لا يشرفني ان نكون كلنا ( خ.س ) و كلنا عارفين

[yoyome]

اللهم اجعلنا من الملتزمين المتطهرين يا رب
ايه دخل المعازف في الموضوع يا محترم

م.حاتم السباعي

واية دخل المخدرات في القتل والتعذيب يا محترم ؟

[م. حاتم السباعي]

خالد سعيد بقي خ س

حضرتك مش عاجبك خالد سعيد إتكلم عن نفسك لا تتكلم بصفة الجمعة

وحتي لو مدمن و تاجر مخدرات و عاهر و فية كل العبر .. هل يستحق أن يموت بهذة الصورة البشعة

للأسف انا مبفهمش الإزدواجية دية .. هل تبرر اليوم قتل مواطن بهذة البشاعة

و أخير "كلنا خالد سعيد" رغم أنف الكارهين

هوه حضرتك قرأت عنوان الموضوع
انا قلت لا يشرفني و لم اقل يشرفكم
حتي لو اني كتبت يشرفنا بصيغة الجمع ( شئ لا يخص حضرتك)
فأنا امثل ( نفسي و اهلي و اصدقائي ) ايه دخلك انت في ذلك اظن ملكش دعوه طالما لم اضع حضرتك في الموضوع
و لن اجيب علي ما تكتبه لاننا قد اوضحنا ذلك فلو انك متابع ستجد الردود
و اخيرا ايضا
ما تكون زي ما تكون مين منعك

م.حاتم السباعي

[م. حاتم السباعي]

واية دخل المخدرات في القتل والتعذيب يا محترم ؟

سبحان الله
مين قال لك انهم ليهم دخل
و ضح لو سمحت الناس بتشوفك من ردودك

م.حاتم السباعي

[yoyome]

سبحان الله
مين قال لك انهم ليهم دخل
و ضح لو سمحت الناس بتشوفك من ردودك

م.حاتم السباعي

اعتقد حضرتك محتاج تقول لنفسك نفس النصيحة

[م. حاتم السباعي]

اعتقد حضرتك محتاج تقول لنفسك نفس النصيحة

طيب علشان الاعضاء متابعين اهه
انا يا استاذ لم اربط بين المخدرات و التعذيب ( لو عندك عكس كلامي اثبته من مشاركاتي )
انا يا استاذ حين اكون علي غلط لا اجادل و استمع للنصيحة جيدا ( و لكن حين تأتي من اهلها )
انا يا استاذ عامل موضوع عن القيم و الثوابت و الرموز ( شئ كده يعبر عن رأيي ) و ذكرت فيه ان هناك شخص حوله اقاويل لو ثبتت للجميع ( من و جهة نظري المتواضعة ) لا يصلح ان يكون رمزا و هذا الرأي لا افرضه علي احد
انا يا استاذ لم ادخل في مشاركتك و اجيب اي كلام مثلما فعلت انت و في الاخر تقول لي قول لنفسك نفس النصيحة
و سأتركك مع مشاركتك تاني حتي تتأملها

((وبعدين هي باينة يا جماعة من صاحب الموضوع ومؤيدية
إنهم من الأخوة الملتزمين المتطهرين اللي مبيخرجوش علي الحاكم (طبعا عارفينهم) .. إنما خالد سعيد دة مكانش ملتزم و بيسمع معازف .. إنما ميقدرش يقول معازف، يقولك بيشرب مخدرات وأصلة مكانش حسن السير والسلوك في الجيش يعني مش وطني، و يقولك زي الداخلية اصلة كان علية قضية تحرش بأنثي يعني متحرش ومغتصب
نفس طرق إغتيال النظام .. حتي من سلموا روحهم لله لا يوفوهم حقهم في أدني صورة و هو ذكر محاسنهم
فعلا أساليب رخيصة ! ))
و لا اجد رد ابلغ من ان اقول لك ( سامحك الله )
م.حاتم السباعي

[dr-mohamed]

اخلتط الحابل بالنابل واصبحت الرموز كلها مشوهة ولا يوجد رمز يستحق ان يكون رمز لاي شئ
ولمن يقولوا اذكروا محاسن موتاكم اقول لهم لم تفعلوا ذلك مع الصحابة في موضوع سرقة علاء الاسواني لمقال كل ما فيه يهاجم التاريخ الاسلامي والصحابة والخلفاء الذين فتحوا الارض ونشروا الاسلام بل وجدت منكم دفاعا وتحجج بأن هذا هو التاريخ

انضم لك م حاتم السباعي واقول لك ان الاراء على الانترنت لا تعبر كثيرا عن الواقع والا كانت نتيجة الاستفتاء الدستوري عكسية فلا يغرنك كثرة المهاجمين ولا يسعدنك كثرة المؤيدين على الانترنت فالعبرة بالواقع الحقيقي المعاش

[dr-mohamed]

وبعدين هي باينة يا جماعة من صاحب الموضوع ومؤيدية
إنهم من الأخوة الملتزمين المتطهرين اللي مبيخرجوش علي الحاكم (طبعا عارفينهم) .. إنما خالد سعيد دة مكانش ملتزم و بيسمع معازف .. إنما ميقدرش يقول معازف، يقولك بيشرب مخدرات وأصلة مكانش حسن السير والسلوك في الجيش يعني مش وطني، و يقولك زي الداخلية اصلة كان علية قضية تحرش بأنثي يعني متحرش ومغتصب
نفس طرق إغتيال النظام .. حتي من سلموا روحهم لله لا يوفوهم حقهم في أدني صورة و هو ذكر محاسنهم
فعلا أساليب رخيصة !

هل هذه العضوية جديدة فعلا ؟؟؟؟؟؟؟؟؟
هل حضرتك عضو من مايو 2011 ؟؟؟؟؟؟؟؟
وان كنت لست كذلك ممكن تعرفنا عضويتك الاصلية ؟؟؟؟؟؟
وان كانت عضويتك جديدة فبأي حق تسمح لنفسك ان تصف صاحب الموضوع ومؤيديه ؟؟؟؟
وما الداعي الي هذه الطريقة في السخرية ؟؟؟؟؟
هل الالتزام والتطهر واتباع اوامر الدين اصبح امر يستحق السخرية ؟؟؟؟؟؟
هل تعاطي المخدرات واللهو غير الشرعي وتعاطي المخدرات وسوء السير والسلوك بغض النظر عن صاحبه اصبح نموذجا لما يجب ان يكون عليه الانسان ؟؟؟؟؟؟
ومن انت حتي تصف اسلوب صاحب الموضوع بأنه يستخدم اسلوب رخيص ؟؟؟؟؟؟؟؟؟
هل تعرف المهندس حاتم وما هو عليه حتي تسخر منه بهذه الطريقة المرفوضة ؟؟؟؟؟؟؟؟؟؟

[dr-mohamed]

كون انهم يفشلوا ان يمسكوا الشاب المعتدي علي الفتاه او الشرطه تتاخر دي فشل خطير للشرطه يستدعي في الدول المتقدمه استقاله وزير الداخليه اساسا
اما كونه انه قتله فدي كارثه تانيه تستدعي تحقيقات عاجله وتغيير هيكلي للوزراه في اي بلد تانيه
لكن للاسف اخنا في مصر بعد ده كله بنقول احسن يموت يستاهل
لا والاهم ان احنه بنصدق الداخليه بعد كل ده
ولو واحد اعتدي علي ظابط ولا امين شرطه يبقي يستحق الموت ازاي يعتدي علي سيده
ان الشرطه بتفكر كده مفهوم
لكن ان ناس من الشعب بتفكر كده مش قادر افهمها ابدا
ما علينا

كالعادة ما اسرع ان نتهم الشرطة الان بكل المخازي في العالم
تماما كما حدث في البنت المنتسبة الى 6 ابريل التي ادعت اختطافها على يد الامن الوطني ثم اتضح كذبها لكن بعد ان كيلت الاتهامات للشرطة
اليك يا المقيم في المانيا الحقيقة قبل ان تقول ان الشرطة فشلت في القبض على المعتدي على الفتاة او ان الشرطة لم تتدخل او ان قتل القتيل كارثة تستدعي تحقيقات عاجلة وتغيير الوزارة في اي بلد محترم لكننا للاسف في مصر بعد ده كله بنقول احسن يستاهل يموت وبنصدق الداخلية بعد كل ده

اليك قبل ان تهاجم وتقارننا بالدول المتقدمة التي تعرفها حقيقة ما حدث
4 بلطجية حاولوا الساعة 10 الصبح خطف بنت واقفة في المحطة فالبنت صرخت خرج امين الشرطة الخاص بالمحطة وشد معاهم واخد البنت دخلها غرفة معاون المحطة ورجع مكتبه بعدها بدقايق سمع صريخ تاني وجدهم بيحاولوا ياخدوا البنت من الغرفة فتشاجر معهم واصابوه بسنج معهم واصابوا البنت فما كان منه الا ان اطلق عيار ناري في سقف الغرفة ولما تقدموا عليه اكثر اطلق عليهم النار فقتل احدهم واصاب الاخر وفر الاتنين المتبقين ولخوفه من ان يعودوا اليه اسرع الي المركز وهو يبعد تقريبا 400 - 500 متر عن المحطة ومعه البنت مصابة فتم نقلها للمستشفي وسلم سلاحه وبعدها باقل من ساعتين جاء اهل البلطجي القتيل وحاولوا خطف امين الشرطة من المركز لكن وجدوا مقاومة من المركز والاهالي فقاموا بحرق بنزينة تبعد عن المركز بحوالي 100 متر بين المركز ومالحطة وذهبوا للمحطة وحرقوها
هل تعتبر انه شهيد وان الشرطة مفترية وان امين الشرطة لم يقم بعمله ويجب على الوزير الاستقالة ام تعتذر عن المشاركة الخاطئة التي كتبتها
للعلم كل ما كتبته هو ما حدث فعلا لان المركز الذي حدثت فيه الحادثة هو مركزي وامين الشرطة من قرية بجوارنا وما قلته هو ما قاله لي الكثيرين من اهل المركز
هل كان المطلوب من امين الشرطة تركهم يخطفوا الفتاة ؟
وهل لو تركهم كنا سنقول انه على صواب وعليه عدم اعتراض المواطنين الشرفاء ؟
هل لو صمت كنا سنصمت عليه ونقول انه قام بواجبه ام نهاجمه بعنف لانه ترك بلطجية يختطفون فتاة ويغتصبونها ؟
هل نحاسب وزير الداخلية على قيام احد رجاله بعمله اخيرا ؟
ام المطلوب ان نشد على ايدي المحسن منهم ونطلب معاقبة المسئ ؟؟؟؟؟؟؟؟؟
يا ايها المقيم في المانيا
لو كانت الفتاة جارتك او قريبتك هل كنت ستهاجم الشرطة بهذا العنف لان امين شرطة انقذها ام كنت ستطالب بتكريمه ؟؟؟؟؟؟؟؟
هل كنت ستطالب باستقالة وزير الداخلية لمجرد ان احد رجاله انقذ مواطنة من الخطف والاغتصاب ام كنت ستؤيده بشدة ؟؟؟؟؟؟؟؟


حنانيك يا صديقي فلا تؤخذ الأمور هكذا

تصدق فعلاً أحنا مايهمناش أن كان حشاش ولا لأ لأن هناك الكثير من الحشاشين ومتعاطي البانجو هنا معانا في الموضوع تقريباً الأعضاء كلهم اللي ردوا عليك محششين

ان كان اسلوب سخرية في الكتابة فهو مرفوض
وان كان اتهام لبعض اخواننا في المنتدي ولبعضنا بذلك فهو أيضا مرفوض
ارجو منك الاعتذار عن هذه العبارة فهي لا تليق وارفض وصفي او وصف اي من اعضاء منتدي اشارك فيه بهذه الاوصاف والا فالانسحاب منه أفضل

وأين السادة المراقبين والمشرفين من هذه المشاركة التي تمثل اتهام غير مقبول لكثير من اعضاء المنتدي ؟؟؟؟؟؟؟؟؟؟؟؟؟

[human]

حيث ان الشرطه طلعت حلوه و البانجو طلع فى اللفافه
احنا اسفين يا مخبرين
احنا اسفين يا بانجو

اهداء الى دكتور محمد
على القهوة الباشا قاعد بيشرب شيشه ويلعب بلاى ستيشن
والبوكس راكن برة فيه العساكر
الباشا جاله فى الاسلكى ان فيه خناقه كبيرة فى منطقه قريبه جدا
و كمل لعب وشرب شيشهبقوله مش هتروحوا
الباشا قالى لما الخناقة تخلص يعنى اروح اتعور ولا حد يكون معاه سلاح قلتله افرض حد مات
قالى ما احنا هنروح ولو حد عور حد او موت حد هنمسكه

احنا اسفين يا باشا

[م.احمد زكريا]

اللهم اعطي كل واحد بما يحمله ضميره
و حسبنا الله و نعم الوكيل ( فعلا )


م.حاتم السباعي

توضيح لحسن العملية ملخبطة اليويمن دول

أنا بأقصد ان احنا وصلنا ان نقول اسمه بالحروف وخايفين نقولة بالكامل كأننا بنتكلم عن شخصية خايفين من بطشها وبطش اتباعها

[م. حاتم السباعي]

توضيح لحسن العملية ملخبطة اليويمن دول

أنا بأقصد ان احنا وصلنا ان نقول اسمه بالحروف وخايفين نقولة بالكامل كأننا بنتكلم عن شخصية خايفين من بطشها وبطش اتباعها

و انا علشان كده يا بشمهندس احمد ( دعوت ان يعطينا الله بما تحمله ضمائرنا ) فأنا كنت اجهل هل هذه سخرية ام تأييد فلو انا الغلطان يعطيني ربي بما اضمره من سوء له
اما اني و قد كتبت حروف
فلاني فعلا مقتنع اني لا اناقش قضية ( شخص بعينة ) و هو الان في ذمة الله و هذا ما وضحته للاعضاء اولا
انا كنت بناقش رمزية هذا الشاب ايا كان اسمه ( ما يهمنا هو عمله ) فلكي يجعل رمز للشباب يجب ان يكون مثاليا
مش عاوز اصدعك بقي
و شكرا لمداخلتك

م.حاتم السباعي

[hobiko]

لك ان تظن ما تشاء
و يبقي لي حق التعبير عما اراه بالصورة التي اراها طالما انها في حدود الادب العام
و بفضل له لست ضعيفا او خائفا كي ارسل رسائل مبطنة لاي شئ
انا لا احترم المدمنين و من علي شاكلتهم
و الدليل
انتظره من المدافعين عنه انه ليس كما ذكرو عنه ( هوه انت لا تعرف انه بيشرب مخدرات )
و ايه رأيك نتعاهد من الان ان لو القضية بتاعتة اثبتت انه برئ من موضوع المخدرات ده اعتذر بموضوع
اما لو ثبت انه فعلا كان معاه مخدرات يبقي القائمين علي الصفحة يقولو للشباب المنضمين يا جماعة هذا الرمز الذي جعلناه رمزا للدفاع عن الحق و نتخذ من اسمه شعارا كان ( شايل مخدرات معاه )

م.حاتم السباعي

نعتذر عن إيه ؟؟؟؟؟ أو يعتذر القائمون على صفحة خالد سعيد عن إيه ؟؟؟؟؟ إيه موضوع الاعتذارات إلي احنا مطالبين بيها دي ....... من يومين واحد يطلبني اعتذر للداخلية عشان البنت سلمى و إنهردة إعتذر عشان خالد سعيد ......

أنا مش فاهم إنت ليه مصر على الخلط ما بين سلوك شاب يكون ذي ما يكون ...... حتى لو بيشرب بانجو


و بين وضعه كرمز للظلم ....... حد قال لحضرتك إنه رمز للتقوى و الصلاح ...... أو رمز لجيل المستقبل ....... أو رمز للتفوق و النجاح ؟؟؟؟؟؟


خالد سعيد ...... رمز للظلم .......... رمز للظلم .......... رمز للظلم .......... رمز للظلم .......... رمز للظلم ..........


أنا مش شايف حد ...... بيشرب بانجو مثلاً ماركة خالد سعيد ...... أو عمل تسريحة خالد سعيد ..... أو مثلاً كسر سنانه تقليداً لكسر سنان خالد سعيد


جروب خالد سعيد ...... كان فعلاً نواه للثورة دي و أحمد الله على نجاح الثورة دي ياما كنا حنبقى


كلنا خالد سعيد

[tamer_a7]

طبعا انا كالعاده اجد نفسي في اخر الموضوع ولا يوجد ام اضيفه غير سؤال طبي بحت
هو ما يظهر من الشفه السفلي ونزولا الي منطقه الرقبه مش هيه دي الغرز بتاعت التشريح وان كانت فمعني ذالك ان الصوره فعلا بعد التشريح
انا من رايي ان يعاد التشريح وبشفافيه كامله يعني تشريح يتم امام ناس كتير من جميع الجهات

[human]

هو ليه الحقيقة فى البلد ديه صعبه؟

[ahmed2y]

بصرف النظر عن اى حاجة فى الموضوع دة اية الى فتح الكلام الجديد دة دالوقتى اشمعنى دالوقتى وكان فين الكلام دة من ساعتها
( يا ترى هنسمع اية تانى وموضوع اية تانى الى هيتفح ويتعاد فية الكلام بطريقة مختلفة )