سقوط علامة بروتون الجزء الرابع (سلسلة مواقف كوميدية)

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــا

مش عارف ايه الفلم الهندي اللي عيشتكوا في امبارح ده لكن معلش والله ..

اللي كان عايز تفاصيل اكثر عن الحادثة دي يتابعها معايا على التويتر كانت منقولة لحظة بلحظة :d

المهم نرجع لموضوعنا ..

العربية بدأت تميل بزاوية كأنها بتدريفت ..

وهب حصل اللي كنت خايف منه ..

للأسف صدمنا الراجل !!!

بسالحمد لله صدمناه بالرفرف الأمامي يمين وبالمراية ..

وكملنا احنا مع نفسنا العربية اتسوحت بظهرها ..

وطلع العجل الخلفي فوق الجزيرة اللي في الطريق واخوكم بقى كان عمال يشوف شريط حياته قدام منه

وكل حاجة كانت بتحصل بالتصوير البطئ !!!

اقسم بالله العظيم !!!

انا افتكرت في اللحظة دي انه الميس بتاعت الماث 3 بتاعتي زعقت فيها !!!

بقولكم شريط حياتي كله اتكر قدام عنيا !!

وحاطط ايدي في السقف وزاقق بيه ومش قادر من الرعب اللي بمر بيه !!

لحد ما العربية استقرت !!!

بحاول افتح الباب !!

مش بيفتح معايا !!!

وكم الهيستيريا اللي عندي بقى لما لقيت الباب مقفول !!!!

بقيت عمال ها تجنن الباب مقفول :d

غبي والله غبي ماهوة من ساعة ما ركبت العربية مقفول مش فاهم ايه اللي ها يخليك يتفتح دلوقتي ..

انا بفكر في فكرة عجباني جدا :d

ايه رأيكم نطور نظام انه في حالة انفجار الإيرباج الخاص بالسيارة ..

في غضون 40 ثانية الباب الخاص بالسيارة بنفجر مرميا من مكانه

بالطريقة دي بيأمن المصاب في الحادث الخروج السريع من السيارة بأسرع طريقة زي باب الطيارة مجرد ما تقع الباب بينفجر وبيخرج منه مركب احنا مش عايزين المركب احنا عايزين الباب ينفجر من مكانه بعد ان يتأكد حساس الإهتزاز في السيارة من ثبات حركة السيارة في موقعها ..

ما علينا !!!

الإيرباجز ما فتحفتش الحمد لله

انا فضلت ابص لحسام وهوة ماسك في الدرسكيون ومكلبش فيه ومش بيتحرك !!

فتح اللوك !!!

فتحت حزام الأمان ونازل

وعمال بدور على بخاخة الفانتولين بتاعتي مش لاقيها ..

ابص الاقي حسام بيجري على الراجل وهوة بيقول ..

لو مماتش سيبووووووووووووووووووه انا اللي ها امتوا !!

العربية جديدة يا ابن ..

حرام عليك بتلاعبني استغماية !!

كبري المشاه ورانا بـ 300 متر !!

عقلك كان فين وانتا بتعدي !!

والناس عمابين يهدو فيه !!

وانا مش قادر اخد نفسي الصدمة مخلياني مش عارف آخذ نفسي وجتلي شبه ازمة تنفس وحالتي بقت طين !!!

قعدت على الرصيف !!

ومش قادر آخذ نفسي !!!

وقاعد بحاول الملم شتتات نفسي المبعثرة !!

لقيت حسام جي بيجري وراح هبا واخدني على وشي بالقلم !!!!!!!!!

فيه ايه يا عم بيقولي افتكرتك ها تدخل في مرحلة صدمة فقولت افوقك !!

يا عم غور اتنيل بعيد عني لا صدمة ولا بتنجان يا عم ..

روح شوف عربيتك اللي اتدغدغت دي !!!

العربية فيها رفرف ومرايا

وفيها العجلة الأمامية قدام مخلوعة من الرصيف ازاي محدش يسألني

والمصيبة الأكبر تك البنزين اتكسر ومحدش برضوا يسألني ازاي !!(المعلومة دي انا مش مسؤول عنها لأني سمعت الموظف في التوكيل هوة اللي بيقول كده )

المهم !!!

لقينا ناس بتركن على جنب !!!

وناس جاية بتجري علينا !!

انتم كويسين !!

والراجل اللي خبطناه الحمد لله قام وطلع كويس مفيش فيه حاجة وسليم !!

بس صامت !! تقريبا الخضة !!

اتصلنا بالإسعاف .. عشان الراجل كان شبه بيعرج ..

وانا قاعد عمال ادور على الفانتولين بتاعي !!

لحد ما لقيت واحد جي بيكلم حسام بيقولوا مش تمشي بالراحة يبني هوة ارواح الناس لعبة بين ايديك ..

حسام قعد يزعق ويقولوا مش انتا اللي ها تعلمني ازاي اسوق !!

هوة يتحمل عاقبة نفسه !!

انا ماشي في طريقي !!

فيه حاجة اسمها كبري مشاه يعدي من عليه !! هوة استسهل وياريته عرض حياته هوة بس للخطر ده عرض حياتي وحياة صاحبي للخطر !! انا لولا العيبة كان ليا تصرف تاني ..

وانا مش فارق معايا انا ها اموت على الفانتولين ..

الراجل علا صوته على حسام ..

يعني وبنقول الشباب ماله مهو لما يبقى شاب زيك مستهتر راكب عربية بالشئ بالفلاني وماشي بيسمع في هلس ومسخرة على الصبح كده يموت في الناس زي الفراخ يبقى حرام ولا مش حرام ..

(يقصد انه كان فيه ااغاني شغالة ولكن ده اتقلبت مش عارف ازاي مع اننا كنا مشغلين قرآن قبل الحادثة مباشرة ايه اللي جاب الراديو الله واعلم )

الإسعاف جت في غضون 7- 8 دقائق بسرعة غريبة الحقيقة تسجل لها في تاريخها المصري الحقيقة ..

شالت الراجل وطلعت تجري بيه !!

مش عارف مسألوش حتة ان كان فيه مصابين تانيين ولا لأ ..

الدكتور حسام بقا واقف عمال يبص للعربية من قدام كأنه ها يبوسها ويقولها سامحيني مكنش قصدي ..

وكل اللي يعدي مش فاهم ليه يروح حادف كلمة زي الرصاص ..

-اتفرج يا عم ادي شباب اليومين دول

- احسن تلاقي .... اللي جيباهالك

- كتكم القرف وبنقول الطريق بيتعطل من ايه .

- شوية زباين اتعلماو السواقة الأول ..

مش عارف كم التهكم اللي جه على الشعب المصري ده جه منين فجأة كده ..

المهم حسام قالي اتصل بالونش ..

قولتلوا وهة انا ها اجيب نمرة ونش دلوقتي منين ..

لقينا سواق عربية دبابة الله يكرموا سابلي الكرت وقالي كلم الراجل ده اقرب واحد واقف عن طلعة الطريق ها يجيلك في دقيقة ..

انا : الو

هو : ايوا يا فندم ..

انا:خدمة الإنقاذ السريع

هو:ايوا يا فندم .

انا : ممكن بعد اذنك العربية واقفة بعد موقف العاشر بحوالي 300 متر تيجي لو سمحت

هو:حادثة ولا عطلانة

انا : لأ حادثة

هو : طيب لما تعمل محضر ابقى كلمني !!

تيت تيت تيت وقف السكة في وشي !!!!!!!!!!!!!!!!!!!!!!!!!!!!!!!!!

طلعت التلفون التاني !!

شوفوا بقى كم العبقريبة

انا : الو

هو : ايوا

انا : لو سمحت فيه العربية واقفة عن موقف العاشر بس بعدوا بي 300 متر

هو: حادثة ولا عطلانة (تحس انه مبرمج )

انا : انا كنت ماشي الحقيقة والكوتش فرقعت خلت العربية تعوم

هو : طيب انا جيلك في دقيقة ياباشا اوعى تكلم حد

(احنا برة لما كنا بنكسر فانوس مش ها اقولكم بنخبط كائن حي ) مش بنحرك العربية ولا حتى بندورها لعدم مخالفة القانون بأي شكل من الشكال بنتصل بخدمة الطوارئ بيفضل الموظف يتكلم مع المصاب او حتى قائد المركبة لحد ما النجدة توصل لطمئنة القائد وبيتعمل رسمة كروكي بشكل الحادث وبيتعمل ورقة عشان العربية تتطلع على الونش انما هنا ولا اعرف الراجل خدوه على فين ولا ايه اللي بيحصل ..

الونش جه سحب العربية وقالنا على فين !!

السؤال الرهيب !!

اه صحيح على فين !!

حسام على فين يابابا ..

هو : والله ما عارف ثواني ها اكلم التوكيل ..

المهم طلع خليجي والتوكيل رفض يستقبله ليه مش عارف والكابتن مكنش مأمن كمان وطلعنا على احد المراكز المعتمدة اللي في العبور بس اسموا ايه مش عارف الحقيقة ..

وبكرة بقى ها نكمل ايه اللي حصل ان شاء الله :d

معلش فقدت مهارتي بقى :d

غدا نستكمل ان شاء الله ..

ها اقوم اتفرج على الحج بوتفليقة عمل ايه :d

[sayed911]

هو ممكن يكون خمس بالعربية والراجل قام داخل فيكوا

حضرتك كنت بالفعل الأقرب ناحية الصواب :D

بو السيد ازيك عامل ايه ؟

معلش انا حبيت اعتذرلك قدام الجميع علشان كنت مواعدك أني احل شيت ال or بس محلتوش
علشان متعرفش الوضع في الكام اسبوع اللي فاتوا كان عامل ازاي عندي
فانا آسف كمان مرة

و في إنتظار بقيت حلقاتك

يا محمد بيه عيب اللي اتا بتتكلم فيه ده والله انا ها اطالب الإدارة بحذف الرد بتاعك اعتذار ايه يا محمد بيه :D يا سيدي انا كنت بستهبل اصلا :D الحقيقة انا نقلتوا من زميل في الكلية :D وفي الآخر ك=جبت زيرو في آخر كويز بسبب اني مش عارف احل المسألة فطلع انه اللي بعمله غلط :D ههههههههههههههههه عيب يا استاذ محمد اللي انتا قولته ده احنا اخوات بتعتذر عن ايه بس !! انتا تقولي قوم ياد انتا حلالشيت :D منتظر رأيك في الحلقة الجديدة :D

العربيه جت على ضهرها.........في الغالب لان واضع انكوا على سرعه......بس فداكوا :)

هههههههههه لا الحقيقة كنا على 70 او حاجة زي كده فالحمد لله انها محصلتش حاجة زي دي :D:D

امممممم... من تخيلاتي
العربية عملت خمسات
ويا إما وقفت ف عرض الشارع
أو لو كنتم جنب الرصيف لاقدر الله تخبط فالجانب الأمامي عند الكاوتش اليمين
أو حد أعمي خبط فيكم من الجنب بس ناحية الشنطة :

ههههههههههه انتا جبتها صح في حتة والحقيقة السيناريوهات اللي انتا ضربتها بتقولي اننا الفلم القادم اللي ها ننتجوا ها نسميه 2 fast in cairo
وها نشيهيص الفلم بقى بـ 131 في مطاردة بوليسية من بوكس شرطة على صلاح سالم ومش ها اقولك قى منتظر السيناريو بتاع حضرتك :D :D :D
واحشني جدا والله العظيم وواحشاني تعليقاتك على المواضيع :D :D

فينك يا عم سيد من زمان ؟ و الله حاسس ان كان في حاجه ناقصه عشان غيبتك دي عموما متابع معاك و تحليلي للموقف ان ده مش فيلم ايطاليان جوب عشان تديهوا هاندات في وسط الشارع ! ابتسم انت في مصر

موجود والله يا فندم :D :D
حضرتك اللي مش موجود شفت بقى :D :D :D
يا فندم انا آسف على الغيبة ومتأسف على التأخر على حضرتك كمان :D
هوة الحقيقة انا مش عارف اللي سوح العربية الهاند ولا لفة الدركسيون ولا ولا ولا بس الحمد لله انها عدت على خير :D :D :D :D
منتظر رأي حضرتك وتعليقك على الحلقة

[gebreel]

سيــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــد

الف حمد الله على سلامتك يا معلك، ايه يابني بقى اسيبك كام يوم يحصلك ده كلوا

حمد الله على سلامتك يا باشا و الحمد لله انها جت سليمة

[ganash]

يا بشمهندس سيد ما فى الحلقه السابقه d: انت قولت ان حسام صاحبك لما مسك فى الدركسيون جامد جاب الراديو هتلاقيه جاب الاغانى ساعتها بقا ركز كده d:

[AhMeD EzZ]

اكتر حاجة بتجنني فهلوة الشعب المصري ساعة الحوادث و ياا سلاااااام لو شاب الي كان سايق .. اسمع احلي كلام بقي

زي في مرة خارج من شارع جانبي و داخل في شارع برضة جانبي

لقيت علي جي بيجري عليا و باصص وراه انا كنت ماشي علي 10 كم بالظبط وقفت بالعربية و هوب الواد لبس في المرايا عندي .. شفتة اتعورت بس ... سمعت احلي كلام بقي

مش تمشي بالراحة ,, دة مش شارع ابوك .. ارواح الناس مش لعبة

اراوح مين يا عم الحاج انا ماشي 10 كم !!!

و الحادثة الاخيرة بتاعتي

http://www.nilemotors.net/Nile/212580-a.html

برضة اتغلطت .. شعب فتااااي

حمدالله علي السلامة يا ابو السيد ... و اسمك علي تويتر ايه ؟

[Xander2010_Evo]

ههههههههههه انتا جبتها صح في حتة والحقيقة السيناريوهات اللي انتا ضربتها بتقولي اننا الفلم القادم اللي ها ننتجوا ها نسميه 2 fast in cairo :d

ههههههههه معلش أصلي كنت بلعب gridكتير فهتلاقيني كنت مندمج فالسيناريو

وها نشيهيص الفلم بقى بـ 131 في مطاردة بوليسية من بوكس شرطة على صلاح سالم ومش ها اقولك قى منتظر السيناريو بتاع حضرتك :d :d :d
واحشني جدا والله العظيم وواحشاني تعليقاتك على المواضيع :d

ده هيبقي فيلم جاااامد إحنا عندنا أفكار أفلام ندغدغ بيها هوليوود ذات نفسها
وممكن نستعين بالراجل إللي كان ع الموتوسيكل الريس الأخضر إللي شيرتهولك الصبح ع الفيس :))

[amr.mostafa]

اخييييييييييييييييييييييييييييييييييييرا .

بالنسبة للحادثه مع احترامي غباء من صاحبك انت شايف واحد بيعدي ومتردد فاتهدي خالص وخليه يخلص يعدي مش تعد تلاعبه يمين شمال

ولا بيناقشك abs قدام بس ....!!!

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــا

بصوا بقى من الآخر كده انا جي عشان اكروتكوا انهاردة :d :d

الماتش شغال وانا ها اصلا وبصراحة

لا بشجع الريال ولا البرسا :d

بس بدعي حبي لكرة القدم .. :d

مع اني كرها :d

تصدقوا انا افتركت دلوقتي حالا انه كان فيه لعبة اسمها كورسيدا ..

نفس فكرة كرة القدم :d

وكل حاجة بس الكورة بتبقى متغطسة في بنزين ومتولع فيه :d :d :d

وابقى وريني بقى عم شيكابالا ها يمسك الكورة لنفسه ازاي بعد كده :d :d

(توهاااااااااااااااااااااااااااااااااااااااااااااا ااااااااااااااااااااااااااااااااان)

المهم نرجع لموضوعنا ..

راكبين الونش وحسام بيعمل اتصالاته ..

لحد ما وصلنا لتوكيل كيا اللي في العبور ولحد دلوقتي والله ما عارف افتكر اسمه للأسف ..

بنزل العربية من على الونش ..

والسواق جيلي ومبتسم ابتسامة صفراء كبيرة :d

حمد لله على السلامة يا بهوات ..

حسام : الحمد لله على كل شئ يا اسطى ..

انا : من فضلك الفاتورة يا اسطى ..

راح ديني فاتورة بأجرة النقل ومحدش يسألني ليه من طريق اسماعيلية للعبور واخد 150 جنيه !!

المهم اديتله الفلوس ولقيته بيقولي طيب وانا !!!!

قولتله منتا اخدت فلوسك

قالي لأ الفلوس دي لصاحب العربية !!

انا بقى في وهبتي !!!!!!!!!!!!!!

حسام يقولوا يا عم انتا مفيش دم خالص !!!

انتا مش بتشوف خالص !!!!!!!!!!!!!

عربيتي ادمرت وانتا جي تقولي وهبتي وحستني !!!!!!!!!!!!!

هوة : يعني بهايم سواقة وقولنا ماشي لكن كمان بخلا !! كان لازم تتقلب بيكوا العربية مش تعوم بس !!

ومشي ..

وده يدينا درس انه مش اي سواق ونش نطلع معاه وخلاص !!! ولكن المطر يركب الصعب ..

نزلنا العربية في التوكيل ..

ووقفنا مستنين حد يجي يكلمنا ..

لحد ما طلع واحد من جوة وقال ..

حمد لله على السلامة يا اساتذة ..

اوامركوا ..

حسام رد بيقوله انتا شايف ايه ؟

هو : انا شايف عربية عاملة حادثة ..

حسام : طيب ونبي غيرلي فلتر بنزين وربطلي العفشة !!!!!!!!!! يا عم جايبلك عربية بوزها في .....

متفتح مخك معايا شوية ..

وانا متأكد انه اكيد لو حد بيطلع من طريق مصر اسماعلية بإنتظام اكيد شاف الحادثة كانت كيا سيراتوا كوبيه لونها فضي ..

المهم واقفين في التوكيل تلفوني بيرن ..

انا : الو

الطرف الآخر : الو

طلعت الآنسة اكيد فاكرينها من يوم فرح احمد

هي : الأستاذ سيد ..

انا : اي نعم

هي : اخبار حضرتك ايه

(حط نفسك مكاني حد بيتصل بيك في موقف زي ده .. )

انا : تمام الحمد لله يا فندم بس هوة حضرتك جبتي تلفوني من فين ؟

هي : مش ملاحظ انه سؤال حضرتك في غير موضعه ؟

انا : لالا انا آسف حضرتك فهمتيني غلط انا اقصد الطريقة مش ليه

هي : ميخصكش انك تعرف , انا قولت اسئل واطمئن عليك من بعد الفرح لا اسكت الله لك حسا !!

انا : ابدا اصلي لسة عامل حادثة مع واحد صاحبي وواقف مش لاقي لافانتولين بتاعي والسكر كمان ها يبتدي يتشقلب معايا ويومي كله من اوله باين ..

هي : ايه ده ايه اللي حصل

انا : ابدا حادثة بسيطة يا فندم ..

هي : طيب انتا فين ؟

انا : في العبور عند ......

هي : طيب 10 دقائق وها اكون عندك انا كده كده عند كارفور ..

انا : طي انا منتظر حضرتك ..

انا : لو فيها بواخة ممكن تجيبيلي شوكولاتة كادبري معاكي

هي : يا حرام السكر عندك وطي السرعة دي ..

انا : لأ !!!!! بس عايز اي حاجة احلي بيها بقي ..

هي : ............................

مستمعتش رد الحقيقة هوة مش عارف الخط فصل ولا هيا اللي قفلت :d

ورجعت لحسام وببصلوا .. لقيتوا واقف مع مهندس التوكيل وجابولوا كشف بقطع الغيار وطلع الآلة الحاسبة وابتدى يحسب قطع الغيار ها تكلفه كام ..

(على شان كده انا بقى بمشي معايا كارت محل قطع الغيار ) عملت حادثة لا قدر الله

الو محل كذى الفانوس النهاردة عندك عامل كام :d

المهم الراجل قعد يرص لحسام ..

ده بايظ

وده منتهي

وده خلصان

وده وده

ببص لقيت على الآلة الحاسبة 22000 جنيه مصري فقط لا غير ده لسة من غير ضريبة ولا مصنعية :d :d

الحقيقة في اللحظة دي طلع من حسام رد فعل عيب اني اقولوا :d :d

وقعد يقول !!!

مش لو كنت قتلتوا كنت على الأقل بردت ناري !!!!!!!!!

وانا اقولوا تقتل مين يا عم انتا عايز تزهق روح بالسهولة دي كده !!!!!!!!!!!

المهم واحنا قاعدين بنتكلم مع المهندس وبنفاصل معاه ..

وصلت الآنسة ..

ايه ده !!

العرية مالها !!

الحقيقة هيا متعرفش حسام !!!!

وعمالة بتقول مين الحمار اللي عمل كده في العربية الجديدة !!!

حسام عمل نفسه مش سامع من اصلوا !!!

وحكيتلها على اللي حصل !!!

ووقفت مع حسام تاني لحد ما وصل لقرار نهائي الا وهو !!!!

ها يصلح ميكانيزم السيارة في التوكيل ولكن الإكسسوارات من مرايات ورفارف وغيره ها يعملها برة ولكن ميكانيزم في التوكيل فقط !!!

يني التانك !! والمقص وي وي وي

لكن مثلا المرايا ها يجيبها من برة !!

كذلك الرفرف يدوبك مطبق ودول عايزين يغيروه ..

والحقيقة مجابتليش الكادبري ( على فكرة انا عندي سكر اي نعم ولكن عاشق لحاجة اسمها شوكولاتة ) :d

المهم ..

خلصنا في التوكيل وحسام قاله توكل على الله من بكرة وها اجيب ديبوست من الفلوس بكرة ان شاء الله ..

وطبعا الإمتحان بتاع الدكتور ملحقهوش !!!

وقرر الدكتور حسام انه يروح الإمتحان بتاع الساعة 3 وان شاء الله يلحقه !!!

لكم ان تتخيلوا منظره وهوة اجنبي وبيركب المايكروباص ومش فاهم اصلا حتى يعمل ايه ههههههههههههههه

هيا بصراحة دحكت عليه وقالتله تعالا ها اركبك السوبر جيت :d :d :d

ههههههههههه

وقالتلي تعالا اوصلك !!!

المهم طالع انا فاكر كويس جدا المنظر ده !!!

طالع من تحت التنده ونازل من على الرصيف ..

حطيت رجلي على الأرض

ولقيت نفسي بقع علىالأرض!!!

مش فاهم فيه ايه !!!

عينايا ثقيلتين جدا !!!

وحاسس بعدم اتزان ودماغي ثقيلة جدا !!!!!!!!!!!!!!!!!

وصدري زي ما يكون عليه 50 طن !!!!

قولت بس دي ازمة قلبية :d :d :d

هههههههههه طلعت صدمة هههههههههههه

ركبوني العربية وطلعت بيا على اقرب مستشفى !!!

انا عند منطقة التوكيلات اللي في العبور !!

انا مش دايخ ولا فاقد الوعي ولكن حاسس بثقل رهيب !!!

اول مرة احس بيه !!!

جرينا على اقرب مستشفى !!

الحقيقة البنت دي حظها من اسوء ما قد يكون معايا !!!

وصلوني المستشفى !!

ودخلت على الإستقبال ..

البنت وصفت للمرضة حالتي !!

لكن ان تتخيلوا انه جه عليا اليوم !!! اللي بتسند على الأكتاف !!

المهم ..

ببص قدامي !!!!!!!!!!!!!!!!!!!!!!!!!!!!!!!!!!!!!!!!

مش ممكن !!!!!!!!!

لأ

دي غيبوبة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

انتا بتهرج !!!!!!!!!!!!!!!!!!!!!!!!!!

لالالالالالالالالالالالالالالالالالالالالالالالالا لالالالالالالالالالالالالالالا

طلع مين !!!!!!!!!!!!!!!!!!!!!!!!!!!!!!!!

الدكتور اللي واقف قدامي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

الدكتور بتاع جمال عبد الناصر اللي عملي عملية رجلي !!!!!!!!!!!!!!!!!!!!!!!!!

ههههههههههههههههههههههههههههههه

هوة بصلي كده !!!!!!!!!!!!!!!!!!!!!!!!!!!!!!!!!!!!!

انتا تاني !!!!!!!!!!!!!!!!!!!!!!!!!

وانا بقى اللي طالع عليا !!!

انا كويس

والله انا خلاص ها ابقى كويس :d

ونبي خلاص

عشان خاطري خلاص والله انا بقيت كويس !!!

بيقول ماله الكابتن ده

راحت الآنسة رادة عليه ..

لسة عامل حادثة من 3 ساعات تقريبا !!

لقيت الدكتور !!

جهزولي غرفة الأشعة !!احتمال في نزيف داخلي !!!!!!!

يا نهار ازرق !!

نزيف داخلي !!!

البتاع ده بيموت انا عارفه !!!!

وانا عمال انده على الدكتور

واقوله ..

بكرة بقى نكمل عشان الماتش ها يشتغل :d :d :d

وخلاص بكرة آخر حلقة في الجزء دهوها نبتدي بجزء !! ( حسام بيه "ده غير حسام ده واحد تاني اسمه حسام برضوا " )

[sayed911]

سيــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــد

الف حمد الله على سلامتك يا معلك، ايه يابني بقى اسيبك كام يوم يحصلك ده كلوا

حمد الله على سلامتك يا باشا و الحمد لله انها جت سليمة

ههههههههه ده نقص كالسيوم والله يا جبريل :d :d
الحمد لله على كل شئ ومتشكر جدا يا اخي ..

يا بشمهندس سيد ما فى الحلقه السابقه d: انت قولت ان حسام صاحبك لما مسك فى الدركسيون جامد جاب الراديو هتلاقيه جاب الاغانى ساعتها بقا ركز كده d:

تصدق صح :d :d :d
+ الكيا الدركسيون مالتي فانكشن :d :d :d
معاك حق :d :d
هههههههههههه انا بفكر وبفتكر معاك حق والله :d :d

اكتر حاجة بتجنني فهلوة الشعب المصري ساعة الحوادث و ياا سلاااااام لو شاب الي كان سايق .. اسمع احلي كلام بقي

زي في مرة خارج من شارع جانبي و داخل في شارع برضة جانبي

لقيت علي جي بيجري عليا و باصص وراه انا كنت ماشي علي 10 كم بالظبط وقفت بالعربية و هوب الواد لبس في المرايا عندي .. شفتة اتعورت بس ... سمعت احلي كلام بقي

مش تمشي بالراحة ,, دة مش شارع ابوك .. ارواح الناس مش لعبة

اراوح مين يا عم الحاج انا ماشي 10 كم !!!

و الحادثة الاخيرة بتاعتي

http://www.nilemotors.net/nile/212580-a.html (ميكروباص خبطني و جري :()

برضة اتغلطت .. شعب فتااااي

حمدالله علي السلامة يا ابو السيد ... و اسمك علي تويتر ايه ؟

صدقني اللي حايش امريكا عن اقتحام مصر خوفا على الجنود الأمريكان من اكتساب الفهلوة والعبقرية المعملية الفذة في الشعب ده :d :d :d
قريت والله الموضوع والف سلامة على حضرتك والحمد لله على السلامة :d :d
واسمي في التوقيع يا فندم :d :d :d
ده هناك من حوالي شهر :d :d

ده هيبقي فيلم جاااامد إحنا عندنا أفكار أفلام ندغدغ بيها هوليوود ذات نفسها
وممكن نستعين بالراجل إللي كان ع الموتوسيكل الريس الأخضر إللي شيرتهولك الصبح ع الفيس :))

الكرسي اتكسر تاني يا مصطفى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
وليه راجل من برة الحاج دياب عندنا هنا لو كلمناه في الموضوع ها يقتنع فورا :d d :d
انا عايز اعمل فلم مصري توتال ميد ان ايجيبت :d :d
حتى العربيات تبقى صناعة مصري مش ها نجيب حاجة من برة خالص :d :d
همتك معايا في اول مشهد بقى :d :d

اخييييييييييييييييييييييييييييييييييييرا .

بالنسبة للحادثه مع احترامي غباء من صاحبك انت شايف واحد بيعدي ومتردد فاتهدي خالص وخليه يخلص يعدي مش تعد تلاعبه يمين شمال

ولا بيناقشك abs قدام بس ....!!!

متفق مع حضرتك تماما !!!!!!!!!!
ولو حكيت لحوادث حسام اللي قبل كده ها اخليك لما تركب معاه تتشاهد من عبقريته انه بيبرر لنفسه انه دائما هوة اللي صح واللي حوله هما اللي غلط :d :d :d
بس هوة فيه نسبة 40% من وجهة نظري على اللي بيعدي عشان فيه حاجة اسمها كبري مشاه زي اللي بيعدوا الصحراوي بالضبط هناك معندوش حاجة نقول ماشي ولكن كورنيش اسكندرية مثلا ايه حجتهم :d :d

[osama.m]

اخيرا يا سيد ... الحمد لله على سلامتك
معلش بقالي شوية مش متابع معاك كان عندي حبة لخبطة كدا في البيت بس رجعتلك تاني و هزهقك زي الاول

[Xander2010_Evo]

الكرسي اتكسر تاني يا مصطفى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
وليه راجل من برة الحاج دياب عندنا هنا لو كلمناه في الموضوع ها يقتنع فورا :d d :d
انا عايز اعمل فلم مصري توتال ميد ان ايجيبت :d :d
حتى العربيات تبقى صناعة مصري مش ها نجيب حاجة من برة خالص :d :d
همتك معايا في اول مشهد بقى :d :d

ههههههههه بس ياعم متفكرنيش ده كان إسبوع إستغفر الله العظيم كل حاجة ماشية بالمقلوب
والناس عجباهم جدآآ صورة الكرسي :))
حتي ريبورتات الكلية مخلصتهاش غير إني إنطردت 3 مرات الإسبوع إللي فات فالسكاشن لأني وصلت متأخر
ربنا يستر في سفرية بورسعيد الخميس إللي جاي :S:S
والف سلامة ياعم مش كنت تقول إنك كنت بتموت خميس وجمعة كنا جينا سألنا عليك؟؟
Just Keep Remembering :Taikiudo
D:

[Xander2010_Evo]

[color="rgb(65, 105, 225)"]ومن حيث عربيات معمولة ف مصر
متقلتقش
مشروع جندوفلي فالطريق d:[/color]

[windofchange]

حمدلله علي سلامتك يا سيد وان شا الله تكون بخير ربنا يحفظك ويوفقك يارب

[tito_1980]

و الله انت ملكش حل بامانه انا مشفتش كوميديا بالمنظر ده و لا نحس اكتر من كده الصراحه ... بقولك ايه ابعتلي رقمك علي الخاص و كمان المواعيد اللي ممكن اكلمك فيها براحتي عشان عايزك في موضوع مهم

[Busquets]

أنا مش متعود على المشاركة فى المنتدى !! عشان العربى عندى بعافية شوية !
بس فعلاً موضوعك خلانى مجبر انى اشكرك !
الى عاجبنى اكتر انى شبهك فى حاجات كتير :) واولهم الجرى !!!!!!!
وبرده شوية مش خدوم ! مش عارف حاسس ان الموضوع هيقلب مشاكل نفسية ! بس انا ماصدقت الاقى حد عندو شوية حاجات زيى :)
بس كدا :)