النصابون في بيع المستعمل

**kh_talaat** · 09-05-2010 11:47 AM

المشاركة الأصلية كتبت بواسطة smousalim

3- العربية تمام بعد الكشف اشرط على البائع لو هوة جاد انك تدفع نصف المبلغ فقط وتجرب العربية اسبوع واى حاجة تبقى مسؤليتة واظن لو هو حسن النية مش هايمانع ومتستعجلش لأن خلى بالك النصاب دايماً بيلعب على الحتة دية ويعود يقولك العربية جايلها 1000 زبون لو ماخلصتيش دلوقتى انت حر ودة سلاح انصاب ياكل ودانك عشان يلغي عقلك وذغلل عنيك تقوم انت دافع ومخلص.

جزاك الله خير على النصايح ، ولكن اعذرني هذا البند صعب جدا إن لم يكن من المستحيل تحقيقه

**medo_sirion** · 09-05-2010 12:26 PM

طب انا عايز ابيع عربيتى الديهاتسو
من كلامكم بلاش اروح سوق السيارات
طب ابعها ازاى ؟؟؟؟؟؟

**A.Saad** · 09-05-2010 09:34 PM

المشاركة الأصلية كتبت بواسطة medo_sirion

طب انا عايز ابيع عربيتى الديهاتسو
من كلامكم بلاش اروح سوق السيارات
طب ابعها ازاى ؟؟؟؟؟؟

كونتاكت
الوسيط
بس هتبعها ليه يا محمد

قارن تتكلفة صليحها وخسارة بيعها
مع الاخذ فى الاعتبار الحالة الفنية بعد الاصلاح لو الحادث كان شديد

**elhadad** · 17-05-2010 03:18 PM

انا قرات كل المشركات و بصراحة ربنا يرحمنا
وجزاكم الله خيرا على المشركات المفيدة

**amr_haggag** · 18-05-2010 10:09 PM

أنا كنت مذهول وانا بقرأ الموضوع ده من أوله لأخره.
أنا بحمد ربنا ان انا لسه ماشتريتش وبقالي 3 شهور بحث و مش عارف اخد قرار.
بس اللي انا فهمته من الكلام ده ان احسن حاجة ممكن اعملها علشان ميتنصبش عليا اني اروح التوكيل؟؟ صح ولا ايه؟؟

**batistota99** · 19-05-2010 10:45 AM

طب لو روحت التوكيل و كشفت على العربيه كده ابقى فى الامان و الا بارضوا ممكن يضحك عليه

**amr100** · 19-05-2010 11:06 PM

موضوع ممتار وربنا يسترعلى الواحد عند شراء العربية

**riko8888** · 20-05-2010 01:08 AM

اولا نمر العربيه تكون المحافظه اللى انتى ساكن فيها علشان توفر وجع الدماغ ثانيا لو العربيه فى جراج او باركينج مفتوح اسال بيته فين وروح معاه شوف فعلا حد يعرفه والا لا لو الجراج مش جنب سكنه اخلع منه ثالثا خد معاك حد يفهم رابعا لو عجبتك عليك وعلى التوكيل وياريت يبقى التوكيل اللى العربيه كانت بتعمل صيانه فيه علشان العربيه كل حاجه فيها تبقى معروفه خامسا احذر المناصب والاسماء ظابط دكتور فى اسكندريه صيدلى سمسار عربيات اوكتافيا a4 صاحب صيدليه باريس انتى بتشترى على انه صيدلى ودى عربيته واو عربيه العيله وكل شويه ينزل اعلان جديد فى كونتاكت كار ولما اتعرف بدا يغير الاعلانات باسماء ستات بس هو تخصص a4 سوداء واعلاناته موجوده فى كونتاكت كار لغايه دلوقت بيزود 5000 او 10000 على العربيه