حكايات البشر

[Samah AbdAllah]

انا رايى انه مش عاوز يكمل معاها وعاوزها هى تاخد قرار الانفصال بنفسها لانه لو كان عاوز يكمل معاها كان هيقولها انه بيحبها وبيحب التانية كمان ومش عارف يختار بينهم وانه هيحاول يعدل وكلام من ده فى محاولة لانه يكون صريح معاها وفى نفس الوقت ما يجرحش مشاعرها عشان يقدروا يكملوا لكن تصريحه بانه مش بيحبها مالوش غير المعنى ده فى رأيى

بمناسبة الموضوع ده عندى سؤال محيرنى فى ناس كتير بتقول الراجل ممكن يحب اتنين او يحب غير زوجته مع احتفاظه بحبه ليها ويكون فعلا بيحب الاتنين لكن المرأة ما تقدرش تحب غير واحد بس لو حبيت غير الحبيب ايا كان صفته فهى فقدته حبها ليه
ايه رأيكوا فى الكلام ده

[muslimah_dentist]

برضه كل اللى إتقال من وجهه النظر النسائيه على إعتبار انها ملاك وهو شيطان وانه ظلمها......

طب لما قالها انه عمره ما حبها عملت أيه؟

سألته انت اتجوزتنى ليه؟؟

طب عرفته مشاعرها ناحيته؟ اكيد لأ

طلبت منه فرصه تصلح الاحوال ما بينهم....طبعا لأ.

سألته عن العيوب اللى شايفها فيها؟.....برضه لأ

للأسف دايما الستات ما بتفكرش غير انها ضحيه وانه ميستاهلهاش وانه كسر قلبها....

متزعلوش منى...انا مش متعاطف مع الزوج ...بس كل الحكايه انى لم أيأس منه نهائيا...لسه الموضوع فى ايديها...
بلاش تسمع حديث النفس...
كرامتى...تضحياتى اللى مقدرهاش...عمرى...شبابى...

كل الكلام الكبير ده ....إدى نفسك وإديله فرصه....

ربنا يوفقكم للخير...

أناأحترم وجهة نظر حضرتك جدا و وضحتها لنور فى مداخلاتى

و بجد يا نور يا ريت تبلغيها وجهة نظر أخونا أشرف لأنه رجل فهو أجدر بالنصيحة منا السيدات التى يمكن أن تأخذنا العواطف فنحكم على المواقف بعواطفنا دون الرجوع الى العقل.

ربنا يعملها اللى فيه الخير

و ان شاء الله سأدعو لها اليوم .

[muslimah_dentist]

انا رايى انه مش عاوز يكمل معاها وعاوزها هى تاخد قرار الانفصال بنفسها لانه لو كان عاوز يكمل معاها كان هيقولها انه بيحبها وبيحب التانية كمان ومش عارف يختار بينهم وانه هيحاول يعدل وكلام من ده فى محاولة لانه يكون صريح معاها وفى نفس الوقت ما يجرحش مشاعرها عشان يقدروا يكملوا لكن تصريحه بانه مش بيحبها مالوش غير المعنى ده فى رأيى

بمناسبة الموضوع ده عندى سؤال محيرنى فى ناس كتير بتقول الراجل ممكن يحب اتنين او يحب غير زوجته مع احتفاظه بحبه ليها ويكون فعلا بيحب الاتنين لكن المرأة ما تقدرش تحب غير واحد بس لو حبيت غير الحبيب ايا كان صفته فهى فقدته حبها ليه
ايه رأيكوا فى الكلام ده

طبعا هى هتبقى كلها افتراضات

بس هو لو كان عايز يطلقها كان هيقولها ليها بكل صراحة

يعنى واحد قالها مش باحبك كان صعب عليه يقولها أنا هأطلقك و أتجوز غيرك و كمان زى ما نور قالت هو قالها:أنا مش عايز أطلقك و عايز أحافظ على بيتنا و العيال

و بصراحة أنا حاسة ان أخونا أشرف ممكن قدر يفهم شئ من الحكاية ديه احنا مش قادرين نفهم ممكن يكون بيهددها يا بنات ( طبعا هو أسلوبه جارح جدا لأى ست) بس ممكن يكون هو أسلوبه كدة

أسأل الله العظيم أن يبعد عنها هوى النفس و أن يبعد عنها وسواس الشياطين و أن يُبارك لها فى ذريتها و أن يُنر لها دربها و أن يرزقها الاختيار السديد و أن يجعل هذا الابتلاء رفعة لها و أن يرزقها فيه حسن التصرف(آمين)

نور أرجوكى بلغيها حبى و تحياتى

[أشرف فتحى]

شوفى يا بسكوته..

انا هتكلم عن لسان الراجل...

أنا عمرى ما تخيلت انى ممكن أحب غير زوجتى ولا أفكر أتزوج عليها.....ولا حتى ابص لغيرها....

الحب عندنا فى الاسلام يعنى الارتباط والزواج والزواج من اكتر من واحده موضوع صعب جدا ....وليه شروط محدده...مش زى ما بيقنعوا انفسهم انه عادى كده....دا ربنا سبحانه وتعالى شرط علينا اننا نعدل بين الزوجات ووضحلنا اننا مش هنقدر نعدل لان القلب مش فى ايد الانسان....

اللى بيقول انه بيحب اتنين بنفس المقدار...أسمحوللى دا راجل زو قدرات خاصه او كداااااااااااااااب.

[hkyfgvyiyu]

يا جدعان الحب حاجا وانها بتعامله معامله طيبه وبتراعى ربنا فيه و و و و و كل دا كلام كويس بس هوا انسان وليه قلب وبيحب واحده هيعمل ايه اهم حاجا انه ميكونش خدعها فى الاول وقالها انه بيحبها

[Samah AbdAllah]

شوفى يا بسكوته..

انا هتكلم عن لسان الراجل...

أنا عمرى ما تخيلت انى ممكن أحب غير زوجتى ولا أفكر أتزوج عليها.....ولا حتى ابص لغيرها....

الحب عندنا فى الاسلام يعنى الارتباط والزواج والزواج من اكتر من واحده موضوع صعب جدا ....وليه شروط محدده...مش زى ما بيقنعوا انفسهم انه عادى كده....دا ربنا سبحانه وتعالى شرط علينا اننا نعدل بين الزوجات ووضحلنا اننا مش هنقدر نعدل لان القلب مش فى ايد الانسان....

اللى بيقول انه بيحب اتنين بنفس المقدار...أسمحوللى دا راجل زو قدرات خاصه او كداااااااااااااااب.

ربنا سمح بالكدب فى بعض الحالات منها ان الراجل يقول لمراته انها جميلة والكلام الرقيق ده يعنى مش يروح يقولها مش بحبك وهتجوز واحدة بحبها طيب هى تعمل ايه يعنى لازم تطلب الانفصال
ماهو احنا يمكن بنتنازل عن كثير من كرامتنا بس مش هتوصل انها تكمل بعد ماقال بصراحة مش بحبك

[أشرف فتحى]

ربنا سمح بالكدب فى بعض الحالات منها ان الراجل يقول لمراته انها جميلة والكلام الرقيق ده يعنى مش يروح يقولها مش بحبك وهتجوز واحدة بحبها طيب هى تعمل ايه يعنى لازم تطلب الانفصال
ماهو احنا يمكن بنتنازل عن كثير من كرامتنا بس مش هتوصل انها تكمل بعد ماقال بصراحة مش بحبك

حضرتك وصلتى لأساس المشكله اللى بتكلم عنه...كرامتنا......

ليه دايما لما الراجل يغلط مطلوب منه يعتذر ويطلب من زوجته تسامحه ويجيب لها هديه ويخرجها ويصالحها وتعذبه لغايه ما تسامحه مع الاستعداد الدائم لتذكيره بمدى خطئه وانها سامحته....

ليه تسامح المرأه مشروط ومحدود بشروط.....

وعلى العكس تماما لو المرأه هى المخطئه كرامتها متسمحلهاش تعتذر للراجل وتطلب منه السماح وتجيبله هديه ....

ليه متعرفوش قد أيه هو غالى عليها؟!!!

ليه ما تعرفوش أهميته بالنسبه ليها؟

يا جماعه الطلاق او الانفصال او حتى الزواج من اخرى قرار صعب جدا على الراجل زى ماهو صعب على الست...

الراجل مش مخلوق من حديد...والمرأه مش مخلوقه من بتلات الزهور....

الست لو موصلتش للراجل انه ملكها وانه سيد قرارها حتى لو كان ضعيف الشخصيه ومكانته الاجتماعيه منعدمه......هيدور على ده بطريقته.....

هيشوف الوسيله اللى تخليه راضى عن نفسه ...ولو حتى بالهروب للوهم والمخدرات.....

[Samah AbdAllah]

حضرتك وصلتى لأساس المشكله اللى بتكلم عنه...كرامتنا......

ليه دايما لما الراجل يغلط مطلوب منه يعتذر ويطلب من زوجته تسامحه ويجيب لها هديه ويخرجها ويصالحها وتعذبه لغايه ما تسامحه مع الاستعداد الدائم لتذكيره بمدى خطئه وانها سامحته....

انا معاك انها لما تسامح بتفضل شايلة شوية وده لانها مش بتنسى بسهولة
ليه تسامح المرأه مشروط ومحدود بشروط.....
بس مش معاك فى انه مشروط او مرتبط بهدية دى احيانا ممكن تسمح بمجرد انه يكلمها باحترام بطريقة تعبر عن الاسف بدون حتى الاسف المباشر
وعلى العكس تماما لو المرأه هى المخطئه كرامتها متسمحلهاش تعتذر للراجل وتطلب منه السماح وتجيبله هديه ....

ده اكيد حقه انها لما تغلط تعتذر وتجيبله الدنيا كلها مش بس هدية
ليه متعرفوش قد أيه هو غالى عليها؟!!!

ليه ما تعرفوش أهميته بالنسبه ليها؟



يا جماعه الطلاق او الانفصال او حتى الزواج من اخرى قرار صعب جدا على الراجل زى ماهو صعب على الست...

الراجل مش مخلوق من حديد...والمرأه مش مخلوقه من بتلات الزهور....

الست لو موصلتش للراجل انه ملكها وانه سيد قرارها حتى لو كان ضعيف الشخصيه ومكانته الاجتماعيه منعدمه......هيدور على ده بطريقته.....

الاحتياج للحب والاهتمام مش مشروط بكون الانسان رجل او امرأة
ومن حق الاتنين يحسوا بيه لكن ازاى تفكر فى نفسك وتدور عالحب وتعيشة وتقولها انك مش بتحبها وعاوزها توافق تستمر ماهى كمان انسانة من حقها تشعر بالحب وتعيشه يعنى هتقعد تتفرج عليه وهو عايش قصة حب سعيدة وهى تعيش الحرمان

هيشوف الوسيله اللى تخليه راضى عن نفسه ...ولو حتى بالهروب للوهم والمخدرات.....

انا سعيدة جدا بالنقاش مع حضرتك

[أشرف فتحى]

انا سعيدة جدا بالنقاش مع حضرتك

أنا أسعد وأشكرك على ذوقك ومستوى الحوار العالى عند حضرتك....

أن أحب ألخص وجهه نظرى...

قبل ما المرأه تتأثر بعواطفها ويغلبها إنفعالها أو رد الفعل.....بدليل ان اول كلمه بقت تطلع من فم اى مرأه مع اول مشكله...طلقنى...علما بأن لو الراجل فكر زى ما حضرتك اتفضلتى وقولتى كان هيقول وانا ازاى اخليها وهى قالتلى فى وشى مش عايزاك ..كرامتى متسمحليش...

لازم ندور على السبب...الراجل ده محبهاش ليه؟

دا لو كلامه عن قناعه....مش لتحريكها وتهديدها....(مهو للأسف إحنا جرت العاده منعرفش قيمه الحاجه اللى فى إيدينا غير لو راحت مننا).

طب لو هو شخص كريه..والعيب فى اخلاقه..فى منه أمل؟....

هتخسر أيه لو طلبت منه فرصه يصلحوا احوالهم...ويعملوا حوار من القلب ..كل واحد يوضح محتاج ايه من التانى...وكونه رد عليها انه إختارها لانها ذات دين وحسنه السلوك ...معناه انه على دين او حتى ذو عقل مميز....يعنى ممكن التفاهم معاه!!

ربنا يوفقهم للخير!!!!!

ولو انى اتكلمت كتيير قوى بس معلش....

طلب صغير.....

كل واحده معانا فى المنتدى ....

متتكسفش وتعبر لزوجها عن حبها ...وهتشوفوا النتيجه...

[Samah AbdAllah]

أنا أسعد وأشكرك على ذوقك ومستوى الحوار العالى عند حضرتك....

أن أحب ألخص وجهه نظرى...

قبل ما المرأه تتأثر بعواطفها ويغلبها إنفعالها أو رد الفعل.....بدليل ان اول كلمه بقت تطلع من فم اى مرأه مع اول مشكله...طلقنى...علما بأن لو الراجل فكر زى ما حضرتك اتفضلتى وقولتى كان هيقول وانا ازاى اخليها وهى قالتلى فى وشى مش عايزاك ..كرامتى متسمحليش...

لازم ندور على السبب...الراجل ده محبهاش ليه؟

دا لو كلامه عن قناعه....مش لتحريكها وتهديدها....(مهو للأسف إحنا جرت العاده منعرفش قيمه الحاجه اللى فى إيدينا غير لو راحت مننا).

طب لو هو شخص كريه..والعيب فى اخلاقه..فى منه أمل؟....

هتخسر أيه لو طلبت منه فرصه يصلحوا احوالهم...ويعملوا حوار من القلب ..كل واحد يوضح محتاج ايه من التانى...وكونه رد عليها انه إختارها لانها ذات دين وحسنه السلوك ...معناه انه على دين او حتى ذو عقل مميز....يعنى ممكن التفاهم معاه!!

ربنا يوفقهم للخير!!!!!

ولو انى اتكلمت كتيير قوى بس معلش....

طلب صغير.....

كل واحده معانا فى المنتدى ....

متتكسفش وتعبر لزوجها عن حبها ...وهتشوفوا النتيجه...

المشكلة الحقيقية ان الكثيرين تزوجوا بدون حب ومع الاسف لم يتمكنوا من الشعور بالحب بعد ذلك
من هنا تبدأ المشكلة ويبدا الزوج فى البحث فى حين ان الحب اسهل ما يكون بين زوجين جنعتهم المودة والرحمة كلمة اخيرة منى قبل ان تطلب الحب اعطيها

[pop3]

تنصحوها بإيه ؟؟؟؟؟؟؟؟؟؟؟
اتعرضت لموقف لأول مرة اقف عاجزة .. لم استطع إبداء الرأي بحق
وهذه المشكلة استأذنت صاحبتها أنني سأستشيركم فيها دون تلميح عنها بتاتا طبعا ووافقت لأنها صاحبة الحيرة أولا وأخيرا...
هي زوجة وأم لثلاث ابناء 8 سنوات زواج تقليدي لكنها احبته قبل ان تتزوجه تركت عواطفها تعطيه كل شيء ورضيت بالنصيب ... الحقيقة هي صحبتي وجارتي من زمان من قبل ما نتزوج ... وعهدي بها كم هي صبورة وبسيطة وغير مادية .. ومريحة لزوجها كثيرا .. رغم انه شخصية غير مريحة بالمرة سبحان الله ... أنجبت اطفالها وسعيدة بأسرتها وما لم تجده في زوجها من أحلام وآمال استودعتها عند الله وقالت العوض في أبنائي إن شاء الله .... والله قادر على هدايته ... هي قريبة من الله كثيرا ... وهو سبحانه وتعالى ( ربنا يهدي بجد ) المهم ولن اطيل عليكم ولن احكي تفاصيل ... لكن تعرضت لموقف صريح عن لسانه اعترف لها ( إنه لم يحبها ) وإنه متى سيجد من قلبه سيدق لها بالفعل سيتقدم لزواجها ... ولكنه لا يريد خراب البيت وليس في نيته الطلاق .... لن اقول لكم هي حكتلي هذا إزاي ... وتبكي إزاي ... وتتألم إزاي .... لكم ان تتخيلو كم المرار الذي صاب قلب هذه المرأة الطيبة المؤمنة ,.. قالتلي ... اطلب الطلاق ... واللا اوافق على زواجه من من يحب ... هو لم يكن يهرج ولم تكن ردود افعال عنيفة في شجار ... كان بيتكلم بصدق وصراحة دي مشاعره تجاهها ... تزوجها وعاشرها وانجب منها وتحيا على خدمته ولم يحبها ................... فبالله عليكم ماذا تفعل ..... ولا حول ولا قوة إلا بالله ... سألملم شتات رأي بعد سماع رأيكم والله المستعان

السلام عليكم ورحمة الله...

كل شاب وفتاة بيحلموا بيوم العمر وشريك الحياه ... وبتدور في مخيلتهم حاجات كتير عن كم الحب و السعاده وراحة البال و الخصوصيه مع شريك العمر ...

كل الي حلمنا بيه كلنا ده نتيجه بس نتيجه لي ايه بالظبط ؟؟؟؟

* زوجه إهتمامهما كله بنفسها " أشيك لبس , أرقي make up, أغلي برفانات " لكن تربية الأولاد صفر , الإهتمام بالزوج صفر الإهتمام برونق البيت 10/10 وده بس علشان البرستيج قدام الأصدقاء .

* زوجه إهتمامها كله للبيت و الأولاد والزوج ونسيت نفسها , برجع الراجل من شغله يلاقي ريحة الطبيخ مليا البيت " الطبيخ إلي هو هايكله إلي لو ملأوش هيقلب الدنيا " وزوجته شعرها منكوش و رحيت لبسها مش قد كده

* زوجه إهتمامها كله لا للبيت و إلي فلبيت ولا لمظهرها كست لكنه لشغلها إلي واخد كل وقتها أو لدراستها

لا دي ولا دي ولا دي تقدر تحافظ على زوجها من إنه يشوف إلي محتاجه مع واحده تانيه


طيب ايه هو المطلوب علشان الزوجه تحصل على النتيجه إلي اتكلمنا عليها في البدايه ؟

كلمه واحده ( التوازن )

إلي تقدر تحقق التوازن بين الـ3 زوجات إلي فوق تقدر تاخد من زوجها كل شئ " الموده الإحترام التقدير " حتى لو مقدرتش تكسب حبه .

قصة أنه يقول" أنا عمري ما حبيتك ومضطر أشوف ساعدتي مع واحده تانيه "

دي نتيجه لصدامه مع واقع حياته الزوجيه .. هو متخيل حاجه تانيه خالص زوجه حلوه دايما في عينيه زي ما كان بيشوفها أيام الخطوبه بيت هادي ومرتب أولاد زي إلي بيشوفهم في المسلسلات التركي , فكلامه ده قابل للتغيير للنقيض تماما لو لقه إلي بيدور عليه مع زوجته حاليا ده طبعا لو مش مربط مع واحده تانيه لأنها في الحالة دي لو عملت إلي مايعمل خلاص it's over .

[نور العمر]

برضه كل اللى إتقال من وجهه النظر النسائيه على إعتبار انها ملاك وهو شيطان وانه ظلمها......

طب لما قالها انه عمره ما حبها عملت أيه؟

سألته انت اتجوزتنى ليه؟؟

طب عرفته مشاعرها ناحيته؟ اكيد لأ

طلبت منه فرصه تصلح الاحوال ما بينهم....طبعا لأ.

سألته عن العيوب اللى شايفها فيها؟.....برضه لأ

للأسف دايما الستات ما بتفكرش غير انها ضحيه وانه ميستاهلهاش وانه كسر قلبها....

متزعلوش منى...انا مش متعاطف مع الزوج ...بس كل الحكايه انى لم أيأس منه نهائيا...لسه الموضوع فى ايديها...
بلاش تسمع حديث النفس...
كرامتى...تضحياتى اللى مقدرهاش...عمرى...شبابى...

كل الكلام الكبير ده ....إدى نفسك وإديله فرصه....

ربنا يوفقكم للخير...

بنسبة كبيرة الستات فعلا بتكون الضحية
والجرح هنا كبييير جدا ... وماليش أحكي تفاصيل عنها ... مش حبة ده رغم إني استأذنت عرض الموضوع ... بس هي ضحت قوي وتواضعت قوي واتنازلت قوي وبدأت معاه صفحة جديدة وقفت جنبة واستحملت لحد ما كبر وبقا حاجة تفرق كتيير عن 10 سنوات فاتو .... وفي النهاية ... أنا مش عارف أحبك ... كان من أول سنة وأول طفل بنهم شايف كدة كان ينهي الموضوع باي طريقة .... لكن جزاء صبرها وتحملها إنه مش عارف يكرهها في الحياة بطبعه السيء ... يقوم جايبها على بلاطة ... بجد ... يمهل ولا يهمل .... وربنا عقابه كبير

[نور العمر]

السلام عليكم ورحمة الله...

كل شاب وفتاة بيحلموا بيوم العمر وشريك الحياه ... وبتدور في مخيلتهم حاجات كتير عن كم الحب و السعاده وراحة البال و الخصوصيه مع شريك العمر ...

كل الي حلمنا بيه كلنا ده نتيجه بس نتيجه لي ايه بالظبط ؟؟؟؟

* زوجه إهتمامهما كله بنفسها " أشيك لبس , أرقي make up, أغلي برفانات " لكن تربية الأولاد صفر , الإهتمام بالزوج صفر الإهتمام برونق البيت 10/10 وده بس علشان البرستيج قدام الأصدقاء .

* زوجه إهتمامها كله للبيت و الأولاد والزوج ونسيت نفسها , برجع الراجل من شغله يلاقي ريحة الطبيخ مليا البيت " الطبيخ إلي هو هايكله إلي لو ملأوش هيقلب الدنيا " وزوجته شعرها منكوش و رحيت لبسها مش قد كده

* زوجه إهتمامها كله لا للبيت و إلي فلبيت ولا لمظهرها كست لكنه لشغلها إلي واخد كل وقتها أو لدراستها

لا دي ولا دي ولا دي تقدر تحافظ على زوجها من إنه يشوف إلي محتاجه مع واحده تانيه


طيب ايه هو المطلوب علشان الزوجه تحصل على النتيجه إلي اتكلمنا عليها في البدايه ؟

كلمه واحده ( التوازن )

إلي تقدر تحقق التوازن بين الـ3 زوجات إلي فوق تقدر تاخد من زوجها كل شئ " الموده الإحترام التقدير " حتى لو مقدرتش تكسب حبه .

قصة أنه يقول" أنا عمري ما حبيتك ومضطر أشوف ساعدتي مع واحده تانيه "

دي نتيجه لصدامه مع واقع حياته الزوجيه .. هو متخيل حاجه تانيه خالص زوجه حلوه دايما في عينيه زي ما كان بيشوفها أيام الخطوبه بيت هادي ومرتب أولاد زي إلي بيشوفهم في المسلسلات التركي , فكلامه ده قابل للتغيير للنقيض تماما لو لقه إلي بيدور عليه مع زوجته حاليا ده طبعا لو مش مربط مع واحده تانيه لأنها في الحالة دي لو عملت إلي مايعمل خلاص it's over .

كلامك صح 100100
التوازن فعلا مطلوب من كل الأطراف هو وهي
بس فيه حالات ( الشخصية بتكون مش سوية ) فلو توافر هذا التوازن او نسبة مش بطالة منه
بردو ما بيعجبوش العجب ... النوع ده مش عاوز يعيش ويشيل مسئوليات ... النوع ده عاوز يقضيها دلع وتراويش ... وربنا يعينه على نفسه

[نور العمر]

عاوزين رأيي

ده خسارة فيه طلب الطلاق
وكرامتها دي ( تتحط في علبة مجوهرات ويتقفل عليها وتتنسي )
ونبدأ نفكر بالعقل وسلسلة الاهداف والمصالح
ومسئولية نجاح استمرار البيت ده لازم تتشال
والولاد دي لازم يطلعو احسن مني ومنك
أنا ست الستات .. وحهتم بنفسي 50 ألف مرة زي الأول وأكتر
وآخر حاجة حفكر فيها هو إنك تكون سبب عذابي
البيت مفتوح والقلب يشيلك على حجره .. ونكمل سلسلة التضحيات .. مش مشكلة
ولو حابب تفتح بيت تاني ... ربنا ما بيقدرش حاجة وحشة .. سبحانه وتعالى حلل ده .. وعليك تعدل ... ماديا على الأقل مش مطلوب حاجة تاني

خسارة فيه ... يخلع من مسئولية الولاد ... ويجيبلها تهمة اسمها ( ضرة ) و ( مرات أب لولادها ) تشتغلها على مبدأ إن كيداهن عظيم
حتلف الأيام ... وحيرجع يبكي من إللي حيشوفه مع إللي اعتقد في يوم من الأيام إنها الحب والملاذ ... مفيش واحدة بتاخد واحد من على مراته وولاده ... لله في لله ... ولا عشان الشعرتين البيض إللي ظهرو جعلوه أجمل بكتييير ... طبعا اللعب بيكون على أهداف تانية

كرامة إيه دي ( أنا مش مع الكرامة ) إللي تفسد أجيال من أطفال ملهمش أي ذنب ... الكرامة الحقيقية ... فإن بيتي ينجح ويعيش صح


رأيي صعب ... بس هو ده الصح ... النوع ده ما يستاهلش ياخد كل حاجة بالساهل ووقت ما يحب ويعوز ... يتجوز ... ويخلف ويلعب ببنات الناس .. وفجأة لأ أنا مش مرتاح كدة .... ربنا يتولى عباده
( سبحانه وحده هو الصبور )

[muslimah_dentist]

كرامة إيه دي ( أنا مش مع الكرامة ) إللي تفسد أجيال من أطفال ملهمش أي ذنب ... الكرامة الحقيقية ... فإن بيتي ينجح ويعيش صح

عين العقل يا نور

أنا رأيى كدة برده