لو حد عنده استفسار عن الدهانات و الديكور و النقاشه عامه

[Abo Yasso]

السلام عليكم
ازيك يا هندسه ربنا يجازيك خير والله الموضوع بتاعك ده الواحد استفاد منه كتير
سؤال بعد اذنك
مركب عندى فى الليفينج سيرميك كيليوباترا الشكل بتاع الباركيه (الشكل ده فيه منه الخشن والناعم) انا عندى الخشن
الراجل بتاع السيرميك بعد ما خلص ادها بودره بنى بنفس لون السيراميك عشان الفواصل تكون نفس اللون
المهم خلى منظر السيراميك اعوذ بالله (مطفى جدا) وشكله عرا
جيت انا بقى اكحلها عمتها
دهنته بالورنيش (الشفاف) اللى بيدهن بيه الخشب
المهم كان شكله كويس وتمام بعد فتره بقى من المسح والمياه بدأ يقشر وشكله بقى حاجه بعيد عنك تقرف
رغيت كتير انا ............. معلش
نصحيتك بقى
لو اشيله ازاى ؟؟؟ واعمل ايه بعد كده
ولكم جزيل الشكر

[moonlight40]

طب يا جميل انا قررت ادهن الشقة بسايبس 2000
و الالوان الغامقه هجبها كومبيوتر من جوتن
رئيك ايه

[amr011111]

موضوع رائع
1- سكينة المعجون المستخدمه فى المراشمه ليها سن معين او رقم معين
2- هل يوجد انواع من سكاكين المعجون ( يعنى ارقام وايه المقصود بالارقام ديه )
3- ما هى أرقام السنفره المستخدمه بعد مرحلة المعجون
4- هل بعد البطانه بيبقى برضه فيه صنفره

[kliken]

السلام عليكم
ازيك يا هندسه ربنا يجازيك خير والله الموضوع بتاعك ده الواحد استفاد منه كتير
سؤال بعد اذنك
مركب عندى فى الليفينج سيرميك كيليوباترا الشكل بتاع الباركيه (الشكل ده فيه منه الخشن والناعم) انا عندى الخشن
الراجل بتاع السيرميك بعد ما خلص ادها بودره بنى بنفس لون السيراميك عشان الفواصل تكون نفس اللون
المهم خلى منظر السيراميك اعوذ بالله (مطفى جدا) وشكله عرا
جيت انا بقى اكحلها عمتها
دهنته بالورنيش (الشفاف) اللى بيدهن بيه الخشب
المهم كان شكله كويس وتمام بعد فتره بقى من المسح والمياه بدأ يقشر وشكله بقى حاجه بعيد عنك تقرف
رغيت كتير انا ............. معلش
نصحيتك بقى
لو اشيله ازاى ؟؟؟ واعمل ايه بعد كده
ولكم جزيل الشكر

و عليكم السﻻم و رحمه الله و بركاته
حضرتك تقصد طريقه ازاله البودره من على السيراميك و ﻻ الورنيش و ﻻ ازاله السيراميك نفسهىمعلش الكﻻم مش واضح
بس طالما الورنيش جاب معاك نتيجه كويسه ممكن تكرره و حضرتك لو توضحلى اكتر هحاول افيدك ان شاء الله

[kliken]

طب يا جميل انا قررت ادهن الشقة بسايبس 2000
و الالوان الغامقه هجبها كومبيوتر من جوتن
رئيك ايه

لﻻسف انﻻ مش عارف المنتج بتاع سايبس ده مواصفاته ايه بس لو حضرتك عاوز حاجه سعرها حنين و بيضاء فى ديروسان ابيض البستله فى جدود 145 على ما اتذكر و خامه معقوله
و الغوتمق مش هنخالف عليها ﻻزم كنبيوتر طبعا بس بينى و بينك الموضوع مش بيفرق كتير فى اجمالى الشقه كفلوس بين الكمبوتر و التلوين اليدوى
اى استفسار تانى انا معاك ان شاء الله

[kliken]

موضوع رائع
1- سكينة المعجون المستخدمه فى المراشمه ليها سن معين او رقم معين
2- هل يوجد انواع من سكاكين المعجون ( يعنى ارقام وايه المقصود بالارقام ديه )
3- ما هى أرقام السنفره المستخدمه بعد مرحلة المعجون
4- هل بعد البطانه بيبقى برضه فيه صنفره

تسلم على ذوقك ده حضرتك اللى منور الموضوع
سكاكين المعجون بتفرق عن بعض فى المقاس فقط و فى اﻻنواع الجيده الغاليه بتبقى سنها بيعيش اوى علشان استخدمات الديكور زى المعجون الرخامى غير كده مفيش فرق كلها زى بعض النقاش بيستخدم فى المراشمه او المعجون المقاس اللى بيريحه عادى
ارقام الصنفره الغالبيه بيستخدم صنفره 120
بعد البطانه مفيش صنفره اﻻ لو حته اتلقطت معجون بتتصنفر بصنفره ناعمه اوى

[amr011111]

تسلم على ذوقك ده حضرتك اللى منور الموضوع
سكاكين المعجون بتفرق عن بعض فى المقاس فقط و فى اﻻنواع الجيده الغاليه بتبقى سنها بيعيش اوى علشان استخدمات الديكور زى المعجون الرخامى غير كده مفيش فرق كلها زى بعض النقاش بيستخدم فى المراشمه او المعجون المقاس اللى بيريحه عادى
ارقام الصنفره الغالبيه بيستخدم صنفره 120
بعد البطانه مفيش صنفره اﻻ لو حته اتلقطت معجون بتتصنفر بصنفره ناعمه اوى

متشكر يا باشمهندس

[WalidAdel]

السلام عليكم .... والله موضوعك ده ياهندسه جهه في وقته لحسن انا تايهه بطريقه فظيعه
اولا هاديك فكره كده مبدئيه .. معلش
* انا هافرش شقتي مودرن ... ان شاء الله
*عندي حيطه كبيره علي يمين الصاله بمسافة 10 متر واخد الصاله كلها ... دي حيطه رقم (1)
*عندي حيطه 2.60 سم في اللينفج هاحط عليها ال lcd و في نفس الحيطه في الباب ... الحيطه رقم (2)
* نفس الحيطه اللي في الليفنج بنفس الباب بس في اوضة نوم صغيره دي الحيطه رقم (3)
*عندي حيطه في أوضة النوم الرئيسيه 3.6 متر غير الباب و هاتبقي ضهر السرير ان شاء الله الحيطه رقم (4)
كل حيطه من دول كنت عايز اعمل فيها فكره .. سواء دهانات او ورق حائط
المهم دورت علي النت لاقيت موضوع الاسبونج و دهانات ليدي و الحركات دي اللي انا مش فاهم فيها حاجه خالص قولت يبقي احسن من موضوع ورق الحائط ثم روحت يوتن لاقيت موضوع دهانات ليدي بس كاتالوج و محدش بيكلم حد هناك و بردوا مافهمني اي حاجه في اي حته فانا مش عارف اعمل ايه ولا عندي اي افكار ولا تخيلات حتي لاني ماعرفش ايه يليق علي ايه و بعدين ياريت لو مافيهاش مضايقه تبعتلي موقع او صور اختار منها لاني مش عارف اعمل

[احمد المصرى]

انا رحت كيماويات البناء الحديث قالي في ماده اسمها سيتوفيل بتاعت فواصل الرخام والسيراميك هل تعرفها يا باشا وايه رايك فيها كويسه ولا لزق الرخام العادي افضل

[kliken]

السلام عليكم .... والله موضوعك ده ياهندسه جهه في وقته لحسن انا تايهه بطريقه فظيعه
اولا هاديك فكره كده مبدئيه .. معلش
* انا هافرش شقتي مودرن ... ان شاء الله
*عندي حيطه كبيره علي يمين الصاله بمسافة 10 متر واخد الصاله كلها ... دي حيطه رقم (1)
*عندي حيطه 2.60 سم في اللينفج هاحط عليها ال lcd و في نفس الحيطه في الباب ... الحيطه رقم (2)
* نفس الحيطه اللي في الليفنج بنفس الباب بس في اوضة نوم صغيره دي الحيطه رقم (3)
*عندي حيطه في أوضة النوم الرئيسيه 3.6 متر غير الباب و هاتبقي ضهر السرير ان شاء الله الحيطه رقم (4)
كل حيطه من دول كنت عايز اعمل فيها فكره .. سواء دهانات او ورق حائط
المهم دورت علي النت لاقيت موضوع الاسبونج و دهانات ليدي و الحركات دي اللي انا مش فاهم فيها حاجه خالص قولت يبقي احسن من موضوع ورق الحائط ثم روحت يوتن لاقيت موضوع دهانات ليدي بس كاتالوج و محدش بيكلم حد هناك و بردوا مافهمني اي حاجه في اي حته فانا مش عارف اعمل ايه ولا عندي اي افكار ولا تخيلات حتي لاني ماعرفش ايه يليق علي ايه و بعدين ياريت لو مافيهاش مضايقه تبعتلي موقع او صور اختار منها لاني مش عارف اعمل

و عليكم السﻻم و رحمه الله و بركاته
الموضوع بسيط ان شاء الله ما تشيلش هم
بالنسبه للديكورات للحوائط فى بدائل كتير منها
3d بورد - ورق الحائط بأشكاله الكتير جدا و منه مكان 3d - احجار - الديكورات بالدهانات مجموعه ليدى بالكامل باﻻضافه للمعجون الرخامى و البيرل او الشمواه
مجموعه الليدى الجديده لسه الناس ما اخدتش عليها و فى نقاشين كتير لسه ما اشتغلوهاش
عموما فى موقع يوتن على الفيس و فى الصفحه بتاعه المركز بتاعى على الفيس برضه فيها تشكيله من الديكورات و الكتالوجات الجديده صفحتى باسم المركز - المغربل يوتن للدهانات و الديكورات ان شاء الله تﻻقى ديكورات تقربلك الموضوع شويه
و اى استفسار تانى او توضيح لديكور معين انا تحت امرك

[kliken]

انا رحت كيماويات البناء الحديث قالي في ماده اسمها سيتوفيل بتاعت فواصل الرخام والسيراميك هل تعرفها يا باشا وايه رايك فيها كويسه ولا لزق الرخام العادي افضل

لﻻسف انا ما اعرفهاش بس خامات كيماويات البناء الحديث جودتها كويسه انا اشتغلت باكتر من خامه من عندهم زى لصق اﻻحجار او السيراميك و جودتها عاليه
اظن انها هتبقى افضل من الصق العادى بس اعرف بالظبط مواصفات المنتج و طريقه عمله

[smsm2015]

كنت عاوز اسئل حضرتك انا عندى بيت نور لافف الريسبشن كله المهم عاوز اركب فيه لمبات الافضل النيون و لا الخراطيم الاضاءة ولو حضرتك عندك فكرة عن الانواع يا ريت تفدنى ...

[amr011111]

متشكرين على الموضوع القيم ياباشمهندس محمد

ولى استفسار

فيه شقه كان نقاش شغال فيها من حوالى كذا سنه
فكان عمل سكينة معجون لكل الحوائط بس بارتفاع ثلثى الحائط وسايب ثلث الحائط الاعلى من فوق على المحاره (زى ما تقول انه كان واقف على الارض فعمل ثلثى الحائط معجون ومجابش سلم علشان يعمل ثلثه الاعلى بالمعجون وسابه على المحاره)

دلوقتى لو انا عاوز اكمل الشقه

هل اعمل مراشمه للمحاره وبعدين ادهنها سيلر وبعدين امعجن

وبالنسبه للثلثين اللى تحت اللى معمولين سكينة معجون من زمان
هل اديها وش سيلر ولا اعمل وش معجون تانى عليها علطول
ولا اسنفرها الاول ولا ايه

وشكراً مره أخرى

[أبو_يوسف]

حضرتك يا باشمهندس ممكن تفيدنا بنبذة عن مشروع مركز دهانات يوتن مثلا من حيث الشروط المطلوبة والمبالغ التأمينية؟

[kliken]

كنت عاوز اسئل حضرتك انا عندى بيت نور لافف الريسبشن كله المهم عاوز اركب فيه لمبات الافضل النيون و لا الخراطيم الاضاءة ولو حضرتك عندك فكرة عن الانواع يا ريت تفدنى ...

النيون لذيذه و ارق من وجهه نظرى الشخصيه بس اﻻفضل حضرتك تشوفهم بنفسك و تختار اﻻفضل و اللى تستريحله بنفسك و ان شاء الله تختار اﻻفضل و اللى يناسبك و ترتاحله ﻻنه بيفرق من واحد للتانى