سقوط علامة بروتون الجزء الرابع (سلسلة مواقف كوميدية)

[osama.m]

احب اطمنك يا سيد
لحد دلوقتي القطة الي عندي بتخضني .. عشان تبقى عارف بس .. انا بربي قطط من 3 سنين :d يعني المفروض اكون عديت المرحلة دي

[mhmdalsaadany]

ايه يا سيد الشجاعه المفرطه دي والله الواحد لو كان مكانك كان ممكن اتحبس بتهمخ ازعاج السلطات لاني طبعا كنت هنزل واسيب الشقه واتصل بالبوليس يطلع يلاقي الخرطوم واتحبس انا بقى

[sherif_taher]

الجملة اللي صاحبك قعد يقولها دي كفاية ...........:)

[زينة الله]

هههههههههههههههه سيد حواديت الحرامية دى لها ذكريات طويلة معايا

أول ما سكنا فى الاسماعيلية " فى التمانينات " ويدوبك لسه بتتعمر بعد الحرب ما خلصت وأعادوا أفتتاح القناة

الشقة اللى قدامنا أتسرقت ثم بعدها الشقة اللى فوقنا ثم الشقة اللى تحتنا !!!!!!!!!!

أنت عارف البنت اللى بينشنوا حواليها بالسكاكين فى السيرك هههههههههههههه

آخر بقى حرامى هرب مننا قبل الثورة بأسبوع ::::::::::::::::)))))))))

صحيت على صوت خروشة وتخبيط خفيف فى باب الجراج:):) ولقيت ماما كمان صاحية وسمعاه ::: نستنى شوية يرجع الصوت تانى وبعدين !!!!!!!!!

صحينا بابا ولما فاق كدا أخد سكينة وشكوش على ما أتذكر و نزل يشوف فيه أيه تحت .........

لف حوالين العمارة مالقاش حد ورجع نام :) :) بس والله كان فيه صوت :::: يمكن الحرامى هرب ... جايز

المهم الصبح بقى والدى بيفتح باب الجراج عشان يخرج العربية ........... بس ويلاقى أيه فى وشه

-

-

-

-

-

-

-

قط كبير يشبه النمر كدا خارج جرى من باب الجراج أول ما فتحه هههههههههههههههههههههه

وهو اللى كان بينط على باب الجراج بالليل وعايز يخرج بره

[sayed911]

ايوا كده يا جماعة الله يكرمكم طمنوني متحسسونيش اني كنت جبان واني مش لوحدي ده رد فعل طبيعي للموقف اللي اي حد كان ها يتحط فيه :d :d

[gebreel]

انا لما الاقي كلب جاي عليا ممكن اسيبلو الشارع كلوا و امشي من شارع ثاني بس الفيران دول حبايبي =) كانت اختي ايام الكلية بتجيبهم علشان تجرب الادوية عليهم بس الفيران البيضاء ولاد الناس دول =) كنت انا مسؤول التغذية بتاعهم و كنت بحطلهم الاكل في طبق فوم و بتاع يسيبوا الاكل و ياكلو الطبق و كنت مستمتع معاهم بس مرة يوم امتحان الاقتصاد و الاحصاء بتاع ثانوية عامة داخل الاحمام الاقيلك فرا طالع من التواليت و منكوش صرخت و قفلت باب الحمام عليه و مدخلتش الحمام غير بعد مالوالد حلفلي انو مش هيطلع تاني و انو شبه سخوا من كمية المية السخنة اللي رماها في البلاعة و التواليت

اطمن يا سيد انت مش لواحدك ههههههههههه

[saadelden]

هي مالها قلبت فيران كدا ليه :dd

احنا الي فادنا ان الشقق كلها فيها قطط و العماره حواليها قطط قد كدا
مره فار امه داعيه عليه دخل الشقه عند خالي راح القط أفشه و قعد يلعب بيه لحد ما مات :d

بعديها بشويه تقريبا واحد من نفس العيله كان داخل بيدور عليه ف القط افشه و قعد يلعب بيه لحد ما مات

هي دي ميزه القطط
المفروض بيصطادو اي حشرات ف الشقه بس فيه قطط كسلانه جدا

بس القط عندي امبارح لقيته قاعد بيطير ف الشقه
طلع كان بيجري ورا عنكبوت :d

[HOSSAM99]

السلام عليكم
موضوعك قوي جدا ما شاء الله و أنت شخصيه مصريه حت النخاع و عمري ما حسيت في كلمه واحده من كلامك أنك تأثرت بمعيشتك فتره كبيره في بلد أوروبيه
و علي فكره أنا من أوائل الناس اللي شافت موضوعك و من 150 اللي للأسف ميرودوش علي موضوعك ... لكن وعد بعد كده لازم يبقي فيه رد لأنه حقك و حق مجهودك
طمنا عليك و بالتوفيق و في نتظار الحلقات القادمه

[Xander2010_Evo]

بتفكرني بالشقة إللي قاعد فيها مع أصحابي ف إسماعيلية
نزلت أصلي الفجر ف يوم
ورجعت بقي لقيت الناس طفوا النور إللي ف مدخل العمارة (مش عارف ليه الذكاء ده ما الدنيا لسه مضلمة)
المهم طالع وأنا بنام أصلآ وانا طالع السلم فجأة
لقيت حاجة بتجري بين رجليا
وعارف صوت القط لما تخبطوا أو تدوس علي ديله بدون قصد
وسط الهدوء القاتل بتاع الإسماعيلية واللضلمة
مش عاوز أقولك كان هيغمي عليا وشعري بجد وقف من الرعب
أنا بكره القطط والكلاب بغباااااااء

[OmaR_FekrY]

وحياتك انا مكنتش بت في البيت اصلا

منا بس مرضتش علشان صورتى متتهزش قدام اخواتى البنات و يقولووا عليا جبان
لكن لو عليا كنت خليت الحاج يبيع الشقه
اكتر حاجتين اكرهم و اتقرف جدا منهم هما الفيران و البرص ياااااااااااع

[koke_lancer]

الله يرحمك يا .................................................. .................................................. ......................................

[iwantes350]

ابا السيد
يا سيدى عايز اقولك انى انا عندى رعب مميت من spiders وبالذات من النوع اللى بينط
اكيد عارفينه
شبه ده

شكله صعب ولو شفته من بعيد ممكن جسمي يترعش بشكل غريب واحس انى هرجع ولو موته
بقى لو اى حد لمسنى احس انه عنكبوت
ههههههههههههههههه جبان كيك
والكلاب كمان امبارح كنا نازلين بعد الفجر بنلف بالعربيات وكنت واقف بره لوحدى واصحابى راكبين ولقيت كلب غبي وجري ورايا قبل كده
انا شفته من هنا وركبت العربية عالطول وطبعا اصحابى ((ادى شباب الثورة اهم خايف من الكلب يا اخى ا ...............))
انا عملت فيها راجل رحت نازل من العربية وجريت وراه ههه لقيته جري ومشى
انا طولت عليكم

[sayed911]

الله يرحمك يا .................................................. .................................................. ......................................

متأسفين لإزعاج حضرتك يا فندم !!!

محدش شاف خط الصعيد ولا عنتر فجلة معدي يا جماعة !!!!!؟؟؟؟؟
كل واحد بيواجه مخاوفوا بطريقتوااللي شايفوا !!!
هتلر بجبرته ده كله كان بيخاف من الوحدة !!!! واهي امها حاجة تافهة !!! الخوف مش حاجة غلط !! الناس اللي بتدعي عدم الخوف هي اكثر الناس :d :d :d ........ يالله الحمد لله على كل شئ :d

[horas3000]

ايه يا جدعان
الموضوع قلب بيت زواحف كده ليه ههههه

[sayed911]

ههههه مش عايز تشاركنا بحاجة بتخاف منها يا استاذ حورس احنا في جلسة علاج جماعي اهو :d :d :d
انا اكتشفت انه خوفي من الفران مكنتش لوحدي :d :d