لا يشرفني ان نكون كلنا ( خ.س ) و كلنا عارفين

[AshTurbo]

اسلوب راقي في الحوار
شكرا

ياسيدي أنا مغلطش فيك ولو بكلمة فشأنا أم أبينا خالد سعيد كان سبب من أسباب قيام الثورة أن لم يكن السبب الرئيسي وخالد سعيد مش قدوة لينا ولكن هو رمز للتعذيب والقسوة المفرطة اللي كانت الشرطة تعامل بها المواطنين سواء كانوا حشاشين أو معارضي سياسيين أو حتى أصحاب لحية زي سيد بلال رحمة الله عليه .

ان كان هذا رأيك فأنت حر في نفسك
فأنا لا اوافقك عليه
ليس بيننا في هذا المنتدي حشاشين و متعاطين بانجو


كلام حضرتك كله تلميح بأن المتعاطف معاه حشاش بدليل أنك بتقول " مش هقول أسامي واللي على راسه بطحة يحسس عليها ويتكلم معانا " وتقول كمان كل مدى يزيد يقيني أننا من المنتمين لهذا الفكر ومش فارقه معانا أن كان حشاش ولا لأ

[world_of_kill]

واحد صاحبي محل ثقه صاحبو ظابط في اسكندريه يعرف الحوار كلو قالو ان الواد كان فعلا معاه لفافه بنجو لكن بسبب غباء المخبرين كالعاده و تخلفهم الواد بيقول بلع اللفافه فلما بدأ يتخنأ فكروه بيمثل عليهم و نزلو فوقيه ضرب لغايه اما مات فعلا

بس قشطه بدام كان سبب في تحرك ناس كتير كانت سلبيه و لما مات حركهم و خلاهم ينزلو الثوره او اشعلو الثوره

و ربنا يرحمو و برضو الله اعلم

[sara2001]

باشمهندس حاتم
حضرتك قصدك واضح جداً من الموضوع وهو رفض ان يتصف الرمز بأي صفه سيئه
ويظل رمز لأجيال قادمه
وفي نفس الوقت ترفض الظلم الذي تعرض له
ولكن أعتقد أيضاً ان من اتخذه رمز اتخذه رمز لرفض التعذيب واهدار الكرامه والدفاع عن النفس
هو رمز يحتذى به في رفضه الإهانه ودفاعه عن كرامته حتى الموت
وهذا ما اقتدى به الشباب ...... ولا أعتقد ان أحداً سيقتدي بسلوك مشين

ولكن دعني اطرح بعض الأسئله؟
هل ثبت عليه سوء خلقه بالفعل ؟
وهل هذا يبرر تعذيبه؟
هل نعلم وهو بين يدي الله الآن انه قد غفر له أم لا ؟
هل يوجد بشر في الدنيا لا يخطىء؟
من من الرموز البشريه الذين ليس لهم أخطاء ..... الكمال لله وحده

وأخيراً أعذرني توقيت مناقشة فكرة هذا الموضوع ومن ظلموه لم يحاسبوا بعد عفواً ليس بالتوقيت المناسب
ويثير شكوك البعض ولست منهم انه يستحق ما حدث له

[م. حاتم السباعي]

[frame="1 80"]كلام حضرتك كله تلميح بأن المتعاطف معاه حشاش بدليل أنك بتقول " مش هقول أسامي واللي على راسه بطحة يحسس عليها ويتكلم معانا " وتقول كمان كل مدى يزيد يقيني أننا من المنتمين لهذا الفكر ومش فارقه معانا أن كان حشاش ولا لأ [/frame]
يا اخي اتقي الله فيما تقول ( فين كلامي اللي بلمح بيه ان المتعاطفين يبقو حشاشين ) فين اصلا كلامي اللي متوجه مني للمختلف معي في الرأي
انا كتبت الموضوع و شرحت اسبابي
و ذكرت انني لن اذكر اسمه صراحة ( لان هو كأسم في حد ذاته لا يعنيني الله يرحمه ) كأن يكون حاتم او محمد او فلان
لذلك رمزت له ( بالحروف ) كي لا يكون قضيتنا الفرد بذاته المتوفي و اكملت حديثي كي لا نزعل حد لاني لا اخوض في سيرته هو شخصيا ( كفلان ) فحتي لا اغضب احد رمزت له يبقي مفيش حد كل شوية هيجي مثلا يقولي انته تعرف فلان فلان ده قريبي او كذا
فأنا رمزت له ( لان الموضوع اصلا بيناقش اتخاذ رمز لشباب بالمجتمع احدث منهم اشخاص ثورة حتي هوه نفسه هذا الشخص لم يحدث ثورة لذلك اوؤكد انه لم يعنيني ( اسمه او بلده )
و لما اقول اللي علي راسه بطحة يعني اللي هيكون مقتنع ان اللي بيمثل له ان يكون رمزا او محركا لشئ ما لا تفرق معه ان يكون هذا الملهم ( حشاش او بتاع بانجو ) طلبت منهم ان يناقشونا بالمنطق
و اكملت مشاركتي معكم
فين بقي دلائل اتهاماتك ارجوك
و لما اقول ان كل ما بشوف الردود بيزيد يقيني ان الناس بتنتمي لهذا الفكر
طبعا و مازلت اكررها هناك من الاعضاء و انت منهم قلتم مش فارقه معاكم و هذا هو اصلا اصل الموضوع و هذا ما استنكرته ( و علشان كده عملت الموضوع ) و هذا رأيي الذي لم افرضه مع من اختلف معي
و هذا كان طلبي من الاول
اما اكون انا غلطان و طالب المثالية او تكونو انتم الصح
حتي انتم المدافعين للاسف عن الشخص مش الموضوع لم تتفقو
فعضو يقول لنا ان فلان ( فوق مستوي الشبهات و ان ما حدث معه من الاصل كان تلفيق في تلفيق ) و انا ذكرت اني كنت متخيل كده زمان في اول الموضوع
و عضو اخر قال مش فارقة معانا ( حتي لو ثبت انه حشاش هوه مفجر الثورة )
( و اخر لا ينكر فكرتي و لا ينكر انه ليس بقدوة )
فيه ايه بس ارجو ان تراجع بالراحة ما اكتبه و يا ريت اللي بيشاهد الكلام امامه يداري الاسم اللي مكتوب و يجاوب علي المشاركة و ليس صاحبها حتي يكون هناك حتي رد مقنع نستفيد منه اما الهجوم و الاتهام بالباطل بجد بيخلي الواحد يحس اننا بنضيع و قت مثلا نغلق عيوننا و نصدق اي حاجة و خلاص

م.حاتم السباعي

[م. حاتم السباعي]

واحد صاحبي محل ثقه صاحبو ظابط في اسكندريه يعرف الحوار كلو قالو ان الواد كان فعلا معاه لفافه بنجو لكن بسبب غباء المخبرين كالعاده و تخلفهم الواد بيقول بلع اللفافه فلما بدأ يتخنأ فكروه بيمثل عليهم و نزلو فوقيه ضرب لغايه اما مات فعلا

بس قشطه بدام كان سبب في تحرك ناس كتير كانت سلبيه و لما مات حركهم و خلاهم ينزلو الثوره او اشعلو الثوره

و ربنا يرحمو و برضو الله اعلم

عارف بقي لو انا اللي مثلا تجرأت و قلت هذه الكلمات ابقي ( فلول و الباقي انته عارفه )
و بجد حلوه قشطة دي و الله نفسي اتعلم اللغة علشان ( متهرش تاني ) يا اخي الكريم
و اصبح من الاجندات الالكترونية
تقبل تحياتي
و طبعا ربنا يرحم اللي مات و يقتص ممن شوهوه

م.حاتم السباعي

[misoalex]

مكنتش اعرف ان شرب المخدرات دلوقتى بقى فضيلة
مدام الشعب كله بيشرب يبقى خ . س مظلوم فى انهم قبضوا عليه اصلا

وهو مين اللى قال ان شرب المخدرات فضيله بس مش دى اللى حتطلع ان حلال فيه الموت والا يبقى حلال في اغلب الشعب اللى كانت بتعمله الداخليه لان اغلب الشعب بيشرب او كان بيشرب حشيش

ولما واحد يتقتل على ايد الداخليه ويطلع كان بيشرب سجاره حشيش يبقى محدش يدافع عنه اصله كخه

هو الناس مش عايشه فى البلد دى ولا ايه ده الحشيش بيتباع جوه المدارس وبيتشرب فى الحمامات ولا احنا بس عاملين مش واخدين بالنا

[AshTurbo]

واحد صاحبي محل ثقه صاحبو ظابط في اسكندريه يعرف الحوار كلو قالو ان الواد كان فعلا معاه لفافه بنجو لكن بسبب غباء المخبرين كالعاده و تخلفهم الواد بيقول بلع اللفافه فلما بدأ يتخنأ فكروه بيمثل عليهم و نزلو فوقيه ضرب لغايه اما مات فعلا

بس قشطه بدام كان سبب في تحرك ناس كتير كانت سلبيه و لما مات حركهم و خلاهم ينزلو الثوره او اشعلو الثوره

و ربنا يرحمو و برضو الله اعلم

صاحبك محل ثقة وصاحب صاحبك ظابط محل ثقة وأكيد أكيد اللي حكا للظابط صاحب صاحبك الثقة ظابط ثقة بردوا بس أوعى يكون من ظباط قسم سيدي جابر اللي قتلوا خالد سعيد أو يعرفهم أو أوعى يكون الظابط ده زميل ليهم تبقى شهادته مجروحة خلى بالك ولا انت شايف أيه ؟

بس قشطة بدام هو ثقة يبقى خلاص أحنا كلنا مصدقينه .

[misoalex]

خالد سعيد حشاشا والاخوان المسلمين حشاشين .. والليبراليين بيتعاطو بانجو :)

وعلى راى القذافى .... كل الشعب بيتعاطى حبوب هلوسة

وكل معارضين حسنى مبارك ... وحشين !!!!!
___________________

نيجى للجد....ملاحظ ان فيه حملة دلوقتى من انصار المخلوع عالانترنت هدفها تشويه كل الرموز الوطنية المعروفة الى شاركت فالثورة

من اول البرادعى ووائل غنيم مرورا بشباب 6 ابريل ......الخ

دول بتوع صفحة (احنا اسفين ياريس)

لنا الله

فعلا انا ملاحظ من فتره ان بدأت حمله التشويه فى الثوره وفى بعض الرموز لعبه قديمه على فكره بس للاسف فيه بعض الناس بتمشى ورا الكلام ده

[mido_soliman]

[font=arial narrow][size=4][color=blue]

هرد علي اولا
مش من حقك دي اللي انته كاتبها لي لا تصح لان الطبيعي ان حضرتك تقول لي و تسألني ليه كتبت ( لا يشرفنا ) و ليه لم تكتب يشرفني ( تمام كده ) و لما اكون انا غلطان تستطيع انت ان تعلمني الصح مش الصح انك تعدل علي حاجة و انت تجهل سببها

اولا قبل ما تكمل بس علشان افهم واحدة واحدة حضرتك كاتبلى اية لانك واضح اوى ان كلامك فية حدة وعنف وسببة اية مش عارف بس حقول تانى لانى بصراحة مفهمتش ولا كلمة من اللى حضرتك رديت بيها عليا لانها ملهاش اى علاقة بتعليقى (اللى هوة اولا ) تانى انا قلت ليس من حقك ان تتحدث بصيغة الجمع وانما من حقك ان تتحدث عن نفسك وكان من باب اولى ان تقول لا يشرفنى ان اكون وليس ان نكون وبيتهيالى معروف هنا (النون ) ترمز للجمع مش عارف باة اللى حضرتك كتبتة دة معناة اية وسبب اية اللى انا جاهلة (الكلمة حادة اوى بس انا مش حرد عليها لان واضح ان حضرتك اللى مفهمتش اساس كلامى ) ولا جبت سيرة ان الموضوع كان ناقصة الجملة الفلانية وعلشان طولة حضرتك شيلت كلمتين تلاتة ولا لى اى دخل ولا علاقة بالسبب العجيب دة كلامى كان واضح وضوح الشمس مش عارف تم تحويرة لية ولية التهجم دة
حاجة اخيرة حضرتك لما تتكلم معايا متقوليش انتة (اولا مفيش حاجة لغوية اسمها انتة حتى لو تتكلم العامية تقال انت ) زى ما بقول حضرتك فى كل جملة اتمنى الرد بمثلها

و السبب هو اني كنت كاتب العنوان هكذا ( لا يشرفني ان نكون كلنا منضمين لصفحة ( كلنا خ.س )
و تم حذف ( كلنا منضمين لصفحة ) لطول المقطع و لسهولة فهم الغرض و اراه افضل من و جهة نظري
ثانيا دي انا رديت عليها سابقا و اطلت في شرحها

هوة حضرتك اطلت فى شرحها فين بالظبط وهل انا من المفترض انى ادور على الرد دة فى اقتباس اخر وكلامى كان ردا على موضوع حضرتك ولا اية اعتقد من الافضل احتراما لكل المنتسبين للحوار او للموضوع اللى حضرتك عالمة ترد على كل واحد اخذ من وقتة ومجهودة للتدخل وابداء الراى مش تقولى فيما معناة انا رديت ودور انت باة على الرد ولا انا كلامى غلط .عموما ردك ليس مقنعنا لى على الاطلاق هذا حقى ايضا فى التعبير(ايا ما كان )

ثالثا تمام كده نفس الرد منك ( انت لا تنكر ) فعل الشاب ( فمن منا بلا اخطاء )

مش عارف كل ما واحد يرد تقولة انت لا تنكر انت لا تنكر ولا اعلم ما سبب هذا التلميح ومن انت حتى تقر ان كنت انكر او لا تذكرنى بمن يحوروا كلام الله ( لا تقربوا الصلاة .) اين باقى ردى يا اخى الفاضل وهل جملة من منا بلا اخطاء فهى اقرار منى ان خالد رحمة الله علية حشاش ؟؟؟؟ عجيب اصرارك على تلميحات غير مقبوله اطلاقا وهذا حقى للمره الثانية فى ابداء رائى واعتراضى على تقطيع الجمل والتلميح بطريقة مستفذة

و لكنك تراه رمز و علشان كده انا رافض ده

حضرتك حر ترفض ام لا فهذا شانك ولا يعيننى فى شىء ولكن طالما من حقك الرفض فانا لم اأخذ رايك فى ان كنت ترفض ام لا ولكن دعنى اخبرك مرة اخرى وارجوك يا اخى اقرا تعليقى من الاول مجددا وهو فى الصفحة الاولى وندمت اشد الندم حين كتبتة لانى لم اكن اتصور ان تعليقى بهذة الصعوبة مرة اخيرة قلت فى تعليقى فى الصفحة الاولى وكما رددها معظم بل كل من علق فى باقى الصفحات ان رمز خالد رحمه الله لنا هو رمز لظلم بين (تشديد الياء) وقتل عمد وتنكيل صريح وطمس للحقائق حتى (وضع تحت حتى مليون خط ) وان كان مخطئا .انا مش عارف حاليا حضرتك لية حاسس ان همك الاول والاخير تعرف ان كان الولد حشاش ولا لاء ؟؟؟ هى دى القضية فى نظرك ؟؟؟ ومن هم الشباب والبنات الذى يتخذونة قدوة لانة حشاش ؟؟؟ اين رايتهم او سمعتهم ان كنت تعرفهم فهم ليسوا شباب اسوياء ويجب عليك نصحهم اما المليون اللى على الصفحة فجميعهم من الاسوياء بحمد الله لانهم وقود الثورة الحقيقى

و علشان و جدت هذا الامر ينتشر بين بعض الشباب اثرت الموضوع

ينتشر ازاى بردة انا مش مستوعب اسمحلى هو حضرتك الوحيد اللى بيتابع حركة الشباب وحواراتهم وكيف بالله عليك بتقوم برصد انطباعات واراء الشباب من الجنسين ؟؟

و هذا حقي كي لا تختلط الامور
لكن الشجاعة ان يعترف الناس ( الا تدري ان نه يروي عن فارس انه كان محبوسا اثناء معركة للمسلمين بسبب شربه للخمر و كان ينتظر اقامة الحد و لكنه فارس همام لا غبار عليه فلما حدثت المعركة و هو محبوس كان يبكي كي يخرج للمعركة و لما مكنوه من الذهاب للمعركة ابلي بلاء حسنا فلما عاد و تم تطبيق الحد عليه بعدها و مات ايضا بعدها ) لما رويت حكايته للتاريخ لم يشيلو انه كان شارب للخمر عارف ليه لان ربنا لم يستره في الدنيا و حكايته للعبرة و ليست للتشفي او البهتان او النميمة
و لا يجوز تصوير شاب مدمن مخدرات علي انه بطل شعبي و مع الزمن لا يذكر انه كان يشرب المخدرات و يظل موضوع البطل و تنمو اجيال من بعده عارفه اخلاقة جيدا و لم تنكرها عليه

م.حاتم السباعي

[misoalex]

يا جماعه
حسنى مبارك فى شرم
اللى بيحن لايامه السوده ممكن يروح له
واللى عمل حاجه احسن من الناس التانيه يشكك فيهم
واللى كان ساكت وبالع لسانه يا ريت يبلعه تانى

مهو بيقولك مينفعش حد يروحله ولا يقابله مهو اللى فيه داء عمره ما يبطله ياريت الناس تفهم

[م. حاتم السباعي]

باشمهندس حاتم
حضرتك قصدك واضح جداً من الموضوع وهو رفض ان يتصف الرمز بأي صفه سيئه
ويظل رمز لأجيال قادمه
وفي نفس الوقت ترفض الظلم الذي تعرض له
ولكن أعتقد أيضاً ان من اتخذه رمز اتخذه رمز لرفض التعذيب واهدار الكرامه والدفاع عن النفس
هو رمز يحتذى به في رفضه الإهانه ودفاعه عن كرامته حتى الموت
وهذا ما اقتدى به الشباب ...... ولا أعتقد ان أحداً سيقتدي بسلوك مشين

ولكن دعني اطرح بعض الأسئله؟
هل ثبت عليه سوء خلقه بالفعل ؟
طبعا هذا يعلمه الله و من تحري و سأل و من ادعي و انا ذكرت معرفتي السابقة ثم كيف انني و ثقت باحد و حجتي معي لا افرضها علي احد و قلت ( لو ثبت )
وهل هذا يبرر تعذيبه؟
ابدا ابدا و اكدت ذلك مرارا و لا خلاف عليه ابدا و ربنا ينتقم ممن فعل به هذا
فأنا لا اقبل ذلك علي الحيوان فما بالك بالانسان
هل نعلم وهو بين يدي الله الآن انه قد غفر له أم لا ؟
هذا يعلمه الله و يا رب اغفر لنا و له ( و لكن هذا ليس موضوعي اختي الكريمة ) حينما كانت هناك امرأة زانية في عهد الرسول و منع الرسول و نهي عن التحدث عنها لانها ( تابت و اقيم عليها الحد امام الناس ) لم يذكر التاريخ ان الرسول جعلها رمزا
هل يوجد بشر في الدنيا لا يخطىء؟
حاشا لله
من من الرموز البشريه الذين ليس لهم أخطاء ..... الكمال لله وحده
اختلف معك هنا ( الرموز البشرية هي قدوة ) فلا يصح مثلا ان يكون رمز العفة ( امرأة لها ماض حتي لو تابت )
او ان يكون رمز الشباب و قدوتهم ( ابو تريكة او شيكابالا ) و هم لاعبي كرة و ينسي الشباب ( اسامة و عمار و خالد ) و طبعا الكمال لله و حده
وأخيراً أعذرني توقيت مناقشة فكرة هذا الموضوع ومن ظلموه لم يحاسبوا بعد عفواً ليس بالتوقيت المناسب
احترم و جهة نظرك
ويثير شكوك البعض ولست منهم انه يستحق ما حدث له
حاشا لله ان يكون هذا ضميري

عارفه يا استاذه سارة
فيه ملحن مشهور من زمان شوية ( كان معروف عنه ايضا انه كان حشاش مثلا او بيشرب )
انتي عارفة ان مع الزمن يظل يذكر انه الفنان فلان و لا يستطيع احد ان يذكر انه كان كذا فيفتن به الشباب
بس في الجلسات الخاصة علطول تيجي سيرته فيكون قدوه في سلوكه كما هو قدوه في الحانة ( بغض النظر اصلا عن حرامها من حلالها ) و طبعا ده كان زمان ايام الناس العواجيز اللي زيي
لكن دلوقتي و كل حاجة و اضحة و معروفة و لا نستطيع ان نداري علي حد فهنا كان الموضوع
انه سيظل الرمز مقترن بالفعل ( و كان هذا رفضي للموقف )
و شكرا طبعا لرأي حضرتك

م.حاتم السباعي

[ابو ليلى]

اخيرا .....وصلت للصفحة الاخير وهرد......

يا بشمهندس حاتم يا صديقى العزيز هون على نفسك ولا تحرث فى البحر

وقوم علشان نصلى الفجر ......تصبح على خير

[yoyome]

خالد سعيد بقي خ س

حضرتك مش عاجبك خالد سعيد إتكلم عن نفسك لا تتكلم بصفة الجمعة

وحتي لو مدمن و تاجر مخدرات و عاهر و فية كل العبر .. هل يستحق أن يموت بهذة الصورة البشعة

للأسف انا مبفهمش الإزدواجية دية .. هل تبرر اليوم قتل مواطن بهذة البشاعة

و أخير "كلنا خالد سعيد" رغم أنف الكارهين

[yoyome]

وبعدين هي باينة يا جماعة من صاحب الموضوع ومؤيدية

إنهم من الأخوة الملتزمين المتطهرين اللي مبيخرجوش علي الحاكم (طبعا عارفينهم) .. إنما خالد سعيد دة مكانش ملتزم و بيسمع معازف .. إنما ميقدرش يقول معازف، يقولك بيشرب مخدرات وأصلة مكانش حسن السير والسلوك في الجيش يعني مش وطني، و يقولك زي الداخلية اصلة كان علية قضية تحرش بأنثي يعني متحرش ومغتصب

نفس طرق إغتيال النظام .. حتي من سلموا روحهم لله لا يوفوهم حقهم في أدني صورة و هو ذكر محاسنهم

فعلا أساليب رخيصة !

[م. حاتم السباعي]

وبعدين هي باينة يا جماعة من صاحب الموضوع ومؤيدية

إنهم من الأخوة الملتزمين المتطهرين اللي مبيخرجوش علي الحاكم (طبعا عارفينهم) .. إنما خالد سعيد دة مكانش ملتزم و بيسمع معازف .. إنما ميقدرش يقول معازف، يقولك بيشرب مخدرات وأصلة مكانش حسن السير والسلوك في الجيش يعني مش وطني، و يقولك زي الداخلية اصلة كان علية قضية تحرش بأنثي يعني متحرش ومغتصب

نفس طرق إغتيال النظام .. حتي من سلموا روحهم لله لا يوفوهم حقهم في أدني صورة و هو ذكر محاسنهم

فعلا أساليب رخيصة !

اللهم اجعلنا من الملتزمين المتطهرين يا رب
ايه دخل المعازف في الموضوع يا محترم

م.حاتم السباعي