الإسلام فى السعودية التى تدعى التدين‏

[Abo_Lina]

بغض النظر عن علاء الاسواني ولا الاقصري ولو حتى كان اسيوطي او مباركي..

مين فيكم شاف حلقة برنامج الحقيقه امس على دريم بتاع وائل الابراشي؟؟

ده مستخلص من نص الحلقه:
- المستشفى الني يعمل بها احد الطبيبين سيئة السمعه وقد اصدرت وزارة القوى العامله في مصر تنبيه بمنع التعامل مع هذه المستشفى
-طبيبه مصريه تم التحرش بها في هذه المستشقى
-صاحب هذه المستشفى له نفوذ وعلاقات قويعه بالاسره المالكه
-ان الاميره السعوديه تم علاجها في امريكا وفرنسا ومصر والسعوديه
وانها اصلا كانت تتناول العقار من قبل ان تلجأ للطبيب المصري

كل هذا الكلام مثبت في وثائق

نيجي للمصيبه الكبيره :
-القاعده الفقهيه القانونيه تقول: لا يضار الطاعن بطعنه
يعني ماينفعش في الاستئناف ان الحكم يزيد..
الطبيعي في الاستئناف انه يا اما يتثب يا اما يخفف
انما طبعا البزرميط بس هو اللي بيخلي الحكم بيزيد في الاستئناف

- في شرع مين ده اللي الواحد يتعاقب ب 1500 جلده؟؟؟ ده شارب الخمر والزاني على كده ارحم بكتير
عاى الاقل بيتجلد وبيروح بيته
مش بياخد 1500 جلده باقساط اسبوعيه !!!!


والله ....
لو كان الامر بيدي لأرسلت فرقة كوماندوز وحررتهم من هناك
عشان نرد كرامه المصريين

ده فصل الخطاب



يا اخوة افكركم ان العقوبة و القصاص نزلت ليس الهدف منها الاذلال ..ما الفائدة التي ستعود على المجتمع من جلد طبيب هذا العددالغير طبيعي من الجلدات في اي حكم شرعي ..

و للاسف انا متأكد ان السعودية ستغير موقفها 180 درجة اذا تدخل في الامر منظمة طبية امريكية او حتى دولية..و للسعودية و ليبيا بالذات مواقف مشابهة في (تكويس) القضايا اذا كان على الطرف الاخر اجنبي..و قضية ممرضات الايدز ليست بعيدة

[الطنطاوي]

السعودية كحكومة ونظام حاجة وكبلد رسول الله صلى الله عليه وسلم حاجة تانية
انا عن نفسي اتمنى والله اعيش في مكة جنب الحرم باقي عمري

عموما السعودية زي اي بلد عربي ومن ضمنها مصر فيهم الظلم والحكم بمكيالين وتلاته واربعه
واذا كان اطباء مصر فعلا اخطأوا اذن يطبق عليهم الشرع والقانون بما يرضي الله سبحانه وتعالى
مش علشان الموضوع دخل فيه اميرة ولا حد ايده طايله يتظلموا ويتعاقبوا بعقوبات مغلظة

الفاضلة / نور القمر

موضع الفاحشة ثابت على الطبيبين باعترافهم ووجود أدلة أخرى
ده أمر منتهي منه

هل وجه اعتراضك على عدد الجلدات أم على دعاوي التمييز

معلومة لحضرتك القضاة في السعودية قضاة شرعيين يعني علماء دين قبل ما يكونوا قضاة

الحكومة السعودية كما تفضلت مثلها مثل الحكومات العربية ولكن القضاء شئ أخر

وأرجو أن لا نكون أداة في يد من يحاربون شرع الله

وأطلب منك قراءة هذا الموضوع بعناية

http://www.nilemotors.net/Nile/showthread.php?p=509170#post509170

[أبو عبدالله]

السعودية كحكومة ونظام حاجة وكبلد رسول الله صلى الله عليه وسلم حاجة تانية
انا عن نفسي اتمنى والله اعيش في مكة جنب الحرم باقي عمري

عموما السعودية زي اي بلد عربي ومن ضمنها مصر فيهم الظلم والحكم بمكيالين وتلاته واربعه
واذا كان اطباء مصر فعلا اخطأوا اذن يطبق عليهم الشرع والقانون بما يرضي الله سبحانه وتعالى
مش علشان الموضوع دخل فيه اميرة ولا حد ايده طايله يتظلموا ويتعاقبوا بعقوبات مغلظة

حضرتك اقرأي الاحكام التي موجوده في المشاركة السابقة لي وانتي هتعرفي أحكامهم القضائية فعلا
شوفي السعوديين اللي اتجلدوا واتجلدو كام وعلى ايه
هتلاقيكي مستغربه
لأن الفكره ان احنا مش متعودين على كده
وبما انننا مش متعودين يبقى رافضين

المشكلة ان احنا عندنا حاجه اسمها نظرية المؤامرة
ومن ضمنها الواسطة بتعمل اي شئ والمحسوبية
وللأسف بنطبقها في كلامنا على غيرنا

وعلى فكره يا جماعه القضيه من شهر 4 اللي فات
يعني من زمان قوي
وكمان لجنة الحكم مكونة من 7 علماء شرعيين
يعني مهواش واحد لوحده ياخد الحكم بنفسه

ده غير ان في نساء تانيين غير مرات الأمير
وعلشان كده الأعلام بتاعنا لم يذكر ذلك وحب يثير الأمر ان الموضوع مرتبط بمرات أمير بس
ونسى ان فيه نساء اخريات في القضيه

ومرات الدكتور حبت تأخذ عفو ملكي من الملك
فحبت تصعد الموضوع وعلشان كده الاعلام مشفهوش الا الأيام دي بس

[Ahmed Samy]

انا عشت في المملكة 14 سنة

و شوفت بعيني "همجية" هيئة الأمر بالمعروف و النهى عن المنكر

هم يجولون الشوارع و الأسواق بسياراتهم الباترول و خيزرانهم و كأنهم أولياء الله في الأرض و ليسوا بشرا

فهم يرون النوايا

و يعرفون الديانة

و يقيمون الوضع و يحكمون عليه و ينفذون الحكم زجرا و تطاولا و ضربا

و أذكر حادثا فى عام 1995 حصل في الدوادمي تم فيه اطلاق النار على فرد من الهيئة من قبل شاب سعودي طارده رجال الهيئة و زوجته (ظنا انهما رفيقان) و حتى سيارته و فتحوا الباب و حاولوا جذبه و زوجته لخارجها فاخرج سلاحا ناريا و أصاب أحدهم في يده و فر بزوجته لبيت أهلها (من العصيمية) و توجه مع والده و خال زوجته و قسيمة الزواج لأمارة الدوادمي .

و أخلي سبيله

[muslimah_dentist]

هذا الموضوع قد حرك زناد فكرى فى كل ما أوردتموه من اعتراضات و اتهامات و سُخريات و لكن نُريد أن نُفند الأمر حتى نستريح و نُريح.

أما الذين أخذوا موقف الدفاع عن هذا الحكم و رغبتهم الشديدة هى فى الدفاع عن الشريعة الاسلامية الغراء التى ان طبقنا فعلاً الحدود كما امر به الله سبحانه و تعالى لما وجدنا هذا الظلم المُستشرى و الفاحشة المُستباحة فى ديار الاسلام و لكن اخوانى الهوينى الهوينى اربعوا على أنفسكم ، لن تُضير شريعة الله قول القائلين و لا افترء الظالمين لأن الاسلام سمع من الاتهامات الكثير و الكثير و صمد الاسلام و ضحدت الاتهامات و كما قال الله تعالى
يريدون ليطفئوا نور الله بأفواههم و الله مُتم نوره و لو كره الكافرون.سورة الصف 8

أما الذين قالوا أن هذا الحكم ظالم و فيه افتراء على المصريين و أصبحنا شعب مُهان بمعنى الكلمة ، ألا نشعر بهذه الاهانة و نحن فى بلدنا ، ألا نشعر بهذه الاهانة و نحن نُسرق و تُنهب أموال هذا الشعب من الكبار، ألم نشعر بهذه الاهانة عندما مات أكثر من ألف مصرى فى حادثة العبارة و قام القضاء بتبرئة ساحة ممدوح اسماعيل، ألم نشعر بهذه الاهانة عندما غاضت السكك الحديد المصرية بدماء أبناء الصعيد و لم يستقيل حتى مسئول واحد.

فلنضع الأمور فى نصابها الصحيح ولنستريح قليلاً من هذا الجدل و المِراء الذى أصبحنا نُجيده أكثر من أى شئ آخر.

[ahmed1981]

معذرةً للجميع
الموضوع تحول لجدال عقيم

والنبي صلى الله عليه وسلم يقول: (عَنْ اَبِي هُرَيْرَةَ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ (لا يُؤْمِنُ الْعَبْدُ الإيمَانَ كُلَّهُ حَتَّى يَتْرُكَ الْكَذِبَ فِي الْمُزَاحَةِ وَيَتْرُكَ الْمِرَاءَ وَاِنْ كَانَ صَادِقًا)) رواه أحمد
عَنْ أَبِي أُمَامَةَ، قَالَ قَالَ رَسُولُ اللَّهِ صلى الله عليه وسلم " أَنَا زَعِيمٌ بِبَيْتٍ فِي رَبَضِ الْجَنَّةِ لِمَنْ تَرَكَ الْمِرَاءَ وَإِنْ كَانَ مُحِقًّا وَبِبَيْتٍ فِي وَسَطِ الْجَنَّةِ لِمَنْ تَرَكَ الْكَذِبَ وَإِنْ كَانَ مَازِحًا وَبِبَيْتٍ فِي أَعْلَى الْجَنَّةِ لِمَنْ حَسَّنَ خُلُقَهُ "رواه أبو داوود

[د-احمد عبد اللطيف]

لا حول ولا قوة الا بالله

يارب تكون الناس ارتاحت كده لما شككنا في اسلام قاضي حكم في قضيه لا نعلم بها اي شئ غير اللي سمعناه من اعلامنا

والله عندك حق الواحد صوتة اتنبح
والناس زي ماهي لا بتقرا ولا بتسمع
يبدو ان سياسة مصر اولا بقت في كل حاجة حتى في الاسلام

[human]

يارب كل واحد متجنى على دكتور رؤف يذيق بعض من عداله النظام السعودى حتى يعرف الصالح من الطالح
يارب بجد
كل واحد عمال يفتى و شابف انه مرسل من السما عشان يدافع عن هبل حكم متخلف و جائر انو يتحط تحت رحمه قاضى لا يفقه شئ عشان يعرف يعنى ايه افترى

ارحمنا يارب

[human]

اختي الفاضلة

الدكتور في كلام التحقيق اعترف بكل التهم
فانا هدور على الشهود والمتهم اعترف بنفسه

يا اخواني الدكتور المصري اعترف بكل الكلام ده

اعترف بالكلام وهوه كان قايم من عمليه حصوه
ياريت بلاش بقى افترى على الراجل
انا زهقت من كم الاكاذيب اللى الناس بتقولها

ياعم بتتبلى على الراجل و تقول نام مع المريضه وجايبلى كلام من السعوديه
انت ناتعرفش ده بيحب مراته تد ايه و مراته بتحبه اد ايه الكلام العجيب اللى بتكتبه ده فاكرينه هيقربكوا من ربنا

ماعندكش كلمه حلوه يبقى ماتكتبش على الدكتور تانى انت ماتعرفوش و بتسئ اليه و بتدافع عن ظلمه متخلفين

مش عارف نفهم الناس ازاى

الراجل ده كان وسط امرا و الموضوع انه لازم مايرجعش اللى يعرفه كتير
ماسألتش نفسك فين شهاده الست ديه؟؟؟

و بعدين اعتراف ايه؟؟ انت ماسمعتش يعنى ايه سجن فى دوله عربيه؟
ماتعرفش يعنى ايه تعذيب؟؟؟؟؟

ماتعرفش يعنى ايه تختفى ومن غير تهمه و بعديت تلاقى تهمه مستنياك؟؟؟؟

و للاداره لو عايزيين توقفونى اتفضلوا انا زهقت

[أبومعاذ]

جاء أحد المسلمين يوما للنبي صلى الله عليه و سلم و طلب منه أن يأذن له في الزنا فقال له صلى الله عليه وسلم:
أترضاه لأمك ........أترضاه لأختك
قبل ما ندافع عن الدكتور كل واحد يتخيل لو كان الدكتور دا مذنب و عمل كدا مع امه او اخته ويقولي كان هيبقى ايه شعوره
وابو عبد الله جاب دليل إن الحكم دا من شرع ربنا يبقى يا طارق مينفعش نقول عليه حكم متخلف و جائر وانت متعرفش علم القاضي ايه عشان تقول عليه انه لا يفقه شئ

[أبومعاذ]

يا اخوة افكركم ان العقوبة و القصاص نزلت ليس الهدف منها الاذلال ..ما الفائدة التي ستعود على المجتمع من جلد طبيب هذا العددالغير طبيعي من الجلدات في اي حكم شرعي ..

الهدف عموما من الاحكام الشرعية هو الردع عشان الناس اللي نفوسها مريضة وبتفكر تعمل حاجة ترجع عن تفكيرها

[hussein]

وقد صدر بحقهما الحكم الشرعي رقم (693 /7 / خ ) ، وتاريخ 4 /11 /1428 هـ المصدق من مرجعه بالتالي:سجن شوقي عشرين عاماً من تاريخ دخوله السجن، وجلده 70 جلدة مكررة 21 مرة- وسجن رؤوف 15 عاماً وجلده 70 جلدة مكررة 15 مرة، وترحيلهما لبلادهما للنظر في وضع رخصتيهما الطبية وسحبها من نقابة الأطباء حتى لا يغرر بها المسلمون في هذا البلد

دا الكلام اللى منقول من عند الطنطاوى

وجاء في نص الحكم أن المحكمة حكمت علي المدعو شوقي بن عبد ربه إبراهيم بالسجن عشر سنين من تاريخ دخوله السجن وجلده خمسين جلدة مكررة خمسة عشر مرة بين كل مرة والتي تليها عشرة أيام وحكمت علي المدعي عليه الثاني رؤوف أمين محمد العربي بالسجن سبع سنين من تاريخ دخوله السجن وجلده خمسين جلدة مكررة سبع مرات بين كل مرة والتي تليها عشرة أيام ومصادرة المبالغ المالية التي بحوزتهما وما استخدم في الجريمة من وسائل اتصال وسيارات تعود ملكيتها لهما وإبعادها عن البلاد بعد انتهاء محاكمتها وبعرضه عليهما قرار عدم القناعة وقرر المدعي العام عدم قناعته

دا الكلام اللى نقلوا ابو عبد الله
لاحظو التناقض!!!!

وفي يوم الأربعاء 16/8/1428م حضر المدعي عليهما وبعرض اعترافهما المصدق شرعاً أجاب بأن الاعترافات عليهما بالضغط والضرب فسألتهما عن البينة علي الضرب فأجابا البينة لدينا وهي آثار جسدية فعلية

دا بردوا من الكلام اللى نقلو ابو عبد الله

و لا تعليق !!

[hussein]

نسيت اقول ان لو المحكمة كانت اخدت فعلا بأن الطبيبان زانا كانت طبقا للشرع حكمت عليهم بالرجم حتى الموت
فبلاش ياريت نقول انوا ثبت عليهم التهمة و اعترافوا و........................
اتقوا الله و لا تظلموا حتى بالقول
الظلم ظلمات يوم القيمة

[Abo_Lina]

يا إخوة اتقوا الله و لا تتبعوا الهوى فيضلكم عن سبيل الله

إنا لله و إنا إليه راجعون

[/SIZE]

وانت ايضا رجاء لا تتبع الهوى و تصدق و تؤمن و تؤكد ان هذا الحكم عادل لمجرد انك تحب السعودية..اذا كنت تؤيد هذا الحكم فهذا رأيك و انت حر و لكن وصفك للاخوة بانهم يتبعون الهوى لمجرد انهم يختلفون معك او مع الحكم فلا يصح.
لا يوجد في الكتاب او السنة حكم بالسجن عشرون عاما و الجلد 1500 جلدة..و بالتالي فحكم القاضي اجتهادي..و نحن لا نعرف القاضي و ربه اعلم بما في قلبه..فبالتالي لا ادري لماذا لا يمكن للناس مناقشة حكم مثل هذا القاضي فهو ليس ابو بكر او عمر مثلا..
اخيرا اتمنى منك او من ايا كان ان يذكر لي عدد القضايا منذ بداية الاسلام التي تم فيها الحكم بمثل هذه العقوبة..
20 سنة و 1500 جلدة اظن عندما تفكر فيها تجدها عقوبة ملائمة لمسيلمة الكذاب مثلا..و ليس لطبيب اخطأ و العلم عند الله وحده ان كان خطأ بقصد او بدون قصد

[dr_abooody]

1500 جلدة يا ولاد ال .......

دة استحالة يعملوا كدا مع واحد هندي

بجد المصري كرامتة متهانة برة

زي ما حصل في الكويت في حادث تعذيب المصريين بمية النار

و هناك بيعتبروا ان الهندي احسن من المصري

بجد خسارة فيهم المساعدات اللي كنا بنقدمهالهم زمان لما كانوا فقرا