تجارب الاعضاء مع شركات التأمين ؟ ( هام للغاية )

[جمال]

ياجماعة حد يقولنا ايه التصرف السليم بالتفصيل عند وقوع حادث خصوصا مع هذه الشركة و هل يختلف من شركة لاخرى؟
انا مأمن فى الشركة دى و كده قلقتونى جدا

[rabbat5]

تجيب ونش يشيل عربيتك و ان كانت متسوبيشي تتصل بالرقم ده و هم هيبعتولك ونش 42157629 او 0181606161
و بعد كده بتروح مع اللى خبطه أو اللى خبطك القسم .
ده اللى أنا اعرفه المهم أوعى تحرك العربية متر واحد ايكش تكون على كوبري.

[tot]

يا عم انت بتقوله يجيب الونش و يشيل العربية و بعدين بتقوله اوعى تحرك العربية
المفروض تتصل بالنجدة لو حادثة كبيرة هتعدي ال 5 الاف و ييجوا يعاينوا مكان الحادثة من غير ماحد يتحرك و بعدين تطلع القسم و تكمل المحضر و تاخد صورة مختومة منه و تاني يوم تعمل اخطار حادث فى الشركة و لازم يكون الاخطار فى خلال 72 ساعة م الحادثة و الا مالكش حاجة عندهم، و لو عملت الاخطار بالتليفون تاخد صورة منه
و فى المحضر يستحسن تقول عربية مجهولة خبطتك و طلعت تجري عشان لو فى طرف تاني المفروض هتستنى نتيجية التحقيقات لو هو اللي غلطان
و لو الشركة اللي انت مأمن فيها دي مش عاجباك ممكن تلغي الوثيقة و تاخد بقية فلوسك شوف باقيلك كام شهر ، بس بشرك ماتكونش طالبت باى حاجة من بداية الوثيقة

[جمال]

ياريت حد مأمن فى الجمعية و حصلت له حادثه و يقولنا عن التصرف السليم ... عن تجربة

[tot]

انت ماخدتش بالك ان احنا سواء انا او الاخ اللي قالك ع الونش ، مأمنين فى الجمعية

[جمال]

انت ماخدتش بالك ان احنا سواء انا او الاخ اللي قالك ع الونش ، مأمنين فى الجمعية

ماهو انتم الاثنين اختلفتم فى التفاصيل
هل المقصود بعدم تحريك العربية هو عدم السير بها( يعنى يجب تحميلها على ونش فى جميع الاحوال ) او عدم تحريكها من مكان الحادث حتى بتحميلها على ونش

[melagouze]

السلام عليكم

يا جماعه يفضل لو فيه حد عايز يامن عربيته في مصر للتامين يكلمني
انا اخويه الكبير خبير و استشاري تامين في مصر للتامين و مسئول عن تعويضات السيارات
ان شاء الله هخليه يجيب لكم افضل سعر و افضل خدمه ان شاء الله

لما تكون عارف حد جوه بتفرق كتير جدا

و الحمد لله ده من غير رشاوي و لا عمولات و لا شئ من ده ابدااااااااااااااااااا لانه انسان محترم و بيخدم الناس

هخليه يامنلك و ينصحك كمان بافضل شئ

و افتكروني بالخير ان شاء الله

محمد السيد 0122232572

[tot]

معلش مع احترامي ليك ، كلهم بيقولوا كده فى الاول ، و بعد ماتقع الفاس فى الراس يعني بعد ماتدفع ، كل سنت بقى و انت طيب
بالنسبة للاخ haima المفروض لو حادثة كبيرة ماتحركش العربية الا اما النجدة تيجي و تعمل المضر و بعدين حركها براحتك بونش او لو هى بتمشي عادي، الحادثة الكبيرة دي اللي هتعدي 5 الاف جنيه فى تصليحها

[جمال]

شكرا يا توت
وربنا يكفينا و يكفيك شر الحوادث

[shery103]

انا والدتى لما جابت الفيرنا امنت مع مصر للتأمين عشان تعرف ناس هناك ، و امنت ب 2%
و الكلام ده كان سنة 2004 ، و من ساعتها حصل للعربية اكتر من خبطة جامدة و كنا بنصلحها فى التوكيل و ندفع و الشيك كان بيطلع على طول ، فهما معملوش فينا حاجة وحشة الصراحة

و لما جبت عربيتى من اسبوعين امنتلى فى مصر للتأمين برضو عشان المعرفة طبعا ، و برضو ب 2% ، و ان شاء الله مفيش مشاكل .

كل اللى ضايقنى فيهم بس ان انا جايبة عربيتى زيرو ، و مع ذلك صممو يعاينو العربية ، عشان الوثيقة مصدرتش قبل ما نرخصها فى المرور ، بس المعاينة مخدتش 3 دقايق يعنى و الوثيقة صدرت و خلاص بس انا شايفة ان الموضوع ده مكنش ليه لزمة

فيما عدا ذلك فى كل المواقف اللى حصلتلنا فى ال 4 سنين اللى فاتت كانو شركة محترمة جدا

[yousifkamal]

الحمد لله
أنا اشتريت سيارة هيونداى النترا 2008 من حوالى شهرين

المهم السيارة اتسرقت من أمام المنزل !!!! نزلت أروح شغلى الصبح ملقيتهاش !!!!! على الرغم ان فيها انذار !!!

الحمد لله ...... المهم أنا مأمن مع بيت التأمين المصرى السعودى

ممكن حد يقولى أيه اللى حيحصل فى الموضوع ده و بعد أد أيه؟؟؟

[uioprty]

حسب معلوماتي موضوع السرقة بالتامين موضوع طويل ولة جوانب كثيرة لازممحاضر وبححث وبحث خاص من شركة التامين وحاجة زي المخبر لتقصي الحقيقة وموااااااااااااااال هيطول شوية
وبعدين تقدير القيمة الي اخرة
النفس الطويل شوية في موضوع السرقة لانة يختلف عن الحادث
ربنا يعوضك خير منها ...ولا تحزن عسي ان تكرهو شي وهو خير لكم
واحتسب عند الله

[MoToRiZeR]

علي كلام الأعضاء انا بفكر مجددش مع الجمعية و أحول مصر للتأمين
إيه رأيكم

[rabbat5]

يا عم انت بتقوله يجيب الونش و يشيل العربية و بعدين بتقوله اوعى تحرك العربية
المفروض تتصل بالنجدة لو حادثة كبيرة هتعدي ال 5 الاف و ييجوا يعاينوا مكان الحادثة من غير ماحد يتحرك و بعدين تطلع القسم و تكمل المحضر و تاخد صورة مختومة منه و تاني يوم تعمل اخطار حادث فى الشركة و لازم يكون الاخطار فى خلال 72 ساعة م الحادثة و الا مالكش حاجة عندهم، و لو عملت الاخطار بالتليفون تاخد صورة منه
و فى المحضر يستحسن تقول عربية مجهولة خبطتك و طلعت تجري عشان لو فى طرف تاني المفروض هتستنى نتيجية التحقيقات لو هو اللي غلطان
و لو الشركة اللي انت مأمن فيها دي مش عاجباك ممكن تلغي الوثيقة و تاخد بقية فلوسك شوف باقيلك كام شهر ، بس بشرك ماتكونش طالبت باى حاجة من بداية الوثيقة

شكرا على المعلومات .
يا ليت تكتب رقم النجدة .

[tot]

ايه يا باشا حد مايعرفش رقم النجدة، حضرتك مش عايش في مصر ولا ايه ،ع العموم هو 122 و المكالمة ببلاش يعني لو موبيلك مافيهوش رصيد اتصل عادي