حكايات البشر

[casperinoo]

و لكننى أريد أن تنتبه لشئ أخى كاسبرينو لا تجعل هذه الحادثة التى مررت بها مع هذا الشخص تمر عليك مر الكرام بل يجب أن تنظر الى حال نفسك و تتعلم اللغة العربية لأنها ليس فقط لغة بلادنا و لكنها قبل ذلك هى لغة القرآن ، فوالله أنا أعلم أناس يتحدثون الانجليزية كأهلها و اذا سمعتهم يتحدثون العربية الفصحى تظن انك عدت الى زمن الصحابة و لا يوجد أفضل من القرآن كى يُصلح أى لسان مُعوج فاذا تعلمت أحكام التجويد ستُجيد الفُصحى بطلاقة.

بجد انا بحاول...بس برده فيه مسؤليه اكبر علي الدوله اللي بتجبرنا علي التعلم بلغات اجنبيه....عكس باقي دول العالم المتقدمه..التي تجعل لغه بلادها رقم واحد


[/QUOTE]اسكن في مدينة نصر ..في مساكن عثمان[/QUOTE]

عفوا اقصد عمارات الفتح ...في مدينة نصر ..في اخر شارع عباس العقاد..
العمارات الاربعه معروفه هناك...لو حد اراد ان يساعدهم في شيء ...

[ams]

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاء وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ
.

شكرا جزيلا و جزاك الله عنا خيرا

ان كان هذا رجلا مسلما..فماذا نكون؟؟

سؤال صعب فعلا

[aif]

الحكاية دي حصلت من اكثر من 30 سنة بالتحديد عام 1976 لكني لا يمكن انساها
كنا عايشين في مكة مع والدي ووالدتي الله يرحمها .... كان عمري لا يتجاوز 12 سنة
ومرة كنت انا وأخي في المسجد الحرام بنصلي
وبعد الصلاة اتعرفنا برجل آسيوي الملامح من ماليزيا أو اندونيسيا وبيتكلم عربي بسيط وسألنا هل والدكم يعرف يقرأ قرآن ....
تصورو الراجل طلب مننا ايه ...؟؟؟؟
طلب مننا اننا نقول لوالدنا انه ممكن يشتغل عندنا خدام في البيت ... ييجي كل يوم يكنس ويغسل ويطبخ .... بدون مقابل ..... فقط ان والدي يعلمة القرآن واللغة العربية !!!!!!!!
شوفو القرآن غالي عند الناس قد إيه ...وللأسف احنا عرب والمصحف موجود في كل مكان ..... والغالبية العظمى مننا مش بيعرفوا يقرأوا القرآن بشكل صحيح
....
الحمد لله علي نعمة الاسلام ونعمة الإيمان

[muslimah_dentist]

ما شاء الله يا أخت مسلمة..
موضوع اكثر من رااائع...شدني جدااا..ورغم ان الواحد بتمر عليه يوميا مواقف شبيهه..لكن من يريد الله به الخيرهو بس اللي بيتوقف عندها ويتفكر في خلق الله وفي نفسه وحاله..

مرة اخرى جزاك الله خيرا على التذكرة والعبرات..
وفي انتظار المزيد ان شاء الله

جزاك الله خيراً أخى على مرورك و تواصلك

[muslimah_dentist]

بجد انا بحاول...بس برده فيه مسؤليه اكبر علي الدوله اللي بتجبرنا علي التعلم بلغات اجنبيه....عكس باقي دول العالم المتقدمه..التي تجعل لغه بلادها رقم واحد


..

أخى كاسبرينو حقاً دولتنا الحبيبة لا تُقدر اللغة العربية و فيها من العيوب ما فيها و لكن لا يجوز أيضاً أن نُعلق كل تكاسلنا على دولتنا الحبيبة و خذ منى هذه النصيحة و هى عن تجربة شخصية فأنا ممن تخرج من المدارس الأجنبية و وصلت الى حد أنى كنت أفكر باللغة الانجليزية و الميل الشديد للثقافة الغربية و لكن القرآن أخى قدر أن يُقوم لسانى فبمجرد أن تعلمت أحكام التجويد و علم المخارج و الصفات أصبحت أُجيد العربية الفُصحى و هذا الأمر لا يحتاج الى الدولة فى شئ و لكنه يحتاج الى همة عالية و أن تذهب الى أقرب حلقة تحفيظ بجوارك فى أى مسجد مجاور لمنزلك و وفقك الله الى كل ما يحبه و يرضاه.

[muslimah_dentist]

[align=center]أخى ams

شاركنا بحكايتك لتكون الاستفادة جماعية و جزاك الله خيراً على تواصلك.


أخى الكريم أحمد ابراهيم

ما أكثر هؤلاء الذين اتخذوا القرآن لهم موطنا و حبيبا و للأسف أراهم كثيراً من غيرى الناطقين باللغة العربية و أمام هؤلاء يعجز اللسان عن وصف الكلمات التى تخرج من القلوب كى تُزيد حقارتنا لأنفسنا لأننا من أهل اللغة العربية و نحن عنها بمنأى شديد ....و لكن أخبرنا هل أتى الى بيتكم و تعلم القرآن؟ بارك الله فيكم جميعا.[/align]

[Hany A Fattah]

الف شكر يادكتوره على الموضع الجميل ده بصراحه كلها مواقف بتعلمنا كتيير
اما عن موقف الروضه الشريفه ده حصل معايا

كنت اول مره اروح اعمل عمره وكان كل تفكيرى لما دخلت المسجد النبوى انى اصلى فى الروضه الشريفه ( بس انا مش عارف مكانها ) المهم لما دخلت المسجد بهرنى المنظر جدا وفضلت ماشى مش عارف انا رايح فين بس قولت اصلى ركعتين تحيه للمسجد وبعدين اسال فين الروضه فضلت ماشى لغايه ماجيت فى مكان مش عارف انا وقفت فيه ليه قولت خلاص هاصلى هنا تحيه المسجد وفعلا صليت وبعدها لقيت جنبى راجل شكله من تونس او المغرب وسنه فوق السبعين قولت اساله عن مكان الروضه
قالى انت اول مره تيجى هنا قولتله اه قالى ومين اللى قالك تصلى فى المكان ده قولتله مش عارف انا فضلت ماشى لغيه ما وصلت هنا

قالى يابنى ربنا هداك للمكان اللى انت عايزه انت فعلا فى الروضه الشريفه
سبحان الله ساعتها مبقتش عارف انا ببكى ليه وفضلت اصلى واشكر ربنا على انه هدانى للمكان اللى كنت عايزه

[muslimah_dentist]

[align=center]:k10:الحكاية السادسة و العشرون:k10:

بما أن حديثنا اليوم كان عن القرآن فأريد أن أكمل لكم ما قد بأتموه اليوم.

نيجى لحكاية النهاردة

تعرفت عن طريق داعية اسلامى أمريكى الى صفحة صوتية على الياهو يتقابل فيها كل المسلمين الجدد مع من يعلمونهم دينهم و يُصححون لهم التلاوة و كانت تتلو على الأخوات المسلمات الجديدات من شتى بقاع الأرض و أُصحح لهن التلاوة .

و الله عندما كانت تتلو على احداهن القرآن و أجد المشقة و الصعوبة الشديدة أثناء التلاوة أحتقر نفسى و أقول : هؤلاء عند الله أفضل من الكثير منا ممن ينطقون العربية و للأسف لا يقربون المصحف من رمضان الى رمضان أو قبل دخول الامتحانات لدرجة أن سماع ميكرفونات القرآن فى الشارع لا تُذكرنا الا بسُرادقات العزاء

أنا خرجت من هؤلاء المسلمين الجدد و صحبتهم أن نعم الله علينا كثيرة و لا تُحصى فما انعم علينا فقط بالاسلام و لكنه جعلنا من أهل اللغة العربية من أهل القرآن.

فهلا استفقنا أهل القرآن من غفلتنا و رجعنا الى هذه المُعجزة التى بين أيدينا و تعاهدناها ففيها كل الخير .[/align]

[muslimah_dentist]

قالى يابنى ربنا هداك للمكان اللى انت عايزه انت فعلا فى الروضه الشريفه
سبحان الله ساعتها مبقتش عارف انا ببكى ليه وفضلت اصلى واشكر ربنا على انه هدانى للمكان اللى كنت عايزه

ما شاء الله و لا قوة الا بالله

وقفت عند كلمة هذا الرجل لك "ربنا هداك للمكان الى انت عايزه" شوف أد ايه ربنا بيهدينا لكل اللى احنا عايزينه من غير ما نحس ، سبحان الله الكريم العظيم.

جزاك الله خيراً على تواصلك و لا تحرمنا من حكاياتك الجميلة.

وفقك الله الى كل ما يحبه و يرضاه.

[MissHappy]

اللهم إكفنا هجر القرآن الكريم

جزاكى الله خيراً يا أختى الكريمة
ولكى منى باقة من الورود
تحية لكى على سردك الرائع لـ حكايات البشر

[muslimah_dentist]

Miss happy

شكراً على ذوقك و البوكيه الجميل و ياريت تبقى تشاركينا بحكاياتك عشان نستفيد و ليكى منى أحلى بوكيه ورد

[AHMEDCAR]

[align=center]السلام عليكم و رحمه الله و بركاته [/align]
انا اسف معلش عن تغيبى عنكم فى المنتدى و ده طبعا علشان العيد كل سنه و انتم طيبين و مدام الحكايه دخلت فى ان كل واحد يقول حكايه من عنده احب اقولكم حكايه حصلت معايا رابع يوم العيد

الحمد لله اختى ربنا رزقها ببنوته و كنا عاملين ليها عقيقه يوم الخميس اللى هو كان رابع يوم العيد المهم عزمنا الاهل و الاقارب و ده طبعا بعد ما الحمد لله كنا عملنا العقيه الاساسيه و كنا موزعين

لكن احنا قولنا نعمل تجمع كده للعيله المهم بعد ما الليله ماخلصت و بنقول يلا نمشى بقى لقينا 3 شباب بيخبطوا على باب الشقه و معاهم طبل و مزمار و حاجات من دى يجاعه متشكرين لا احنا لازم نبارك بطريقتنا طيب مين اللى قلوكوا ان فى حاجه هنا قالولى احنا بنمشى فى الشوارع كل يوم و لما نلاقى بيت فيه تجمع او اغانى شغاله نطلع على طول المهم ابويا قالى خليهم يدخلوا المهم بصراحه عملوا جوا جامد جدا فى البيت و هما و اخدوا من كل واحد اللى فيه النصيب تلاقى الواحد منهم يجيى يقف على دماخك و الباشا حبيبا و وهايحيينا دلوقتى و الكلام ده فتلاقى نفسك يتديهم فلوس غصب عنك انا بصراحه اتخنقت من الموضوع ده

المهم و هما ماشيين لقيت والدتى بتقولى اديهم الاكل ده قولتلها لا دول قشطونا ماسبوش حد الا واخدوا منه فلوس قالتلى خد الاكل وانت ساكت

و انا بديهم الاكل بصراحه لقيت الراجل و هو بايخده منى فى قمه الفرح و الانبساط اكتر من لما كان بيلم الفلوس استغربت اوى قولت لنفسى اشوفهم و هما ماشيت هايعملوا ايه

فوجئت انهم اول ما خرجوا من باب العماره قعدوا على الرصيف و كلوا بصراحه انا استحقرت نفسى اوى اوى ساعتها قولت لنفسى انا كنت عاوز امنع عنهم الرزق ده و الحمد لله الشيطان معرفش يغلبنى

يا جماعه قد ايه الانسان فى نعمه و هو مش حاسس بيها لازم لازم نخلى بالنا منها اوى و مش هانحس بقيمتها غير لما تزول يا جماعه انظروا لحال من هم اقل منكم فى الدنيا علشان تحسوا بالنعمه اللى انتوا فيها

معلش طولت عليكوا

[MissHappy]

Miss happy

شكراً على ذوقك و البوكيه الجميل و ياريت تبقى تشاركينا بحكاياتك عشان نستفيد و ليكى منى أحلى بوكيه ورد

لا شكر على واجب يا أختى

وإن شاء الله متابعة وهحاول أشارك بإفادة

[muslimah_dentist]

أولاً ألف ألف مبروك على البنوتة و ربنا يجعلها ذرية صالحة ان شاء الله، و ربنا يقوى أختك على الفترة اللى جاية ديه لأنها هتخاصم النوم.

و مفيش أى مشكلة على التغيب لأننا الفترة اللى فاتت كنا كلنا مشغولين ، يعنى براءة المرة دى.

[align=center]
يا جماعه قد ايه الانسان فى نعمه و هو مش حاسس بيها لازم لازم نخلى بالنا منها اوى و مش هانحس بقيمتها غير لما تزول يا جماعه انظروا لحال من هم اقل منكم فى الدنيا علشان تحسوا بالنعمه اللى انتوا فيها

بالفعل أخى الكريم نعم الله علينا لا تُعد و لا تُحصى و يمكن ألا نشعر بهذه النعمة الا اذا رأينا من حُرمها فلهذا احرص دوما على " الحمد لله " فعلى قدر بساطة هذه الكلمة فهى كل ما يريده الله منا هو أن نحمده لأنه القائل سبحانه " و لئن شكرتم لأزيدنكم"

و جزاك الله خيراً على مشاركتك.

[muslimah_dentist]

وإن شاء الله متابعة وهحاول أشارك بإفادة

فى انتظار مشاركتك ميس هابى:k10: