بكلم احد شباب الثورة !!!

الواد حمدي كان قاعد جنبي !!!

بيقولي بتكلم مين !!!

انا نفسي مش مسدقوا اصلا !!

انا قولت ب دي اكيد اشتغالة !!

بس اللينك قدامي والكلام مكتوب اهو يعني مفيش فيها حاجة !!

اللي عايز يقرأ المقالة انا ها احط الجزء الخاص بي ..

ثورة المصريين التى استمرت فصولها لـ18 يوما في وسط القاهرة والمحافظات، كانت حدثا إيجابيا بارزا في حياة العديدين ومنهم @Sayed_K_H الذي رأى "أن اللي ها يسكت تاني يبقى ميستاهلش أنه يكون مصري!! خسرنا كتير من السكوت!!". المستخدم نفسه رأى في ميدان التحرير شهادة براءة لجيله قائلا "جيلي مش فاشل وجيلي أحسن من 5 أجيال مضت !! فعلا انا فخور بأني من هذا الجيل".

هههههههههههههههه بغض النظر عن المكتوب اه هوا انا اللي كاتب الكلام ده سيد بتاع التهريج هوا هوا بنف الشخصية وفكروني احكيلكم قصة بعد الحلقة دي عن معدل الأي كيو بتاعي طلع كام :D

والصحفي معايا على التلفون ها قولت ايه يا استاذ سيد ..

انا : عايز اسئل سؤال

انا : هوة انا مش من حقي اطالب بتعويض لأنه حقوق النشر محفوظة وهوة عمل اقتباس لكلامي من غير استئذاني وده نوع من انواع السرقة الفكرية !! ومن حقي تعويض مادي وادبي !!

هو : والله يا فندم الكلام ده مش في مصر ملكية فكرية مين اللي حضرتك بتتكلم فيها ..

انا : يا سيدي الفاضل ده سؤال بسيط انا بسألوا ..

هو : اصل حضرتك هاططها في هاش تاج وعلى تويتر فحاجة ظاهرة للعيان ..

انا : ظاهرة آه للقراءة اه لكن مش انه يقتبها في مقالة من مقلاتو .. (على فكرة 90 من الناس اللي اعرفهم كان ليهم رد فعل لما قولتلهم النقطة بتاعت الملكية الفكرية دي رد فعل انا مش ها اعرف اقولوا اصلا )

المهم اتفقنا وقولتلوا انا موافق اني اقبل حضرتك ونتكلم اكثر ..

الواد حمدي قاعد جنبي وقاعد مع صحابي !!

فبحكيلهم اللي حصل والموقف ..

حمدي راح قايلي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

ثورة !!!

ثورة مين يا ابو ثورة !!

انات ناقص تقولي انك مفجر الثورة !!

حسبي الله ونعمل وكيل في امثالك !!

يابني الصحفي لو سألك يبني انتا بقالك كام سنة في مصر ها يعرف قد ايه انتا مصري بجد !!!

ثوري ايه بس ده انتا كنت عامل لجنة شعبية تحت البطانية !!!

ولا افكرك بالمسمار وعم عبدو وفايق ..

انا : انتا ازاي تكلم رجل سياسي بالطريقة دي يا ولد !!!

هو : انتا عارف انتا بتفكريني بالسفارة في العمارة بالضبط الفيلم ينطبق عليك بالملي ...

ولا ليك في السياسة ولا ليك في البتنجان ولقيت نفسك في وصتها مرة واحدة ..

انا : ازاي بقى يا ابني انتا كده بتنفي انه كان ليا آرأء سياسية في فترة الثورة ..

هو : اقول على صورة حسني اللي كانت عندك على الفيس وعلى التويتر ولا اكت !! ولا اكلم الصحفي اقوله اللي انتا بتكلمه ده لحد دلوقتي ميعرفش كان واخواتها في العربي اللي بينادي بالقومية الفكرية ..

انا : همة اعداء النجاح بيظهروا بسرعة قوي كده !!!

راح طارق رادد مرة واحدة وطالع في الكلام ( فاكرين طارق اكيد ) :D

طارق : ابو السيد حبيب قلبي يا بوب ..

انا ها اكلمهم في البيت يكوا البدلة قولتلي المعاد الساعة كام بقى ؟

انا : اشمعنا

هو : على اساس اني من شباب الثورة ما هي خلاص زاطت بقى لما انتا تبقى من شباب الثورة يبقى انا ايه بقى زعيم الثورة ( اصله فعلا كان في التحرير من اول الأيم )

انا : بقولكوا ايه يا ولاد اللي عايز اوتوجراف بالدور والله ها امضيلكم كلكم ..

انا قولت الجملة دي من هنا وعينكم ما تشوف الا النور ..

هههههههههههههههههههه روحت البيت وجبت ورقة وقلم وقعدت اكتب شوية شعارات ( على اساس اني ثورجي بقى )

ههههههههه

يا شباب مصر !! ان مصر امانة في اعناقكم !! ارفعوها فوق رؤوسكم تسموا وتعلوا بنا !! ( اكتشفت اني عندي مواهب شعرية كمان )

المهم نمت وصحيت تاني يوم ..

وحصل التالي ..

نخليها مفاجأة بقى :D :D :D

نكملها بكرة بقى ان شاءالله ..

انا ها انزل عشان اعمل الكاوتش بقى :D :D

لقيت انسان ظريف يبدو انه حب يهرج معايا وعمل معايا كده ..

اكتشفتها النهاردة وانا بعمل صيانة ..

ومتنسوش تردوا عليا في موضوع الإستفتاء ..

Comment

Comment

إعـــــــلان

.

سقوط علامة بروتون الجزء الرابع (سلسلة مواقف كوميدية)

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment