لا يشرفني ان نكون كلنا ( خ.س ) و كلنا عارفين

[رزق]

بالنسبالي خالد سعيد رمز لبطش وتنكيل النظام السابق والشرطة ليس الا أنا معرفوش ولا بتفرج على أي حاجة موضوعها عنه
ميهمنيش هو كان إنسان تقي فاشل ارهابي مصلح قاتل فاعل خير قواد - دي ولا تفرق معايا في حاجة
هو عند ربنا وهو حيحاسبه

[hobiko]

اعتقد ان المشكله لغويه محضه
في صفحه طلعت علي الفيس بوك بعد وفاه بن لادن اسمها كلنا اسامه بن لادن فهل هم يقصدوا انهم يفعلون ما يفعل او ان كل اعماله صواب
لا ولكن المقصود ان طريقه استهدافه و موته لا تليق بانسان ناهيك بمسلم
كذلك موضوع خالد سعيد (مع اني مش فاهم ليه مره واحده مواضيع كتير عن خالد سعيد مع ان ذكراه عدت من كام يوم يعني) ليس المقصود اننا كلنا نريد ان نفعل مثل خالد سعيد
ولكتن طريقه استهدافه واعدامه والكذب الفج والتكبر الواضح والمغالطه الصريحه من اجهزه الامن يومئذ كانت الظلم بعينه
فالاعتراض كان علي الظلم وقتل النفس التي حرم الله ولذلك يقال مجازا كلنا فلان (والتعبير الرباني سابق الي هذا من قتل نفس بغير نفس الايه)
وكذلك كلنا حمزه الخطيب (الطفل الشهيد من سوريا) وخلافه

اما عن الفيديو (ناهيك عن التلفيق الواضح في صوره اخيه بالطاقيه اليهوديه وهو مزوره والصوره الاصليه منشوره ) فهو تشويه لسمعه انسان مات واسرته وتكفير لاخيه واتهامه في عرضه وهذا مما لا يرضي به مسلم ناهيك ان ينشره (ناهيك ان اليهوديه ديانه لا تعتنق اصلا بل تورث من الام فلا يوجد شعيره معينه لاعتناق الدين اليهودي ولكنه الجهل)
وكذلك (تحيا اسرائيل وتجيا الثوره) عنوانا للفيديو (وان كنت لا احب الصغائر ولكن لنتصاغر هنا لسد الذرائع ) ولا اظن احد يقبل ان يربط نجاح الثوره باسرائيل او ان يقال تحيا اسرائيل بين اظهرنا وان كنا لا نريد سماع ذلك فما بالك بنشره

وفي النهايه هناك انسان قتل عدوانا وظلما وعلي هذا تدور الامور لا علي سلوك الشخص نفسه

من قال ان اعضاء صفحه خالد سعيد هم من قاموا بالثوره ويعتبروه رمزا
اذا كنا سنتكلم عن التخطيط الميداني فمن قام بالثوره وخطط للتظاهر
شباب 6 ابريل تحت قياده احمد ماهر
شباب الجمعيه الوطنيه للتغيير تحت قياده مصطفي النجار
شباب الاخوان
شباب الاشتراكيين
حركه حشد
الحركات العماليه (نسيت اسم الرجل البشوش بتاعهم اخر اسمه عطيه بحس بارتياح لما يتكلم)
شباب حزب الجبهه
الالتراس اهلاوي وزملاكوي
وغيرهم وغيرهم
صفحه خالد سعيد جه منها اقتراح اليوم بس
وكانت في صفحات اكبر منها في العدد بتساعد
عصير القصب المصري مثلا
وغيرهم
لكن يوم 25 كان عشان الشرطه تحديدا
ولا كانت الشرطه قبل 25 زي الفل

الله يفتح عليك ...... إنت ماسبتليش كلام يتقال أصلاً


أحسن حاجة في الثورة دي ..... انها كانت من غير قائد ملهم


بعض الفئات ...... بتحاول تشويه صورة أي حد كان في الثورة ..... ليه مش فاهم ؟؟؟؟ لمصلحة مين ؟؟؟؟



بدأنا بوائل غنيم ...... و حركة 6 إبريل ..... و شباب الثورة ....... و دلوقتي خالد سعيد


و بعدين مرة واحدة ...... إنهاردة مواضيع عن خالد سعيد ...... و قبلها موضوع عن القتلى في المشرحة من أيام الثورة و تم إكتشاف انهم سجناء

[تامر.محمد]

طلب صغير يا باشمهندس حاتم
يا ريتك تجيب لنا صورة خالد الله يرحمه قبل و بعد التشريح
هاتلاقي صورة واحدة قالت الداخلية انها صورته بعد التشريح , و قالوا ان ما عندهمش صورة له قبل التشريح علما بأن القانون يقتضي تصويره قبل و بعد التشريح
و عليه
الاجرائات القانونية نفسها هي اللي بتقول ان صورة خالد الله يرحمه دي كانت قبل التشريح , و بالتالي فهو مات نتيجة للتعذيب البدني المفرط و ليس ابتلاع لفافة بانجو كما قيل (و جريت ناس كتير تصدق لأنه على هواهم)

حتى لو كان متعاطي للمخدرات
لا يجوز ضربه ضربا عاديا , ما بالك بضرب يفضي الى الموت ؟
بل ان بعض العلماء صرح بكفر من يقوم بالتعذيب على حد علمي

كلنا معرضين اننا نكون مكان خالد سعيد
و بالتالي
كلنا خالد سعيد

شكرا

[araberphilosoph]

المراد ان نكره الثوره وتحن نفوسنا للجلادين
ان عشت فعش حرا
او مت كالاشجار وقوفا

[hobiko]

وانا اعتبر ما يقال عن شخص ميت وتشويه سمعته هو واسرته
انهيار اخلاقي

+1111111111111111

كنت عايز أعرف رأي الدين من الإخوة المتبحرين في علوم الدين في الموضوع دة

[م. حاتم السباعي]

انا جيت اهه يا اخواني الاحباب
و ان شاء الله هتابع الردود كلها و هقر و اعترف علي طول
تحياتي للجميع

م.حاتم السباعي

[yousef1978]

م السباعي

أنا فاهم من موضوع حضرتك
1- أنت لا تنفي أن خالد سعيد مات ظلما
2- أنت ضد الظلم بصفة عامة سواء لخالد سعيد - رحمه الله - أو غيره
3- حضرتك متخوف فقط من أن يعتقد الجيل القادم من ان يعتبروا خالد سعيد هو قدوة في سلوكه وتصرفاته
لكن أحب اوضح لحضرتك واطمنك إن غالبية المشتركين في هذه الصفحة هم يعتقدون ان خالد سعيد هو رمز لمواطن مصري ظلم وعذب وقتل بغير ذنب يستحق عليه ذلك - مثل محمد البوعزيزي بتاع تونس - فحتى الشيخ القرضاوي ترحم عليه ولم يتطرق إلى أن الفتى ارتكب جريمة دينيه وهي الإنتحار ولكنه نظر للجانب الآخر من القضية وقال إن الذين يجب أن يحاكموا هم من اوصلوا شباب الأمة أن يخرجوا وينتحروا او يحاولوا الإنتحار وقال نرجو الله أن يغفر له هذا الذنب وان يشفع له أنه كان سببا في ثورة أحيت الأمة

اما سلوك وتصرفات خالد سعيد فاعتقد أنها لاتهم أحد - وفي الآخر نتمنى له الرحمة وأن يتقبله الله شهيدا قتل ظلما رغم أنفه

[araberphilosoph]

هو انا مش عايز اتفلسف ولا حاجه بس في طائفه معينه في مصر بتفكرني بنظريه درستها في كورس للاهوت البروتستانتي في الجامعه بتتكلم عن الخاكم والفوضي
النظريه بني عليه مارتن لوثر موقفه تجاه حركه الفلاحين ايامه اللي وقف فيها ضد الفلاحين المطالبين بحقوقهم وعمل عليه بناء لاهوتي متكامل
ملخص النظريه
ان الفوضي من الشيطان والشيطان ضد الله وان يكون هناك حاكم ولو مستبد وظالم و و اقرب الي الصواب من اي فوضي ولو كانت صغيره
واي تضحيات بين عامه الناس تقع اهون من انتشار الفوضي او عدم وجود راس عليا للجامعه
المهم ان يكون هناك راس ما وهذه الراس يجب خدمتها باي شكل (ده كان احد اسباب رعايه الكنيسه البروتستانيه للنازيه عكس الكنيسه الكاثوليكيه)
وكنا درسنا ان هذا الفكر مرتبط بكل نظام ديني مهما اختلفت مركباته (انا طبعا كنت باعترض وان الاسلام لا توجد فيه هذه الظاهره نعم هناك علماء سلطان ولكن نظريه وجوب وجود الراس مهما كان تصرفه مرفوضه لا هناك قواعد يسير عليه الجميع في الاسلام)
لكن اظن عندهم حق
ده موجود في كل نظام ديني
وللاسف تسرب الي المسلمين
واسفى

[م. حاتم السباعي]

خ. س.

إحنا وصلنا للدرجة ديه

حسبي الله ونعم الوكيل

اللهم اعطي كل واحد بما يحمله ضميره
و حسبنا الله و نعم الوكيل ( فعلا )


م.حاتم السباعي

[AmAhmed]

ياجماعة القضية مش عارفين ياخدوا فيها حكم
لو حكموا لدول التانيين حيزعلوا و العكس الصحيح
فبدأت الحملة لتشويه الطرف الغلبان الضعيف
يعني هي لفة البانجو ضربته و شلفطت وشه و كسرت له اسنانه و فكه

سنفقد كل شئ خطوة بخطوة حتي ينهار كل شئ علي دماغ الكل المتكبر والضعيف ليصدق قول نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].

[misoalex]

سؤال لصاحب الموضوع لو حضرتك زعلان مثلا ان فرضا (خ س ) الله يرحمه كان بيشرب مخدرات فعلا

مين فى مصر مبيشربش او مشربش مخدرات ؟؟؟؟؟؟؟؟؟
هى مش دى كانت وسيله النظام السابق لتخدير العقول عشان الشباب ميصحاش ويعمل اللى عمله ؟؟؟؟؟؟؟؟؟

[araberphilosoph]

ايتاذ هاجان
مستنين رد حضرتك

[م. حاتم السباعي]

اعتقد ان المشكله لغويه محضه
في صفحه طلعت علي الفيس بوك بعد وفاه بن لادن اسمها كلنا اسامه بن لادن فهل هم يقصدوا انهم يفعلون ما يفعل او ان كل اعماله صواب
لا ولكن المقصود ان طريقه استهدافه و موته لا تليق بانسان ناهيك بمسلم
كذلك موضوع خالد سعيد (مع اني مش فاهم ليه مره واحده مواضيع كتير عن خالد سعيد مع ان ذكراه عدت من كام يوم يعني) ليس المقصود اننا كلنا نريد ان نفعل مثل خالد سعيد
ولكتن طريقه استهدافه واعدامه والكذب الفج والتكبر الواضح والمغالطه الصريحه من اجهزه الامن يومئذ كانت الظلم بعينه
فالاعتراض كان علي الظلم وقتل النفس التي حرم الله ولذلك يقال مجازا كلنا فلان (والتعبير الرباني سابق الي هذا من قتل نفس بغير نفس الايه)
وكذلك كلنا حمزه الخطيب (الطفل الشهيد من سوريا) وخلافه

اما عن الفيديو (ناهيك عن التلفيق الواضح في صوره اخيه بالطاقيه اليهوديه وهو مزوره والصوره الاصليه منشوره ) فهو تشويه لسمعه انسان مات واسرته وتكفير لاخيه واتهامه في عرضه وهذا مما لا يرضي به مسلم ناهيك ان ينشره (ناهيك ان اليهوديه ديانه لا تعتنق اصلا بل تورث من الام فلا يوجد شعيره معينه لاعتناق الدين اليهودي ولكنه الجهل)
وكذلك (تحيا اسرائيل وتجيا الثوره) عنوانا للفيديو (وان كنت لا احب الصغائر ولكن لنتصاغر هنا لسد الذرائع ) ولا اظن احد يقبل ان يربط نجاح الثوره باسرائيل او ان يقال تحيا اسرائيل بين اظهرنا وان كنا لا نريد سماع ذلك فما بالك بنشره

وفي النهايه هناك انسان قتل عدوانا وظلما وعلي هذا تدور الامور لا علي سلوك الشخص نفسه

انا اتوقع كده اننا غير مختلفين في المعني
ان حضرتك ( لا تنكر عن الشخص ما سمعناه ) لكن موضوع رمز انه انسان ظلم ( ارجو ان نخرج بس عن موضوع اسرائيل و الاخوه دي لاني و الله لم اشاهد هذا الفيديو ) انا شفت فقط فيديو الشهود و قبله عندي معلومات من المنطقة نفسها لان لي اقارب يسكنون المنطقة و طوال الفترة الماضية لم اكن لاتكلم و لكن كنت احزن لما اشوف شباب كتير بيعتبرو انه ( رمز للثورة ) و ده في رأيي و رأي اهلي و المحيطين بي ليس صحيحا علشان كده اتكلمت
لكن انا ايضا اختلف علي تشبيه الناس برمز ( بن لادن ) لان بن لادن لم ينفي انه هو او جماعته غير مسئولا عن هجمات كتير استهدفت مدنيين
و انا حتي الان غير مختلف مع حضرتك و لكن ان يكون ( فرد ) رمز لثورة و تأتي الايام و يعرف ( مثلا ) ان هذا الفرد به شبهات حوله ( هل يستمر في رمزيته التي استحقها لكونه مظلوما 100 % ) هذا هو الخلاف
لما مثلا نكون كلنا في سجن ( مساجين يعني ) و ادارة السجن بتضرب فينا ( اكيد هيه ظالمة ) لا خلاف فلما واحد فينا يقاوم مثلا هذا الظلم و يموت و ينكل به نستطيع ان نجعله ( رمز لنا ) مهو واحد مننا لا غبار في ذلك و الناس اللي بره السجن هيزعلو عليه و يروحو يشتكو الضباط و يحاكموهم و لكن ( لا يعتبرون هذا الفرد ( رمز ليهم )

ايه غرضك من الموضوع يعنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غرضي يا فندم ان الزمن يمر و الناس اللي بتحضر المواقف بينسو و بيموتو و بتتوه الحقائق لو لم تسجل
فيجعل مثلا مع الزمن ( افراد ) لا يستحقون ان يكونو اعلاما فلو ان كل واحد اخذ حقه ما نافقه احد و ما كابر احد يبقي يرجع الحق لاصحابه و علشان ميجيش اليوم اللي تلاقي فيه حضرتك ( شوف انا بستخدم كلمة حضرتك ازاي ) علشان متلاقيش ابنك او احد شباب عائلتك مثلا مثلا ( متعاطي للمخدرات ) و يقول لك و ماله مهو فلان ايام جيلك كان كده ( و علشان اذكرك بس بحاجة بسيطة كده مع ان الامثلة كثيرة
اظن لا خلاف ان كثيرا من ( الممثلات المسميات ) بالفنانات فترة الستينات و السبعينات كثيرا منهمن تعرو و شاركو في افلام سيئة ( بغض النظر ان منا من ينكر اصلا التمثيل ) لكن لو حتي التمثيل بدون تعري كان يمكن الامر يبقي خفيف المهم ايه بقي اللي حصل ( اللي حصل ان ) هذه السيدات عديمي الاحترام و الفاتنين المؤمنين و المؤمنات و بينهن كثيرا لم يتوبوا علي ما فعلو ( اصبحن بقدرة قادر ) نجوم و فنانين
اكمل كما لحضرتك ( لاعيبة كورة ) من كام سنة كان احدهم يرفع يده بأشارات بذيئة امام الملايين تخيل هذا اللاعب اسمه عميد و اسمه اخو العميد
اذكرك بلاعب حالي كل الناس بتحبه اسمر البشرة ( يتغني بسباب ) هل هؤلاء هم النجوم و الاعلام لشبابنا
يمكن حضرتك سنك يسمح لك بالتفريق بين الحق و الباطل لكن هناك اجيال ستتعلق في رقابنا لو اعتبرنا مثل هؤلاء الافراد ( رموز ) يمكن لا نتفق و لكن هذا ما يمليه علي ضميري بعد ان تأكدت مما سمعت

وعندي اقتراح
ارجو ممن يعرفون طريقه وضع الصور في المنتدي ان ينشروا صوره جثته المشهوره هنا
ثم نتناقش

لا اجد اي اعتراض يا فندم في نشر صورة لاي شخص
كلامي واضح و صريح
لا للظلم حتي لو لنملة في الطريق فما بالك بالانسان الذي اكرمه الله عز و جل ( اذا ثبت ان هناك تعذيب اصلا )
و لكن لا لجعل من لا يستحقون رموزا فيفتن بهم اجيال و اجيال و سنكون نحن السبب لو ظللنا ساكتين

م.حاتم السباعي

[aly_hosny]

ااااااااااااااااه

[araberphilosoph]

اظن ان المشكله اتنقلت دلوقتي في موضوع الرمزيه
ما هي الرمزيه
او الي اي حد يجب ان ينطبق الرمز مع الواقع
زي مشكله المجاز في اللغه زمان
وجهه نظر برده ومحتاجه تفكير