Tweet
السلام عليكم و رحمة الله و بركاته
كيف حال حضرتك يا دكتور محمود ، اتمني ان تكون بصحة جيدة
انا هزعج حضرتك من تاني بعد ما كنت زبون دائم في العيادة ايام بنتي الأولي مي هانم اللي كبرت دلوقتي و مورياني الويل
الحمدلله ربنا رزقني ببنوته تاني "ميار" عندها دلوقتي 6 شهور
من شهرين و البنت عندها اسهال مستمر بيكون معاه مخاط اخضر الللون
الإسهال عبارة عن ميه مع انها لما اتولدت كانت طبيعية و مافيش اي مشاكل
و طبعا انا رحت بيها للدكتور و كتب لها في البداية علي انتينال و فيلاجيل لمدة 5 ايام و كتب لها معاهم علي اكياس زي الفوار كدا مش فاكر اسمها بصراحة و تقريبا بيعمل تطهير للأمعاء و مشينا علي العلاج زي ما قال الدكتور و للأسف مكنش فيه اي تحسن و لما روحنا متابعه و والدكتور زن البنت لقي وزنها بيزيد بشكل كويس و حالتها العامة كويسة جدا و فعلا البنت كويسة و ما فيش اي تأثير من موضوع الإسهال دا بتنام كويس و الحمدلله ما بتعيطش و لا حاجة و حرارتها كويسةو مافيش مغص بس انا مش عارف ايه سبب الإسهال دا
الدكتور كان تحليله لسبب الإسهال المستمر دا ان فيه نوع من البكتريا موجودة في الأمعاء بيساعد علي عملية امتصاص الغذاء بشكل كامل قبل الإخراج و البكتريا دي تأثرت بالإسهال في البداية و تلاشت و بالتالي عملية الهضم و الإمتصاص ما بتمش بشكل كامل و بيحصل اخراج بدري وهو دا الي مخلي لون البراز مائل للخضار و عشان البنت بترضع طبيعي و طبعا لبن الأم عشان بيحتوي علي اللاكتوز اللي مانع تكون البكتريا دي من تاني ومفيش فرصة للأمعاء انها تكون طبقة البكتريا دي من تاني فالإسهال مش متوقف بسبب عدم وجود البكتريا دي و طبعا دا علي حد قول الدكتور بتاعنا
و كان قرار الدكتور ان الموضوع مش مرضي خالص و مفيش داعي للقلق و انه محتاج فقط انه يساعد علي تكوين البكتريا دي من تاني في الأمعاء و عشان دا يحصل لازم نقلل لبن الأم بقدر المستطاع حتي نقلل من كمية الللاكتوز اللي بتروح لللأمعاء عشان نديها فرصة تعمل الطبقة البكتيرية الواقية دي و دا هيتم بإدخال لبن تاني مساعد و يكون خالي من اللاكتور و كتب لنا علي لبن اسمه بيبي لاك اف ال خالي من الاكتوز و نمشي عليه لمدة 20 يوم متتاليه بحيث يكون عدد الرضعات الصناعية مساوي لعدد الرضعات الطبيعية
بصراحة البنت مش متقبلة اللبن بدرجة كبيرة و بنحاول معاها بالمحايلة عشان تاخدة و لما رفضته تماما و توقفنا عنه و رحنا للمتابعة قال انه ممكن نضيف له عسل نحل طبيعي علشان تتفبله و اهوا احنا بنحاول و لكن التحسن يكاد يكون مش ملموس و انا بصراحة مش عارف اعمل ايه
هل الموضوع بسيط و يمكن البنت طبيعتها كدا و هتتحسن مع الوقت و اما تبتدي تاكل يمكن الإسهال يختفي و ترجع المور لطبيعتها و لا حضرتك شايف ايه ؟؟
هل دا له دخل بالأسنان و ان الموضوع دخل في بعضه و ان دا اسهال نتيجة لأن البنت داخلة علي مرحلة ظهور الأسنان فالاسهال مش متوقف
احنا بدأنا من الشهر دا نأكلها بطاطس مسلوقة من اضافة ملح بسيط و جزر مسلوق و نشا بالماء و عصير تفاح و ميه ارز
البنت متقبلة الأكل بطريقة كويسة و حالتها العامة كويسة جدا و الحمدلله
اي رأي حضرتك في الحالة دي
علي فكرة مامتها بعد الولادة كانت بتعاني من امساك شديد و اكنت ماشية فترة كبيرة علي ملين اسمه دوفالاك هل دا ممكن يكون اثر علي البنت مع ان دكتور امامتها قالت ان الدوفالاك لا يمتص في الجسم و بالتالي بعيد تماما عن لبن الأم هل ممكن يكون دا له دخل بالإسهال عند البنت
و يا ريت حضرتك تنصحني بنظام غذائي للبنت يعني هل ينفع اديها زبادي و لا لسه شوية
اسف علي الإطالة يا دكتور محمود و جزاك الله خير
كيف حال حضرتك يا دكتور محمود ، اتمني ان تكون بصحة جيدة
انا هزعج حضرتك من تاني بعد ما كنت زبون دائم في العيادة ايام بنتي الأولي مي هانم اللي كبرت دلوقتي و مورياني الويل
الحمدلله ربنا رزقني ببنوته تاني "ميار" عندها دلوقتي 6 شهور
من شهرين و البنت عندها اسهال مستمر بيكون معاه مخاط اخضر الللون
الإسهال عبارة عن ميه مع انها لما اتولدت كانت طبيعية و مافيش اي مشاكل
و طبعا انا رحت بيها للدكتور و كتب لها في البداية علي انتينال و فيلاجيل لمدة 5 ايام و كتب لها معاهم علي اكياس زي الفوار كدا مش فاكر اسمها بصراحة و تقريبا بيعمل تطهير للأمعاء و مشينا علي العلاج زي ما قال الدكتور و للأسف مكنش فيه اي تحسن و لما روحنا متابعه و والدكتور زن البنت لقي وزنها بيزيد بشكل كويس و حالتها العامة كويسة جدا و فعلا البنت كويسة و ما فيش اي تأثير من موضوع الإسهال دا بتنام كويس و الحمدلله ما بتعيطش و لا حاجة و حرارتها كويسةو مافيش مغص بس انا مش عارف ايه سبب الإسهال دا
الدكتور كان تحليله لسبب الإسهال المستمر دا ان فيه نوع من البكتريا موجودة في الأمعاء بيساعد علي عملية امتصاص الغذاء بشكل كامل قبل الإخراج و البكتريا دي تأثرت بالإسهال في البداية و تلاشت و بالتالي عملية الهضم و الإمتصاص ما بتمش بشكل كامل و بيحصل اخراج بدري وهو دا الي مخلي لون البراز مائل للخضار و عشان البنت بترضع طبيعي و طبعا لبن الأم عشان بيحتوي علي اللاكتوز اللي مانع تكون البكتريا دي من تاني ومفيش فرصة للأمعاء انها تكون طبقة البكتريا دي من تاني فالإسهال مش متوقف بسبب عدم وجود البكتريا دي و طبعا دا علي حد قول الدكتور بتاعنا
و كان قرار الدكتور ان الموضوع مش مرضي خالص و مفيش داعي للقلق و انه محتاج فقط انه يساعد علي تكوين البكتريا دي من تاني في الأمعاء و عشان دا يحصل لازم نقلل لبن الأم بقدر المستطاع حتي نقلل من كمية الللاكتوز اللي بتروح لللأمعاء عشان نديها فرصة تعمل الطبقة البكتيرية الواقية دي و دا هيتم بإدخال لبن تاني مساعد و يكون خالي من اللاكتور و كتب لنا علي لبن اسمه بيبي لاك اف ال خالي من الاكتوز و نمشي عليه لمدة 20 يوم متتاليه بحيث يكون عدد الرضعات الصناعية مساوي لعدد الرضعات الطبيعية
بصراحة البنت مش متقبلة اللبن بدرجة كبيرة و بنحاول معاها بالمحايلة عشان تاخدة و لما رفضته تماما و توقفنا عنه و رحنا للمتابعة قال انه ممكن نضيف له عسل نحل طبيعي علشان تتفبله و اهوا احنا بنحاول و لكن التحسن يكاد يكون مش ملموس و انا بصراحة مش عارف اعمل ايه
هل الموضوع بسيط و يمكن البنت طبيعتها كدا و هتتحسن مع الوقت و اما تبتدي تاكل يمكن الإسهال يختفي و ترجع المور لطبيعتها و لا حضرتك شايف ايه ؟؟
هل دا له دخل بالأسنان و ان الموضوع دخل في بعضه و ان دا اسهال نتيجة لأن البنت داخلة علي مرحلة ظهور الأسنان فالاسهال مش متوقف
احنا بدأنا من الشهر دا نأكلها بطاطس مسلوقة من اضافة ملح بسيط و جزر مسلوق و نشا بالماء و عصير تفاح و ميه ارز
البنت متقبلة الأكل بطريقة كويسة و حالتها العامة كويسة جدا و الحمدلله
اي رأي حضرتك في الحالة دي
علي فكرة مامتها بعد الولادة كانت بتعاني من امساك شديد و اكنت ماشية فترة كبيرة علي ملين اسمه دوفالاك هل دا ممكن يكون اثر علي البنت مع ان دكتور امامتها قالت ان الدوفالاك لا يمتص في الجسم و بالتالي بعيد تماما عن لبن الأم هل ممكن يكون دا له دخل بالإسهال عند البنت
و يا ريت حضرتك تنصحني بنظام غذائي للبنت يعني هل ينفع اديها زبادي و لا لسه شوية
اسف علي الإطالة يا دكتور محمود و جزاك الله خير
Comment