تجارب الاعضاء مع شركات التأمين ؟ ( هام للغاية )

[analyzer]

استاذ FiatMomo

اربع اشهر دى مدة طويله وده كتير بس كان فى عدة اسباب لطول المدة اهمها انى اعتمده على صاحب المعرض الى اشتريت منه العربية لانه هو الى كان مخلص الاجرات مع البنك والتامين

[محمدايهاب]

معلش في معلومة مهمة بخصوص كونتكت وهي إن 500 جنية دول تأمين يعيني بيرجعوا لو المأمن سلم العربية سليمة و حصلت معايا 3 مرات و أخذت فلوسي كاملة و في مرة اتسرقت طاسات اللانسر أخذوا مني 200 جنية و رجعولي الباقي

كمان حكاية الكوارث و الشغب و الزلازل و البراكين دي في كل شركات التأمين

[okky222]

يا ريت برضه يا جماعة نتفق على شركة محددة . و شكرا لكم جميعا

[Ghamrawy]

يا ريت يا جماعة اللى من الاسكندرية و عنده تجديد ترخيص يبص كويس فى و ثيقة التامين الاجبارى علشان الموظفين بتستهبل و تحط معاها و ثيقة اسمها حوادث شخصية ب 20 ج و دى ملهاش اى علاقة بالتامين الاجبارى و غير اجبارية و لكن المنتج المحترم اللى ماسك توكيل شركة التامين بيحطها خلسة علشان يكسب منها

[Megane]

* اكون شاكر لحضرتك جدا لعمل اسكان لبنود العقد ( لو مكانش فيها ازعاج ), ويبقى مرجع لينا للمقارنة بباقى الشركات .

لا شكر على واجب يا باشا و إن شاء الله هعملكم scan اليوم بس متأخر علشان أنا هخلص شغل الساعة 12:00 صباحا.:):)

[analyzer]

واقعة ثانية

لانسر 2007

حادث من الامام ادى الى تحطم الاكصدام الفوانيس الشبكة رفرف الردياتير الكبوت والايرباج فتح

تم التصليح فى مركز خدمة معتمد من الجمعية المصرية للتامين التعاونى

ولكن النقطه هنا هى استبدال التاارة باخرى فيها ايرباج يتم بدفع 25%

فى الحقيقه طلبت منهم استبدالها باخرى من غير ايرباج ومدفعتش حاجه

مدة الاصلاح حوالى 28 يوم تقريبا

[fiatmomo]

استاذ FiatMomo

اربع اشهر دى مدة طويله وده كتير بس كان فى عدة اسباب لطول المدة اهمها انى اعتمده على صاحب المعرض الى اشتريت منه العربية لانه هو الى كان مخلص الاجرات مع البنك والتامين

شكرا على توضيح النقطة دية ... لانى لما كنت بسأل على النيو اكسنت واتكلمت مع السيلز هناك على التأمين وان تأمين الجمعية التعاونية فى مشاكل .... قالى او العربية حصلها حاجة انتا تكلمنى وانا بظبطلك الناس جوه الشركة ... وقالى حاجة غريبة قالى ( مندوب التأمين لما يشوف الورقه ام 100 .. بتلاقية يجرى عليك جرى ويخلصلك كل حاجة ) .... ومعلقتش على كلامة كتير ساعتها .

--------------------------------------

معلش في معلومة مهمة بخصوص كونتكت وهي إن 500 جنية دول تأمين يعيني بيرجعوا لو المأمن سلم العربية سليمة و حصلت معايا 3 مرات و أخذت فلوسي كاملة و في مرة اتسرقت طاسات اللانسر أخذوا مني 200 جنية و رجعولي الباقي

كمان حكاية الكوارث و الشغب و الزلازل و البراكين دي في كل شركات التأمين

شكرا أ- محمد على التوضيح المهم دة .... اعتقد كدة مبلغ ال500 جنية دة مش مشكلة طلاما بيرجع تانى ...

----------------------------------------

لا شكر على واجب يا باشا و إن شاء الله هعملكم scan اليوم بس متأخر علشان أنا هخلص شغل الساعة 12:00 صباحا.:):)

شكرا مقدما .... و حضرتك ارفعلنا صوره البنود لما تكون فاضى . مش عاوزين نعطلك:)

----------------------------------------

واقعة ثانية

لانسر 2007

حادث من الامام ادى الى تحطم الاكصدام الفوانيس الشبكة رفرف الردياتير الكبوت والايرباج فتح

تم التصليح فى مركز خدمة معتمد من الجمعية المصرية للتامين التعاونى

ولكن النقطه هنا هى استبدال التاارة باخرى فيها ايرباج يتم بدفع 25%

فى الحقيقه طلبت منهم استبدالها باخرى من غير ايرباج ومدفعتش حاجه

مدة الاصلاح حوالى 28 يوم تقريبا

النقطة دية مهمة جدااااااااااااا جداااااااا وهى ان مركز التصليح المعتمد من الجمعية .... هل هو على اعلى كفائة ويوازى التوكيل ؟؟؟؟؟

يعنى انا عاوز اعرف فى عربيات زى الالفاروميو مثلا ... او سوبارو فيها تقنيات بتختلف عن باقى العربيات( زى الموتور البوكسر ) ... هل المركز المعتمد بتاعهم دة يقدر على العربيات الى ليها طريقة صيانه خاصة ؟

بس عماتا هل هما صلحو عربيت حضرتك الانسر بكفائة .. هل حسيت ان فى حاجة انتا مش راضى عنها بعد تصليحها . وياترى مكان المركز بتاعهم فين .

انا اسف ان اسألتى كتير ...:)

-----------------------------

فى حاجة اخيرة ياريت الاعضاء الى مصوتين لشركة الشرق للتأمين واليانز ومصر للتأمين والشركات الاخرى يقولولنا تجاربهم مع الشركات دية (بعد اذنكم :) ) حتى لو تقولولنا النسبة قد اية الغرض من الموضوع عرض التجارب و ليس التصويت فقط :)

وشكرا لتفاعلكم

[analyzer]

الحالة الثالثه :

ودى لصديق صاحب مكتب ايجار

لانوس 2007
1.6 نسبة التامين
كان مامن على انها بـ 65 الف
العربية اتقلبت على الصحراوى وبقت زى الكعب
دخلت total lose
اخد فلوسة منهم بعد خصم 10 % استهلاك
بدون دفع اى رشاوى
الموضوع خلص فى شهرين

[analyzer]

فى الحقيقة مركز الخدمة الى بتعامل معاه هو : المصيلحى
وده مكان لسه جديد كان شغال على الكيا بس ودلوقتى بقى يهونداى ودايو كمان
المركز ده معتمد من هيونداى ودايو
ومعتمد من الجمعية المصرية للتامين
وصلحنا عنده عربية يارس تبع التامين
وشوفت هناك سوبارو
هى الفكرة فى ان مركز الصيانة يكون معتمد من الوكيل معناه عدة حاجات اهمها مطابقة المكان للمواصفات المطلوبة فنيا وكذلك التجهيزات وكمان استخدام قطع غيار اصلية من الوكيل وبسعر الوكيل

[okky222]

يا ريت ما ننساش فى الأخر نتفق على شركة واحدة عشان يبقى الموضوع انتهى بفائدة ان شاء الله . و ما تكونش حكاوى و انتهت .
و شكرا لكم جميعا و مستنى النهاية السعيدة .

[fiatmomo]

يا ريت ما ننساش فى الأخر نتفق على شركة واحدة عشان يبقى الموضوع انتهى بفائدة ان شاء الله . و ما تكونش حكاوى و انتهت .
و شكرا لكم جميعا و مستنى النهاية السعيدة .

ماهو للأسف احنا امامنا شركتين فقط الى عرفنا طريقة تعاملهم ..... كنت اتمنى باقى الاعضاء المصوتين فى الاستطلاع انهم يشاركونا ارائهم !!

بس عماتا من الواضح ان الجمعية المصرية للتأمين التعاونى ... مش سيئه للدرجة الى سمعتها عنهم ... وان كان كونتاكت كارز اسرع فى التعامل مع الحوادث .. وعندهم خدمات افضل ... كالسيارة البديلة ... وسحب السيارة من مكان الحادث . او فى حالة تعطلها . وعدم اشتراط محضر .

ولكن يعيبها نسبة التحمل ال15 % فى الحادث الثانى و 25% فى التلفيات اللاحقه !!!

الى انا شايفة ان كل شركة فيها ميزة وعيب

[aif]

انا حاجز اوبترا من منصور ولما سألت لقيت انهم عندهم تأمين لكن سعرهم غالي 3.2% لكن بيقولوا ان الخدمة هناك ممتازة ومش بيدوخوك عند شركات التأمين
واللي اعرفة ان التعاونية بتاخد 1.6 % يعني فرق الضعف اعتقد ان من كلام الزملاء ان الجمعية مش وحشة وبرضه سعرها ممتاز وكمان عرفت انه لو تعرف حد هناك ممكن توصل الي 1.5%

[fiatmomo]

انا حاجز اوبترا من منصور ولما سألت لقيت انهم عندهم تأمين لكن سعرهم غالي 3.2% لكن بيقولوا ان الخدمة هناك ممتازة ومش بيدوخوك عند شركات التأمين
واللي اعرفة ان التعاونية بتاخد 1.6 % يعني فرق الضعف اعتقد ان من كلام الزملاء ان الجمعية مش وحشة وبرضه سعرها ممتاز وكمان عرفت انه لو تعرف حد هناك ممكن توصل الي 1.5%

تأكد حضرتك ان فرق السعر الكبير بيفرق كتيييير فى وقت الازمه الفعلية .... يعنى شركة بتاخد فلوس كتير = ... خدمه سريعة .... بدون بدون وسايط ... بدون رشاوى ... اهتمام بالعميل

انا اعرف ناس ممكن تدفع 7 الاف جنية فوق تمن العربية علاشان مايستناش شهر ولا شهرين حجز .... فمابالك بالتأمين الى لما الواحد بيركن عربيتة لازم ينزل يلاقية فانوس مكسور ولا واخد خبطه

العمال الفارق فى موضوع التأمين من شركة لتانية ... سرعة التعامل مع الحدث . وضوح وجوده الخدمه ( يعنى مافيش اكراميات ولا رشاوى )

[fiatmomo]

اضافة اخيرة ... ياريت حضرتك تسأل فى التوكيل التأمين دة شروطة اية بالظبط وتقارنه بباقى الشركات

[aif]

اضافة اخيرة ... ياريت حضرتك تسأل فى التوكيل التأمين دة شروطة اية بالظبط وتقارنه بباقى الشركات

ح احاول اجيب الشروط بالكامل ان شاء الله
لكن اعتقد ان الفرق مش ح يكون في الشروط بل سيكون في اسلوب التنفيذ واحترام الشروط