حد بيفهم فى الطيارات الحربية يفهمنا يعنى ايةطيارة رافال وسوخوى

[Mecha]

الا بالحق قدروا يرفعوا درجة حرارة العادم فوق 1200k .ولا لسه كانوا بيقولنا الحراره تاكل التوربينه .ايه اخبار الكفاءة مش حدود 28% ولا اترفعت .رغم التكنولوجيا العاليه دي الديزل ع الارض تعدي 50% .

[Mecha]

ايه حكاية طيارة قديمة من عشين سنة ,طب ما اللينكس الهلوكبتر الانجليزي اسرع كبتر من السبعينات وبلاد كتير بتشتريها ولسه في الخدمه شغالة زي اللسعة.مهياش عربيه موديل السنة

[Mecha]

ايه عيب السوخوي 35 .ممكن فيها امكانات اعلي ,وفي 73 طيرانا كان روسي وقالوا تقيل ونجح

[ahmed_eng2001]

فعلا الطائرات تاني تكنولوجيا بعد الفضاء في العالم .فيه برنامج حلو اسمو crash investigation ممكن علي ديسكفري او ناشيونال جيوجرافيك .الجميل بتلاقي اسس الميكانيكا مطبقه مثلا طياره وقعت بسبب الوقود سرب .وسببه الميكانيكي طلب كلامبات لماسورة جاز او JET A لمكنة لرولز المهم كانوا مستعجلين يلا يلا وسحبوها منو وجت الماسورة اكسرت في الجو من الاهتزازات.وواحده تانية وقعت بسبب عدم تشحيم مرفاع دفة الديل والبلي فرك وفي الاخر كسر الديل . وبردك سخانات الوقود ولعبة الدفع العكسي للفرمله .فيها هيدروليك كتير .اللي يغيظ المسامير الصليبه الكتير في الجناح.ههههههه

air crash investigation برنامج جميل جدا ... مش علشان حوادث الطائرات فقط .... كمان علشان اسلوب الشرح و الرسومات الى بيعملوها فيه و بتوضح حاجات كتير

جسم الطيارة فيه برشام كتير .... و فيه بعض المسامير الموجودى فى جسم الجناح من اسفل
و من الاعطال المشهورة جدا .... تلف بعض هذه البراشيم ... مما يستلزم اعادة دقها مرة تانية

درجة الحرارة جوة غرفة الحريق بتوصل ل 3000 درجة تقريبا ... بس اهم حاجة ... انها توصل لاقل من 1200 درجة قبل ما تخبط فى ريش التربينة
بيعملوا حاجة زى ستارة هواء بارد حوالين ريش المرحلة الثابتة الاولى الى بعد غرفة الحريق مباشرة

ده غير ستارة الهواء الى بتكون حوالين غرفة الحريق من جوة لاحكام الحريق فى منطقة معينة و البعد عن الجدران قدر ما نستطيع

الطائرات عمرها طويل ... مش علشان جودة الخامات المستخدمة او دقة الصناعة ( و ده بيحصل فعلا ) .... انما علشان الصيانات الى بتتعمل على طول و على فترات ثابتة .. مفيش مشكلة ان الطائرة تعيش اكثر من 30 سنة كمان

الميج 21 الى فى الجيش ... فيه بعض منها موديل اواخر الستينات
الايرباص 300-600 و ال 300-B4 من الثمانينات و لا زالت فى مصر للطيران

السوخوى 35 لسة محدش يعرف عيوبها علشان لسة مدخلتش الخدمة

اما عن طيراننا الروسى فى 73 .. فده قصة لوحده

[Mecha]

ايه اخبار الكفاءة والوقود .من فترة عرفنا د.هاني خاطر في كندا كان حسن استهلاك الوقود

[Mu7ammeD]

ايه عيب السوخوي 35 .ممكن فيها امكانات اعلي ,وفي 73 طيرانا كان روسي وقالوا تقيل ونجح

1-هناك فرق بين طائره السيادة الجويه ، وطائره متعددة المهام. القوات الجويه المصريه تفضل متعددة المهام.

2- الطائرات الروسيه لها نسخة مخصصه للتصدير وتكون أقل بالكفائه من المستخدمة بروسيا.

3- اللي الان لم يكتفي الجيش الروسي من الطائره لذلك تحتاج لانتظار 3 سنوات علي الاقل.

---

في المقابل من الجانب الفرنسي..

1- الطائره رافال متعددة المهام مثل الـ f16 المصريه ولكن مع أختلاف الاجيال.

2- النسخة مثل المستخدمة بالجيش الفرنسي تماما، الشيء الوحيد المنزوع هو أمكانيه حمل رؤس نوويه.

3- الجيش الفرنسي لديه أكتفاء من الطائره لذلك لن تحتاج للانتظار، وهتاخد طائراتك من طلبيه كانت مخصصه للقوات الجويه الفرنسيه.

4- وأخيرا لا تنسي الفرقاطة فريم اللتي ستستلمها إيضا بأقرب وقت.

[SeiffoZ]

التحليل ده بيقول ان مصر مضطرة للرافال .. اذا كان التحليل ده مناسب للمصريين .. ايه اللي اضطر القطريين ؟ .. برضه الكلام عن اليوروفايتر و السوخوي مش مفهوم .. فالاخبار بتقول ان الاروربيين فشلوا بتسويقها في دول زي الكويت و الامارات و اليابان و الهند .. يعنى سلاح بيدور عن مشتري مش صعب الاقتناء .. كمان الكلام عن السوخوي و مدة 3 سنين ؟ منين افتراض المدة دي ؟ تحياتي .

اليوروفايتر محدش هيديهالك، فرنسا بس اللى وافقت على الرافال.
والروس عرضوا الميج 29 ام2 والسو-30 ... وللاسف مش هيكونوا جاهزين لان تسليم وصناعة الطائرات بتاخد اكتر من سنة + وقت كمان لتدريب الطيارين حتى دخولها الخدمة فعليا

الرافال فى طلبية على وشك الانتهاء من التصنيع ومخصصة للجيش الفرنسي، لكن احنا هنقلب منها 24 طائرة.
واغلب الظن ان طيارين الميراج 2000 هم اللى هيسوقوا الرافال بعد كده.

الطيران الروسي مفيش اخبار حتى الان عنه، لكن اغلب الظن اننا سنتجه للطيران الروسي بكثرة الفترة القادمة نظرا لان عندنا اكتر من 200 طائرة مقاتلة عفا عليها الزمن "ميج 21 واف-7 (النسخة الصيني من الميج -21 ) والفانتوم (اللى احتمال تكون خرجت من الخدمة اصلا لكن مفيش كلام اكيد) .
والاف-16 هتصبح الطائرة الادنى فى سلاح الجو المصري قريبا.
هنشوف

[ahmed_eng2001]

ايه اخبار الكفاءة والوقود .من فترة عرفنا د.هاني خاطر في كندا كان حسن استهلاك الوقود

عذرا .. انا مش فاهم ... حضرتك تقصد ايه بالكفاءة و الوقود ؟؟

الطائرات الحربية بتختلف شوية فى التقييم عن الطائرات المدنية .... فمثلا .. محدش بيتكلم عن استهلاك اف 117 ( الشبح المقاتلة ) عن استهلاك الوقود عالى او لأ ... علشان دى بتأدى مهمة غير عادية
بصفة عامة ... تطوير المحركات بيشمل تطوير فى استهلاك الوقود

عذرا .. ياريت تعرفنا ايه الى عملوا دكتور هانى خاطر :)

[Mecha]

عذرا .. انا مش فاهم ... حضرتك تقصد ايه بالكفاءة و الوقود ؟؟

الطائرات الحربية بتختلف شوية فى التقييم عن الطائرات المدنية .... فمثلا .. محدش بيتكلم عن استهلاك اف 117 ( الشبح المقاتلة ) عن استهلاك الوقود عالى او لأ ... علشان دى بتأدى مهمة غير عادية
بصفة عامة ... تطوير المحركات بيشمل تطوير فى استهلاك الوقود

عذرا .. ياريت تعرفنا ايه الى عملوا دكتور هانى خاطر :)

تحسين استهلاك الوقود لل jet engine شغل خاطر في كندا .اعتقد استهلاك الوقود مهم للطائرات الحربيه ايضا عشان يوصل مدي ابعد ويقلل الوقت المستهلك بين الطلعات .وفي طيارات بتتمون في الجو

[ahmed_eng2001]

ابحاث تطوير المحركات لا تتوقف ... و دى حاجة عامة ...
طيب حضرتك حتقول ايه على after burner ؟؟!! .... ساعات كدة ممكن تشوف الطائرات طالع من محركاتها نار .. شبه المحركات الصاروخية !!!

و ده .. بيحقت وقود فى اخر المحرك .. بعد مرحلة التوربينات ... بيحقن وقود فى الهواء الساخن الى خارج من المحرك .. و ده بيدي المحرك دفع زيادة ... و يستخدم احيانا فى الاقلاع من حاملات الطائرات .. و احيانا فى تخطى حاجز الصوت
و ده بيستهلك وقود كتير جدا

[Mecha]

In order to meet the DoD's requirement for 25% fuel burn reduction, GE's revolutionary adaptive cycle engine includes a new architecture plus a suite of advanced materials and manufacturing processes. Underscoring its commitment to future combat capability, GE has invested more than $1 billion on technology applicable to adaptive cycle engines.

محرك طائره قتاليه من شركة GE العملاقة ,باستثمار مليار دولار لتخفيض حرق الوقود بنسبة 25%

[Mecha]

The GE3000 Engine Designed for the U.S. Army's Advanced Affordable Turbine Engine (AATE) program, the GE3000 ushers in a new era in medium lift propulsion.

Optimized Power for Black Hawk and Apache helicopters

Driven by the goals set forth by the U.S. Army's Improved Turbine Engine Program (ITEP) program, the GE3000 turboshaft engine will meet a wide range of operational needs.

These goals, which include 20% longer engine life, [OVERLINE]25% reduced fuel consumption [/OVERLINE]and 35% reduced maintenance costs, are being implemented due to budgetary constraints in a time when military helicopters are increasingly asked to do more.

[Mecha]

[youtube]https://www.youtube.com/watch?v=QhmQTffYlbU[/youtube]

[ahmed_eng2001]

الله ينور عليك

شوية فيديوهات عن After burner

https://www.youtube.com/watch?v=60c38QROUX0

https://www.youtube.com/watch?v=SSRvRTm8A4Q

https://www.youtube.com/watch?v=tdczvix3EiE

الظريف انهم بيحولوا يعملوا محركات تديك نفس قوة الدفع من غير After burner .... و على ما اعتقد ان فيه بالفعل محركات موجودة بالفعل على طائرات مقاتلة مفيهاش After burner

و خلى بال حضرتك من ان زاوية Nozzle بتتغير مع ال After burner

[ahmed_eng2001]

https://www.youtube.com/watch?v=GIT97Ijn9Ts

شوية حركات من اف 35

https://www.youtube.com/watch?v=i7s59qe5mPE

الهارير

https://www.youtube.com/watch?v=2pweY5y5eRI

https://www.youtube.com/watch?v=_p_90T-aYO0