اية رايكم فى مدينة الشروق

**tahayt** · 21-06-2010 02:30 PM

السلام عليكم
يا جماعة حد عندة معلومات عن الشروق (اصلى ساكن فى الهرم و عمرى ما رحت النواحى دى)
يعنى هل المدينة حلوة ؟
اية المناطق اللى هناك كويسة و اية اللى مش قوى عشان فى الاعلانات بيقولوا المجاورة كذة المنطقة كذا
الهواء هناك عامل اية (يعنى هل فية تلوث..مصانع...)
اية الاسعار دلوقتى و هل تتجة للصعود
اية المسافة بنها و بين التجمع الخامس عشان انا ممكن قريب ان شاء الله اشترك فى نادى القطامية(بتروسبورت) لان هوة دة اللى سهل بالنسبالى و مش عايز ابقى بعيد عنة اوى عشان الولاد فى المستقبل
هل فى مناطق هناك لسة جديدة ممكن تبقى رخيصة شوية لانى ممكن انقل هناك بعد فترة كبيرة
ارجو الاهتمام و جزاكم الله كل خير

**ahmad--ezzat** · 21-06-2010 02:38 PM

ابعد عنها...خدمات صفر
بعيده....
بقالها اكتر من 100000000 سنه ومش بتتعمر

انا راى شوف العبور اقرب بكتير وفى حتت كويسه فيها

واستنى برده راى الناس.....

**tahayt** · 21-06-2010 02:46 PM

شكرا يا فندم على الاهتمام
طب حضرتك عندك فكرة عن العبور فى نفس الاستفسارات السابقة
انا سمعت ان العبور فيها مشكلة فى المياة الجوفية او مجارى مش فاكر هل الكلام دة صح

**hamdy** · 21-06-2010 03:26 PM

حاسس انها بعيدة شوية ممكن العبور او التجمع الخامس مع فرق الاسعار ارخص لصالح العبور طبعا بس التجمع الخامس حاسه اشيك شوية من العبور ودي وجهة نظر ممكن تكون مش صح

**aid904** · 21-06-2010 03:36 PM

متابـــــع باهتمام

**tahayt** · 21-06-2010 03:44 PM

المشاركة الأصلية كتبت بواسطة hamdy

حاسس انها بعيدة شوية ممكن العبور او التجمع الخامس مع فرق الاسعار ارخص لصالح العبور طبعا بس التجمع الخامس حاسه اشيك شوية من العبور ودي وجهة نظر ممكن تكون مش صح

يا ريت التجمع الخامس بس للاسف بقى غاااالى جدا , طب حد عندة فكرة عن اسغار العبور لانى عن تجربة بلاقى اسعار الاعلانات فى النت و الجرايد مختلفة عن الواقع
و قد اية المسافة بينها و بين التجمع الخامس

**ahmedfd** · 21-06-2010 03:44 PM

يفضل حضرتك تشوف بنفسك..
كل مكان ليه ميزة و ليه عيب... يعني الشروق بعد مدخل الرحاب بكام دقيقة و أمام مدينتي و في نفس الوقت مدينة سكنية فقط و مفيش بجانبها مناطق صناعية أو أسواق.
و كمان فاضية مش زحمة زي بعض الأماكن في التجمع و الرحاب و بعدين ليها مدخلين على طريق السويس و على طريق الإسماعيلية و من طريق السويس توصل لبتروسبورت بكل سهولة.
صحيح الإشغال فيها في الأماكن الكويسة لسة ضعيف بس مش قوي يعني و بعدين إنت هتعدي طريق السويس تبقي في مدينتي و دي أكيد هتكون هيصة و فسح و كل حاجة فيها، و ترجع تعدي تاني طريق السويس بعد ما تخلص لبيتك للهدوء و الراحة و الطرق الرايقة اللي تهدي الأعصاب و الركن السهل.

المهم إتعب شوية دلوقتي و دور كويس و بص على كل الأماكن المتاحة في التجمع و العبور و الشروق و غيرهم و إستخير ربنا و إن شاء الله تلاقي اللي بتدور عليه.

**tahayt** · 21-06-2010 03:52 PM

المشاركة الأصلية كتبت بواسطة ahmedfd

يفضل حضرتك تشوف بنفسك..
كل مكان ليه ميزة و ليه عيب... يعني الشروق بعد مدخل الرحاب بكام دقيقة و أمام مدينتي و في نفس الوقت مدينة سكنية فقط و مفيش بجانبها مناطق صناعية أو أسواق.
و كمان فاضية مش زحمة زي بعض الأماكن في التجمع و الرحاب و بعدين ليها مدخلين على طريق السويس و على طريق الإسماعيلية و من طريق السويس توصل لبتروسبورت بكل سهولة.
صحيح الإشغال فيها في الأماكن الكويسة لسة ضعيف بس مش قوي يعني و بعدين إنت هتعدي طريق السويس تبقي في مدينتي و دي أكيد هتكون هيصة و فسح و كل حاجة فيها، و ترجع تعدي تاني طريق السويس بعد ما تخلص لبيتك للهدوء و الراحة و الطرق الرايقة اللي تهدي الأعصاب و الركن السهل.

المهم إتعب شوية دلوقتي و دور كويس و بص على كل الأماكن المتاحة في التجمع و العبور و الشروق و غيرهم و إستخير ربنا و إن شاء الله تلاقي اللي بتدور عليه.

شكرا يا باشا على الرد و دعواتك كدة ان ربنا يسهل
اصل انا قاعد فى بيت عيلة و البيت قديم و المنطقة كل يوم تتزحم اكتر و الواحد عارف ان لازم فى المستقبل-ان شاء الله- يسيب المكان و حاسس انى فى صراع مع الزمن لان كل يوم الشقق بتغلى
ربنا ييسر للجميع

**kh_talaat** · 21-06-2010 03:57 PM

بعيدة جدا ... لكن فيها مناطق عاليه قوي ومناطق شعبيه زي اي مدينة من المدن الجديدة لكن الشروق ابعدهم

طيب بدام حضرتك ساكن في الهرم ليه مفكرتش في 6 اكتوبر - الشيخ زايد - حدائق الهرم والأخيرة اقربهم للمدينة واسعارها معقوله

**mohamed_selim** · 21-06-2010 04:25 PM

يا جماعه الشروق بينها و بين مدخل العبور 10 كم من على طريق الاسماعيليه
لما تخش مدخل العبور بتمشى من 8-12 كم علشان توصل اى حته (ما عدا السادس و السابع دول مش بعيد 5كم بس ) فالشروق مش بعيده و لا حاجه
مميزاتها عن العبور 5 مداخل اتنين على طريق الاسماعيليه و 3 على السويس
مساحتها محدوده بمعنى ان خدماتها مصممه على المساحه دى و ملهاش امتداد زياده
قدام مدينتى على طول
كلها سكنى
بس مش تبقى فعلا اشغالها كويس غير كمان كام سنه

الموضوع: اية رايكم فى مدينة الشروق

LinkBack

أدوات الموضوع

عرض

-

-

-

-

المواضيع المتشابهه

مدينة الشروق - هل من سمسار؟

معلومات عن مدينة الشروق؟

ما رائيك بشراء ارض فى مدينة الشروق ؟

مرور مدينة الشروق

فى حد هنا من مدينة الشروق؟؟

الكلمات الدلالية لهذا الموضوع

المفضلات

المفضلات

ضوابط المشاركة