تجارب الاعضاء مع شركات التأمين ؟ ( هام للغاية )

[fiatmomo]

السلام عليكم و رحمه الله وبركاتة

انا حبيت اعمل الموضوع دة علاشان كل واحد اجبرتة الظروف انة يتعامل مع شركات التأمين .. يقولنا تجربتة الفعلية مع شركة التأمين الى مأمن معاها , وياريت نبدأ كلامنا بالنقط المحدده دية الاول :-

1- اسم شركه التأمين الى مأمن معاها ؟

2 - بتدفع نسبة قد اية من تمن العربية ؟

3 - هل فى نسبة اهلاك ؟ وقد اية ؟

4- فى حالة الخبطات والحوادث الشركة بتقولك ادفع وبعد كدة نديك الفلوس ؟ ولو حصل بيدوك الفلوس بعد قد اية ؟

5 - هل شركة التأمين بتصلح العربية خارج مركز الخدمه المعتمد ؟

6 - هل قابلت مشكلة مع مندوب شركة التأمين ؟

7 - هل اتعرضت لحالة ابتزاز من احد مندوبىشركات التأمين ؟ يعنى لازم تظبطة فلوس ؟

8 - هل انتا راضى عن شركة التأمين الى انتا مأمن فيها ؟


ولو فى مشاكل تانية قابلتك ياريت تقولنا عليها وتحكيلنا (((( بالتفصيل الممل )))) حتى تعم الفائدة ,
وتقولنا الشركة اتصرفت معاك ازاى بالظبط من ساعة ما حصل الحادث للعربية لحد ما استلمتها ,لأنى شوفت وسمعت كوارث من شركات التأمين وحابب اننا نوصل لافضل شركة ممكن الناس تتعامل معاها وهية مطمنة .

* موقع هيئة الرقابة على التأمين :-

http://www.eisa.com.eg/arabic.htm

وشكرا ليكم مقدماً
:)

[fiatmomo]

معقولة مافيش حد مأمن على عربيتة ؟؟؟

[Mahmoud Saloum]

شوف يا سيدى انا مأمن مع كونتاكت اجبارى لان العربية تقسيط المهم لا يوجد نسبة تحمل وانا استعملت التأمين مرتين.
الأولى: بعد ما اشتريت العربية باسبوعين ولقيت الزجاج الخلفى اكبر حتة فيه قد الترمسة روحت متصل بيهم قالولى تعالى المركز علشان العربية تتصور وروحت وصوروها وبعدين قالولى تحب تغير فين قولت ابو رواش قالولى ماشى. روحت والزجاج الجديد ركب فى نفس اليوم والسلام عليكم وعليكم السلام.
الثانية: من اسبوعين عملت حادثة صغيرة باظ فيها رفرف وكسر داخلى فى فانوس وسجحة فى الباب المهم كلمتهم قالولى تحب تروح فين قولتلهم الكويت والبلاد العربية قالوا ماشى . روحت المهندس هناك قالى الرفرف هيتغير والفانوس هيتغير و الباب هيتسمكر والجنب هايتدهن المهم بص على الجنب التانى لقىالرفرف اللى ورا فيه سجحة قالى وده كمان هايتغير ولقى المراية مقشرة قاللى كمان هندهنلك دى علشان شكلها وحش بس ده بعد مهندس التأمين ميشوفها بكرة ويوافق. المهم بعد 8 ايام اتصل بيا قالى تعالى استلم روحت لقيته فوق اللى فات داهنلى الاكصدامين ومسمكرهم (كان فيهم سجحات وتقشير خفيف) ولقيتوا مغيرلى الفانوس الخلفى (كان فى شرخ خفيف جدا). بصراحة والحمد لله العربية معمولة كويس هوا اللون اغمق سنة صغيرة بس سألت قالولى شوية وهتفتح وتاخد لون العربية الطبيعى. وزى المرة الاولي السلام عليكم وعليكم السلام يعنى مدفعتش ولا نكلة. وشكرا لكونتاكت وشكرا للمهندس خالد فى الكويت والبلاد العربية.

[okky222]

بس على ما اسمع انه لآزم محضر و بلاغ و تطلع انك مش غلطان و تقرير و تصوير و خلافه .
والله اعللم . نرجو التفاصيل لو سمحتم
و شكرا

[Sharky]

كونتاكت لا تشترط عمل محضر إلا فى حالة سرقة السيارة أو حالة أن تكاليف إصلاح السيارة يزيد عن نصف ثمنها فى السوق

[محمدايهاب]

كونتكت السنة إلي فاتت كانت ممتازة حاليا هم عملوا بند جديد و هو أنك بتدفع 15% من تاني خبطة و 25% من تالت خبطة
لكن الأولى عليهم بالكامل غير كده هم 10\10 من حيث الإلتزام و العربية البديلة و المواعيد و الخدمات و الإتصال و حالات الخسارة الجزئية و الكلية

[fiatmomo]

كونتكت السنة إلي فاتت كانت ممتازة حاليا هم عملوا بند جديد و هو أنك بتدفع 15% من تاني خبطة و 25% من تالت خبطة
لكن الأولى عليهم بالكامل غير كده هم 10\10 من حيث الإلتزام و العربية البديلة و المواعيد و الخدمات و الإتصال و حالات الخسارة الجزئية و الكلية

بس معلش كدة ماتبقاش 10 \ 10

انا فعلا اسمع كل خير عن الشركة دية ... بس تصادف ان العربية وهية مركونة فى الشارع اتخبطط 3 مرات فى تلات شهور ورا بعض ... اعمل اية ؟؟؟ ادفع ربع المبلغ وانا اساسا مأمن ؟ دة بند غريب جدا جدا بصراحة ؟
حضرتك متأكد من البند ده ؟

[goodwave]

السلام عليكم

والله موضوع جميل جدا وياريت الجميع يشارك لكي تعم الفائدة ويستفيد من يريد التأمين مثلي ومحتار في الشركة

ممكن حد يقولنا كونتاكت نسبتهم كام؟؟؟؟

[fiatmomo]

الجميع يشارك لكي تعم الفائدة ويستفيد من يريد التأمين مثلي ومحتار في الشركة

أضم صوتى لو صوتك
اتمنى يكون فى تفاعل اكتر من كدة فى موضوع انا شايفه بيهم كل شخص بيفكر يشترى سيارة جديده

[معتز]

اتصلت اليوم على بيت التامين المصرى السعودى، وقال لو قيمة السيارة عند التأمين 65 الف هتدفع 1900 جنية مرة واحدة............وعند اى اصلاح تدفع 260 جنية مهما كانت التكلفه...............الميزة عندهم انه شرعى تكافلى وليس تجارى............ولكن اعتقد انه غالى شوية ولااية رايكم

[fiatmomo]

اى اصلاح تدفع 260 جنية مهما كانت التكلفه

بس افرض فانوس اتكسر ب 500 جنية مثلا .... ادفع نص تمنة ؟؟؟؟

يبقى كدة اسمى بدفع تأمين سنوى ... وكل ما حاجة تتكسر بدفع فيها 260 جنية ...

نظام غير مقبول

[segsauer]

موضوع مهم و حيوى
يا ريت الناس اللى مأمنة على عربيتها تدخل و تقول تجاربها مع شركات التأمين
أفيدونا أفادكم الله
و شكرا لصاحب الموضوع

[Abonora]

اتصلت اليوم على بيت التامين المصرى السعودى، وقال لو قيمة السيارة عند التأمين 65 الف هتدفع 1900 جنية مرة واحدة............وعند اى اصلاح تدفع 260 جنية مهما كانت التكلفه...............الميزة عندهم انه شرعى تكافلى وليس تجارى............ولكن اعتقد انه غالى شوية ولااية رايكم

بالظبط انا أمنت مع بيت التأمين المصرى السعودى علشان قالوا انه تأمين تعاونى او تكافلى و سرعى و اسلامى و مش تجارى
و دفعت بالظبط التأمين على الياريس 2325 ج

[cpt_shawky]

بالظبط انا أمنت مع بيت التأمين المصرى السعودى علشان قالوا انه تأمين تعاونى او تكافلى و سرعى و اسلامى و مش تجارى
و دفعت بالظبط التأمين على الياريس 2325 ج

ممكن تليفونه وعنوانه ؟؟

[محمدايهاب]

أولا : نعم أنا متأكد من البند بتاع كونتكت ( تدفع 15% بعد الخبطة الثانية ثم 25% في الخبطات التالتة و الرابعة و ....)
ثانيا : أنا قلت 10\10 في الإلتزام و التليفون و المواعيد و العربية البديلة و ليس كتأمين كلي بعدين ممكنت تجمع الخبطات و تصلحها مرة واحدة في الآخر بس ده لا يمنع إن البند ده مزعج
ثالثا: بيت التأمين المصري السعوي تكافلي في كل مايخص التأمين ماعدا العربيات و ممكن أي حد يسأل هم أضافوا التأمين على العربيات في الأخر و نفس النظام العادي ( غير تكافلي و لا إسلامي)