سواقة السيدات

**abo_lamar** · 25-10-2009 08:31 PM

المشاركة الأصلية كتبت بواسطة أبـو آســـــر

ده فيديو لعمرو أديب بيتكلم عن الموضوع ده

[youtube]http://www.youtube.com/watch?v=gOa5Std1-rs[/youtube]

والله فيلم جامد جدا ويفطس من الضحك

**abo_lamar** · 25-10-2009 08:39 PM

المشاركة الأصلية كتبت بواسطة m7nsh

يا جماعه المواضيع دى قتلت بحثا وكلاما اكتر من مره و دايما بتخلص بدون اى فائده ,, اللهم الا اثاره العضوات اللى معانا
الكلام الدبلوماسى معروف وبيتقال ,, الغالبيه كذا بس فى منهم كذا و كذا ,, كالعاده يعنى مفيش جديد هيتقال
رجاء الأبتعاد عن مثل هذا المواضيع الحساسه (مع كامل احترامى للعضو الفاضل صاحب الموضوع ) وده بس حقنا للدماء :) احنا مش قدهم يا اخواننا !!

انا ما فتحتش الموضوع ده يا جماعة الا لما بجد شوفت كذا نموذج قدامي في الشارع لسيدات بتسوق العربيات وانا شخصياً حصلي موقفين من سيدتين .. واحدة بتتكلم في الموبايل وطبعا سرحانة والعربية حدفت منها شمال وهي مش واخدة بالها فحكت الرفرف الشمال عندي , وسيدة تانية في اشارة عادية واقفة ورايا وبعدين اتحركنا شوية بسيطة راحت الهانم دايسة بنزين بعزم ما فيها وسابتلي تذكار في الاكصدام ورا وطبعا نزلت اكلمها كأن بكلم نفسي .

**abo_lamar** · 25-10-2009 08:41 PM

المشاركة الأصلية كتبت بواسطة elakawy

.. واحدة بتتكلم في الموبايل وطبعا سرحانة والعربية حدفت منها شمال وهي مش واخدة بالها فحكت الرفرف الشمال عندي

انا أقصد الرفرف اليمين عندي .

**نور القمر** · 25-10-2009 09:04 PM

انا عندي اركب مع بنت ومركبش مع رجل متهور في السواقة

**m7nsh** · 25-10-2009 09:47 PM

استاذى الفاضل ,, انا كمان كان هيحصلى اكثر من حادثتين (خطر) بسبب بنات سايقه برده
بس ربنا بيسترها الحمدلله ,,بس خلاص بقى مش فارقه ست من سواق تاكسى من سواق مكروباص من بتاع ملاكى غشيم برده كل الفئات فيها اللى بيعمل فالواحد بلاوى ,, فالعمليه مش مستاهله نقف ع الحريم للسبب اللى قلته لحضرتك ان ده مش هيعمل حاجه هنا ع الأقل الا ضيق العضوات اللى هنا
وربنا يستر طريقنا جميعا

**Samah AbdAllah** · 25-10-2009 10:04 PM

وكام حادثة بسبب شاب متهور سايق؟؟؟؟؟؟؟؟؟

**zaza_lanos** · 26-10-2009 11:40 AM

مش كلهم انا بقابل سيدات بتسوق بقلب ميت

**Amrrr** · 26-10-2009 12:36 PM

المشاركة الأصلية كتبت بواسطة elakawy

انا ما فتحتش الموضوع ده يا جماعة الا لما بجد شوفت كذا نموذج قدامي في الشارع لسيدات بتسوق العربيات وانا شخصياً حصلي موقفين من سيدتين .. واحدة بتتكلم في الموبايل وطبعا سرحانة والعربية حدفت منها شمال وهي مش واخدة بالها فحكت الرفرف الشمال عندي , وسيدة تانية في اشارة عادية واقفة ورايا وبعدين اتحركنا شوية بسيطة راحت الهانم دايسة بنزين بعزم ما فيها وسابتلي تذكار في الاكصدام ورا وطبعا نزلت اكلمها كأن بكلم نفسي .

حصل معايا بس العكس
هي كانت قدامي واول مالاشارة فتحت راحت راجعة لورا

وكانوا بنتين زي القمر في نوبيرا وشالتلي الفانوسين اللي قدام
موقفك دا حصل معايا بس كان ورايا لاند كروزر ووقفنا في الاشارة خلاص بابص عالراجل في المراية لقيته بيجيب حاجة من عالأرض ومش باين في العربية والعربية بدأت تطلع لقدام ومنظرها مخيف طبعا عالية وديفندر تقريبا بيحارب بيه - كانت عربية جمرك - بس الحمد لله تقريبا فيها سينسور ووقفت على حرف العربية بالظبط

وانا كنت جبت اولاني وهابدأ اتحرك لقيت عربيته وقفت مرة واحدة وهو قام من تحت مخضوض وبيبص مرة واحدة
والموقف اللي في مداخلتي اللي فاتت حصل لي بجد واحدة خبطتني وانا راكن ومشيت ونور الفرامل بتاعها منورشي اساسا ولما جريت وراها وقلتلها انتي خبطتيني قالتلي انت اللي كنت طالع من الركنة من غير ماتبص وخبطتني ومرايتك اتكسرت واخدت جزاءك كمان وانا اساسا كنت راكن وطافي العربية !!! NO COMMENT !!!

ربنا يستر علينا من الغشم بكل انواعهم

**sherifahmed** · 26-10-2009 04:09 PM

حد خد باله ان الستات مش بتاخد بالها من حركات النور اللى كل الرجالة عارفينها
1) لما تكون ماشى و جاى على تقاطع فاتفضل ترعش النور عشان العربية ماتعديش و برضه تلقيها عدت
2) وانت ماشى فى شارع ضلمة و تلاقى واحدة جاى فى وشك و انت تفضل ترعشلها عشان تطفى النور اللى عميك
3) و واحدة ماشيا وراك و ضاربة النور العالى و تطاع ايداك و تفضل تشورلها و لا هى هنا

-

الموضوع: سواقة السيدات

LinkBack

أدوات الموضوع

عرض

-

-

-

-

المواضيع المتشابهه

وما أدراك ما قياده السيدات ...

الفتيات و السيدات ( الحذر )

هل السيدات فى مصر بيعرفوا يسوقوا!؟؟

ما رأيكم فى سواقه السيدات....!!!؟؟؟

ايه رأيك في سواقه السيدات في مصر ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة