"عيادة طب الاطفال للإستشارة

[Mostafa.Ismail]

والله يا دكتور مجهودك ده مشكور جدا.

انا عندى سؤال (معلش ممكن يكون اتسال قبل كدة). انا ربنا رزقنى ب "رودينا" وعندها دلوقتى شهر و26 يوم. المشكلة اللى بنعانى منها هى الحزق المستمر والعياط الدائم اللى عادة بينتهى لما حد يشيلها وهو واقف.

السؤال: 1) ايه علاج الحذق علما بان الثرة منفوخة بشكل ملحوظ (ودة شىء تانى مقلقنى, هل دة طبيعى)؟ 2) العياط علشان تتشال وهى واكلة ومغيرة وكلة تمام وانا نفسى اعودها على عدم الشيل بس مش قادر استحمل عياطها ... هل العياط الشديد له اى تاثير سلبى؟

انا متابع مع دكتور بس علشان يرتاح قلبى.

شكرا مرة تانيه لمجهودك.

[ayamahib]

مشكووووور د / محمود على ردك المفيد جزاك الله خيرا

[د.محمود صلاح]

والله يا دكتور مجهودك ده مشكور جدا.

انا عندى سؤال (معلش ممكن يكون اتسال قبل كدة). انا ربنا رزقنى ب "رودينا" وعندها دلوقتى شهر و26 يوم. المشكلة اللى بنعانى منها هى الحزق المستمر والعياط الدائم اللى عادة بينتهى لما حد يشيلها وهو واقف.

السؤال: 1) ايه علاج الحذق علما بان الثرة منفوخة بشكل ملحوظ (ودة شىء تانى مقلقنى, هل دة طبيعى)؟ 2) العياط علشان تتشال وهى واكلة ومغيرة وكلة تمام وانا نفسى اعودها على عدم الشيل بس مش قادر استحمل عياطها ... هل العياط الشديد له اى تاثير سلبى؟

انا متابع مع دكتور بس علشان يرتاح قلبى.

شكرا مرة تانيه لمجهودك.

الف مبروك المولودة الجديدة .. ربنا يحفظهالك ويرزققك بحسن تربيتها

الاعراض دي كلها طبيعية وانتفاخ السرة - فتق سري - عايز متابعة مع دكتور جراحة وغالبا بيتحسن مع الوقت بدون علاج

[Mostafa.Ismail]

الف مبروك المولودة الجديدة .. ربنا يحفظهالك ويرزققك بحسن تربيتها

الاعراض دي كلها طبيعية وانتفاخ السرة - فتق سري - عايز متابعة مع دكتور جراحة وغالبا بيتحسن مع الوقت بدون علاج

شكرا للاهتمام يا دكتور بجد.

طيب انا رحت لدكتور تانى قال نفس كلام الدكتور الاول بس الفرق انه عمل لاصق على السرة وقال يتغير عليها مرتين فى الاسبوع والموضوع مش هياخد اكتر من 5 ايام اسبوع بالكتير وهتبقى عادية ....

دة كلامه وفات يوم بس اهو .... ربنا يسهل واشوف.

شكرا يا دكتور.

[صالح رشدى]

السلام عليكم
لو سمحت يا دكتور عندى طفل عمره 6 شهور
وكنت عاوز اعرف ايه افضل فيتامينات للسن ده
وعنده برد على طول ووديته لكذا وتقريبا على طول مش بياخد نقسه كويس
ولو حبينا نبدأ نأكله ايه انسب حاجة

[د.محمود صلاح]

من 6 شهور لحد 30 شهر الوزارة بتنصح بجرعة شراب الحديد كوقاية كل اسبوع مرة - حوالي 2ونص مللي من شراب السيترون sytron
وباقي الفيتامينات المفروض يأخذها طبيعيا من الاكل واللبن

ويجب تعريضه لضوء الشمس ايضا للمساعدة في تكوين فيتامين د - الصباح الباكر او قبل المغرب لتجنب حرارة الشمس

بالنسبة لتغذية الطفل فأرجو مراجعة موضوع الزميل الفاضل د. احمد لأنه كاتب كلام جميل وموثوق

[صالح رشدى]

من 6 شهور لحد 30 شهر الوزارة بتنصح بجرعة شراب الحديد كوقاية كل اسبوع مرة - حوالي 2ونص مللي من شراب السيترون sytron
وباقي الفيتامينات المفروض يأخذها طبيعيا من الاكل واللبن

ويجب تعريضه لضوء الشمس ايضا للمساعدة في تكوين فيتامين د - الصباح الباكر او قبل المغرب لتجنب حرارة الشمس

بالنسبة لتغذية الطفل فأرجو مراجعة موضوع الزميل الفاضل د. احمد لأنه كاتب كلام جميل وموثوق

شكرا للاهتمام يا دكتور بالنسبة للبر د اية افضل علاج

[د.محمود صلاح]

الوقاية - التدفئة - سوائل المنزل - البرتقال وفيتامين سي - مخفضات الحرارة - نقط الانف محلول الملح فقط - الإبتعاد قدر الإمكان عن ادوية الزكام الضارة المحتوية على مضادات الهيستامين والفينايل إفيدرين

[smsm2015]

السلام عليكم

انا بنت اختى عندها 9 سنوات جسمها كله مكسر ومش عارفه تقف على رجلها وظهرة فجاءة فى رجلها زى طفح لونه احمر وورم كدا والجزء اللى تحت عندها مش بيتحرك بس بتتكلم عادى المهم راحت للدكتور طلب تحليل وعملنها قال عندها خلل فى الاوعية الدموية فانا كنت عاوزه اعرف من حضرتك يعنى ايه خلل فى الاوعية الدموية وهل حالتها خطيرة وممكن تترك اثر بعد كدا وده نتيجة ايه وانا اسف جدا لازعاج حضرتك .....

[د.محمود صلاح]

يبدو ان الموضوع مش بسيط ولا يمكن شرحه على النت

يجب عمل أبحاث شاملة في مستشفى جامعي او تامين صحي

وربنا يطمنكم عليها ان شاء الله

[smsm2015]

يبدو ان الموضوع مش بسيط ولا يمكن شرحه على النت

يجب عمل أبحاث شاملة في مستشفى جامعي او تامين صحي

وربنا يطمنكم عليها ان شاء الله

الله يسلمك يا دكتور جزاءاك الله كل خير على ردك طيب انا هاقول لحضرتك تفاصيل عرفتها من والدتها ويا ريت تدينى رايك ...

بالنسبه للورم فى المفاصل وبينتقل من مفصل الى الاخر فى الارجل حتى ثبت فى مفصل القدم ...

عمل طفح احمر ثابت فى مكان المفصل وموجود لونه احمر جدا ومع العلاج اصبح اللون باهت ...

بالنسبه للتحاليل اللى عملتها :
ASOT 400
CRP +++ 36
ESR OVER 100

Pletelet 160 150-400

العلاج عند الدكتور اللى بتابع عنده حاليا :
زيلون
هاى بيوتك

فايه راى حضرتك والحالة ده تروح لمين دكتور اطفال ولا ايه وافكر حضرتك انها طفلة عمرها تسع سنوات وانا اسف جدا لازعاج حضرتك مره اخرى ...

[د.محمود صلاح]

التحاليل دي تثبت وجود التهاب في المفصل او في مكان ما آخر

بالطبع صعب اعطيك راي محدد ولكن عليكم المتابعة مع اخصائي اطفال أو الحجز في مستشفى جامعي لاستكمال جميع الفحوصات وتشمل رسم قلب لاستبعاد الحمى الروماتيزمية وبدء العلاج بالأسبرين

[kdosoki]

السلام عليكم يا دكتور
عمرو تعب تانى وسخن وكانت درجة حراراته 39.5 رحنا لدكتور فى تبارك قال فى التهاب فى الحلق وكتب
سيفازون 1 جم 3 حقنة
0.5 حقنة كل 12 ساعة
سيتافين
معلقة كبيرة كل 8 ساعات
هاى بيوتك 600
5سم كل 12 ساعة بعد الحقن
وبعد ما عمرو خلص الحقن وبدأ فى المضاد الشرب سخن تانى وكانت درجة حرارته 39
رحنا طوارئ فى كليوباترا
الدكتور طلب تحاليل ودى كانت نتيجتها



الدكتور قال فى التهاب بسيط جدا فى الاذن والتهاب بسيط فى الحلق
وفى بكتريا فى الدم وكتب
اوجمنتين شراب
6سم كل 12 ساعة
بارامول وبروفين شراب بالتبادل
كل اربع ساعات
والكلام ده كان امبارح بعد 12 بالليل
خد اوجمنتين وبارامول بعد مام رجعنا البيت الساعة 2.5 الفجر
بعد كاده نام والساعة 6 درجة حرارته عليت تانى 39
ادينالة لبوس دولفين 25 وكمادات لحد ما الحرارة نزلت
المشكلة انه سخن تانى دلوقت الساعة 9 مساء ( بتوقيت القاهرة )
انا اديته دولفين تانى
بس احنا قلقالين جدا من موضوع ارتفاع درجة الحرارة كل شوية مع ان دكتور الطوارئ كان بيقولو ان الموضوع بسيط
معلش يا دكتور احنا محتاجين نكشف على عمرو تانى ؟
وهل ارتفاع درجة الحرارة بالشكل دة طبيعى ؟
ونعمل ايه اكتر من اللبوس والكمادات ؟
والعلاج ده مناسب ولا محتاجين حاجة اقوى ؟
وايه رأى حضرتك فى التحاليل ؟
جزاكم الله خيرا

[د.محمود صلاح]

التحاليل كويسة وبالطبع ال crp عالي بسبب وجود التهاب .

لو كان تشخيص الدكاترة سليم انه التهاب في الحلق فلابد من الصبر حتى يعمل المضاد الحيوي ونحكم عليه ل 48 ساعة .

بلاش لبوس دولفين بتاتا وخليك في مشتقات الباراسيتامول - سيتال - بيرال - ابيمول

كمادات مياه حنفية على الرقبة وتحت الابط والمنطقة الإربية بصورة متواصلة .

كمل الاوجمنتين و بلاش حقن نهائي في البيت

سوائل وتغذية جيدة

اذا استمرت الحرارة يومين تاني راجع الطبيب المعالج لعمل فحوصات تاني .

ان شاء الله خير والف سلامة عليه

[mohamed_selim]

ليه بلاش دولفين ... ساعات بحس انه هو الحاجه الوحيده اللى بتنفع مع الحراره لأولادى ..
شكرا