إعـــــــلان

Collapse

.

,
See more
See less

حكايات البشر

Collapse
X
Collapse
 
  • Page of 70
  • Filter
  • الوقت
  • Show
Clear All
new posts
السابق 1 14 18 19 20 21 22 23 24 25 26 27 28 29 30 34 70 template التالي
  • #346
    أهب عمري كله أقول
    حسبي الله ونعم الوكيل في كل ظالم
    وأرنا فيه في الدنيا والآخرة
    ولا حول ولا قوة إلا بالله العلي العظيم

    بس بجد .. أ/ أشرف .. أنا سعدت بترديد قول الحبيب المصطفى صلى الله عليه وسلم ( رفقا بالقوارير )
    اصل الرجال في هذا الزمان مش فاهمين المعنى ده .. وسبق اتقال كلام عليه في لينك من اللينكات كان كله تريقة وتعجب إن الست كيف تشبه بالقارورة وهي تتسم بالجباروت

    سبحان الله
    [CENTER] [SIGPIC][/SIGPIC]
    كم أحبك يا الله
    [/CENTER]

    Comment

    • #347
      المشاركة الأصلية كتبت بواسطة rockana9112007 مشاهدة المشاركة
      طب ياجماعة انا عاوز اسأل سؤال .اللى ابوة رامية هو واخواتة من وهما صغيرين ولا بيصرف عليهم ولا بيسأل ولا حتى بيظهر اى اهتمااام حتى لما يدخلو المستشفيات .الولاد دول يقال عليهم عاقين لابوهم ولا زم يصلو الرحم ؟؟؟؟؟؟؟؟؟؟؟؟؟؟؟
      أولا : جزاك الله خيرا على مرورك و تواصلك

      و ثانيا:بالنسبة لسؤالك ، أخى يجب أن نعامل الله سبحانه و تعالى فى كل ما نفعل و أن نتقى الله فى أفعالنا حتى و ان أساء الينا الآخرون حتى و ان لم يُعطونا حقوقنا الواجبة عليهم حتى و ام فعلوا بنا ما يضر( هتقولى ده كلام انشا و مش واقعى)

      هأقولك : لأ ، مش انشا ، لازم يكون عندنا عقيدة ثابتة ان كل اللى بيحصلنا فى حياتنا ده بيد ربنا و بس مش بايد حد تانى و أى شخص فى حياتنا مشربنا الويل ما هو الا وسيلة من وسائل قدر الله ، لازم يكون عندنا اليقين ده عشان نرتاح ، لأنك ياما هتشوف فى حياتك ناس نفسك تطخهم بالرصاص و ترتاح بس علمك بأن الأمر كله بيد الله سبحانه و تعالى يُريح ما فى قلبك و اعلم أخى أن الله هو العدل و ما هو بظلام للعبيد و ما ابتلائه لعباده الا لتكفير الذنوب أو رفع للدرجات لكى نأتى اليه يوم القيامة بصحائف بيضاء.

      وفقنا الله و اياك الى ما يُحبه و يرضاه
      [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

      Comment

      • #348
        [glow=#d9ff00]أخونا أشرف فتحى[/glow]

        أولا : ربنا يبارك فى بناتك و يجعلهم ذرية صالحة و يجلعهم سبب دخولك للجنة و يجعلهم ذخر لك فى الدنيا و الآخرة.

        ثانيا: قصة جميلة و مؤثرة للغاية و متهيألى انت حسيت بيها أوى عشان أب لبنات فممكن تكون حطيت نفسك مكان أبوها.

        و زى ما قالت نور الجميل فى الموضوع انك راجل و مش بتحاول تدافع عن الرجالة كالمعتاد و تجيب الغلط على البنت أو الست و حسيت أوى بحسرة البنت أما شافت فستان فرحها و قهرتها على اللى حصلها.

        الموضوع ده كتر بشكل يخض و مُزعج للغاية......انك تلاقى اتنين اتجوزوا و يمر شهر أو اتنين و هوب تلاقيهم اطلقوا بس أنا ممكن من حاجات شفتها و سمعتها بأرجح كثرة هذه الظاهرة فى الآونة الأخيرة للأسباب ديه:

        1) سوء الاختيار يا اما من الولد أو البنت .

        البنت ماهتمتش غير بالولد الكوول اللى معاه فلوس و هيجيب و يسوى و يعمل و لم تنظر الى حديث رسول الله صلى الله عليه و سلم:

        اذا جائكم من ترضون دينه و خلقه فزوجوه ، ان لم تفعلوا تكن فتنة فى الأرض و فساد كبير

        الولد ماهتمش انه يتجوز غير واحدة من اللى بيشوفهم على التليفزيون عايز واحدة شبه هيفا و نانسى و لم ينظر الى حديث رسول الله صلى الله عليه و سلم:

        تنكح المرأة لأربع لمالها و لجمالها و لأصلها و لدينها فاظفر بذات الدين تربت يداك

        2)متهيألى الطلاق المبكر ده بيحصل أكتر فى الشباب الصغير اللى مأحسش بالتعب انه يجيب القرش يعنى أبوه جابله الشقة و جهزهاله من مجاميعه و جوزه فمش حاسس بقيمة البيت و الأسرة و المسؤليات.

        3)البعد عن الدين ، أنا شايفة ان البعد عن دين ربنا هو السبب الرئيسى ان لم يكن المحورى فى أى مشاكل و خلافات زوجية ، بقت الحياة الزوجية أشبه بحلبة القتال ،كله مستنى للتانى ع الواحدة .

        ربنا يرحمنا و يعافينا جميعا.

        و حكاية جميلة كالمُعتاد.



        [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

        Comment

        • #349
          [glow=#ffbf00]الحكاية التاسعة و الخمسون[/glow]

          بما ان نور حكيتلنا عن عقوق الوالدين و أخونا أشرف كلمنا عن الطلاق المُبكر أنا هأكلمككم النهاردة و كلامى هيبقى للشباب الذكور بالذات و بما ان نايل موتورز معظمه من الرجال يبقى الكلام ليكم كلكم ( و ربنا يستر على بنات المنتدى بعد الحكاية ديه مايتلغيش عضويتهم )

          دائما ما كانت واقعة الشاب الذى أتى الى رسول الله صلى الله عليه و سلم يأذنه فى الزنا تجعلنى أتامل و ألإكر كثيرا ، طيب نحكى الحديث الأول قبل ما نتكلم عنه:

          جاء شاب الى رسول الله صلى الله عليه و سلم قال:يا رسول الله ، ائذن لى فى الزنا؟
          فكاد الصحابة أن يقوموا عليه فأشار اليهم الرسول و قال:أترضاه لأمك
          قال:لا
          قال:كذا الناس لا يرضونه لأمهاتهم
          قال:أترضاه لأختك
          قال:لا
          قال:كذا الناس لا يرضونه لأخواتهم

          الشاهد فى تأملاتى، ألم يعى هذا الشاب قبل أن يذهب الى رسول الله صلى الله عليه و سلم أن الرسول لن يوافقه على طلبه ، فلماذا ذهب اذا ، هل بلغت به شهوته و افتتانه بالنساء لهذه الدرجة أن يذهب الى رسول الله صلى الله عليه و سلم لكى يأذن له فيما يريد.

          أخذت أتأمل حال هذا الشاب كثيرا و أسقطته على ما أراه من واقع الشباب اليوم الذى يُغرر بالفتيات تحت شعار الحب ( و من حقنا ان احنا نحب) ( و مينفعش ترفضى أى حاجة عايزها منك أنا خطيبك)

          الذى يُحادث الفتيات بالساعات على الهاتف دون أن يعى جُرم ما يفعل و اذا قلت له :(اتقى الله) يقول لك(احنا الفتن حوالينا كثيرة)

          الى هؤلاء أقول
          هل فتنتك أعظم أم فتنة يوسف عليه السلام؟؟؟؟؟؟؟؟؟؟

          يوسف كان عبدا و العبد بيد مولاه يسيره كيفما يشاء و الذى رفض طلبها هى سيدته
          يوسف كان شابا فتيا و له من الشهوات مثل كل الشباب
          يوسف كان غريبا عن هذه الديار (بمعنى أنه اذا فعل أى شئ فلن يُعرف)
          يوسف لم يذهب للمعصية و لم يطلبها بل أتته هى و قالت(هيت لك)

          اذن فتنتك أعظم أم يوسف؟؟؟؟؟؟؟؟؟؟؟؟؟؟؟؟

          الى كل شاب لا يُراعى حُرمات الله فى نساء المسلمين فتيات كن أو سيدات أقول له

          أترضاه لأمك؟؟؟؟؟؟؟؟
          أترضاه لأختك؟؟؟؟؟؟؟؟

          و ننهى حكايتنا مع هذا الشاب الذى جاء الى رسول الله صلى الله عليه و سلم كى يأذن له فى الزنا بدعاء الرسول صلى الله عليه و سلم له فاذا بالشاب الذى أتى الى رسول الله طالبا الاذن فى المعصية يخرج من عنده و معصية الله أبغض شئ اليه.






          [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

          Comment

          • #350
            مسلمة حبيبتي

            بدون احباطات

            بس قليل جدا من الشباب إللي بيفكر في ( اترضاه لأمك ... أترضاه لأختك ) ... كل واحد عاوز يعيش اللحظة ومبيحسبهاش كدة
            والمصيبة ... تبني فكرة إن أيام الخطوبة أجمل أيام ولن تعوض بعد الزواج ... تلاقيها اتقلبت لفسق وفجور وفي النهاية زواج فاشل ... عشان النية من البداية ... مش ( السعي لمرضاة الله ) ( اختيار ما نرضاه دينه ... والخ ) النية كانت ... نضمن نعيش اللحظة
            مش بنركز على اخلاقيات بنركز على إمكانيات .. ومش بس المادية ... لا ... دة فيه امكانيات من نوع آخر بتشغل الشاب جدا في اختيار زوجة المستقبل
            إللي في الغالب ما بتعمرش معاه ... أنا مش شايفة في الزواج دلوقتي زواج عفة وسترة ونص دين وتكوين اسرة ... الزواج اصبح زواج ( م ت ع ة ) آسفة بس دي الحقيقة والفضل لأفلام الاثارة وغيره ...
            ده غير إن قال الله وقال الرسول ... بقت موضة مش محبوبة ... عاوزين الروشة الكووووووووووووووووووول

            عشان كدة البنت ( من 29 : 35 ) بتتعرض للعنوسة وهي في عز شبابها
            رغم الشباب إللي في السن ده ومستعدين يتزوجوا كتيير وموجودين بس يفضلوا من ( 22 : 27 ) و28 متضررين شوية عارفين ليه
            ( يا عم اتجوز واحدة دخلت التلاتين كلها كام سنة وتجيب العيلين والاقيها دخلت في سن اليأس ... أعمل بيها إيه ... اوفر على نفسي افكر في جوازة تانية وآخد الصغيرة من الأول )
            محدش يهاجمني ويقوللي ده ما بيحصلش ... عندي بنات زي الفل والورد ومن عائلات وأغنية ... متجوزووش لحد دلوقتي وعدو الثلاثين
            ده غير إن إللي بييجي على نفسه ... وياخد واحدة منهم بتبقا لأسباب مصلحية ... ونادرا جدا ما بيبقا لحب خالص لوجه الله .... وربنا يستر على ده مجتمع


            معلش
            سامحوني
            القلب معبي وفايض
            [CENTER] [SIGPIC][/SIGPIC]
            كم أحبك يا الله
            [/CENTER]

            Comment

            • #351
              حكايات البشر ديه طلعت كل اللى فى القلب.

              على فكرة يا نور أنا بأتفق معاكى فى كل اللى بتقوليه و ده للأسف الشديد سبب الطلاق المبكر دلوقتى بين الشباب
              [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

              Comment

              • #352
                تعالوا من باب التغيير للجو نحكى قصه تعرفنا انه لسه برضه فى خير..


                الموضوع عباره عن أنه كان معايا عربيه دايو لانوس (الله يمسيها بالخير!)

                وللأسف كانت موضه أيامها تركيب الباكتات على أجناب الاكصدام واللى طلع انها بتفك بعد فتره وبتطلع بدهان العربيه وشكلها بيبقى مؤذى للعين..المهم وانا عند الميكانيكى سألته على واحد صنايعى كويس ارش الاكصدامين عنده عشان منظرهم بايخ قوى..طبعا الميكانيكى راح معايا على ورشه كبيره عباره عن جراج عماره وقعد يقول فى الجماعه دول قصايد شعر ..طبعا ايامها كنت ساذج ومعرفتش ان الصنايعيه بيبيعوا الزباين لبعض!!!

                كام يعم؟...بص يابيه انا مش هقولك 500 زى الشيروكى اللى قدامك دى انا عشان خاطر الاسطى فلان هأخد 400 بس..طبعا انا مليش فى الفصال ..وكنت هدفع فعلا بس مش مقتنع ان الموضوع يكلف كده!!!...وببصه للميكانيكى قام طلع زى المدفع ..لأ يا أسطى فلان أستاذ أشرف ده مش زبون ده صاحب مكان ولازم يتعمل معاه واجب !!
                خلاص يا جماعه لما ييجى الشيخ فلان صاحب المكان يبقى يعمل معاكوا واجب لانى مقدرش أنزل عن كده..بس الشاى بتاعنا عندك يا باشا !!

                حاضر من عينيا بس ربنا يكرمك انت قلتلى هستلمها زيرو مفيهاش خرابيش ولا بقع ولا البويه تقشر ولا الكلام ده!!!

                عيب يا باشا..هتستلمها عروسه وهتدعيلى !!

                المهم اليومين بقو اسبوع ولما جيت استلم لاقيت مفيش حاجه اتعملت غير الاكصدامين وطبعا كنت كل يوم أعدى يسحب منى ميه فى خمسين عشان يجيب خامات...ياباشا منت هتدفع هتدفع سواء دلوقتى ولا بعد ما نخلص....!!!

                المهم خلصت المأساه واتضحك عليا واخدت العربيه وقلت حسبى الله ونعم الوكيل!!!

                روحت قلت بقى خلاص خد العيال خرجهم بمناسبه تلميع العربيه!

                يلا هوديكم عند تيته (الله يرحمها ).
                هيه هيه هيه.(دول البنات)

                إيه رأيك يا ستى؟! (انا للمدام)

                فى أيه؟!

                العربيه بعد ما إتظبتط!!

                مهى زى ما هى هو ايه اللى إتعمل فيها؟!

                آآآآآآآآآآآآه ..طيب !!!

                المهم خدت العيال وزوجتى وخلصنا مشوارنا وضربنا كشرى فى محل محترم ومروحين ..لغايه دلوقتى مفيش مشاكل!!

                سلام عليكم يا عم فلان ( ده الغفير بتاع الجراج)

                وعليكم السلام ورحمه الله يا حاج أشرف...

                بما إننا مكناش أول الشهر فالغفير عارف انى مش هديله فلوس فبيكبر دماغه ويسيبنى اركن انا مع نفسى ويعيش مع الشيشه..علما بأنه أول يومين فى الشهر ييجى يركننى( تعال..تعال..تعال..هووووووووب)

                المهم وانا بركن ومشغل الانتظار والساعه واحده صباحا ..يعنى المنطقه هس ..هس... هس كمان !!

                طاااااااااااااااااخ ..بوم ..تكتكتكت...زيييييييييييك !!!

                أيه ده ؟
                بسم الله الرحمن الرحيم

                واحد بدبابه ..قصدى عربيه فيات 124 (أفظع من الدبابه شويه!)
                دخلى فى الرفرف والاكصدام والفانوس الشمال وكمل ماشى لما عمللى فتحه فى الاكصدام زى لما تفتح علبه التونه !!

                طبعا الدم غلى فى عرووقى والفلوس اللى لسه نارها مبردتش اللى دفعتها فى رش الاكصدام حرقتنى جدا دا غير الرفرف اللى إتشوه !!!

                أول حاجه ..بصيت لزوجتى ..خدى البنتين واطلعى على فوق من غير ولا كلمه وملكيش دعوه بأى حاجه!!

                إستهدى بالله بس وصلى على النبى!!

                صلى الله على محمد ..إتفضلى لو سمحتى!

                هعمل أيه هعمل أيه؟!

                الشيطان عماللى يلعب فى دماغى

                نزلتله طبعا هو عربيته ولا الهوا ..دبابه يادوب اللون بتاعى ظاهر عنده فى الداير اللى فوق الكاوتش!!

                أيوه بقى حضرتك ما بتشوفش؟

                على فكره انا مش غلطان ..

                مش غلطان؟!!!!!!!!!!!!
                يعم دنا مشغل الانتظار وبركن وفى جراج هعمل أيه تانى عشان ابقى غلطان؟

                انا كنت هعدى وانت مستنتنيش!!

                لقيته بارد قوى ..عصبنى زياده..
                طب بقولك أيه الشغل اللى هيتعمل فى العربيه هيتعمل على حسابك!!

                بعد لف ودوران ولخبطه ..وأكتر حاجه إستفزتنى إنه قاعد فى عربيته بمنتهى التناكه والبرود..!!!!

                طب بقولك أيه ..أنا مش عايز منك حاجه!...وجرى على عربيتى ساحب مفتاح العجل وربنا بعتلى الغفير وواحد جارى حاشونى وإلا كنت هدغدغله فوانيس عربيته ويمكن الزجاج كمان واهو يبقى العين بالعين!!

                الراجل يا عينى اترعب...هتعمل ايه؟..هتعمل أيه؟؟

                عايز تكسر ايه يا باشمهندس؟
                ياسيدى انا جارك هنا وإسأل عليا فلان الميكانيكى

                معرفوش

                طب عايز ايه دلوقتى

                هتعمل العربيه

                بس انا مش غلطان

                برضه..طب مش غلطان وهتعملها برضه!

                عافيه يعنى!!

                يجدعان سيبونى دا بيستعبط!!

                خلاص يا أستاذ أشرف هو هيعملهالك وفلان الميكانيكى يضمنهولك .
                فعلا فلان الميكانيكى جه وبص على العربيه قاللى يا سيدى ولا حاجه ده كلام فارغ ما يستهلش كل اللى انت عامله ده!

                يعم انا راشش الاكصدامين ب 400 جنيه هلم البلوه دى بكام؟

                ملكش دعوه بقى بكره المحلات تكون فتحت ونعملهالك ولو جرجس (مهو طلع أسمه جرجس) معملهاش انا هعملهالك!!

                حقك عليا انا متزعلش يا عم وفى الاخر دى حته حديده..

                خد تليفونى يا عم أشرف وبكره إتصل بيا نروح نعملها عند السمكرى اللى بتعامل معاه !

                بصراحه قلت ولا هأخد منهم حق ولا باطل وقلت حسبى الله ونعم الوكيل وفضلت متنكد لتانى يوم!

                وانا فى الشغل التليفون رن.

                مين

                انا جرجس

                اهلا

                انا مستنى حضرتك عند السمكرى

                هخلص شغل واجيلك

                رحت فعلا والعربيه اتعملت ورجعت زى ما كانت إلا خرابيش وتخبيطات وحاجات بسيطه مش مهمه !

                المفاجئه بقى إن عم جرجس ده طلع معوق وعصبيتى خلتنى ما شفتش العكازين بتوعه فى العربيه والشيطان عمانى عن انى ألاحظ مشيته وانه بيسند على العربيه وهو خارج يتكلم معايا ساعه الخناقه !!!!

                تفتكروا لو كنت كسرتله عربيته كان هيحصل ايه وكنت هحس بأيه دلوقتى؟!!

                فعلا الغضب بيعمينا عن حاجات كتييييييييييير !!!!!!

                الراجل ده ايه اللى خلاه يتصل بيا ويعمللى العربيه؟!!

                فعلا الدنيا لسه فيها خير وناس محترمه!!!
                زعلى فكره قابلته صدفه من يومين ونزلت من العربيه رحتله سلمت عليه ولسه محتفظ بتليفونه على الموبايل ومسميه( جرجس حوادث ).

                طولت قوى المره دى ...معلش ..سامحونى!
                [SIGPIC][/SIGPIC][CENTER]
                [/CENTER]

                Comment

                • #353
                  أخى أشرف

                  جميلة أوى الحكاية ديه و فيها الكثير من العبر و العظات

                  فعلا احنا أوقات الغضب بيعمينا عن احنا نشوف الحقيقة و لهذا قال رسول الله صلى الله عليه و سلم ( لا تغضب)

                  و أوقات كتير بنظن بالآخرين السوء و هما فعلا غلابة بس الغضب حقا جمرة من الشيطان

                  وفقك الله دائما الى طاعته
                  [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                  Comment

                  • #354
                    أ / أشرف

                    أنا قرأت الحكاية دي قبل كدة ؟
                    انت كتبتها قبل كدة في لينك من اللينكات على المنتدى بس كانت مختصرة

                    لو صح... يبقا طمنتني إن لسة فيه أمل ... إني ما كونش أصبت بزهايمر يفوق ال 50 %

                    جميلة .. والاجمل التسامح إللي جواك
                    واحتسابك عند الله
                    سؤال خارج الموضوع ... حضرتك برج إيه
                    [CENTER] [SIGPIC][/SIGPIC]
                    كم أحبك يا الله
                    [/CENTER]

                    Comment

                    • #355
                      [glow=#ffff00]الحكاية رقم 60[/glow]

                      معلش انى أتأخرت عليكم فى الحكايات اليومين اللى فاتوا بس بسم الله ما شاء الله أخونا أشرف فتحى أتحفنا بحكايات جميلة جدا..

                      و بما انى عايزة أرجعلكم البسمة و الأمل من تانى و متبقاش الحكايات كلها نكد نحى النهاردة حكاية حصلتلى و رجعلتلى الأمل فى الموظفين المصريين و انهم ممكن يعملوا حاجة فعلا لوجه الله مش للى فى جيبك.

                      كنت عايزة أجدد بطاقة الرقم القومى بتاعتى عشان كنت عايزة أطلع رخصة العربية لأنى بصراحة كنت بأسوق بلطجة ( من غير رخصة) فأما قانون المرور الجديد طلع قلت أتلم و أروح أطلع رخصة و يا يسقطونى أو ينجحونى بس بكرامتى برده.

                      فرحت بالفعل اشتريت ورق البطاقة و مليته و رحت للهيئة استخراج الرقم القومى و أنا كنت مستعجلة لأنى فى نفس الأسبوع كنت هأروح أمتحن و كنت ممكن أطلع الرخصة فى أى وقت و أنا داخلة اتصور صورة الكمبيوتر اكتشفت أن البطاقة بتأخد أسبوع عقبال ما تطلع فسألت و عرفت ان فيه بطاقة مستعجلة و ممكن تطلعلك فى نفس اليوم المهم سألت :طيب ديه اجرائتها ايه؟
                      قالولى:تشترى ورق ب 75 جنيه و تمليه و تخلص الاجراءات فى نفس اليوم

                      المهم رحت بالفعل عشان أشترى الورق الجديد عشان أنا كنت مستعجلة لقيت الوظف و أنا رجعاله بعد كا كنت ختمت الورق القديم قالى: طيب ليه حضرتك تكلفى نفسك التكاليف ديه كلها؟
                      قلتله:معلش بس أنا مستعجلة و مش هأقدر أستنى أسبوع
                      فكانت فيه موظفة واقفة جنبه فقالتله:طيب ايه رأيك فى الموضوع ده و اتكلوا شوية و بعد كدة لاقيتهم بيقولولى :طيب بصى احنا هنخلصلك الورق بتاعك فى خلال يومين و المدام هتأخد نمرة تليفونك و أول ما بطاقة تخلص هتيجى و تأخديها يا دكتورة.
                      قلتله:يعنى مش هأشترى الورق الجديد
                      قالى:لأ ، اتفضلى حضرتك و استنى التليفون من المدام.

                      طبعا أنا روحت البيت و مش مصدقة و قلت بالتأكيد الموظفة ديه هتكون عايزة حاجة أما تدينى البطاقة و قلت بجد فيه حد فى مصر لسة بيعلم حاجة لله.

                      لاقيت الموظفة بتتصل بيا بعد يومين و بتقولى:بطاقتك خلصت يا دكتورة و تعالى خديها
                      شكرتها طبعا و بما انى مأكونتش عارفة نواياهم ايه بالظبط أخدت زوجى معايا(أهو حماية برده و ممكن يطلع المعلوم اذا وجب)

                      دخلت أنا و جوزى المصلحة و لاقيت الموظفة شفتنى و جاتلى و قالتلى:انتى اتأخرتى يا دكتورة ، اتفضلى بطاقتك ..........و سبتنى و مشيت.

                      قعدت أبصلها و أبص لجوزى .يبصلها جوزى و يبصلى

                      روحت قولتله: احنا لسة فى مصر و لا ايه الوضع بالظبط

                      بصراحة موقف الموظف و الموظفة ديه كان ليه تأثير بالغ عليا و ان لسة فيه فى مصر موظفين ولاد حلال بيحاولوا يخلصوا مصالح الناس لوجه الله فقط لا غير.
                      [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                      Comment

                      • #356
                        سبحان الله دي معجزة القرن يا مسلمة

                        Comment

                        • #357
                          ولاد الحلال كتيير يا مسلمة
                          ونسيج موظفين بير السلم ... بدأ ينقرض خلاص
                          وكمان النوعية دي بقت تتكسف نوعا ما ويهمها برستيجها
                          وهي قاعدة مع موظفين زيها وفي نفس المكان بس محترمين وبيكفيهم مرتبهم ... واتفتحت طرق جديدة للكسب المشروع
                          فاصبح مفيش مشكلة من الجمع بين وظيفتين شريطة لا يتعارضوا في المصالح معا .... يعني ... مثال ( باحث قانوني - وصاحب محل تجاري ) .. الخ ... وده إن شاء الله حيقننوا رسمي القانون الجديد للوظيفة العامة
                          [CENTER] [SIGPIC][/SIGPIC]
                          كم أحبك يا الله
                          [/CENTER]

                          Comment

                          • #358
                            المشاركة الأصلية كتبت بواسطة نور القمر مشاهدة المشاركة
                            سبحان الله دي معجزة القرن يا مسلمة
                            أنا برده ماكنتش مصدقة نفسى يا نور.....يا سبحان الله
                            [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                            Comment

                            • #359
                              المشاركة الأصلية كتبت بواسطة نور العمر مشاهدة المشاركة
                              ولاد الحلال كتيير يا مسلمة
                              ونسيج موظفين بير السلم ... بدأ ينقرض خلاص
                              وكمان النوعية دي بقت تتكسف نوعا ما ويهمها برستيجها
                              وهي قاعدة مع موظفين زيها وفي نفس المكان بس محترمين وبيكفيهم مرتبهم ... واتفتحت طرق جديدة للكسب المشروع
                              فاصبح مفيش مشكلة من الجمع بين وظيفتين شريطة لا يتعارضوا في المصالح معا .... يعني ... مثال ( باحث قانوني - وصاحب محل تجاري ) .. الخ ... وده إن شاء الله حيقننوا رسمي القانون الجديد للوظيفة العامة
                              هو ولاد الحلال كتير آه.....بس مش كل الموظفين فى الحكومة بيعملوا كدة

                              دول فيه موظفين يتفاتلهم بلاد و بلاش أحكيلكم حكايات تنرفز ، خلينا النهاردة فى اعادة الأمل الى القلوب.
                              [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                              Comment

                              • #360
                                الدنيا لسة بخير و الحمد لله !!
                                بس للاسف انا لما بروح اتعامل مع المصالح الحكومية و الاقيها متسهلة على الاخر و مفيش تعقيد من الموظفين بقول اكيد فيه حاجة غلط!
                                الواحد دلوات بقى بيستغرب لما يلاقى حد بيساعده او لما يلاقى انسان بيضحك و هو بيعملك شغلك!
                                [SIZE=6][I][COLOR=#000000][FONT=Comic Sans MS][SIZE=6]
                                [/SIZE][/FONT][/COLOR][/I][/SIZE]

                                Comment

                                السابق 1 14 18 19 20 21 22 23 24 25 26 27 28 29 30 34 70 template التالي
                                Working...
                                X