حد بيفهم فى الطيارات الحربية يفهمنا يعنى ايةطيارة رافال وسوخوى

[FAR!D]

احسن مشاركة شفتها في الموضوع ولخص الليلة كلها تقريبا

بس يعنى اية دوج فايت دة؟؟

قتال الطائرات عن قرب وجه لوجه بالرشاشات و الصواريخ قصيره المدى
بتتسمى كده عشان بتكون شرسه و بتنتهي بسقوط طياره طبعا
و بتعتمد اعتماد كلى على الطيار و جزئي على الطائره
و طبعا لو ترجمت الاسم حتفهم مدى الشراسه في القتال ده

[FAR!D]

لا وخدت بالك ضباط بيسوقوا مايعرفوش حاجة ومهندسين متخلفين ....ادي اللغة والانكي بيقولك الدولة الاسلامية هتعمل طيارات وتمن الصفقة للرافال يكفي لانتاج طائرة في مصر تقريبا القصد طائرات ورق ....كلام ضعيف وسخيف وسطحي والمصيبة انة يلاقي صدي من بعض محدودي الدراية وهاتك ياهري ...اي حاحة يشككوا فيها وادي كومنتات ....شكرا للادارة والاشراف وتحياتي لاخوتي بجد

كبررررر فيه ناس بتسمع بس اللي هما عايزين يسمعوه

[FAR!D]

ههههههههههه ....ضحكتني بجد كنت مكبوس من الصبح لاني اتورطت في حادث علي الدائري وكان معايا العيال والحمد لله طلعنا سلام من وسط اتوبيسين وتريلا و4 ملاكي ....العربية اتخرشمت لكن الحمد لله علي السلامة

الف حمد لله على سلامتك انت و الاسره
مش مشكله العربيه مادمت كويس انت و الاسره

[Mohamed_Rashad]

مصطلح في الطيران العسكري

احسن مشاركة شفتها في الموضوع ولخص الليلة كلها تقريبا

بس يعنى اية دوج فايت دة؟؟

مصطلح في الطيران العسكري و يعني القتال و المعارك الجوية بين الطائرات العسكرية على مسافات قصيرة. بس نتيجة التطور و التقدم الكبير في مجال تقنية الرادارات و التخفي و الصواريخ, بدأ يحل محل Dogfight مصطلح جديد إسمه ACM ) Air Combat Maneuvering) فن مناورات الهجوم الجوي.

[kaza]

الف حمد لله على سلامتك انت و الاسره
مش مشكله العربيه مادمت كويس انت و الاسره

اشكرك يافريد والحمدلله علي كل حال

[الفجر]

قتال الطائرات عن قرب وجه لوجه بالرشاشات و الصواريخ قصيره المدى
بتتسمى كده عشان بتكون شرسه و بتنتهي بسقوط طياره طبعا
و بتعتمد اعتماد كلى على الطيار و جزئي على الطائره
و طبعا لو ترجمت الاسم حتفهم مدى الشراسه في القتال ده

طيب ممكن فديو يشرح يعنى اية الدوج فايت دة

[FAR!D]

طيب ممكن فديو يشرح يعنى اية الدوج فايت دة

ده فيديو جرافيك
Dogfight Su-27 vs F-15 Great video!: http://youtu.be/naIWWNxF1DQ
و اعمل سيرش و اتفرج

[ahmed_eng2001]

السلام عليكم

بعيدا عن الاراء و التوجهات السياسية .... فى نقاط صغيرة .. و ارجو التصحيح الفنى :)

محدش يعرف حاجات كتير عن الرافال ..... الكلام المكتوب و المنقول من مصادر الجهة المصنعة ... يعنى زى الكتالوج ... و حتحسوا حضراتكم بتشابه الكلام بنسبة كبيرة .. و من الطبيعى ان الكتالوج ميقولش حاجة وحشة فى المنتج
الميج 21 و ال اف 16 متجربة و الناس اشتغلت فيها كتير ... علشان كدة فيه معلومات كتير عنها

من كلام الكتالوج ... شكلها طيارة كويسة و قدرتها كبيرة

فيه كلام كتير عن ارتفاع تكلفة الصيانة .... الانظمة الصيانة اصبحت مختلفة ... فالطريقة الى كنها بنصون بيها الميج و الميراج 5 ... متنفعش نصون بيها الطائرات الحديثة ... لازم تدريب و تأهيل و عقد صيانة مختلف

الطيارين و المهندسين المصريين ... زى اى فئة فى الدنيا ... فيهم ناس و ناس .... الناس الى مش بتفهم فيهم ... مستواهم كويس ... و بيسمعوا الكلام الى بيتقالهم ... نظام القوات المسلحة كدة ... بيتحط نظام تمشى عليه حتى لو انت مش فاهم او استيعابك مش كويس

ااف 16 فيها ميزتين اساسيتين .... طيارة متعددة المهام ... و رخيصة الثمن نسبيا .. ده غير انها فى الخدمة بقالها فترة و الناس حفظوها .. و غير ان الطيارين بيشكروا فيها و فى سهولة التحكم فيها .... مقارنة بالميج
مشكلة اف 16 .. ان النموذج الى عندنا هو النموذج الثالث ... الى بيسموه c .. و اسرائيل عندها الثانى ... و امريكا عندها الاول

التايفون تقريبا هى الرافال .... نفس البروتو تايب و نفس الشكل الخارجى .... بس الرافال طائرة فرنسية التصنيع و التايفون اتحاد اوروبى ... و الطائرتين كانوا نفس المشروع

تصنيع طائرة من الا شيئ يحتاج لمجهود ضخم و اموال طائلة ... على حسب معلوماتى السابقة .. الاتحاد الاوربى قال اننا مش حنعمل بروتو تايب تانى ... نشترى التصميمات المبدئية و احنا نطور فيها !!!!

الطائرات الامريكية متفوقة فى نقطة مهمة جدا .... الانظمة الالكترونية الى راكبة على الطائرة .... اتصال بالاقمار الصناعية .. تحديد اكثر من هدف فى نفس الوقت و التعامل معها .... تكنولوجيا متطورة و تفوق الى احنا بنسمع عنه
ال اف 35 مختلفة شوية ... فى التسليح و القدرات ...انما موضوع الارتفاع الرأسى ... كانت بتقوم بيه الهارير من فترة

الطائرات الروسية متفوقة فى الاداء ... الديناميكا الهوائية و المناورة ... و الاهم من كدة ... نظام الصيانة يمشى معانا و متعودين عليه
تقبلوا مرورى

[SeiffoZ]

قتال الطائرات عن قرب وجه لوجه بالرشاشات و الصواريخ قصيره المدى
بتتسمى كده عشان بتكون شرسه و بتنتهي بسقوط طياره طبعا
و بتعتمد اعتماد كلى على الطيار و جزئي على الطائره
و طبعا لو ترجمت الاسم حتفهم مدى الشراسه في القتال ده

احب اعلق تعليق بسيط، ان دلوقتى العالم واحدة واحدة بيتجه الى الBVR Beyond visual range فالاعتماد على الصواريخ المتوسطة المدى والطويلة بقى اكتر من القصيرة.

بس بردوا، حتى الان اخر الحروب المتكافئة كانت حرب 1973 والقتال الجوى فيها كان قوى.

منعرفش الطائرات الحديثة فى القتال حاليا هتعمل ايه

[Forever.Leo]

عشان نلخص الليلة بس ..

مصر محتاجة طائرات تفوق جوى من جيل متقدم عن الاف-16 اللى عندنا ... الاف-16 طائرة ممتازة ولكن حاليا نحتاج لطائرة على الاقل من الجيل 4++ .

مش متاح غير طائرات بسيطة من الجيل ده "يوروفايتر - رافال - اف-15 كيه - سوخوى 35"

لا يمكنك الحصول على طائرات اف-15 لانها امريكية.
لا يمكنك الحصول على اليوروفايتر لانها انتاج اوروبى مشترك "لازم مواقفة كل الدول الاوروبية المشاركة"
الرافال طائرة ممتازة جدا وارخص من مثيلاتها يوروفايتر و اف-15
السوخوى 35 لن تكون جاهزة قبل 3 سنوات على الاقل.
الرافال كانت الاختيار المنطقى لانها ستسلم لينا خلال شهور بسيطة.
ممكن يكون طائرات روسية اخرى قادمة فى المستقبل واظنها ستكون طائرات اعتراضية نظرا لقوة الطائرات الروسية فى الدوج فايت. والاف-16 ستحل محل الطائرات القديمة فى مصر.

التحليل ده بيقول ان مصر مضطرة للرافال .. اذا كان التحليل ده مناسب للمصريين .. ايه اللي اضطر القطريين ؟ .. برضه الكلام عن اليوروفايتر و السوخوي مش مفهوم .. فالاخبار بتقول ان الاروربيين فشلوا بتسويقها في دول زي الكويت و الامارات و اليابان و الهند .. يعنى سلاح بيدور عن مشتري مش صعب الاقتناء .. كمان الكلام عن السوخوي و مدة 3 سنين ؟ منين افتراض المدة دي ؟ تحياتي .

[besso]

متابع
موضوع جامد ومعلومات جامده

[Mecha]

طيب يا جماعة عندى سوال مهم جدا جدا

أيام حرب العراق والكويت كانوا بيقووا ان طيارة ليها كارت مغناطيسى بيشغل الموتور والكارت دة لازم يتشحن كل سنة في بلد المنشاء والا الطيارة تتحول الى قطعة خردة الكلام دة صحيح بجد؟؟

ياسلام ,طياره بكارت ايموبيليزر يتشحن بري باي ارخص من الاشتراك وتشغلها علي كيف كيفك ولا المحاميلو .دا ايه الفتوح دا كلو

:018a1d~146:

[ahmed_eng2001]

طيب يا جماعة عندى سوال مهم جدا جدا

أيام حرب العراق والكويت كانوا بيقووا ان طيارة ليها كارت مغناطيسى بيشغل الموتور والكارت دة لازم يتشحن كل سنة في بلد المنشاء والا الطيارة تتحول الى قطعة خردة الكلام دة صحيح بجد؟؟

متستغربش من حاجات تعتقد انها وهمية و خزعبلية فى الطائرات ....

و لكن بصفة عامة .... اجهزة التحكم الداخلية فى الطائرة .... العقول المبرمجة ... الكونترولات .... عاملة زى البلاك بوكس كدة ... محدش بيفتحها و لا بيلعب فيها غير الشركة المصنعة

كل الى ممكن تعمله شوية اختبارات على استجابة الكونترول ... و لكن مينفعش حتى تفتحه ..
تبعته زى ما هو كدة للشركة المصنعة
و ده بيكون فى شروط عقد الصيانة ... و من الممكن ان يلغى عقد الصيانة فى حالة اللعب فى هذه الكونترولات

[ahmed_eng2001]

ياسلام ,طياره بكارت ايموبيليزر يتشحن بري باي ارخص من الاشتراك وتشغلها علي كيف كيفك ولا المحاميلو .دا ايه الفتوح دا كلو

:018a1d~146:

جامدة :)

اجمل و اعلى و ارقى ميكانيكا .... ممكن تشوفها فى الطائرات ... المدنية ... تطبيقات تخالف ما كنا ندرسه فى الجامعات لسنين طويلة

الطائرات الحربية مقارنة بالطائرات المدنية ... زى السيارات بالنسبة للموتوسيكلات

التطبيقات و النظريات الى مش عارفين نفهمها فى الطائرات المدنية .... وجدنا اعقد منها بمراحل فى الطائرات الحربية ... ده فى الميكانيكا

الاليكتنرونكس ... سحر ... محدش فاهم فيه حاجة خالص

زى حكايات الف ليلة و ليلة كدة

[Mecha]

جامدة :)

اجمل و اعلى و ارقى ميكانيكا .... ممكن تشوفها فى الطائرات ... المدنية ... تطبيقات تخالف ما كنا ندرسه فى الجامعات لسنين طويلة

الطائرات الحربية مقارنة بالطائرات المدنية ... زى السيارات بالنسبة للموتوسيكلات

التطبيقات و النظريات الى مش عارفين نفهمها فى الطائرات المدنية .... وجدنا اعقد منها بمراحل فى الطائرات الحربية ... ده فى الميكانيكا

الاليكتنرونكس ... سحر ... محدش فاهم فيه حاجة خالص

زى حكايات الف ليلة و ليلة كدة

فعلا الطائرات تاني تكنولوجيا بعد الفضاء في العالم .فيه برنامج حلو اسمو crash investigation ممكن علي ديسكفري او ناشيونال جيوجرافيك .الجميل بتلاقي اسس الميكانيكا مطبقه مثلا طياره وقعت بسبب الوقود سرب .وسببه الميكانيكي طلب كلامبات لماسورة جاز او JET A لمكنة لرولز المهم كانوا مستعجلين يلا يلا وسحبوها منو وجت الماسورة اكسرت في الجو من الاهتزازات.وواحده تانية وقعت بسبب عدم تشحيم مرفاع دفة الديل والبلي فرك وفي الاخر كسر الديل . وبردك سخانات الوقود ولعبة الدفع العكسي للفرمله .فيها هيدروليك كتير .اللي يغيظ المسامير الصليبه الكتير في الجناح.ههههههه