"عيادة طب الاطفال للإستشارة

[د.محمود صلاح]

السلام عليكم ورحمة الله وبركاتة

ابني عمرة 11 شهر ووزنه 8 كيلو ونص وكان مولود وهو 3 كيلو ونص اكلته ضعيفه جدا انا بدأت الاكل معاه وعمرة 6 شهور اطعمته سيريلاك واستمريت عليه حتي 10 شهور امي في تلك الفترة اطعمته كل شيء وكان بيكل فطار وغذاء وعشاء ولكن بعد سفر امي ابني اصبح لا يأكل مرة اخري والان اطعمه جزر بسكوت والدكتور ابلغني انه يحتاج لبن صناعي اسمه سيليا ولكنه يشرب منه القليل بالكتير 100 ملي كل يوم لا ادري كيف اجعله يأكل جيدا حتي يصبح وزنه طبيعي
وهو عنده تسلخات شديدة واسهال احنا خارج مصر ولا يوجد الادوية الموجوده في مصر فجبت دواء دايكان من مصر واعيطته منه وماذا اعطيه للتسلخات

وجزاكم الله خيرا

بالنسبة للتغذية المفروض 3 وجبات مع الرضاعة الطبيعية

في موضوع الدكتور احمد ذكر معلومات مهمة ومفيدة عن التغذية

الاسهال بيتوقف لوحده وحاول تمنع حدوث جفاف بالسوائل ومحلول الجفاف

التسلخات كريم هيدروكورتيزون كافي

[د.محمود صلاح]

السلام عليكم د / محمود وجزاء الله خيرا على هذا التطوع المجاني وجعله الله في ميزان حسناتك
انا أبني عمره 2سنه و 4 شهور وعنده فتاق سرى بيظهر لما يبكي او يكح او عند عمل حمام بتظهر السره منتفخه
سألت الدكتور اللي متابع عنده بتاع الاطفال قال لي انه فتاق صغير وسيبه هايروح لوحده بعد سن 4 او 5 سنوات
أو روح بيه لدكتور جراح يشوف ان كان يحتاج لعمليه ولا تسيبه .
فهل الفتاق السري يذهب لوحده ولا لازم اروح لدكتور جراحه .
وجزاك الله عنا خيراً

آمين جزاك الله خيرا

الفتق غالبا بيتحسن لوحده عندما تقوى عضلات البطن

ولكن لابد من عرضها على الجراح ليحدد مدى كبر الفتق وخطورة دخول وانحشار الأمعاء بداخله
ولايجدى معها موضوع الحزام والعملة المعدنية

[ahmed4000]

دكتور محمود
ابنى عنده اربع سنين ونص ظهرت حاجة فى بطن ايده افتكرناها فسفوسة وبعدين فضلت تكبر وابتدت تنزل دم لو اتخبطت

رحنا لدكتور امراض جلدية قالنا نعملها كى بارد وفعلا عملنا جلستين واتجسنت كتير

فجاءة بعد العيد ابتدت تكبر تانى وكونت لون غمق كانه دم متجلط وبرده كانت بتنزل

رحنا للدكتور تانى بس علشان الولد مبيصبرش وبيخبطله الجهاز بتاع الكي راح قالنا لا مش حعمله تانى!!!! وخدوا كريم

خدنا كريم (مكتوب عليه تشقق كعبين) وفجاءة امبارح من غير مقدمات لقينا الكورة قبت لبره بسكل كبير وشكلها بقى غريب

رحنا لدكتور تانى قال لازم نعمل عملية ونشيلها ونحللها

وطبعا حيعمله بنج بيقول بحقنة

طبعا انا قلقت جدا من حكاية البنج دى

فارجو رايك وخاصة ان الدكتور عايز يعملها فى المقاولين العرب والحقيقة معرفش مستواها ايه وخاصة فى مووضع البنج ده

[د.محمود صلاح]

الحقيقة مش متخيل الموضوع كويس .. لو "سنطة " يبقى لازم كي بالتبريد , او كي كهربائي بالبنج الموضعي لو التهاب وخراج يبقى لازم يتفتح والأفضل ببنج كلي لأن كف اليد مؤلم جدا جدا وربنا يطمنك عليه وتكون بسيطة ان شاء الله

ويرجى اخذ مشورة اخصائي جلدي , لأن الموضوع قد يكون التهاب بكتيري سطحي يحتاج لمضادات حيوية بالفم وموضعية فقط

[M.Mostafa80]

السلام عليكم دكتور محمود
بنتى بقالها فتره تخف من الكحه ترجعلها تانى والمشكله انها بتفضل تكح لحد ماترجع الدكتور كان كتبلها رينوتوس ومضاد حيوي ولكن للأسف عاود ليها الدور مره تانيه غير انها ضعيفه خالص
والموضوع دا طول جدا تخف منو يرجعلها تانى وبقالها تقريبا 3 شهور على الحال دا من ساعه ما بدأت المدارس رجاء المشوره
هل اوديها لدكتور صدر انا قلقان ان الموضوع يتحول لحساسيه

[M.Mostafa80]

دا بالأضافه لأنها سخنت وبتشتكى من أحتقان فى الزور

[ahmed4000]

الحقيقة مش متخيل الموضوع كويس .. لو "سنطة " يبقى لازم كي بالتبريد , او كي كهربائي بالبنج الموضعي لو التهاب وخراج يبقى لازم يتفتح والأفضل ببنج كلي لأن كف اليد مؤلم جدا جدا وربنا يطمنك عليه وتكون بسيطة ان شاء الله

ويرجى اخذ مشورة اخصائي جلدي , لأن الموضوع قد يكون التهاب بكتيري سطحي يحتاج لمضادات حيوية بالفم وموضعية فقط

هو الدكتور الاولانى تعامل انها سنطة فعلا لكن نتيجة ان الولد مكنش بيسيبه يشتغ كويس فمتقفلتش تماما
الدكتور التانى قال بنج كلى ونشلها وبعدين نعمل كى
الحمد لله الدكتور التالت رحتله امبارح وقال بنج موضعى وكتفوا الولد وعملوله كى بالكهرباء وشكلها اتقفلت وربنا يسهل وتبقى خلصت خالص

انا كنت بس قلقان من موضوع بنج كلى لطفل صغير


شكرا ليك يا دكتور محمود جدا

[د.محمود صلاح]

m.mostafa80

اغلب اسباب الكحة واحتقان الحلق فيروسي بيتحسن لوحده بسبب مناعة الجسم الطبيعية ,, الأفضل للكحة السوائل الدافية وتدفئة جو الغرفة

[د.محمود صلاح]

ahmed4000

الحمد لله

[Lion_Heart]

السلام عليكم يا دكتور
بنتى عندها 4 سنوات و عندها امساك شديد و مادخلتش الحمام من 4 ايام
و خلال الايام دى بنزود الالبان و الزبادى و النهاردة جبنا خس عشان تاكله و لكن شهيتها ضعفة و هيه اصلا ضعيفة
و اديناها دوفالاك شراب و النهاردة لبوس جلسرين و الحالة على ماهى عليه
فايه رأى حضرتك اعملها ايه ؟؟
شكرا لك

[د.محمود صلاح]

اولا البنت طبيعتها ايه من الأصل ؟

ثانيا التغذية السليمة ..

المواظبة على تفريغ البطن وفي مواعيد محددة وليكن بعد الغذاء بتعويد الطفل على الجلوس للتبرز يوميا حتى ولو لم يخرج

استخدام الملينات كما تفعل

الأغذية الغنية بالألياف

في حالة تكون كتلة براز -تحسها في الجانب اليسار من البطن لابد من تفريغها بإينيما - حقنه شرجية للاطفال - بمساعدة طبيب جراحة

[Lion_Heart]

البنت طبيعية لكن حالة الامساك بتيجى مرة او 2 على الاكثر كل شهر
شكرا لك

[M.Mostafa80]

m.mostafa80

اغلب اسباب الكحة واحتقان الحلق فيروسي بيتحسن لوحده بسبب مناعة الجسم الطبيعية ,, الأفضل للكحة السوائل الدافية وتدفئة جو الغرفة

شكرا دكتور محمود

[ayamahib]

انا ابنى عندو 5 سنين بيحانى دائما من نزلات برد مع سخنيه شديده ومغص وكحه لا تزول بالادويه الشرب

[د.محمود صلاح]

الأيام دي بتنتشر الفيروسات نزلات البرد بين الاطفال للأسف , والعلاج الدوائي هو مسكن فقط واغلب النزلات دي بتتحسن لوحدها ,

البعض يلجأ للحقن لاستعجال الشفاء ,, ولكن المستحضرات المنزلية كافية تماما لنزلات البرد العادية مع الكمادات وادوية الباراسيتامول للحرارة ,,

تدهور الحالة يستدعي تدخل طبي عاجل فيجب الحذر