Tweet
السلام عليكم ورحمة الله,
إكمالا لقصة الأستاذ أشرف, إتعينت في الشركة إلي بشتغل فيها بحمد الله وفضله من 6 سنوات.
في البدايه عملت المقابله عادي جدا و بدون أي واسطه و قبلت وإشتغلت , وكان مديري المباشر شاب يكبرني بـ 3 سنوات بس كان له شخصيه قويه جدا و مثقف جدا جدا.
فرحت قوي أن ربنا أكرمني بزملاء و رؤساء كويسين. لكن الموضوع ما طولش كتير
كان زميلي و إلي إتعين معايا في نفس اليوم له إسلوب غير أخلاقي في التقرب من ذو النفوذ و السلطه في الشركه و طبعا لأن مديرنا له ثقل عالي قوي في الشركه كلها على مستوي مصر فكان هو ده المناسب إن يتقرب ليه و مش بس كده لأ ده كمان يمنع أي حد تاني إنه يكون صلته قويه بصاحبنا المدير طيب إزاااي؟ إنه يضري ذنب و يتصيد أخطاء أنا و إلي معايا علشان يكبر بيها قدام المدير و في نفس الوقت يعمل مسافه كبيره ينفرد بيها بالمدير ولا حول و لا قوة إلا بالله العلي العظيم.
نجح في ده بشكل كبير لدرجة إن إلي يأس من زمايلنا إبتدا بحسن علاقته معاه علشان يتقي شره و يدخل حسبه.
طيب في أنا من ده كله.... بقيت من المغضوب عليهم وحتي لو كان أدائي في الشغل عالي وحتي لو أنقذت الشركة من مصايب كان ممكن تحصل وألهمني ربنا بتفاديها.
بقيت في حيره هو أنا ليه دايما ما بلاقيش أي تقدير حتي لو كلمة good jop ومش فاهم ايه إلي بيحصل بالظبط.
وإشتغلت الحرب النفسيه مابين المدير و ما بيني و إحتدت بشكل يجيب الضغط. ولقيت نفسي مهمش تماما مهما إجتهدت في الشغل و إلي مازلت بحبه و بتقي ربنا فيه.
وجه يوم كان فيه زياره من الـ head office وكان فيها تاني وتالت شخصيه على مستوي الشركه عالميا وفوجئت إنهم يعرفوا واحد مطحون إسمه إيهاب ومش بس كده لأ دول بيثنوا على شغلي جدا وطبعا المدير حبيبنا نال من الشكر واجب علشان يبتدي فترة هدنه إستعدت فيها توازني بشكل كبير ودي الفتره إلي إتجوزت فيها.
ورجعت من أجازة الجواز و لقيت 3 طن أسافين مستنياني بحرقه ولهفه و الحمد لله فرقعوا كلهم في وشي لزق , ساءت حالتي النفسيه و الصحيه لدرجة إني دخلت المستشفي في شهر العسل طبعا.
وزارني زملائي كلهم إلي علاقتي بيهم الحمد لله أكتر من ممتازه و من ضمنهم صاحبنا وإلي يفرس أنه جاي يقولي يا إيهاب متخدش كل حاجه على أعصابك توظ في الشغل المهم صحتك.
صاحبنا أخد مكانه متميزه في الشركه بدرجه senior وسبحان الله في نفس الأسبوع تجيلي نفس الدرجه لكن من بره من الـ head office شخصيا و كأن الله سبحانه وتعالي بيقولي جزائك عندي " سبحان من لا تضيع عنده الحقوق" .
وبيقت بالنسبه له زي البعبع إلي بيطارده في كل حته مهما عمل و إجتهد في تعطيلي هو و حبيبنا المدير .
وتم إعادة تنظيم للشركه و بيقت أنا وهو تحت إدارة مدير تاني خالص وعلشان علاقتي الحمد لله طيبه مع كل موظفين الشركه
كان مدير المباشر الجديد و مدير مديري المباشر من هؤلاء إلي بتجمعني بيهم العلاقه الطيبه وده من حوالي سنتين تقريبا.
يعني بعد 4 سنين من الحرب النفسيه الشرسه ربنا أكرمني وعوضني خير الحمد لله و أخدت حقي تالت و متلت زي ما بيقولوا
والغريبه إن علاقتي بالمدير إتحسنت بشكل كبيييييييير جدا وتقريبا بقينا أصحاب حتي بعد ما ترك الشركه و صاحبنا لما لقا إن ظهره إنكشف طلب نقله و اتنقل بالفعل.
قال الله سبحانه:{وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ}…(لأنفال:30) .
إكمالا لقصة الأستاذ أشرف, إتعينت في الشركة إلي بشتغل فيها بحمد الله وفضله من 6 سنوات.
في البدايه عملت المقابله عادي جدا و بدون أي واسطه و قبلت وإشتغلت , وكان مديري المباشر شاب يكبرني بـ 3 سنوات بس كان له شخصيه قويه جدا و مثقف جدا جدا.
فرحت قوي أن ربنا أكرمني بزملاء و رؤساء كويسين. لكن الموضوع ما طولش كتير
كان زميلي و إلي إتعين معايا في نفس اليوم له إسلوب غير أخلاقي في التقرب من ذو النفوذ و السلطه في الشركه و طبعا لأن مديرنا له ثقل عالي قوي في الشركه كلها على مستوي مصر فكان هو ده المناسب إن يتقرب ليه و مش بس كده لأ ده كمان يمنع أي حد تاني إنه يكون صلته قويه بصاحبنا المدير طيب إزاااي؟ إنه يضري ذنب و يتصيد أخطاء أنا و إلي معايا علشان يكبر بيها قدام المدير و في نفس الوقت يعمل مسافه كبيره ينفرد بيها بالمدير ولا حول و لا قوة إلا بالله العلي العظيم.
نجح في ده بشكل كبير لدرجة إن إلي يأس من زمايلنا إبتدا بحسن علاقته معاه علشان يتقي شره و يدخل حسبه.
طيب في أنا من ده كله.... بقيت من المغضوب عليهم وحتي لو كان أدائي في الشغل عالي وحتي لو أنقذت الشركة من مصايب كان ممكن تحصل وألهمني ربنا بتفاديها.
بقيت في حيره هو أنا ليه دايما ما بلاقيش أي تقدير حتي لو كلمة good jop ومش فاهم ايه إلي بيحصل بالظبط.
وإشتغلت الحرب النفسيه مابين المدير و ما بيني و إحتدت بشكل يجيب الضغط. ولقيت نفسي مهمش تماما مهما إجتهدت في الشغل و إلي مازلت بحبه و بتقي ربنا فيه.
وجه يوم كان فيه زياره من الـ head office وكان فيها تاني وتالت شخصيه على مستوي الشركه عالميا وفوجئت إنهم يعرفوا واحد مطحون إسمه إيهاب ومش بس كده لأ دول بيثنوا على شغلي جدا وطبعا المدير حبيبنا نال من الشكر واجب علشان يبتدي فترة هدنه إستعدت فيها توازني بشكل كبير ودي الفتره إلي إتجوزت فيها.
ورجعت من أجازة الجواز و لقيت 3 طن أسافين مستنياني بحرقه ولهفه و الحمد لله فرقعوا كلهم في وشي لزق , ساءت حالتي النفسيه و الصحيه لدرجة إني دخلت المستشفي في شهر العسل طبعا.
وزارني زملائي كلهم إلي علاقتي بيهم الحمد لله أكتر من ممتازه و من ضمنهم صاحبنا وإلي يفرس أنه جاي يقولي يا إيهاب متخدش كل حاجه على أعصابك توظ في الشغل المهم صحتك.
صاحبنا أخد مكانه متميزه في الشركه بدرجه senior وسبحان الله في نفس الأسبوع تجيلي نفس الدرجه لكن من بره من الـ head office شخصيا و كأن الله سبحانه وتعالي بيقولي جزائك عندي " سبحان من لا تضيع عنده الحقوق" .
وبيقت بالنسبه له زي البعبع إلي بيطارده في كل حته مهما عمل و إجتهد في تعطيلي هو و حبيبنا المدير .
وتم إعادة تنظيم للشركه و بيقت أنا وهو تحت إدارة مدير تاني خالص وعلشان علاقتي الحمد لله طيبه مع كل موظفين الشركه
كان مدير المباشر الجديد و مدير مديري المباشر من هؤلاء إلي بتجمعني بيهم العلاقه الطيبه وده من حوالي سنتين تقريبا.
يعني بعد 4 سنين من الحرب النفسيه الشرسه ربنا أكرمني وعوضني خير الحمد لله و أخدت حقي تالت و متلت زي ما بيقولوا
والغريبه إن علاقتي بالمدير إتحسنت بشكل كبيييييييير جدا وتقريبا بقينا أصحاب حتي بعد ما ترك الشركه و صاحبنا لما لقا إن ظهره إنكشف طلب نقله و اتنقل بالفعل.
قال الله سبحانه:{وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ}…(لأنفال:30) .
Comment