اللي بيحب السرعة يتفضل هنا

**Youssef.Awad** · 26-11-2009 09:20 PM

المشاركة الأصلية كتبت بواسطة devilishtigers

عندك حق بس انا بتكلم على الجري بالعقل والاخذ في الاعتبار الناس التي تسير او السيارات الاخرى وشكرا جدا لكلامك اللي فعلا انا بحترمه وكلام صحيح 100 %. لكن انا من مدمني السرعة والسيارات ورغم ذلك عملت حادثة أول امبارح (والحمد لله على كل شيء)

لا حول ولا قوة الا بالله
الحمد لله على سلامتك يارب تكون جت سليمة المرة دى وربنا سترها
أنا معاك إن السواقة والسرعة متعة بس ياريت نعرف نسيطر على أنفسنا
ومع احترامى مفيش حاجة اسمها جرى بعقل وجرى من غير عقل
لأنه ببساطة شديدة ساعة القدر يعمى البصر
وفجأة هتلاقى واحد اترمى فى طريقك ولا عربية طلعتلك فجأة من غير أما تكون واخد بالك
صدقنى والله مش مستاهلة أساسا المخاطرة بنفسك ولا بغيرك حتى لو الطريق فاضى قدامك لأن ممكن جدا عجلة تفرقع لا قدر الله وساعتها لو مايكل شوماخر نفسه اللى سايق العربية مش هايعرف يعمل أى حاجة
الاعتدال حلو وربنا قالنا ولا تلقوا بأيديكم إلى التهلكة
يعنى ما ينفعش خالص أننا نكون عارفين الغلط وبنعمله ومصرين عليه !!!
وبعد أما المقدر والمكتوب يحصل نقول ياريت اللى جرى ما كان
هو حضرتك مش بتقرا جرايد ومتابع كمية حوادث الطرق البشعة اللى بتحصل كل يوم
يا سيدى الفاضل والله طرقنا دى ما تنفعش ببصلة أيا كانت حتى لو كان طريق القطامية ولا الكريمات الجداد
طرقنا غير مطابقة للمواصفات الفنية وأنا لست متخصص
أنا عمرى مثلا ما سمعت عن حوادث سير برة فى اوروبا ولا امريكا لعيب فى الطرق زى عندنا

دايما الحوادث هناك غالبا نتيجة للقيادة فى حالة سُكر ودون وعى
عندك مثلا فى المانيا الطرق السريعة العربيات بتمشى فيها على 250 كم/س عادى جدا
وممكن تجيب أكتر من كده لكن الشركات بتحدد كل سرعة السيارات الكترونيا عند هذه السرعة

ربنا يكفينا ويكفيك شر الطريق

**Dr.SherifMansy** · 27-11-2009 01:52 PM

انا مابحبش اجرى بالعربية كده ، و لكن عن نفسى اقصى حاجة وصلتها بعربيتى كانت الصيف اللى فات على طريق الساحل و كانت 140 و كانت ثابتة و الحمد لله ، و لكن فيه ناس وصلت العربية لأقصى سرعة بجد و آدى شوية كليبات مع تحياتى

[youtube]http://www.youtube.com/watch?v=PRGs5C_PcVQ[/youtube]

دى كانت اوتوماتيك

[youtube]http://www.youtube.com/watch?v=_GrWZJNqaY0&feature=related[/youtube]

و آدى واحدة مانيوال

[youtube]http://www.youtube.com/watch?v=xDtf-vIW5yA&feature=related[/youtube]

و آدى كمان مانيوال

**Dr.SherifMansy** · 27-11-2009 11:25 PM

المشاركة الأصلية كتبت بواسطة devilishtigers

اشكر الدكتور شريف على الكليبات دي بس واضح من الكليبات ان اقصى سرعة 200 او ممكن 210 بطلوع الروح وان التجميع بعد 140 بطيء ولا انا غلطان

شكرا لك يا عزيزى .

مبدئيا انا متفق معاك و مختلف فى نفس الوقت ... ازاى ؟؟؟

لما كذا كليب يتفقوا ان سواء اوتوماتيك او مانيوال و توصل لحوالى 200 و شوية و لما يكون العداد آخره 220 (و كلنا عارفين ان العداد لازم يبقى ازيد من السرعة القصوى علشان يقيس لو العربية فى منحدر مثلا) ، و لما يكون الكتالوج بيقول ان السرعة القصوى حوالى 190 ، يبقى اكيد ال 200 او 210 انجاز يحسب لصالح العربية ، و خصوصا انها تصينفها Mid-Sized Family Car يعنى مش مصممة للجرى او الشد اصلا ... ده رأيى الشخصى و اعتقد ان حضرتك مش هاتختلف معايا و ان حصل مش هايبقى اختلافنا كبير ...

ده أولا ...

ثانيا لو قلنا ان الظروف تبقى احسن زى طريق منحدر فأكيد هايقفل العداد ... صح ولا لأ ؟؟

ثالثا .. لو حضرتك لاحظت الكليبات دى و لو دخلت على اليوتيوب و شفت الباقى هاتلاقى ان العربية بتجيب من 0 - 100 فى حوالى 12 ثانية (الكتالوج بيقول 14 ثانية) و انا اعتبر ده انجاز تاني بالنسبة لعربية زيها .. و بالتالى البطء فى التجميع بعد 140 مايبقاش عيب قوى ... ولا ايه ؟؟؟

اخيرا لو حضرتك لاحظت الكليبات تانى من فضلك هاتلاقى ان كل اللى بيسوقوا كانوا محترمين الخط الأحمر فى ال RPM و اعتقد ان لو حد منهم قرص و زود لفات الموتور و دخلها فى الأحمر كان التجميع بعد 140 ممكن يبقى اسرع و كان اكيد وصل لل 220 ..

ده رأيى الشخصى و اتمنى اعرف رأى حضرتك فى اللى انا قلته.

و تحياتى و كل عام و انتم بخير

**devilishtigers** · 29-11-2009 03:17 PM

المشاركة الأصلية كتبت بواسطة bedo13

اعتقد الكليب المانيوال الاول كان احسن تجميع عشان دخل في الرد زون و بكده اخرها 208 على طريق مستقيم وكده ممتازة

بس المفروض واللي انا اعرفوا ان مش صح انك تدخل منطقة الرد زون

المشاركة الأصلية كتبت بواسطة bedo13

الفيكترا 2008 الكاتلوج بتاعها بيقول اخرها 192 و انا جبت بيها 210 في طريق مستقيم والrpm كان 6 (الرد زون 6.5) ومرة وصلت 215 وبرده مش بتاعت جري واتقل من اللانسر بكتير و 105 حصان فقط

اللي انا اعرفوا ان السرعة المكتوبة في الكتالوج دي اقصى سرعة ممكن تجبها بالعربية مع ضمان تماسك اجزاء السيارة . إنما بعد كدا (انت مع نفسك)

**bedo13** · 29-11-2009 03:25 PM

المفروض العربية تفصل لما تدخل الرد زون لحناية الموتور وده بيحصل في الاوبل والمازدا ماعرفش ايه النظام في اللانسر ماجربتش

**devilishtigers** · 29-11-2009 03:29 PM

مافيش حد شد مع عربيات ولا ايه ....؟؟؟
وامتى حسيت انك جريت بالعربية وعملت بيها اللي ما يتعملش....؟؟؟

**devilishtigers** · 30-11-2009 11:55 AM

مفيش لانسراوي تاني علم على عربية تانية ولا ايه ....؟؟؟؟
دي الكليبات بتاعت الاخ dr.sherif تخلي الواحد مبسوط ومتفائل

الموضوع: اللي بيحب السرعة يتفضل هنا

LinkBack

أدوات الموضوع

عرض

-

-

-

المواضيع المتشابهه

اللي عنده أي سؤال في الإكسيل يتفضل

كل اللي بيحب مجلة ميكي يتفضل معايا :)

انا لقيت كنز..اللي عايز يشاركني يتفضل

يا جماعه اللي بيحب الفئة الثالثه و خصوصاً ال 330 الشكل الجديد يدخل هنا!!!

اللي بيعرف كويس في عده الصوت يتفضل هنا

الكلمات الدلالية لهذا الموضوع

المفضلات

المفضلات

ضوابط المشاركة