حكايات البشر

[pop3]

أستاذ ايهاب ...صعبتها علينا قوى.......بعد الشيخ محمد حسان والقصص والعبر اللى بنسمعها منه محدش بيقدر يقول اى حاجه....ربنا يجازيه عنا خير ويرزقه ويرزقنا صحبه الحبيب المصطفى صلى الله عليه وسلم فى الجنه...

والله ابدا ده الدين يسرا وليس عسرا , لكن الأمثله دي فيها من العبر و العظات إلي ممكن ترجعك للطريق الصح من تاني , دي إلي بتقولي وتقولك لأ ..... راجع نفسك ..... إنت فين من دول..... طيب لما بتسمع شئ عن أخبار الصحابه رضوان الله تعالى عليهم أو أولياء الله الصالحين و الأمه التابعين بتقول ياعم دول حاجه تانيه خالص إحنا فيييييييين وهم فين إحنا في وقت كله فتن , القصص دي بقي لا هي لأحد من الصحابه و لا من التابعين ولا لولي من أولياء الله الصالحين , دي لبشر عاديين جدا زيي وزيك وزيك كل الناس و في نفس الزمان و المكان وفي نفس المواجهه مع نفس الفتن , ولكن في شئ مختلف عارف ايه هو يا أشرف؟
1- الإيمان هو الإختلاف ما بينا و بينهم , إن كل أفعالك و أقوالك نابعه عن إيمان بالله عز وجل
2- الإخلاص , كل ماتعنيه الكلمه , لما أصلي بصلي بإخلاص, لما أتعبد بتعبد لله تعالي بإخلاص لما أشتغل بأشتغل بإخلاص, بمعني أدق إخلاص النيه لله عز وجل.
3- الثبات , لا شك إننا كلنا بنعاني من النقطه دي بالذات وعايز أقول إن كل واحد عاصي بتمر عليه لحظه ونفسه بتتجه للرغبه في طاعة الله وبتجزع من كتر معصيه الله لأن النفس بتجد راحتها والله بس في طاعة الله - لأن دي الفنره إلي فترنا عليها - ويبدأ يصلي ويستقيم ولكن فقدانه للثبات بيحول دون ذلك ويبتدي يرجع من تاني نزولا لشهواته ونزواته , علشان كده ممكن يرجعنا لطريق الإيمان قصه زي دي بتوقفك قدام نفسك وتحطك في مقارنه سريعه بنلاقي أنفسنا فيها للأسف خسرانين.

لما سيده عجوز بعتت إبنها للشيخ محمد حسان بتقوله تعالي أنا عايزاك ويلبي الشيخ مطلبة السيده علشان أول ما تشوفه تبادره و تقوله في منتهي البساطه وبعفويه شديده" هو الرسول - عليه أفضل الصلاة و أذكي السلام - بقاله يومين مابيجليش في المنام ليه يا سيدنا الشيخ"

يا خبر أبيض , ده الواحد مننا بيتمني إنه ينول شرف أنه يرى النبي عليه أفضل الصلاة و أذكي السلام ولو مره واحده في العمر ,,,, وهي زعلانه علشان بقاله يومين بس ما بيزورهاش في المنام , ليه هو بيجلها كل يوم؟

سبحان ربي الأعلي , هي مين الست دي؟؟؟ الجواب ببساطه إت الست دس ست عاديه جدا زي إمي و أمك زي جدتي و جدتك لكن يغمر الإيمان قلبها حبا لله و لحبيب الله.

رزقنا الله الإيمان و الإخلاص و الثبات و كل ما يعيننا عليهم و حبه و حب كل شئ يحبه و حب حبيبه وزيارته في المدينه وزيارته لنا في المنام وشفاعته لنا في الآخره.... آمين يارب العالمين

[muslimah_dentist]

والله يا اخونا الشباب لسه فيهم الخير....اللى بيظهروا وبيستفزونا دول زى رغوه الميه باينه ومداريه اللى تحتها....ربنا يهدينا ويهديهم...أو يهدهم ...أيهما أقرب.....

أنا أؤيد كلامك تماما أخونا أشرف ، فيه فعلا شباب زى الورد و بيشتغلوا شغل فحت و ردم زى ما بنقول بس للأسف اللى ظاهر ع الوش هو بس اللى وحش.

سبحان ربي الأعلي , هي مين الست دي؟؟؟ الجواب ببساطه إت الست دس ست عاديه جدا زي إمي و أمك زي جدتي و جدتك لكن يغمر الإيمان قلبها حبا لله و لحبيب الله.

أخى الكريم كنت أتعجب دوما عندما تأتينى أخت فاضلة و تأخذ تسرد لى رؤياها التى رأت فيها النبى محمد صلى الله عليه و سلم و كلما تأتينى أخت منهن أنظر اليهن ثم أنظر الى حال نقسى و أقول: يا أحقر خلق الله هذه التى اذا نظرتى اليها ظننتى انكى أفضل منها و ظن الأخرين أنكى على خير و يُظن بكى الخير ، جئن يُحدثنك عن رؤيائهن للحبيب محمد فأين أنتى من هذه الرؤية و دوما ما كان جواب نقسى بسيطا بل عميقا ......أكيد يوجد بى خلل ،،،،،،عيب فى القلب و لابد....

[muslimah_dentist]

الحكاية 72

تعالوا أحكيلكم النهاردة حكاية حصلت معايا و حبيت أشترك معاكم فى تأملاتى للموقف.

النهاردة عمر ابن أختى كان بيعمل عملية اللحمية ،عمر عنده ست سنين بس عفركوش صغنون و مطلع عين كل اللى حواليه بيعمل كل مُصيبة و مُصيبة بس بالرغم من كل ده دمه زى العسل ، عليه خفة دم العفريت ، كان جاى من أمريكا(أصله آخد الجنسية بعيد عنكم) ماكنش بيتكلم و لا كلمة عربى ، هو شهر واحد قعدهم فى مصر و جاب المفردات اللغوية كلها..........مش بأقولكم عفركوش صغنون.

نيجى بأه للمهم كنت مع أختى النهاردة فى المستشقى عشان التأييد المعنوى و طبعا عشان أطمن على عفرتنا الصغنون و يقوملنا بالسلامة عشان يعاود مهنته فى الملاعب الدولية العفروكشية بالرغم ان اللحمية ديه عملية بسيطة جدا بس أختى كانت خايفة موت و أما أقولها : ايه يا بنتى كل الخوف ده
تقولى: مش فى ناس بتدخل تعمل حاجات بسيطة و تحصلهم مصيبة
أقولها:يا بنتى استبشرى خير ان شاء الله

المهم جت الممرضة أخدت عمر لأوضة العمليات و أختى عمالة تعيط و أنا أهدى فيها ، العملية مأخدتش ربع ساعة و عمر طلع بالسلامة و الحمد لله بس كان كل اما يفوق من البنج يقعد يعيط و أختى عمالة تعيط حنبه ، عمالة أهدى فيها و أقولها: أهو خلاص طلع بالسلامة
تقولى:طيب بيعيط ليه
قلتلها:عادى يعنى ما عمر عارفاه دلوعة و مايص
قالتلى :لآ ده بيتألم
أقولها:يا بنتى ربنا يهديكى الواد قدامك زى الفل

فين و فين أما عمر باشا بطل عياط و الحمد لله و أختى بالتالى ربنا هداها أما اطمنت ان مفيش ألم و لا حاجة و أهو كله دلع عمر باشا

موقف أختى و قلقها الشديد على ابنها هو موقف أى أم فى موقفها حتى لو ابنها اتجرح جرح بسيط بصيت للرحمة الكبيرة فى قلبها و حبها على ابنها و قلت يا سبحان الله يجى ايه ده جنب رحمة ربنا بعباده و حبه ليهم

و تذكرت حديث الحبيب محمد صلى الله عليه و سلم عندما رأى امرأة من السبى تبحث حتى اذا رأت ابنها أخذته فألصقتها بثديها فاذا برسول الله صلى الله عليه و سلم يقول للصحابة: أترون هذه المرأة طارحة ولدها بالنار
قالوا:لا
قال:لله أرحم بعباده بهذه على ولده

ياااااااااااااااااااه على رحمة ربنا

هذه الرحمة الواحدة التى أنزلها فى الأرض كى يتراحم العباد فيما بينهم و استبقى عنده تسع و تسعين رحمة كى يرحم عباده بها يوم القيامة

اللهم ارحمنا برحمتك الواسعة يا أرحم الراحمين

[muslimah_dentist]

الحكاية 73

دعونى اليوم أتحدث معكم عن موقف عايشته خبرت فيه الموت كأننى أراه رؤيا عين.

أنا و لله الحمد اذا أتانى المرض يأتينى فى أشد صوره (لعله يكون كفارة لى) فعادة لا تأتينى الانفلونزا فى شكلها الطبيعى بل تأتينى نزلة شُعبية حادة مع ارتفاع شديد فى درجة الحرارة و ما يتبع المرض من أعراض.

بعد فترة قليلة من زواجى أتتنى نزلة شعبية حادة جدا لدرجة أننى كنت يجب أن أُحجز فى المشفى و لكننى آثرت أن أُمرض فى بيتى بين أبوى ، أنا مُعتادة على هذه النزلات الشعبية و ما فيها و لكن فى هذه المرة كنت أشعر بدنو الأجل كنت أشعر بالوهن و الضعف الشديد أكاد أكون فى حالة دائمة من اللا وعى ، حولى جميع الأحبة و لكننى لست معهم، موجودة بجسدى و لكننى غائبة بوعى ، أسمعهم و أنظر اليهم و لكننى ما أشعر بشئ .

يحملوننى على الأكتاف فيضعوننى من غرفة الى أخرى و أنا غائبة عنهم جميعا ، شعرت كأننى أعيش سكرات الموت التى كنت ما دوما أقرأ عنها .....

أرى من حولى يبكون و لكننى لا أعلم لم هذا البكاء ، أكاد ألمح الدموع فى عين زوجى و أرى بكاء أمى و أختى و أرى قلق أبى و لكنى لا أقدر أن أتحدث فأطمئنهم ، فى هذه الليلة كنت فى غرفتى و كان ثلث الليل الآخير شعرت بكل سكرات الموت شعرت أن غرفتى تضيق على كأننى أتنفس من سم ابرة ، شفتاى مطبقتان كأنهما مُتبيستان من شدة الجفاف ، أريد أن أشرب ، أريد ماء ، لكننى لا أستطيع أن أنبت بنبت شفة ، لا أستطيع أن أُحرك شفتاى ،،،،،،،،،،،،،،،،،،،،سألت نفسى: أهو الموت؟؟؟؟؟؟؟؟؟؟؟؟؟؟؟؟؟؟

ما كدت أسأل نفسى هذا السؤال الا و وجدت الدموع تنهمر على وجنتى :اذا كان هذا هو الموت فماذا قدمت بين يدى ربى حتى يغفر لى؟؟؟؟؟؟؟؟؟؟؟؟؟

أخذت أبحث عن هذا العمل الصالح الذى أستطيع أن أقدمه بين يدى ربى لعله يرحمنى فلم أجد ،،،،،،،،،،،،،و لكننى فى هذه الآونة تذكرت حديث الحبيب محمد صلى الله عليه و سلم عندما قال:لا يموتن أحدكم الا و هو يحسن الظن بربه.............

لم أتذكر أى عمل صالح أقدمه بين ربى الا هذا الحديث الشريف فاذا بى أردد فى نفسى:

ربى أنا أُحسن الظن بك فارحمنى
ربى أنا أُحسن الظن بك فارحمنى
ربى أنا أُحسن الظن بك فارحمنى

مع هذه الحظات و مع شدة عطشى حتى ظننت أن شفتاى أصبحت كالجبلين من شدة تيبسهما ، ما أريد الا شربة ماء واحدة ، حتى و ان بللت شفتاى فهذا هو كل ما أرجو ،،فى هذه اللحظات اذا بى أسمع صوت أمى ينادينى: عايزة حاجة يا حبيبتى؟

ما نطقت الا بكلمة واحدة:مية

هل يجب أن نمر بلحظات شبيهة بلحظات الموت حتى نتوب و نعود الى الدرب

هل يجب أن نُبتلى فى أموالنا و أبنائنا و أنفسنا حتى نهتدى و نرجع عن المعاصى

لماذا لا نعود الى ربنا و الى طريقه و نحن فى الرخاء قبل الشدة؟؟؟؟؟؟؟؟؟؟

هذه التذكرة عايشتها و أردت أن تتعلموا منها كما تعلمت أنا فقد تعلمت منها أن فى لحظات الموت لن ينفعك الا حسن الظن بربك و حسن الظن بالله لن يأتى الا بالعمل الصالح.

[pop3]

الحكاية 73

دعونى اليوم أتحدث معكم عن موقف عايشته خبرت فيه الموت كأننى أراه رؤيا عين.

أنا و لله الحمد اذا أتانى المرض يأتينى فى أشد صوره (لعله يكون كفارة لى) فعادة لا تأتينى الانفلونزا فى شكلها الطبيعى بل تأتينى نزلة شُعبية حادة مع ارتفاع شديد فى درجة الحرارة و ما يتبع المرض من أعراض.

بعد فترة قليلة من زواجى أتتنى نزلة شعبية حادة جدا لدرجة أننى كنت يجب أن أُحجز فى المشفى و لكننى آثرت أن أُمرض فى بيتى بين أبوى ، أنا مُعتادة على هذه النزلات الشعبية و ما فيها و لكن فى هذه المرة كنت أشعر بدنو الأجل كنت أشعر بالوهن و الضعف الشديد أكاد أكون فى حالة دائمة من اللا وعى ، حولى جميع الأحبة و لكننى لست معهم، موجودة بجسدى و لكننى غائبة بوعى ، أسمعهم و أنظر اليهم و لكننى ما أشعر بشئ .

يحملوننى على الأكتاف فيضعوننى من غرفة الى أخرى و أنا غائبة عنهم جميعا ، شعرت كأننى أعيش سكرات الموت التى كنت ما دوما أقرأ عنها .....

أرى من حولى يبكون و لكننى لا أعلم لم هذا البكاء ، أكاد ألمح الدموع فى عين زوجى و أرى بكاء أمى و أختى و أرى قلق أبى و لكنى لا أقدر أن أتحدث فأطمئنهم ، فى هذه الليلة كنت فى غرفتى و كان ثلث الليل الآخير شعرت بكل سكرات الموت شعرت أن غرفتى تضيق على كأننى أتنفس من سم ابرة ، شفتاى مطبقتان كأنهما مُتبيستان من شدة الجفاف ، أريد أن أشرب ، أريد ماء ، لكننى لا أستطيع أن أنبت بنبت شفة ، لا أستطيع أن أُحرك شفتاى ،،،،،،،،،،،،،،،،،،،،سألت نفسى: أهو الموت؟؟؟؟؟؟؟؟؟؟؟؟؟؟؟؟؟؟

ما كدت أسأل نفسى هذا السؤال الا و وجدت الدموع تنهمر على وجنتى :اذا كان هذا هو الموت فماذا قدمت بين يدى ربى حتى يغفر لى؟؟؟؟؟؟؟؟؟؟؟؟؟

أخذت أبحث عن هذا العمل الصالح الذى أستطيع أن أقدمه بين يدى ربى لعله يرحمنى فلم أجد ،،،،،،،،،،،،،و لكننى فى هذه الآونة تذكرت حديث الحبيب محمد صلى الله عليه و سلم عندما قال:لا يموتن أحدكم الا و هو يحسن الظن بربه.............

لم أتذكر أى عمل صالح أقدمه بين ربى الا هذا الحديث الشريف فاذا بى أردد فى نفسى:

ربى أنا أُحسن الظن بك فارحمنى
ربى أنا أُحسن الظن بك فارحمنى
ربى أنا أُحسن الظن بك فارحمنى

مع هذه الحظات و مع شدة عطشى حتى ظننت أن شفتاى أصبحت كالجبلين من شدة تيبسهما ، ما أريد الا شربة ماء واحدة ، حتى و ان بللت شفتاى فهذا هو كل ما أرجو ،،فى هذه اللحظات اذا بى أسمع صوت أمى ينادينى: عايزة حاجة يا حبيبتى؟

ما نطقت الا بكلمة واحدة:مية

هل يجب أن نمر بلحظات شبيهة بلحظات الموت حتى نتوب و نعود الى الدرب

هل يجب أن نُبتلى فى أموالنا و أبنائنا و أنفسنا حتى نهتدى و نرجع عن المعاصى

لماذا لا نعود الى ربنا و الى طريقه و نحن فى الرخاء قبل الشدة؟؟؟؟؟؟؟؟؟؟

هذه التذكرة عايشتها و أردت أن تتعلموا منها كما تعلمت أنا فقد تعلمت منها أن فى لحظات الموت لن ينفعك الا حسن الظن بربك و حسن الظن بالله لن يأتى الا بالعمل الصالح.

جزاكي الله خير , والله من حسن السرد و إختيارك لمفرداتك تعايشت مع القصه لدرجة إحساسي بإنقباض صدري عند وصفك بضيق الغرفه و تيبس الشفاه.

عن الموعظه.... والله يا أختي الكريمه أكتر حاجه بتشدني و ترجعلي همتي بعد وهن أو كسل ربما بسبب المعاصي أو الإلتهاء بالدنيا عن الأخره هم كالأتي :

* ذكر الموت في نفسي و حضور الجنازه و زيارة القبر

* وصف النار بما فيها من عذاب و جحيم

* وصف الجنه ومافيها من نعيم مقيم

بارك الله فيكي أختي الكريمه و أنعم الله عليكي وعائلتك بدوام الصحه و العافيه في الدين و الدنيا و الآخره

[زهير فكري]

حكايه المره دي حدثت لواحد قريبنا , و تأثرت بها جدا و عتابي اولا و اخيرا علي السلبيه .

قريبي ده شاب في الثلاثينات مهندس كهرباء بارع و معيد بالجامعه طبعا انهي الماجستير و في طريقه لانهاء الدكتوراه , المهم الراجل ده يعشق علمه جدا و متفوق فيه و حاول كثيرا التقدم بمشاريع عمليه لتطوير نظم شبكات الكهرباء الا انه يصطدم مرارا بالروتين و البيروقراطيه و قله الوعي مما جعله في النهايه يتفرغ للدراسه الأكادميه فقط . الراجل ده متزوج من سيده فاضله يتيمه الأبوين و اب لطفله صغيره لم تدخل المدرسه , متدين و علي خلق عالي و بار بأمه التي تقيم معه لأنه ابنها الوحيد . المهم في بين الجامعات المصريه و جامعات العالم المتقدم بروتوكول تعاون يتيح للباحث المصري الذهاب للخارج و استخدام المعامل المتقدمه و العوده مره اخري لجامعته الأم و استكمال بحثه في مصر , صاحبنا كان بيسافر امريكا عشان النقطه دي , يعني حوالي 3 مرات في السنه , بعد ما جاء بحوالي اسبوع من آخر زياره لهناك فوجئت بوالدتي تخبرني بعد عودتي للمنزل و تقول جهز نفسك عشان فلان توفي و تعالي معايا العزاء !!!! المهم اتصدمت ده انا كنت مرتب معاه معاد عشان اقابله و مات ازاي ؟؟؟ المهم قلتلها روحي انت و انا هروح بعدين , لما رجعت اخبرتني بما سمعت من زوجته و هو كالتالي : المرحوم جه عادي جدا و طلب قبل ما ييجي اعد له اصناف من الطعام يحبها , المهم دي كانت آخر مره هيسافر لأمريكا و كان سعيد لانتهاء تلك المشقه و اخبرني ان الأساتذه هناك اعجبوا به جدا و طلبوا انه يترك مصر و اغروه كثيرا الا انه رفض الاغراءات العديده و قرر البقاء وسط اولاده علي حد قوله, تكمل زوجته و تبكي اثناء الحديث , لما جه يوم الوفاه وجدته يبدو علي وجهه الوجوم بعد تناول طعام الغداء و قالي حاسس ان فيه ( صخره) في معدتي و حاسس اني مش عارف اتحرك و بدأ عرق يتصبب من جبينه , استدعوا له الطبيب علي عجل و حضر للكشف عليه و لم يجد تشخيصا واضحا للحاله و صرخ قائلا ( انت واكل حاجه ) ؟ اجبته آه لسه واكل حالا قال لالالا ده واكل حاجه تانيه و انا اشتبه باعراض تسمم , طبعا صعق الجميع من الكلمه و لم يلبث ان انصرف الطبيب بعد الاتفاق علي استدعاء سياره اسعاف لعمل غسيل معده بالمستشفي , لكن القدر كان اسرع وفاضت روحه لبارئها , طبعا والدتي دموعها تسبقها وهي تحكي و تقولي ده كان وحيد امه و ما لهاش غيره ربنا يصبرها . تكمل الحديث قائله : سألت مراته يعني ايه اشتباه في تسمم يا بنتي ؟ و ازاي يعدي الموضوع كده قالتلي يا طنط هو كان بقولي ان في زملاء اجانب بغيروا منه قوي و كانوا مش عايزيين يفضل هناك , و قالتلي كمان ان فيه واحد زميله كان صاحبه مات من شهر في ظروف غامضه برضه , و الكلام ده قالهولي عميد الكليه لما قابلته بعد ما جالي في الحلم و قالي باللفظ ما تزعليش انا ( هخلصلك كل حاجه ) قاصدا ورق المعاش و سبحان الله لما رحت الجامعه كل حاجه كانت متسهله و الله العظيم و خلصت في يومين , فبصراحه احنا شكينا ان يكون حد عمل فيه حاجه هناك و سكت ده انا لوحدي يا طنط و عايزه اربي البنت و ابنه اللي في بطني و مات من غير ما يشوفه , طبعا تركت والدتي تبكي متأثره بما قصته , و جلست وحيدا اتأمل فيما حدث و اربط الأمور ببعضها , هو سافر في فتره لما السيد الرئيس ذكر انه سيتم انشاء محطات نوويه للأغراض السلميه و توليد الكهرباء منها , و زميله اللي مات في ظروف غامضه و تفوقه و كراهيه بعض الأجانب له و طريقه الوفاه تؤكد ان هناك فعل فاعل و انه من الممكن انه قد دس السم طيب هو السم ده يشتغل بعد اسبوع !! احتمال بس في الحاله دي ممكن يكون ورا الموضوع جهات مخابراتيه اجنبيه احتمال يكون من الجماعه اياهم لان المسأله مدبره بعنايه انه ما يموتش هناك !! طبعا دماغي عماله تجيب و تودي و انه ازاي الموضوع يمر هكذا و اين دور الجامعه و الأساتذه الأفاضل و مفيش اي رد فعل و لا اي بلاغ و لا اي حاجه ؟ مش عارف !!!!

[muslimah_dentist]

أولا البقاء لله فى هذا الأخ

أسأل الله العظيم رب العرش العظيم أن يرحمه و أن يُسكنه فسيح جناته

بالنسبة لتساؤلاتك . و الله كل شئ وارد جدااااااااا الأيام ديه.

بس عشان كان تقدروا تعملوا حاجة كان لازم الجثة تتشرح و يتعرف فعلا فيه تسمم و لا لأ

و أنواع السموم أشكال و أنواع و فيه أنواع بتسبب الموت البطئ

بس باللى انت بتحكيه مفيش حد هينتبه و هيكفوا ع الخبر ماجور

و لا دماغك تودى و لا تجيب و لاحاجة انت بس عليك بالدعاء ليه ، هو ارتاح و راح للرحمن كى يرحمه

ربنا يرحمه و يرحمنا معاه

[muslimah_dentist]

جزاكي الله خير , والله من حسن السرد و إختيارك لمفرداتك تعايشت مع القصه لدرجة إحساسي بإنقباض صدري عند وصفك بضيق الغرفه و تيبس الشفاه.

عن الموعظه.... والله يا أختي الكريمه أكتر حاجه بتشدني و ترجعلي همتي بعد وهن أو كسل ربما بسبب المعاصي أو الإلتهاء بالدنيا عن الأخره هم كالأتي :

* ذكر الموت في نفسي و حضور الجنازه و زيارة القبر

* وصف النار بما فيها من عذاب و جحيم

* وصف الجنه ومافيها من نعيم مقيم

بارك الله فيكي أختي الكريمه و أنعم الله عليكي وعائلتك بدوام الصحه و العافيه في الدين و الدنيا و الآخره

جزاك الله خيرا أخى الكريم على الدعاء و على الاطراء الذى لا أستحقه

و حقا التذكرة فى أمور الأخرة تُرقق أى قلب

أنصح الأخوة بقراءة كتاب التذكرة فى أحوال الموتى و أمور الآخرة للامام القرطبى

ابقوا اقروه كدة قبل النوم و ناموا (يا سلام ع الأحلام الجميلة اللى هتحلموا بيها ده لو عرفتوا تناموا أساسا)بس مش عايزة حد يدعى عليا

لأ بجد الكتاب ده كتاب جميل جدااااااااااااااااا و من أنفس الكتب التى يجب أن تكون فى مكتبتكم جميعا

[نور العمر]

ربنا يرحمه ويسكنه فسيح جناته
هو من اهل الجنة إن شاء الله
وربنا رحمته واسعة
وربنا يصبر اهله وزوجته
ويعينها على تربية ابنائها وحدها هكذا


يااااااااااااااااااااااااااااااااااااااااااه

قلبي اتوجع واالله

[Samah AbdAllah]

لاحول ولا قوة الا بالله

انا جسمى كان بتنفض وانا بقرأ الموقف ده

بس حرام لو كان فعلا حد تسبب فى موته يعدى الموضوع كده

لو فعلا فى شك لازم تعملوا حاجة

[muslimah_dentist]

عارفين يا جماعة

حكاية قريب أخونا زهير و الأخت الشهيدة مروة الشربينى التى ماتت و هى تدافع عن حجابها و قصص أختى كانت بتحكيهالى أول ما جت من أمريكا بعد ما قعدت سنتين فى فرجينيا عشان رسالة الدكتوراة بتاعتها و معاملة اللى كانت بتشتغل معاهم ليها عشان بس كانت امرأة مسلمة ملتزمة مُحجبة(بالرغم ان أمريكا من أكتر الدول الغربية فى الحريات الدينية) و كان واحد مصرى بيقولها : أصل مشكلتك يا دكتورة انتى مش لابسة أى حجاب انتى لابسة حجاب محتشم أوى فعشان كدة مش طايقينك
مع العلم ان أختى مش لابسة نقاب مثلا أو كانت بتلبس عبايات بس بتلبس فضفاض و واسع يعنى جيبات و بلوزات واسعة و طرح طويلة و بالرغم من كل ده اللى كانت بتشتغل معاهم فى المعمل كانوا بيعاملوها كأنها واحدة ارهابية.

كل الحاجات ديه ذكرتنى بكلمة الفاروق عمر بن الخطاب:
نحن قوم أعزنا الله بالاسلام فان ابتغينا العزة فى غير الاسلام أذلنا الله

فعلا احنا عزتنا فى دينا و أما تخاذلت الدول العربية و تنحوا عن هذا الموروث العقدى و تخلوا عنه لأمثال القانون الوضعى و الانفتاح على الحريات الغربية فأخذنا منهم الغث و تركنا السمين و ما شابه أصبح هذا حالنا ................مابقناش نسوى فى عينيهم حاجة.......للأسف عشان احنا اللى رخصنا نفسنا.......

لا حول و لا قوة الا بالله العلى العظيم

[pop3]

جزاك الله خيرا أخى الكريم على الدعاء و على الاطراء الذى لا أستحقه

و حقا التذكرة فى أمور الأخرة تُرقق أى قلب

أنصح الأخوة بقراءة كتاب التذكرة فى أحوال الموتى و أمور الآخرة للامام القرطبى

ابقوا اقروه كدة قبل النوم و ناموا (يا سلام ع الأحلام الجميلة اللى هتحلموا بيها ده لو عرفتوا تناموا أساسا)بس مش عايزة حد يدعى عليا

لأ بجد الكتاب ده كتاب جميل جدااااااااااااااااا و من أنفس الكتب التى يجب أن تكون فى مكتبتكم جميعا

الكتاب فعلا قيم جدا, وفي حد ذاته بيعتبر موسوعه إسلاميه كامله , والله و أنا بقرأ الفهرس بس حاسس إني بأستفاد ومش هيعرف الموضوع ده غير لما يجربه.

[pop3]

حكايه المره دي حدثت لواحد قريبنا , و تأثرت بها جدا و عتابي اولا و اخيرا علي السلبيه .

قريبي ده شاب في الثلاثينات مهندس كهرباء بارع و معيد بالجامعه طبعا انهي الماجستير و في طريقه لانهاء الدكتوراه , المهم الراجل ده يعشق علمه جدا و متفوق فيه و حاول كثيرا التقدم بمشاريع عمليه لتطوير نظم شبكات الكهرباء الا انه يصطدم مرارا بالروتين و البيروقراطيه و قله الوعي مما جعله في النهايه يتفرغ للدراسه الأكادميه فقط . الراجل ده متزوج من سيده فاضله يتيمه الأبوين و اب لطفله صغيره لم تدخل المدرسه , متدين و علي خلق عالي و بار بأمه التي تقيم معه لأنه ابنها الوحيد . المهم في بين الجامعات المصريه و جامعات العالم المتقدم بروتوكول تعاون يتيح للباحث المصري الذهاب للخارج و استخدام المعامل المتقدمه و العوده مره اخري لجامعته الأم و استكمال بحثه في مصر , صاحبنا كان بيسافر امريكا عشان النقطه دي , يعني حوالي 3 مرات في السنه , بعد ما جاء بحوالي اسبوع من آخر زياره لهناك فوجئت بوالدتي تخبرني بعد عودتي للمنزل و تقول جهز نفسك عشان فلان توفي و تعالي معايا العزاء !!!! المهم اتصدمت ده انا كنت مرتب معاه معاد عشان اقابله و مات ازاي ؟؟؟ المهم قلتلها روحي انت و انا هروح بعدين , لما رجعت اخبرتني بما سمعت من زوجته و هو كالتالي : المرحوم جه عادي جدا و طلب قبل ما ييجي اعد له اصناف من الطعام يحبها , المهم دي كانت آخر مره هيسافر لأمريكا و كان سعيد لانتهاء تلك المشقه و اخبرني ان الأساتذه هناك اعجبوا به جدا و طلبوا انه يترك مصر و اغروه كثيرا الا انه رفض الاغراءات العديده و قرر البقاء وسط اولاده علي حد قوله, تكمل زوجته و تبكي اثناء الحديث , لما جه يوم الوفاه وجدته يبدو علي وجهه الوجوم بعد تناول طعام الغداء و قالي حاسس ان فيه ( صخره) في معدتي و حاسس اني مش عارف اتحرك و بدأ عرق يتصبب من جبينه , استدعوا له الطبيب علي عجل و حضر للكشف عليه و لم يجد تشخيصا واضحا للحاله و صرخ قائلا ( انت واكل حاجه ) ؟ اجبته آه لسه واكل حالا قال لالالا ده واكل حاجه تانيه و انا اشتبه باعراض تسمم , طبعا صعق الجميع من الكلمه و لم يلبث ان انصرف الطبيب بعد الاتفاق علي استدعاء سياره اسعاف لعمل غسيل معده بالمستشفي , لكن القدر كان اسرع وفاضت روحه لبارئها , طبعا والدتي دموعها تسبقها وهي تحكي و تقولي ده كان وحيد امه و ما لهاش غيره ربنا يصبرها . تكمل الحديث قائله : سألت مراته يعني ايه اشتباه في تسمم يا بنتي ؟ و ازاي يعدي الموضوع كده قالتلي يا طنط هو كان بقولي ان في زملاء اجانب بغيروا منه قوي و كانوا مش عايزيين يفضل هناك , و قالتلي كمان ان فيه واحد زميله كان صاحبه مات من شهر في ظروف غامضه برضه , و الكلام ده قالهولي عميد الكليه لما قابلته بعد ما جالي في الحلم و قالي باللفظ ما تزعليش انا ( هخلصلك كل حاجه ) قاصدا ورق المعاش و سبحان الله لما رحت الجامعه كل حاجه كانت متسهله و الله العظيم و خلصت في يومين , فبصراحه احنا شكينا ان يكون حد عمل فيه حاجه هناك و سكت ده انا لوحدي يا طنط و عايزه اربي البنت و ابنه اللي في بطني و مات من غير ما يشوفه , طبعا تركت والدتي تبكي متأثره بما قصته , و جلست وحيدا اتأمل فيما حدث و اربط الأمور ببعضها , هو سافر في فتره لما السيد الرئيس ذكر انه سيتم انشاء محطات نوويه للأغراض السلميه و توليد الكهرباء منها , و زميله اللي مات في ظروف غامضه و تفوقه و كراهيه بعض الأجانب له و طريقه الوفاه تؤكد ان هناك فعل فاعل و انه من الممكن انه قد دس السم طيب هو السم ده يشتغل بعد اسبوع !! احتمال بس في الحاله دي ممكن يكون ورا الموضوع جهات مخابراتيه اجنبيه احتمال يكون من الجماعه اياهم لان المسأله مدبره بعنايه انه ما يموتش هناك !! طبعا دماغي عماله تجيب و تودي و انه ازاي الموضوع يمر هكذا و اين دور الجامعه و الأساتذه الأفاضل و مفيش اي رد فعل و لا اي بلاغ و لا اي حاجه ؟ مش عارف !!!!

البقاء والدوام لله يا أستاذ زهير وربنا يلهم أسرته الصبر ويجزيهم بجزاء الصابرين الشاكرين الراضين بقضاء الله و حكمه.

يا سيدي الفاضل لا دماغك تودي ولا تجيب الموضوع زي ما إنت قولت بالظبط في شبهه بنسبه كبيره إنه يكون بقعل فاعل, بس يا أخي هقولهالك وأنا حزين إذا كان الموضوع فعلا بفعل فاعل فمتنتظرش تقديم المجرمين للعداله أو محاسبة المتورطين لأن مفيش حد في مصر هيقوف جانبهم في الحاله دي " وأقصد الحكوميين " لا الخارجيه و الداخليه و التعليم العالي و حتى البحث العلمي... و الأسباب معروفه للجميع وأقربها حادثة السيده مروه في ألمانيا وإلي معروف فيها الجاني مين بس ربنا يدينا طولة العمر لما نشوفه واخدله 6 شهور سجن مخفف ودمتم.

هقولك حاجه و أنا في منتهي المراره , للأسف إحنا في بلد المسئولين فيها إلا من رحم ربي مش بيدوروا على حق العايشين مش حق الميتين. وإسأل أهل المتوفيين في السلام 98 و قطار الصغيد و الطائرة المنكوبه وغيره وغيره.

لقد هنا على أنفسنا فهنا على الآخرين

[askanas]

الله موضوع حلو اوي بقرا فيه بقالي 4 تيام بجد تحفة واسلبكوا جميل جدا
و رحم الله المهندس

[muslimah_dentist]

الله موضوع حلو اوي بقرا فيه بقالي 4 تيام بجد تحفة واسلبكوا جميل جدا
و رحم الله المهندس

جزاك الله خيرا أخونا الكريم على مرورك و تواصلك

و ابقى شاركنا بحكاياتك