الموضوع: رابطة حائزى فلوينس سيدان و ميجان هاتش باك 3 --مشاركات 2011

السلام عليكم يا استاذ بوكلا,

طبعا انا فى نفس الحيرة بتاعة اخونا دية فلوينس ولا فانتازيا و هنا موضوع عن كماليات الفانتازيا الفئة الاولى و اللى هية فعلا تتعدى حاجز الابهار و اللى خليتنى عندى التردد الفظيع دة و عجزى عن اتخاذ القرار يا ريت حضرتك تقراها و تقولى رايك فى الكلام دة و تقييمك الشخصىي لة و يا ريت بردو تعليقات الاخوة الاعضاء لعموم الافادة

جزاك الله كل خير
الموضوع للاخ خالد ايمن قسم سكودا

السلام عليكم..

لاحظت فى الفتره الاخيره ان فى ناس كتير بتسال عن مواصفات و اسعار الفانتازيا 2011 ...
وطبعا فى مواضيع سابقه موضحه المواصفات ..لكن حصل اختلاف فى مواصفات كل فئه ...فالموضوع ده طبقا لاخر تعديل تم بواسطه الوكيل فى فئات الفانتازيا ...
نبدأ بأول فئه

fantasia base line

1-باور ...(بيتقل مع السرعه)

2-سنتر
3-زجاج كهرباء
4-مرايات كهرباء + ضم كهرباء + تعتيم
5-تكييف هواء اوتوماتيك + دوال زون (تحكم فى درجه حراره كل جانب على حدى)
6-فتحات تكييف خلفيه
7-سى دى mp3
8-مخرج aux
9-ساوند سيستم مكون من 6 سماعات
10-مثبت سرعه +ميمورى فى مثبت السرعه
11-فتيس اوتوماتيك (تيبترونيك) 6 سرعات +خاصيه S
12-فرامل abs +ebd +bas
13-نظام asr مانع للدوران الانفلاتى للعجلات ..(عشان متفركش)
14-عدد 2 ايرباج مع تحكم فى غلق الايرباج للراكب الامامى
15-تاره ملتى فنكشن
16-عدد 2 تلاجه ..فى درج التابلوه + الكونسول
17-تاره من الجلد
18-شاشه بيانات كامله ..تعرض الوقت و الحراره و السرعه و متوسط السرعه و متوسط استهلاك البنزين ..ووقت و مسافه الرحله
دى كانت اول فئه ..سعرها فى التوكيل 170 الف جنيه
19-نظام مراقبه ضغط الاطارات
20-فوانيس شبوره اماميه و خلفيه
21-حساس مطر

fantasia sport

نضيف على المواصفات السابقه :

1-جنوط سبور مقاس 15
2-فوانيس اماميه زينون (فى الواطى بس)
3-رشاشات على الفوانيس الاماميه
4-حساسات ركن خلفيه

دى تانى فئه و سعرها فى التوكيل 186 الف ...

fantasia elegance

نضيف على المواصفات السابقه :

1-جنوط سبور مقاس 16
2-كاسيت تتش سكرين + سى دى 6 اسطوانات ..+ مدخل ميمورى كارد +بلوتوث
3-كراسى جلد بالكامل +ابواب جلد
4-سخانات فى الكراسى الاماميه
5-فتحه سقف
6-عدد 4 ايرباج
7-ستاره خلفيه
ابنوس بالتابلوه و الابواب (ودى ميزه حصريه فى عربيه الوكيل ..لانها مش بتنزل فى الخليجى)
دى كانت اعلى فئه فى الفانتازيا ..وسعرها فى التوكيل 212 الف ..

يا رب الموضوع يكون مفيد و يعجبكوا ..وان شاء الله قريب اعمل موضوع عن اسعار قطع الغيار الاستيراد ..وموضوع اخر عن مواصفات التحفه سوبيرب ...

رابط الموضوع
http://www.nilemotors.net/Nile/22102...post3873514058

المشاركة الأصلية كتبت بواسطة bukla

ربنا يوفقك ان شاء الله فى اختيارك بس لازم حضرتك تقول الحد الاقصى اللى ممكن تدفعه كام لانك لو ماعندكش مشكله فى انك تجيب اعلى فئه فى الفانتازيا و تدفع فرق فلوس حوالى 40 الف جنيه عن اعلى فئه فى الفلوينس يبقى توكل على الله و جيب الفانتازيا بدون تفكير لكن لو ناوى على اول فئه فى الفانتازيا يبقى لازم تفكر كويس لان الاوبشنز اقل فى الفانتازيا اول فئه عن الفلوينس الفئه الثانيه اتوماتيك و فرق الفلوس (25 الف جنيه) اما فرق الاوبشنز فقط بين اعلى فئه فى الفلوينس و اول فئه فى الفانتازيا كبير قوى
استخير و توكل على الله

يا باشا ربنا يباركلك فيها و تتمتع بيها لاخر يوم ليها معاك ان شاء الله و الحمد الله انك عرفت الهواء السخن سببه ايه لانى كنت متأكد انه فتحات التكييف زى ما قالك اخونا WAWOO

ربنا يوفقك ان شاء الله فى اختيارك و صدقنى كل الالوان فيها حلوه
شوف الصوره دى يمكن يكون فيها اللون اللى بتقول عليه

معلش يا رجالة استحملونى هنا بقى فى الموضوع مواصفات الفانتازيا تفصيلا و ارجو التعليق لعموم الفائدة ربنة يكرمكم :)


بــســـم الله الـــــرحـــــمن الـــــــرحـــيـــــم

النهاردة أنا عامل تقرير مفصل للفانتازيا 2010 :

نقول بسم الله نبدأ وعلي الله توكلنا :

المواصفات الفنية :-
----------------------

1- محرك 1.6 لتر بقوة 75 kw بنظام الحقن MPI.
2- تسارع السيارة من 0-100 في حوالي 12 ثانية ( علي الوضع D )
3- ناقل الحركة 6 سرعات أمامية و 1 خلفية بإجمالي 7 سرعات مع نظام Tiptronic.
4- السرعة القصوي للسيارة لم يتم إجتيازها بعد.
5- عفشة خدمة شاقة.

عوامل الراحة و الأمان :-
-------------------------

1- ABS, MBA,MSR,ASR.
2- عدد 2 إيرباج.
3- عدد 5 أحزمة أمان.
4- فصل الوقود عن المحرك في حالة التصادم لا قدر الله.
5- نظام corner light وده عبارة عن إضاءة فانوس الشبورة حسب إتجاه العربية يمين أو يسار.أنا مش عارف أشغله إزاي.
6- نظام EBC.
7- ISOFIX للأطفال.
8- IMMPOLIZER .
9- فوانيس ضباب أمامية وخلفية.
10- عدد 3 مساند للرأس في الخلف و 2 في الأمام.

الكماليات :-
------------

1- سنتر لوك وزجاج كهربه مع وحدات رفع لجميع الأبواب.
2-عدد 2 مفتاح fold يمكن فتح الشنطة وتانك البنزين منه وكذلك التحكم في الشبابيك وغلق المرايات.
3- مصابيح الإشارة الجانبية في المرايات مع وجود مصباح في كل مرآه للإضاءة بجانب الأبواب عند فتحهم وعند فتح السنتر من الريموت.
4- طي كهربائي للمرايات.
5- عدد 2 مساحة أمامية للزجاج و 1 للزجاج الخلفي.

6- عجلة القيادة وفرامل اليد وعصا ناقل الحركة مكسوة بالجلد الطبيعي.
7- فرش الكراسي رياضي.
8- تعديل عجلة القيادة في 4 إتجاهات مختلفة.
9- عجلة القيادة متعددة الوظائف multi functions .
10- شاشة بيانات كبيرة وسط العدادات بها وظائف عديدة مثل :

* عداد سرعة ديجيتال ( زي السيفيك )
* إستهلاك البنزين وحساب الكيلو متر المتبقي بالنسبة لكمية الوقود.
* متوسط السرعة الحالية.
* كمبيوتر رحلات.
* بيان نقلات ناقل الحركة.
* بيان درجة الحرارة.
* إظهار البيانات الخاصة بالهاتف.
* إظهار البيانات الخاصة بالنظام الصوتي.
* عن طريقها يتم معرفة ما إذا كان أحد الأبواب مفتوح أو غطاء المحرك أو الشنطة.
* كمبيوتر أعطال ومواعيد الصيانة.
*وأخيرا عن طريقها يمكن التحكم في بعض الوظائف مثل :

a- تحديد السرعة التي يبدأ عندها الصوت التحذيري.
b- تحديد غلق الأبواب أوتوماتيكيا عند سير السيارة وفتحها عند وقوفها.
c- تحديد تشغيل خاصية غلق النوافذ في حالة سقوط الأمطار أو غلقها عند سرعة معينة.

11- نظام صوتي جبار في نقائة وإمكانياته الصوتية يدعم mp3 , aux, radio, audio. مع عدد 6 سماعات.
12- إمكانية إرتفاع مستوي الصوت تلقائيا مع زيادة السرعة.
13- تجهيزات سينسور بارك.
14- بلوتوث للإتصالات الهاتفية ( كاركيت )
15- تكييف climatronic dual zone مع خاصية توزيع الهواء للمقاعد الخلفية.
16- شاشة عريضة وسط التابلوه خاصة بالنظام الصوتي والتكييف والبلوتوث والسينسور.
17- درج التابلوه مبرد وكذلك درج الكونسول.
18- درج الكونسول متحرك للأمام والخلف كمسند يد.
19- عدد 12 مكان تخزين بالمقصورة مع حوامل أكواب.
20- التحكم في إرتفاع وإنخفاض كرسي السائق.
21 - التحكم في إرتفاع وإنخفاض إضاءة المصابيح الخارجية.
22- مصباح قراءة للمقاعد الخلفية وآخر للأمامية.
23- مدخل ipod داخل درج الكونسول.
24- سخانات للزجاج الخلفي والمرايات الجانبية.
25- تعتيم تلقائي للمرايا الداخلية والجانبية.
26- مقابض الأبواب الداخلية من النيكل كروم.
27- حليات للأبواب و التابلوه والكونسول الأمامي.
28- إريال إلكتروني في الزجاج الخلفي مع إريال رياضي إضافي.
29- مؤشر لضغط الإطارات.
30- مثبت سرعة.

الإنطباعات :
-------------

1- تسارع السيارة مرضي جدا بالنسبة لي لكن لو واحد متهور زيادة عن اللزوم مش هتعجبه قبل الـ 100
2- العزل جيد جدا.
3- العفشة وسط بين النعومة والنشفان.
4- الثبات No Comment.
5- صوت المحرك جميل وهادئ ميعصبش الواحد.
6- الإحساس بالنقلات شبه منعدم.
7- التكييف ملوش حل الله أكبر بس مش بيبرد بسرعة زي الياباني طبعا.
8- الإرتفاع عن الأرض معقول.
9- الخامات الدخلية كلها رائعة.
10- الكاوتش بتاعها كونتينينتال وده صوته عالي شوية بس طبعا معروف إنه نوع ممتاز.
11- الشكل الخارجي من الأمام أحلي من باقي فئتها.
12- أبعادها الخلفية صعبة في الركنة.
13- عندي وسواس بسبب خالد أيمن لما قالي إن التراب لو بات في التابلوه مش بيطلع فتقريبا بمسحه كل 5 دقايق .
14- الكاسيت أنا لحد دلوقتي مشوفتش كاسيت ستوك صوته كده اللهم صلي علي النبي عليه.
15- الشنطة طبعا كبيرة جدا.
16 زعلت لما فتحت غطا التانك ولقيت مكتوب عليه minimum octane 98.

وأخيرا بقول الحمد لله رب العالمين فضل ونعمة من ربنا.وربنا يحفظها من عين الحقود والحسود.ويعطينا خيرها ويكفينا شرها.

اللهم إني أعوذ بكلمات الله التامات من شر ما خلق.وأعوذ بالله الواحد من كل حاسد.وأعوذ بكلمات الله من كل شيطان وهامة ومن كل عين لامة...آمين..قولوا آمين.

أنا في الخدمة لأي إستفسارات..وأشكركم..وآسف علي الإطالة



رابط الموضوع ل الاستاذ inspiron من قسم سكودا

http://www.nilemotors.net/Nile/15478...post3872727860

أنا عندي صوت غريب قوي وعالي لما برجع بالعربيه للخلف حد عنده نفس المشكله ؟؟؟

المشاركة الأصلية كتبت بواسطة bukla

ممكن توضح اكثر نوعية الصوت يعنى صفاره مثلا او تكتكه تزييقه

هي اقرب لتزيقه فعلا بس مش من الفتيس من العفشه الاماميه هي كانت بتحصل قبل موضوع الخبطه بتعتي الاخيره بس دلوقتي زادت و صوتها عالي