لا يشرفني ان نكون كلنا ( خ.س ) و كلنا عارفين

[م. حاتم السباعي]

بصو يا جماعة
انا حاسس ان الموضوع واصل للبعض بصورة مختلفة عما يدور في ذهني
و يعلم الله ما في ضميري و لولا اني حريص علي ان يدوم الحوار الراقي بيننا لم اكن لاظل حتي الان احاول تقريب وجهة نظري و كنت اخذت المحمل السئ اللي بيظهر في التشكيك في نيتي من وراء كتابة الموضوع
لكن للمرة الاخيرة هحاول اشرح و جهة نظري عل و عسي اللي بيشك في نيتي يفهمني
انا من زمن كنت شاب صغير مثل البعض طبعا و كنت اتفرج علي تمثيليات و افلام و خلافه و كم كانت تمثيلية ( رأفت الهجان ) و ( دموع في عيون وقحة ) من احب التمثيليات للناس اللي في جيلي و انا كنت منجذب لبطولة هؤلاء الناس ( كقصة ) مش دراما تليفزيونية
و رأينا كيف كان يظهر الاعلام الابطال الجواسيس اللي بيفيدو البلد و بيضحو بعمرهم فداء للوطن بيصور لنا ( البطل الفدائي ) دائما علي انه زير نساء و انه زاني و شغال حرت في نساء الناس اصله بطل بقي فكل شئ عادي يعني انتو عاوزينه يتكشف ( يعني يتعدم )
طيب ماشي يا عم و رينا بقي في الموضوع مثلا انه بيصلي ليلا مثلا يستغفر الله عما بدر منه صباحا او مثلا و رينا انهم جابو شيخ و افتي لهم انه مثلا لا يجازي عن افعاله مثلا فهو في حكم المكره ( مثلا اي حاجة )
لا تلاقي الباشا مستمتع بالزنا و بيخلص اوي في الحب المحرم حتي انه بيحب في دي و بيميل لدي و بيواعد دي فاهمين قصدي
حتي فيلم الناصر صلاح الدين ( مرضيوش يعدوه ) الا لما يجيب لينا فيه قصة حب
و احنا شباب في سن ال 17 و ال 18 و ال 20 كثير جدا انجذب لبطولة هؤلاء النجوم في الحب و اللي كان بيتعمل من شرب السجاير و خلافه اه و الله فيه منهم ناس فهمت الموضوع و فيه منهم ناس مشفتش غير السئ في الموضوع
و علشان كده يجب ان يكون الرمز دائما ( منزه ) حتي يكون قدوة و عتبت علي الاعلام و قتها و انا اري ناس من حولي بتقلد عادل امام في شربه للسجائر و هي اصغر حاجة ممكن حد يقلده فيها و ناس نفسها بعد فترة و انا في ال 25 كده نفسها تبقي جواسيس علشان يتمتعو زي اخونا رأفت الهجان
نفسي الا اري احد شبابنا نفسه يبقي بتاع كله و عادي ( اديها نفسين و كله في التمام ) ده فلان كان كذا او كذا
يا ريت اكون و صلت و جهة نظري

م.حاتم السباعي

[dr_magdi2009]

بما ان كلامى كلامى كلة بالمستنداات ......... و هاعتبر اصدقائى فى الاسكندرية كذابين و عيال سيس على اللى حكوة على ( خ . س)

[just_poss]

لقد مات الشاب ( له ما له و عليه ما عليه ) و حسابنا و حسابه علي خالقنا
لا اخوض في سيرة انسان ( في ذمة الله )
و لكن كيف يكون هناك صفحة تنسب ( لاكثر من مليون ) ثوري ترفع شعار انسان ظهر علي سمعته ( غبار كما شاهدنا )
ننسي بقي ( خ.س ) كشخص ميت و هنرمز له بالرمز ( خ.س ) حني لا نزعل احد لانني لن اكتب اسم حد و اللي علي راسه بطحة يحسس عليها و يتكلم معانا بالمنطق ارجوكم
كل منطقة ( خ.س ) من فترة و احنا نسمع انه ليس بالشباب اللي بيبقي في حالهم و ان سمعته فوق مستوي الشبهات و مع الوقت ظهرت مؤشرات تقول ان ( خ.س ) يشرب بانجو او حشيش و انه لا خلاف علي انه كان معه ( لفافة ) انما المشكلة لبعض الناس للاسف لم تكن في انه معه اللفافة لا لا المشكلة من وجهة نظرهم ان موضوع اللفافة ده امر مسلم بيه لكن ( هل هو اللي بلعها ) علشان المخبرين ميظبطهوش متلبس و لا هما اللي اكلوهالو
و الله انا ايام زمان كنت فاكر ان المخبرين ملفقين اصلا لهذا الرمز ( خ.س ) الموضوع كله
يعني هو انسان لا علاقة له ابدا بأي شئ و هؤلاء الجبابرة الظلمة هما اللي ملفقين له الموضوع
و مع تكشف الحقائق و ظهور ادلة تؤيدها شهادة شهود بالاسم حتي من اصحاب الشاب نفسه اللذين حضرو الواقعة
بعد كل ذلك كنت اتوقع ان ( يثور ) مؤسسي الصفحة لكرامة الثوار من ان يتم تلويث سمعة الشباب المشاركين في الثورة بأن يتم تشبيههم ( بمتعاطين البانجو و الحشيش ) اللي كلنا لا نفضل ان يكون ابناءنا و شبابنا بهذا الشكل
طيب لو طلع ( خ.س ) فعلا متعاطي للمخدرات و لكن تم التنكيل به من قبل جبابرة ظالمين يبقي الطبيعي اننا نثور علي الظالمين الجبابرة لانهم انتهكو حقوق الادميين و لكن ايضا لا نكون كلنا ( خ.س )
و منتظر ردود شبابنا الجميل لكي نفهم معكم مقوماتكم في النظرة للامور
هل الان التراجع جريمة ( هل الاعتراف بالحق ) كبيرة
هل و صلنا لهذا الامر ( يبقي ازاي انتقدنا النظام السابق بهذه الطريقة و هم ايضا كان الكبر ماليهم ) بالعافية و هيه ايضا بتاعته ملاحظين التناقد اللي واحد زيي كان واقع فيه
نسيت اقول حاجة لاحظت ان موضوع بهذا الشكل تم غلقه و مستغرب جدا ايه يا جماعة المنتقدين انتو خايفين تشوفو الحقيقة علشان كده بتطلبو دائما غلق هذه المواضيع خلاص الفيديو في اليوتيوب منتشر و المشرفين علي صفحتة ( كلنا خ.س ) لم يكذبو ما جاء فيه و لم ينكروه و لم يقولو ان ( خ.س ) ليس بشارب مخدرات
الا يكون هناك من يطلب تغيير اسم الصفحة حفاظا علي اسم الثورة و الشباب الجميل المشاركين فيها

م.حاتم السباعي

مهندس حاتم
لا يشرفك ان تكون خالد سعيد.. انت حر لا تشترك في الصفحه التي ترفع شعار كلنا خالد سعيد
الصفحه تعبر عن رأي المشتركين فيها ليس عن رأي شباب مصر ولا رأي الثوره.. والصفحه ليست ملكيه عامه من حق أي حد انه يطالب بتغيير اسمها او اتجاهاتها.. ولو الأدمن بياخدوا برأي الأعضاء في بعض المواضيع فده مش واجب عليهم
اشتراكك في الصفحه يعني انك موافق علة اتجاهاتها وبتدعمها.. ببساطه.. لا تشترك
اما انا فموافق تماما على أسلوب ادارة الصفحه واثق في القائمين عليها وان جانبههم الصواب في بعض الحالات فهم في النهايه بشر من حقهم أن يخطؤوا

[م. حاتم السباعي]

برضه مش فاهم ايه الغرض.. زى ما الاخوه وضحوا كلنا خالد سعيد عشان كلنا معترضين ان الشرطه تعذب انسان لحد الموت وبعدها تستخف بعقولنا وتكذب والموضوع مش انه رمز ولا حاجه محدش حط صورته عالجنيه يعنى
والله يرحمه ربنا يحاسبه اياكان الى عمله فى رأيى الشخصى مش الان نقول شبهه مخدرات ايه الغرض من كدا.. زى ما برضه فى موضوع تانى حضرتك زعلان من كلامنا الكتير على شهداء الثوره وانتقادنا لبعض الجماعات الاسلاميه لدرجه ان حضرتك تقول انك "مستغرب من كلامنا كدا على شيوخ افاضل والعكس بنمدح شباب شهداء كانت حياتهم قبل ما يموتوا الهاء فى الافلام الجنسيه والمعاصى" يعنى مخدرات وافلام جنسيه على ناس ماتت ومنهم من نحتسبهم شهداء ان شاء الله ودا مش ذكر لمحاسن الموتى ودى سكه تشويه بعد موتهم سواء تقصد ام لا وربنا الى هيحاسبهم

الطبيعي انه لما اي عضو بيعمل موضوع
مش شرط كل الاعضاء يفهمو مقاصده ( طبيعي هناك ناس بيكون ليها بعض الاستفسارات )
الموضوع بيبقي مكتوب و بيحاول صاحبه انه يرد علي الاستفسارات و يقرب و جهة نظره حتي يستطيع الاعضاء جميعا ان يتواصلو معه بكل حب و ود لما يريد كتابته
حتي مرحلة معينة فيأتي احد و لا يستطيع ان يفهم الغرض فلا يتبقي الا ان يتقابل العضوان للشرح و اظن ده مش هيحصل و حتي لو حدث يمكن ايضا ان يظل يشرح و الاخر لا يفهم معني كلامه
اخير العضوان بينهم احترام متبادل ( بيغني عن اي شئ )
و موضوع ان حضرتك بتروح للعضو و تجيب ليه مشاركات من مواضيع تانية دي لا تناسب جو الاخوة المتبادل بيننا فلسنا ( مصر و اسرائيل ) اي لسنا اعداء كي نذهب لموضوع اخر لتأتي بدليلك في الموضوع
نحن هنا قل ما تريده هنا
فأي موضوع اخر انا و الحمد لله عارف انا كاتب ايه و اظن الكثير من الاعضاء عارفين ردودي كويس

م.حاتم السباعي

[م. حاتم السباعي]

مهندس حاتم
لا يشرفك ان تكون خالد سعيد.. انت حر لا تشترك في الصفحه التي ترفع شعار كلنا خالد سعيد
الصفحه تعبر عن رأي المشتركين فيها ليس عن رأي شباب مصر ولا رأي الثوره.. والصفحه ليست ملكيه عامه من حق أي حد انه يطالب بتغيير اسمها او اتجاهاتها.. ولو الأدمن بياخدوا برأي الأعضاء في بعض المواضيع فده مش واجب عليهم
اشتراكك في الصفحه يعني انك موافق علة اتجاهاتها وبتدعمها.. ببساطه.. لا تشترك
اما انا فموافق تماما على أسلوب ادارة الصفحه واثق في القائمين عليها وان جانبههم الصواب في بعض الحالات فهم في النهايه بشر من حقهم أن يخطؤوا

و حضرتك بتقرر شئ انا بأقره قبلك
فعلا لا يشرفني ( لاني لست انتمي لهذا الرمز كله علي بعضه )
لما كان هذا المنتدي و غيره من المنتديات المتميزة التي تتيح لاعضائه الحوار و تبادل الافكار في جو من الادب العام فكان لازاما علي ان اطرح فكرتي في موضوع عام و ليس خاص
و ما يحدث في الصفحة شئ يخص من ينتمي لها انا من واجبي ان اكتب ما اراه و علي من يهتم اما الاقتناع بالرأي او عدم الاقتناع به ( طبعا هم احرار )
و طبعا لك مطلق الحرية في ان تحترم من تشاء

م.حاتم السباعي

[medo_2060]

الطبيعي اته لما اي عضو بيعمل موضوع
مش شرط كل الاعضاء يفهمو مقاصده ( طبيعي هناك ناس بيكون ليها بعض الاستفسارات )
الموضوع بيبقي مكتوب و بيحاول صاحبه انه يرد علي الاستفسارات و يقرب و جهة نظره حتي يستطيع الاعضاء جميعا ان يتواصلو معه بكل حب و ود لما يريد كتابته
حتي مرحلة معينة فيأتي احد و لا يستطيع ان يفهم الغرض فلا يتبقي الا ان يتقابل العضوان للشرح و اظن ده مش هيحصل و حتي لو حدث يمكن ايضا ان يظل يشرح و الاخر لا يفهم معني كلامه
اخير العضوان بينهم احترام متبادل ( بيغني عن اي شئ )
و موضوع ان حضرتك بتروح للعضو و تجيب ليه مشاركات من مواضيع تانية دي لا تناسب جو الاخوة المتبادل بيننا فلسنا ( مصر و اسرائيل ) اي لسنا اعداء كي نذهب لموضوع اخر لتأتي بدليلك في الموضوع
نحن هنا قل ما تريده هنا
فأي موضوع اخر انا و الحمد لله عارف انا كاتب ايه و اظن الكثير من الاعضاء عارفين ردودي كويس

م.حاتم السباعي

انا مدورتش فى ردود حضرتك وجبت الرد دا انا ذكرته لانى اتناقشت معاك فيه لما ذكرت الكلام دا فى الموضوع القديم الى مش فاكر اسمه اصلا والله وقلته برضه عشان نفس القصه وله علاقه بالكلام الى هنا وانا مقلتش الكلام دا عشان حضرتك تقول انك عارف بتكتب ايه والاعضاء عارفين والا لو انا كذبت ممكن تكذبنى وتقول انك مقلتش ببساطه.. وزى ما الاستاذ just_poss لو الصفحه لا تعبر عن افكارك ببساطه جدا لا تشترك فيها وفى النهايه اتفق معاك تمام فى وجوب الاحترام المتبادل بين الجميع وأتمنى الموضوع يفضل كدا

[م/مصطفى محمود]

هل كلنا خالد سعيد ؟ أه كلنا كنا خالد سعيد ، كلنا كنا مُعرضين لما تعرض لة بسبب أو بدون سبب ، حتى ولو الإتهامات اللى بتتهمة بها صحيحية فاللي حصل ده غلط ، وأحنا كنا مُعرضين لنفس الغلط ده ، انا والله كنت ببقى مُلتزم جدا وبخاف لما أدخل على لجنة علشان مضمنشي ممكن يعملوا أية ، ففعلا كلنا كنا خالد سعيد

هل يشرفني إني أنضم للصفحة ؟ طبعا يشرفني إني أنضم وأدافع عن شخص قُتل ظلم وعدوان بدون وجه حق وبدون عرضة على حتى ظابط يقول ده مذنب ولا لأ ، الرسول وقف لمشاهدتة جنازة واحد يهودي ورد على الصحابة اللى تعجبوا بإن دي نفس ، فأنا يشرفني إني أنضم للناس دي اللى قالت على الغلط غلط وحاولت تعمل حاجه من وقفات وما الى ذلك لإسترداد حق خالد وأمثالة

هل الجروب هو نواة الثورة ؟ أه الجروب نواة الثورة ، أنا شاركت فى إضرابات 6 أبريل و 4 مايو و و و ، وكل واحد لازم ياخد حقة ، فعلا الجروب هو اللى حدد اليوم وبعد كده بدأ التنظيم ، فمينفعشي ننكر النقطة دي وإلا نبقى جاحدين

هل خالد سعيد يُسيئ للثورة ؟ أنا شايف لأ طبعا ، خالد إنسان زينا كلنا ، وحتى لو كانت الإتهامات اللى بتقولها صحيحة ، فده ميمنعشي أنة شاب مصري أكيد كان نفسة يبقى أحسن ولم يجد الفرصة ، أكيد كان نفسة يصلح ولم يجد الطريق ، ودي مش مشكلتة هو بس ، دي مشكلتنا كلنا ومشكلة مجتمع واللى من أجلها قامت الثورة

من الآخر

انا أتشرف إني أكون مُنتسب لصفحة كلنا خالد سعيد بإسمها الحالي ، وضد مُحاولات تشتيت الإنتباه (الثورة لسه مخلصتشي وأحنا بنتكلم فى قضية بقالها سنة)

[human]

هو انا مش عايز اتفلسف ولا حاجه بس في طائفه معينه في مصر بتفكرني بنظريه درستها في كورس للاهوت البروتستانتي في الجامعه بتتكلم عن الخاكم والفوضي
النظريه بني عليه مارتن لوثر موقفه تجاه حركه الفلاحين ايامه اللي وقف فيها ضد الفلاحين المطالبين بحقوقهم وعمل عليه بناء لاهوتي متكامل
ملخص النظريه
ان الفوضي من الشيطان والشيطان ضد الله وان يكون هناك حاكم ولو مستبد وظالم و و اقرب الي الصواب من اي فوضي ولو كانت صغيره
واي تضحيات بين عامه الناس تقع اهون من انتشار الفوضي او عدم وجود راس عليا للجامعه
المهم ان يكون هناك راس ما وهذه الراس يجب خدمتها باي شكل (ده كان احد اسباب رعايه الكنيسه البروتستانيه للنازيه عكس الكنيسه الكاثوليكيه)
وكنا درسنا ان هذا الفكر مرتبط بكل نظام ديني مهما اختلفت مركباته (انا طبعا كنت باعترض وان الاسلام لا توجد فيه هذه الظاهره نعم هناك علماء سلطان ولكن نظريه وجوب وجود الراس مهما كان تصرفه مرفوضه لا هناك قواعد يسير عليه الجميع في الاسلام)
لكن اظن عندهم حق
ده موجود في كل نظام ديني
وللاسف تسرب الي المسلمين
واسفى

تحياتى لحضرتك
و شكرا لمداخلاتك الثرية فى المنتدى
بجد بتستمتع بمداخلاتك

[م. حاتم السباعي]

انا مدورتش فى ردود حضرتك وجبت الرد دا انا ذكرته لانى اتناقشت معاك فيه لما ذكرت الكلام دا فى الموضوع القديم الى مش فاكر اسمه اصلا والله وقلته برضه عشان نفس القصه وله علاقه بالكلام الى هنا وانا مقلتش الكلام دا عشان حضرتك تقول انك عارف بتكتب ايه والاعضاء عارفين والا لو انا كذبت ممكن تكذبنى وتقول انك مقلتش ببساطه.. وزى ما الاستاذ just_poss لو الصفحه لا تعبر عن افكارك ببساطه جدا لا تشترك فيها وفى النهايه اتفق معاك تمام فى وجوب الاحترام المتبادل بين الجميع وأتمنى الموضوع يفضل كدا

طيب مهو كده انا عملت زي الاستاذ just_poss ما قال بالضبط
انا عبرت عن رأيي في عدم انضمامي ليها ( بس ذكرت بوضوح ليه لا يشرفني )
ففيه ناس سابت السبب و مسكت في التوجه العام و الظن بالنوايا

م.حاتم السباعي

[human]

بما ان كلامى كلامى كلة بالمستنداات ......... و هاعتبر اصدقائى فى الاسكندرية كذابين و عيال سيس على اللى حكوة على ( خ . س)

نفسى تقرا اللى اتكتب لما مسكوا كام شاب فى الجامعه وقالوا انهم شبكه لقلب نظام الحكم و بيصنعوا قنابل و عندهم شرايط دين

نفسى تشوف تقرير اللى خلوا حبيبه الممثله تتسجن بتهمة قتل زوجها وبعد سنين يطلع ان اللى قتله حرامى وهما استسهلوا القضيه

نفسى تفتكر التقرير بتاع بنى مزار والواد اللى لبسوه الليله وفى الاخر طلع مافيش...

نفسى تفتكر الفيديو بتاع الواد اللى قتل نادين وهما بيلقنوه يقول ايه

نفسى تفتكر اللى مسكوه وقالوا انه فجر الكنيسه وتقارير طول وعرض و فى الاخر طلع برئ

نفسى تفتكر بلال الشاب السلفى اللى قتلوه والتقرير بتاع هبوط الدورة الدمويه

نفسى تفتكر الراجل اللى رموه من البلكونه قصاد مراته وعياله وقالوا انتحر

نفسى تفتكر كام واحد اتقتلوا فى السجن و البهوات اللى ماضيين فوق قالوا هبوط فى الدورة الدموية


هو حضرتك كنت معانا فى البلد دى؟؟؟؟

[تامر.محمد]

نفسى تقرا اللى اتكتب لما مسكوا كام شاب فى الجامعه وقالوا انهم شبكه لقلب نظام الحكم و بيصنعوا قنابل و عندهم شرايط دين

نفسى تشوف تقرير اللى خلوا حبيبه الممثله تتسجن بتهمة قتل زوجها وبعد سنين يطلع ان اللى قتله حرامى وهما استسهلوا القضيه

نفسى تفتكر التقرير بتاع بنى مزار والواد اللى لبسوه الليله وفى الاخر طلع مافيش...

نفسى تفتكر الفيديو بتاعالواد اللى قتلنادين وهما بيلقنوه يقول ايه

نفسى تفتكر اللى مسكوه وقالوا انه فجر الكنيسه وتقارير طول وعرض و فى الاخر طلع برئ

نفسى تفتكر بلال الشاب السلفى اللى قتلوه والتقرير بتاع هبوط الدورة الدمويه

نفسى تفتكر الراجل اللى رموه من البلكونهقصاد مراته وعياله وقالوا انتحر

نفسى تفتكر كام واحد اتقتلوا فى السجن و البهوات اللى ماضيين فوق قالوا هبوط فى الدورة الدموية


هو حضرتك كنت معانا فى البلد دى؟؟؟؟

ولا يفتكر دول

[sh_masry]

يا ترى هو سيد بلال كان خمورجى و حشاش برده ؟؟؟ الموضوع مش موضوع خالد سعيد , الموضوع موضوع كرامه و ادميه المواطن المصرى حتى و لو غلطان فيتعاقب بالقانون مش بالقتل من مخبر مايسواش 3 مليم او من اى شخص بالداخليه

[AshTurbo]

بدون دخول في تفاصيل معاك أنت من حقك تكتب موضوع وأنا من حقي أبلغ عن مشاركة سيئة وياريت كل اللي مش عاجبه الموضوع يبلغ بمشاركة سيئة .

العضو اللي كان عامل موضوع الصبح وجايب فيديو تافه لأشباه الرجال شوية ناس كذابين وأفاقين حسابهم عند ربهم لأنهم أرتكبوا واحدة من أكبر الكبائر وهي شهادة الزور أنا أتفرجت على الفيديو بالكامل وبسألك بما أنك ربنا ميزك عن مخلوقاته بالمخ .... الناس اللي في الفيديو بيقولوا كلهم أن خالد سعيد ما أتضربش طيب أنا هسألك سؤال ولو عرفت الجواب تبقى فعلاً أستاذ

دة أسمه أيه



ياترى زي ما بيقول الشاهد الأولاني أنه محصلش ضرب وأنها شوية خرابيش مطرح ما حصل شد وجذب ولا ياترى عشان الواد وقع من على النقالة وهم بيشلوه فمخه أنفجر ولا زي ما بيقول بقية الشهود أن مفيش ضرب ولا أقولك زي ما قال السباعي دة أختناق من البانجو فالواد وشه أنفجر ياحرام من البانجو دة لو قنبلة أنفجرت في وشه مكانش حصله كدة .



طيب خد أسمع شهادة الراجل دة وقولي أيه رأيك

http://www.youtube.com/watch?v=KWNPJYOmT_s

[م. حاتم السباعي]

يا ترى هو سيد بلال كان خمورجى و حشاش برده ؟؟؟ الموضوع مش موضوع خالد سعيد , الموضوع موضوع كرامه و ادميه المواطن المصرى حتى و لو غلطان فيتعاقب بالقانون مش بالقتل من مخبر مايسواش 3 مليم او من اى شخص بالداخليه

مين جاب سيرة سيد بلال
حضرتك متابعنا
( يعني متابع الموضوع و شفت سيرة لسيد بلال )
الموضوع موضوع شخص بعينة
ذكرت اسبابي في عدم تشرفي لان انسب لصفحته ( و هذا حقي )
و حق حضرتك انك ايضا تذكر اسباب شرف انضمامك لها
و لكن لا نخلط الاوراق
فارق كبير بين الشخصيتين من وجهة نظري
و موضوعي لم يتم فيه الزج بسيد بلال و لا بأي رمز ( سيثبت مثلا ) انه كان بيتعاطي او بيتاجر في المخدرات
و و صل بينا الحال الان
ان احد الاعضاء لكي يعترض يقول و مين من الشباب مشربش مخدرات
و حضرتك بتدخل اسم اخر في الموضوع
اللي اعرفه اما حضرتك بتقتنع بما اطرحه او بتعترض عليه ( و هذا حقك ) انما ندخل سيد بقي و اي رمز اخر فأنا ارفض ذلك لاني لم اطرحه من البداية اما لو هذا رأي حضرتك الخاص فأرجو ان حضرتك توضح ان السؤال اللي حضرتك بتوجه بتوجه لمين للعام مثلا
فأجاوب حضرتك ( لا سيد بلال لم يقول حد عنه انه حشاش )
و انا هنا علي فكره لا اتحدث عن الشرطة

م.حاتم السباعي

[Abo_Lina]

بصراحة اللي يشوف الصورة و لا يتعاطف مع الولد حتى لو كانت تهمته إيه يبقى ............
يبقى قلبه قوي