حكايات البشر

[أشرف فتحى]

[quote=أحمد كمال;3871931220]

يا فندم لى عظيم الشرف بإهتمام حضرتك بمشاركه لى وبكل تواضع أعبر عن فرحتى الشديده بمجاملتك الرقيقه.....ربنا يجبر بخاطرك......لكن والله يا نور انا من الناس اللى مش مرتبين فى حياتهم وعمرى ما كنت ولا هكون كده فصعب قوى إنى ارتب حتى افكارى واختصرها واكتبها فى صفحه مثلا...غير إنى بتلاقينى بهتم بالتفاصيل ورغاى زياده حبتين فلو عملت الحكايه فى مشاركه واحده ...اللهم ان المشاركه هتعوز بتاع 6 او 7 صفحات....






أن أن أن أااااااااااااااااانننننننن

طيب ابعت عالخاص

ههههههههههههههههه

انا فضولي جدا جدا

ههههههههههههههههههه.....

كمان بالموسيقى التصويريه....!!

طب وعلى ايه بس خاص وعام؟

شرفنى فى اى وقت وأحكيلك وجها لوجه......ههههههه

أتمنى أقابل حضرتك قريب...أنا بكون موجود فى كل مقابلات نايل موتورز تقريبا...سواء فى القاهره أو فى الاسكندريه الجميله....إن شاء الله....

[muslimah_dentist]

الحكاية 79

اقترب رمضان بكل ما فيه من نفحات و فيوضات.

اقترب شهر الصيام و القيام و تلاوة القرآن ، فمرحبا بزائر جاء بعد طول اشتياق.

ها قد اقترب حلول هذه الشهر الكريم بكل ما يحمل من نفحات و فيوضات ، جاء الصيام و ما فى هذه العبادة الجليلة من تطهير للقلوب قبل الأجساد.

اذا سألت أحدا من الناس :ماذا يُمثل لك رمضان؟

قال قائل: هو شهر العبادة و الصيام و القيام و تلاوة القرآن، هو شهر كريم تُفتح فيه أبواب الجنة و تُصفد فيه المردة من الجن.

و يقول آخر : هو شهر جميل جدا لأننى أقضى نهارى نائم و أستيقظ على الفطور ثم أجلس أمام هذه الشاشة الساحرة التى تأسرنى بما فيها من مسلسلات و مسابقات و برامج متنوعة فأجد فيه المتعة و الجمال.

و يقول آخر : هو شهر أحاول أن أكون فيه صائم حقيقى أى ألا أصوم فقط عن الطعام و الشراب و لكن يصوم لسانى عن الغيبة و النميمة و تصوم أذنى عن سماع المُنكرات و تصوم يدى عن فعل الحرام و لكننى أجد شيئا يُزعجنى هو شهر تُصفد فيه الشياطين فلم أجد اذن ميل للشهوات.

فأجيب و أقول : نفس الانسان و هواه هى أشد عليه من الشيطان الذى يُصفد فى رمضان ، هذا الهوى ان لم ينهاه صاحبه أرداه فى أسفل سافلين ، هذه النفس يجب أن تُروض و أن نُحسن سياستها.

قال تعالى:و أما من نهى النفس عن الهوى فان الجنة هى المأوى

هذه تذكرة بسيطة قبل حلول هذا الشهر المبارك و أدعوكم و نفسى الى التوبة و الى الاقبال على الطاعات

فيا باغى الخير أقبل و باغى الشر أقصر

رزقنا الله و اياكم حبه و التلذذ بعبادته.

[زهير فكري]

كل عام و انتم بخير. اعاد الله شهر رمضان علي اخواننا بهذا المنتدي المحترم بالخير و الحسنات , و اخص بالذكر اعضاء المنتدي الاجتماعي و اعضاؤه المحترمين , متمنيا للجميع ان يتقبل الله منكم الصيام و القيام و العمل الطيب ,آمين.

[muslimah_dentist]

كل عام و أنت بخير أخونا زهير

كل عام و الأخوة و الأخوات بكل خير

اللهم أعنا على الصيام و القيام و تلاوة القرآن

اللهم اجعلنا من عتقاء هذا الشهر الفضيل

[muslimah_dentist]

الحكاية 80

من فضائل هذا الشهر الفضيل التعرف على محامد الجوع و منها كما قال العلماء:

انارة القلب بنور الحكمة

التضييق على مجارى الشيطان بالجوع و العطش

رأس كل الشهوات هو شهوة الطعام فاذا استطعت أن تروضها انصاعت لك نفسك و أصبحت مطية لك

حكايتنا اليوم عن هذا الفتى الذى أراه دوما يقف فى هذا الحر القائظ كل يوم يبيع الجرائد على الطريق الدائرى ، منظر هذا الفتى طالما لفت انتباهى و أقول فى نفسى:

يا سبحان الله ، الولد واقف من صباحية ربنا فى عز الحر عشان يبيع الجرايد ، ده فيه ناس غلابة أوى بس مش عايزة تشحت و عايزة تكسب قرشها من عرق جبينها.

لم يخطر فى بالى يوما أن أشترى منه الجرائد و لكننى تشجعت يوما و اشتريت منه جريدتى المفضلة(المصرى اليوم) فسألته: بكام الجرنان؟

قالى:جنيه و ربع

قلت فى نفسى : يا سبحان الله يقف فى هذا الحر القائظ و فى هذه الهاجرة المميتة لكى يستزيد على سعر الجريدة الحقيقى القليل من القروش المعدودة فأعطيته مبلغ من المال لأننى أعلم أنه و أمثاله هم حفا ممن يستحقون المساعدة لأنهم سعوا على أرزاقهم و لم ينتظروا كى يمد اليهم الناس بأيدى المساعدة.

أصبحت من عادتى الشبه يومية أن أمر عليه و أصبح يعرفنى و يعطينى (المصرى اليوم) فأردت أن أتعرف عليه أكثر قلتله:انت اسمك ايه؟
قال لى: على

قلتله:أنت بتروح المدرسة يا على؟
قالى:أنا رايح تانية اعدادى
قلتله: ربنا يباركلك يا على

كم احترمت هذا الفتى أو الشاب الصغير الذى يسعى و يكد من أجل لقمة العيش

هناك نماذج طيبة فى هذا المجتمع تسعى و تكد و لكن الغبار الأسود الذى يعلو كوب الماء الصافى قد عكره فأصبحنا لا نرى الا السواد و القتامة.

أخوانى و أخواتى هذه تذكرة فى هذا الشهر الكريم جعل الله سبحانه و تعالى الصيام لنا كى يّذكرنا بالفقراء فلا تنسوهم و ساهموا بالعمل الخيرى التطوعى فى هذا الشهر الفضيل فان أبواب البر كثيرة و الحمد لله من اطعام للفقراء أو شنط تموينية للأسر الفقيرة أو حتى لمسة رقيقة تربت بها على يد أخيك المسلم و تقول له:كل عام و أنت بخير

لا تنسوا أن رسول الله صلى الله عليه كان أجود ما يكون فى شهر رمضان

فأوصيكم و نفسى بالانفاق فى أعمال البر و لا تخشوا الفقر أو العالة فلا نقص مال من صدقة

[نور القمر]

كل سنة وانتم طيبين ... كل سنة وانتي طيبة يا صديقتي العزيزة
اسمحيلي اشارك معكم اليوم بقصة من حكايا البشر ... اعتقد انها لشخصية عكس شخصية الفتى بائع الجرائد تماما

تعودت ان استعين باحداهن على تنظيف الشقه مرة اسبوعيا ودائما لدي معايير خاصة لاختيار السيدة التي تأتي اليً .. ليس بالضرورة ان تكون نشيطة بقدر ما يهمني قناعتها وامانتها والشخصية الهادئة
ولا ازكي على الله احد لكنني الحمد لله اعاملهم معاملة طيبة لوجه الله
ولهذا اي واحدة منهن نعاملت معي لم ترغب في تركي لكنني انا من كنت استغنى عتهن اذا رايت ما يستدعي هذا
وللاسف السيدة التي اتعامل معها منذ سنين اعتذرت عن العمل في رمضان ... بصراحة اكثر سيدة تعاملت معاها زوقاً وطيبة وامانة ...
اتذكر بعد بيعي للسيارة 27 نسيت المبلغ تحت وسادتي وجاءت هي بالصبح للتنظيف ووجدت مبلغ مالي كبير حوالي 12000 جنيه عربون وجاءت الي مسرعه على وجهها علامات الفزع تخبرني بوجود المبلغ
ابتسمت لردة فعلها ...

بعد هذه المقدمة ادخل في القصة التي ارغب في سردها
بالامس اثناء خروج زوجي من المنزل ومازال امام باب الشقه لم يغلقه وجد احداهن تتوسل اليه لتنظيف الشقه لتكتسب رزقها ورجع ليبلغني بالامر فرفضتها
واستمرت في التوسل اليه فقلت في نفسي لعل الله ارسلها لي بدلاً من السيدة الاخرى التي اعتدت عليها
فوافقت وادخلتها واتفقنا على كل شيء ولكن اعتذرت انها سترجع بعد ساعتين او ثلاث لانها ذاهبة لزيارة زوجها في المستشفى فلم اعارض على شيء .. دائما احسن الظن بالاخرين ولم اشكك في كلامها
لكنها طلبت مني مبلغ تحت الحساب بدأت تثير شكوكي لكن قلت في نفسي وما المانع لكنها لم تكتفي به وطلبت المزيد ورغم اني رأيت عدم القبول على وجه زوجي لكنني لم امانع

لكنها لم تكتفي بذلك رأيت عينها زائغه على كل شبر في الشقه .. تريد كل شيء
تريد ملابس لها ولاطفالها .. تريد حذاء بحجة ان حذائها قُطِعَ وتركته امام الشقة ..
انا بصراحة ولا ازكي نفسي على الله سبحانه وتعالى لا امانع لكني كنت مشعولة في هذا الوقت وقلت لها سأعطيكي كل ما ترغبين عندما تعودي من المستشفى للتنظيف
رأيتها تلح في الطلب بطريقة مستفزة ولا تريد المغادرة الا بعد ان تحصل على اكبر قدر من الاشياء
يعلم الله ان في هذه الاثناء كنت افكر باني سأعطيها كذا وكذا وكذا عندما تعود ولكنني محتاجة لوقت لتجهيز الاغراض
اقترب الوقت الذي حددته لنفسها للعودة وانصرم ولم تأتي
قلت في نفسي سبحان الله هي الان تعتقد انها الاذكى وانها نصبت عليً مع اني كنت اشعر بنسبة 80 % انها لن تعود
سبحان الله لوصدقت معي وعادت لكانت قد احلت ما اخذته من نقود ولكانت استفادت اكثر بما قد جهزته لها من طلباتها واكثر مما طلبت
ليت البني ادم يفهم ان رزقه كتبه الله له وان من يستعجل للحصول عليه بالحرام حَرِم نفسه من الحصول عليه بالحلال

حمدت الله انها لم ترجع وفكرت كيف أأمن لشخصية غريبة لا اعرف عنها شيء لدخول شقتي والتجول فيها

[نور القمر]

يا فندم لى عظيم الشرف بإهتمام حضرتك بمشاركه لى وبكل تواضع أعبر عن فرحتى الشديده بمجاملتك الرقيقه.....ربنا يجبر بخاطرك......لكن والله يا نور انا من الناس اللى مش مرتبين فى حياتهم وعمرى ما كنت ولا هكون كده فصعب قوى إنى ارتب حتى افكارى واختصرها واكتبها فى صفحه مثلا...غير إنى بتلاقينى بهتم بالتفاصيل ورغاى زياده حبتين فلو عملت الحكايه فى مشاركه واحده ...اللهم ان المشاركه هتعوز بتاع 6 او 7 صفحات....

انا اللي بشكرك على مجاملتك وكل سنة وحضرتك طيب

[أحمد كمال]

كل سنة وانتم طيبين ... كل سنة وانتي طيبة يا صديقتي العزيزة
اسمحيلي اشارك معكم اليوم بقصة من حكايا البشر ... اعتقد انها لشخصية عكس شخصية الفتى بائع الجرائد تماما

تعودت ان استعين باحداهن على تنظيف الشقه مرة اسبوعيا ودائما لدي معايير خاصة لاختيار السيدة التي تأتي اليً .. ليس بالضرورة ان تكون نشيطة بقدر ما يهمني قناعتها وامانتها والشخصية الهادئة
ولا ازكي على الله احد لكنني الحمد لله اعاملهم معاملة طيبة لوجه الله
ولهذا اي واحدة منهن نعاملت معي لم ترغب في تركي لكنني انا من كنت استغنى عتهن اذا رايت ما يستدعي هذا
وللاسف السيدة التي اتعامل معها منذ سنين اعتذرت عن العمل في رمضان ... بصراحة اكثر سيدة تعاملت معاها زوقاً وطيبة وامانة ...
اتذكر بعد بيعي للسيارة 27 نسيت المبلغ تحت وسادتي وجاءت هي بالصبح للتنظيف ووجدت مبلغ مالي كبير حوالي 12000 جنيه عربون وجاءت الي مسرعه على وجهها علامات الفزع تخبرني بوجود المبلغ
ابتسمت لردة فعلها ...

بعد هذه المقدمة ادخل في القصة التي ارغب في سردها
بالامس اثناء خروج زوجي من المنزل ومازال امام باب الشقه لم يغلقه وجد احداهن تتوسل اليه لتنظيف الشقه لتكتسب رزقها ورجع ليبلغني بالامر فرفضتها
واستمرت في التوسل اليه فقلت في نفسي لعل الله ارسلها لي بدلاً من السيدة الاخرى التي اعتدت عليها
فوافقت وادخلتها واتفقنا على كل شيء ولكن اعتذرت انها سترجع بعد ساعتين او ثلاث لانها ذاهبة لزيارة زوجها في المستشفى فلم اعارض على شيء .. دائما احسن الظن بالاخرين ولم اشكك في كلامها
لكنها طلبت مني مبلغ تحت الحساب بدأت تثير شكوكي لكن قلت في نفسي وما المانع لكنها لم تكتفي به وطلبت المزيد ورغم اني رأيت عدم القبول على وجه زوجي لكنني لم امانع

لكنها لم تكتفي بذلك رأيت عينها زائغه على كل شبر في الشقه .. تريد كل شيء
تريد ملابس لها ولاطفالها .. تريد حذاء بحجة ان حذائها قُطِعَ وتركته امام الشقة ..
انا بصراحة ولا ازكي نفسي على الله سبحانه وتعالى لا امانع لكني كنت مشعولة في هذا الوقت وقلت لها سأعطيكي كل ما ترغبين عندما تعودي من المستشفى للتنظيف
رأيتها تلح في الطلب بطريقة مستفزة ولا تريد المغادرة الا بعد ان تحصل على اكبر قدر من الاشياء
يعلم الله ان في هذه الاثناء كنت افكر باني سأعطيها كذا وكذا وكذا عندما تعود ولكنني محتاجة لوقت لتجهيز الاغراض
اقترب الوقت الذي حددته لنفسها للعودة وانصرم ولم تأتي
قلت في نفسي سبحان الله هي الان تعتقد انها الاذكى وانها نصبت عليً مع اني كنت اشعر بنسبة 80 % انها لن تعود
سبحان الله لوصدقت معي وعادت لكانت قد احلت ما اخذته من نقود ولكانت استفادت اكثر بما قد جهزته لها من طلباتها واكثر مما طلبت
[sizeم=4]ليت البني ادم يفهم ان رزقه كتبه الله له وان من يستعجل للحصول عليه بالحرام حَرِم نفسه من الحصول عليه بالحلال[/size]

حمدت الله انها لم ترجع وفكرت كيف أأمن لشخصية غريبة لا اعرف عنها شيء لدخول شقتي والتجول فيها

لا حول و لا قوة الا بالله

[أحمد كمال]

الحكاية 80

من فضائل هذا الشهر الفضيل التعرف على محامد الجوع و منها كما قال العلماء:

انارة القلب بنور الحكمة

التضييق على مجارى الشيطان بالجوع و العطش

رأس كل الشهوات هو شهوة الطعام فاذا استطعت أن تروضها انصاعت لك نفسك و أصبحت مطية لك

حكايتنا اليوم عن هذا الفتى الذى أراه دوما يقف فى هذا الحر القائظ كل يوم يبيع الجرائد على الطريق الدائرى ، منظر هذا الفتى طالما لفت انتباهى و أقول فى نفسى:

يا سبحان الله ، الولد واقف من صباحية ربنا فى عز الحر عشان يبيع الجرايد ، ده فيه ناس غلابة أوى بس مش عايزة تشحت و عايزة تكسب قرشها من عرق جبينها.

لم يخطر فى بالى يوما أن أشترى منه الجرائد و لكننى تشجعت يوما و اشتريت منه جريدتى المفضلة(المصرى اليوم) فسألته: بكام الجرنان؟

قالى:جنيه و ربع

قلت فى نفسى : يا سبحان الله يقف فى هذا الحر القائظ و فى هذه الهاجرة المميتة لكى يستزيد على سعر الجريدة الحقيقى القليل من القروش المعدودة فأعطيته مبلغ من المال لأننى أعلم أنه و أمثاله هم حفا ممن يستحقون المساعدة لأنهم سعوا على أرزاقهم و لم ينتظروا كى يمد اليهم الناس بأيدى المساعدة.

أصبحت من عادتى الشبه يومية أن أمر عليه و أصبح يعرفنى و يعطينى (المصرى اليوم) فأردت أن أتعرف عليه أكثر قلتله:انت اسمك ايه؟
قال لى: على

قلتله:أنت بتروح المدرسة يا على؟
قالى:أنا رايح تانية اعدادى
قلتله: ربنا يباركلك يا على

كم احترمت هذا الفتى أو الشاب الصغير الذى يسعى و يكد من أجل لقمة العيش

هناك نماذج طيبة فى هذا المجتمع تسعى و تكد و لكن الغبار الأسود الذى يعلو كوب الماء الصافى قد عكره فأصبحنا لا نرى الا السواد و القتامة.

أخوانى و أخواتى هذه تذكرة فى هذا الشهر الكريم جعل الله سبحانه و تعالى الصيام لنا كى يّذكرنا بالفقراء فلا تنسوهم و ساهموا بالعمل الخيرى التطوعى فى هذا الشهر الفضيل فان أبواب البر كثيرة و الحمد لله من اطعام للفقراء أو شنط تموينية للأسر الفقيرة أو حتى لمسة رقيقة تربت بها على يد أخيك المسلم و تقول له:كل عام و أنت بخير

لا تنسوا أن رسول الله صلى الله عليه كان أجود ما يكون فى شهر رمضان

فأوصيكم و نفسى بالانفاق فى أعمال البر و لا تخشوا الفقر أو العالة فلا نقص مال من صدقة

فعلا للأسف فيه ناس كتير تفكيرها عكس تفكير حضرتك ....


يعني يدوا شحاتين الشوارع و الاشارات

اللي هما اصلا ما يستاهلوش و بيستسهلوا الرزق السهل

و اما يجيب اكل ديليفيري او يشتري حاجة من واحد شقيان او يشرب كباية عصير و هو زي الباشا في عربيته او يفول عربيته في محطة بنزين

يستخسر يسيب اكتر من ربع جنيه

مع ان المفروض العكس

المفروض اشجع الثاني على الرزق الحلال و اديله اكتر ...... ده فيه منهم مؤهلات و بيكسروا نفس نفسهم و ينزلوا الشغل ده عشان رافضين يبقوا عالة

و المفروض اضيق على الأول عشان يروح - اسف في اللفظ - يتنيل على عينه يشوف له شغلانة ..... ده حتى طول النهار واقف على حيله يعني عنده صحة ..... بس للاسف هو استسهال الرزق السهل

[muslimah_dentist]

ليت البني ادم يفهم ان رزقه كتبه الله له وان من يستعجل للحصول عليه بالحرام حَرِم نفسه من الحصول عليه بالحلال

حمدت الله انها لم ترجع وفكرت كيف أأمن لشخصية غريبة لا اعرف عنها شيء لدخول شقتي والتجول فيها

حكاية جميلة يا نور من شخصية أجمل

فعلا عندك حق اللى سرق الفلوس أو خطط لسرقتها لو كان صبر شوية كان رزقه الله سبحانه و تعالى هذا الرزق بالحلال الطيب

المهم ان الموقف عدى على خير و اتعلمتى منه أكيد و بعد اللى الواحد بأه يسمعه عن الشغالات مابقاش يدخل فى بيته غير الأمينة جدااااااااااااااااااااااااااا

ربنا يحفظنا جميعا من كل سوء

[muslimah_dentist]

فعلا للأسف فيه ناس كتير تفكيرها عكس تفكير حضرتك ....


يعني يدوا شحاتين الشوارع و الاشارات

اللي هما اصلا ما يستاهلوش و بيستسهلوا الرزق السهل

و اما يجيب اكل ديليفيري او يشتري حاجة من واحد شقيان او يشرب كباية عصير و هو زي الباشا في عربيته او يفول عربيته في محطة بنزين

يستخسر يسيب اكتر من ربع جنيه

مع ان المفروض العكس

المفروض اشجع الثاني على الرزق الحلال و اديله اكتر ...... ده فيه منهم مؤهلات و بيكسروا نفس نفسهم و ينزلوا الشغل ده عشان رافضين يبقوا عالة

و المفروض اضيق على الأول عشان يروح - اسف في اللفظ - يتنيل على عينه يشوف له شغلانة ..... ده حتى طول النهار واقف على حيله يعني عنده صحة ..... بس للاسف هو استسهال الرزق السهل

أنا بأتفق معاك تماما

أنا فى رأيى المتواضع الذى يسعى على رزقه و لا يسأل الناس هو الذى يستحق المساعدة الحقيقية و خاصة اذا كان يمتهن المهن البسيطة التى مهما درت عليه من الأموال لا تكفيه الا النذر القليل

جزاك الله خيرا على تواصلك أخى الكريم

[muslimah_dentist]

الحكاية 81

مر على أمس يوم طويل للغاية مما يحمله من مشاعر ممزوجة بالصدمة و الحزن و التفكير العقلانى البحت.

استيقظت على الساعة الرابعة فجرا على رنات الهاتف و صرخات تعلو من العمارة التى أقطن بها فاذا بهذه الصرخات تعلو و تنادى على زوجى.

سألت زوجى:خير حصل ايه؟
قالى:جارتنا اللى فوق تعبانة أوى و عايزين نجيبلها الاسعاف.

نزل زوجى مهرولا مع جارنا يأتى بالطبيب و ارتديت ملابسى و كلمتنى جارة أخرى تسألنى:فيه ايه خير حصل ايه؟
قلت لها:جارتنا فلانة تعبانة أوى و هنجيبلها الاسعاق

فتحت باب الشقة أنتظر أن تنزل على الدرج كى أراها فلا ينزل أحد ، و زوجى ليس معه هاتفه النقال كى أطمئن ، فأقفلت باب الشقة و صعدت مهرولة كى أطمئن بنفسى.

وجدت بابها مفتوحا و لا يجلس أحدا فى غرفة الاستقبال فأخذت أتقفى بصيص النور الذى يأتى من غرفة المعيشة فأجد زوجها يولول كالنساء و ابنها جالس آخذ بيديها و ينظر اليها و ابنتها فى حالة من الذهول لم أجد من أسأله و وجدت جارة أخرى لى سألتها:خير يا فلانة مدام فلانة فيها ايه؟
نظرت الى و عينيها قد اغرورقت بالدموع:ماتت ، ماتت يا (و نادتنى باسمى)
كان هول الصدمة على شديدا فلم أجد الا هذه الكلمات على لسانى:لا اله الا الله ، لا اله الا الله، لا اله الا الله، انا لله و انا اليه راجعون،انا لله و انا اليه راجعون.

فى هذه الآونة كان قد كشف عليها الطبيب الذى أحضره زوجى و أخبرنا بهذه المصيبة و أتى رجال الاسعاف و قاموا بالكشف عليها و لكنها كانت فارقت الحياة.

توفاها الله سبحانه و تعالى بعد أن تناولت السحور و قالت لأولادها:ابقوا صحونى ع الفجر.
توفاها الله سبحانه و تعالى ليلة الجمعة و هى ناوية للصيام و فى رمضان و بعد أن ختمت أول ختمة لها للقرآن.

توفيت الى الله هذه الجارة الطيبة و الأم الروؤم و الزوجة الحنون، لا تكاد صورتها تغيب عن ناظرى و لا صوتها يفارق أذنى.

أخذها الله فجأة بغتة ، سبحانك ربى ، و الله جمع الله لها الخير فى ليلة واحدة حيث توفاها فى رمضان و ليلة الجمعة و صُلى عليها بعد صلاة الجمعة و هى ناوية للصيام و بعد أن أتمت ختم القرآن، و لكن موت الفجأة شديد على النفس و له وقع فى القلب شديد.

لم يتوقف كرم الله لها عند هذا الحد بل سخرنى و سخر كل من فى العمارة لها من لحظة وفاتها من الرابعة فجرا حتى واراها التراب الساعة الواحدة ظهرا.

سخرنى الله سبحانه و تعالى لها حيت قمت بتسبيل عينيها و بسط جسدها فى اتجاه القبلة و الاتصال بالمغسلة و احضار كفنها هذا حتى قبل أن يأتى أهلها.

فى هذه اللحظة أدركت يقينا أن الجار هو أقرب الى من أخى و أختى لأنه هو الذى سيكون عونا لى فى المصائب.

سبحانك ربى ، ما أحقر ابن آدم لا يدرى متى يُقبض و الله كانت تحادثنى من يومين و كنا نتفق على أن نلتقى بعد منتصف رمضان و نقوم بعمل جلسة لكل سيدات العمارة نلتقى فيها و نصلى التراويح مع بعضنا البعض.

سبحانك ربى ، ما أحقر ابن آدم ، يُؤمل و لا يدرى متى تأتيه المنية.

ادعوا لها بالرحمة و ليكن لنا فى موتها العبرة و العظة.

[dr.nemo]

الحكاية 81

مر على أمس يوم طويل للغاية مما يحمله من مشاعر ممزوجة بالصدمة و الحزن و التفكير العقلانى البحت.

استيقظت على الساعة الرابعة فجرا على رنات الهاتف و صرخات تعلو من العمارة التى أقطن بها فاذا بهذه الصرخات تعلو و تنادى على زوجى.

سألت زوجى:خير حصل ايه؟
قالى:جارتنا اللى فوق تعبانة أوى و عايزين نجيبلها الاسعاف.

نزل زوجى مهرولا مع جارنا يأتى بالطبيب و ارتديت ملابسى و كلمتنى جارة أخرى تسألنى:فيه ايه خير حصل ايه؟
قلت لها:جارتنا فلانة تعبانة أوى و هنجيبلها الاسعاق

فتحت باب الشقة أنتظر أن تنزل على الدرج كى أراها فلا ينزل أحد ، و زوجى ليس معه هاتفه النقال كى أطمئن ، فأقفلت باب الشقة و صعدت مهرولة كى أطمئن بنفسى.

وجدت بابها مفتوحا و لا يجلس أحدا فى غرفة الاستقبال فأخذت أتقفى بصيص النور الذى يأتى من غرفة المعيشة فأجد زوجها يولول كالنساء و ابنها جالس آخذ بيديها و ينظر اليها و ابنتها فى حالة من الذهول لم أجد من أسأله و وجدت جارة أخرى لى سألتها:خير يا فلانة مدام فلانة فيها ايه؟
نظرت الى و عينيها قد اغرورقت بالدموع:ماتت ، ماتت يا (و نادتنى باسمى)
كان هول الصدمة على شديدا فلم أجد الا هذه الكلمات على لسانى:لا اله الا الله ، لا اله الا الله، لا اله الا الله، انا لله و انا اليه راجعون،انا لله و انا اليه راجعون.

فى هذه الآونة كان قد كشف عليها الطبيب الذى أحضره زوجى و أخبرنا بهذه المصيبة و أتى رجال الاسعاف و قاموا بالكشف عليها و لكنها كانت فارقت الحياة.

توفاها الله سبحانه و تعالى بعد أن تناولت السحور و قالت لأولادها:ابقوا صحونى ع الفجر.
توفاها الله سبحانه و تعالى ليلة الجمعة و هى ناوية للصيام و فى رمضان و بعد أن ختمت أول ختمة لها للقرآن.

توفيت الى الله هذه الجارة الطيبة و الأم الروؤم و الزوجة الحنون، لا تكاد صورتها تغيب عن ناظرى و لا صوتها يفارق أذنى.

أخذها الله فجأة بغتة ، سبحانك ربى ، و الله جمع الله لها الخير فى ليلة واحدة حيث توفاها فى رمضان و ليلة الجمعة و صُلى عليها بعد صلاة الجمعة و هى ناوية للصيام و بعد أن أتمت ختم القرآن، و لكن موت الفجأة شديد على النفس و له وقع فى القلب شديد.

لم يتوقف كرم الله لها عند هذا الحد بل سخرنى و سخر كل من فى العمارة لها من لحظة وفاتها من الرابعة فجرا حتى واراها التراب الساعة الواحدة ظهرا.

سخرنى الله سبحانه و تعالى لها حيت قمت بتسبيل عينيها و بسط جسدها فى اتجاه القبلة و الاتصال بالمغسلة و احضار كفنها هذا حتى قبل أن يأتى أهلها.

فى هذه اللحظة أدركت يقينا أن الجار هو أقرب الى من أخى و أختى لأنه هو الذى سيكون عونا لى فى المصائب.

سبحانك ربى ، ما أحقر ابن آدم لا يدرى متى يُقبض و الله كانت تحادثنى من يومين و كنا نتفق على أن نلتقى بعد منتصف رمضان و نقوم بعمل جلسة لكل سيدات العمارة نلتقى فيها و نصلى التراويح مع بعضنا البعض.

سبحانك ربى ، ما أحقر ابن آدم ، يُؤمل و لا يدرى متى تأتيه المنية.

ادعوا لها بالرحمة و ليكن لنا فى موتها العبرة و العظة.

ربنا يرحمها ويدخلها فسيح جناته ويرفع من درجاتها

انا أول مرة أشارك في الموضوع لكني كنت متابعه من زمان أول بأول

أنا جدة والدي توفت قبل رمضان بأيام قليلة وعمرها 86 سنة
وكانت دايما بتوصينا بالفقراء اللي كانت بتصر انها تنزل توزع عليهم الصدقات حتى آخر ايامها
وقالت انها لن تعيش لرمضان وفعلا اصيبت بحمى غريبة قبل رمضان باسبوعين
وفي النهاية عرفنا السبب نزيف حاد وجلطة في المخ ودخلت في غيبوبة
وعند موتها ذهبنا لاخذها من المستشفى
فوجدت مبتسمة ووجها يشع نورا
ان مزعلتش عليها زي ما زعلت انها حرمت من خير رمضان اللي كانت بتحبه
و كانت بتصومه مع انه كان بيأثر عليها جاد ومباح لها الفطر

فالواحد لما يتفكر في الموت بيحس قد ايه الدنيا(من اسمها) حقيرة
وبكرة الواحد يرى ما قدمت يداه

فربنا يثبتنا جميعا على دينه ويرحمنا برحمته

[أشرف فتحى]

لا حول ولا قوه إلا بالله.....

إنا لله وإنا اليه راجعون....اللهم إرزقنا حسن الخاتمه....

اللهم إرزقنا السلامه فى الدنيا والاخره.....

اللهم إسترنا فوق الارض وتحت الارض ويوم العرض عليك يارب العالمين يا أكرم الاكرمين.....

فعلا لا نتألم بموت عزيز علينا ولكن نبكى الفراق.....

الفراق صعب...وموت الفجأه صادم......الواحد او الواحده يبقى لسه معانا ونسأل عليه يقولولنا إتوفى .....

حكايه الام المتوفيه...تغمدها الله برحمته.....فكرتنى بموقف حضرته...


المكان...كورنيش ترعه الاسماعيليه...شبرا...(جنب البيت عندى)

الزمان....الساعه 8 ص

الحدث.....

كالعاده أخدت البنتين ورايحين المدرسه ولأن المدرسه فى الجهه المقابله من الترعه فلازم أصطحب البنتين وأعبر بيهم الطريق اللى دايما مليان عربيات طايره مش بتمشى بسرعه عاديه...لان الطريق واسع وفاضى....وبعدين نركب المعديه....واللى ميعرفش المعديه هى عباره عن حاجه زى مركب كبيره ومرتبطه بوير ممدود ما بين الضفتين من خلال بكره والعامل بيبدء الحركه والتيار يقوم بالباقى لغايه ما توصل البر التانى....

توكلت على الله وعديت بالبنات و اثناء منا راكب المعديه سمعت صوت فرمله جامده جدا لأكتر من عربيه...واصوات إصطدام جامده جدا وبعدين صريخ وعويل هستيرى....

طبعا مش شايف أيه اللى حصل لان الشارع اعلى من مستوى الميه بكتير......

قلت يارب استر ..شكلها حادثه كبيره......

ووصلت البنات ورجعت لاقيت التالى.....

تاكسى شاهين داخل فى شجره قطرها لا يقل عت متر ونص..والشجره واصله لنص الكبوت...

شخص مقعدينو الناس على الرصيف مغطى بالدم وعمالين يصبوا عليه ميه ويحاولوا يفوقوه لانه كان فى حاله صدمه شديده جدا وبيروح مننا ويرجع تانى ومش دارى بالدنيا.....

وبعديه بكام متر ببص لاقيت عيش بلدى مترمى فى الارض فى كل حته وقفص عيش فى نص الطريق وراجل شكله وملابسه بتقول إنه عامل أرزقى من اللى بيشتغلوا فى طايفه المعمار مع المقاولين ...

الراجل ده كان خلاص...راح.....الله يرحمه....

الراجل إتشال من نص الطريق والعربيات اللى كانت واقفه مشيت ...
وإتغطى بورق جرايد.....

ورق جرايد .....سبحان الله العلى العظيم.......الراجل ده كان لسه من خمس دقايق واقف فى طابور العيش وممتلئ صحه ونشاط وخارج يسعى على رزقه .....

حد يتخيل إنه بعد ربع ساعه هيتغطى بجرايد.....

حد يصدق انه بعد ساعه هيبقى فى المشرحه.......

حد يتصور انه بعد 24 ساعه هيبقى فى التراب.....

كده فجأه.....بدون أى مقدمات...لا تعب..ولا حس بألم فى جسمه....ولا حتى كح.....طب مين فينا يضمن عمره يوم...طب ساعه...طب دقيقه حتى....

بصراحه المنظر رعبنى وخلانى بالى مشغول....انا بركب مواصلات وبسوق عربيه وبمشى وسط معدات ثقيله....

مين يضمنلى متغطاش بورق جرايد؟!

الراجل اللى على الارض ده لسه خارج من بيته...

لسه كان بيشترى فطار ليه ولزمايله فى الشغل.....

مين عارف أيه قصته؟....مين عارف وراه أيه وسايب أيه؟...

الخبر لما يوصل مراته هتعمل أيه؟

ولاده لما يعرفوا انهم اتيتموا هينكسروا ولا هيصبروا؟


أنا أعرف اللى كان بيقول أنا هعمل ايه بعدك يا فلانه (زوجته)؟

وبيبكى بالدموع بكاء مريييييييير...وعلى الاربعين كان بيدور على عروسه..!!!!...وإتجوز ...مش بس كده...لأ...دا عمل فرح ولبس عريس وهو عنده 55 سنه.....

يا ترى لو اتغطيت بجرايد حد هيبكى عليا؟

ياترى حد هيفتكرنى؟

طب ياترى هقابل ربنا وانا شكلى أيه؟

مين فينا ضامن الجنه؟ ومين يقدر على النار؟

فعلا الدنيا دنيا.....

لما عرفت إن الراجل خلاص راح.....إتشحنت وظنيت إن السواق اللى بيصبوا عليه ميه هو اللى خبطه وفضلت أدعى عليه وعلى اللى طلعله الرخصه يقتل بيها فى خلق الله....لكن سبحان الله طلع هو كمان ضحيه.....

العربيه اللى خبطت الراجل فرملت قدامه فجأه راح مفاديها وطلع على الرصيف ..مع سرعته دخل فى الشجره....

عربيته ضاعت....وهو الله اعلم بقى فيه أيه؟

طب هو كان غلط فى حاجه؟!

دا ماشى فى شارع وخارج يسعى على اكل عيشه...يجى واحد أرعن بطلعه على الرصيف ويدغدغله العربيه.....

السواق اللى قتل الراجل هرب.....أخد عربيته وهرب.....محدش طلع وراه...محدش اخد نمرته....لكن هيروح من ربنا فين؟!..

المنظر اللى كان بعد كده هو اللى فعلا كان مذهل....

الاسعاف بجد وصلوا فى وقت قياسى..يمكن خمس دقايق.....

كل العربيات اللى اتخبطت او اتحكت او حضرت الحادثه إختفت مع وصول اول امين شرطه..

الناس كلها مبقاش حد فيهم شاف حاجه ولا يعرف حاجه....

لا حول ولا قوه الا بالله...يعنى الراجل اللى دمه على الارض ده مأخدش غير ورق الجرايد....

[muslimah_dentist]

دكتور نيمو و أخونا الفاضل أشرف

ياه على هذه القصص و ما تحمل من العبرة و العظة

ياه ع الدنيا و حقارتها....سبحانك ربى.

أحب أن أُحادثكم بشئ ليكون لنا فيه العبرة و العظة

بعد أن علمت بوفاة هذه الجارة الطيبة التى أسأل الله سبحانه و تعالى أن يتغمدها برحمته الواسعة ألهمنى الله التفكير العقلانى البحت و هذه ميزة خلقها الله فى اننى عند المصائب أكون شديدة و لا أسمح للمشاعر أن تسيطر على و أتصرف سريعا و أتدارك أى موقف و بعد انقضاء الموقف أبدأ فى استيعاب ما حدث و تبدأ المشاعر و الألم و الحزن يعتصر قلبى.

فاذا بى بعد موت جارتى ألهمنى الله فى التو و اللحظة أن أتصل بمُغسلة أمينة كى تُغسلها لأننى أعلم حديث رسول الله صلى الله عليه و سلم : لا يُغسل موتاكم الا المأمنون

و سارعت بالاتصال بوالدتى كى تتصل بالمُغسلة كى تحضرها و سارعت باحضار الكفن و تذكرت أننى يجب أن أُجردها من ملابسها التى قبضت فيها روحها و أغطيها بملاءة و هذا من الهدى النبوى فاذا بى أنادى على من يساعدنى و حرصت و الله شاهدى على سترها و أنا أُجردها من ملابسها و أسبل عينيها و أبسط جسدها و جلست بجوار جثتها قرابة الثلاثة ساعات.

شعرت أنها تقول لى : لا تتركينى
جلست بجوارها و أخذت أدعو لها و أدعو لها و تدعو جارتى التى كانت بجوارى و أؤمن على دعائها و أدعو أنا و تؤمن جارتى على دعائى.

جلست بجوارها كى أمنع من يدخل من النساء الاتى يحببن الصراخ و الدعاء بالويل و الثبور شعرت أن الله سبحانه و تعالى سخرنى لها كى أكون كالحارس الأمين كى أمنعها من ألا تتأذى من أى شئ.

سبحانك ربى ، بينما أجلس بجوارها أخذت أطالعها و هى مُمدة على السرير و مُغطاة بالملاءة و أخذت أحدث نفسى: يا ترى انتى شايفة ايه دلوقتى يا مدام ( ) ، يا ترى انتى حاسة بايه، يا ترى هيبقى حالى ايه أما أبقى فى مكانك ، يا ترى هألاقى اللى يسترنى و مايفضحنيش ، يا ترى هألاقى مُغسلة أمينة تغسلنى و ماتحاولش تعرينى و أنا بأتغسل و أنا كنت حريصة فى دنيتى ان مفيش حاجة تظهر منى ، يا ترى هيبقى حالى ايه ، يا ترى هيقبضنى الله على طاعة و لا على معصية، ياه ع الدنيا و حقارتها ، كم يُومل ابن آدم و الخطب يناديه،ياه على حقارتك يا ابن آدم ، انت مش ضامن النفس اللى بتدخله تطلعه تانى.

بعد قرابة الأربع ساعات من جلوسى بجوارها ذهبت لأحضر المُغسلة و حضرت غُسلها و اذا بقارورة المسك التى كنت اشتريتها منذ قرابة الشهر و قلت لنفسى وقتها: أنا اشتريت مسك كتير كدة ليه ، أنا مش هأحتاج كل ده.

سبحانك ربى فاذا قارورات المسك هذه نفعتنى فى غسلها و أكثرنا من المسك فى غسلها ، سبحانك ربى زى ما يكون ربنا خلانى أشتريه عشانها، لا اله الا الله.

ما أردت من سرد هذه الحكاية الا التذكرة و أن نعى حقيقة الدنيا التى مهما طالت فهى قصير ة و الى زوال.

اللهم ارحمنا و ارحم جميع موتى المسلمين.

اللهم ارحمنا و اغفر لنا ذنوبنا و توفنا مع الصالحين.

اللهم اقبضنا و نحن على طاعتك و لاتقبضنا و نحن على معصيتك.

اللهم لا تسلط علينا بذنوبنا من لا يخافك و لا يخشاك و لا يرحمنا.

اللهم ارحمنا يا أرحم الراحمين و اجعلنا من عتقاء هذا الشهر الفضيل.

و صلى الله و سلم على محمد و على آله و صحبه أجمعين.