تقييم الm11 من الاول للاخر

**elshimy** · 17-02-2015 08:13 PM

المشاركة الأصلية كتبت بواسطة hemaa_82

لا يا باشا ... معندوش اصلا ...

عامة انا سايب المتور عند طارق بتاع مكن الازاز اللي في الدقي بيدور علي ترس بدل اللي باش ... المفروض هيظبطني ان شاء الله النهاردة و اقولوكم النظام ايه

بص يا با شا لو المشكله في ترس بس انا ممكن ادلك علي واحد كنت بروحله من زمان لما كنت بحتاج ترس ومبلاقيهوش كنت بروحله بالترس القديم وكان بيصنعلي زيه (بلاستيك) بس نوعيه ممتازه وانسي انه يجراله حاجه بس الكلام ده من زمان انا ماعرفش لسه شغال ولا ايه نظامه هو مكانه في بشتيل هتركب لحته اسمها لعبه من عند الاسعاف وتنزل تخلي المزلقان علي يمينك وتمشي شويه 50 متر واسال عن بتاع التروس هو مشهور هتاك

**hemaa_82** · 19-03-2015 09:29 AM

بسم الله

اولا ..
الحمد للع علي عند الشيخ طه اتصرف في ترس ... و خلص الموضوع علي 200 جنيه .
طبعا كتير فحت بس فضل يحلف و يجيب في شهود انه شاري الترس من واحد ب 150 جنيه لانه مش موجود في السوق علشان دخلة الصيف ....
الحمد لله المساحات ظبطت

ثانيا ..

العفشة ....
بالمصادفة عرفت راجل محترم اسمه احمد معاه ام11 و الكلام جاب بعضه و قالي علي عفشجي في عين شمس و ان احمد ده كان في ناس قايلنله هيحتاج مساعدين و تظبيط علبة دريكسيون "زي الكلام اللي اتقالي بالظبط" و لما راح للعفشجي ده الموضوع خلص علي جلب و بارات و تياش و بقت تمام
المهم عديت عليه "علي العفشجي" كشف بجد"نزل تحت العربية علي مجرة و هز العربية و الدريكسيون و قدام و را وانا معشق" ... و في الاخر قالي كل اللي محتاجة
الجلب الكبيرة امامي
بارات
تياش ميزان امامي و خلفي
احتمال بيض "هيبان لما يتفك"

قالي المساعدين تمام ...علبة الدريكسيون تمام ...

هكمل معاه للاخر و اديكم نتيجة نهائية ان شاء الله تكون علي خير

**towfeq** · 07-04-2015 10:33 AM

سلام عليكم
ازيكم يا جدعان..ازيك يا هيما
الله يباركلكم فيه مشكله بسيطه كده بقالها اسبوع او اكتر شويه
الصبح بدري لما اجي ادور العربيه احسها بتترج على خفيف كده..و لو الجو برد قوي..تترج جامد شويه لمده نص دقيقه او اقل و بعدين قشطه..و لو العربيه سخنه اصلا او الجو زي اليويمن دول مثلا..مفيش لا رجرجه ولا بتاع..

ايه الاحتمالات بقى..قواعد موتور..لو لو هي..اعمل ايه عشان اتاكد قبل ما اتعامل.
ايه تاني ممكن يكون عمل المشكله..

جزاكم الله خير و ربنا يبعد عنكم و عن عربياتكم الرجرجه و المرجحة و الزغزغه

**hemaa_82** · 09-04-2015 11:57 AM

بسم الله

الحمد لله تم تغيير الاتي
بارات دريكسيون كاملة
بارات ميزان "تيش ميزان"
جلب مقصات كبيرة
تياش ميزان خلفي

و في يوم اخر تم عمل رجلاش علبة الدريكسيون
+ محاولة تغيير جلب شداد خلفي" اللي هوه مقص علوي خلفي او بيسموه مقص هلال"

بس نتيجة عدم توافر الجلب الصح تم تركيب جلب اصغر جنب واحد بس لحين توافر الجلب او المقص ايهما اسرع

المرتين اللي اتعمل فيهم شغل اتعمل معاهم ظبط زوايا ....

الحمد لله العفشة بقت احسن بنسبة 90 % و اللي فاضل بس الشدادات الخلفي و تبقي 100 %

في مشاركة قريبة نوافيكم بالمبالغ

**hemaa_82** · 09-04-2015 12:00 PM

كمان علي جانب الموضوع تم تغيير الاتي

قاعدة موتور "فوق الفتيس"
قاعدة موتور " شداد قنطرة"
ماستر دواسة دبرياج" بيرشح زيت"
قربة مياة دورة مياة

**towfeq** · 14-04-2015 03:00 PM

ايه يا جدعان..هو مفيش حد بيرد ليه..يا هيما الله يسترك يا شيخ شوف الحوار ده..انا كنت بعته قبل كده..

سلام عليكم
ازيكم يا جدعان..ازيك يا هيما
الله يباركلكم فيه مشكله بسيطه كده بقالها اسبوع او اكتر شويه
الصبح بدري لما اجي ادور العربيه احسها بتترج على خفيف كده..و لو الجو برد قوي..تترج جامد شويه لمده نص دقيقه او اقل و بعدين قشطه..و لو العربيه سخنه اصلا او الجو زي اليويمن دول مثلا..مفيش لا رجرجه ولا بتاع..

ايه الاحتمالات بقى..قواعد موتور..لو لو هي..اعمل ايه عشان اتاكد قبل ما اتعامل.
ايه تاني ممكن يكون عمل المشكله..

جزاكم الله خير و ربنا يبعد عنكم و عن عربياتكم الرجرجه و المرجحة و الزغزغه

حاجتين تانيين بالمرة
انا عايز على دخله الصيف اغير القربه و انظف الريداتير و الكلام ده..السؤال بقى..القربه النظيفه منين و هل ممكن القربه الاستيراد افضل من اللي اشتريها من المحل ولا ايه..

حاجة تانيه غربيه جدا بقى..لاحظت اني لما اركن العربيه في مستوي غير افقي و اجي ادور العربيه..مش بتدور علطول..اه والله يا جدعان..
ده يطلع ايه ده يا جدعان..فلتر بنزين مثلا و لا طرمبه ضعيفه ولا ايه

بارك الله فيكم و في دوابكم

**hemaa_82** · 16-04-2015 11:03 AM

بص يا سيدي ....

اولا رجة ازاي يعني ؟؟؟ المتور متلت مثلا ولا المتور مظبوط و بتحس بهزة او ذبذبة في الجسم العربية ؟؟؟

لو قصدك ذبذبة بس و المتو مظبوط يبقي القواعد نشفت او في قاعدة مقطوعة ...
الام 11 و 12 فيها قاعدة فوق الفتيس .. قاعدة تحت قربة المياة .. قاعدة من عند القنطرة ...

لو بتحس ان المتور هوه اللي مشمظبوط يبقي ان اوان السرفسة .... فلتر بنزين و طقم بوجيهات .... وقتها تشوف بقي اي حوار الدوران علي وضع مش مستوي .... متبدأش بالطرمبة و يطلع في الاخر مثلا فلتر البنزين هوه اللي مسدود ....

كل ما هتقول معلومات اكتر هنوصل للحل اسرع ان شاء الله

**hemaa_82** · 16-04-2015 11:15 AM

بالنسبة للقرب .... كله زي بعضه ... احسنها هيقعد سنة و كام شهر .... مش فارقة ...اهم حاجة خلي بالك ان في قرب موجودة اصلي بعلامة شيري مطبب فيها مخرج .... فبدل ما تفضل رايح جاي اتأكد من كل المخارج القربة ....

**towfeq** · 16-04-2015 11:21 AM

سلام عليكم
ازيك يا هيما

بص يا حج..هي مش متلته ولا مربعه..يمكن دلوقتي مش بحس باي حاجة خالص..الفكرة ان في الايام البرد قوي اللي فاتت.لما كنت باجي ادور العربيه..تلاقيها و لمدة 10 ثواني كده بتترج و بعدين تبقى تمام خالص..حاليا مثلا اكمن الجو كويس..بقيت مش بحس خالص بالحوار ده..و يمكن غالبا ده زيت موتور يمكن لان لو مشكله سرفسه كانت المشكله دي هتفضل موجوده ايا كانت حرارة الجو...لكن عموما انا هعمل حوار السرفسه ده عشان ده وقته..العربيه عامله 35 الف دلوقتي ..و بردو هشوف قواعد الموتور احتياطي عشان اطمن.

موضوع انها ساعات مش بتدور علطول..هشوف البطاريه الاول و بعدين هشوف الامور هتمشي ازاي..

المهم دلوقتي بقى: قربه المياه عشان انا كده بقيت رسمي من ملاك الام 11..القربه شرخت على خفيف و عايز انزل الاميريه بكرة اظبط الحوار ده...نصيحتك بقى..قربه استيراد ولا قربه جديدة من عند زكي جرجس..مين الاحسن..و هل ممكن قربه ال 516 تشتغل عادي ولا لازم بتاعتها..عشان بس يبقى فيه قدامي بدائل.

ظبطني انهارده عشان الحق اشوف انا هعمل ايه..تسلم يا كبير

**hemaa_82** · 16-04-2015 03:28 PM

لازم بتاعتها ...مينفعش ال 516
وهات جديد لان الاستيراد ممكن تبقي يادوب و متستحملش ... و كده كده الاصلي بيضرب ... اي الجديد في الاستيراد :)

في ناس ركبت بتاع الانوس بس وقتها مش هتركب حساس المية و مش هتقولك لو المية قلت

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة