سقوط علامة بروتون الجزء الرابع (سلسلة مواقف كوميدية)

[mhmdalsaadany]

لا يا ابو السيد لا اسف ولا حاجه مش مشكله مره فلتت منك عادي يعني
المهم انت وحشنا جدا جدا
والراجل دا في منه كتير جدا جدا اسئلني انا
انا كل شهر بسافر مرتين بالطياره وشفت من دا كتير اوي

[gebreel]

هههههههههههههههههههههههههه متخيل المنظر لأني وانا رايح العمرة المرة اللي فاتت كان المنظر ده تقريبا حاصل و زايد عليه ان اطفالو كانو عمالين يعيطوا =)

و فكك من جو الاعتذارات و الحوارات دي يا عمونا رصيدكم يكفي

[horas3000]

أخجلتم تواضعنا يا عم سيد
و يا عم اسمي شريف فبلاش استاذ حورس دي
لما بتقولهالي بحس انك زاهي حواس ههههه

[AkramArafa]

YouTube - ‫ط£طظ…ط¯ ط£ط¯ظ… طŒ ط·ظ„ط¹طھ ط²ظƒط±ظٹط§ ظˆ ظ…طظ…ط¯ ظ‚ط¤ط§ط¯ - ظ…ط´ظ‡ط¯ ط§ظ„ط·ظٹط§ط±ط©‬‎
هههههههههه

[AkramArafa]

YouTube - ‫ط£طظ…ط¯ ط£ط¯ظ… طŒ ط·ظ„ط¹طھ ط²ظƒط±ظٹط§ ظˆ ظ…طظ…ط¯ ظ‚ط¤ط§ط¯ - ظ…ط´ظ‡ط¯ ط§ظ„ط·ظٹط§ط±ط©‬‎
هههههههههههههههه

[AkramArafa]

YouTube - Broadcast Yourself.
هههههههههههههه

[Xander2010_Evo]

بالنسبة لحكاية طاسة العربية دي كانت هتحصل معايا وبردو الراجل بتاع الكوتش قاللي هجيبهالك ومش عارف إيه
بس الحمد لله واحد صاحبي نبهني قبلها إنهم بيسرقوها
فقولتوا لأ بلاش وإضطريت أشتريها من الحرفيين ب 50 جند :@ :(
وبالنسبة للراجل بتاع الطيارة والله أنا لسه مجربتش شعور الطيارة علشان أحكم ع الراجل ده ولا معايا بازابورط حتي
بس شكل الراجل عندو فوبيا أصلآ d:

[saadelden]

كذا مره اركب طياره و يحصل حوار :d

اول مره اسافر لواحدي و كنت فرحان بقى و حاجز جنب الشباك ورا الجناح علي طول
قبل الاقلاع و الطياره ع المدرج لقيته بيقول نأسف لوجود عطل فني بسيط و هنتأخر 5 دقايق بس
ببص جنبي من الشباك لقيتهم جايبين العربيه ام سلم و طالعين قاعدين بيلعبو ف الماطور !!

طبعا انا شوفت الموقف دا و قعدت افتكر الافلام الوثائقيه الي شوفتها و الطيارات الي بتعمل حوادث بسبب حتت شريط لزق

فوقت علي صوت صويط !! ( ايه الرعب دا :d )
واحده قاعده قدام شويه و شافت المهندسين الي بيلعبو ف الماطور و قاعده تصوت و عايزه تنزل
هو العمر مش بعزقه بردو :d
المضيفات ( الي ركب طياران سعودي هيعرف انا بتكلم علي ايه ) كانو عاملين شغل جامد و قعدو يهدوها و يهدو الناس و جه الطيار و الدنيا هاصت و الناس كلها بقت تتكلم و الي يزعق و الي يتخانق و الي بتعيط و الي مش فارقه معاه

اتنين كانو قاعدين جنبي و بوظولي اعصابي خالص
دا ابن خالي مات في طياره و التاني يقوله عارف مش عارف مين يقوله اه يقوله دا قريبي و مات ف العباره
و استمر الحديث بتاع نص ساعه و لسه ما اتحركناش

شويه راح الكابتن رجع المقصوره و قال خلاص يا جماعه المشكله اتحلت و ان شاء الله مفيش حاجه هتحصل

خلال صعود الطياره تسمع الي بيتشاهد و الي بيكبر و الي بيعيط و الي بيلطم و انا قاعد مش قادر استوعب الي بيحصل و شايف حاجات غريبه بتحصل حوليا



بس عايز اقولكو ان دي كانت اهدى رحله طياران ركبتها في حياتي حتى هذه اللحظه
غير كدا مطبات هوائيه و ناس بترجع و حاجه صعبه اوي

( علي فكره الحكايه دي اول مره احكيها و ماقولتهاش لحد عشان اعرف اسافر طيران تاني :d
انتو عارفين الاهل و قلقهم الزايد الذات في الغربه )

الحمدلله علي كل حال

[sayed911]

بسم الله الرحمن الرحيم ..

عدنا !!!

معلش اصل امبارح كان يوم غريب عندي شوية !!!

نزلت مع حد من قرايبي وهوة كبير شوية في السن اوصلوا يقضي مشاويره عشان عربيته عطلانة !!!

لا يمكن ان تتخيلوا ك الشد العصبي اللي شفته منه !!

حاسب حاسب

بالراحة بالراحة !!

شوية شوية !!

وصلني لمرحلة اني في نص صلاح سالم وقفت وقولتلوا يا تسوق انتا يا تسيبني اسوق انا !!!

مش ممكن !!

حتى وانا بأركن تحت بيتي !!

بيتي اللي هوا بركن تحتوا بقالي 3 سنين !!

انا وانا برجع بظهري بطلع بالكاوتش الخلفي فوق الرصيف وبعدل وش العربية بنزل تاني !!

وانا برجع فضل يقولي باااااااااااااااااااااس طلعت فوق الرصيف !! جنني !! خلاني سرحت ورجلي شلتها من على الفرامل العربية ريحت على عربية قدامي !!!

حسبي الله ونعمل وكيل !!!

وفي الآخر نزل ولقى نفسه عيان :D عشان انا طول ما انا ماشي بالعربية التكيف عندي على 4 على طول برد حر ساقعة حر هوة انا حافظ مش فاهم التكيف مش بينزل حتى الى 3 هوا على 4 !!!

نزلتلوا اللوز ودرجة حرارتوا وصلت لـ 38 وزيادة كمان واللي متابعني على التويتر يعرف انا عملت ايه امبارح فيه :D

كذاب قوي !! ههههههههه

انتا زي الفل يا فندم :D

على فكرة انا مش عايز اقولكم المسمار اللي طلع من الكاوتش طلع قد ايه بسم الله ما شاء الله

حاجة كده يعني ترد الروح :D

انا منشن في مسمار قلاووظ بس مش ها اقولكم على الطول :D

وايه جي مرتكز داخل لحد الراس بتاعتوا ما بقت شبه مختفية تماما ..

اصله بجد ربنا سترها معايا :D

خلي بقى الأستاذ شريف او اسامة هما اللي ها يقولوا :D

مسمار تهتز له فلنكات النجارين سيد كان ها يروح في الكازوزة من مسمار !!

انا في البداية توقعتها انها عبارة عن مؤمرة من احد الدول الشقيقة لأنهم اكتشوف فيا بذرة عالم !!!

ولكن هيهات !!!

هيهااااااااااااااااااااااااات

دمي فداء لمصر وللعروبة !!

ب هوة انا اصلا بعرف اعمل حاجة عشان اكتشف حاجة عشان يقتلوني !!

يمكن عشان تصريحاتي السياسية !!

عليا النعمة ما قولت اكثر من انه ازاي الإمارات هيا اللي ترفض زيارة عصام شرف لأسباب مش عايز حتى اذكرها لحسن الناس تفتكرني بهول وبسخن الدنيا !! موصلناش للدرجة دي !! امال في الحمقة اللي كنا شايفينها ايام الثورة والـ 5 مليار اللي كانو ها يترموا عليها !!وسمير رضوان اللي طالع بيلف على 10 مليار !!! احنا قاعدين بنهبب ايه في يومنا !!!

عليا النعمة انا لو قلت اللي عايز اقوله ها اطلع بتذكرة خروج بلا عودة لخلف الشمس مع انه التوكيل ده اتسحب من مصر ب مش عارف بقى اهو حاجات تفقع المرارة والله العظيم !!

اه صحيح محدش يعرف الصيفة اللي المفروض دكتور العيون بيكتبها عشان يسمح بإضافة الفيميه على الرخصة الصيغة بتبقى ايه بالضبط ؟

(متخدوش في بالكم القفز من موضوع لموضوع رجع تاني )

المهم نرجع لموضوعنا تاني ..

حد سمع عن موضوع الثري العربي اللي اشترى ملابس كورنيكوفا بـ 30 الف دولار !!!

تعليقي الوحيد بس هوا حسبي الله ونعمل وكيل !!

والله العظيم انا بقالي 30 دقيقة مش بقول غير كلمة حسبي الله ونعمل وكيل !!

انا الـ 30 الف دولار دول تكلفة تعليمي الجامعي كله !!!

يا رب تكرمني وما قابلش شخصية من الشخصيات دي يا رب لأني لو شفت واحد بيبعزق مبلغ زي ده قدامي !!!

رد فعلي ها يكون اني محتاج بكرة الصبح جواز سفر جديد وعلى اثينا يا معلم !! عشان انا كده ها اكون فقدت الأمل في العالم الثالث بحاله !!

يا جدعان لو حد متابع قسم بروتون ومتابع موضوع الصيانة بتاعي انا كنت بعمل صيانة يوم الخميس وكان واقف قدامي احد اعضاء نايل موتورز لمدة لا تقل عن الـ 45 دقيقة وهوة حاطط الإستيكر ولكن لم تتملكني الشجاعة من اجل ان اذهب واتعرف عليه من هو :D

شفتوا انا وصلت لأيه الأستاذ يحيا طلع يعرفني :D

ولكن مجاش في بالوا انه انا سيد بتاع نايل موتورز :D

خلينا ناخدها قاعدة بعد كده ..

اي حد يلاقي عربية بروتون ساجا سودا يوقف صاحبها فورا ..

ويقولوا انتا اسمك ايه يا كبير ..

طلع اسمه اي حاجة تانية تقولوا انا متأسف لأزعاج وتستحمل الكلمتين اللي ها يقولهوملك ..

طلع اسمه سيد تروح لاطشه بالقلم على طول وتقوله انا كذى :D :D

خلينا نكسر الجليد بقى :D

وكفاية تنطيط من موضوع لموضوع بقى اثبت ابوس دماغك !!

حد قالكم اني كنت عامل حوار انهاردة لمدة 80 دقيقة كاملة !! مع احد ابرز الشخصيات في الوطن العربي

شخصية اثرت في حياتنا كلنا وانا اولكم !!

شخصية انا شخصيا بأكنلها كل الود والإحترام !!

الشخصية دي تبقى

قريني !!

ايوا قريني !!!

( شايفين الغرور هههههه قالك اثرت في حياتنا كلنا ههههههه والله انا والدي طول عمره مصمم انه اخرتي ها تبقى في .... ولا بلاش )

فكروني الجزء الجي يبقى عن حواري لقريني ده لأنه ده طلع دمااااااااااااااااااااااااااااغ !!!

(ومن غير ما حد يقول سيد ضرب وسيد اتجنن هوة طول عمره كده هههه ولكن يمكن لما قعد يتكلم مع الشخص ده اكتشف جوانب اجابية وسلبية منيلة بستين نيلة تانية )

المهم نرجع لقصتنا تاني ..

الطيارة جريت على الران واي !!

وارتفعت عن الأرض ..

وعلينا شوية في الجو ..

والراجل ده كل شوية صوته عمال يعلا يعلا يعلا !!

لحد ما المضيفة قالتله يا سيدي الفاضل لو مش خايف على توتر الركاب خاف يا سيدي على توتر الأطفال اللي معاك والنوبة العصبية اللي ممكن تسببهالهم !!

انا مش فاهم اصلا هوة كان خايف من ايه !!!

دول همة كلهم ساعتين زمن وبنبقى في المطار امال لو مسافر مثلا جنوب افريقيا 18 ساعة ولا نيويورك ولا التانية دي اللي 22 ساعة !!! ده كان نطلنا من الطيارة بقى على كده !!

المهم صاحبي جه من ورا وقعد جنبي شوية !!

كان بياخد مني الأيبود عشان يسمع فيه قرآن فحكيتله على الراجل اللي جنبي ده !! قالي بس سيبهولي يا معلم !!

قولتله ها تعمل ايه !!

قالي بس فاكر محمد هنيدي !!

قولتله اه

قالي بس انا ها ادالعه !!

يا عم اهمد !!!

يقولي بس اتقل انتا بس

وانا اقوله يا عم اهمد !!

بيقولي واد يا سيد هيا الطيارة دي مش من طراز بوينج 777 ؟

انا قولتله آه

!!

قالي مش الطيارة اللي انفجرت بالكابتن البطوطي كانت من نفس الطراز !! ؟

قولتله مش فاكر بصراحة بس مصر للطيران غالبية طائراتها بوينج !!

ونادر جدا انك تلاقي طراز ايرباص لأنهم بيشتروا طيارات الأمريكان مش فاهم ليه مع انه طائرات الأوروبين من وجهة نظري انضف 100 مرة !!

يا عم انا مالب انضف ولا مش انضف !!

بس هما لحد دلوقتي مش عارفين سبب انها وقعت ايه ؟

انا مش عارف ب عندي ترجيحات !!

خليها لنفسك يا خويا بس الأمريكان مش قد كده في الطيران برضوا ..

ده حتى بص يا عم الجناح بره بيعمل ايه وبيرقص ازاي !!

(كانت الطيارة بتاعمل اير ديتراك والجنيحات مقلوبة )

لقينا الراجل عمل نفسه بيبص من الشباك وراح باصص على الجناح

صاحبي قالي بس كده انا اصطتوا وعرفت انه رامي ودانوا معانا ..

على فكرة انا افتركت دلوقتي حالا موضوع عايز احكيلكم عليه !!

مشعارف ايه اللي جابه في دماغي دلوقتي ولكن انا ها اتجنن واحكيه بما انه خلص وآخد رأيكم فيه !!

اللي حصل كالآتي ..

انا من سنة وسوكة نزل اول ما نزل البلاك بيري في مصر ..

روحت جبته من موبينيل !!

ولأني كنت لسة بايع الأي ميت فكت بدور على حاجة في نفس الكاتيجوري من التوكنولوجيا !! (ومحدش يتريق على نطقي ليها كده )

المهم ..

احمد اخويا وكل الناس اللياعرفهم برة مصر كانه جايبينه من فترة !!

فقولت فرصة اني اتوصل معاهم ..

فكان فيه عرض من شركة موبينيل اول ما نزلت الخدمة اللي هيا تفعيل الخدمة بـ 25 جنيه كل شهر وليك 30 ميجا وبعد كده الميجا بجنيه !!

قولت آمين !!

اشتركت اول شهر وثاني شهر ..

وثالث شهر !!

نسيت اصلا اني ادفع !!

من اساسوا !!

ولأن الإتصالات حط والفودافون خط فكان عندي الموبينيل ده كارت لأنه بتاع العامة ومع كلالناس فالعادي اني مش بتكلم منه فمش بحط فيه كريديت !!

المهم ..

جيت عند ثالث شهر ونسيت اجيب كرت شحن !!

والموظفة كانت منبهاني انه العرض ده ساري لمدة سنة وانه لازم اجدد انا من نفسي كل شهر والا العرض لو سقط لا مجال للإشتراك ثاني في العرض !!

المهم !!

انا كنت حاسبها بالورقة والقلم وطلع العرض ده فعلا موفر جدا !! لأمثالي اللي بيهلكوا الموبايل معاهم ..

المهم نسيت في ثالث شهر ..

وعدى 4 -5 ايام ..

كل يوم بدخل على الـ BBM واكلم احمد اخويا واصحابي برة مصر وعادي جدا والحياة وردية !!

لحد ما جيت بعمل منه مكالمه لقيته بيقولي رصيدك نفذ !!!

طيب جميل !!!

الله !! نفذ ازاي !!

ده نافذ بقاله كام يوم !!

طيب والخدمة والعرض!!

ده مسحبش ولا جدد !!

راحت الخدمة يا ابوالسيد !!

الله طيب ازاي مانا لسة مكلم احمد اخويا منها !!

ولسة كت قاعد على الفيس !!

قولت يمكين مسألة اجراءات يومين ولا ثلاثة وها يتوقفوا !!

والله العظيم !!

والله العظيم

والله العظيم كمان مرة !!

انا قعدت سنة كاملة !!

سنة كاملة بالتمام والكمال بأستعمل جميل خدمات الإنترنت والبلاك بيري بدون دفع مليما احمرا ولا ازرقا ولا الهوا !!

سنة كاملة ماشي بالـ MSN & yahoo و كلالأبليكيشنز بتاعت البلاك بيري شغالة بدون جنيه يا عالم !!

والله كمان مرة كنت بأجره لأصحابي في الجماعة وفي الشغل الساعة بجنيه اللي عايز يفتح الميل :D :D

دناوة ( كنت بسيبه آه لكن موصلتش لمرحلة التأجير دي بصراحة )

انا كنت وصلت لمرحلة أنه كل النا بتحقد عليا احمد اخويا نزل مصر وكان بيدفع والخدمة كانت عنده زي الزفت !! وكان طول الوقت يقولي !! طول ما البلد دي فيها امثالك عمرها ما ها تتحسن !!

المهم الخدمة اتقطعت اول شهر 3 اللي هوا كده كانت تمت سنة على العرض !!!

وانا مكونتش عارف انا زي الأهبل فاكر انه التلفون حصلت معاه مشكلة في التسجيل على الشبكة وانه الخدمات دي ها تفضل عندي طول العمر !!

والله انا كنت جايب الموبايل بـ 2000 جنيه واحد صاحبي كان ها ياخد الشريحة بالموبايل بـ 3500 جنيه عشان بس الخدمات شغالة كده وكان ممكن اوصلها لـ 4000 جنيه بكل بساطة يعني ها اكب 2000 جنيه كاملين :D

بس الواحد كان اصلا مسترحم انه بيتعملها بنفه اقوم ابيعها كمان :D

جت الخدمة وقفت ..

لكن ان تتخيلوا عملت ايه ههههههههههه

روحت شركة موبينيل زي الباشا

وقعدت ازعق واهلل وازاي واهلل واعمل !!

واندهولي المدير اازاي بقى اللي بيحصل ده انتم شركة مستهترة انتم شركة مفيش مبدئ ازاي العملاء يتقطع عنهم الخدمة بالطريقة دي :D :D

انا عايز اقولكم اني في نص الكلام افتركت انه العرض كده كان تم عليه سنة وان النة خلصت واني اتسعملت النت كان المفروض ببساطة اني ادفع في السنة دي 25 X 12 = 300 جنيه !! دع غير اني اكيد كنت بفرتك الـ 30 ميجا دول ومش بيأكلوني عيش خالص !! فلكم ان تتخيلوا انا كنت بتهلك بكام في الشهر :D

اخويا عمال يزن على دماغي اني اروح اقدم شكوا انه ازاي الشركة نايمة على نفسها بالطريقة دي واني من حقي من هنا ورايح اشكك في كل جنيه الشركة بتدفعولي واعرف ادفع في ايه ورايح فين ولمين انه لما شركة فضلت نايمة على نفسها انه مغفل زي حالاتي سرقهم لمدة سنة وهمة ولا همة هنا يبقوا محتاجين اعادة نظر حالهم حال كل شركات المحمول في مصر !!

اخويا مصمم انه اللي عملته ده غلط وانه لازم اتخذ اجراء ضد نفسي اصلح بيه اللي عملته وهوة مقتنع بصراحة الى حد ما .. برأيكم ما هو الصح اسكت واحط لساني في بقي واخر ولا اتكلم واقول الزتونة والفولة ؟ واستحمل اللي يجرى ؟ مع العلم اني لو اتكلمت ها تاكلم من جانب المخطأ مش من جانب احمد اخويا اني بأطالب بتعويض عن الإستهتار بالحسابات..

[sayed911]

اللي عايز يمعني كلمتين او يأنبني كلي آذان صاغية ..

[2faster]

لكن ان تتخيلوا عملت ايه ههههههههههه

روحت شركة موبينيل زي الباشا

وقعدت ازعق واهلل وازاي واهلل واعمل !!

واندهولي المدير اازاي بقى اللي بيحصل ده انتم شركة مستهترة انتم شركة مفيش مبدئ ازاي العملاء يتقطع عنهم الخدمة بالطريقة دي :D :D

انتا بتكدب يا ابو السيـــــــــد

[amr.mostafa]

طب انا اتحداك تقرا اللى انت كاتبه وتفهمو ,,,!!!

انا جالي حول في مخي

[osama.m]

يابني انت مكانش ليك تاكل فوول اصلا .. اية اللي انت كاتبة دا يا سيد
هو الحب بيبهدل اه بس مش للدرجة دي يابني

[sayed911]

لا ولسة ده انا ها اخليكم زيي كده بالضبط هوة كورس 6 اشهر ها اخليكم عاملين زيحالاتي :d :d
على فكرة انا موضوع التنقل من موضوع لموضوع ده موجود عندي حتى في الحقيقة ممكن نكون بنتكلم احنا الإتنين في موضوع وهب تلاقيني حولت بيك على حاجة تانية خالص :d
وبصراحة

انتا بتكدب يا ابو السيـــــــــد

هوة عشان انا كائن مستأنس متخيل اني مش بعرف ازعق ههههههههههههه لا بقى انا ساعة الفلوس معنديش ياما ارحميني :d :d انما ايه اللي خلاص تشك فيا :d :d ??

طب انا اتحداك تقرا اللى انت كاتبه وتفهمو ,,,!!!

انا جالي حول في مخي

الف الف الف الف مبروك يا استاذ عمر كده انا اطمأنيت انه اول واحد نجح في الكورس حضرتك :d d
شهادتك ها تكون جاهزة في خلال 10 - 15 سنة ان شاء المولى عز وجل ..

يابني انت مكانش ليك تاكل فوول اصلا .. اية اللي انت كاتبة دا يا سيد
هو الحب بيبهدل اه بس مش للدرجة دي يابني

والله يا اسامة انا مش باكل فول اصلا :d
لأسباب صحية انا ممنوع من الفراولة والحليب ومعظم مشتاقته والجوافة وغالبية الأسماك والفول و و وو و حاجات انا حتى مش فاكرها :d والله يا اسامة مش حب ولا حاجة ب تقدر تقول انه الفراغ اللي بيتولد عند الإنسان ساعات بيخلي ربع يضرب :d

[Xander2010_Evo]

والله يا اسامة انا مش باكل فول اصلا :d
لأسباب صحية انا ممنوع من الفراولة والحليب ومعظم مشتاقته والجوافة وغالبية الأسماك والفول و و وو و حاجات انا حتى مش فاكرها :d والله يا اسامة مش حب ولا حاجة ب تقدر تقول انه الفراغ اللي بيتولد عند الإنسان ساعات بيخلي ربع يضرب :d

أنا بردو عندي مشكلة بس في مشتقات الحليب والفراخ
عاااادي يابو السيد الواحد لما بيقعد لوحدو بتحس نفسك عاوز تعمل حاجات غريبة بالنسبة للناس العادية
والنت من الوبايل والكلام ده لك أن تتخيل
أنا كنت تقريبآ داخل يجي سنة بردو ببلاش كده من فودافون بإستخدام بقي أيبيهات وبروكسي "المهم سرقة من الآخر"
وعملت سكور حلو يجي 40 جيجا داونلود ع الموبايل
طبعآ الكارت بيتملي بفضيه ع الكمبيوتر ...عااادي وهكذا لحد ما زهقت وحسيت إن العملية هتوسع
رحت مبلغهم بعدها بشهرين قفشوا الناس إللي كانت بتدخل ببلاش
ومنهم أنا وفاكر إن مرة شحنت كارت ب 10 سحبوه كله بدون أي كلام أو تفسير
قولت يلا آآديني برد الدين إللي عليا
وبس ياسيدي وقامت معيطة