لا يشرفني ان نكون كلنا ( خ.س ) و كلنا عارفين

[tamer_a7]

نعتذر عن إيه ؟؟؟؟؟ أو يعتذر القائمون على صفحة خالد سعيد عن إيه ؟؟؟؟؟ إيه موضوع الاعتذارات إلي احنا مطالبين بيها دي ....... من يومين واحد يطلبني اعتذر للداخلية عشان البنت سلمى و إنهردة إعتذر عشان خالد سعيد ......

أنا مش فاهم إنت ليه مصر على الخلط ما بين سلوك شاب يكون ذي ما يكون ...... حتى لو بيشرب بانجو


و بين وضعه كرمز للظلم ....... حد قال لحضرتك إنه رمز للتقوى و الصلاح ...... أو رمز لجيل المستقبل ....... أو رمز للتفوق و النجاح ؟؟؟؟؟؟


خالد سعيد ...... رمز للظلم .......... رمز للظلم .......... رمز للظلم .......... رمز للظلم .......... رمز للظلم ..........


أنا مش شايف حد ...... بيشرب بانجو مثلاً ماركة خالد سعيد ...... أو عمل تسريحة خالد سعيد ..... أو مثلاً كسر سنانه تقليداً لكسر سنان خالد سعيد


جروب خالد سعيد ...... كان فعلاً نواه للثورة دي و أحمد الله على نجاح الثورة دي ياما كنا حنبقى


كلنا خالد سعيد

اخي الكريم انا ليه اسم موجود في التوقيع بتاعي

[تامر.محمد]

حيث ان الشرطه طلعت حلوه و البانجو طلع فى اللفافه
احنا اسفين يا مخبرين
احنا اسفين يا بانجو

اهداء الى دكتور محمد
على القهوة الباشا قاعد بيشرب شيشه ويلعب بلاى ستيشن
والبوكس راكن برة فيه العساكر
الباشا جاله فى الاسلكى ان فيه خناقه كبيرة فى منطقه قريبه جدا
و كمل لعب وشرب شيشهبقوله مش هتروحوا
الباشا قالى لما الخناقة تخلص يعنى اروح اتعور ولا حد يكون معاه سلاح قلتله افرض حد مات
قالى ما احنا هنروح ولو حد عور حد او موت حد هنمسكه

احنا اسفين يا باشا

ههههههههههههههههههههههههههههههه جبتها منين دي ؟

باشمهندس حاتم
حضرتك قصدك واضح جداً من الموضوع وهو رفض ان يتصف الرمز بأي صفه سيئه
ويظل رمز لأجيال قادمه
وفي نفس الوقت ترفض الظلم الذي تعرض له
ولكن أعتقد أيضاً ان من اتخذه رمز اتخذه رمز لرفض التعذيب واهدار الكرامه والدفاع عن النفس
هو رمز يحتذى به في رفضه الإهانه ودفاعه عن كرامته حتى الموت
وهذا ما اقتدى به الشباب ...... ولا أعتقد ان أحداً سيقتدي بسلوك مشين

ولكن دعني اطرح بعض الأسئله؟
هل ثبت عليه سوء خلقه بالفعل ؟
وهل هذا يبرر تعذيبه؟
هل نعلم وهو بين يدي الله الآن انه قد غفر له أم لا ؟
هل يوجد بشر في الدنيا لا يخطىء؟
من من الرموز البشريه الذين ليس لهم أخطاء ..... الكمال لله وحده

وأخيراً أعذرني توقيت مناقشة فكرة هذا الموضوع ومن ظلموه لم يحاسبوا بعد عفواً ليس بالتوقيت المناسب
ويثير شكوك البعض ولست منهم انه يستحق ما حدث له

دي بصراحة الخلاصة و اللي فيها نهاية كل الجدل البيزنطي الدائر في الموضوع ده

دة أسمه أيه

يا باشمهندس حاتم
ماحدش خالص عمل خالد سعيد رمز للشاب المثالي مثلا
لكنه فعلا رمز للظلم الواقع على الانسان المصري , زيه زي سيد بلال مثلا
فحتى لو كان تاجر مخدرات , فلا يجوز ضربه حتى الموت و تحطيم عظامه بالشكل ده
و الداخلية فشلت في انها تثبت ان جسده تحطم اثناء التشريح ببساطة لأنهم ما عندهمش صورة قبل التشريح او صورة لجثته سليمة , او ان دي فعلا صورته قبل التشريح و هما كدابين و في الحالتين هما فشلوا في اثبات انه ما توفاش بسبب الضرب


كفاية بقى

[tarekomar66]

اذكروا محاسن موتاكم .......

[AshTurbo]

بصرف النظر عن اى حاجة فى الموضوع دة اية الى فتح الكلام الجديد دة دالوقتى اشمعنى دالوقتى وكان فين الكلام دة من ساعتها
( يا ترى هنسمع اية تانى وموضوع اية تانى الى هيتفح ويتعاد فية الكلام بطريقة مختلفة )

ماهو الطامعين في الحكم دلوقتي وهم معروفون للجميع وللأسف يتحدثون بأسم الدين يقولك الشباب دول عملوا ثورة ليه وأيه سبب نزولهم الشارع خالد سعيد طيب أحنا نضرب الأساس عشان نزعزع البنيان كله فيقولك خالد سعيد حشاش وشوية يقولك خالد سعيد أخوه معاه جنسية يهودية ..... ما أشبه اليوم بالبارحة لو تفتكروا مين اللي كان بيقول نفس الكلام على خالد سعيد بعد ما مات حشاش بودرجي أخوه يهودي كل حاجة وحشة موجوده فيه .... طيب ياناس مطلعتوش ليه تقولوا لنا وتنبهونا وتنصحونا أن خالد سعيد واحد حشاش سيبوكم منه متعملوش ثورة وتنظموا نفسكم وسيبونا أحنا ننظم نفسنا وأحنا نعمل الثورة أحنا معانا فلوس ومعانا رجاله ومعانا الدين ومعانا ومعانا .... بس لأ كله كان قاعد في جحره زي الفار مستني الشباب الفاسد الحشاش المتعاطف مع حشاش زيهم أنه ينزل بمبدأ اللهم أهلك الظالمين بالظالمين وطلعلك دلوقتي جمله خايبةبتقول معندناش أعتراض أن كان اللي عمل الثورة وقومها وأشعلها شوية مغرر بيهم أو شباب طايش أو حشاشين وشباب فيس بوك مادام نجحت خلاص يسبونا أحنا بقى نتصرف .

كلمه أخيره مع أني صوتت بلا على أستفتاء الدستور وكنت أتمنى أننا نعمل دستور الأول ويتم الأستفتاء عليه ولكن أغلبية الشعب قال نعم لذلك وجب علينا أحترام رأي الشعب ورأي الأغلبية الكلام ده قولناه وبنقوله وهنفضل نقوله لو كان في فئة غيرت رأيها هم حرين وجهة نظرهم وتحترم بردوا ونناقشهم فيها مش نكفرهم ونطلعهم خونة أتمنى الرسالة تكون وصلت وأتمنى أننا نبص لقدام مش للوراء وندور على مستقبلنا ومستقبل أولادنا ونفكر أزاي نبني بلدنا ونخليها أحلى بلد في الدنيا بدل ما نتخانق مع بعض ليل ونهار ونستهلك قوتنا ونستنفذها على الفاضي بدل ما نوجهها للطريق الصح .

[Qmax]

خالد سعيد إنسان وكلنا إنسان
خالد سعيد نفس حرم الله قتلها إلا بالحق
وإحنا كمان زيه بالظبط ربنا حرم قتلنا إلا بالحق
وحضرتك عامل موضوع عن واحدالله يرحمه لا يملك الرد عليك هنا وكمان لا شوفته ولا تعاملت معه

[Dojuar]

وبعدين هي باينة يا جماعة من صاحب الموضوع ومؤيدية

إنهم من الأخوة الملتزمين المتطهرين اللي مبيخرجوش علي الحاكم (طبعا عارفينهم) .. إنما خالد سعيد دة مكانش ملتزم و بيسمع معازف .. إنما ميقدرش يقول معازف، يقولك بيشرب مخدرات وأصلة مكانش حسن السير والسلوك في الجيش يعني مش وطني، و يقولك زي الداخلية اصلة كان علية قضية تحرش بأنثي يعني متحرش ومغتصب

نفس طرق إغتيال النظام .. حتي من سلموا روحهم لله لا يوفوهم حقهم في أدني صورة و هو ذكر محاسنهم

فعلا أساليب رخيصة !

أسوأ مشاركة ممكن حد يكتبها

و مش أول ولا اخر مره عضو يستخدم المعادلة ديه:

اللي قالوا نعم = الاخوان + السلفيين = اللي كانوا مأنتخين على الكنبة وقت الثورة = اللي بيقولوا على وائل غنيم ماسوني = اللي بيقولوا على خالد سعيد مدمن = اللي بيقفوا في ميدان مصطفى محمود = بتوع اسفين يا ريس = بتوع اسفين يا شفيق = اللي بيكفروا غيرهم = الجهلة = اللي كانوا ضد المظاهرات و تحريم الخروج على الحاكم = اللي كفروا اللي قالوا لأ = اللي ضحكوا على الأميين عشان يقولوا نعم = ................

كفاية و ارحمونا يرحمكم الله

[calipha3]

كلنا خالد سعيد و كلنا شهداء الثوره, شاء من شاء و ابي من ابي

[dr_magdi2009]

الى البلطجى اللى حاول يغتصب بنت فى البحيرة و امين الشرطة موته و بقى شهيد


عاوز اقولك حاجة ...... هو ايه يعنى لما يكون عاوز يغتصب بنت ........ فى قانون احاكمة بيه انما اموتة

حرام عليكم

[تامر.محمد]

المزيد من خلط الأوراق كالمعتاد

يا اخ دوجور , هو انت قلت على اللي حاول يغتصب بنت شهيد ؟

[Dojuar]

المزيد من خلط الأوراق كالمعتاد

يا اخ دوجور , هو انت قلت على اللي حاول يغتصب بنت شهيد ؟

لأ....بس ده ايه علاقته؟؟

و بعدين أوراق ايه اللي خلطتها؟؟

[تامر.محمد]

لأ....بس ده ايه علاقته؟؟

و بعدين أوراق ايه اللي خلطتها؟؟

هههههههههههههههههههه
لا ده دكتور مجدي بيقول البلطجي اللي حاول يخطف البنت و اتقال عليه شهيد فقلت اسألك يمكن تكون انت اللي قلت كده

[Dojuar]

هههههههههههههههههههه
لا ده دكتور مجدي بيقول البلطجي اللي حاول يخطف البنت و اتقال عليه شهيد فقلت اسألك يمكن تكون انت اللي قلت كده

كده تتوهني وتشككني في نفسي

هههههههه

[CryptonX]

على فكرة ... خالد سعيد ده بشر ... مش رسول ولا من الصحابة ولا خالد بن الوليد ولا حاجة ..
والناس الي بتقول كلنا خالد سعيد .. حتى لو الشاب مكانش "مثال" ( بدون دخول في جدال على شخص ميت ) الناس بتقول كلنا خالد سعيد , لان كلنا ضد ظلم و قهر "الحثالة " بتاعة الشرطة ... بصرف النظر انت ظالم او مظلوم ..

يعني حضرتك لا قدر الله ماشي في امان الله و ياسيدي بتشرب حشيش حتى ( مش انت انا بتلكم عامة ) ... طلعلك اتنين مخبرين ... هروك ضرب لحد مامت ... هل اهلك حيقولوا الحمد الله !!! ده كان محشش !!

تزامن موت خالد سعيد مع الكثير من المتراكمات من الجهاز الفاسد بتاع الشرطة ( مع وجودة قلة من المحترمين ) مع التشاحن مع الانتخابات مع التوريث فاصحب من رموز الثورة وليس الاوحد !

يعني خالد سعيد صحي من الموت و عمل الصفحة ؟؟ هل طلب من حد انهم يثوروا بسببه ؟؟؟ هل كان اهله يعلمه ماسيحدث ؟ ما في العديد من الحالات حصل نفس الموضوع من قتل او اهانة او سجن بدون ذنب في عهد مبارك الله يبتليه و اولاده و احفاده و عائلته كلها بمصيبة تاخدهم و تاحد كل واحد بيحبه !!

بس دي جات في وقت حساس وعلى الجرح !

سؤال اخر !

الشيخ المناضل المجاهد الشهيد ! اسامة بن لادن .. طلعلته صفحة كلنا بن لادن !! انا مثلا معترفض 100% على الصفحة دي ... بس اهه صفحة و خلاص ... تتفق معاها حتخشفها و تتابعها ... لا تتفق حتتنساها تماما ... رغم اختلاف الشخص ( شاب مصري ) ضد ( ارهابي معروف ) لا ده طلب صفحة ولاده طلب صفحة !

السؤال مرة اخرى ؟

استفادنا ايه ؟ من المناقشة ؟
حضرتك مازلت حتفضل مقتنع برايك .. و انا حفضل مقتنع براي .. و الموضوع حيتقلب في الاخر لنكت لتهدئة الاوضاع و ننسى المشكلة اصلا !

----

وياستاذ doujar
ذي ماحضرتك ذهقت من نغمة نعم = الاستقرار و الاخوان !
احنا ذهقنا من ان كل موضوع يجي في انتقاد لحد اخوان او خلافه .. تطلع نغمة الهجوم على النغمة الي بدات تتنسي خلاص و تفكرنا بيها !

عايزين نغمات جديدة بقى ... حد يطربنا !!! ( واديني بنكت اهه علشان نبعد عن الخناقات :p )

[heshamzaky]

دة أنسان و بشر عادى جدا لة أخطاؤة و لة زلاتة ممكن جدا أنتقادة لآنة لا من الصحابة و لا من الانبياء .
الموضوع بتاعة واخد زوايا و جروبات أكبر من اللازم .
مات ماشى حا نقول أذكرو محاسن موتاكم.
بس بعض الناس عملاة بطل قومى مش فاهم على أى أساس
بعض الناس الى ماتت بيتبنى مثلا لة جامع و بعد ذلك ب 100 سنة الموضوع يتحور و تلاقى القصة بقت مسجد العارف ب الله الشيخ كذا

[Dojuar]

بالمناسبة احنا عايزين نيه صافية و نحاول نضع أنفسنا مكان المهندس حاتم

حسب ما أنا متابع مواضيعه من زمان عندي اعتقاد أنه ولي لأمر لشباب في مرحلة المراهقة

مينفعش أي واحد يبقى عنده نفس الرؤية بتاعته و المنظور اللي بيبص فيه للأمور

وجهة نظره لا شك أنها لازم تحترم...وهي: اذا ثبت أن رمز من رموز الثورة -وهي كثيرة - أقول قد ثبت تغير في صورتها للأسوأ

فلا داعي من الاستمرار -على الأقل - في عدم بيان حقيقتها الجديدة - فضلا عن انتفاء سبب وجودها