حد بيفهم فى الطيارات الحربية يفهمنا يعنى ايةطيارة رافال وسوخوى

[FAR!D]

طيب يا جماعة عندى سوال مهم جدا جدا

أيام حرب العراق والكويت كانوا بيقووا ان طيارة ليها كارت مغناطيسى بيشغل الموتور والكارت دة لازم يتشحن كل سنة في بلد المنشاء والا الطيارة تتحول الى قطعة خردة الكلام دة صحيح بجد؟؟

انت مصدق الكلام اللي انت كاتبه ده ؟؟

[الفجر]

انت مصدق الكلام اللي انت كاتبه ده ؟؟

الكلام دة كان شائع أيام حرب الخليج والله وحضرتك ممكن تسال

[ahmedwagdy03]

اللى أعرفه إن الرافال زى السوخوى زى اليوروفايتر زى الإف الأمريكانى .

كل دولة من دول بتعمل النسخة الخاصة بيها مع إختلاف التكنولوجى يعنى تلاقى واحد متفوقه عن التانية فى السرعة أو كمية التسليح ...إلخ .

لو مركونة فى فرنسا فى البدروم مكانتش فرنسا تستعملها فى جيشها .

السوخوى مش بالضرورة تكون قديمة و خردة لإنها أجيال زى الإف 16 و الإف 36 . المهم أى نوع مصر حتجيبه .


الكويس فى كل ده و اللى يتحسب فعلا للسيسى إنه فعلا بدا ينفذ مبدأ تنويع مصادر السلاح بالفعل لا بالقول مش زى غيره اللى كان بيقول حينوع مصدر التسليح و تيجى الست هيلارى فتلاقى الكلام مات تانى يوم.
بس برضه نرجع نقول ربنا يستر لإن أمريكا مش بالسهل تسيبه يخرج من جلباب العم سام .

تفسيرى إن أمريكا ساكتة و مش حيفرق معاها ضم نوعية غير أمريكية للسلاح المصرى إن الرافال أو السوخوى مداهم لغاية 3600 كيلو يعنى بنتكلم على أهداف أبعد من 500 كيلو من الحدود .يعنى إسرائيل غير معنية بالدرجة الأولى بهذة الطائرات و أمريكا مش حتخاف غليها لإنها داخل مدى 300 كيلو من القناة و مش معقول إن دولة فقيرة تدفع مليارات زائدة للحصول على مدى طيران أبعد من الهدف .

[naser_56]

الكلام دة كان شائع أيام حرب الخليج والله وحضرتك ممكن تسال

هو عموما علشان تبقي مطمئن من الناحيه دي
انا قبل حوالي 5 سنين بعت موتسيكل كوازاكي لواحد فرنسي وكان شغال في اير فورث وهو كان ميكانيكي او فني صيانه وطبعا سألته علي فرص شغل وكان رده ان الطيارات بتاعتهم ممنوعه حد يشتغل في الصيانه بتاعتها ولا يعرف اي حاجه عنها ولا حتي يدخل الوورك شوب بتاعهم

[طارق _عبد السلام]

هو عموما علشان تبقي مطمئن من الناحيه دي
انا قبل حوالي 5 سنين بعت موتسيكل كوازاكي لواحد فرنسي وكان شغال في اير فورث وهو كان ميكانيكي او فني صيانه وطبعا سألته علي فرص شغل وكان رده ان الطيارات بتاعتهم ممنوعه حد يشتغل في الصيانه بتاعتها ولا يعرف اي حاجه عنها ولا حتي يدخل الوورك شوب بتاعهم

وحتى يافندم لو الميكانيكى ده لو يعرف حاجه ..احنا المصريين نفهم اكتر منه بنعرف نقيم طيارات واسلحه متطوره اوبدائيه...نعرف اقتصاد احسن من اى اقتصادى فى العالم.... نتكلم سياسه محدش ادنا فى البولتيكا طبعا..... ونعرف فى الدين اكثر من اى عالم ازهرى.... وبنفهم فى الكوره احسن من الاسبان والبرازيلين انفسهم........... وبنتكلم فى الطب افضل من احسن طبيب فى العالم........ واللى يعترض ياخد بال..................... ياااااااااااااااااااااااااه احنا لسه شوفنا حاجه

هات بس اى حاجه توقع البلد كمان وكمان ..او اى حاجه تحرق الدم وهتلاقى التهليل والتكبير.....

[memo_p910]

الصفقه بصراحه غاليه جدا يعني 5 مليار يورو على 24 طائره فقط يعني الطياره واقفه على مصر ب ب 285 مليون يورو او مليار و 875 مليون جنيه تقريبا للطائره الواحده مش عارف ازاي الا اذا كانت الطائره هاي لاين طاره مالتي وبلوتوث وايرباجز
بجد ممكن حد يوضح ليه الطائره الواحده غاليه اوي كده

[nilmaster]

اللى أعرفه إن الرافال زى السوخوى زى اليوروفايتر زى الإف الأمريكانى .


تفسيرى إن أمريكا ساكتة و مش حيفرق معاها ضم نوعية غير أمريكية للسلاح المصرى إن الرافال أو السوخوى مداهم لغاية 3600 كيلو يعنى بنتكلم على أهداف أبعد من 500 كيلو من الحدود .يعنى إسرائيل غير معنية بالدرجة الأولى بهذة الطائرات و أمريكا مش حتخاف غليها لإنها داخل مدى 300 كيلو من القناة و مش معقول إن دولة فقيرة تدفع مليارات زائدة للحصول على مدى طيران أبعد من الهدف .

طيب ايه فائيدة المدى البعيد دة 3600 يعنى هل فى دولة بتهددنا فى المدى دة ؟

[ahmed_eng2001]

متابع باهتمام الاراء المختلفة

[Curbis]

بالنسبة للناس اللي مش عاجبها الرافال ده طيار اختبار مجرب 80 طيارة وجرب الرافال الراجل تقريبا قرب يكتب فيها شعر :)

الراجل طيار الاختبار بعد ما جرب الرافال بيقولك دي 7 طيارات في طيارة واحدة….بيقولك ككثبان الرمال المتحركة تتأقلم مع السيناريوهات المتغيرة

بس طبعا احنا عندنا ناس على تويتر بتفهم في الطيارات اكتر من طيار اختبار مجرب 80 طيارة وعامل 12 الف ساعة طيران وبيقول شعر في الرافال :)

DefesaNet - HO - What does Egypt get for choosing the Rafale - Dassault’s fighter jet?

[Curbis]

الصفقه بصراحه غاليه جدا يعني 5 مليار يورو على 24 طائره فقط يعني الطياره واقفه على مصر ب ب 285 مليون يورو او مليار و 875 مليون جنيه تقريبا للطائره الواحده مش عارف ازاي الا اذا كانت الطائره هاي لاين طاره مالتي وبلوتوث وايرباجز
بجد ممكن حد يوضح ليه الطائره الواحده غاليه اوي كده

ال ٥ مليار يورو ده تمن الرافال بالاضافة لـ ٢ فرقاطة فريم... الواحدة بمليار يورو تقريبا

[FAR!D]

الكلام دة كان شائع أيام حرب الخليج والله وحضرتك ممكن تسال

اشاعات اسف عبيطه جدا

[Ahmed emad has]

الطائرة الرافال هي رقم 1 في طائرات الجيل الرابع ++ ولاينافسها سوى السو35.. ولايتفوق عليهم سوى طائرات الجيل الخامس القادمة والتي لا تمتلكها أي دولة في العالم سوى أمريكا. واسرائيل لم تتسلم حتى الان اف35، وحتى وان استلمتها لاتشكل التهديد الخطير لمصر، لا ننكر التهديد لكنه غير مخيف للدرجة التي يتحدث عنها بعض العوام...لان مصر لاتدافع عن نفسها بالطائرات فقط ولكن تمتلك أعقد شبكة دفاع جوي في المنطقة ككل ولايوجد دولة في الشرق الأوسط لديها التشكيلة المصرية ، بل انه لايوجد دولة في العالم تمتلك تعقيد الدفاع الجوي المصري (باتريوت باك 2و3 و تور ام وبوك ام و حتى اس300 فالطريق دا غير المنتجات المصرية زي طير الصباح و امون الي ابهر العرب في حرب الخليج، واكتر من 10 انواع اخرى من انواع الدفاع الجوي قصيرة المدى) و قدرات كشف كهروبصرية و رادرات مختلفة و طائرات أواكس..الخ.... وبالتالي فأي هجوم اسرائيلي او غيره هيكون انتحار ليس إلا وحرب تدمير نهائية للإسرائيليين وتدمير ل60% من مصر. ولكن في النهاية مصر مستحيل تخسر حرب امام الاسرائيليين عالاقل خلال ال20 سنة الجاية.....

نرجع للرافال، الرافال هي درة التاج و هي رقم 1 بلا اي منازع...كفاية بصمتها الرادارية الشبه شبحية وعيبها الوحيد مصاريف تشغيلها وسعرها وصيانتها، الغرب كله بيعمل ضد نشر الرافال لان اليوروفايتر ساعتها مش هتتباع ولا الطيارات الامريكاني هتتباع.

ومش بس مصر اللي عايزاها، الهند والامارات وقطر و عشرات الدول عايزاها لكن المشكلة في سعرها المبالغ فيه ولكن من حق الفرنسيين لان المشروع اتصرف فيه اكتر من 60 مليار ودي وجهة النظر الفرنسية.

في النهاية الكفّة متكافئة خصوصا مع صفقات السلاح الجديدة هتخلي اي حد يفكر مليون مرة يقرب من الحدود.

ولما نتكلم عن القوات الجوية ل مصر فهنقول ان في اكتر من 220 اف16 قوية بلوك محدث 40 عالاقل ولازال العمل جاري على البلوك 52. دا غير الميراج 2000 وغيرها من الطائرات الخفيفة و المتقادمة واللي طائرات زيها نفعت في حرب اكتوبر وعملت معجزات خصوصا في معركة المنصورة.



والسو30 قادمة من أجل استبدال طائرات قديمة من عينة ميج 21 او كتمهيد لسو35.او حتى لعمل تضليل وهيكون فالاخر مفيش سو30 ويكون في مفاجئة روسية لمصر بعد الصين :)

دي الإجابة شبه المختصرة. ونرجو عدم الزج بكلام يهز ثقة المصريين في جيشهم لان الجيش المصري هو جيش مصر وملوش داعي ندخله في الخلافات السياسية حيث انه الجيش المصري سيظل جيش مصر في عهد أي حاكم ولازم نحافظ عليه ايا كان الحاكم انتمائه السياسي.انشاله لو الحاكم مين، أقسم بالله الجيش المصري رجال ويعمل في صمت وسرية ولولاه لضاع العرب :)

المعلومات اعلاه لاتعتبر سرية ولايوجد مشكلة من نشرها....

الصراحة انا نفسي اصدقك جدا جدا بس مش قادر .... صدقني انا هكون اسعد واحد في العالم لو صدقتك بش للاسف ده مش هيحصل لان كلام حضرتك غير واقعي ولا يمت للحاضر بصلة .. انا عارف ان جيش مصر علي الاغلب اقوي الجيوش العربية والافريقية . الدفاع الجوي المصري ليس ضعيف لكن ليس قوي . يمكن اختراقه بسهولة من طائرات اف 35 وايضا اف16 المعدلة . الجيش الصهيوني اقوي جدا للاسف من المصري في كل شيئ الا في حاجتين اولهم العدد ثانيهم ايمان المصريين و ثقتهم في الله و خوف ورهبة الصهيونيون من القذف بالطوب حتي لكن دعونا لا ننسي ان الحرب النهائية هتكون بالسيف ومش هيبقي فيه اف35 ولا سو ولا ميج ولا حتي كيا سيراتو

[الفجر]

شوف ومتع قلبك وعينك

تدريبات قوات الصاعقة للبنات روسيا وما ادراك ما روسيا ههههه

ممنوع لاصحاب لقلوب الضايعة

ههههههههههههههههههههههه

https://www.youtube.com/watch?v=N-D--6rHHVE

[S.h.a.h.e.r]

لم يلاحظ اكثر المتحدثن بعض النقاط:
1 - هذه الطارات ليست لقتال اعدانا وانما لقتالنا نحن
2 - ان فرنسا هي بلد عدو وليست صديق فكيف تشتري منها السلاح
3 - ان المبلغ المدفوع في الطارات كان كافي لانتاج مصنع لتصنيع الطارات محليا
4 - ان الطارات الموجوده حاليا بالجيش والمدفوع فيها مليارات لم تستخدم ولو لمرة واحده
5 - ان من سيقود هذه الطارات هم مجموعه من الجهلة تحت اسم ظباط فلا يدروا كيف صنعت ولا كيف يتم تصليحها
6 - ان الاولويه في بلدنا ليست بالاساس شراء طارات وانما توفير الخبز للمواطنين آكلي القمامة والنفايات
شكرا

[h_shahin]

لم يلاحظ اكثر المتحدثن بعض النقاط:
1 - هذه الطارات ليست لقتال اعدانا وانما لقتالنا نحن
2 - ان فرنسا هي بلد عدو وليست صديق فكيف تشتري منها السلاح
3 - ان المبلغ المدفوع في الطارات كان كافي لانتاج مصنع لتصنيع الطارات محليا
4 - ان الطارات الموجوده حاليا بالجيش والمدفوع فيها مليارات لم تستخدم ولو لمرة واحده
5 - ان من سيقود هذه الطارات هم مجموعه من الجهلة تحت اسم ظباط فلا يدروا كيف صنعت ولا كيف يتم تصليحها
6 - ان الاولويه في بلدنا ليست بالاساس شراء طارات وانما توفير الخبز للمواطنين آكلي القمامة والنفايات
شكرا

اختلف مع حضرتك في كل النقط
1- متى استخدمت الطائرات المقاتلة المصرية لضرب المصريين أو المدن المصرية؟
2- فرنسا و أمريكا و روسيا و كل الدول التي تمتلك تكنولوجيا حديثة تتمنى زوال الأسلام و تحاربه سرا و علانية تؤيد إسرائيل جهارا نهارا و المصلحة تقتضى أن تستفيد بما لديهم من علم و تقدم و تحيد بعضهم و تتحالف مع البعض حتى تصل للقوة المطلوبة للوقوف في وجههم
3- صناعة الطائرة لا يلزمها وجود مصنع فقط و إلا كان كل الدول أنتجت طائرات و لكن لإنتاج طائرة واحدة يتطلب الأمر أبحات و تطوير يتكلف عشرات أضعاف تكلفة الإنتاج الفعلى فكما قال أحد الأخوة الزملاء تطوير الرافال تكلف 60 مليار يورو و تطلب 20 عام من الأبحاث و التطوير لإن الطيارة ظهرت لأول مرة من 20 سنة و لكنها دخلت الخدمة فعليا في سلاح الجو الفرنسي سنة 2006 فقط و تكلفة تطوير و انتاج الإف 35 تتجاوز 390 ملياؤ دولار و هكذا لكن هذا لا يمنع من ضرورة محاولة انتاج طائرة مصرية و لو كانت محدودة القدرات مثلما فعلت باكستان و أظن أن هناك اتجاه للتعاون مع الصين في هذه النقطة
4- يوجد في علم الاستراتيجية ما يسمى بنظرية الردع و هي نظرية تقوم على إجبار الأعداء على عدم معاداتك أو مهاجمتك نظرا لما سيكون في محاربتك من تكلفة باهظة لا يمكن للطرف الأخر تحملها و هي نفس النظرية التي جعلت أمريكا و روسيا تكدسان الصواريخ النووية العابرة للقارات دون استخدامها و لو لمرة واحدة فهى في الحقيقة لم تنتج للاستخدام بل انتجت لمنع الطرف الأخر من التفكير في مهاجمتك بأى شكل، بالاضافة إلى ان بناء قوات جوية لا يتم في ليلة و ضحاها بل يحتاج الى عشرات السنين في عملية معقدة تتضمن التدريب و الصيانة و اللوجيستيات (احتاجت مصر إلى 40 عام لاستبدال 220 طائرة ميج 21 بالطائرة إف 16) و غيرها من الأمور و بالتالى لو اعتمدت مصر على اسطولها الجوى بعد حرب أكتوبر مثلا ثم اندلعت حرب مع إسرائيل في أي لحظة فساعتها لا يمكن تعويض الفارق التكنولوجى بين القوتين.
5- لا أظن انه من مؤهلات الطيار المقاتل معرفة التفاصيل الدقيقة لصناعة الطائرة و مكوناتها فالطيار المقاتل له مواصفات بدنية و نفسية و عصبية صارمه ليس من بينها الشطارة في هندسة الطيران أو العبقرية في الفزياء.
6- صحيح الأولوية لإطعام الفقراء و لكن بجوار عدو متربص يصل إلية أحدث الأسلحة بسخاء لا يمكن إهمال إعداد قوة عسكرية تستطيع مواجهته بقدر الإمكان و إلا ستجد نفسك بعد فترة تقول الأولوية لإطعام الفقراء و تحرير الوطن